الأخبار
أخبار إقليمية
حركة غازي تؤكد انسلاخ صلاح الدين كرار
حركة غازي تؤكد انسلاخ صلاح الدين كرار


01-09-2015 01:10 PM
الخرطوم: سعاد الخضر
أكد حزب الإصلاح الآن انسلاخ عضو مجلس ثورة الإنقاذ صلاح الدين كرار الذي أعلن عودته للمؤتمر الوطني الحاكم، وقال الحزب في بيان له إن مكتبه السياسي اجتمع أمس الخميس وتداول قضية عودة عضو مجلس شوراه صلاح الدين كرار لحزب المؤتمر الوطني، وخلص الاجتماع الى احترام الإصلاح الآن لخياره وفق المبادئ التي يدعو لها من بسط للحريات العامة والخاصة، وأضاف البيان: كما دخل صلاح الدين كرار بمحض إرادته خرج كذلك ونتمنى أن يسعى للإصلاح في أي مكان يختاره وفق قناعته المعلنة لبسط الحريات ومحاربة الفساد وإصلاح الاعوجاج ورفع المعاناة عن كاهل الجماهير..
ومن جهة أخرى أكدت مصادر بعودة رئيس حزب الإصلاح الدكتور غازي صلاح الدين اليوم إلى الخرطوم بعد أن وقع اتفاق تفاهم مع الصادق المهدي بالقاهرة.

الجريدة


تعليقات 30 | إهداء 0 | زيارات 5025

التعليقات
#1185165 [murtada eltom]
0.00/5 (0 صوت)

01-10-2015 06:36 PM
Salah Dollar,, is the one suspected of killing magdy and others,he is trying to free himsef from the crime ,, only court and group of lawyers to access the whole case,,if found guilty should abide the rule ,,if not,guilty ,,then he is free to say anything


#1184875 [canaria]
4.25/5 (3 صوت)

01-10-2015 09:42 AM
والله يا كرار بقيت زي بكري المدينة


#1184815 [aldufar]
1.00/5 (1 صوت)

01-10-2015 08:27 AM
ماهو الحل يا شعبي الفضل ؟


#1184670 [معاويــــــــــــــــــــــــــــــــــــــــــــة]
0.00/5 (0 صوت)

01-09-2015 11:04 PM
العرجه ل مراحه يا صلاح كرار انت والله دولار ما عارف المهم انت عارف مال الحرام ماب يقعد فى الجيوب بكون زى اللبن الفاير الا يدفق ويكمل بره منك هسع اول ما شعرت بانها مشت ل ورا جيت جارى راجع للبقره الحلوب دى لكن للاسف ان غرزت ونشف الضرع تلعب غيره تانى وشكلك بتبحث عن سفاره تكون فى دول الخليج عشان تلهف ما تخلى ضريبه ل ورا وبيتوك الامنتها ديك واجرتها للمنظمات الدوليه كيف برضو مال حرام وحق الناس كناس يازول هاى وبعدين ماتنسى انو مجدى محمد احمد واركانجلو وجرجس دمهم معلق ليك فى رقبتك انت براك لانك انت الامر بقتلهم يا جبان لكن ليك يوم واليوم دنى ان شاء الله


ردود على معاويــــــــــــــــــــــــــــــــــــــــــــة
European Union [بلد يقودها مجرم بمعاونه مجرميين] 01-10-2015 08:37 AM
في رواية بتقول ضحي بجرجس ليستفرد بزوجته الحسناء..


#1184650 [jimi]
0.00/5 (0 صوت)

01-09-2015 09:33 PM
انسلخ
انجلخ
انملخ
انبطح
ما بهمنا في شيئ
كرار والاصلاح ما بهمونا في شيئ
خليكم جادين وما تعملو للهلافيت ديل قيمة


#1184644 [الفهد المروض]
1.00/5 (1 صوت)

01-09-2015 09:13 PM
يعنى غازى يجى من الخارج يلقى صلاح كبة الزوقة لانو ما ساقو معاه لمقابلة المهدى وبعدين شنو كرار طلع ولا مرق كان ملاء الجرايد بانتقادات للسلطة وعندما ردوا عليخ المواطنين بانه كان سبب ارتفاع الاسعار وتدنى الجنيه صمت حتى ظهرت حركة غازى وعندما قاطعت الانتخابات خرج منها عشان يحصل الخج بتاع دائرة ابو حمد


#1184639 [الوالي صلاح دولار]
1.00/5 (1 صوت)

01-09-2015 08:53 PM
هناك اشاعة تقول ان صلاح دولار. وعده الرئيس بتعينه والي بعد ان تاكد ابعاد الهادي عبدالله ... وبعد ان تاكد انه لن يفوز في دائرته ولو صوت له جميع اهل الدائرة ...نسبة للخج... ولكن هل هناك عاقل يثق في وعود عمر الكذاب


#1184632 [بشارة]
0.00/5 (0 صوت)

01-09-2015 08:26 PM
خيرآ فعل كرار اذ سهل جمع البيض الفاسد في سلة واحدة كي تسهل ازالتها بمزبلة التاريخ


#1184606 [العبيدى]
5.00/5 (1 صوت)

01-09-2015 07:20 PM
صلاح كرار ما اكبر انتهازى معروف، ويعنى شنو انسلخ ولا اتظلط، كلكم افأكون ومنافقون
ومستجدى نعمة وطلاب سلطة.
اللقاء التلفزيونى مع هذا الأفاك يشهد عندما انتقد هجره ورميته كالكلب ودلوقت
رجع ذليلاً يتوسل ... لعنة الله عليكم جميعاً بمختلف تسمياتكم يا زنادقة الاسلام.
نسأل الله ان يشتت شملكم ويجعل بأسكم بينكم شديد.


#1184604 [babo]
0.00/5 (0 صوت)

01-09-2015 07:16 PM
مصلحجي بس أهم شيء عنده المال لا عنده مبدأ ولا تاريخ وهذا الشخص سيتم اغتياله لاحقا بتدبير حادث مروري كما فعل بمجذوب الخليفة


#1184601 [حميده]
1.00/5 (1 صوت)

01-09-2015 07:07 PM
بعد ان اعتاد (الإنقاذيون) العيش الرغيد والسيارات والحريمات الاربع
اصبحوا لايطيقون عيشة الغبش و الرعاع
هذا هو حال كرار عاد لمؤتمره الذي قال فيه الكثير ..
ماذا اعطته الاصلاح وصلاح ؟؟ الناس دي بتقيسه كدا .. العالم دي لوكانت عايزة تصلّح البلد كان ده حاله .

لاتنتظروا من هؤلاء خيراً .


#1184591 [عصمتووف]
1.00/5 (1 صوت)

01-09-2015 06:30 PM
متظرين جماعة الاصلاح من صلاح الاصلاح وخاب ظنهم اللاصلاح اطلق ساقية لريح المولد النيابي مبادئ ايه ومثل ايه واخلاق ايه العمل المهن الجديده الماشه علي اربع ارجل و صاحبة الدخل المضمون حاليا بعد بيع الشاي والطعام مابالكم ب الدخل الاعلي دخل الدين السياسي والسياسة لو كنت يوما عضوا ف اي حزب ولم يرضي طموحاتي وبعيد عن مبادئ اعتزل العمل والزم بيتي واسجل مذكراتي ف كلكم بلا مبادئ وقيم ودين تبا لكم ي تعساء


#1184587 [الشايقي]
3.00/5 (2 صوت)

01-09-2015 06:25 PM
صلاح دولار يتسول وظيفة من اسياده في موسم التوزير


ردود على الشايقي
Russian Federation [المشروع] 01-10-2015 06:52 AM
احسن تعليق:
والله بالغت يا الشايقي الراجل اكيد عايز يرجع البحرين ويكون قريب من بنك الخليج وماليزيا ودبي ... بلد الشمار والكي ..

1-
خيرآ فعل كرار اذ سهل جمع البيض الفاسد في سلة واحدة كي تسهل ازالتها بمزبلة التاريخ (بشارة)
2-
منو دي......أنا دي......بري بري بري.....شديد يا ولد.... بت كرار ديمة بتلعب صالح ورقها (ست الدوكة).
3-
هكذا قال عليهم د. جون قرنق :« إنهم مشوّهون إلي حدٍ يصعب معه إصلاحهم»
(النجار)
4-
والله دم مجدى وجرجس واركانجلو سيلاحقك حيا وميتا يا انتهازى يا مصلحجى حريقة فيك وفى الرقاص الجابك رئيس لجنة اقتصادية (صالة المغادرة)
5-
الجبان جبان ... الزويل خايف من الملفات القديمة السابقة .... داير حماية(الكوارتي)
6-
فلس شويه...الرصيد الدولار فى ماليزيا نقص،،،وحسبها صح،،(صحيح يا تاتا التاجر لما يفلس يرجع للدفاتر القديمة)


#1184585 [م. النجار]
1.00/5 (1 صوت)

01-09-2015 06:10 PM
هكذا قال عليهم د. جون قرنق :
« إنهــــــم مشوّهـــــون إلي حــــدٍ يصــــعب معــــــه إصلاحهـــــم»


#1184581 [خالد حسن]
3.00/5 (2 صوت)

01-09-2015 06:04 PM
انتو كلكم ثلاثه انشق منكم واحد فضلتوا اتنين .. يلا فضوها سيره ومتوجعوا راسنا بانكم حزب وعنده عضويه
الجنين البتولد ميت مهما عملت ماحاتبعث فيه الحياة
والاصلاح ولد ميت لانه خرج من رحم مسرطن بالفساد .. والناس ماعندها قنابير عشان يدعي من شارك في انقلاب الانقاذ وتوابعه بعد اربع وعشرين سنه ويدعي انه موسي
وعاوز يصلح .. اول خطوة للاصلاح الاعتراف بالاخطاء والجرايم ثم المحاسبه عليها وتعويض المتضررين عنها .. بعد داك ممكن تتدعو انكم مصلحين


#1184579 [ست الدوكة]
3.50/5 (3 صوت)

01-09-2015 05:57 PM
منو دي......أنا دي......بري بري بري.....شديد يا ولد.... بت كرار ديمة بتلعب صالح ورقها


#1184572 [صالة المغادرة]
5.00/5 (1 صوت)

01-09-2015 05:40 PM
والله دم مجدى وجرجس واركانجلو سيلاحقك حيا وميتا يا انتهازى يا مصلحجى حريقة فيك وفى الرقاص الجابك رئيس لجنة اقتصادية .


#1184554 [Awad]
1.00/5 (1 صوت)

01-09-2015 04:44 PM
الراجل أوقفوا عنه الدعم وقريشات ناس مجدى وجرجس كملت قال أرجع للجماعة بلا أصلاح بلا كلام فارغ.كما تأكد له أنه لا فى أصلاح ولا صلاح فالسوس نخر وعمل عمايله فقال أبقى مغفل لو بقيت خارج العرضة وأخير لى أعرض مع الجماعة ولو حدثت الطامة أنا جوه ولا انا بره العود راكبنى راكبنى.


#1184553 [hassan]
1.00/5 (1 صوت)

01-09-2015 04:41 PM
كل الذين تلوثوا بهذا النظام غير موثوق في خروجهم عليه

تكتيك مرحلي لاهداف يعلمها النظام

وسرعان ما يعودون اليه عندما تكون هناك حاجة لدعمه

وهو الان احوج ما يكون للدعم للانتخابات

اما غازي فهو سوف يعمل علي التحزيل داخل صفوف نداء السودان

وربما يلحق بالركب في وقت لاحق باسم حزبه لزيادة عدد الاحزاب

التي توافق علي خوض الانتخابات


#1184548 [ود البلد]
0.00/5 (0 صوت)

01-09-2015 04:33 PM
اذا هو تبراء من حكومة الانقاذ في قتل الشهيد مجدي وذكر بأن الاجراء كان خطاء راجع تاني ليه لزريبة الخونة والمجرمين ؟؟ اكيد مصالح شخصية لانو هو لو كان نزيه كما يدّعي لما عاد مرة اخرى لان النزاهة لا تتفق مع سلوك الحكومة الفاسدة


#1184534 [كمندان]
0.00/5 (0 صوت)

01-09-2015 03:51 PM
كلما أري شيخ غازي على طول أتذكر نيفاشا ومنتجع مشاكوس ومارثون مفاوضات الحركة الشعبية وحكومة الإنقاذ ..وقتها كان الشيخ غازي ممسكا بهذا الملف وكان مفاوضا عنيدا أمام الطرف الآخر ولما إستعصت الأمور أمام الرفيق قرنق وبدهاءه المعهود بخلط الأوراق أمام الخصم طلب من حكومة الإنقاذ بأن يأتوا إليه بسوداني كي يفاوضه وكان له ما أراد وتم إقصاء الرجل


#1184532 [ودالحاجة]
0.00/5 (0 صوت)

01-09-2015 03:45 PM
الأفاعي تغير جلدها دائماً.


#1184521 [adil a omer]
0.00/5 (0 صوت)

01-09-2015 03:08 PM
جزارة الاصلاح لصاحبها مهند عتبانى

لحوم حمير لحوم قعونجات لحوم كلاب

انشقاق وانسلاخ وانبطاح وانشتاح والله لو تبقوا اخطبوط وتتقطعوا حته حته بنلمكم ونعلقكم فى المشنقه ان شاء الله

المشنقه محمداكم والاوتاد جاهزه

يرونه بعيدا ونراه قريبا


#1184516 [المشتهى السخينه]
5.00/5 (1 صوت)

01-09-2015 03:00 PM
صلاح كرار احد حمير مجلس قيادة الثورة الذين ركب البشير على ظهورهم ووصل القصر الرئاسى خالدا فيه ابدا ..وقام البشير بايداعهم حظيرة الحيوانات المهمله بعد ان استنفدوا اغراضهم ..
البشير لا يحتاج لامثال صلاح كرار فهو ينعم بعدد هائل جدا من البروفيسورات والدكاتره والخبراء فى شتى المجالات ليقدموا له خدماتهم ويلحسون جزمته القديمه ليقربهم منه ..
صلاح كرار بائس وقدم ما عنده للمشير ولفظه وقفل الباب فى وجهه . ولن يجد كرار خبزا جافا ليقدمه له حزب البشير ..
قال الشاعر .. الناس التبنى قصور للقيصر ..تتقاسم بيت الطين ...والناس التصنع سكر تتجرع مره سنين .. نتمنى ان يتجرع كرار حنظل السم ويموت بالحسرة ..


#1184505 [رئيس جمعورية!!!]
5.00/5 (1 صوت)

01-09-2015 02:48 PM
خلاص قبضوهو ماكان جعان وهفتان بعد طردو من نهب الدهب!!!ودا بيبين ليك انو القضية نحن هنا !!مش قناعات!! !!!!!!!!!!!!!!!وشوية شوية غازي زاتو بيرجع!!!القضية خلافات مناصب!!وشخصنه لاعلاقه لها بالاصلاح!!!صلاح دولار اصلو يصلح منو!!!وهو اول مفاتيح الفساد!!!!!!!!!!!!!بس نحنه نقوا شنو ولي منو!!!!!!!مالسياسة عندنا معا الاسف ذي الشششششششش...........!!!!!!!!!!!


#1184496 [المشروع]
0.00/5 (0 صوت)

01-09-2015 02:37 PM
يا عمي صلاح (دولار) ما بيقدر على الفلس اصلاً انت غلطانين تعملوه عضو مجلس شورى..


#1184492 [ابو محمد]
0.00/5 (0 صوت)

01-09-2015 02:32 PM
من سخريات القدر ان الإسلامويون هم الحكام والمعارضون في آن واحد ، لأنه لافرق بين المؤتمر الوطني (الحزب الحاكم) وما يُسمى بالمعارضة وهنا اعني ، المؤتمرالشعبي ، حركة الإصلاح الآن ، السائحون ، منبر السلام العادل ، حزب العدالة وغيرها من الأحزاب المتشظية من الحزب الأم (الجبهة الإسلامية القومية) حيث تختلف المسميات ولكن المبدأ والمنهج واحد وإنما الإختلاف في المصالح فقط افهمو يا شعب ويا معارضة منتهية وما قادره تتحمل مسؤولياتها التاريخية.


ردود على ابو محمد
European Union [المشروع] 01-09-2015 08:04 PM
احسنت يا ابو محمد والله دي ملاحظة مهمة إذ اصبح الكيزان الآن هم الخصم والحكم في آن واحد كما قلت وزي ما قال المتنبي سيف الدولة بن حمدان (ياأعدل الناس إلا في معاملتي، فيك الخصام و أنت الخصم والحكم) لكن بصراحة نحن نستاهل حيث يقول الفيلسوف اليوناني افلاطون قبل آلاف السنين (إن الثمن الذي يدفعه الطيبون لقاء لا مبالاتهم بالشؤون العامة هو أن يحكمهم الأشرار)

The price good men may pay for indifference to public affairs is to be ruled by evil men

وهذه هي نتجية مبالاتنا في امورنا العامة وكنا منشغلين بأنفسنا حتى لما كنا بالجامعة كان الجماعة يخططون ويجتمعون بالداخلية ويرتدون افخر الملابس والكرفتات ويذهبون لمقابلة اركان الكيزان في مسيدهم المعروف قاعات بنك فيصل الاسلامي ببرج الفيحاء

كان الأشرار يخططون باسم الاسلام وباسم الدين من اجل التمكين ولما مسكوا اعملوا في الناس السيف واذاقوهم مُر العذاب والألم وكنا نحن خصومهم من غير ان نخاصمهم ومشكلتنا اننا لم نكن معهم ولا ضدهم ولكنهم لما استلموا الحكم لم يفرقوا بين القوي والضعيف وكل من ليس معهم فهو ضدهم.

ولمافتنتهم الدنيا بسبب السلطة اختلفوا في الإنفال والغنائم وسيختلفون اكثر بعد الإنتخابات القادمة وكل ما قلت الانفال والغنائم اذداد اختلافهم ..وبعد ان خرج الكثير من المتنفذين منهم من الحكمة وفًطموا من الرضاعة الساهلة والمص من خيرات السودان


#1184481 [الكوارتي]
4.00/5 (1 صوت)

01-09-2015 02:09 PM
الجبان جبان ... الزويل خايف من الملفات القديمة السابقة .... داير حماية


#1184476 [tata]
4.00/5 (1 صوت)

01-09-2015 01:52 PM
فلس شويه...الرصيد الدولار فى ماليزيا نقص،،،وحسبنا صح،،أكبر حرامى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة