الأخبار
أخبار إقليمية
على خلفية هجائه للبشير .. جهاز امن البشير يحظر الشاعر ازهري محمد علي من السفر
على خلفية هجائه للبشير .. جهاز امن البشير يحظر الشاعر ازهري محمد علي من السفر
على خلفية هجائه للبشير .. جهاز امن البشير يحظر الشاعر ازهري محمد علي من السفر


12-11-2014 05:42 AM
الراكوبة - الخرطوم حظر جهاز امن البشير الشاعر ازهري ﻣﺤﻤﺪ ﻋﻠﻰ من السفر خارج البلاد، وذلك على خلفية قصدية "ﺧﻤﺴﺔ ﺳﻨﻴﻦ ﻛﻤﺎﻥ ﻟﻲ ﺷﻨﻮ" التي انتقد فيها ترشيح البشير لولاية رئاسية جديدة.

واخطر جهاز امن البشير شاعر "وضاحة" رسميا بانه ممنوع من السفر خارج السودان، وذلك بعد ان قام باستدعائه الى مباني الجهاز امس.

ونشر الشاعر ازهري محمد علي قصيدة "ﺧﻤﺴﺔ ﺳﻨﻴﻦ ﻛﻤﺎﻥ ﻟﻲ ﺷﻨﻮ" بصورته، بعد ان رشح المؤتمر الوطني رئيسه عمر البشير لدورة رئاسية جديدة.

وسبق ان كتب ازهري قصائدة ناقدة لنظام البشير ابرزها "عفوا سيدي الحجاج"، التي يقول مطعلها "عفوا سيدي الحجاج.. كلابك والافاعي الحايمة من روتانا لي امواج.. كاورت البلد بي حالا ما خلت فضل في حاجة لي محتاج.. ولا لقت البيقولها جر"

وادناه نص القصيدة التي مُنع بسببها الشاعر ازهري محمد علي من السفر

ﺧﻤﺴﺔ ﺳﻨﻴﻦ ﻛﻤﺎﻥ ﻟﻲ ﺷﻨﻮ

ﻧﺸﻴﻠﻚ ﻫﻢ ﻋﻠﻰ ﻫﻢ ﺍﻟﻘﺮﺍﻳﺔ ﺍﻣﺪﻕ

ﻭﺩﻱ ﻻ ﺑﺘﺤﻮﻕ ﻭﻻ ﺑﺘﻠﺤﻖ

ﺗﻠﺒﺲ ﻋﻮﺭﺓ ﺍﻟﺒﺎﻃﻞ ﺗﻴﺎﺏ ﺍﻟﺤﻖ

ﻛﻔﺎﻙ ﺃﺭﺣﻞ ﺩﻱ ﺧﻤﺴﺔ

ﻭﻻ ﺑﺘﺴﻮﻱ ﺯﻟﻂ

ﺭﻗﺼﺖ ﻋﻠﻰ ﺍﻟﺨﻤﺎﺳﻲ ﺳﻨﻴﻦ

ﺃﻣﺎﻧﻪ ﻋﻠﻴﻚ ﻛﻢ ﻓﻲ ﺍﻟﺨﻂ

ﺧﻄﺎﻭﻱ ﻋﻠﻰ ﺍﻟﻮﺟﻊ ﻋﺪﻳﺘﺎ

ﻓﻲ ﺍﻟﺴﻜﻪ ﺍﻟﺒﺪﻳﺘﺎ ﻏﻠﻂ

ﺷﻌﺎﺋﺮ ﺍﻗﻤﺘﻬﺎ ﻭﺻﻠﻴﺘﺎ

ﻻ ﻧﺰﻟﺖ ﻋﻠﻴﻚ ﺧﻴﺮﺍﺕ

ﻭﻻ ﺍﺧﻀﺮﺕ ﻣﺸﺎﻋﺮﻙ ﻗﻂ

ﺭﻫﺎﻑ ﻗﺎﻣﻮ ﺍﻟﻮﻻﺩ ﺍﻟﻬﺠﻌﺔ

ﻭﻟﻄﺎﻑ ﻣﺮﻗﻦ ﺑﻨﺎﺕ ﺍﻟﻮﺟﻌﺔ

ﻟﻌﺒﻦ ﺣﺠﻠﺔ ﺟﻤﺐ ﺍﻟﺸﻂ

ﻭﻗﻌﺪﻥ ﻳﺸﺨﺒﻄﻦ ﻓﻲ ﺍﻟﺮﺟﻌﺔ

ﻭﺭﺳﻤﻦ ﻓﻲ ﺍﻟﻐﻤﺎﻡ ﻟﻮﺣﺎﺕ

ﻣﻼﻣﺢ ﻟﻰ ﻭﻃﻦ ﻃﻴﺐ ﻭﻧﻜﺮﺍﻥ ﺫﺍﺕ

ﻭﺑﺖ ﻓﻲ ﺍﻟﻐﻴﻤﺔ ﺑﺘﻤﺸﻂ

ﺑﺮﺍﺣﺎﺕ ﺍﻟﻐﻨﺎ ﺍﻟﻮﺍﺳﻌﺎﺕ

ﻭﻛﺘﺒﻦ ﻓﻲ ﺍﻟﻬﻮﺍ ﻭﺷﻄﺒﻦ

ﺗﻼﺕ ﺗﺴﻌﺎﺕ 999

ﺍﺗﻤﻐﻰ ﺍﻟﺒﺤﺮ ﻓﻲ ﺍﻟﻤﻴﻌﺔ

ﻭﺍﺗﺤﻴﻦ ﺳﺤﺎﺏ ﺍﻟﻌﻴﻨﺔ

ﻓﻲ ﻟﻬﺎﺕ ﺍﻟﺘﺮﺍﺏ ﻧﻘﻂ

ﻣﺮﺍﺑﻲ ﻭﻋﺴﻜﺮﻱ ﻣﻨﻘﻂ

ﻣﻨﻘﻂ ﻭﻣﻦ ﻫﻨﺎ ﻣﻨﻘﻂ

ﻭﻧﺎﻋﻢ ﻭﺍﻟﻜﻼﻡ ﻃﺎﻋﻢ

ﻳﺒﻴﻦ ﺗﺤﺖ ﺍﻟﺘﺒﻦ ﺃﺭﻗﻂ

ﻳﻨﻮﻡ ﻓﻮﻕ ﺍﻟﺠﺮﺡ ﻣﻨﺤﻞ

ﻭﻳﻘﻮﻡ ﺯﻱ ﺍﻟﺤﺒﻦ ﻣﻨﺤﻞ

ﺩﺣﻴﻦ ﻳﺎ ﻭﺭﻃﺔ ﻛﻴﻒ ﺍﻟﺤﻞ

ﻛﻴﻒ ﺍﻟﺤﻞ ﻭﻛﻢ ﻓﻲ ﺍﻟﺨﻂ ؟

ﻣﻔﺨﺦ ﻭﺧﻄﺒﺘﻮ ﺍﻟﻤﻠﻐﻮﻣﺔ

ﺗﺸﻴﻼ ﺗﺼﻠﺤﺎ ﺍﻟﺤﻴﻜﻮﻣﺔ

ﺗﺼﺪﻕ ﻛﻀﺒﺘﺎ ﺍﻟﻤﻮﻫﻮﻣﺔ

ﺗﺰﻳﺪ ﻓﻲ ﻏﻴﻬﺎ ﺍﻟﻤﻨﺤﻂ

ﺗﺰﻳﺪ ﻓﻲ ﻏﻴﻨﺎ ﺍﻟﻤﻨﺤﻂ

ﻏﻴﺒﻮﺑﺔ ﺩﻭﺍﺭ ﺍﻟﺴﻠﻄﺔ

ﻭﺍﻟﻬﻮﺱ ﺍﻟﻌﻠﻴﻨﺎ ﻫﺒﻂ

ﺳﻜﺮﺍﻧﺎ ﺍﻟﻤﻨﺎﺑﺮ ﻃﻴﻨﺔ

ﺳﻜﺮﺍﻧﻪ ﺍﻟﻤﺪﺍﺋﻦ ﻫﺎﻳﺼﺔ

ﻭﺃﺷﺒﺎﺡ ﺍﻟﻘﺮﻯ ﺍﻟﻤﺴﻜﻴﻨﺔ

ﺳﻜﺮﺍﻥ ﺍﻟﺘﺮﺍﺏ ﻭﺍﻟﻤﻮﻳﺔ

ﻭﺍﻟﺴﻬﻠﻪ ﻭﺩﻭﺍﻫﻲ ﺍﻟﻐﺎﺑﺔ

ﻭﺃﺣﺰﺍﺏ ﺍﻟﻬﻮﻯ ﺍﻟﻜﻀﺎﺑﺔ

ﻭﺍﻟﺤﻴﻜﻮﻣﺔ ﻭﻗﻔﺖ ﻟﻂ

ﻭﻗﻒ ﺧﺎﻃﺮ ﺍﻟﺒﻠﺪ ﻣﺠﺮﻭﺡ

ﻭﻗﻔﻨﺎ ﻋﻠﻰ ﺍﻟﺠﺮﺡ ﻏﺎﻓﻠﻴﻦ

ﻧﺤﻦ ﺳﻼﻟﺔ ﺍﻟﻮﺍﻃﺔ ﻭﻭﻻﺩ ﺍﻟﻄﻴﻦ

ﺑﻘﻴﻨﺎ ﻋﻠﻰ ﺧﺸﺎﺵ ﺍﻻﺭﺽ

ﻣﺤﻞ ﻗﺎﻣﺖ ﺻﻼﺓ ﺍﻟﻐﻠﺔ ﻧﺘﻮﺿﻰ

ﻧﺸﻮﻓﻚ ﻓﻲ ﺍﻟﻤﻨﺎﻓﻲ ﺭﻫﺎﺏ

ﺗﻼﻭﻳﺢ ﺍﻳﺪﻙ ﺍﻟﺒﻀﺔ

ﻭﺩﺍﻋﺎ ﻳﺎ ﺣﺒﻴﺐ ﺍﻟﺮﻭﺡ

ﻭﺩﺍﻉ ﻭﺍﻟﺴﺎﻣﺮ ﺍﻧﻔﺾ

ﻣﺮﻗﻨﺎ ﻋﻠﻰ ﻣﺪﺍﺋﻦ ﺍﻟﺘﻴﻪ ﺧﻔﺎﻑ

ﻛﺎﻥ ﻧﺎﺑﺎ ﻛﺎﻥ ﻧﺮﺿﻰ

ﻣﺮﻗﻨﺎ ﻭﺩﻣﻨﺎ ﺍﺗﻔﺮﻕ

ﻭﻟﺪ ﺷﻠﻨﺎﻫﻮ ﻟﻸﻳﺎﻡ

ﻣﺴﻚ ﺷﺎﺭﻉ ﺍﻟﻤﻄﺎﺭ ﺷﺮﻕ

ﻟﻤﺤﻨﺎﻭ ﺯﻱ ﺧﺒﺮ ﻋﺎﺟﻞ

ﻭﺯﻱ ﺭﻓﺔ ﺣﻤﺎﻡ ﺯﺍﺟﻞ

ﻭﻳﺎ ﻣﻨﺴﻠﻲ ﻣﻦ ﺿﻠﻒ

ﺍﻟﻀﻼﻡ ﻓﻲ ﺍﻟﻠﻴﻞ

ﺗﻌﺎﺍﺍﺍﻝ ﺑﺎﻟﺒﺎﺏ ﺃﻛﺎﻥ ﺭﺍﺟﻞ

ﻭﺍﺭﻛﺰ ﻭﺍﻭﻋﻰ ﺗﺪﺭﻕ

ﻣﻦ ﺍﻟﻘﺒﻠﻲ ﺍﻟﺴﺤﺎﺑﻮ ﺭﺑﻂ

ﻣﻦ ﺍﻟﻌﺒﺎﺩﻱ ﻳﻮﻡ ﻳﻨﺼﺮ

ﻓﻲ ﻭﺵ ﺍﻟﺴﻤﺎ ﻭﻳﻨﻤﻂ

ﻭﻛﻢ ﻓﻲ ﺍﻟﺨﻂ

ﻧﺤﻦ ﺑﻨﺤﺐ ﺷﺎﻱ ﺍﻟﺼﺒﺎﺡ

ﺍﻟﺸﻘﻠﺔ ﻭﺍﻟﺪﻳﻢ ﻭﺍﻟﺠﺨﻴﺲ

ﻭﺍﻟﺜﻮﺭﺓ ﻭﺍﻣﺒﺪﺓ ﺍﻟﺴﺒﻴﻞ ﺑﺎﻟﻌﻜﺴﻲ

ﻭﻣﺤﺠﻮﺏ ﺍﻟﺸﺮﻳﻒ

ﺍﻝ ﺑﺎﻟﻤﻜﺎﺭﻡ ﻣﻜﺴﻲ

ﺍﺩﺍﻧﺎ ﺍﻟﻄﺮﻳﻖ ﺍﻟﻤﺎ ﻋﺘﺮ ﻓﻲ ﻳﺨﺴﻲ

ﺍﻧﺖ ﺭﺟﻔﺖ ﻭﺍﺗﺤﺴﺴﺖ

ﻭﺿﻊ ﺍﻟﻜﺮﺳﻲ

ﻭﻧﺤﻦ ﻧﺰﻓﻨﺎ ﻣﻬﺮ ﺍﻟﺜﻮﺭﺓ

ﺑﻴﻦ ﺍﻟﺒﻮﺕ ﻭﺿﻬﺮ ﺍﻟﺒﻮﻛﺴﻲ

ﻧﺤﻦ ﻫﺘﻔﻨﺎ ﻳﺎﺍﺍﺍﺍ ﻟﻴﻞ

ﺍﻟﺴﺠﻮﻥ ﺍﺳﻤﻌﻨﺎ

ﻳﺎﺧﻲ ﺍﺳﻤﻌﻨﺎ

ﻟﻴﻪ ﺍﻳﺶ ﻣﻌﻨﻰ ؟؟

ﻧﺤﻦ ﻣﺮﻗﻨﺎ ﻗﺪﻣﻨﺎ ﺍﻟﺸﻌﻮﺏ ﺍﻟﺤﺮﺓ

ﻓﻲ ﺩﺭﺏ ﺍﻟﻨﻀﺎﻝ ﻭﺭﺟﻌﻨﺎ

ﻭﻧﺤﻦ ﻧﺰﻟﻨﺎ ﻟﻲ ﺍﺧﺮ

ﺩﺭﻙ ﻭﻃﻠﻌﻨﺎ

ﺍﺟﻤﻞ ﻣﻦ ﻣﻼﺋﻜﺔ ﺭﺣﻤﺔ

ﻓﺠﻴﻨﺎ ﺍﻟﻀﻼﻡ ﻭﻟﻌﻨﺎ

ﻗﻠﻨﺎ ﺍﻟﺠﺎﺗﻨﺎ ﻓﻲ ﻭﻟﻴﺪﺍﺗﻨﺎ

ﺟﺎﺗﻨﺎ ﺍﻥ ﺷﺎﺀ ﺍﻟﻠﻪ ﺗﻨﻔﻌﻨﺎ

ﻧﺤﻦ ﺑﻜﻴﻨﺎ ﻳﻮﻡ

ﺑﻴﺖ ﺍﻟﻘﺰﺍﺯ ﺟﺪﻋﻨﺎ

ﻻ ﺍﺩﺗﻨﺎ ﺍﻟﺸﻮﺍﺭﻉ ﻋﻴﻦ

ﻻ ﺻﺎﺑﺖ ﻧﻔﻮﺳﻨﺎ ﺍﻟﻠﻌﻨﺔ

ﻋﻠﻤﻨﺎﻙ ﻋﻨﺎﻕ ﺍﻟﻠﻬﻔﺔ

ﻭﺍﻟﺤﺮﻑ ﺍﻟﺒﺮﺍﻭﺩ ﺍﻟﻤﻌﻨﻰ

ﻋﻠﻤﻨﺎ ﺍﻟﺜﺒﺎﺕ ﻭﺍﻟﻮﻗﻔﺔ

ﻭﻋﻠﻢ ﻧﺼﻠﻚ ﺍﻟﻤﺴﻨﻮﻥ

ﻳﻌﻠﻢ ﻓﺠﺔ ﺍﻟﻄﻌﻨﺔ

ﻭﻛﻢ ﻓﻲ ﺍﻟﺨﻂ

ﻣﺸﻴﻨﺎ ﻋﻠﻰ ﺍﻟﺠﺮﺡ ﺳﻴﺮﺓ

ﻭﻛﻞ ﻣﺎ ﻓﺤﻂ ﺍﻟﺪﻓﺎﺭ

ﺗﻄﻴﺮ ﻣﻦ ﺍﻟﻌﻴﺎﺭ ﻃﻠﻘﺔ

ﻭﺗﻄﺮﻕ ﺣﺴﻬﺎ ﻣﻬﻴﺮﺓ

ﻳﻨﻤﻞ ﺟﻠﺪﻙ ﺍﻟﻤﺪﺑﻮﻍ

ﻋﻠﻰ ﺍﻟﻌﻠﻘﺔ

ﺳﻴﺎﻁ ﺍﻟﻌﺴﻜﺮﻱ ﺍﻟﻄﻴﺮﺓ

ﻭﻧﺤﻦ ﻋﻠﻰ ﺍﻟﺪﻭﺍﻡ ﻧﻐﻔﺮ

ﻧﺴﺎﻣﺢ ﻭﺧﻴﺮﺍ ﻓﻲ ﻏﻴﺮﺍ

ﺳﻤﺎﺣﺎﺕ ﺍﻟﺰﻣﺎﻥ ﺍﻟﻔﺎﺕ

ﺯﻣﺎﻥ ﺍﻟﺪﻧﻴﺎ ﺑﻰ ﺧﻴﺮﺍ

ﺭﺯﺍﺯ ﺍﻟﻮﻧﺴﺔ ﻭﺍﻟﻀﺤﻜﺎﺕ

ﻣﻄﻴﺮﺓ ﺗﺰﻓﻬﺎ ﻣﻄﻴﺮﺓ

ﻋﻠﻰ ﺷﺪﻳﺮﺓ ﺍﻟﻐﻨﺎ ﺍﻟﺤﺘﺖ

ﺧﻼﺱ ﺗﺎﻧﻲ ﺍﻟﻤﻄﺮ ﺷﺎﻟﺖ

ﺧﻼﺱ ﺗﺎﻧﻲ ﺍﻟﻤﻄﺮ ﺧﺘﺖ

ﻭﺑﺮﻛﺔ ﻭﺧﻴﺮ ﻭﺑﺮﻛﺔ ﺃﺧﻴﺮ

ﺑﺮﺍﻙ ﻳﺎﻻﻫﻲ ﺳﻤﻴﺘﺎ

ﺑﺮﺍﻙ ﻓﺘﺤﺘﻬﺎ ﺍﻟﻨﻴﺮﺍﻥ

ﻋﻠﻰ ﺍﻟﻨﺎﺱ ﺍﻟﻄﻠﻊ ﺯﻳﺘﺎ

ﻛﻤﻞ ﺭﺍﻳﺎ ﻭﻓﻠﺖ ﻣﻦ ﺍﻳﺪﺍ

ﺭﺍﺱ ﺧﻴﺘﺎ

ﻋﻠﻰ ﺍﻟﻬﻤﻠﺔ ﻭﻗﻄﻌﺔ ﺍﻟﺮﺍﺱ

ﻭﻗﻊ ﻓﻮﻕ ﺭﺍﺳﺎ ﺭﺍﺱ ﺑﻴﺘﺎ

ﻭﻫﻴﺎ ﺭﻳﺘﺎ ﻟﻮ ﺷﺎﻓﻮﻙ

ﻓﻲ ﺍﻟﻨﺎﻳﺒﺎﺕ ﻣﺸﻤﺮ ﻓﻲ

ﺍﻟﻮﺣﻞ ﺟﻴﺘﺎ

ﻭﺟﻴﺪﺍ ﻳﺎ ﻣﻄﺮ ﺟﻴﺘﺎ

ﻭﺟﻴﺪﻟﻴﻬﺎ ﺍﻟﺒﻼﺩ ﺑﺎﻟﺠﺎﺗﺎ

ﺟﻼﺑﺔ ﺍﻟﺠﻦ ﻭﺍﻟﺠﻨﺎﺩﺏ

ﻭﺍﻟﺠﺮﺍﺩ ﻭﺟﻠﺠﻠﺔ ﺍﻟﺠﻼﻻﺕ

ﻭﺍﻟﺠﻨﻮﺩ ﻭﺍﻟﺠﻨﺠﻮﻳﺪ

ﻧﺒﻜﻲ ﻭﻧﻌﻴﺪ ﻛﻞ ﺍﻟﺴﻤﺎﺣﺎﺕ

ﻛﻞ ﺍﻟﺴﻤﺎﺣﺎﺕ ﺭﻭﺣﺖ

ﺧﻠﺘﻨﺎ ﻟﻰ ﺑﺎﺱ ﺍﻟﺤﺪﻳﺪ

ﻛﻞ ﺍﻟﻤﺼﺎﺋﺐ ﻓﻲ ﺃﻣﺎﻥ

ﻫﻞ ﻣﻦ ﻣﺰﻳﺪ

ﻫﻞ ﻣﻦ ﺑﻮﺍﺩﺭ ﺭﺟﻌﺔ

ﻟﻠﻤﺎﺿﻲ ﺍﻟﺒﻌﻴﺪ ؟؟؟؟؟

ﻫﻞ ﻣﻦ ﻗﺼﺎﺋﺪ ﺃﻭ ﻣﻜﺎﺋﺪ

ﺃﻭ ﻣﺼﺎﺋﺪ ﺗﺎﻧﻲ ﻟﻠﺪﻗﺸﻮ ﺍﻟﺼﻌﻴﺪ

ﻭﻳﺎﺍﺍﺍﺍﺍﺍﺍ ﺑﻠﺪ ﺍﻟﻜﺮﺍﻡ

ﻃﺎﺍﺍﺍﺍﺍﺍﻟﺖ ﻋﻠﻴﻚ ﺍﻟﻜﺮﺳﺔ

ﻭﺍﻟﺠﻮﻙ ﻓﻲ ﺍﻟﻀﻼﻡ

ﺳﺮﻗﻮﺍ ﺍﻟﻤﺒﺎﻫﺞ ﺧﻠﺴﺔ

ﺗﺒﻜﻲ ﻭﺗﺴﺘﻐﻴﺚ ﻻ ﺯﻭﻝ

ﺳﻤﻊ ﻻ ﺣﺴﺎ

ﻧﺘﺎﺡ ﺍﻟﻀﺮﺱ

ﺍﻟﻤﺎ ﺑﺘﺤﻠﻮ ﺍﻟﺠﺮﺳﺔ

ﻳﺪﻳﻚ ﺍﻟﺴﻬﺮ ﻳﻘﻌﺪ ﻳﺘﺎﻭﺭﻙ ﻟﺴﺔ

ﺗﺎﺭﻳﻬﻮ ﺍﻟﻮﺟﻊ ﺑﻴﻦ ﺍﻟﻠﺴﺎﻥ ﻭﺍﻟﻠﺜﺔ

ﻭﺍﻟﺪﺍﻳﺮ ﺍﻟﻘﻠﻊ ﺍﺣﺴﻦ ﺗﻠﺨﻠﺨﻮ ﻫﺴﺔ

ﻗﺒﻞ ﺍﻟﻄﻴﺮ ﺗﻘﻮﻡ

ﻳﺎ ﺍﻟﻤﺎ ﺑﺘﻌﺮﻑ ﺍﻟﺨﺴﺔ

ﻓﻲ ﺍﻟﻄﺎﺑﻮﺭ ﺗﻨﻮﺩ

ﻭﺗﺪﻗﺲ ﺗﻨﻮﻡ ﻓﻲ ﺍﻟﺤﺼﺔ

ﻏﺎﺍﺍﺍﻳﺘﻮ ﻋﻠﻰ ﺍﻟﻌﻤﻮﻡ

ﺧﻠﺴﺖ ﺧﻼﺱ ﺍﻟﻘﺼﺔ

ﻣﺎﺍﺍﺍﺍﺍﺕ ﺑﻄﻞ ﺍﻟﻔﻠﻢ

ﻭﻃﻠﻌﺖ ﺣﺒﻴﺒﺘﻮ ﺍﻟﻠﺼﺔ

ﻭﻃﻠﻌﺖ ﺷﻌﺎﺭﺍﺗﻜﻢ ﻭﻫﻢ

ﻭﻃﻠﻌﺖ ﺣﻜﺎﻳﺎﺗﻜﻢ ﻣﻠﻮﺹ

ﻓﺎﻳﺮﻳﻦ ﺗﻌﻮﺳﻮ ﺑﻼ ﻓﻬﻢ

ﺳﺎﺳﻘﺘﻮ ﺑﻴﻦ ﺳﺎﺳﺎ ﻭﻳﺴﻮﺱ

ﻓﻘﺮﺍ ﻭﻟﺼﻮﺹ

ﺳﺎﻗﻮﻧﺎ ﻟﻰ ﺍﺧﺮ ﺩﺭﻙ

ﻭﺑﺎﻋﻮﻭﻧﺎ ﺑﻰ ﻭﺳﺦ ﺍﻟﻔﻠﻮﺱ

ﻛﻢ ﻣﻦ ﻧﻔﻮﺱ ﺧﺎﻧﺖ ﻧﻔﻮﺱ

ﺑﻴﻨﺎﺗﺎ ﻗﺎﺳﻢ ﻣﺸﺘﺮﻙ

ﺻﻠﺖ ﻋﻠﻰ ﻧﺎﺭ ﺍﻟﻤﺠﻮﺱ

ﺣﺎﻭﻟﻨﺎ ﻧﺘﺤﺎﺷﻰ ﺍﻟﺸﺮﻙ

ﻭﻭﻗﻌﻨﺎ ﻓﻲ ﻓﺦ ﺍﻟﻨﺼﻮﺹ

ﻗﺎﺗﻠﻨﺎ ﻓﻲ ﻏﻴﺮ ﻣﻌﺘﺮﻙ

ﻭﺩﻫﺴﺘﻨﺎ ﻏﺎﺭﺍﺕ ﺍﻟﺒﺴﻮﺱ

ﻭﺃﻣﺎﻧﺔ ﻋﻠﻴﻚ ﻛﻢ ﻓﻲ ﺍﻟﺨﻂ

ﻭﺃﻣﺎﻧﺔ ﻋﻠﻴﻚ ﻳﺎ ﺑﻠﺪ

ﺍﻟﺴﻤﺎﺡ ﺳﺎﻣﺤﻴﻨﻲ

ﻣﺠﺒﻮﺭ ﻣﺮﻗﺘﻚ ﻣﻦ ﺩﻣﺎﻱ

ﻟﻠﻴﻞ ﺑﺤﻬﺠﻬﻚ ﺍﻟﺴﻘﻂ

ﺭﻳﺢ ﺍﻟﻌﻮﺍﺭﺽ ﺗﻠﻔﺤﻚ

ﻭﻣﻦ ﺍﻳﺪﻱ ﺗﻤﺸﻲ ﺳﻘﻂ ﻟﻘﻂ

ﻭﺧﻤﺴﺔ ﺳﻨﻴﻦ ﻛﻤﺎﻥ ﻓﻲ ﺷﻨﻮ ؟؟


تعليقات 29 | إهداء 1 | زيارات 12064

التعليقات
#1168090 [ودعمر]
0.00/5 (0 صوت)

12-12-2014 07:06 AM
التحية لشاعرنا الكبير ازهري
المشكلة التسجيل الموجود ما واضح زي قصيدة الحجاج نرجو من الاستاذ او الاخوة القربيين من الاستاذ تسجيل القصيدة ونشرها علي النت.


#1168029 [ابوعديلة المندهش]
5.00/5 (1 صوت)

12-12-2014 03:57 AM
الشـعراء ضمير الأمة . ستفرج إن شاء الله ولا يصح إلا الصحيح


#1167892 [nagatabuzaid]
4.50/5 (2 صوت)

12-11-2014 09:53 PM
التحية والاحترام والتقدير وكل ماهو جميل الاستاذ ازهرى وكل مناضلى الكلمة نثرا او شعرا والمز يد من النجاض الاستاذ ازهرى يا كريم منعوك من السفر او لم يمنعوك ياكا انت ازهرى محمد على كما ان بوشى ياهو بوشى وشبونة يا هو شبونة ومن رحلوا من الفانية تاركنها لهم ذكراهم خالدة امد الله فى عمرك وكل المناضلين والمناضلات كل باسلوبه المهم ان المخلوقات دى نجضت نجاض وكلمة نجاض اطلقها على احد الجداد مما يدل على انهم نجضوا مننا نجاض لمن قالوا كاااك وااااك الرووب واطلق على والدى اسم زيت يعنى نجضتهم بالزيت ونعم الزيت البتنجض فيه نجاض بس بكل اسف نوع الجداد الانقاذى ردىء عواليق رغم انى استنكر التعذيب بالنار لانه لا يعذب بالنار الا الله ولكنه اختيار ذلك الذى وضع قبل اسمه حرف د كصفة له ولا ادرى هل هى دال ديك ام دلاهة ام دلوكة ام دجاجة ام دب ام دعول ؟؟؟؟ واشباههم من المخلوقات التى يبدا بحرف الدال كثيرة لا تحصى اما دال دكتور ام دال دكتوراه فى عهد الانقاذ فهبطرش منها تطرش
كنت مشغولة باشياء اهم منكم ياديوك دجاج دعولات دلاهات الخ الدالات التى تشبهكم وها انتم بتوقيفكم للاستاذ ازهرى المناضل النجضكم عن السفر تدلون وتبرهنون على انكم اكبر دلاليك جوفاء لا تفقهون لا تفهمون لا تملكون عقلا قصيدة استاذ ازهرى هذه لم اتشرف بالاضطلاع عليها الا الان بعد منعكم له السفر والحركات والسكون بامر الله وان اراد الله له السفر سيسافر معفصا لرؤسكم القرع الفاضية المغسولة دائسا عليها وسيسافر ولوبعد حين واستعدوا انا رجعت للمشاركة فى نجاضكم


#1167853 [abshakir]
3.50/5 (2 صوت)

12-11-2014 09:07 PM
ليت حظي يسمح ويجمعني بيك
فد يوم في ربوع مدنى
كنت ابوسك يا الازهرى
واحكى ليك المدنى والحضري
وتحكي لينا
وتغني لينا غناك الحار وما مكري
لك شكري
اصيل ومك وملك
وياك المحري والدخري
وياك الفلتة والفخري


الله يحفظك من شر هم

يا ريت يا عقد الجلاد تلحنوها وتنشروها


#1167812 [منحنى النيل]
5.00/5 (1 صوت)

12-11-2014 08:15 PM
شعراء ومناضلون


#1167769 [محمد]
5.00/5 (3 صوت)

12-11-2014 07:12 PM
سير.... سير يا البشير

ربطوا لو تقالةً تجر جبل القدير
وقالوا لو سير
كيفن يسير
يا ناس حرام
والله ما يقدر يسير
بالدفرة ما يقدر يسير
بالقطرة ما يقدر يسير
ما دول زمان عملوها فى ود النمير
جروه حالا للمصير
ورموه فى شاية الحمير
ان كان صحيح داير تسير ...
أخلص نواياك للأله
أخلص نواياك للعباد
أخلص نواياك للبلاد
وأسمع كلام زولا بصير
مخلص خبير
لا يهمو جاه
لا يهمو مال
بس همو سودانا الكبير
ان كنت صاح داير تسير
أسمع كلام زولا خبير
يا أخوى أقيف ...
قدامنا بير
أنظر أمامك شن تشوف ؟!
أنظر حواليك شن تشوف ؟!
أنظر تحت ... تحت كتير
تقدر تشوف؟
ما أظن تشوف
ثاروا الغبار
نثروا الضباب
أصبح مدى الرؤيا قصير
جد عسير
يا زول أقيف ..
قدامنا بير
أنظر حواليك شن تشوف ؟
أنظر حواليك مين تشوف ؟
حواليك أصحاب النفاق
الأرتزاق
تحتك أهالينا الغبش
تقدر تراهم؟!
ما أظن تسمع دعاهم
حكاويهم
أمانيهم
غناهم

أم كدادة – بمناسبة زيارة الرئيس عمر البشير للمنطقة


#1167747 [المغبون]
5.00/5 (2 صوت)

12-11-2014 06:50 PM
والله من يوم ماقريت قصيدتو فى الراكوبة عرفت كلاب الامن ما حا يخلوه لانهم كلمة الحق ما بدورها وبيكرهو قائلها لان الحق والباطل ضدان نسأل الله ان يكفيه شرهم وان يخلص البلد منهم ونذكرهم بانها لو د امت لغيرهم ما وصلت اليهم .


#1167738 [المتغرب الأبدي]
5.00/5 (1 صوت)

12-11-2014 06:37 PM
لابد أن تنتشر هذه القصيدة في جميع قروبات الواتساب

http://www.youtube.com/watch?v=QGpBXFqo9UI


ولابد أن يسمعها كل سوداني


ردود على المتغرب الأبدي
Sudan [nagatabuzaid] 12-11-2014 09:17 PM
نعم ومعاها كمان قصيدة سير سير يا البشير التى انزلها محمد فى تعليقه


#1167733 [الهادي بورسودان]
5.00/5 (2 صوت)

12-11-2014 06:34 PM
كنت قبل اسبوع علمت تراك لصوت الرائع أزهري بعد فلترة الضجيج مع كلمات القصيدة حتى تسهل وصول الرسالة لقناعتي في مثل هذه الأهازيج ستسهم في حملة منع التمديد للدكتاتور ت والآن ما منع الرجل من السفر إلا لذلك السبب تجد الفيديو على قناتي الرابط :

http://www.youtube.com/watch?v=RAJTuhrscT8


#1167721 [ربوع السودان]
3.82/5 (5 صوت)

12-11-2014 06:20 PM
يسلم فمك يا مك سليل المك
سرقوها دعش والكوز اصبح جك
كفاية طحن كفاية عذاب كفاية العك
خمس سنين بس ليشنو روح انفك


ردود على ربوع السودان
[سوداني ود بلد اصيل] 12-11-2014 06:47 PM
المك ودالمك قلبو علي السودان الكبيييييييييييير معارض صاحب ضمير مثله مثل كل ابناء السودان الشرفاء الذين ننتظر معهم وبهم تحقيق الحلم الكبير السودان الكبير الواحد ( يكفي النيل ابونا والجنس سوداني ) تسلم ربوع السودان نامل ان تتعلم المعارضة المسلحة المعنى الكبير للســـــــــــــــودان المهمش


#1167700 [مصطفي سعيد]
4.75/5 (6 صوت)

12-11-2014 06:04 PM
عفوا سيدي الحجاج.. كلابك والافاعي الحايمة من روتانا لي امواج.. كاورت البلد بي حالا ما خلت فضل في حاجة لي محتاج.. ولا لقت البيقولها جر


#1167693 [سوداني ود بلد اصيل]
4.00/5 (3 صوت)

12-11-2014 05:55 PM
الاستاذ ازهري محمد علي صاحب حس مرهف وضمير صادق يعارض الموتمر الوطني متمثل في كل الذين ينتمون اليه من جميع قبائل السودان من اجل السودان عامة ولايميل الى القبلية التي اصبحت متزرعة في حملة السلاح اكثر من غيرهم ولو ان ساستهم رفعواء شعارات السودان الوطن الكبير لتوحد الناس حولهم ولكنهم دائما يحصرون الحكومة في قبائل معينة تلك القبائل يوجد بها معارضين صادقين شايلين هم البلد امثال الشاعر ازهري محمد علي وبالمقابل يحصرون انفسهم في قبائل بعينها هذه اللغة اضرت بهم كثيرا والخاسر الوحيد هو الشعب السوداني بجميع قبائلة وابنائه


#1167687 [حرية]
4.75/5 (3 صوت)

12-11-2014 05:50 PM
هكذا النضال بأن تصرخ بما تجيده من أنواع المقاومة سواء شعر ,تمثيلية أو رسم ساخرخ,
نشر مستندات الفساد أو نضال مسلح الخ....


#1167680 [عمر]
4.88/5 (5 صوت)

12-11-2014 05:42 PM
ازهري ياسامق يامجد بلادي ياشفيف ربي اخليك واخلي قلمك

انت والقدال وفضيلي ياخي الله افك كربت بلدنه واعتقنة من النجوس ديل


ردود على عمر
United States [Abu] 12-12-2014 03:17 AM
Ameen.....Ameen........Ameen


#1167679 [مبارك]
5.00/5 (2 صوت)

12-11-2014 05:41 PM
الاستاذ ازهري ، انت اسم على مسمى ، فلو لاك لما بقى للحياة طعم ، حكومة تجار الدين مسخت حياة كل سوداني ، منهم من غادر نهائي الى بلاد بعيدة واخذ جنسيتها وفضل العيش فيها عن بلاد تموت فيها موتا بطيئا ، الحياة فيها لا طعم ولا رائحة . خليك قاعد في السودان اخي ازهري عشان تفرج عن ناس كثيرين قابضين على الجمر وعندما يلاقوا امثالك يتنفسون الصعداء ، فلو كل واحد فينا هرب بجلده فمن ينقذ هذا الشعب من عصابة الدمار التي تحكمت فيه وصار متسولا داخل وطنه وبلده ووسط عشيرته واهله . يجب ان تضحي اخي ازهري عشان هذا الشعب ، صحيح اعلم ان الحياة فيه صعبة للغاية لكن صدقني انك ستسعد عندما ترى ان زرعك ينمو ويكثر ، فاحيانا يسعد الانسان بالنضال والكفاح ويكون اتعس يوم في حياته عندما لا ينجز فيه شئ يربي ذلك النضال . اخي ازهري هل تذكر كم كانت فرحة الناس عندما نجحت ثورة ابريل وانحازت القوات المسلحة للشعب عبر بيان سوار الذهب الشهير الذي قال فيه " لقد ظلت القوات المسلحة خلال الايام الماضية تراقب الموقف الأمني المتردي في انحاء الوطن، وما وصل إليه من أزمة سياسية بالغــــة التعقيد، ان قـــوات الشعب المسلحة حقناً للدماء.... وحفاظاً على استقلال الوطن... ووحدة اراضية قد قررت بالاجماع ...ان تقف الى جانب الشعب واختياره، وان تستجيب الى رغبتــــــه في الاستيلاء على السلطة ونقلها للشعب عبر فترة انتقالية محــددة، وعليه فإن القيادة العامة تطلب من كل المواطنين الشـــرفاء الأحرار ان يتحلوا باليقظة والوعي وان يفوتوا الفرصة على كل من تســــــــول له نفسه اللعب بمقدرات هذه الامة وقوتها وأمنها"
لقد بكيت كثيرا ذلك اليوم فرحا بسقوط نميري وحبا في بزوغ فجر جديد ، لكن الترابي وجماعته لم يتركوا الفرحة تستمر واغتصبوا السلطة كما اغتصبوا نساء تابت واحالوا حياة الشعب الى جحيم .


#1167676 [عبدو]
5.00/5 (3 صوت)

12-11-2014 05:36 PM
ازهري شاعر وطني من طينة الكبار
ما توقف يا بطل .. في انتظار الجديد


#1167670 [زول حريص]
5.00/5 (1 صوت)

12-11-2014 05:28 PM
لك التحية يا خليفة شاعرنا الراحل المقيم حميد .... أحشرهم في زوايا الوطن المتبقية علهم يعوا الدرس وما دروا أن الشاعرية يستفزها الطغيان وستجود بخير شعري زاخر ... وان الفكر لا يحبس والشعر يضاهي بالشعر ندا بندب والغلبة للصادقين... ستشرق شمس الحرية وأن لم يكتب الله لنا الحياة فيها فقد شممنا رائحة رواحلها التي ستصلك يوماما،،،،،،


#1167668 [من الاقاليم]
5.00/5 (1 صوت)

12-11-2014 05:22 PM
يامشرع الحلم الفسيح يابعض منى وفينى ساكن
انا اصلى منك ومشتهيك وبيناتناليل الغربه داكن
هبه هبوبك افتح شبابيك المساكن
وسع دروبك ولع مصابيح الاماكن
يامشرع الحلم الفسيح يومناالنهب اسلبنا خوفنا
كبرنا قدرك مرتين وطول قدر كتفك كتوفنا
يارغبه الرعد البيسكن بين غناوينا وحروفنا
ضوى الدساكروالضفاف عبى الحناجر بالهتاف
سدد مسامات الرعاف نور مغاراتنا وكهوفنا.
ازهرى محمد على يازول يارائع.


#1167664 [جنوبي]
5.00/5 (2 صوت)

12-11-2014 05:18 PM
طيب هم اول ما يجاوبوا علي سؤاله !!
خمسة سنين لشنو ؟!!!!


#1167657 [nasir radi]
5.00/5 (3 صوت)

12-11-2014 05:04 PM
افضل الجهاد قولة حق في وجه سلطان جائر


#1167639 [تاج السرعبداللطيف عثمان]
5.00/5 (2 صوت)

12-11-2014 04:52 PM
القلم الجميل والكلمة الرصينة حفظك الله ياأستاذ أزهرى ومهما يعملو تظل كلماتك ( كاشفة ) ضلال الذين ضلوا وأضلوا وتبعهم المنتفعين الله يحفظك الله يحفظك
الله يحفظك ياأزهرى ورحم الله من سماك أزهرى وأنت بحمدالله لم تخيب ظنه وحفظك الله


#1167618 [زول وطني غيور]
5.00/5 (2 صوت)

12-11-2014 04:32 PM
لك التحية يا أزهري يا مبدع نحن معك تماما ، عليك أن تكتب بإستمرار أصلك ماتخلي الكتابة لأن الكتابة تخيف العصابة .. الكتابة فقط !!


#1167595 [ودالعمدة]
5.00/5 (2 صوت)

12-11-2014 04:10 PM
بارك الله فيك ايها الشاعر ازهري محمد علي لقد كفيت ووفييت ,اشعارك ستكون نبراسا لنا سننشرها في كل الدنياء ومواقع التواصل الاجتماعي ليري العالم طاغوت السودان وصفاته الذميمة هجاء وشعرا ,فك الله اسرك وندعو كل محامي السودان الشرفاء ومنظمة حقوق الانسان بالداخل للوقوف مع الشاعر المعتقل والوصول اليه في سجنه


#1167592 [المتغرب الأبدي]
5.00/5 (3 صوت)

12-11-2014 04:06 PM
جهاز الأمن غباء شديد ..
كدا يادوب القصيدة انتشرت ..


ردود على المتغرب الأبدي
Sudan [nagatabuzaid] 12-11-2014 09:24 PM
اى والله صدقت


#1167588 [Abu]
0.00/5 (0 صوت)

12-11-2014 03:56 PM
نبكي ونعيد كل السماحات
????????????????????


#1167532 [From usa]
4.00/5 (1 صوت)

12-11-2014 10:13 AM
G.R & great job wedalomeda U have to U have to pay the prices of being one of the all time hall of heroes,,, Salam to all family special ( Rammah)..Azeez)...


#1167508 [wad aldosh]
4.25/5 (3 صوت)

12-11-2014 07:49 AM
عفيت منك يا استاز ازهري تسلم لينا ويسلم قلمك يا فارس الفراس انتو ناس الزمن الجميل ( وضاحة يا فجر المشارك غابة الابنوس عيونك ) لك التحية انه الدكتاتور والله نهم جميعهم يحسبون في ايامهم تلاخيره


#1167489 [غيور]
4.00/5 (2 صوت)

12-11-2014 06:35 AM
والله ده يوم وحد لشنو مش خمسة سنين والله ياخي ديل لابيختشو ولابخافوا من الله يوم لشنو؟ّّّ!!!


#1167482 [الفهد المروض]
1.00/5 (1 صوت)

12-11-2014 06:22 AM
ازهرى ماشى وين هو ما ما شى يجيب ورق للمشاهد وشوية حاجات لقناة قوون بتاعت صلاح ادريس هم قايلنوا ماشى يلم كراسى نداء السودان


ردود على الفهد المروض
Saudi Arabia [مقهور] 12-11-2014 10:20 PM
صحيح فهد مروض ومريض

Sudan [nagatabuzaid] 12-11-2014 10:07 PM
قال فهد قال ! ده انت ضبع واخر الزمن الضبع يتكلم عن السبع !!!!! كويس انه مسافر يجيب ورق وانتم بتسافروا تجيبوا كل انواع المخدرات وتزوغوها لكن هو بجيب ورق لجهة معروفة اها عرفت الفرق بين سفر الاستاذ ازهرى وسفركم ؟؟؟؟ وحيسافر

Qatar [A. Rahman] 12-11-2014 09:13 PM
انت يظهر عليك "لبوة" مرفوضة، مش فهد.

Saudi Arabia [وين؟!!] 12-11-2014 06:01 PM
أكييييد بنقدر نعرف الفرق بين (الفهود المراودة) و(الدجاج الالكتروني ) !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة