الأخبار
أخبار إقليمية
رئيس لجنة برلمانية: وزارة المالية جايطة وغير مرتبة
رئيس لجنة برلمانية: وزارة المالية جايطة وغير مرتبة
رئيس لجنة برلمانية: وزارة المالية جايطة وغير مرتبة


12-17-2014 07:56 PM
البرلمان: وجه رئيس اللجنة الاقتصادية بالبرلمان سالم الصافي حجير انتقادات لاذعة لوزارة المالية وقال: " الوزارة جايطة ومترهلة وغير مرتبة وجوطتها تلاقيك من الباب"، وطالب بإعادة هيكلتها فوراً، عبر كفاءات جديدة من جملة الوظائف التي طرحتها وزارة العمل البالغة (225) ألف وظيفة وحذر المالية من فك الاختناق الوظيفي عبر تقسيم الوظائف بينها والتخطيط الاستراتيجي لجهة أن العاملين القدماء لا يؤدون العمل بحجم الكفاءة الجديدة، في وقت فتح حجير النار على وزوارة التجارة الخارجية وحملها مسؤولية ارتفاع الأسعار وقال إنها لم تضع ضوابط للرقابة على السلع، وقال خلال مداولات بيان قطاع التنمية الاقتصادية بالبرلمان أمس: "الأسعار كل يوم في ارتفاع حتى اضطر البرلمان النزول للأسواق"، وقال" والله ثلاثة شهور النوم ما جانا"، وطالب بدمج التجارة الخارجية مع وزارة الاستثمار، ووجه حجير وزارات القطاع بإعداد مصفوفات بالسلع الضرورية ودعا لوقف التصدير قبل الاكتفاء الذاتي وقال: "خلونا نكتفي ذاتياً في الأول"، ودعا حجير الى إنشاء مجمعات لحوم وألبان ومستودعات غاز في الأقاليم.

الجريدة


تعليقات 15 | إهداء 0 | زيارات 2025

التعليقات
#1172554 [ملتوف يزيل الكيزان]
0.00/5 (0 صوت)

12-19-2014 07:32 PM
كل ده معروف: نكرر الحل للمرة الالف: حرب عصابات المدن ، لان العصابات تحارب بالعصابات. قاطعوا الكيزان و كلاب الامن اجتماعيا ، وعلمو باي لون على بيت الكوز او كلب الامن ب حرف "ك" . احرموهم اقامة الحفلات و الاحتفالات. ادخلوا الرعب فيهم و اجعلوا من العاصمة مكان غير امن لهم ولاسرهم واصدقائهم.


#1172324 [adil a omer]
0.00/5 (0 صوت)

12-19-2014 01:18 AM
خلاص رشوا ليهم الحوش وفرشوا الملايات وولعوا حفرة الدخان


#1172068 [زول]
0.00/5 (0 صوت)

12-18-2014 08:08 PM
يا دوب اكتشفت الذرة هو الما جايط شنو في البلد دي والجوطة مقصودة وسياسة دولة ليختلط الحابل بالنابل وتخرب دار ابوك عشان تشيل فيها شليه


#1171785 [المشروع]
0.00/5 (0 صوت)

12-18-2014 03:44 PM
انت يا الصافي ما جيتي في مكانك هذا بسبب الجوطة دي والخج والعج وتأخذ راتبك من الوزارة الجايطة دي ... يا دوب الليلة عرفتها جايطة؟ وما في زول مجوطها غيركم انتو يا الكيزان لأنكم لا تعرفون العمل الا في المياه العكرة


#1171612 [AburishA]
0.00/5 (0 صوت)

12-18-2014 05:43 AM
خلاص زي ما ناس البرلمان شغالين واتساب..ناس المالية شغالين فيس بوك..ومفيش حد احسن من حد..السودان كلو جايط يا حجير...عايز "فرمتة"...


#1171583 [جبة علا الله]
0.00/5 (0 صوت)

12-18-2014 04:43 AM
لو داير تعرف جوطت المالية امشى الساعة 12 شوف فى كم واحدة مارقة عندها ساعة رضاعة وادخل جوة شوف واسمع ونسة الموظفات عند جيرانن فى مكتب واحد


#1171568 [حموري]
0.00/5 (0 صوت)

12-18-2014 04:06 AM
الزول دا ما جاب سيرة التجنيب ليه ؟
عشان خو مجنب و مستفيد من التجنيب
التجنيب في الدول الحرة و الديمقراطية --- بعتبر جريمة كبيرة ؛ تحايل و خيانة امانة و سرقة و فساد اداري .


#1171556 [himmat]
0.00/5 (0 صوت)

12-18-2014 03:44 AM
وحتسرقوا كيف لو وزارة المالية ما بقت جايطة وما مرتبة يا كيزان؟


#1171497 [جركان فاضى]
5.00/5 (1 صوت)

12-18-2014 01:38 AM
سؤال: اذا كانت وزارة المالية توظف اكثر من 3000 محاسب..فكم توظف وزارة المالية الامريكية؟


#1171479 [يوسف كوة عنقد]
5.00/5 (1 صوت)

12-18-2014 01:00 AM
أنت يا سالم الصافي عليك بمواظبة السكوت في هذا المجلس وتمنع الكلام وتأخذ راتبك ومخصصاتك وسرقاتك زيك وزي أي طرطور وعديم ذمة معاك في المجلس حتى يأتيكم الشعب من أمامكم وخلفكم. الكلام فقط للشرفاء الاوفياء أصحاب الذمم النظيفة. وأنت مصدر الجوطة في السودان ومؤسس لها . نسيت جوطة بنك الثروة الحيوانية وشركة مواشينا . نسيت في شركة مواشينا كانوا يسمونك ( ديك العدة ) نسيت اختلاساتك بمواشينا وبنك نيما .
أي جوطة تتحدث عنها وقد مضى على الجوطة 25 عاما. البشير من كثرة الجوطة فقد ركبتيه.


#1171437 [كديس فى السروال]
5.00/5 (1 صوت)

12-18-2014 12:12 AM
الكلام ده ضمن الميزانية الجديدة و البرنامج الخماسى
اخبار البرنامج الاستراتيجى شنو ؟؟؟؟؟؟؟؟؟؟؟؟؟؟؟؟؟؟؟


#1171376 [أبوعلي]
5.00/5 (1 صوت)

12-17-2014 10:00 PM
ياحجير: الله يغطّس حجرك وبرلمانك وكيزانك
البتصرّح بيه دا حاصل ماجديد ولا غريب
تلاتة عقود وهذه الفوضى طافحة وفايحة
يعني ماشفتوها إلاّ بعد أن بان أجلكم؟
كلّكم الايام دي بقيتو طيبين ومنتقدين
سهر الجداد ولا نومو ، أركزوا للجاياكم


#1171370 [البدرنجي]
5.00/5 (2 صوت)

12-17-2014 09:49 PM
انتوا تنوم لشنو..قال ثلاثة شهور النوم ما جانا.. نحن 26سنةالنوم فارق حياتنا..قال الاسعار جاطتت..الحياة يا اهل الانقاذ كلهااصبحت جوطة وفوضى مركب بلا قبطان..مصيرها تغرق..خليكم عوامين..الغرق وصل..لو بقيتو طرور..


#1171361 [أبوالكجص]
5.00/5 (1 صوت)

12-17-2014 09:34 PM
وزارة المالية كيفن مابتجوط مادام بتأخذ الأوامر من أكثر من جهة.الرئيس يأمر بالصرف من ناحية والجاز وجماعتو من ناحية (ماتقولو لي الجاز فات بس هو الآمر الناهي بس لابِد) ونافع وجماعتو من جهة ووالي الخرطوم وجماعتو من ناحية ,عييييييييك. ريِّسين بس يغرقوا مركب خليك من عشرين ريِّس.


#1171338 [keemo]
5.00/5 (1 صوت)

12-17-2014 08:46 PM
ماهى الجوطة دى بفعل فاعل ومرتب ومخطط لها حتى يسهل البلع وتصعب ملاحقته.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة