في



الأخبار
أخبار السودان
برلماني: الربا يمارس في ولاية الخرطوم علناً
برلماني: الربا يمارس في ولاية الخرطوم علناً
برلماني: الربا يمارس في ولاية الخرطوم علناً


01-26-2015 11:17 AM
الخرطوم: عازة أبوعوف
اتهم النائب بتشريعي الخرطوم محمد علي قناوي حكومة ولاية الخرطوم بأنها تتعامل بالربا، وقال في جلسة المجلس أمس المخصصة للرد على خطاب والي الخرطوم الذي أودعه منضدة التشريع في فاتحة أعماله إن تعاملات الربا تمارس في الخرطوم علناً وجعلت المجتمع رذيلاً)، مطالباً بوقفه فوراً ومراجعة أسواق البيع المخفض، مقراً بوجود غش في السلع والموازين وزاد: "المفسدة أكثر من المصلحة".
وفي الأثناء شنّ عدد من النواب هجوماً عنيفاً على جهاز حماية الأراضي واتهموه بالقصور في الحد من التعدي على الأراضي الحكومية، وشددوا على ضرورة مراجعة آليات توزيع الدعم المباشر، وأقروا بأن أزمة المواصلات أرقهت كاهل المواطن، وطالبوا بوقف الصرف على الاحتفالات والمناسبات وتوجيه الأموال الى دعم الفقراء (وقفة الملاح) والتعليم والصحة.
وفي غضون ذلك أقرت نائب رئيس تشريعي الخرطوم رئيس لجنة الرد على خطاب الوالي نجاة كرداوي بوجود قصور صاحب مشروعات التمويل الأصغر وأسواق البيع المخفض وتشغيل الخريجين، وشددت على ضرورة إنشاء مستشفى متخصص لصحة الأم والطفل بكل محليات الولاية بالإضافة الى تعديل لوائح الخدمة الصحية لتصبح جاذبة للكادر الطبي، بجانب إيجاد حلول لمشكلة الصرف الصحي ببيت المال ـ أم درمان، مطالبة بإيجاد حلول لمشكلة الفاقد التربوي في الولاية، بجانب تشديد الرقابة على الشركات المنفذة لصيانة المصارف بالولاية، وطالبت بضرورة تخفيف الضغط على الصحافة والصحفيين.

الجريدة






تعليقات 11 | إهداء 0 | زيارات 3555

التعليقات
#1197005 [f]
0.00/5 (0 صوت)

01-27-2015 09:10 PM
هو الشنو في ولاية الخرطوم الذي لا يمارس علنا
الأطفال كلهم مرضى لأن النفايات بالشوارع وصلت كل الأنوف وأزكمتها
كله في رقبتكم الأطفال كلهم مرضى بالتلوث البيئ الذي أصبح السمة الغالبة على وجه عاصمتنا التي أصبحت مكب نفايات في كل الشوارع والأزقه


#1196913 [الحقيقة مرة]
5.00/5 (1 صوت)

01-27-2015 05:52 PM
إن تعاملات الربا تمارس في الخرطوم علناً
_____

علنا كمان ما في مكاتب مافي بنوك ما اختشا ما في حيا ؟ وهل يعلم امير المؤمنين بشة بان الناس صاروا يمارسون الربا في الشوارع ؟


#1196884 [ود احمد]
0.00/5 (0 صوت)

01-27-2015 05:08 PM
قناوي نفسه قال الناس على دين ملوكهم ا قرانية اي ربا يتحدث عنه هذه حكومة فاشلة بامتياز في ادارة الدولة ولذلك يجب تغييرها التغيير واجب وطني


#1196868 [مستور ورمان]
5.00/5 (1 صوت)

01-27-2015 04:33 PM
يا محمد علي قناوي - أسه خليك من الرباء - أمسك السرقة المباشرة بتاعت مكتب الوالي وشوف الوالي نفسو إختلس كم هذا الملعون من كافة الشعب . وناس الاراضي وبيت وزير المالية السابق علي محمود بـ 2 مليون دولار . أي رباتبحث عنو يا جبان.


#1196806 [المتغرب الأبدي]
5.00/5 (1 صوت)

01-27-2015 03:00 PM
وهي بقت على حكومة ولاية الخرطوم بس ؟؟ البرلمان نفسه ألم يبيح القروض الربوية من قبل ؟؟


#1196749 [هاني احمد]
0.00/5 (0 صوت)

01-27-2015 01:37 PM
بس بقت علي الربا
الناس ما لاقية أكل
الدولار وصل 9000 حيكون في ربا ونهب وسلب


#1196718 [karlos]
0.00/5 (0 صوت)

01-27-2015 01:03 PM
ربا و زنا و دبلوماسى اسبانى و اختطاف و انتهاك عروض و سرقة و فساد رجالة الما عاجبو يطلع الشارع و قصر رئاسى جديد منتهى السوء و كل يوم اسواء لا فحم لا غاز الما عاجبو يشترى مايكرويف و فرن كهربائى و الما ما لاقى ياكل يشترى هوت دوغ و بيتزا و الما عاجبو يلحس كوعو


#1196694 [أبوقرجة]
5.00/5 (1 صوت)

01-27-2015 12:38 PM
اقتباص (اتهم النائب بتشريعي الخرطوم محمد علي قناوي حكومة ولاية الخرطوم بأنها تتعامل بالربا) طيب موضوع غسان ما اتكلمتوا فيه ليه ..... داك سرقه عديل يعني أكعب من الربا...

لكن ستحرر الخرطوم عما قريب من هذه العصابه وبفضل الثوار الذين يتقدمون لها ... وسيدخلوها بسلام لأنه لا يوجد من يحميها وليس بها رجال للدفاع عنها..


#1196683 [A. Rahman]
5.00/5 (1 صوت)

01-27-2015 12:25 PM
انتو بتاعين المؤتمر الوطني ديل لسع قايلين في ناس يتصدق حكاية اسلامياتهم دي، ما خلاص عرفنا انه المال هو معبود الاخوان المسلمين الاوحد و الذي لا اله لهم غيره.


#1196640 [خالد يوسف]
5.00/5 (1 صوت)

01-27-2015 11:53 AM
اذن ما يعيشه اهلنا فى السودان بسبب الربا؟؟؟
لان اكل الربا ايذانا بحرب الله على من يتعامل به وهل يقدر على حرب الله سبحانه احد؟؟؟؟


#1196618 [سراجا الدين الفكى]
5.00/5 (3 صوت)

01-27-2015 11:36 AM
ياجماعة كلكم انتو متابعين ما كانت هنالك جرائم "خمش ولهط واكل مال عام" الا ورد فيها والى الخرطوم, بل كان فيها لاعب اساسى, الحكاية شنو؟ البيعمل فيهو الوالى دة شنو؟ اة.... ولا البلد مافيها حكومة من اصلوا.
الوالى دة جابوة "للضرب واللهط" على عينك ياتاجر. مالقى ليهو واحد يقعدو فى علبو. دة يضرب فى اى حاجة بالواضع كدة, واصلو ما عندو قشة مرة. يااخى دة غير الله ما فى شئ يهدو يدمرو ويطرشو حقوق الناس الغلابة ديل. الله يكتلك.


ردود على سراجا الدين الفكى
United States [habbani] 01-27-2015 12:41 PM
يا سراج الوالى دا ما بعرف ليه إلا كرم الله الكان رئيس المجلس التشريعى فى ولاية القضارف .. لكن داك همشوهو وإنشغل بمزارعه وفارقهن ..
طيره من القضارف بقى زيارة ما بمشى ليها



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة