الأخبار
أخبار إقليمية
الأصم رئيس مفوضية حزب البشير للانتخابات : المجتمع الدولي رفض دعم الانتخابات
الأصم رئيس مفوضية حزب البشير للانتخابات : المجتمع الدولي رفض دعم الانتخابات
الأصم رئيس مفوضية حزب البشير للانتخابات : المجتمع الدولي رفض دعم الانتخابات


12-10-2014 04:38 PM
الخرطوم: أشرف عبد العزيز ـ بشير أربجي
كشفت المفوضية القومية للانتخابات عن رفض المجتمع الدولي والدول المانحة دعم العملية الانتخابية التي من المزمع إجراؤها في أبريل من العام القادم الا وفق اشتراطات رأت المفوضية القومية للانتخابات أنها غير مختصة بها ولا تستطيع البت فيها سلباً أو إيجاباً لاستقلالية المفوضية القومية للانتخابات ووضعيتها كجهة فنية مستقلة عن الدولة.
وقال البرفوسور مختار الأصم - حينما بدأنا هذه الانتخابات اتصلنا بالدول المانحة التي قالت لنا حتى نساهم ونمول الانتخابات نحتاج لأن نقيم الجو السياسي وهل هو مناسب لانتخابات وهل ستكون شاملة وجامعة وستكون خالية من العيوب وهذا الحديث أتانا من البرنامج الإنمائي للأمم المتحدة وكل الداعمين وأنا التقيتهم حينما كنت نائب رئيس وحينما صرت رئيساً للمفوضية القومية للانتخابات وقلت لهم نحن كجهة فنية للانتخابات لا نقبل أبداً أن يطلبوا منا عونهم في دعوة أناس من خارج السودان بواسطتهم ليقيموا الجو السياسي ويقابلوا منظمات المجتمع المدني ويذهبوا إلى المناطق التي يوجد بها اضطراب وعلى ضوء ذلك التقييم يقرروا الدعم من عدمه، وأكد الأصم أن الانتخابات ستمول بالكامل من وزارة المالية التي التزمت بذلك وأن كل العمليات الفنية للعملية الانتخابية ستتم بالسودان من طباعة الأوراق والسجل وكل ما يتعلق بالانتخابات.

الجريدة


تعليقات 38 | إهداء 0 | زيارات 4339

التعليقات
#1168099 [وادى صاولي]
0.00/5 (0 صوت)

12-12-2014 08:03 AM
والله يااصم انت رجل فاهم لكن ما


#1168056 [alfeel]
0.00/5 (0 صوت)

12-12-2014 04:56 AM
هذا الرجل لا يحترم عقولنا و لا يحترم علمه فقد سبق ان اقترحت ان نسميه "رئيس مفوضية انتخاب البشير" ما رأيكم ؟؟ قال جهة مستقلة قال !!!


#1168013 [ود الكوتش]
0.00/5 (0 صوت)

12-12-2014 02:47 AM
طرار ويتشرط


#1167712 [الحالم]
0.00/5 (0 صوت)

12-11-2014 06:10 PM
اعمي يقود بصيرا قد ضل من كانت العميان تهديه (اصم وابكم واعمى شو استفدنا)


#1167637 [الوطن الجريح]
0.00/5 (0 صوت)

12-11-2014 04:50 PM
ياريت الدولة بدل الأنتخابات التي يعلم الكل بنتيجتها مسبقاً أن تتقي الله في عبادها وتحول مبلغ الأنتخابات لتأهيل مشروع الجزيرة وأعادته لسيرتة الأولي والله لومسكت طفل في الشارع وقلت له من سوف يفوز بالأنتخابات لأعلمك النتيجة ليس لقوة وجماهيرية الحزب الحاكم بل لعملية الخج التي تتم لأن الكل بات مقتنع أن الخج واقع واقع الفي أيدوا القلم مابكتب روح شقي


#1167551 [خرطومي]
0.00/5 (0 صوت)

12-11-2014 01:50 PM
اقتراح للمفوضيه
اتفقوا مع شركات الاتصالات بالبلاد واعملو برنامج (مع الانتخابات)مثلا وخلو الناس تدلي برايها بالصوت والرسائل النصيه


#1167503 [fifestars]
0.00/5 (0 صوت)

12-11-2014 07:20 AM
طلب الفول بـ 9 جنية،،،،والمرض والعلاج،،، والحر والشمس والهجير والرمضاء،،،، والمطر،،،، والشتاء والبرد والصقيع،،،،،، الناس الغلابة،،،،،، وخزنة الدولةبتصرق القروش للانتخابات،،، انتخابات شنو ولمنو ولشنو،،،،،،،،وانتو يا ناس الراكوبة ما دايرن تقبلو كلامى فى 60،،،،،،،،،،،،،،،،


#1167487 [معاويــــــــــــــــــــــــــــــــــــــة]
0.00/5 (0 صوت)

12-11-2014 06:33 AM
الاصم التافه يعرف تماما انو هو بيعمل فى شنو وب خشمو قاله ل اصحابو انو المساله قروشى وبس انا مالى بالغير تفو عليك **** وماعندك اخلاق ..............................


#1167454 [koko]
0.00/5 (0 صوت)

12-11-2014 04:54 AM
اكيد اصم وابكم واطرش الا من اموال السحت


#1167436 [الحقيقة مرة]
5.00/5 (1 صوت)

12-11-2014 04:22 AM
بدل مقاطعة الانتخابات حقو التصويت اكون يعني تكرمو بالسفنجات على كل مواطن ان يشيل سفنجته القديمة ويرميها لهم في الصندوق عشان اخجو بمزاج مع انها برضو خسارة


#1167398 [القعقاع الفي القاع]
4.00/5 (1 صوت)

12-10-2014 10:24 PM
و إنت يدعموك كيف؟؟ ما بتعاين لي نفسك في المرايا؟ ولا ما بتحس لما تلبس هدومك؟؟
ثم تانيا يدعموا الإنتخابات كيف؟ هي دايرة دعم؟ ولا الخج بقى داير خجاجة إلكترونية؟؟


ردود على القعقاع الفي القاع
Saudi Arabia [mohamd] 12-11-2014 04:54 AM
والله انت عزبته الراجل دا ها ها ها دي قويه


#1167397 [ظلال النخيل]
4.75/5 (3 صوت)

12-10-2014 10:23 PM
يا خسارة أستاذيتك , والله اكيد فقدت احترام طلابك وفقدت احترام الشعب السوداني لك وعلمك كله راااااااااااااااح في الهوا بدل ما تفرغ نفسك في تأليف كتاب أو في بحث علمي ينفع الناس جاري ورا مفوضية اللغف والنهب ... يا( بروف) هل تعتقد ان التاريخ السوداني سيخلدك ويقول ان الاصم كان رئيسا لمفوضية الانتخابات وانه سن القوانين التي نقلت الشعب الى الحكم الديمقراطي واجبرت الانقاذ على تسليم السلطة ) كلا مكانك مزبلة التاريخ وسلة القاذورات مع رفاقك الانقاذيين المتأسلمين...
انت كسياسي لماذا لا تعترض على صرف هذه الاموال الضخمة فيما ينفع الناس والعباد بدل صرفها في تزوير ممنهج معد سلفا في دور المؤتمر الوطني الثلاثة في العاصمة المثلثة....


#1167381 [اسفاي!!]
0.00/5 (0 صوت)

12-10-2014 09:47 PM
"" رأت المفوضية القومية للانتخابات أنها غير مختصة بها ولا تستطيع البت فيها سلباً أو إيجاباً لاستقلالية المفوضية القومية للانتخابات ووضعيتها كجهة فنية مستقلة عن الدولة."""



طيب انت وكت دي حدودك ومسؤليتك ماشي تشحد ليه؟
انت مش محايد يادكتور
وانت تعلم علم اليقين ان المسالع لعب وخداع

غايتو بي طريقتك مع ربنا


#1167365 [ال]
0.00/5 (0 صوت)

12-10-2014 09:13 PM
يا ود الأصم نصيحة ليك
البشير فايز فايز ومافى داعى للأنتخابات والهيصه والزمبريطة البتعملو فيها دى
ياخى لعب وليدات ريحنا الله يرحك بلا أنتخابات بلا نيله
وهى وزارة المالية السجم دى وقت عندها حاجة للأنتخابات فى جهات أولى بيها
اها يا اخوى كان وزارة المالية ولا الغيراه ادوك الفلوس دى , الصناديق حتشيلا معاك البيت .
أها المنديل عرفناهـ مال الدم دا جاء من فين


#1167361 [zaroug]
5.00/5 (1 صوت)

12-10-2014 09:06 PM
الاصم داير يقول ليكم الحكومة بتمول انتخاباها براها وزارة المالية حتدفع اوكي دي عملية قومية


#1167353 [murtada eltom]
3.00/5 (2 صوت)

12-10-2014 08:55 PM
warning..anybody who join or vote for this vague elections (is not man


#1167327 [أبوعلي]
5.00/5 (1 صوت)

12-10-2014 08:21 PM
يا بالة القطن: عايزين تخمّوا بالعملة الصعبة
اهتماماتكم مصالحكم الماديّة وليس مصلحة الوطن
قال استاذ جامعي! ربّي يجمعك معنا يوم الغضبة


#1167326 [Hisho]
5.00/5 (1 صوت)

12-10-2014 08:20 PM
كلام ممتاز وزى العسل


#1167320 [أبوقنبور]
3.25/5 (4 صوت)

12-10-2014 08:12 PM
سنقاطع هذه الانتخابات وكل من يشارك في هذه الانتخابات بأي صورة فهو خائن للوطن والشعب.


#1167300 [ود الركابي]
3.75/5 (4 صوت)

12-10-2014 07:36 PM
ماتشوف ابو الجاز يلحقكم بشيك من ماليزيا من فلوسنا . ونحن ماعافنها ليكم . انشاء الله تدخل عليكم بالساحق والماحق والمرض المتلاحق ..


#1167299 [القرص المفترس]
4.00/5 (3 صوت)

12-10-2014 07:35 PM
بلاي شوف دا الناس في شنو وانت في شنو المجتمع الدولي دا انت قايلو حمار زيك منقاد ومستسلم محل ما يودوهو بمشي _ المجتمع الدوالي يدفع للشعوب الدمغراطية وليس الحكومات الدكتاتورية_ بعدين الانتخابات علي شنو ما عارف والله انا مستقرب وشديد كمان من هم الذين سيذهبون الي صناديق الاقتراع سؤال ليك يا حمار
هل سيذهب شعب دارفور والكلو معسكرات
ام سيذهب شعب جبال النوبة
ام النيل الارزق
ولايه الجزيرة تربية الشيوعيين
الذين قتلت ابناءهم
الذين هجرت اسرهم في المناصير كجبار
الذين شردتهم في البحر الاحمر
الذين قتلت اسرهم في الرمضان
انا ماعارف قايتو الانتخابات حتكون كيف ونسبة فوز السفاح كم


#1167282 [أبو مصطفى]
5.00/5 (5 صوت)

12-10-2014 07:13 PM
ي أصم شكلك أصم فعلاً ، قول المجتمع الدولى رفض يدينا قروش علشان نوزعها بيناتنا ولا نسيت الحصل المرة الفاتت ، عالم ما بتختشى


#1167270 [شهنور]
4.50/5 (3 صوت)

12-10-2014 07:01 PM
انت راجل خايب ... الدعم من الضرايب البيدفع شعوبهم لا يمكن ان يجو يكبها كده ساى فى انتخابات مخجوجه قايلينهم زيكم حرميه!!


#1167269 [محي الدين المسبعاتي]
5.00/5 (2 صوت)

12-10-2014 06:56 PM
سٌحت وزقوم وبلاء ازرق يدخل بطونكم وتصرفوها في صحتكم ياقادر ياكريم عامل (كرشك) الكبيرة دي وعاملها تكاله لايديك بالقطع وبالسحق والمحاق بركة من صلى وقال ياالله.


#1167266 [حمزة الشفيع]
5.00/5 (3 صوت)

12-10-2014 06:53 PM
نفس هذه الجهات و غيرها دعمتكم فى الانتخابات السابقة عام 2010 و عارفين النتيجة كانت كيف .. عارفين خج الصناديق و ملئها بالاوراق المزورة , و عارفين وين مشت ملايين الدولارات التى تبرعو بها و فى ياتو جيوب , و إنت واحد من أصحاب الجيوب التى إبتلعت هذه الملايين من الدولارات يا روح أُمك ..
الدول المانحة يا سيادتو عارفة كل صغيرة و كبيرة تحدث فى نظامكم المتهالك بعد ان أصبحت العاصمة الخرطوم مليئة بالجواسيس من كل دول العالم ..
و فى خبر سابق ذكرت المفوضية ان تكلفة الانتخابات القادمة هى 800 مليون جنيه !!
--------------------------------

المفوضية: تكلفة الانتخابات 800 مليون جنيه
الجمعة, 21 نوفمبر 2014 16:36
أعلن رئيس المفوضية القومية للانتخابات بالسودان مختار الأصم، أن تكلفة الانتخابات العامة للعام 2015 تبلغ نحو 800 مليون جنيه، مشيراً إلى تسجيل مليون وسبعمائة ألف ناخب جديد في السجل الانتخابي ليصل عدد الناخبين المسجلين 13 مليون ناخب.

وأكد الأصم لبرنامج "مؤتمر إذاعي" بإذاعة أمدرمان يوم الجمعة، "أنه ولأول مرة يكون هناك سجل دائم للناخبين".

وأشار إلى أن الانتخابات التعددية السابقة التي جرت في (1953- 1956- 1958- 1968- 1986)، كانت بسجل مؤقت مرتبط فقط بزمن الانتخابات المعنية.

وأوضح أن المفوضية تتمتع باستقلال إداري ومالي وسياسي وحيدة وشفافية كاملة، وقال "إن المفوضية نظرت في كل الأساليب التي يمكن أن تؤمن للمتنافسين والمشاركين متابعة نزاهة العملية الانتخابية، ولذلك تم تكوين لجنة من الأحزاب السياسية لترى رأي العين ما تقوم به المفوضية".
وأكد الأصم أن الانتخابات لا يمكن أن تكون عائقاً أمام اتفاق السودانيين حول الحوار الوطني.
---------------------------------------------

يعنى الحكاية كلها لهطى فى لهطى و لعب باموال هذا الشعب الصابر الذى لسان حاله يقول إن شاء الله تدخل عليكم بالساحق و الماحق , دى اموال ناس فقراء جعانين مرضى يحتاجونها ..


#1167261 [sudaniiy]
5.00/5 (2 صوت)

12-10-2014 06:46 PM
خلاص انته اكل
خريف مايو
و خريف الانقاذ
يعنى خريفين ...والمعنى واضح


#1167254 [عكاشة]
5.00/5 (2 صوت)

12-10-2014 06:44 PM
ولا تزعل نفسك ي دكتور الاصم اصغر حرامي في الؤتمر البطني بيدفع ليكم


#1167250 [ملتوف يزيل الكيزان]
4.00/5 (1 صوت)

12-10-2014 06:39 PM
البروف عامل فيها اطرش . انت كل شيء لانك الوحيد العارف اللعبة و يمكن تكون خبير عالمي في تزوير الانتخابات وكده ترفع راسنا في المحافل الدولية.
علي شباب المقاومة اكمال قواعد البيانات و اشراك الشابات في عمل حصر الكيزان وكلاب الامن و احصاء تحركاتهم و مكامنهم.


#1167242 [اقلام رصاص]
5.00/5 (2 صوت)

12-10-2014 06:28 PM
المتملق الذي اخجل اولاده وبناته


#1167234 [ابومحمد]
5.00/5 (2 صوت)

12-10-2014 06:18 PM
يا ناس الظام ومن تبعهم من الفسدة الظالمين اتقوا الله ده مال الشعب تنفقونه في انتخابات مزورة لتاتي بكم مرة اخرى للحكم اتقوا في هذا الشعب المغلوب عى امره والذي يموت فيه الالوف من الجوع والعطش والبرد والمرض وانتم تضعيون وتسلبون امواله وثرواته لتنقونها في نزواتكم السياسية والماجنة اتقوا الله قبل ان ياتي يوم الحساب يوم لاينفع مال ولابنون اقروا التاريخ فاكتوبر ليست بالبعيد والشعب الذي صنعها سياتى بهبة تقضي عليكم ويولد السودان ماردا كما كان


#1167217 [ودابزيد]
5.00/5 (1 صوت)

12-10-2014 06:02 PM
طيب لييييييييييييييييه


#1167215 [عدو الكيزان]
4.75/5 (3 صوت)

12-10-2014 05:59 PM
ونحن كشعب نرفض ونقاطع هذه الانتخابات المحجوجة سلفاً ،، وان شاء الله القروش البتشيلوه من ماليتنا يدخل عليكم ولكل من يتبعكم ويطبل لكم وكل من ينتمي للمؤتمر الواطي بالساحق والماحق والبلاء المتلاحق يارب ياكريم .

يارئيس الغفلة يا اصم انت ليه ما تتأمل في سبب رفض المجتمع الدولي ،، بدل المضي في طريق الضلال أيها الضليل الرخيص ،، جهة أستقلالية ال الحيوان .


#1167180 [فكوووووووووها يا حسين خوجلي]
5.00/5 (2 صوت)

12-10-2014 05:29 PM
لأن يا أصم , الشعب السوداني غير راضي بحاجة اسمها الانتخابات في الاصل , وينها الاحزاب وين السلام وين بقية الشعب السوداني فقط عندك المؤتمر الوطني بس وهذا يريد الغياب التام للاحزاب حتى يأتي بانتخاباتك للحكم مرة أخرى ... يا مختار الأصم والله عيب ولو كان لديكم علم حقيقي كنتم عرفتم أن كل ما تقومون به خطأ يا أصم ما أنتم إلا تلعبون على الذقون


#1167178 [سوادني أصيل]
3.00/5 (3 صوت)

12-10-2014 05:28 PM
ود الحلبية أتتك من حيث لا تحتسب وانشاء الله الجاي تقيل ( يمكرون ويمكر الله والله خير الماكرين )


#1167171 [قال مسلمين قال]
5.00/5 (1 صوت)

12-10-2014 05:22 PM
عارفنها مخجوجة يا رئيس الفتة. و دعمها من ماليتكم يؤكد مدى فسادها فالمالية لا تدفع بسخاء الا للبرامج الفاسدة


#1167165 [برعي]
5.00/5 (3 صوت)

12-10-2014 05:15 PM
عليك الله القروش دي ما تدوها للناس الفقرا البلد مليان بيهم بدل العواره بتاعتكم دي ، انتخابات شنو والناس بتموت من الجوع والمرض والعوز منتشر في كل مدن وقري السودان وكذلك الخرطوم ، بالله عليكم ، دي ما بلد بحكموها مجانيين ، انتخابات لي شنو ما انتو فايزين فايزين ، قروش الانتخابات دي ادوها الناس الغلابا ماامكن تخفف عنكم يوم الحساب ؟؟؟؟؟!؟؟!


ردود على برعي
[حضرس] 12-10-2014 08:05 PM
دا كﻻم شنو يابرعي تخفف عنهم كيف هي القروش بتاعتم


#1167147 [أبو أحمد]
4.19/5 (5 صوت)

12-10-2014 04:58 PM
يعني يا شيخنا الأصم المرة دي تاكلوا بالجنيه السوداني .. ما في زي المرة الفاتت خمسة ملايين بالجرجير الأمريكي الذي يسيل له لعابكم.. برضو ما بطال .. سوداني .. سوداني .. بس نحسب فرق العملة صاح وبحساب دقيق علشان حقنا ما يضيع في فرق العملة.. أيوه خليك صاحي!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة