في



الأخبار
أخبار السودان
"خطفت الأضواء" هبة الله حامد.. سودانية في مسابقة ملكة جمال العرب
"خطفت الأضواء" هبة الله حامد.. سودانية في مسابقة ملكة جمال العرب



شاهد الصور
01-25-2015 11:23 PM


الخرطوم - درية منير

تم اختيارها من ضمن عشر متنافسات بقاهرة المعز وفقا لمعايير وضعتها لجنة مسابقة ملكة جمال العرب، حيث شاركت هبة الله حامد بالمسابقة الثقافية السياحية التي أقيمت بجمهورية مصر العربية مؤخراً، التي كانت بعنوان (فتاة العرب المثالية وملكة جمال العرب2015م)، وانحصر التنافس بين (16) فتاة من المتسابقات توافدن من جميع أنحاء الوطن العربي.

(1)

بدأ الترشيح لعشر فتيات من كل بلد عربي ومضت التصفيات وفي نهاية المطاف حصلت المغربية سلمى كظموط على اللقب وحلت التونسية ياسمين داكومي في المرتبة الثانية، وابتدعت اللجنة أفكار جديدة في المسابقة أشارت فيها إلى أنها ثقافية مثالية أكثر من كونها جمالية وللمعرفة الدقيقة بكافة التفاصيل تم حصر الفتيات في معسكر لمدة عشرة أيام كانت فيه مسابقة للطبخ وامتحانان شفهي وتحريري، بجانب دراسة لتصرفات الجميع، ومن ثم الطول والوزن، وبقية المواصفات إلى أن تم التتويج.

(2)

هبة الله حامد آدم التي تبلغ من العمر (19) ربيعا، قالت في حديثها لـ (اليوم التالي): أدرس لغات شرقية في جامعة القاهرة بجانب كورسات في التنمية البشرية والمحاسبة، كما أشغل منصب (سكرتير عام) في جمعية خيرية سودانية في مصر. وأهوى قراءة الكتب والرقص والرسم، مضيفة أن طموحها التجول حول العالم والتعرف على عادات وتقاليد وديانات وأشخاص جدد، بجانب المشاركة في الأعمال الخيرية وتعريف العالم أن المرأة السودانية هي أم وزوجة وأخت وصديقة مثقفة جميلة وذات وجود وشخصية مستقلة تحارب لتوصل، كما تسعى لبذل أقصى جهد لتمثيل السودان في أحسن صورة.

(3)

أحلام مهدي صالح والدة هبة درست علم النفس بجامعة الأحفاد للبنات عرفت بنشاطها في مجال مساعدة النازحين في إقليم دارفور لها شقيقة أصغر منها حيث لم يكلمن دراستهن بدواعي السفر مع والدتهن منذ سنتين إلى القاهرة، التحقت هبة للعمل مع والدتها في منظمه بناء قدرات اللاجئين السودانيين في القاهره.
اليوم التالي

image
image
image






تعليقات 70 | إهداء 0 | زيارات 27928

التعليقات
#1592535 [سوداني]
0.00/5 (0 صوت)

02-02-2017 06:07 PM
شينة شنات السنين ... وبعدين مشاركتها ما كانت بعلم السودان لا حيكومة ولا شعب ... ما عارف نشلوها من وين وجابوها .. عايزين يدخلونا معاهم في لجلجة العري والتفسخ بالقوة ... الله يدين العافية بس ...


#1196149 [saif]
1.00/5 (1 صوت)

01-26-2015 09:06 PM
بس دة انتو الفالحين فيهوووووووووووووووووووووووووووووووووووووو ؟؟


#1196132 [adil mohyeddin]
1.00/5 (1 صوت)

01-26-2015 08:37 PM
لنفترض انها فازت بالمركز الاول:ما هى الرسالة الانسانية التى يمكن ان تؤديها مثل هذه المسابقات؟


#1196094 [المقدوم مسلم]
1.00/5 (1 صوت)

01-26-2015 07:05 PM
استحمت و ظبطت التوب جيل ..


#1196093 [خارجونا]
4.00/5 (3 صوت)

01-26-2015 07:05 PM
بالنسبة ليكم يعني !

بالنسبة لي نفحات التقوى دي !!

شنو ، حقيرتي في بقرتي !؟

سممحة وكان ما سمحة ، سممحة :)

ما جات شاورت واحد فيكم " يا بتاعين كلو "


#1196036 [badamacy]
1.00/5 (1 صوت)

01-26-2015 05:01 PM
الجماعة بركزو في العقل مو الجسم ما تمشو بعيد


#1196024 [تينا]
1.00/5 (1 صوت)

01-26-2015 04:40 PM
سودانية ؟ فى مسابقة ملكة جمال (((العرب))) عديييييل ؟! يا هبةالله ... دا كلام شنو دا مابنقرأ دائما وكثييير فى الراكوبة دى انو السودان ما بلد عربى حيرتونا بالجد ورونا الراى شنو ...


#1195975 [أنا افريقي انا سوداني]
1.00/5 (1 صوت)

01-26-2015 02:52 PM
ام ملكة الجمال هي احلام مهدي صالح !!!!طيب ما تقول لي من زمان !!!!!ما غريب البنت تطلع رقاصة وحاجات تانية حامياني[email protected]!


#1195945 [النصيحة]
3.00/5 (6 صوت)

01-26-2015 01:54 PM
خلاص مكنات الحقد والحسد اشتغلت, مالكم ومالها لها كامل الحرية أن تشق طريق حياتها بما تراه يناسبها وانتوا أمشوا حسنوا فى حياتكم التعيسة الفزتوا بيها عالميا.


#1195905 [منصور]
1.00/5 (2 صوت)

01-26-2015 12:37 PM
كونها سودانية فلها التحية لكن كل ما اشوفها اترحم على راغب علامة فهو الخبير في الجمال السودانى


#1195885 [ود ميدوب]
1.00/5 (1 صوت)

01-26-2015 12:08 PM
الحكاية محاصصة وكدة, عشان تمثل دائرة جغرافية للسودان الاقريقى الكوشى فى برلمان الجمال.
و بصراحة انا عندى بت خالتى اجمل من كدة بكتير. لكن نقول ليها مبروك استمرى يا غرقت يا جيت حازمة.


#1195849 [سيف الدين]
2.00/5 (3 صوت)

01-26-2015 11:54 AM
اوع تشتهري ذي ميا خليفة اللبنانية والعياذ بالله .


#1195844 [كرم]
3.00/5 (2 صوت)

01-26-2015 11:51 AM
هذه مواضيع أنصرافيه ياشباب السودان ، أبقوا صاحيين للجماعة ديل والله همنا أكبر من كده بكتيييير .


#1195828 [Abo Obayda]
1.00/5 (1 صوت)

01-26-2015 11:36 AM
المسابقات المتل دي حتى عند الناس الابتدعوها معروف بحصل فيها شنو و معروفة التجاوزات الاخلاقية اللي بتحصل فيها ، كيف امها و ابوها سمحوا ليها بالمشاركة في مثل هذه المسابقة!


#1195826 [Boshab]
3.00/5 (4 صوت)

01-26-2015 11:34 AM
السودانيون لا يشجعوا بعضهم البعض لذا بدا سب هذه الشابة بدون سبب وهذا يدل على الكبت و الحقد الذى جعل البلد على راس قائمة البؤس, يا سيد ذهب بك الخيال الجنسى ان تتهم هذه الشابة بانهل حيبوسوها فى الافلام و كده طيب انت ايه دخلك هل انت متخصص حراسة اعضاء تناسلية؟
اتمنى ان تفوز هذة الشابة الشجاعة و هى تمثلنا نعم سودان المستقبل المتحرر من الخرافات و الخزعبلات و ذقون الغش و الكذب.


ردود على Boshab
European Union [سوداني] 02-12-2015 06:05 PM
اقطع ذراعي يا بوشاب لو طلعت سوداني..
يا اخي مالك ومالنا، نشتم ولا نمدح نحن احرار مع بعضنا، حاشر نخرتك مالك؟؟
خارجنا بالله شوف ليك حتة


#1195818 [مفتخر ببلدو وناسوا]
1.00/5 (1 صوت)

01-26-2015 11:23 AM
لست لدينا شئ غير التنظير والتبخيس والخساسة والقبلية فاوالله لن تقوم لنا قايمة إن لم نرض عن انفسناا.الغريبة ححتي البنات امثال ام احمد ذهبوا الي جمالها فقط ولم يلتفتوا عن بقية ما تملكه رغم انني ضد الملابس الكاشفة والمتعرية وكشف الراس ولاكنني لا انبذ ولن ابخس اي انسان كان وخصوصآ ابن بلدي.....وياabdu. مع احترامي لشخصك بس جيب امك وكل ال بيت لاي دولة عربية اخري واذكر انك عربي؟؟؟؟حينها ستعرف بانها فقط (خادماية) ام ال بيتك ايضآ ...
تواضعوا و .اقبلوا بذاتكم السودانية يرفعكم الله


#1195809 [freedomfighter]
2.50/5 (2 صوت)

01-26-2015 11:16 AM
والله العظيم يا احلام مهدى صالح انت اتهيتى! الله يرحمك الحاج مهدى صالح لوكنت قاعد كان دا ما بقى.


#1195804 [أب قرن]
3.00/5 (2 صوت)

01-26-2015 11:12 AM
هدولا حريمكم الله يعينكم


#1195736 [سالم السالم]
1.50/5 (2 صوت)

01-26-2015 10:20 AM
انا جاهز


#1195729 [AHMED SALAH]
1.25/5 (3 صوت)

01-26-2015 10:13 AM
ياجماعه افهموا مسابقات إختيار ملكة الجمال دائماً بتعمد فى الدرجه الاولى علي الذكاء , واللباقه , وامور كتيره اخرها جمال الشكل..!!!!


ردود على AHMED SALAH
European Union [الكنزي] 01-26-2015 10:37 AM
والله كان طلعت القمرا و جات و كان بقت اثقف من عبدالله الطيب .. برضو العرب ديل ماااا بفوزوها ... قال لباغة قال ... كدي خليها تقول (تسعة) لللجنة بتاعة المسابقة


#1195725 [امنا الغوله]
2.75/5 (6 صوت)

01-26-2015 10:04 AM
والله شينه شنا عجيبه والعجب انو لبسواا البوصه وما بقت عروسه قال جميله


#1195714 [jungle ,s lion]
1.00/5 (1 صوت)

01-26-2015 09:53 AM
يا هبوية يا عسل السودان هذة المسابقة تنطبق تمام الانطباق مع التوجة الحضارى بتاع الترابى و البشير و كمان غازى الا ترين ان عدد الفنمانات اصبح رقم فلكى فى دولة التوجه الحضارى و لم يكن عندنا غير حنان بلبلو ؟؟؟ و قريباً جداً سوف يقوم السد ( كرتى ) بطلب ايدك


#1195694 [Sudani]
1.00/5 (1 صوت)

01-26-2015 09:37 AM
وينك انت يا هبة المهندس


#1195687 [محمد]
1.00/5 (1 صوت)

01-26-2015 09:25 AM
عاوزين يعلموها السحسحة وبعدين يرموها على السودانيين


#1195660 [عواد]
1.75/5 (5 صوت)

01-26-2015 09:01 AM
استروا النسوان اااااناااااااس عرسوهن وخلونا من الكلام الجاي وجاي .. كل واحد ماسك ليهو في مرة وااااااااحدة وكاب الجرسة ولابد ... ما تخجلوا ااااناس .. وفي كمان صبيان مابيين العرس تب .. الخوف ملأ قلوبهم وقنطانين من رحمة الله التقول بعلموا بغيب الارزاق .. السبب انتوا ديل ... اسع البنت دي لو لقت ليها راجل بكرة بتخلي البتسوي فيهو دا ..


ردود على عواد
United States [خارجونا] 01-26-2015 07:09 PM
ههههههه ، اي صحي !!

عيب لي نفسك

[انا] 01-26-2015 12:30 PM
وانت مالك ، ما راجل ؟؟؟؟؟؟


#1195647 [برعي]
1.50/5 (5 صوت)

01-26-2015 08:54 AM
اعوذ بالله ؟ شينه ومعولقه وكلها تركيب ، ما في زول اديها راسها ؟


#1195636 [اسماعيل صديق التويم]
3.00/5 (4 صوت)

01-26-2015 08:49 AM
ربنا يهدي الجميع انشاء الله


#1195629 [أبو السارة]
3.00/5 (2 صوت)

01-26-2015 08:46 AM
قولوا ماشاء الله... قولوا ماشاء الله...انها جميلة حقا قلبا وقالباولكنني أشعر بالأسف من قول الذين يهاجمونها ويسيئون اليها لا لذنب سوي أنها حاولت أن تعكس صورة حضارية جميلة لهذا الوطن الجميل في زمن تراجعت فيه ثقافة الجمال وتفشت ثقافة القبح والكراهية والحقد علي كل ماهو طيب وجميل. جميلة أنت يابنت بلدي...لاتهتمين بقول الحاقدين وستشرق يوما ما شمس الجمال علينا وتنزوي بعيدا خفافيش الكراهية والقبح والحقدمن قلوب أبناء هذا البلد الطيب.


ردود على أبو السارة
European Union [سوداني] 02-12-2015 06:11 PM
كان طرت السما يا ابو سارة انت ما سوداني!!!!
نحن بنعرف بعضنا كويس، من أول حرف، تلاقي عريبي مقطع ولا حلبي من اولاد الرقاصات..
هوينا بالله لو سمحت

European Union [الفونجي] 01-26-2015 10:07 AM
ياأخي العزيز ابو السارة كراهية شنو وقبح شنو وحقد شنو وشمس وقمر شنو البيي تتكلم عليهم انت مسلم ولا حاجة ثانتة .. بترضى لي بنتك تعرض جسمها لي الغرباء .. ياخي حتى المسحيين المتدينين مابرضو تقولي شمس وقمر .


#1195627 [الفونجي]
3.00/5 (2 صوت)

01-26-2015 08:46 AM
عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااار وبسم السودان كمان ( لا حو لة وإلا قوة الا بالله العلي العظيم ) .


#1195616 [abubaker]
2.00/5 (2 صوت)

01-26-2015 08:38 AM
مبروك يا اهل الموتمر الوطني جاتكم عروس جديدة تكون من نصيب مين اخوان البشير ياترى


#1195612 [ساهر]
1.00/5 (1 صوت)

01-26-2015 08:37 AM
إن الله جميل يحب الجمال. وأبدع خلق الله المعروفة للإنسان هو الإنسان. فقط لي ملاحظة: من قامت بعمل الميكاج للمتسابقة السودانية الذي يظهر في الصورة الأولى لم تخف فيها الله فقد (جربنتها) (جنس جربنة). الصورة الوسطى تظهر أن هذه الفتاة جميلة فعلاً. الصورة الثالثة والأخيرة أيضاً (مجربنة) والزمام ضخم قليلاً، والبسمة غير موحية، فهي بسمة وجلة أشبه بالعبوس من الابتسام وأظهرت ضخامة الشفاه على الرغم من أن شهيرات الغرب يستمن من أجل تضخيم شفاههن. كل من ربحن جوائز مسابقات ملكات الجمال الإقليمة والعالمية كن يحرصن على الظهور بمظهرهن الطبيعي. كلما تذكرت المحامية النيجيرية التي دفعت مبلغ 3 آلاف دولار لإجراء (نونة) (قمزة) خد طبيعة على خدها، ولكن النتيجة كانت خلافاً لما تتوقع فقد حفر الجراج خدها وشوه منظرها تشويهاً دائماً... يجول بخاطري الكم من الفتيات السودانيات اللائي يتمتعن ب (نونات) طبيعية ولا يلتفت إليها أي شاب سوداني ولا يلتفتن هن إليها.


#1195608 [جركان فاضى]
1.00/5 (1 صوت)

01-26-2015 08:32 AM
وبكرة المصريين يعملوها بطلة سينمائية...وهاك يابوس على المكشوف


#1195609 [النجاشى]
1.00/5 (1 صوت)

01-26-2015 08:32 AM
بعد كم يوم كده واحد من اخوان البشير بقدم ورقو اصلو ناس البشير بقو زى اللوترى للبنات الواحد مجرد مايشوف بنت جميله طوالى يتزوجه عايزين اى حاجه سمحه فى السودان تكون ملك ال البشير شبعو من خير السودان وعايزين كمان يشبعو فى الجنس كمان


#1195605 [كردفاني]
1.00/5 (1 صوت)

01-26-2015 08:27 AM
بنحب من بلدنا مابرا البلد سودانية تهوي عاشق ود بلد
وإلي ضاعة البلد وضاعن بنات البلد.....!


#1195581 [MAGED]
3.00/5 (2 صوت)

01-26-2015 08:12 AM
قبح الله وجهك يا فاجرهشوهتى سمعت السودان


#1195579 [المقدوم مسلم]
1.00/5 (1 صوت)

01-26-2015 08:11 AM
والله (( حليمة ادريس )) ست الشاى اجمل من دى مليون مرة ..!!!! اختاروها مجاملة عشان السودانيين ما يتعقدوا ...
طيب (( شيرين )) تطلع شنو ...ملكة جمال الكون ؟؟؟


ردود على المقدوم مسلم
European Union [نقطه نظام!] 01-26-2015 09:46 AM
شيرين منو؟؟


#1195562 [abdu]
1.75/5 (3 صوت)

01-26-2015 07:54 AM
خادمايه


#1195549 [MANO ALI]
1.00/5 (1 صوت)

01-26-2015 07:25 AM
قباحة السنين


#1195540 [باكاش]
1.00/5 (1 صوت)

01-26-2015 07:06 AM
درية منير يها ...
عرفناها شاركت ..كمان ختفت الادواء!!!


#1195536 [ABUBAKER]
2.63/5 (6 صوت)

01-26-2015 06:58 AM
الجمال جمال النفوس وجمال المرأة في العفة والحشمة وهذه العروض لا تفيدك كثيرا يا اختاه توبي الى الله واحتشمي


#1195533 [باكاش]
1.00/5 (3 صوت)

01-26-2015 06:51 AM
تيب
يانى دى اجمل واهدة فى السودان ؟؟؟؟
بادين لما يقولوا ليكم فكرة السودانيين ما تجى الا الساعة اتناعشر بتزعلوا!
اى ممكن تكون ملكة جمال العرب لكن ملكة جمال السودانيين !!غايتواانى كاكن.


#1195529 [fm3]
2.50/5 (4 صوت)

01-26-2015 06:35 AM
السودان اصلا ضااااع من بدرى
وهذه عوامل ومعاول الهدم
ومسابقات الجمال هذه بدعة يهوديه لتعرية بنات الاسلام
وكمان بتصور بملابس البحر زي ما بقولوا المااااايوه
تروح وين من الله يارافع شعار حكم الله والشريعه ضيعت بنات الناس


#1195524 [ابو وائل]
2.50/5 (4 صوت)

01-26-2015 06:14 AM
اعوذبالله من غضب الله


#1195505 [البلولة حمدان العوض (مصلح اجتماعي)]
2.13/5 (5 صوت)

01-26-2015 04:09 AM
سماحة الحريم في السودان انتهت مع زوال عهد الشلوخ العراض ودق الشلوفة والحجل والزمام والمشاط والمساير عندما كانت المرأة وراء الخباء .... زمن السارة وحليمة وست البنات وأم حكين ....الآن أصبح كل شيء مصطنعا مساحيق وسفور وخمج وعك وعدم حياء .. ويقولو ليك الحضارة ومسايرة العصر .... العصرة التعصركم من قمة رئيسكم الخمجان إلى أصغر جرز في السلطة..!


#1195476 [كمال ابو القاسم محمد]
1.00/5 (2 صوت)

01-26-2015 02:53 AM
فعلا الناس في شنو والحسانية في شنو!!!


#1195475 [كمال ابو القاسم محمد]
1.50/5 (3 صوت)

01-26-2015 02:51 AM
اها وين الفحل اللواء الدكتور طبيب عبد الله حسن احمد البشير...يكمل بيها عقد (الاربعة) في موسم انتخابات بهبهونا عمرالبشير يكملوا بيها فرحة (الحاجة هدية) بضاحية كافوري


#1195465 [shamy]
1.00/5 (2 صوت)

01-26-2015 02:32 AM
if she runs for the presidency she will be elected .she is more qualified than omer.and all the scumbags of NCP


#1195454 [فارس الحديد]
2.75/5 (5 صوت)

01-26-2015 02:04 AM
لاحول ولاقوة الا بالله العلي العظيم
كفار قريش بس


ردود على فارس الحديد
[تقابة] 01-26-2015 08:12 PM
هههه الله يجازي محنك

European Union [elkali7] 01-26-2015 08:52 AM
شوفتهم وين كفار قريش ؟ هههههه


#1195442 [masala]
1.00/5 (1 صوت)

01-26-2015 01:40 AM
جميلة يا الاخت , بس خليك سودانية افريقية , معتزة باصلك .فالعربية جزء من السودان و ليس الكل. ( حلوة جميلة و زيك وين .... يا بت سودان أصلك سوداني ) .


#1195431 [Almisahir fi izallail]
1.00/5 (1 صوت)

01-26-2015 01:23 AM
يا ناس " اتصحون ام افئدتكم غير صاحيه!!! صحى الشكره من الله ,, الما بديهو الكريم تعبااان!!


#1195415 [:::بيكو:::]
1.25/5 (3 صوت)

01-26-2015 12:23 AM
هملت هههههههههههه


#1195414 [Ema]
3.00/5 (7 صوت)

01-26-2015 12:22 AM
ده شنو فاسخة لونا لمن عقل اصابعا ظاهرة سودا حاولت تغطيهم بالحنة القبيحة دى وكمان شعر مستعار ........واكسسوار بلدىى . بى عواليقكم دى بتجيبوا لينا الكلام


ردود على Ema
European Union [سودانية] 01-26-2015 09:52 AM
كلامك صاح مية المية يا Ema- فاسخة لونا و مغطية السواد بالحنة الشينة - الإكسسوار كان ممكن يكون احسن من كدا- هي جميلة ولا لا اللجنة بتحكم بس دا رايي لو فضلت على لونها الأسمر كان لفتت النظر اكتر- وفي الأخير هي سودانية ونتمنى ليها التوفيق- يا ابو خنساء دي حاجات بيعرفوها البنات

European Union [عصمتووف] 01-26-2015 08:33 AM
وعدسات العين المركبة

European Union [ام احمد] 01-26-2015 07:47 AM
والله النصيحه قالتها ما سمحه وﻻ شى الشكرة من الله

European Union [ابو خنساء] 01-26-2015 07:01 AM
القال ليك منو مستعار شعر طبيعي والبنت صغيرة وجميلة وعلى الطبيعة اجمل من الصورة سمعت بي المثل (الكديس ما لحق اللحم قال ....)


#1195406 [salima]
2.00/5 (3 صوت)

01-26-2015 12:06 AM
اعوذ بالله من الشيطان الرجيم


ردود على salima
European Union [عبادي] 01-26-2015 09:19 AM
يا اكرا
لانها اعمال من فعل الشيطان فعلا وقولا

Russian Federation [akra] 01-26-2015 12:47 AM
هههههههههههههههههههههههه وليه الاستعاذة يعني ؟


#1195404 [همام]
2.44/5 (6 صوت)

01-26-2015 12:01 AM
الحكاية جاطت


ردود على همام
[معز] 01-26-2015 12:48 AM
ههههههههه قويه ياهمام


#1195403 [الفلكى]
3.94/5 (7 صوت)

01-25-2015 11:58 PM
اذا ساعدها الحظ ربما تجد عروض من بيوت الازياء العالمية وتشتهر كألصومالية ايمان أو نعومى كامبل



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة