الأخبار
أخبار إقليمية
حرم بكري حسن صالح : الفريق بكري رجل عظيم ومميز وأنا أقف وراءه أستمد منه تلك الصفات.. لا توجد مساحة للخروج وهذه أبهظ ضريبة أدفعها.. وكله يهون في سبيل الوطن.
حرم بكري حسن صالح : الفريق بكري رجل عظيم ومميز وأنا أقف وراءه أستمد منه تلك الصفات.. لا توجد مساحة للخروج وهذه أبهظ ضريبة أدفعها.. وكله يهون في سبيل الوطن.
 حرم بكري حسن صالح : الفريق بكري رجل عظيم ومميز وأنا أقف وراءه أستمد منه تلك الصفات.. لا توجد مساحة للخروج وهذه أبهظ ضريبة أدفعها.. وكله يهون في سبيل الوطن.


زوجي لا يحب الظهور الاعلامي.. وأنا «تربيتو»..إذا لم يكن ما يستوجب تعدد الزوجات فلا داعي له.
01-28-2015 11:14 PM
حوار: سهام منصور :

٭ ظهرت بحضور كبير وقوي في العمل الطوعي خصوصاً في الفترة الأخيرة.

في احتفالات محلية الخرطوم بافتتاح عدد من المنشآت لاحقتها الكاميرات وأقلام الصحفيين لاستنطاقها.. وهذا ما نجحت فيه «آخر لحظة» فكان هذا الحوار مع الأستاذة ليلى محمد علي حرم النائب الأول لرئيس الجمهورية الفريق أول بكري حسن صالح.. وتناول الحوار جوانب مهمة وكشفت فيه جوانب من أسرار حياتها مع النائب الأول.. إضافة لمسيرتها في العمل الطوعي.




٭ أولاً حدثينا عن بداية حياتك الزوجية مع النائب الأول وكيف بدأت العلاقة؟

- تزوجت النائب الأول، وأنا في مرحلة مبكرة من عمري، ووقتها كان النائب قد تخرج حديثاً من الكلية الحربية، وتجمعني به صلة قرابة من جانب الأم والأب.

٭ أين كان أول بيت لكما؟

- كنا نسكن في منطقة الكلاكلة في محطة سمارة حيث معظم اتحاد أبناء تلك المنطقة، ثم انتقلنا بعدها إلى كوبر.

٭ ما هو أول عمل طوعي قمت به؟

- بدأت في العمل الطوعي منذ أن كنت في المتوسطة، ولكن البداية الفعلية لي كانت في مصحة كوبر نفذت فيها عدد من الأعمال،بعدها انضممت إلى جميعة مهيرة برفقة عدد من نساء الدستوريين وعلى رأسهم كانت الأخت الفاضلة (زينب مكي).

٭ الآن انت كرئيسة لجمعية بت البلد الخيرية حدثينا عن أهداف هذه الجمعية؟

- من أهم أهداف جمعية بت البلد هو رعاية الأرامل والأطفال، بالاضافة إلى الأهتمام بقضايا التعليم والصحة، وإقامة المناشط الاجتماعية والثقافية والتدريب والتأهيل. ونعتبر أن التدريب والتأهيل هي الركيزة الأساسية لعملنا في الجمعية.

٭ ماهي تلك الدعومات التي تقدمها الجمعية؟

- في البداية عملنا على البرامج المؤسسية، والعمل العام في الفيضانات والكوارث، وفرحة العيد والصائم، وكنا نستهدف بها الدور الاستوائية والأرامل.

٭ والى أين وصلتم الآن؟

- الآن نحن في (بت البلد) نقوم بتمليك مشاريع انتاجية للمرأة فضلاً عن اهتمامنا بتدريبها قبل التمليك بعد الانتاج نقوم بمعاونتها على التسويق حتى لا يكون لدينا أي نساء متعثرات.

٭ آخر مشاريعكم التي قمتن بها؟

ـ في هذا الشهر قمنا بتخريج (120) دارسة في وسائل انتاجية مختلفة من مخبوزات وعطور والخطوة التالية هي تمليكهن لوسائل انتاج هذه الأعمال.

٭ الا تعتقدي معي أن هذا النوع من الانتاج في مجال العطور والمخبوزات أصبحت أسواقه ضعيفة وهل لديكن وسائل اخرى بديلة ؟

- نعم سيكون لدينا تدريب في الزراعة والجلود والخزف وبعض الصناعات الصغيرة، وهذه أيضاً سنقوم بتمليكهن ماكينات حتى تخرج هذه الأسر من دائرة الفقر إلى دائرة الإنتاج.

٭ هل لديكن متابعة دقيقة لهؤلاء الأسر بعد تمليكهن معينات العمل للتأكد من تحقيق الهدف الرئيسي من التمليك وهو الانتاج؟

- نعم لدينا مشرفات يقمن بعمل زيارات دورية لكل الأسر المملكة للمشاريع ونتابع معهن خطوات الانتاج والتسويق، وإذا وجدنا أي اشكالية نقوم بمعالجتها فوراً حتى لا يحدث تعثر كما ذكرت.

٭ من أين يأتي دعم الجمعية؟

- هناك خيرون يقدموا الدعم، والآن نحن بصدد عمل شراكات خارجية لتأهيل العمل.

٭ هل لديكن مناشط في الولايات؟

نعم لدينا مناشط وفروع في عدد من الولايات، ولكنها في شكل خلاوي والعمل فيها جماعي.

٭ ماذا أضافت لك الجمعية؟

أضافت لي الكثير ولم تنقص مني شيئاً على مستوى واجباتي الأخرى البيت والزوج والأبناء وكنت دائماً حريصة على المحافظة على بيتي أولاً لأنني أعتبر هذا هو النجاح والدافع الحقيقي وراء النجاحات الأخرى.

٭ هل تجدين نفسك عاجزة أمام بعض القضايا التي تخص المرأة؟

- دائماً ما أحس بالعجز عندما أجد شخصاً صاحب حاجة.. وتعثرت أمامي فرص تقديم العون له.

٭ ماهو رأيك في مشاركة المرأة في الحكم والعمل العام، وهل اخذت المرأة حقها في أحكام الدستور؟

- المرأة لها دور كبيراً ،وهي قادرة على صنع المعجزات، ودائماً ما تجدي المرأة ناجحة في القيام بدورها أمام قضايا المجتمع. أما عن أخذ حقها يكفينا زيادة نسبة تمثيلها إلى (30%) هذا يؤكد نجاحها في كل المهام الموكلة لها.

٭ من هي قدوتك من النساء في العمل العام؟

أعتز كثيراً بالدكتورة «آمنة مختار» فهي شخصية ناجحة جداً على المستوى السياسي والاكاديمي والطوعي وفي خدمة قضايا العمل العام .

٭ هل لديكم متابعة حول ما يدور في الخارج لتطوير مثل هذا العمل؟

- نحن نتابع متابعة دقيقة كل ما يدور حول هذا العمل حتى يكون لنا حصيلة أكبر من التجارب والمعلومات لتجويد الخدمة التي نقدمها، وحتى نكون في كامل الرضاء عن انفسنا واحلامنا وتطلعاتنا للعمل.

٭ ماهو تقييمك لعمل المرأة الريفية؟

- بالنسبة لتطورها في الريف هي قادرة على صنع الكثير والأفضل أكثر من المرأة في المدن، لأنها تكون متميزة أكثر بفرص التسويق لكن المرأة في المدن المنافسة لديها شديدة في الأسواق الجاهزة.

٭ هل لدى الجمعية نشاطات في محاربة العادات الضارة؟

- أنا أقف عاجزة أمام محاربة هذه العادات لأن من الصعب جداً تغيير الثقافات والموروثات لكن ما يعجبني أكثر عند قبيلة الدنقالة أنهم لا يقيمون العزاء لأكثر من ساعتين، وهذا شئ جيد، لأنه يوفر على أهل المرحوم الكثير من المال والجهد.

٭ هل لديكم دعوات للتكافل الاجتماعي عبر الأقارب؟

- لو نجحنا في ترسيخ هذه القيم لن نكون في حاجة إلى إقامة أي منظمات أو جمعيات طوعية لتقديم المساعدات.

٭ هل أنت راضية عن عملك وعن ما حققته بت البلد؟

- ليس تمام الرضاء لأنه مازال هناك أصحاب حاجات تقف أمامنا الامكانيات في مساعدتهم.

٭ هل يتطلب القيام بالعمل الطوعي اقامة جمعيات ومنظمات؟ ألا يمكن أن يكون العمل عبر الناشطات في الأحياء لتقليل التكلفة؟

- بالتأكيد أية خدمة تقدم لصالح أصحاب حاجة هو عمل طوعي لكن الجمعيات تقوم بتنظيم هذا العمل حتى تكون الفائدة أكبر، أما عن نفسي فأنا لن تقف امامي الامكانيات لتنفيذ خططي وأهدافي في نشر ثقافة العلم الطوعي. وإن لزم الأمر سأجعل من منزل النائب الأول مقرًا للجمعية وللقاء النشاطات اجتماعياً.

٭ يقال وراء كل رجل عظيم امرأة.. من كان وراء النائب الأول في نجاحاته المشهودة؟

- بكل فخر أقول أن الفريق بكري رجل عظيم بطباعه ومقدرته على إدارة الأمور وتدبيرها، وهو رجل مميز في تخطي المحن والأزمات، وأنا أقف وراءه أستمد منه تلك الصفات.

٭كيف هي علاقة النائب الأول بالأسرة الممتدة؟

- هو رجل اجتماعي ومواصلاً لعلاقته الأسرية حتى إن كان خارج البلاد أقوم بتمثيله أنا والأبناء، وعند حضوره يقوم بأداء الواجب.

٭ هل تغير شيئاً عندك بعد منصب النائب الأول مثلاً في القيام بواجباتك تجاه زوجك وضيوفه، هل المراسم تقوم بدورك الآن؟

-لم يتغير عندنا في البيت اي شيء من ما كان عليه سابقاً وما زلنا محافظين على عاداتنا وتقاليدنا، والبيت فاتح للضيوف من البلد، ومن الخرطوم، وكل كبيرة وصغيرة في المنزل تحت اشرافي، وكل ما يحتاجه النائب الأول في المنزل من اختصاصي أنا.

٭هل اصبح النائب الأول بعيداً عن البيت بعد توليه المنصب؟

- منذ الانقاذ وهو بعيد عن الأسرة ولكنها ضريبة أدفعها أنا وأبنائي من أجل الوطن.

٭ ماذا عن مزاج النائب الأول والتوترات السياسية هل يصطحبها معه الى البيت؟

-ابتداء دعيني أقول إن بكري زوج وأب مختلف تماماً.. ولا نشعر نحن في البيت بالحالة المزاجية التي كان عليها قبل دخوله علينا.. فهو رجل يستطيع فصل الأمور عن بعضها جيدًا، وهو بالنسبة لنا الأب المثالي.

٭ ماذا عن اهتمامه بالأبناء والمشاركة في حل مشاكلهم؟

- -90% من هذه الأمور اتحملها أنا لأنني مقدرة انشغاله بهموم الوطن.. واقل مساعدة اقدمها له هي ان أتحمل عنه هذا الجزء اليسير.

٭ يوم الجمعة عند الأسرة السودانية والفطور البلدي فكيف الجمعة عندكم؟

-فطورنا يوم الجمعة زي كل بيت سوداني.. لكن ما نتميز به نحن الدناقلة هو القراصة بالدمعة والقراصة بالبلح والزبادي.. وهذه عادتنا منذ زمن..! لم تتغير حتى الآن حتى في وجود ضيوف رسميين تكون ضمن الوجبة.

٭ هل هناك اشخاص يلجأون لك لتقديم بعض الطلبات للنائب الأول، وهل تهتمين بها ويتم ايصالها له؟

-كل ما هو معقول ومسموح به أقوم بتمريره له، وانا وقتها استطيع تقييم الموقف، واعرف ما يمكن أن يقبله النائب أو يرفضه.

٭ هل لديكم وقتاً خاصاً للخروج أنت والنائب الأول؟

- بصراحة هذا خارج حساباتنا، لأن عمله رسمي، ولا توجد مساحة لذلك وهذه أبهظ ضريبة أدفعها.. وكله يهون في سبيل الوطن.

٭هل لديك احساس بالنقص نسبة لعمله هذا؟

-أكيد في بعض الأشياء التي لا يكون متواجدًا معنا فيها مثل المناسبات الصغيرة واحساس الفرحة الناقص من دونه.. لكننا تعودنا على ذلك منذ البداية.

٭لماذا تأخر ظهورك في الاعلام؟

- زوجي لا يحب الظهور الاعلامي.. وأنا «تربيتو».

٭ هل تشاركين النائب الأول فرحتك؟

-احدثه بكل ما يسعدني، وبكل ما قمت بانجازه بنجاح ليشاركني هذه الفرحة واستفيد من رأيه.

٭ ما هو رأيك في تعدد الزوجات؟

-فوق كل رأي هو شرع الله أما على صعيدي الشخصي إذا لم يكن ما يستوجب ذلك التعدد فلا داعي له.

اخر لحظة


تعليقات 45 | إهداء 0 | زيارات 25925

التعليقات
#1623882 [أبصلعة الحالق دقنو]
0.00/5 (0 صوت)

04-06-2017 03:44 PM
بطلي فلهمة وأسأليهو إنشاءالله في (ونسة سرير): عملتو شنو في موضوع حلايب وشلاتين؟ ..راجلك بى كرشه المدلدلة ونياشينو ورتبته العسكرية الوهميةالحايم وقاشر بيها قدامك دي .. يمين بالله نبلة ما يقدر يفنها في قمرية خليك من يعبي مشط مسدسه ويتقدم الصفوف للقتال مع العدو..

قالت كله في سبيل الوطن!!... ياحرامية يا نصابين!!


ردود على أبصلعة الحالق دقنو
United Arab Emirates [السنجك] 04-07-2017 08:32 AM
والله المراة دى ارجل منك


#1623027 [خالد]
0.00/5 (0 صوت)

04-04-2017 03:38 PM
وهسي الفي الصورة دا بكري ولا مرتو ؟؟!!
افيدونا يرحمكم الله
لعنة الله على الكيزان اجمعين


ردود على خالد
European Union [خالد] 04-05-2017 05:34 PM
الحاصل شنو يا محمود القديم ؟؟؟!!!
انت مسطول زي قريبك ولاشنو ولا شنو سؤالك هو الابيخ ايه علاقة بكري بالكيزان ؟؟؟!!!
وبعدين مارديت على السؤال دا بكري ولا مرتو ؟؟!!
افيدنا الله يطلع دينك طيب ؟؟!!
بالادب قلنا يرحمكم الله جابت قلة ادب ياكوز يا عفن

Saudi Arabia [mahmoudjadeed] 04-05-2017 11:57 AM
سؤالك عبيط وبايخ . ايه الدخل الكيزان في الموضوع وايه علاقة بكري ذاتو بالكيزان .


#1622754 [zozo]
0.00/5 (0 صوت)

04-04-2017 07:23 AM
من مميزات الحشاشين بشكل عام ما بحبو الأضواء


#1198222 [الواثق]
0.00/5 (0 صوت)

01-29-2015 07:21 PM
تهانى


#1198207 [Hani]
0.00/5 (0 صوت)

01-29-2015 06:45 PM
اعتدت ٲن ازيد رتبة لزوجة ضباطـ
الجيش. فالٲستاذة ليلﯼ تحمل عندي رتبة مشير لٲن رتبة زوجها فريق ٲول وٲقف عند هذا ولا تسٲلوا عن من كان زوجاها يحمل رتبة المشير.


#1198197 [Abu]
4.00/5 (2 صوت)

01-29-2015 06:21 PM
It will be definitely belligerent to comment on this poor article. Pathetic the time wasted in reading this garbage. Unfortunately I cannot see a soon end of this dilemma we are witnessing with this mob, not to forget them spouses too!!!


#1198127 [ميرغنى]
1.00/5 (2 صوت)

01-29-2015 04:20 PM
مين قال ليكم بكرى دنقلاوى هو محسى بس جغرافيا تابع لدنقلا وما عندو اى علاقة بدنقلا مع احترامى الشديد لاولاد عمومتنا الدناقلة ولكل اهل السودان وسلامتكم


ردود على ميرغنى
Saudi Arabia [mahmoudjadeed] 04-05-2017 11:59 AM
يا بكري انت جايب الكلام ده من وين ؟ّ بكري دنقلاوي رغم انه مافي فرق بين دنقلاوي ومحسي رغم ذلك يبقى الدنقلاوي دنقلاوياً والمحسي محسياً .

European Union [ود الركابي] 01-29-2015 06:31 PM
دنقلاوي ولا غيرو ياميرغني فرقت شنو ..


#1198083 [نوبة نيمانج]
5.00/5 (1 صوت)

01-29-2015 03:16 PM
يا عربي بتاع بني مخزوم، ما تكتر كلام عرب ساكت(شديدي سواد البشرة ويميلون إلي التحدث بالرطانة) وما عارف شنو..... ياخي الناس ديل أهلنا وكانوا في أشكالهم زينا واحد لكن أهلك العرب لما غزو بلاد النوبة تزاوجو معهم وبرضو إختلطو بأثينيات أخري.

هسي الفرق بين نوبيين ونوبة شنو؟ هم بس دايريين يهربو من أصلهم الزنجي، لكن التاريخ واضح.
أنحنا بنقول حضارة كوش حقتنا، وهم بقولو حضارة كوش برضو حقتهم. قلنا ليهم طيب ما تقولوا نوبة مدلعينها مالكم بكلمة نوبيين وشنو ما عارف. ياخي أنحنا كنوبة نفتخر بأصلنا وقيمنا وتراثنا وتقاليدنا وما شايفيين زول أحسن مننا. وربنا خلق الناس كلهم.

شوف في كلمات كتيرة متشابهة بينا كنموذج بس:
)
الوالد: (ابا) بلغة الدناقلة والغلفان والكواليب وابو بلغة المحس.
الوجه: يسمي (كونج) بلغة الغلفان والدناقلة والمحس وقبائل اخرى.
اللبن: يسمى (اج) بلغة الغلفان و(إجيه) بلغة الدناقلة.
كوكو: اسم مشترك بين الجبال ونوبة الشمال ومعناها الاسد.

وغيرها كتير. وشوف رسوم المرويين علي الجدران هي تعبر عن ثقافة النوبة، يعني رسموها أجدادنا.

بعدين الجعليين ذاتهم فيهم أصول حبشية(مثلاً ديم القراي، أصلاً أسمه ديم التقراي) وبرضو إختلطوا بأثنيات أخري حلب وغيرهم، وهم أصلاً ناس سود.

والشوايقة أقرب إلي الفلاتة ومافي عربي عندو شلوخ. أما الزغاوة ففيهم سودانيين وفيهم تشاديين والحمر في كردفان دخلوا السودان عن طريق تشاد...الخ.

يا بني مخزوم، الصراع الحاصل صراع سلطة ومال والناس تبع السلطة والمال، هسي بكرة عبدالعزيز الحلو يمسك السلطة، النوبيين بقولو ليك كلمة نوبيين ونوبة واحدة وعبدالعزيز قريبنا. وأنت برضو يا بني مخزوم بتقول لي حبوبتك نوباوية.


ردود على نوبة نيمانج
[جعلي] 07-03-2017 07:45 PM
تعليقك موضوعي الاخ نوبة نيمانج ، إلا انه لابد من تصحيح بعض المفاهيم : كل ما يُسمُّوا عرب في شمال السودان اصلهم نوبة ، بما في ذلك الجعليين و الشايقية و غيرهم ، وليس الدناقلة و المحس او ما يُسمُّوا نوبيين ، السودان ارض النوبة ، هاجر العرب و تزوجوا و انصهروا مع النوبة و انتجوا قبائل الشمال ، بعض التوبة هاجروا الى الجبال و كونوا قبائل النوبة الحالية .


#1198082 [البدرنجي]
0.00/5 (0 صوت)

01-29-2015 03:16 PM
يا ناس الراكوبه واللة ما خليتو للراجل صفحه يرقد عليها هو دا كلو فيهو سكر وسطلى وبلادة وكوزنه عجيب يا نايب الرئيس طارت وطارت وكمان ط ط ط!!


#1198058 [حامد عوض]
3.00/5 (1 صوت)

01-29-2015 02:42 PM
- زوجي لا يحب الظهور الاعلامي.. وأنا «تربيتو».

«تربيتو». دي رطانه ولا شنو ؟


#1198039 [Mohamed Ali]
5.00/5 (1 صوت)

01-29-2015 02:06 PM
ما بحب الظهور لأنه لافيها على طول.


#1198027 [ود الازهرى]
0.00/5 (0 صوت)

01-29-2015 01:46 PM
اهلت


#1198024 [سامي]
5.00/5 (1 صوت)

01-29-2015 01:41 PM
قصدك يا كوزة كله يهون في سبيل تدمير الوطن


#1197993 [حميدتي كلب البشير]
5.00/5 (5 صوت)

01-29-2015 01:03 PM
ها هي إلهة جديدة من آلهة الكيزان يتم الترويج لها بعد الملكة الأم أم الحيوان البشير و زوجاته بشرانا بالعصر الأغريقي الكيزاني حيث تتحكم و تتخصص كل إلهة في وظيفة محددة و لكن يشتبكون و تتقاطع مصائرهم على حساب الشعب المسكين و هو يتحمل المآسي دائما عكس أساطير الأغريق. الله يلعن الكيزان و زوجاتهم و أمهاتهم و نسلهم. آمين
ما يجيني مدهنس و يقول لي حرام و عيب و بالعدم أدخلوا لعن الألهة الجدد في قانونكم الجديد بتاع صب الصحابة يا وهم


#1197935 [نصر الدين]
0.00/5 (0 صوت)

01-29-2015 12:02 PM
رغم خلافنا الشديد سياسيا معكم.... بس كونك بت الشمال عظمة مابعدها والباقي كوشوش


#1197917 [انين الصمت]
5.00/5 (3 صوت)

01-29-2015 11:37 AM
لاحظو كل شيء تختمو كله يهون في سبيل الوطن.لا ياااااااااااااخ اللهط واللبع وعمل المنظمات الخيرية لمزيدا من السف كلو عشان الوطن الذي حكمه اقزام وجهلاء واغبياء ولصوص وخونه بلا ضمير ولو كتبت لصبح وفتشت كل كلمات الدنيا لوصفكم ما كفتكم روحي داهية تاخدك انت وكل الهمباته وقطاعي الطرق وسارقي الاوطان


#1197871 [كرازي]
0.00/5 (0 صوت)

01-29-2015 10:29 AM
انت يا بني مخزوم خطيييييييييييييييييييييييييييييييييييييير مره


#1197870 [عادل احمد]
3.00/5 (3 صوت)

01-29-2015 10:28 AM
من أين يأتي دعم الجمعية؟

- هناك خيرون يقدموا الدعم، والآن نحن بصدد عمل شراكات خارجية لتأهيل العمل.

( بدء لقف ونهب الاموال - نفس خطوات وتخطيط وداد - انجليزي دا يامرسي ؟ )

قال الله تعالي في محكم تنزيله ( واذا قيل لهم لا تفسدوا في الارض قالوا انما نحن مصلحون . إلا اهم هم المفسدون ولكن لا يشعرون ) . صدق الله العظيم


#1197849 [بني مخزوم]
4.00/5 (4 صوت)

01-29-2015 10:06 AM
السلام عليكم

الدناقلة عاشرناهم وبنعرفهم زين، هم أناس طيبون، شديدي سواد البشرة ويميلون الي التحدث بالرطانة عند تواجدهم في مجلس حتي لو كان هناك غريباً بينهم. وأكثرهم يصعب عليه التحدث بالعربية وإذا تحدثها أنث مذكرها. اي لون فاتح في الدناقلة ترجع جذوره الي العرب أو الاتراك أو المصريين(الريافة) الذين وفدوا قديماً الي مناطق الشمال الأقصي وعملو كفلاحين. حكي لي رجل ثمانيني من الدناقلة وهو رجل حكيم، عركته الحياة والتجارب قائلاً: إن أبنائنا الذين كانوا مغتربين في السعودية ودول المهجر والأفندية بالداخل، كانوا يتسابقون إلي الزواج من بنات المصريين الريافة الوافدين لبياض البشرة والجمال. والمحظوظ يا ولدي من ظفر بواحدة منهن، وهو يضحك....،،، وعن طعام الدناقلة قال لي: كان طعامنا الذرة والدخن والذرة الشامي كغالبية مناطق وسط السودان والمناطق الأخري. لكن مع مرور الزمن تغير طعامنا بفعل ثقافة الوافدين من مصر وغيرها إلي القراصة وهي ليست بطعامنا الأصيل،وعبر لي عن حنينه إلي الكسرة.

أما عن شرب الخمر فقال لي يا ولدي في زمنا كل مناطق الشمال فيها السكر راقد وانحنا شباب بنشرب محل ما مشينا وبنحب عرقي البلح النضيف والبلح عندنا متوفر. وطبعاً السكر موجود في كل مناطق السودان وخاصة الريف وهو يعتبر جزء من الثقافة، فناسك ديل ما يقومو يجوطو في موضوع الخمر ويعملو فيها أنبياء. والله يهدينا كلنا، ومخافة الله سمحة.

أما السجائر والبنقو، قال لي هو جانا بعد الخمر. طبعاً زي ما شايف مناطقنا أغلبها قاحل والحياة هنا صعبة، لذا يلجأ غالبية الناس في وقت الشباب الي شرب البنقو والسكر لتقضية اوقات الفراغ ومنهم من يتركه عند الكبر ومنهم من يواصل.


ردود على بني مخزوم
United States [بني مخزوم] 01-30-2015 10:22 AM
يا mahmoudjadeed، والله العظيم دي كلها حقائق وأنتو عارفينها كويس وبطل أنت الخرمجة وتغبيش التاريخ والحقائق.

بعدين عامل فيها ذكي داير تشتت الكورة إنو السودان كلو لونه بقي فاتح بفعل الكريمات ومصدر البنقو هو غرب السودان وو....! طيب ياخ برضو البلح البعملو بيهو العرقي ما مصدرو الشمالية!! وعلي ذات القياس الهيرويين والكوكاويين ما مصدره أمريكيا اللاتينية.

بعدين عمك الثمانيني ما قال الكلام ده من فراغ، وأنا أحترمه جداً.

التصالح مع النفس كويس، وكل العظماء في التاريخ ما نكرو حاجة من مراحل حياتهم. لكن السودانيين شعب عجيب واحد كان عينو طالعة لو شوية عمل حاجة، يقول ليك كنا ساكنيين بيت سطوح في الثلاثينات وأجدادنا ربوهم بالقراصة بالزبادي!!

United States [mahmoudjadeed] 01-29-2015 08:41 PM
القراصة ليست وافدة .. هي وجبة اصيلة عند الدناقلة والبشرة البيضاء او الفاتحة موجودة في الدناقلة من قبل وصول الاصول الاخرى التي ذكرتها والآن السودان كله بقى لونه فاتح بفعل الكريمات ويا زول بطل خرمجة مصدر البنقو هو غرب السودان ولا ننكر استخدامه في كافة ارجاء السودان في الآونه الاخيرة للاسف الشديد الحقيقة الوحيدة في مداخلتك هو انتشار عرقي البلح في الشمالية عامة ايام عمك البيحيكي ليك ده .. لكنها الآن قلت كثيراً بوعي الناس وابتعادهم عنه الا فئة قليلة من الشباب بعكس البنقو الذي انتشر كثيراًوسط الشباب
رغم حداثته في المنطقة .

[درب الأربعين] 01-29-2015 03:40 PM
يا بني مخزوم، السودان دا أصلاً واحد وثقافاته متداخلة، والخمر ثقافة سودانية موجودة في كل أرياف السودان، وخاصة في المناسبات.وهي أيضاً ضمن ثقافة العرب وحسن ضيافتهم في الجاهلية، وقالوا فيها شعر جميل وكتير. لكن ما حرمه الشرع فهو حرام ويجب الإنتهاء عنه.

بعدين الأتراك ومن بعدهم الإنجليز ما عملوا السودان بمساحته الكبيرة دي دولة واحدة من فراغ، لأنهم لفوا السودان وعرفوا التداخلات الحاصلة بين الناس وتقارب العادات والتقاليد والدم. ربما الجنوب إستثناء وقد أبتعد عن مكونات السودان الأخري بفعل إختلاف الديانة، وقد تسبب الساسة برعونة شديدة في تهميش الجنوب وعدم إنصاف أهله ودمجهم في المجتمع ودعوتهم إلي الإسلام بالمعاملة الحسنة. والجنوب كان يمكن أن يكون إضافة كبيرة في حالة بقاءه في السودان. والقوة في التنوع أو كما قيل.

الصراع هو صراع سلطة ومال ووجاهة علي حساب تقدم البلد وكرامة أهله ولو بالسرقة والحرام.

[النوبي] 01-29-2015 01:54 PM
القطن ناجح السنة دي في مشروعكم


#1197831 [مستغرب]
0.00/5 (0 صوت)

01-29-2015 09:52 AM
والله يا جماعة بت الشمالية دى متواضعة وعادية جدا وحتى شوفوا عادية فى لبسها وجلستها ومحترمة .. أما السيدة وداد بابكر لو عندها مقابلة آخر بهرجة فى اللبس ولازم تجلس على بهو القصر فى كراسى مستوردة من ايطايا وتجلس وحيدة فى كرسى أنيق بعيدا شوية عن المحاور لزوم البرستيج .. ولكن بت الشمالية لا تعنيها البهرجة وشوفونى وهى على سجيتها وصدقونى بتعوس فى الكسرة لحد الآن لراجلها يعنى ما غيرت من عادتهم أبدا .. أما العواسة القديمة مستجدة النعمة وداد بابكر فحدث ولا حرج


#1197820 [عمك]
0.00/5 (0 صوت)

01-29-2015 09:39 AM
والصحفية مالا منحنية
اعجاب مثلا !


#1197817 [ودالبلد]
5.00/5 (3 صوت)

01-29-2015 09:38 AM
سؤال : (البتاع) داك بمشي بجيبو براهو ؟؟ ولا برسّل زول يجيبو ليهو ؟؟


ردود على ودالبلد
[عنتر] 01-29-2015 01:34 PM
البتاع داع زاعوا جوه بيتوا


#1197806 [سامي]
3.00/5 (2 صوت)

01-29-2015 09:21 AM
الاحزاب الطائفية تدفع ثمن اهمالها وفوضتها وعدم فهمها للديمقراطيةوالذين عاشوا فترة حكمها يذكرون ذلك والشعب السوداني والاجيال جيلاً بعد جيل هي المتضرر الأكبر . لم يستفدوا من تجارب الحكومات العسكرية الاول والثانية فكانت الثالثة والثالثة ثابتة كما قال اهلنا زمان.


#1197795 [ابودعد]
4.00/5 (1 صوت)

01-29-2015 09:16 AM
حلوة أبهظ دي جبتيها من وين؟؟؟ وأكتر من نائب رئيس يظهر كيف يعني؟؟


#1197780 [مواطن غلبان]
1.00/5 (1 صوت)

01-29-2015 08:53 AM
خلف كل رجل عظيم امرأة والله رفعتى راس الدناقلة جميعا وفقك الله واسرتك وربنا يوفقك.


#1197742 [أبوقرجة]
5.00/5 (3 صوت)

01-29-2015 08:28 AM
بقول شنو يا بكري لازم تعرس واحده تانيه ..... غير ..


#1197732 [shah]
4.50/5 (5 صوت)

01-29-2015 08:16 AM
القرد فى عين أمو ... نائب رئيس.


#1197722 [yassom]
4.75/5 (9 صوت)

01-29-2015 08:07 AM
داير نعرف ياحاجة؟؟ راجلك ده بيركب الفيل وييييين؟؟؟؟ في الحوش البي جاي وللا البي غادي؟؟؟؟


#1197719 [محمد الفاتح]
4.50/5 (3 صوت)

01-29-2015 08:00 AM
بشرب بنقوا ؟؟؟؟ لا حول ولا قوة إلا بالله أها عمر البشير وين شرع الله .
قال الرسول صلي الله عليه وسلم إنما أهلك الذين من قبلكم كانوا إذا سرق فيهم القوي تركوه وإذا سرق فيهم الضعيف أقاموا عليه الحد


#1197713 [sayed]
3.00/5 (2 صوت)

01-29-2015 07:54 AM
كومبا مى .إلهى إدو باريكيرى


#1197696 [abubaker]
0.00/5 (0 صوت)

01-29-2015 07:23 AM
الطيور على اشكالها تقع


#1197675 [Ehab]
4.50/5 (6 صوت)

01-29-2015 06:23 AM
بكري حسن صالح ليس برجل سياسه ولا هو برجل دوله ... زول عايش في عالم حقو هو ... من الموءكد أن الموءسسه العسكريه هي أنسب مكان لمن على شاكلته ولكن ليس دهاليز الحكم انجازتوا في الميدان يمكن حصرها وتقيمها ... لكن في السياسه فاشل زيوا زي ديك العده البشير ... والدليل ليس له راي واضح وصريح يعتد به مع هذه العصابه .... زول مرطب في حق الشعب ومستمتع بالمنصب الذي هو ليس كفوء له... والجماعه سايطين البلد


#1197665 [كشكوش]
4.99/5 (9 صوت)

01-29-2015 04:45 AM
السيده الفضلي
نجاحك الكامل ومعاك وداد وبقيه زوجات المتنفدين اقنعوا ازواجكن بوقف الحروبات ومحاربه الفساد المالي والاداري والعمل من اجل وطن قومي يسع الجميع ..ده النجاح والانجاز
كده ممكن تمنعي ترمل مئيات الالاف من النساء وتيتم مئيات الاطفال بدل عشره وعشرين ارمله


ردود على كشكوش
[جركان فاضى] 01-29-2015 08:55 AM
كلام عقل...وقف الحروب هو تقليل عدد الارامل...فكيف تساعد الارامل وزوجها سبب وجود الارامل؟


#1197663 [منصور]
3.94/5 (7 صوت)

01-29-2015 04:38 AM
الحاجة دى دايرة تعمل الزول دا رجل الدولة العظيم ولكن الظاهر منه انه رجل ﻻيعرف كوعه من بوعه وغائب عن الوعى معظم الاوقات فعلا هؤﻻء هم رجال الاغراق الذين اغرقو السودان في المهالك وكلو في سبيل الوطن ودق يا مزيكا وهات المريسة والبنقو وباقي الحبوب يا حاجة وطز في السودان وابو السودان زاتو ،،،،،،،،


#1197647 [واحد متحير]
4.75/5 (15 صوت)

01-29-2015 02:39 AM
عرفناهو كلو في سبيل الوطن,بس ما وريتنا الاب المثالي ده بلفها قدام العيال ولا بعد ما ينومو؟


ردود على واحد متحير
European Union [قهران] 01-29-2015 04:45 AM
يا اخي انت تحفه وسؤالك في محلو

United States [mohamed] 01-29-2015 04:12 AM
hhhhhhhhhhhhhhhhhhhhhhhh nice comment


#1197644 [شوقي]
3.00/5 (2 صوت)

01-29-2015 02:08 AM
لا كان كدي الزول دا مفروض يمشي يعرس


#1197634 [باقان]
3.82/5 (5 صوت)

01-29-2015 12:52 AM
والله زوجيك دا عرب بلح وغنم وابل سااااكت اولا ما بيعرف يتكلم عربي لغته دارجية .لاعظيم ولا اي حاجة دا زول مسطول دائما وسكير دا ما رجل دولة المكان دا مايستاهلو وما من حقو يكون نائب اول او آخر مكانو الحقيقية يكون ترزي والشغل البناسب معاهو دق طوب .الله اكبر عليكم سبعةمرات.فقر.


ردود على باقان
United States [جركان فاضى] 01-29-2015 08:53 AM
هذا انتاج اسلامى شرعى ...هكذا يولد زعماء تطبيق الشريعة


#1197632 [فكري]
3.95/5 (9 صوت)

01-29-2015 12:43 AM
أي كوز حرامي قذر عامل منظمة أو جمعية طوعية للوليه لزوم ميزة الصرف المفتوح من البنوك وخزينة الشعب الخاوية وكلوا بما يرضي الله "


ردود على فكري
European Union [مسطول] 01-29-2015 06:29 AM
هى لله هى لله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
2.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة