الأخبار
أخبار إقليمية
حكومة الرقص والطرب ..!!
حكومة الرقص والطرب ..!!
حكومة الرقص والطرب ..!!
الحكومة تفتتح لافتة مرورية


01-04-2015 05:04 AM
عبدالباقي الظافر

قبل أيام وبمناسبة الاستقلال العظيم كان معتمد عطبرة يقص شريط افتتاح معرض (باسطة ) ..أخوه معتمد شندي كان مشغولا في ذات اللحظة بتدشين مركب سياحي ..بقية وزراء الحكومة نهر النيل كانوا يتحلقون حول ميدان خماسيات تم افتتاحه في الدامر بحضور اربع وزراء واحسب ان السيد الوالي منعه الشديد القوي من تغبير أقدامه حول الملعب الصفير.

هنا في الخرطوم الأمر يختلف ..المحترفون أكثر مهارة ..ولاية الخرطوم وجدت إشادة رئاسية من وزير شئون الرئاسة لانها زينت بعض الشوارع المجاورة للقصر الجمهوري..حكومة الخضر تتأهب لافتتاح أكثر من مئتي مشروع ..مصدر مقرب من الوالي اكد ان المشاريع ضعف ذلك ولكنهم وربما مخافة (العين )اكتفوا بهذا العدد..من بين المشروعات التي سيفتتحها رئيس الجمهورية مستشفى احمد قاسم..أرجوكم لا تسألوا كيف سيتم افتتاح المشفى المشيد من سنين عددا و الذي يئن بآلاف المرضى.
ذات حكومة الخرطوم استنت سنة جديدة.. نشرت الحكومة آلاف الإعلانات عن حفلات جماهيرية بمناسبة الاستقلال ..من شدة كثرة الحفلات لم تجد الحكومة العدد الكافي من المطربين فكانت مثلا تعد سكان شرق النيل بفنان شعبي دون ان تذكر اسمه..اغلب الظن ان الولاية لم تكن تعرف حتى ذاك الوقت الفنان الذي سيحيي حفل راس السنة الميلادية.

ربما يحسن الناس الظن في ان الحكومة أرادت ان تقدم عيدية للموطنين..الحقيقة غير ذلك تماماً..الحكومة تظن ان بذلك التكتيك الأمني سيتم حبس الناس في مواقعهم البعيدة تحت إيقاع الدلوكة..بالطبع هنالك شخص مستفيد من كرنفال البهجة..في مثل هذه المناسبات يتم تداول كاش بمبالغ ضخمة..المطربون يأخذون حقوقهم نقدا وكذلك بتاع (الساوند) ..في مثل هذا الوقت من نهاية العام يمنع تداول الأموال النقدية من الناحية المحاسبية.

قل أيام انقضى مهرجان البركل الدولي..طابعة دولي لان الاحتفال شرفه وفد من قطر وآخر من مصر..ذات الوفود التي يممت وجهها شمالا أعادت حزم الأمتعة لحضور مهرجان السياحة والتسوق في ببورتسودان ..من بعدها سيتم افتتاح مهرجان كسلا للسياحة..الخرطوم لم تجد جبلا غير جبل أولياء فأعلنت عن مهرجان جبل أولياء للسياحة.

ليس من السيء الاهتمام بالسياحة..ولكن الاهتمام بهذا الضرب من الصناعة لا يتم بهذه الطريقة الشوفونية..معظم مناطق السياحة لا تتوفر فيها البنيات الأساسية ..آثار البجراوية التي تقع على ضفاف شارع التحدي لا تجد شارعا معبدا يقودك الى هنالك..في بعض المناطق السياحية جداً لا يعرف السائح كيف يقضي حاجته..لا توجد مرافق صحية ..حتى الطعام يقدم بشكل غير سياحي ..هنا واجب الحكومات يشمل تهيئة البنية التحتية.

بصراحة ..الحكومة تهرب من دورها في إشاعة العدل وبناء دولة المؤسسات لتنصرف للرقص والطرب والخم السياسي في موسم الانتخابات .. حقاً صدق الأديب العالمي الطيب صالح حينما قال "انتمي لامة مقهورة.."
التيار).
[email protected]




تعليقات 32 | إهداء 0 | زيارات 8693

التعليقات
#1182027 [ابراهيم عوض]
5.00/5 (1 صوت)

01-05-2015 08:17 AM
اتمني السنة دي ننبذ الخلافات وبلاش عنصرية....
قبل نبذ الحكومة والكلام الفاضي ...
.............اتوحــــــدوا اثابكم الله ...


#1181885 [shan man]
4.00/5 (4 صوت)

01-04-2015 10:16 PM
الأمر كله يعود لمن هو على رأس الدولة
والناس شافته مليارات المرات وهو يرقص و الأدهى و أمر كان بصحبة زوجته الثانية في زواج بنتها و مع بنات في عمر حفيداته (إذا إفترضنا أن له أحفاد) و حقيقة طيلة ال26 سنة لم يقدم للشعب السوداني سوى الضياع و الضلال و الكذب والهلاك
بيننا و بينك الله يا البشير
توليت أمرنا فضيعتنا
ما نحن فيه بلاء يا أهل السوان الطيبين
و ما نزل بلاء إلا بذنب و ما رفع إلا بتوبة
اللهم أحسن خلاصنا
اللهم اجعل ولايتنا في من يخافك فينا
اللهم لا تولي علينا إلا خيارنا
اللهم عليك بكل ظالمٍ و بكل فاسد ٍ و بكل ذي محسوبية و من شايعهم و من تستر عليهم و من عاونهم ولو بكلمة واحدة
اللهم فرق جمعهم و شتت شملهم و اجعل باسهم بينهم شديد
اللهم ارنا فيهم عجائب قدرتك يا قوي يا جبار يا منتقم
اللهم لا إله إلا أنت سبحانك إني كنت من الظالمين


ردود على shan man
[Ehab] 01-05-2015 05:19 AM
اللهم أمين ... ربنا يتقبل دعاءك ويضيع الأنقاذ ومن ساندها بقدر ما اضاعت السودان وشردت أهله ... أمين يا رب العالم .... اللهم اضرب الظالمين بالظالمين من الانقاذيين واخرجنا منهم سالمين .. أمين يا رب العالمين


#1181882 [NjerkissNajrta]
1.00/5 (1 صوت)

01-04-2015 10:09 PM
أقتباس:
ليس من السيء الاهتمام بالسياحة..ولكن الاهتمام بهذا الضرب من الصناعة لا يتم بهذه الطريقة الشوفونية!!!!
ما فهمتها دي لكن والله أعلم أن الكاتب معجب بالكلمة شوفينية و يريد أقحامها باية طريقة اللعنة على المدعيين أمثال الكاتب


#1181878 [Hanabeeroo]
3.00/5 (2 صوت)

01-04-2015 10:05 PM
الطيب صالح قال: "أنتمي إلى أمة مقهورة" قبل أن يقول : "من أين أتى هؤلاء"


#1181808 [محمد مدني]
3.00/5 (2 صوت)

01-04-2015 06:30 PM
مهما قلت في اسيادك فانت كوز في النهايه
وليكم عود في يوم من الايام


#1181806 [عمدة]
3.75/5 (6 صوت)

01-04-2015 06:21 PM
خلو بالكم ياناس الفى الصورة ليست مجرد علامة قف. بل هى قف ،خلف دور، هاجر الى الله واستغفر أو كما قال (أمينهم) الزبير أحمد الحسن.


#1181798 [Rebel]
3.50/5 (2 صوت)

01-04-2015 05:55 PM
* قل الذى قاله الطيب صالح فى "هؤلاء", و إلآ فأصمت يا اخى!!


#1181750 [ودالقرض]
4.25/5 (4 صوت)

01-04-2015 04:16 PM
معليش يا اخوانى لكن الناس ديل لو افتتحوا لينا WCs فى السوق العربى مش كان افضل


#1181696 [المقدوم مسلم]
5.00/5 (1 صوت)

01-04-2015 02:22 PM
فى الاربعينات لم يكن الرئيس عبدالناصر قد استلم الحكم فى مصر ..بعدين مسكنه فى جبل الاولياء يتحول لى متحف عشان (( يعرضو فيهو شنو ؟؟؟؟ )).
السياحة فى ولاية البحرالاحمر مفهومة ..فى البركل برضو مفهومة اثار وتاريخ و كده ..
اما السائح يجى جبل اولياء عشان يشوف شنو.؟؟؟؟؟..جبل اولياء صفر واقل من عادية فى معيار السياحة لا طقس جميل ولا خضرة و يندر او ينعدم فيها الوجه الحسن و كل سكان المنطقة تفوح منهم رائحة الفسيخ المخمر النتن ....ولا زال معظمهم متوحشين اجلاف يقضوا حاجتهم و يتبرزون فى العراء ....فلنكن واقعيين ولا نزيف الواقع مثل (( كيزان الحكومة ))..


ردود على المقدوم مسلم
United States [المقدوم مسلم] 01-04-2015 07:19 PM
يا كوز يا **** يا حقير ..او لنقل (( سعيد البوم )) عمرك شفت زعيم يعملوا ليهو متحف او يخلدوا ذكراه فى دولة اخرى وهو ينتمى للجيش المستعمر ...يبدوا انك غير سودانى يا حقير ياوسخ او تكون احد انتاج اولئك الجنود والعساكر عند حضورهم للسودان برفقة المستعمر الانجليزى الحقير ..

[Saeed] 01-04-2015 06:12 PM
واضح انه كًيزان الحكومة ارفع أخلاقا منك ، علي الأقل لا يتطاولوا ويشتموا أهل مدينه بكاملها. ياجاهل .


#1181625 [القال الروب]
3.00/5 (2 صوت)

01-04-2015 12:26 PM
ياعزيزى ودالظافر العبارة الاشهر التى قالها الطيب صالح ولم تستطيع ان تقولها هى من ايت اتى هؤلاء


#1181607 [عودة ديجانقو]
2.00/5 (3 صوت)

01-04-2015 12:03 PM
عبدالباقى الظافر قال:
صدق الأديب العالمي الطيب صالح حينما قال "انتمي لامة مقهورة.."

وعادل امام فى شاهد ماشافش حاجه قال:
فى المحكمه لما المحامى خليفه خلف كان بتكلم..عادل امام قال للقاضى عمال يقول على الطلاق بالتلاته...القاضى قال ليهو ماقالش يا مفترى.

الطيب صالح ماقالش كده يا مفترى...قولها صاح ولا خليها.
عالم جبانات


#1181576 [عوض رفاعة]
4.00/5 (7 صوت)

01-04-2015 11:23 AM
بصراحة كدة ومن غير زعل ناس شمال السودان اكتر ناس بحبو الرقيص والجبجبة وغيرها من انواع الرقيص. تفتح التلفزيون تلقاهم يجبجبو، في السفارات يجبجبو، في دول الخليج الجاليات ما عندها غير الجبجبة. المغالطني اسع دي يفتح التلفزيون.


ردود على عوض رفاعة
[عنكبة] 01-04-2015 11:04 PM
احححححى انا ياناس الجبجبة الليلة نكرتوها امسك الشمالية من الجيلى للسكوت شوف عدد الفنانات والفنانين الغناء الحديث وقارن بعددهم مع امثالهم من الوسط وعندما اقول الوسط لا اقصد العاصمة وحتى هى شوف اغلب فنانيها من وين جايين بعدين الجبجبة انكرا دى مش احسن من بت الجيران زى الاخت زى ماقالت بنتكم

European Union [ود البلد] 01-04-2015 06:01 PM
اولا 80 % من مغتربي الخليج وتحديدا السعوديه من الجزيره
بعدين افتح اي قناة تلفزيونيه بتلاقي الناس بتعرض وتنطط ديل ناس الشماليه برضو بتاعين دلوكه يادلوكه انت

European Union [أبو عبد الله] 01-04-2015 01:07 PM
الدخل ناس الشمالية ايه ماعارف اتق الله

[ابوعبدالرحمن] 01-04-2015 12:01 PM
رد على عوض رفاعة
طيب لوناس شمال السودان بيجبجبو انتو بتنهنبتو خلي الكلام المافيه فايدة دة الكلام الشرزم ناس السودان العنصرية وكل عمامل فيها هو الافضل


#1181570 [اسفاي!!]
2.50/5 (2 صوت)

01-04-2015 11:19 AM
دا مع حسين خوجلي وعثمان ميرغني
باكات تشتيت اللعب!


#1181565 [سيف الله عمر فرح]
2.50/5 (2 صوت)

01-04-2015 11:10 AM
هل سنرى يومآ يقود فيه الأساتذة ، عبدالباقى الظافر ، ضياء الدين بلال ، محمد عبدالقادر ، عثمان ميرغنى ، حسين خوجلى ، اسحق فضل الله ، عزالدين الهندى ، و ........... ! ، مظاهرة سلمية فى شوارع العاصمة الخرطوم، أستنكارآ لسياسة النظام فى شىء ما !! ..

هؤلاء نراهم يتهكمون فى ضعف المعارضة ، ولا نراهم يشاركون المعارضة فى استنكارهم ونبذهم لسياسات النظام ( ولا نقول الحكومة !).. هل المشاركة السلمية فى المظاهرات ، والخروج من المكاتب الى الشوارع حرام على الصحفيين ؟ ، لماذا لا نراهم يهتفون ضد الظلم والفساد الذى عم القرى والحضر ؟ ، .
لماذا يدغمس بعض الصحفيين فى كتاباتهم، ويترددون فى وقوفهم مع الحق ضد الباضل ، كأن يوزعوا فشل الدولة بين النظام الحاكم والمعارضة بالتساوى !! .


#1181541 [ممغوص من الانقاذ]
3.00/5 (2 صوت)

01-04-2015 10:30 AM
بلد منكوبة في مؤخرتها


#1181539 [كلحية]
3.50/5 (2 صوت)

01-04-2015 10:30 AM
والله قبل فترة وجيزة إستمعت لنفس هذا المنافق الأفاك عبد الباقى الخاسر وليس الظافر ! يقول مادحا البشير ما لم يقله مالك في الخمر ! من أين جاء أمثال هذا عبد الباقى ؟ بل من هم أمثال عبد الباقي هذا ؟ هذا قول الأديب العبقري الراحل الطيب صالح عليه الرحمة الذي صعب عليك قوله !


#1181528 [ناقش علي ناقش]
3.00/5 (2 صوت)

01-04-2015 10:16 AM
الصحيح أن تقول ( ليس بهذه الطريقة الإ ستعراضية ) فالشيفونية مصطلح شيوعى يعنى أدعاء الأختلاف والتميز عن الأخرين لأختلافك فى الدين أو القومية أو الجنس او اللون وليس الإستعراض بالمظهر الكاذب كما يفهم الكثيرون أو بمعنى أدق العنصرية .. وكما ورد في مقال الكاتب !


ردود على ناقش علي ناقش
United States [سوداني] 01-04-2015 03:21 PM
بارك الله فيك الاخ ناقش كما قلت الشوفينية (بالإنجليزية: chauvinism) هي المغالاة في التعصب. ...مهما كان نوع التعصب كالتعصب للون او الجنس او الوطن وكل انواع المغالاه في التعصب لكن فقط اختلف معك في انها ليست كلمة شيوعية فالفكر الشيوعي ليست لديه لغته الخاصة او مصطلحات جاء بها ماركس وإلا لاحذ الناس في دراسة اللغة الشيوعية ان وجدت أصلا كما يدرسون الانجليزية والعربية والفرنسية والروسية وغيرها من اللغات وهذا فقط للتوضيح ولك العتبي حتي ترضي

European Union [متعوداديمن] 01-04-2015 02:59 PM
بل تعني التعصب ؟؟؟ اسأل عمك قوقل أو ويكيبيديا عن الشوفانيزم


#1181515 [خالد حسن]
5.00/5 (4 صوت)

01-04-2015 09:57 AM
الراحل الطيب صالح قال ( من اين آتي هؤلاء) وكان قاصدكم انتو ياكيزان
وبالدارحي كده الكرور ده جانا من وين .. ياكرور انت


#1181500 [ود فحل]
4.00/5 (2 صوت)

01-04-2015 09:33 AM
يا جماعة دي إشارة استوب , والله الحجر الأسود كلهم واضعين إيديهم عليها ... ده شنو ده ,,,, وإين الإنجاز والإبداع في ذلك


#1181498 [كرم]
4.50/5 (2 صوت)

01-04-2015 09:32 AM
الجماعة بقوا يتملصوا !!


#1181483 [Sarah]
3.75/5 (6 صوت)

01-04-2015 09:04 AM
اختشي يا الظافر ..ومن الذي قهر الأمة غيركم ؟؟؟؟؟


#1181453 [المتغرب الأبدي]
5.00/5 (1 صوت)

01-04-2015 08:35 AM
أحسنت وأجدت .. وصدقت عندما قلت :

.الحكومة تهرب من دورها في إشاعة العدل وبناء دولة المؤسسات لتنصرف للرقص والطرب والخم السياسي في موسم الانتخابات .. حقاً صدق الأديب العالمي الطيب صالح حينما قال "انتمي لامة مقهورة.."


#1181408 [مدحت عروة]
3.00/5 (4 صوت)

01-04-2015 07:59 AM
قارن بين احتفالات الانقاذ بالاستقلال واحتفالات دبى براس السنة من برج خليفة وبرضه قارن كيف كانت دبى وكيف كان السودان فى الاول من يناير عام 1956 والآن ؟؟؟؟؟؟
الف مليون تفوووووووووووووووووووووووووووووو على اى انقلاب مسلح حصل فى السودان عسكرى او عقائدى!!!!!!!!!!!!


#1181404 [سراجا الدين الفكى]
4.00/5 (1 صوت)

01-04-2015 07:53 AM
بس............ اديهم الشغلة الفارقة. وزى ماقلت طرب ورقيص وخربانة من كبارة.


ردود على سراجا الدين الفكى
European Union [سراجا الدين الفكى] 01-04-2015 10:10 AM
دى تذكر تواجد البشير فى مصر فى معية الرئيس السابق مبارك, عندما اطال البشير فى خطابة, وزهج مبارك من الاطالة وكلو كلام فارغ.
هنا امر مبارك احد القادة العسكريين وقال لة " والنبى تروح تشوف الجماعة بتوعين الموسيقى, عشان يداوا للراجل دة يراص ويروح"


#1181364 [Machut مشوت]
2.32/5 (5 صوت)

01-04-2015 06:54 AM
والله صورة اليافطة دى ضجكتنى واغضبتنى فى نفس الوقت لمن دمعتنى ......... اليافطة الفى الصورة دى بركبوها نفرين سائقين عربية مكتوبة فيها ...حكومة محلية فى البلد الانا فيها ..... لا احتفال لا يحزنون


#1181356 [ashafokhalp]
3.00/5 (2 صوت)

01-04-2015 06:45 AM
وبلا خجله دعا البشير المعارضه للحتفال بعيد الاستغلال:
انظر الي الدعوه:
((انتم ايها العملاء والخونة والمرتزقة متعاونين مع جهاز المخابرات الأميركي "سي آي أيه" وجهاز المخابرات الإسرائيلي "الموساد"، والتي ساعدتكم بصياغت "إعلان باريس" و"نداء السودان" و"الفجر الجديد " وبالرغم من دا كلوا انا ادعوكم للحفل المقام بمناسبه عيد الاستقلال المجيد – اتفضلو يا عملا يا خونه يا مرتزقه!!))


#1181355 [ابوالمكارم]
3.00/5 (3 صوت)

01-04-2015 06:41 AM
يا اخى الطيب قال اقوى وافصح من ذلك. لا تجرأ ان تقوله لانك انت كنت من ضمن من قال عنهم طيب الذكر الطيب صالح قال (من اين اتى هؤلاء ) ابلغ مما ذكرت


#1181352 [كمال ابوالقاسم محمد]
5.00/5 (1 صوت)

01-04-2015 06:36 AM
.


#1181344 [Ehab]
3.00/5 (4 صوت)

01-04-2015 06:24 AM
يا زول ألمقوله التي اشتهر بها الطيب صالح هي - من أين أتيتم ؟؟؟ ... بعدين ما هو الجديد في كلامك؟؟؟ بدل أن تكملنا نحن أمشي كلمي ناسك ... السودان كلو نبح من 89 انتو سكتكم الماشينها دي كلها غلط في غلط .. لكن لا حياة لمن تنادي ... أوردتم السودان مورد التهلكه ... وانتهي الدرس ....


#1181342 [المقدوم مسلم]
4.00/5 (1 صوت)

01-04-2015 06:21 AM
مهرجان جبل الاولياء للسياحة !!!!
يمكن يعرضوا فيه انواع الفسيخ المختلفة ..ا


ردود على المقدوم مسلم
United States [المقدوم مسلم] 01-04-2015 07:19 PM
يا كوز يا **** يا حقير ..او لنقل (( سعيد البوم )) عمرك شفت زعيم يعملوا ليهو متحف او يخلدوا ذكراه فى دولة اخرى وهو ينتمى للجيش المستعمر ...يبدوا انك غير سودانى يا حقير ياوسخ او تكون احد انتاج اولئك الجنود والعساكر عند حضورهم للسودان برفقة المستعمر الانجليزى الحقير ..

[Saeed] 01-04-2015 06:34 PM
ياغبي عبد الناصر وعبد الحكيم عامر كانا ملتحقان بالجيش المصري في معسكر جبل أولياء في بداية الأربعينات وحينما زار السودان في عام 1970 زار جبل اولياء

والتقي أصدقاءه من السودانيين ، ثم انه يا متخلف جبل أولياء شهدت أسباب الحضاره منذ العشرينات وقبل معظم عواصم الولايات. كالتعليم والكهرباء والمياه النقيه

الخضرة وتنسيق ألحداءق على ايدي عشرات المهندسين المتفرغين ،وبعدين ىابليد في كل العالم تحول مساكن الزعماء الي متاحف يعرض فيها متعلقاتهم الشخصيه

وكتب وأفلام تسجيليه ، وبعدين ماعايز أجاريك واشتم المستنقع. ومكب النفايات الذي انبعثت منه .

European Union [Amin] 01-04-2015 02:07 PM
(و من بينها مسكن الزعيم جمال عبد الناصر فى بداية الاربعينات والذى يمكن ان يتحول الى متحف يستقطب الزوار ).


ثورة يوليو 1952 اتت بمحمد نجيب ومن ثم عبدالناصر

United States [المقدوم مسلم] 01-04-2015 01:58 PM
فى الاربعينات لم يكن الرئيس عبدالناصر قد استلم الحكم فى مصر يا سعيد (( الشاطر ))..بعدين مسكنه فى جبل الاولياء يتحول لى متحف عشان (( يعرضو فيهو شنو ؟؟؟؟ )).
السياحة فى ولاية البحرالاحمر مفهومة ..فى البركل برضو مفهومة اثار وتاريخ و كده ..
اما السائح يجى جبل اولياء عشان يشوف شنو.؟؟؟؟؟..جبل اولياء زيرو واقل من عادية فى معيار السياحة لا طقس جميل ولا خضرة و يندر او ينعدم فيها الوجه الحسن و كل سكان المنطقة تفوح منهم رائحة الفسيخ المخمر النتن ....ولا زال معظم سكانها متوحشين اجلاف يقضوا حاجتهم و يتبرزون فى العراء ....فلنكن واقعيين ولا نزيف الواقع مثل (( كيزان الحكومة ))..

[saeed] 01-04-2015 09:28 AM
جبل اولياء اجمل بقعة سياحية فى العاصمة وظلت منذ عام 1933 الوجهة السياحية المفضلة

لرحلات المدارس والجامعات والافراد بمختلف جنسياتهم , تتوفر فيها المناظر الطبيعية

والاستراحات ومشهد الخزان وغيرها من امكانيات واعدة لم تستغل و من بينها مسكن الزعيم

جمال عبد الناصر فى بداية الاربعينات والذى يمكن ان يتحول الى متحف يستقطب الزوار .

وبالطبع ممارسة هواية صيد الاسماك يابتاع الفسيخ انت .


#1181340 [احمد ابو القاسم]
3.50/5 (3 صوت)

01-04-2015 06:20 AM
حقاً صدق الأديب العالمي الطيب صالح حينما قال "انتمي لامة مقهورة..

وقال برضو ياعبد الباقي الظافر : من اين اتي هؤلاء مالك ناسي دى ؟


#1181337 [sudani]
4.00/5 (2 صوت)

01-04-2015 06:04 AM
والله يا عبدالباقي ما شاء الله عليك بقيت حقاني


ردود على sudani
[عبد الهادى مطر] 01-04-2015 10:03 AM
ياراجل لا حقانى ولا حيكون!!!! لو كان حقانى كما اعتقدت لقال قولة الطيب صالح المشهورة: من أين أتى هؤلاء؟!!!!!!!

Russian Federation [محمود ود احمد] 01-04-2015 09:38 AM
الخازوق يكون ركنوه فى دكة الإحتياط عشان كده قام ينفض فى ريشو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.50/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة