الأخبار
أخبار إقليمية
فاقت 45 مليار دولار.. وعود أمريكية لمساعدة السودان لإعفاء ديونه الخارجية
فاقت 45 مليار دولار.. وعود أمريكية لمساعدة السودان لإعفاء ديونه الخارجية


01-09-2015 11:52 PM

كشف وزير الدولة بوزارة المالية السودانية عبدالرحمن ضرار عن وعود أمريكية بالتحرك والمساعدة في ملف إعفاء ديون السودان الخارجية، مؤكداً استيفاء كافة الشروط الفنية الخاصة بالإعفاء خلال لجنة تضم السودان وجنوب السودان والاتحاد الإفريقي.

وقال ضرار إن هناك جهوداً مبذولة من الجهات المختصة واللجنة الثلاثية التي تضم دولة جنوب السودان وحكومة السودان والاتحاد الإفريقي لمخاطبة الدائنين لإعفاء ديون السودان الخارجية.

وأعلن عن جهود لوزارة المالية مع الولايات المتحدة الأمريكية وبريطانيا باعتبارهما من أكبر الدائنين، موضحاً أن واشنطن وعدت السودان بالتحرك في مسألة إعفاء الديون الخارجية من خلال الاجتماعات الأخيرة مع صندوق النقد الدولي التي عقدت بواشنطن.

وقال إن السودان طالب بضرورة رفع الحظر الاقتصادي بما يحقق للاقتصاد السوداني الاستقرار وتحسين ميزان المدفوعات بالبلاد.

وتقدر ديون السودان الخارجية بأكثر من 45 مليار دولار.

في الأثناء دعت وزارة المالية دول الاتحاد الأوروبي معالجة ديون السودان الخارجية، ورفع الحصار الاقتصادي المفروض عليه، ومعالجة التداعيات الاقتصادية الناجمة عن انفصال جنوب السودان.

في الأثناء أشار وزير الدولة لشؤون المال والاقتصاد مجدي ياسين إلى أن "السودان استوفى كل الشروط الفنية المؤهلة للاستفادة من المبادرات الدولية لإعفاء ديونه"، داعياً الوفد لدعم جهود اللجنة الثلاثية المشتركة بين السودان وجنوب السودان والاتحاد الإفريقي، لمعالجة الديون ورفع الحصار الاقتصادي.

وطالبت بعثة صندوق النقد الدولي، الحكومة السودانية بتكثيف التواصل مع الدائنين لتغيير المفاهيم السائدة عن اقتصاد السودان لدى المجتمع الدولي، حتى يتم إعفاء الدين الذي يساهم كثيراً بتوفير العمالة ومعالجة الفقر والازدهار الاقتصادي.

الشرق


تعليقات 19 | إهداء 0 | زيارات 3295

التعليقات
#1185000 [murtada eltom]
0.00/5 (0 صوت)

01-10-2015 01:02 PM
The conditions to release sanctions against sudan were so clear and stated hundered times.....1- deomcracy...2--free press ,free pspeech, free election....3-free economy

just practice those 3 items,,then the congress will approve to release,,otherwise your staement is completly vague ,and may be elecction probaganda


#1184988 [radona]
5.00/5 (2 صوت)

01-10-2015 12:49 PM
يا ضرار
لا تحاول ان تسوق مالايمكن تسويقه
نحن الودانيين ليس لدينا ادنى شك في ان امريكا دولة صديقة ومخلصة للسودان وظلت تدعمه في جفافه وتصحره وتقدم الاغاثات لنازحيه ولاجئيه
ولكن بينها ومابين النظام الحاكم حاليا في السودان ماصنع الحداد بدليل تصنيفه من الدول الراعية للارهاب وخنقه اقتصاديا مما منع حتى مصارف الدول الشقيقة التعامل مع السودان لانه منبوذ امريكيا بسبب نظامه الحاكم
نحن السودانيين نعلم بانه بزوال هذا النظام ياضرار فان ديونه ستعفى وستثمر اراضيه وتخرج كنوزه من باطن الارض تنادي ولكن هيهات وهذا السرطان والبلاء جاثم على صدر السودان ويابى فكاكا
نتمنى ان تعود العلاقات الامريكية السودان الى سابق عهدها ومكانتها
لا تحاولوا تسويق مالا يمكن تسويقه ابدا


#1184916 [zozo]
5.00/5 (3 صوت)

01-10-2015 10:52 AM
حلم الجعان عيش


#1184849 [جركان فاضى]
5.00/5 (2 صوت)

01-10-2015 09:08 AM
الديون دى كل سنة بتلد...وكمان تجيب تيمان...قبل اعفاء الديون ينبغى منع الديون من الولادة...الديون دى اصلا كانت بقرتين وعجل..وقعدت تلد وتلد وتلد حتى اصبحت مراح كبير ...وقفوا الولادة قبل كل شئ ثم فتشوا عن اعفاء الديون


#1184839 [ابو الخير]
5.00/5 (2 صوت)

01-10-2015 09:00 AM
الموضوع طبعا هو فصل دارفور والموافقة على فصل جنوب كردفان والنيل الازرق
الحدق يفهم
وفي النهاية الشعب السوداني معاانة اضافية


#1184832 [aldufar]
0.00/5 (0 صوت)

01-10-2015 08:54 AM
مسئولينا كالاطفال لايدورون اين مصلحة البلد؟


كرتي شنو البحل لي السودان مشكلة دا راجل كان بياع اسمنت وتاجر أسالوه هل بعرف لغة انجليزية؟

كيف يولى وزارة الخارجية ، وهي اهم نافذة يطلع بها السودان على العالم ؟

اين منصور خالد؟ يا البشير لماذا لا ويولى عليها اين محمد احمد المحجوب رحمه الله رحمة واسعة فات النوار منها وقعد العوار يا شعبي الفضل .

ضعوا الرجل المناسب في المكان المناسب وسيخرج السودان من كبوته.


#1184831 [زول وطني غيور]
5.00/5 (1 صوت)

01-10-2015 08:52 AM
وقال ضرار إن هناك جهوداً مبذولة من الجهات المختصة واللجنة الثلاثية التي تضم دولة جنوب السودان وحكومة السودان والاتحاد الإفريقي لمخاطبة الدائنين لإعفاء ديون السودان الخارجية.
وأعلن عن جهود لوزارة المالية مع الولايات المتحدة الأمريكية وبريطانيا باعتبارهما من أكبر الدائنين، موضحاً أن واشنطن وعدت السودان بالتحرك في مسألة إعفاء الديون الخارجية من خلال الاجتماعات الأخيرة مع صندوق النقد الدولي التي عقدت بواشنطن.
____________________________________________________________________________________
هذه الوعود من واشنطن التي نسمع بها من حين لآخر هي كثيرة جدا ولله الحمد ، أقترح على واشنطن أن كانت جادة هذه المرة أن تعمل على إعفاء هذه الديون بعد الثورة لأنها تعلم علم اليقين أن هذا النظام هو نظام مغضوب عليه من شعبه.


#1184827 [Tash Ma Tash]
5.00/5 (2 صوت)

01-10-2015 08:50 AM
بالمنطق انت معاديني ومخاصمني !!!!
كيف أعفي ليك ديوني ؟؟؟؟
صلح ووطد علاقتك أولا......


#1184793 [ابومروان]
5.00/5 (1 صوت)

01-10-2015 07:49 AM
(كشف وزير الدولة بوزارة المالية السودانية عبدالرحمن ضرار ) (أشار وزير الدولة لشؤون المال والاقتصاد مجدي ياسين ) غيروا رايهم بعد ما اكتشفوا انه وزارة المالية فيها 3 وزراء يعني حيعفوهم بي جاي وحا يدينوا بي جاي عشان الرواتب والامتيازات بدل نعفي الدين احسن ليكم تعفوا الوزراء وده الحلل الافيد


#1184763 [المشروع]
5.00/5 (1 صوت)

01-10-2015 06:40 AM
(موضحاً أن واشنطن وعدت السودان بالتحرك في مسألة إعفاء الديون الخارجية من خلال الاجتماعات الأخيرة مع صندوق النقد الدولي التي عقدت بواشنطن)
التعليق:
امسك نيفاشا جديدة والجماعة خلاص وقعوا عشان كدا استعجلوا تعديل الدستور والانتخابات واستعجلوا عدم انتخاب الولاة حتى ما في زو يتكلم..

والله الكيزان ديل الا يخلو السودان 300 كلم فقط .. طالما همهم القروش وملء الكروش ..غداً الصين تطالب بحقها في استخراج البترول وسد مروي ..الخ
وغدا روسيا تطالب بحقها في الدعم والسكوت
وغدا اثيوبيا تطالب بحقها في السكوت عن محاولة اغتيال مبارك وعدم دعم الجبهة الثورية
وغدا اريتريا تطالب
ووووووووووووووو والكيزان اللاهثين وراء المنصب والدولار جاهزين للبيع الله لا كسبهم دنيا وآخرة


#1184727 [الحقيقة مرة]
4.50/5 (3 صوت)

01-10-2015 02:26 AM
الجزرة كع الجزرة لب احي الجزرة كع كع كع الجزرة حاااا


#1184704 [الحقيقة]
4.97/5 (6 صوت)

01-10-2015 01:34 AM
والله تحلموا

مسؤولين لا يفقهون شيئا عن ديناميكية السياسة العالمية، زى كرتى يعطوه إبتسامة صغيرة فيهلل بأنه أحدث إختراقا في السياسة الأميريكية،،

إفهموا يا هبنقات الإدارة الاميريكية لا تستطيع فعل شيئ دون موافقة الكونغرس


#1184702 [الجقود ود بري]
5.00/5 (6 صوت)

01-10-2015 01:30 AM
حلم الجعان عيش!!!
كيف يعفو ديون السودان والاموال كلها سرقها الكيزان وتصرف في الاله الحربيه لقتل العباد؟
وين الديموقراطيه واطلاق الحريات ؟
وين وقف الحرب والتعذيب؟
أذا بتحبو السودان ودايرن الديون تعفي سلموا البشير وعصابته . هي العصابه كل يوم بتتهم الغرب بكل الصفات القبيحه ودايره نهايته كيف يعفو ليكم قروشهم؟
كيف يعفو الغرب الاموال والعصايه بترسل السلاح لمن يعتبره الغرب ارهابين؟
اذا انتو ما عندكم عقول فاحترموا عقولنا يابجم
الا لعنة الله علي الظالمين المنافقين الفاسدين المفسدين الكاذبين الحراميه اولاد الكلب


ردود على الجقود ود بري
[لحظة لو سمحت] 01-10-2015 08:00 AM
الخج قرب و الكضب زاد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
2.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة