الأخبار
أخبار إقليمية
عبد الرحمن الصادق: رغم صعوبات الحوار وتقلبات الأمزجة ستظل كل الخيارات الأخرى صفرية
عبد الرحمن الصادق: رغم صعوبات الحوار وتقلبات الأمزجة ستظل كل الخيارات الأخرى صفرية


01-13-2015 08:49 PM
كوستى ( سونا)- أكد العميد ركن عبد الرحمن الصادق المهدي مساعد رئيس الجمهورية قدرة الشعب السوداني على تجاوز الخلافات والانقسامات وإعلاء مصلحة الوطن والتسامي فوق كل المصالح الذاتية وأضاف انه رغم صعوبات الحوار وتقلبات الأمزجة ستظل كل الخيارات الأخرى صفرية ، وأكد ان السودانيين سيفاجئون العالم والمنطقة كلها بهبوط آمن والوصول للوفاق والوحدة الوطنية .
وقال لدى مخاطبته بمدينة كنانة اليوم الجلسة الافتتاحية لملتقى وكلاء الوزارات الاتحادية الثاني بحضور الأمير أحمد سعد عمر وزير وزارة مجلس الوزراء و الأستاذ يوسف الشنبلى والى النيل الأبيض والأستاذ محمد أحمد عجب الله وزير الدولة بوزارة الصناعة والأستاذ مهدي الطيب الخليفة رئيس المجلس التشريعي، قال إن التيار الشعبي السياسي يقف من حيث المبدأ ضد تحقيق الأهداف السياسية عن طريق العنف وتسوية القضايا عن طريق التدخلات الأجنبية والدولية ، وجدد مضى الدولة في تحقيق الأهداف الوطنية بجهد وطني ذاتي.
وأكد مساعد رئيس الجمهورية أن وكلاء الوزارات الاتحادية يمثلون قمة الخبرات الوطنية في العمل التنفيذي وقال إن هذا الملتقى يعد مناسبة للتحصيل العلمي والمعرفي ورفع سقف المهارات القيادية وتلاقح الأفكار وتبادل الخبرات .
وأضاف أن الملتقى يهدف لدفع العمل التنفيذي وتزويد الوكلاء بالسياسات العامة للدولة وإحكام التنسيق المشترك. وأشار إلى أن وكلاء الوزارات معنيون بمتابعة وتقويم الاستراتيجيات القومية . وأكد أن لجنة إصلاح الخدمة المدنية تراقب وتشاور أصحاب المصلحة والشأن للإعادة الخدمة المدنية لسيرتها الأولي .
من جهته أوضح الأمير أحمد سعد عمر وزير وزارة مجلس الوزراء أن ملتقى وكلاء الوزارات الاتحادية يهدف لترقية وتطوير وتجويد الأداء للدولة.
وقال إن وكلاء الوزارات هم قيادات العمل التنفيذي الحقيقي في الدولة ودعا لضرورة الاستفادة من التطوير التقني في إدارة عمل الدولة وإكمال مشروع الحكومة الإلكترونية . وشدد سيادته على أهمية ترسيخ ثقافة إدارة الوقت ونقل الخبرات بين الأجيال ، فيما أبان الأستاذ يوسف الشنبلى والى النيل الأبيض أن انعقاد هذا الملتقى في هذا التوقيت يعد انتباهة مبكرة دعما لخطة الدولة للعام 2015م .
واستعرض سيادته الإمكانيات التي تتميز بها الولاية خاصة في المجال الاقتصادي وقال إن الولاية تشهد استقرارا اقتصاديا وأمنيا خاصة وأنها تجاور دولة الجنوب وتستضيف أكثر من 80 ألف مواطن جنوبي وتقدم لهم الخدمات الأساسية.
يذكر أن الملتقى ينعقد في الفترة ما بين 12- 16 من يناير الجاري وتقدم خلاله عددا من أوراق العمل المتخصصة يقدمها مجموعة من الخبراء في المجالات المختلفة


تعليقات 10 | إهداء 0 | زيارات 1517

التعليقات
#1188184 [farahat]
0.00/5 (0 صوت)

01-14-2015 08:35 PM
أول مرة أعلق على موضوع في الراكوبة..لكن أنا بعتبر ود الصادق بعمل في تمارين أي ياخد في خبرة عشان بعد كم سنة يجي يبقى رئيس حزب الأمة وبعد شوية رئيس جمهورية ..أكيد داير خبرات سابقة ..حتى الكل يتفق معي على عدم جدوى عمله ..في رئلسة الجمهورية ..بس نحن الشعبي السوداني هو الغبي إذا مشينا وراء هؤلاء ناس همهما السلطة والسطة فقط ..يحرق السودان بالفيهو


#1188118 [babo]
0.00/5 (0 صوت)

01-14-2015 06:15 PM
ماذا يقول المهراجا غايتو مساعد رئيس شغله كله احتفالات وختان ورقصة عروس بالله ده شغل مساعد رئيس جمهورية أخير منك جلال الدقير وسلطة أي معتمد أقوى منك خدعوك وقالوا مساعد رئيس أخير ليك تلحق بأبوك


#1188016 [واحد مستاء]
0.00/5 (0 صوت)

01-14-2015 03:20 PM
هسع الود ده لابس شنو في راسو
ياخى ابوه بتاع الابتكارات ما شفناه لابس كده
هسع دي عمة وين دي ؟؟
غايتو فى السودان مافي عمة زي دي ولا في باكستان حتى
مش كفاية الناس البطرزوا العمه ويكفوها لي قدام تبقى توب العروس ؟؟؟

الله يمرضكم ويقرفكم ياخي


ردود على واحد مستاء
[توتو بن حميده آل حميده] 01-14-2015 06:08 PM
تشبه عمة الهندوس بالهند -


#1187945 [مدحت عروة]
0.00/5 (0 صوت)

01-14-2015 01:34 PM
ناس انقلاب الانقاذ الاتمردوا على الدستور وحكومة الصادق المهدى الشرعية هم بالضبط عايزين شنو؟؟
واحسن يكونوا واضحين بدل ما يقعدوا يلفوا ويدوروا!!!!!!!


#1187745 [محروق الحشى]
0.00/5 (0 صوت)

01-14-2015 09:38 AM
عالم (وهم )قولو ليهم خلاص كفايه وانتهت الحكايه بعد السويتوه في الشعب الغلبان ده جايين تخموهم تاني حليلك يا ود المهري هريتو الناس بفعايلكم الشيطانية دي وجاي تتبوجح وتقول الناس تتسامي فوق كل هذه الجراح . عليك الله قوم بـ وشوف ليك مراح ضأن اسرح وامرح معاه احسن ليك من البتسوي فيه ده .
بلي يجليكم ان شاء الله.


#1187642 [سراجا الدين الفكى]
5.00/5 (1 صوت)

01-14-2015 08:13 AM
اولا ياعبدالرحمن دة شنو البتعمل فوقو؟ واللهى انا مستغرب منك للغاية, وان الامر احد خيارين:
1. اما انت وابوك بتخططوا لشئ ما.
او انك بتبيع فى ابوك.
والفى القدرة بجيبو المغراف.
ثم ثانيا شنو قصة ملبسك المريب, مرة تلبس باكستانى, وتارة هندى زى ما واضح فى الصورةعمة ملونة ومخططة, او ربما ولد فى شرق اسيا.
يااخى سيبك من البشير دة قصتو منتهية, امرق رقبتك,
ياخى الدنيا صارت كلها عجائب.


#1187637 [قدرو قدرو]
0.00/5 (0 صوت)

01-14-2015 08:00 AM
عليك الله فى ابتلاء اعظم من الحاصل ده وشوف اسماء الزبالة المجتمعه فى كنانة دى بعدين يا مساعد الرقاص اشرح لينا حدوتة ابوك المواجه بعدة بلاغات تصل عقوبتها الى الاعدام وانت لازلت مساعد للرقاص ويلعب بك غندور ومحمد عطا ويرسلوك للمهرجانات والاحتفالات والملاهى .الله يغطس حجر فريق الغفلة غورباتشوف حزب الامة غواصة المؤتمر الوثنى محافظ كلبس صديق غطس حجرك وحجر ابوك وحجر حزب الامة الذى لم يكن يوما بهذ الضعف والهزال ولم يعرف الحزب منذ نشاته انصاف المواقف والضبابية الا فى هذا العهد الاغبر ولينتقم الله من الذى .كان السبب


#1187579 [كديس]
0.00/5 (0 صوت)

01-14-2015 03:10 AM
ملايه في شكل عمه...صحي قالوا لو داير تظهر البس اصفر


#1187505 [الحقيقة مرة]
0.00/5 (0 صوت)

01-13-2015 10:02 PM
يا للعار


#1187496 [ودكركوج]
0.00/5 (0 صوت)

01-13-2015 09:40 PM
شر البلية مايضحك. هذا الجقر من ذلك الفار.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة