الأخبار
أخبار إقليمية
البشير للناخبين: "صوتوا لمن يخاف الله فيكم"
البشير للناخبين:


(40) حزبا دعموا ترشيحه لمواصلة قصف المدنيين وتجويع الشعب
01-12-2015 11:56 PM
الراكوبة - سنار

دعا المشير عمر البشير الناخبين السودانيين بالتصويت لمن يستحق اصواتهم، ولمن يخاف الله فيهم، وذلك بعد يوم واحد فقط من ترشيحه بواسطة (40) حزبا، في انتخابات ابريل المقبل، التي تجد مقاطعة واسعة من قبل الاحزاب الكبيرة.

وقطع البشير بأن الحكومة التي لا تخدم المواطن لا تستحق أن تحكم، مؤكدا بأن مطالب الجماهير واجب حكومي وتابع "الحكومة ليست عربات وأن ما نقوم به من خدمات ليس دعاية انتخابية وإنما هي مسؤلية".

وقال البشير في لقاء جماهيري بمحلية شرق سنار للناخبين "ما تداو أصواتكم إلا لمن يخاف الله فيكم"، ومضى يقول: "سيأتي إليكم المخزلون والمغرضون والخونة وأصحاب القلوب الميتة، ليوثروا فيكم".

لكن مراقبين اعتبروا ان ترشيح البشير يعتبر انتاج للازمة في صورة جديدة، مشيرين الى ان فوزه بدورة رئاسية جديدة يعني استمرار الحرب وتشريد المدنيين وقصفهم في دارفور في جنوب كردفان والنيل الازرق، فضلا عن تجويع الشعب، بعدما وصلت الازمة الاقتصادية والضائقة المعيشية الى مراحل متأخرة.

وتساءل مراقبون، هل يخاف البشير الله في الشعب، وهو من يقف على رأس نظام اشعل الحريق في معظم اجزاء السودان، الى وجد نفسه مطلوبا للعدالة، واشار المراقبون الى ان حالات الفساد التي استشرت في البلاد تؤكد حزب البشير لا يخاف الله في هذا الشعب، والا كيف يمكن ان نصف انعدام الادوية المنقذة للحياة، وان وجدت فانها تُباع ولا تعطي للمرضى مجانا.



تعليقات 38 | إهداء 0 | زيارات 3761

التعليقات
#1187560 [التاج محمد احمد]
0.00/5 (0 صوت)

01-14-2015 01:22 AM
لا ادري هل يعي البشير ما يقول
هل تعلم ايها الخايف الله باني كنت رئيس مؤتمر اتحاد طلاب ثانويات محافظة البطانه دورة 1993
ثم لانني لا اعجبكم وبتقارير كتبت في تم اخطتافي وتهديدي ثم تهديدي باشواكيش داخل دار اﻻتحاد
ثم تركي الدرسه وتوجهي عمره الي السعوديه ولم يسمح لي حتي باكمال تعليمي والله وحده يعلم ما قاسيت وعانيت في السعوديه لاني عمره وما كان لي من حيل غير ان ادعو عليك وعلي الترابي حتي زوج في السجن
ثم تطلب من الناس ان يدلوا بصوتهم لمن يخاف الله فيهم
انتم مضللون وكاذبون لا تستحون


#1187549 [aborasil]
0.00/5 (0 صوت)

01-14-2015 12:25 AM
lol what a freaking ignorant comment, this man has a dirrhoea of the mouth and doesnt actually know wht he's talking about ...hahahahaha .., loughable


#1187543 [هلمجرا]
5.00/5 (1 صوت)

01-13-2015 11:32 PM
أيهاالأخوة قراء الراكوبة أتضح جلياً أن البشير لايعى مايقولة فلذلك نرجو من الأخوة قفل باب التعليق في هذا الموضوع و التوجة الى الله بالدعاء عسى الله أن يستجيب لكم و يرفع عن السودان هذا الإبتلاع.


#1187482 [عدو المنافقين والظالمين واللصوص]
5.00/5 (2 صوت)

01-13-2015 09:11 PM
((أَفَمَن زُيِّنَ لَهُۥ سُوٓءُ عَمَلِهِۦ فَرَءَاهُ حَسَنًۭا ۖ فَإِنَّ ٱللَّهَ يُضِلُّ مَن يَشَآءُ وَيَهْدِى مَن يَشَآءُ ۖ فَلَا تَذْهَبْ نَفْسُكَ عَلَيْهِمْ حَسَرَٰاتٍ ۚ إِنَّ ٱللَّهَ عَلِيمٌۢ بِمَا يَصْنَعُونَ))
والله العظيم ناس الانقاذ ديل مُتْلَبّسُم شيطان ... مهما بلغ الانسان من درجات الفسوق والانحطاط التام فانه لا يفعل ما يفعله الكيزان ولايقول ما يقوله الكيزان .. حسبى الله ونعم الوكيل...
يا جماعة يعنى بالواضح كده البشير وزبانيته يعتقدون اعتقادا جازما انهم مصلحون ويخافون الله تعالى وفى هذه الحالة يجب عرضهم على الطب النفسي لان وضعهم يرثى له والواحد اصبح ينظر اليهم بعين الازدراء والاحتقار واحيانا بعين الشفقة
قال تعالى:
(وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11). صراحة هم قوم مفتونون ...
والله يا اخوتى يجب علينا ان نحمد الله صباحا ومساء ونشكره ان عصمنا من اتباع القوم الضالين الظالمين (الكيزان) فنحن فى خير ونعمة عظيمة والحمدلله على ذلك.


#1187392 [الجن الكلكي]
5.00/5 (1 صوت)

01-13-2015 05:08 PM
الو الو يا لولي بسحروك يا بشه البخاف الله الجن بداوه كعبه الاندراوه الزول دا شوف له فكي كارب ولا قيدو في مسيد سيدي الترابي


#1187352 [الشعب الفضل]
5.00/5 (2 صوت)

01-13-2015 03:45 PM
ثلاثة
المصري قال والله نحنا رئيسنا ما بخاف الا من امريكا
السعودي قال قال والله نحن ملكنا ما بخاف الا من الله
السوداني قال نحن رئيسنا ما بخاف الله


#1187276 [Muhtaaaar]
0.00/5 (0 صوت)

01-13-2015 02:16 PM
(وقطع البشير بأن الحكومة التي لا تخدم المواطن لا تستحق أن تحكم، مؤكدا بأن مطالب الجماهير واجب حكومي وتابع "الحكومة ليست عربات وأن ما نقوم به من خدمات ليس دعاية انتخابية وإنما هي مسؤلية".

وقال البشير في لقاء جماهيري بمحلية شرق سنار للناخبين "ما تداو أصواتكم إلا لمن يخاف الله فيكم"، ومضى يقول: "سيأتي إليكم المخزلون والمغرضون والخونة وأصحاب القلوب الميتة، ليوثروا فيكم".)



تقريباً أعتقد ان محلية شرق سنار دي تقع في دولة أثيوبيا أول دولة تونس !!!!! ياربـــي!!!!!!

يا شباب شوفوا لينا محلية شرق سنار وين موقعها في العالم ...
وجزاكم الله خير....


#1187160 [سراجا الدين الفكى]
0.00/5 (0 صوت)

01-13-2015 11:48 AM
انا عندى رأى تانى يااخوة. اية نشمر من سواعدنا ونرشح البشير للرئاسة للمرة الثالثة, كويس معاك يابشيرنا لكن على شرط:
" تمشى لاهاى, وتمتثل للمحكمة الجنائية, واذا لقيناك برئ ونظيف فان اصواتنا ليك بالملاين, وان ادانتك الجنائية برضو تعال "اتفكفك" منهم وبجيك غندور يجيبك لانة اى غندور شخصية عالمية عالية المقام. ولا رايكم شنو ياجماعة كلكم.
واللهى ياالبشير بس اذا انت راجل صحى قوم سافر لاثيوبية القريبة دى.
انتو عارفين المساحة المطلقة الحرة للبشير من وين:
بورتسودان - حلفا - الدمازين - الفاشر. بس اكان راجل اتعدى الميس.


#1187159 [أبوقرجة]
0.00/5 (0 صوت)

01-13-2015 11:47 AM
اقتباس (دعا المشير عمر البشير الناخبين السودانيين بالتصويت لمن يستحق اصواتهم، ولمن يخاف الله فيهم، ) أنت يا البشير أدعوك تنضم لفرق النكت الشغاله في التلفزيون دي ... لانه دي أحسن نكته أسمعها وأضحك لما أقع ....

تدعوا بالتصويت لمن يستحق ويخاف الله فيهم .... أعملها انتخابات نزيه وشوف كان يجي واحد فيكم .... وذلك بحسب دعوتك لمن يخاف الله فيهم .......... لأنه ليكم 25 سنه ما خفتوا الله فينا .. دمرتونا ودمرتو السودان وكل شيء فيه حتى القبيح دمرتوه يا جبهجية لكن ليكم يوم .. وقرب وستلتهب الخرطوم بالنار وتحرقكم


#1187053 [عين الحقيقة]
5.00/5 (1 صوت)

01-13-2015 10:17 AM
الله ينتقم منك ياالبشير .... وان شاء الله كل ععوة مظلووووووووووم تصلك يارب وتشوفه فى الدنيا قبل الاخره


#1187035 [Tash Ma Tash]
5.00/5 (1 صوت)

01-13-2015 10:07 AM
قطع شك !!!!!!!!
بشة كان لافيهااااااااااا ..
لفة قوووووووية...
ناس الحكومة ديل بجيبوا الصنف القوي دا من وين ؟؟؟؟؟؟


#1187025 [دولار]
5.00/5 (1 صوت)

01-13-2015 10:00 AM
يا خوي تخافوا الله ولا ماتخافوه انتخاباتكم دي مافي زول شغال بيها شغالين بيها برااااااااااااكم والله نحن ما شغالين بيها ولا في زول غيركم شغال بيها !!!!

قال انتخابات قال ... هاك الخج دة .. !!!!


#1187022 [farooq]
0.00/5 (0 صوت)

01-13-2015 09:58 AM
ايها الناخبون
الذين يخافون الله فيكم مقاطعون
عليه لو انتخبتم البشير ام لا فهو على رؤسكم بالخج
الانتخابات حقتهم والشرطة والقضاء والمفوضية
بل الاحزاب الكرتونية التي معهم حقتهم
وهم من يمنحوها المقاعد من اين لمثل الدقير بمقعد واحد


#1187014 [المتغرب الأبدي]
3.50/5 (2 صوت)

01-13-2015 09:50 AM
لو بتخاف الله في هذا الشعب كان قتلت منه 270 شاباً وفتاة بدم بارد في سبتمبر ؟؟؟


#1187000 [nagatabuzaid]
3.00/5 (1 صوت)

01-13-2015 09:37 AM
معناها ما حنصوت ولن ننتخب واحد منكم لاتك وضعت شرط لا ولم ولن يتوفر فيكم انه من سابع المستحيلات والحمد لله شرط وضعته بنفسك


#1186997 [كونج اوري بدنق]
5.00/5 (2 صوت)

01-13-2015 09:34 AM
اذا احضروا ابليس وسنصوت له .


#1186992 [Abo alkalas]
4.00/5 (2 صوت)

01-13-2015 09:32 AM
يا اخوانا البقول ما تدوا صوتكم الا للبخاف الله فيكم ده ياهو بشكيرنا ولا زول غيرو ؟؟؟!!!


#1186981 [Sadig]
0.00/5 (0 صوت)

01-13-2015 09:22 AM
ما دام مخافة الله دي ما بعرفها الا الله ... كذب ساي ... نحن شن عرفنا بي كذبك ...


#1186970 [تحت المجهر]
3.00/5 (1 صوت)

01-13-2015 09:12 AM
استحي ياهذا وانت خفت الله فينا ربع قرن من الفساد والجوع والمرض فوز نفسك بنفسك مافي زول نازل معاك الا اشباه الاحزاب ناس عبود جابر واشراقة سيد وحزب الحقيقة لوفي حقيقة.


#1186966 []دقش القش]
4.00/5 (2 صوت)

01-13-2015 09:09 AM
بعد 25 سنة من الكذب والنفاق وجاي تدينا حصة فى الدين والاخلاق والله عجيب !!


#1186940 [النجاشى]
0.00/5 (0 صوت)

01-13-2015 08:54 AM
ياء بشه خاف الله فى الشعب السودانى الناس شردت من السودان عشان ظلمك ياخى انت مابتعرف الله نهبت وقتلت وشردة اسر ياخى حرام عليك كفايه خلى باقى الشعب الفضل فى السودان يعيش باقى حياتو. لو خايف من المحكمة الدوليه امشى الكلاكله الدخينات اسكن فى بيت وداد القديم ولاء ماستواك والشعب السودان شعب طيب مافى انسان بسلمك المحكمة الدولية بس انت والجراثيم المعاك اطلعو من الحكم ادو غيركم فرصة.


#1186938 [Awad]
5.00/5 (1 صوت)

01-13-2015 08:52 AM
سيدى الرئيس صدقت فالحكومة التى لاتخدم مواطنيها لا تستحق أن تجلس على كرسى فى قارعة الطريق ناهيك أن تحكم وانا مواطن من مواطنى هذا الشعب فقد حكمتنا حكومة 25عاما والآن مقبل على السنة 26 ولم أرى تقديم خدمات بل جوعتنا وسرقت أوالنا وخدعتنا وأشعلت نيران الحروب الداخلية وأفشت القبلية وأفقرت البلاد والعباد ولم يسلم من أذاها لا أنسان ولا شجر ولا حجروكان يرأس هذه الحكومة سىء الذكر أبو شلاضيم وأبوركب وكثير الكذب وقليل الصدق وكثير الرقيص وقليل الأحسان وزفر اللسان الله لا أعاده حاكما علينا ونسأل الله العلى القدير أن يأخذه أخذ قوى عزيز مقتدر وكل زبانيته معه.هل عرفته سيدى الرئيس أتمنى أن تدخل الراكوبة اليوم وترد على برسالة فى موقع الراكوبة هذه.


ردود على Awad
[الشكينيبة نفر] 01-13-2015 05:33 PM
يا عوض اعمل حسابك الرقاص ده جن عديل كده يقوم يلاقيك يضربك طلقة وقد اكد احد مواطنى شرق سنار بان الرقاص عندما قال صوتوا لمن يخاف الله فيكم رد عليه مواطن غلبان زيك كده قال ليهو بالغت يا ريس عليك الله انت جاد ولابتهظر فقال له الرقاص دى حسنتى فيكم 25 سنة انا كذبت عليكم .

[الشعب الفضل] 01-13-2015 03:54 PM
صدق وهو كذوب


#1186933 [مع البشير]
5.00/5 (4 صوت)

01-13-2015 08:50 AM
نكته جديدة لنج
دخل البشير إحدي غرف القصر الجمهورى فوجد بها مجموعه من الساعات كل واحده شغاله بسرعه مختلفه فسال الحارس دي شنو قال دى ساعات الرؤسا الحكمو السودان سرعه الساعه علي حسب كذب الرئيس مثلا الواققه ديك بتاعت الازهري واقفه لانو ماكذب ولا كذبه والجاريه شويه ديك بتاعت عبود لانو كذب شويه والجاريه شديد بتاعت نميرى لانو كذب شديد قاليه طيب بتاعتي وين قاليه بتاعتك شالها الغفير شغلها مروحه سقف في بيتو.


ردود على مع البشير
European Union [Mohamed] 01-13-2015 10:15 AM
الكارب
خريفو وصيفو
/////////////////////


ههههههههههههه.
يجازي محنك.
دي مرقتها من ياتو. وزنة ههههههههههههههه
لكن أنا شايف لو عدلتها لي مروحة هليكوبتر. هههههههههههه


#1186919 [قدرو قدرو]
0.00/5 (0 صوت)

01-13-2015 08:42 AM
عرفنا الكضب كمان جابت ليها جن يا ناس الرقاص الحقوا زولكم ده دقو ليهو قيد فى الشكينيبة قبال ما يمشى يقول بان كى مون قوم من الكرسى ده حقى.


#1186883 [hulfa]
0.00/5 (0 صوت)

01-13-2015 08:15 AM
انتو ياجماعة الشكية لي الله الناس الفي الصورة ديل جت عليهم صلع مع انهم كلهم شباب....


#1186873 [جارسيفو]
0.00/5 (0 صوت)

01-13-2015 08:01 AM
لماذا انتخابات ولماذا ترشح اولا نقف علي انجازات الانقاذ :
1/ فصل الجنوب عن الشمال
2/ تاجيج الحرب في النيل الازرق
3/ تاجيج الحرب في جنوب كردفان
4/ تاجيج الحرب في دارفور وابادة اهلها وارتكاب جرائم حرب بنص القانون الدولي
5/ تاجيج الحرب في شرق السودان
6/افقار المواطن السوداني ونهب خيرات السودان والفساد الذي يزكم الانوف
7/ اهدار موارد السودان وتبديد الاقتصاد السوداني وارتفاع التضخم انخفاض قيمة العملة السودانية في مقابل العملات الاجنبية وسرقة موارد الدوله لمصلحة حرامية السلطة من البشير وزوجته واهل بيته وطقمته الفاسدة
8/ تدمير المشاريع الزراعية والصناعية
9/ تدمير التعليم بعدم تاهيل الخريجين اصبحت الجامعات تخرج الفضائح
10/تهجير وتشريد الكفاءات من السودان
11/ نشر سيايسة العنف في الاوساط الطلابية ونشر المخدرات والفساد الاخلاقي واقتيالات في اوساط الطلاب
12/ تكميم الافاه والحجر علي حرية الفرد والحرية الصحفية
13/ تدويل قضاية السودان وادخال قوات اجنبية الي ارض السودان
14/ القضاء علي كرامة الشعب السوداني بالتدخل في شوؤن جيراننا من الدول
15/ نشر سياسة التصفيات منذا بداية حكم الانقاذ باعدام اشرف الرجال في نهار رمضان
( عدد 28 ضابط في 28/رمضان بدم بارد )
16/ ارتكاب افظع الجرائم مع كل من يقول لا للنظام الهالك باذن الله
17/ اقتيال نقيب الاطباء اقتيال مجدي وجرجس
18/ التخلي عن سيادة السودان واراضيه من حلايب وشلتين والفشقة
19/ سرقة مواد الدولة وبناء العمارات الشاهقة وتحويل المبالغ الي الخارج ماليزيا وغيرها ولكن يا البشير عود القذافي ليس ببعيد
20/ القضاء علي الريف وتهميش مواطن الريف واصبح جل الشعب السودان في الخرطوم وترك الزراعة والصناعة والرعي وخير مثال مشروع الجزيرة
21/ عدم توفر الدواء وكلفته العالية وانتشار امراض لم يعرفها السودان من قبل مثل الايدز والتهاب الكبد الوبائي والسرطانات وذلك نسبة لتدهور الاقتصاد وتفشي الرذيلة والاهمال الصحي وعدم الرقابة علي المواد الغذائية المسرطنة
22/ الفساد الذي استشرى في البلاد والثراء الفاحش بسرقة موارد الدولة وافقار الشعب
23/ انتشار الجهل والامية والتخلف وامراض التخلف صحيح جامعات بالكوم وتاهيل معدوم
24/ التدثر بثوب الدين وهم المنافقين والمنافق اشد خطرا من المشرك لان المنافق يظهر خلاف ما يبطن كرهتوا الناس في الدين بكذبكم ونفاقكم وفسادكم
خلاص كفاية ارحلوا عن جنازة البحر السودان ارحلوا عن الشعب السوداني الفضل ارحلوا قبل ان تاتي الطامة الكبرى وحيث لا ينفع الندم


#1186866 [الفاروق]
0.00/5 (0 صوت)

01-13-2015 07:50 AM
التعليم والصحة والموية والكهرباء والبيئة حقوق الشعوب على الحكومات ، قتلوا القزافى حسد . انتبهوا الدواء يباع وماهو اسوأ ان صلاحيته منتهية وبقصد !. كل من انتمى لهذه العصابة او ساعدها فى البقاء والاستمرار فهو نفعى ومصلحجى مثلهم قتال كتله عديم الوطنية فكيف يكون خائف من من حساب ربه ؟ فمن التاجر لادنى صاحب مهنة ومرتزق ان لم يقف معتصم يعتبر مساعدهم على البقاء والاستمرار خاصة معشر المغتربين .


#1186856 [abubaker]
0.00/5 (0 صوت)

01-13-2015 07:34 AM
الجمل ما بشوف عوجة رقبته


#1186821 [سوداني ود بلد]
0.00/5 (0 صوت)

01-13-2015 05:56 AM
يابشير اذا كنت انت تخاف الله ولا تخاف من المحكمة الجنائية فأترك الشعب ليختار رئيس غيرك يخاف الله بمحاربته للفساد والمفسدين سارقي وناهبي المليارات من اموال الشعب بدلا من ان تجعل البلد كلها رهينة للعقوبات الدولية بسببك.


#1186807 [ahmed]
0.00/5 (0 صوت)

01-13-2015 04:19 AM
واللة وتاللة دا الاستنكاح ذاتو يااخى قوم ب انت بتعرف اللة


#1186790 [ali]
0.00/5 (0 صوت)

01-13-2015 01:58 AM
لو انت تخاف الله م كنت مطلوب لمحكمة الجنائية الدولية و عن الجازر في دارفور وكردفان وجبال النوبة لو كنت تخاف الله لماذا عن مجزرة سبتمبر 2013 !!!!!!!


#1186783 [ابوعرب]
3.00/5 (1 صوت)

01-13-2015 01:48 AM
دي حلوة منك ياريسنا...وتستاهل الدكتوراة الفخرية في الكذب من جامعات مامون حميدة(ياحميدة انشئ ليك كلية للكذب للسيد الريس)


#1186776 [بنت الناظر]
0.00/5 (0 صوت)

01-13-2015 01:23 AM
الله يمحنك ياعمر البشير يا دجال زى ما محنت الشعب السودانى ...شوف الناس ديل ممحنين فى الصورة دى كيف ؟؟ وزى مابتقول حبوبتى شكيناك للبشكوا ليه العوج... الله يعوج خطوتكم أكتر مما هى معوجة..


#1186771 [saleh]
5.00/5 (1 صوت)

01-13-2015 01:08 AM
انته آخر من يتكلم عن مخافة الله ، واذا كانت مخافة الله بقيسو بيها الرؤسا انت غفير ما بقبلوك .


#1186767 [الطيب]
5.00/5 (2 صوت)

01-13-2015 12:52 AM
0
يا سيادة. من. يسمى. رئيسنا

لن نصوت

لانكم لا تخافون الله فينا

بل لا تخافون الله سبحانه وتعالى

وتاني مافي. داعي. نتكلم كتير ونشتمكم

الشتيمة زاتا كتيرة فيكم

خليناكم لربنا سبحانه وتعالى ليرينا فيكم عجائب قدرته

ترونه بعيدا ، ونراه راي العين قريبا


#1186765 [الدهابي]
5.00/5 (1 صوت)

01-13-2015 12:50 AM
بااااااالغت يا ريس انت قنعت مننا والا شنو ؟؟؟؟؟؟
واضح انت ماديرنا نصوت ليك ليه يعني؟


#1186761 [محمد]
0.00/5 (0 صوت)

01-13-2015 12:38 AM
الصورة روعة . يمكن فقط وضع الصورة أعلاه تحت العنوان وإراحتنا من ما قاله البشير . رائع هذا المحرِّر ؛ لمَّاح وذكي . شكراً يا الر اكوبة .


#1186760 [fatmon]
4.75/5 (3 صوت)

01-13-2015 12:36 AM
أنت كان بتخاف الله ما بتسجن شخص عنده رأي معارض
والحرامية كلهم بره السجن والحرامية كلهم حولك من أمامك ومن خلفك
والسجون مليئة بالمظاليم الأبرياء
والحرامية كلهم راكبين العربات الفارهة وساكنين القصور الشامخة بأموال المساكين الجوعى
السفاحين هم الأبطال في نظرك والقتل للأبرياء هو ديدن نظامك
وأنت مطلوب للعدالة كقاتل ولم تثبت براءتك
لو برئ لذهبت وبرئت نفسك كما فعل الأبرياء
لكن ولأنك متأكد تماما وبضعمة لسانك مسئول من قتل 10 الف فقط
تجعل الشعب السوداني كله رهينة لضمان حياتك علما بأن الضمان عند الله فقط يا مؤمن


ردود على fatmon
[النجاشى] 01-13-2015 08:58 AM
سير سير ياء البشير والله يحميك من الكفره و الظالمين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة