الأخبار
أخبار إقليمية
السطات تفرض حظر تجوال جزئي بالمنطقة.. اعتقالات واسعة بـ "الحماداب" شملت (42) متظاهر وناشط سياسي
السطات تفرض حظر تجوال جزئي بالمنطقة.. اعتقالات واسعة بـ "الحماداب" شملت (42) متظاهر وناشط سياسي
السطات تفرض حظر تجوال جزئي بالمنطقة.. اعتقالات واسعة بـ


تحت ايقاع ضرب النحاس
01-30-2015 04:45 PM
الراكوبة - الخرطوم كثفّ جهاز أمن البشير حملاته الرامية الى اطفاء جذوة الاحتجاجات بمنطقة الحماداب والشجرة شرقي الخرطوم، وشنّ ليل امس (الجمعة) حملة اعتقالات واسعة، شملت العديد من الناشطين، ابرزهم المهندس ماهر عبد الماجد، حمزة سعيد، صلاح سعيد، حافظ صديق مصطفى، خالد عباس ياسين، سامح صلاح الشفيع وسعود عباس، وذلك بعد ان فرضت القوات الامنية حظر تجوال جزئي في المنطقة، تغلغت بموجبه الى داخل الاحياء، ونفذت عبره حملة الاعتقالات.

وقالت مصادر مطلعة لـ (الراكوبة) إن الاعتقالات شملت اكثر من (42) من ابناء المنطقة، على خلفية تصاعد بؤرة المظاهرات بالمنطقة، واتساعها بصورة كبيرة جدا، مقارنة مع الاسابيع الماضية، وذلك بعد مشاركة النساء بكثافة في الاحتجاجات.

في وقت استخدمت قوة من الشرطة قوامها 34 عربة، الغاز المسيل للدموع لتفريق المتظاهرين، وهو ما ادى لحدوث حالات اختناق بين الاطفال وكبار السن، الامر الذي تطلب اسعافهم الى مستشفى المنطقة لاخذ جرعات الاكسجين.

ودرج مواطنو منطقة الحماداب والشجرة على اغلاق طريق الخرطوم جبل اولياء نهار كل جمعة، غير ان رقعة المظاهرات اتسعت بصورة كبيرة، بعدما شارك بعض ابناء المنطقة ممن كانوا يرفضون التصعيد، على اعتبار ان المشكلة يمكن ان تُحل بطريقة ودية مع النظام.
ويطالب اهالي المنطقة بعودة أراضيهم التي تصرفت فيها الحكومة من خلال وزارة الدفاع. وتصاعدت حدة الاحتجاجات بعدما ثبت للاهالي ان وزارة الدفاع قامت بتسجيل الأراضي بإسمها في العام 2009 وانها شرعت في بيعها إستثمارياً.


تعليقات 25 | إهداء 0 | زيارات 9869

التعليقات
#1199472 [الضكر]
0.00/5 (0 صوت)

02-01-2015 12:42 PM
عليك بجر النم يا دقر الحرائق
أصبحت كارف السم عشميق الأصم

شدولو ركب فوق اصهبا مو ربيك
الهوى والشرق شرفا بعاينن ليك

العاقر ديك تقول بتلدى وتسمي عليك
يا عيد الضحية البفتحولو البيت
رايو مكملو كسار قلم ماكميك

عليك بجر النم يا دقر الحرايق أصبحت كارف السم

الليله البلد اتباشرو ناسو
يا بحر المحيط مين عبرو وقاسو
بريطانيا الترك ما لينو راسو
ابا العضم الكبير كسرو وشرب ساسو

شدولو ركب فوق اصهبا حبشي
رايو مكملو وكلامو ما هبشي
هادى أديتا ألامانه متقنعه وتمشى
حايدانى الامانه ضيف الهجعه يتعشى
ما بجالس الهفوف ولدا قبيل منسي
عكليتا كبير ماكميك جنى هكسى

قومن شكرنو يا الكلكن قاعدات
دا اب صيتا طلع شال المسافر وفات
حمدالله بالسلامة يا زمام الكليات

ليك بجر النم يا دقر الحرايق اصبحت كارف السم
***********************************


#1199104 [خويج متقاعد]
0.00/5 (0 صوت)

01-31-2015 07:59 PM
النظام باع البلد كلها ليس للمواطنين التابعين له وحسب بل باعها لمستثمرين تابعين للتنظيم الدولي للاخوان الاسلامويون (مناركان الدنيا الاربع) وغيرها
يجب ان لا يترك الأمر لاهل الحماداب والشجرة فقط .
الوجعه يجب ان تكون لاهل السودان كافة
ادعموا هؤلاء المواطنيين الشرفاء ولا يجب ان نقف (متفرجين) مضى هذا الفعل السلبي لان مظالم ونار النظام الفاسد هذا قد طالت الجميع
ومن لم تأته فستصله واولاده واسرته غداً .


#1198980 [الوطن]
0.00/5 (0 صوت)

01-31-2015 02:13 PM
من دار عجيب احدى قصائد الفخر التي تعدد افضال بعض مشايخ العبدلاب
من دار عجيب
من دار عجيب هاك قولي الصحيح اخدوهو
الليلة الكلام في اهلي العزاز اروهو
عيدو الكان قبيل تاريخ الرجال اقروهو
خلو الناس تقيف تعرف منو اليبروهو
***
دار المانجلك كانت علي قمم الجبال موضوعة
كانت كلمتن يوم كتر الكلام مسموعة
ان دق النحاس خيلن تتب مجموعة
لي زحف الدواس و سيوفن فوق كل الرقاب مرفوعة
***
ببدا الكلام بالعارفو وانتو تتمو
جماع زمان جمع القبايل اتلمو
نشر الكتاب والدعوة اصبح همو
وفي يوم الكتال كان سيفو احمر دمو
***
جماع راس الرجال اسد البراري الهايل
جاموس الخلا المنو الوحوش تتمايل
في وقت الكرم كفو السحاب الشايل
وفي وقت النزال سيفو بعدل المايل
***
الشريف عبدالله لي بت الرسول واصل نسبو
سبعتاشر شريف ختمو النسب بتحسبو
حكم الناس زمان زمن الرجال بتحسبو
ثلات قرون وأكتر عدّو وبراكم احسبو
***
عجيب مسك الدرب وعين قضاة الدين
واسس في البلاد ملكا" اساسو متين
دك العواتي دروب وقاد الحجيج سايرين
و ميز بالطواقي مشايخ البلد لابسين
***
ومسمار الفولاد اللا بنترم لا بصقّر
الثابت في النزال والفي الصفوف متصدر
بضرب بالنمنم المتل السيول متحدّر
يشق النص عديل و منو الجيوش بتفر


ردود على الوطن
[nagatabuzaid] 02-01-2015 09:00 PM
ابشر يا الوطن العزيز يا ود الوطن الكبير يوم دق النحس فى الحلفاية شايقية وعبد اللاب واتلم عليه نحاس الحماداب وركزوا الرجال لا اتضاروا ولا ادسوا وراء الكيبورد خلا الحكام والحكومة جاتم رجفة وناس التخطيط العمرانى يجتمعوا وينفضوا ورنين النحاس فى اضنيهم حماهم القعدة والمكاتب مغلقة واللجان لى رسينة مالاقية فرصة حكة وعلى كل من اغتصبت اراضيهم ان يقفوا نفس الوقفة والاغتصاب الحقيقى لاراضى اهلنا فى كردفان ودارفور ابادة جماعية لتكون الارض خالية من الموانع لنهب ثرواتها الطبيعية وبيعها للمستثمرين
ردا على ( دك العواتى دروب وقاد الحجيج سايرين ) توجد فى المدينة المنورة حارة التمار واحياء اخرى عمارات عجيب المانجلك فاخرة ومسيطرة عليها فئة معينة خاصة حارة التمار قرب المطافى ساكننها وفى موسم الحج والعمرة يخلونها ويؤجرونها لمصلحتهم وبعد الموسم يعودون بعد ان يكونوا وفروا ميزانية اعاشتهم لعام كامل تحت سمع وبصر ممثلى حكومة السودان وقد يكون لهم نصيب مقابل الصمت


#1198977 [الوطن]
5.00/5 (1 صوت)

01-31-2015 02:06 PM
انا ود ابوسوار فطموا الاسد جنب راسي
انا جبل الثبات المابتهزو قواسي
انا السيف السنين ال للصفوف بيواسي
ماني الفافنوس احرس خمرتي وكاسي
وان دق النحاس بتعرفو عرقي وساسي

مابرف جفني لي زولا يساوي النملة
ولا بتخاوا مع الراجل العرور الخملة
في الجود والكرم تفصلني منك دولة
انا الصاقعة التخلي الناس تقول لاحولة

انا ود المكوك المولي عظم شاني
وجوج طيري بالخيرات نضير بستاني
ساعة الكوع حما قبل الصفوف تلقاني
طيير مخو قبل الناس تعرف الجاني


#1198974 [الوطن]
5.00/5 (1 صوت)

01-31-2015 02:02 PM
يوم دق النحاس بارودنا سوا سحابة
والفرسان تصول في الحارة مابتتغابة
خاضوها ام لهيب جنياتنا نتفاشابا
ثابتين كالجبال فرسان داوس وحرابه


#1198967 [nagatabuzaid]
4.00/5 (1 صوت)

01-31-2015 01:34 PM
مسؤلين من الخير سلاح المدرعات ودوه وين ؟؟؟؟؟؟؟؟؟ ولسه فى سلاح مهندسين ولا كمان انتهوا منه ؟؟؟؟؟؟


#1198966 [nagatabuzaid]
1.00/5 (1 صوت)

01-31-2015 01:29 PM
رد على الدنقلاوى :
رديت على ردك عدة مرات لكن ادارة الراكوبة حجبته وهانا ارد مستفسرة

ما معنى متنطعة ؟ ما فهمتها وماذا تعنى بالمزايدة ؟؟ ما فهمتها انتظر تكرمكم بالاجابة عسى ان ازيد حصيلتى الفقيرة من مفردات اللغة العربية مع شرح المعنى والمقصود منها والانسان يتعلم كل يوم ولا باس من التعلم منكم جزاك الله خير
ايضا تعليقك لم افهمه ولذلك تجدنى لم ارد عليه فى مكانه المخصص
اما النحاس فهو يرجرج الراس والنحاس فى كل مناطق السودان له اشكاله المختلفة ومن دقوا النحاس من اجل اراضيهم منهم حاملى الدرجات العلمية الاصيلة وليست الكيزانية مدفوعة الثمن نقدا ومظاريفا وغمتة لا ثمنها غالى عرق وجهد وسهر وبحوث واطلاع وسفر ان النحاس هو العز وعز العز واراه ارجف المرجفين فما بالك بحكومة المغفلين المغتصبين و هم متين حكومتكم مرقت من الجحار وتركت حفلات الظار فلو رجعها اهل النحاس للخلف يكون خدمة لها لانهم يكونوا مرقوها من خلف الخلف وتخلف اهل النحاس يعتبر طفرة حضارية لحكومة ماعندها ساس ولا راس ومن يوجهون الحربة والكوكاب لمن يستحقه افضل ممن يوجهون الدوشكا والكلاش على شعبهم والنصر لثورة النحاس وبالحراب وبالكوكاب لسحق الاوباش الذين بالرصاص كم كتلوا شباب . شفت جنس التنطع والمزايدة دى ؟؟ قلت لى التنطع شنو ؟؟؟ والمزايدة على شنوووو؟؟؟


#1198893 [عطوى32]
5.00/5 (1 صوت)

01-31-2015 10:41 AM
... قلنا ليكم كم مرة والكلام موجة للناس الضد العمل العسكرى طبعا بان سكان الخرطووم ما ناس حاارة للاسف بس يعنى عزرناهم فى حتة هم ضد العمل العسكرى لانهم ببساطة (هم ماناس دواس ولا غيرو) ولما تذنقهم يقولو ليك السبب الحركات المسلحة ؟؟ يااخ افترضو الحركات المسلحة دىبتحارب فى بلاد تانية يعنى المسافة بين درفور وجبال النوبة عبارة عن مساحات دول كاملة اتحركو بعرفتكم ااو العمل المدنى ذى ما عايزين ..
ياهو ناس الحماداب ديل من شهر تسعة يومى بطلعو بس منو الوقف معاهم او كبر كومم ؟؟؟ يعنى ناس الحماداب ديل جزاهم الله خير ابتكرو ليكم افضل طريقة عشاان تطلعو بيها الشارع ؟؟(يعنى عفوكم من حتة الشعب يريد اسقاط النظام البتخووف معظم سكان ولاية الخرطووم السلبيين) بحجة انها بتخلى كلام الحكومة اكثر شراسة .. اها ياهم ناس الحماداب مدشنينن ليكم العمل المدنى منذ شهر 9 بحجة الاراضى وغيرها من الامور التى تحرق قلب كل سودانى فماذا انتم فاعلون ؟؟ فقط تجد سكان ولاية الخرطووم يجيدون تنظيم انفسهم فى امور تخص الرقص والغناء والكورة هذة بيعرفو ليها بلحييييييييل وقبال اسبوع شفتو الحواتة ملو الاستاد وعنمدا نقول الخرطوم نعنى كل السودانيين هذة المدينة ممثلة فيهم بدون فرز وهى من تتحكم فى ابعاد الطغاة يعنى ناس مدنى او بورتسودان او سنار او شندى لو ماتو كلهم الحكومة بترسل ليهم جرارات الاكفان وخلاص ما باثر عليها فى شى ؟؟

... يعنى الحقيقة المرة بان سكان العاصمة الفيهم اتعرفت ..

بس لما الرجال يقاتلو فى الاحراش ينقطونا بسكاتهم وما يقعدو يسشاترو لينا ..

ديل ياها الحركات المسلحة ابوابا مفتوحة لاى سودانى بقض النظر عن جنسو او جهتو ولونو فيها..

..فى ناس بقولو ليك الحركات عنصرية وان فى مناطق فى الشمال والجزيرة مهمشة اكتر منها ودا حقيقى بس البحرق القلب قاعديين حارسسن شنو ؟؟؟ يقولو ليك بيئتم الجغرافية ما بتساعد ؟؟

طيب ارخو اضنينكم واسمعو بضمير الحركات دى بتقاتل عشاان شنو فى الاصل ؟؟ عشاان شنو فى الاصل ببساطة عشااان اى زول ياخد حقو فى كل السودان والسودان يتحكم باسس عدلية وتكون فى حرية لكل الناس طيب البمنع شنو الناس دى تمشى تقاتل مع الناس دى يد بيد ؟؟

صدقونى لو بس200 شاب من الشمالية و200 شاب من الجزيرة و 200 من شمال كردفاتن و200 من الشرق فاتو انضمو للحركات وقسما بالله عمر البشير وكل لصوص الاسلامويين من حاج ساطو ونافع او ل ناس بتخارجو من البلد دى .. وحتجو خاشين معقل الرقيص والكورة بدون اى طلقة ؟؟ وبعدها يتم تنظيف الجرح الغائر بتاع التمكيين وحترجع الحياة السودانية تلقائيا الى ما قبل 1998 وبعدها يتم وضع القوانيين والدستور الذى يحتكم الية كل الشعب ... وبعدها يمكننا ان نضع دستور واسس تعليمية تسمح لنا بتعليم ابنائنا الخير والحب بعد نبعد مناهج الشذوذ الفكرى وسلالم الكيزان القاتلة مفرخة الشذوذ مثل مرحلة تامنة وتاسعة التى افرغت محتوى الثقافة التعليمة السودانية العريقة من محتواها ووبعد 20 سنة سيتعلم الانسان السودانى ان ينتخب البرنامج ولبس الشخص تحت يافطة الجهة او القبيلة او الهوية ذينا وذى الشعوب المتحضرة ..
صدقونى الامر لبس بهذة الصعوبة فقط الناس تترك الللجلجة والخووف الماعندو مبررر حتى الناس البحبو الاجواء الفرايحية الحفللات والكورة ذى سكان الخرطوم سينعمون اكثر عندما نستصاصل هذا السرطان المسمى الكيزان فلن تحتاجو لازونات لقيام افراحكم ولن تحتاجو ان تخرجو رحلات ترويحيةوانتم خائفون ؟؟ ولا احد يتدخل لكم فى جلسات سمركم ومواعيد نومكم والكثير ....
بس اتركو الانانية والانانية وحسوو بمشاكل غيركم لان الدينا ما لامعروفة والذول ما يفرح بيها يعنى فى غمضة عين يمكن ان تتبدل كل الاشياء كما حصل فى كتير من الدول .. فنحن ماذلنا فى السيف سايد ولكن الى حيين ... فالامر مترووك لكم هؤلاء الكيزان لن يذهبو باخوى واخوك الا بالعين الحمرا .. وسكان الولايات التى لايسمح موقعها الجغرافى باى عمل عسكرى عليهم ان يحملو مطلبهم ويذهبو بها لاخوتهم فى مناطق القتال وبعدها صدقونى لن يجد الكيزان مدخل لتفريق اى نشاط مدنى مهما فعلو وسيحس الكل بانة ممثل فى هذة الحركات .. اعرف اشخاص كثر ضد الحركات بسبب ان دعاية الكيزان اتت اكلها وصنفتهم كتنظيمات عصنرية غرضها ابعاد العرب ؟؟؟ ولكن العقل السودانى مدرك وواعى فعندما يسمعون بهذيمة قوات الكيزان والجنجويد فرحون ويهللون ويحدوهم الامل ؟؟؟؟ بل اعرف بعضهم من قلب الشمال ينتظرون بقارق الصبر دخول الحركات واقتلاع الكيزان ؟؟؟ لان اى شخص طبيعى وواعى يفهم بان الحركات المسلحة حملت السلاح نيابة عن كل المهمشيين فى السودان وهى تكرر ذلك فى كل منشوراتها ولكن لان الكيزان ماكريين ويعلمون ذلك فوضعو مليون اسفيين بين مكونات الوطن لانهم يعلمون جيدا قوة هذة الرمزية ...

فنحن نتمنى ان يستجيب بعض المهمشيين من جميع انحاء السودان وينخرطو فى صفوف الحركان حتى نحصل على هذة الرمزية والرسالة القوية وحتكون اقوى رسالة رمزية ستزلزل عرش الجبروت الكيزانى المتكبر ..


#1198870 [aborasil]
0.00/5 (0 صوت)

01-31-2015 09:57 AM
مصالح شخصية ليس للشعب دخل فيها! (احداث جسام المت بالأمة غربا وشرقا وفي قلب الخرطوم لم يحرك هؤلاء ساكنا ولما مسهم الضر فإذا بهم -يضربون النحاس!!) آللآن !! هكذا نحن وسوف نظل نتحرك في دائرة قطرها المصلحة الشخصية وفقط .


ردود على aborasil
European Union [سكران لط] 02-01-2015 01:29 AM
دا كلام شنو يا ابو ريش دا تفكير الكيزان العايزين كل ناس يمونو بحقهم ابدا دا ما بكون النفرة والفزعة بين السودانيين عرف لن يموت وهم في النهاية جسد واحد تف من لسانك ياخ

[nagatabuzaid] 01-31-2015 12:37 PM
كيف ليس للشعب دخل فيها ؟؟؟؟؟؟؟؟ تكلم عن نفسك ولا تقحم كلمة الشعب . ان كانت هذه نظرتك للامور فلا تتكلم باسم الشعب والنحاس بفلق الراس !!!!!!!! ومن يعرف قيمة الارض ارض الاجداد ومن له تاريخ لا يتناول الامر بطريقتك هذه ولكنك منهم


#1198843 [بت البلد]
0.00/5 (0 صوت)

01-31-2015 09:05 AM
ولماذا يضيركم ضرب النحاس ؟؟؟!!! أعتقد أنه تعبير وآلة تفيد الاعلان والحماس وزيادة التجمع والتظاهر وتوصيل لحالة الرفض والعصيان ... وأقول للمعارضين لهذه الفكرة أرجو الاهتمام بلب الموضوع والابتعاد عن القشور ,ان كنتم فعلا تؤيدون قضايا الشعب السوداني ولا تحاولون انصرافهم


#1198813 [السودان الوطن الواحد .]
0.00/5 (0 صوت)

01-31-2015 08:17 AM
البلد تحت الإحتلال والقمع هذا أدق تعريف لما آلت إليه حال بلادنا


#1198805 [عصام حاكم]
0.00/5 (0 صوت)

01-31-2015 08:08 AM
دولة الظلم ساعة و دولة عدل قادمة
التحية لأهل الحماداب و التحية لكل مطالب بالحقوق في وجه ظلم الوضع الحالي
و الحرية لكل من اعتقل من أبناء الحماداب والسلطة لا تفاوض الا لمن يقف في وجهها بنفس أسلوب عنفها ، فرض الامر الواقع بقوت الجبروت طريق لمزيد من الحريق الذي اكل اطراف السودان
خروجكم للشارع الاعلان رسمي انكم لكم قضية و هي عادلة يجب ان لا تثقوا في الوضع الحالي
سوف نعمل ما بوسعنا ليصل صوتكم معكم ولكل احرار المنطقة الإصغاء لصوت النحاس
حقك تكوسو ولا يجيك حقك تقاوي وتقلعو! الوضع الحالي لا يسمع الا من يعمل بهذا المثل


#1198795 [جركان فاضى]
0.00/5 (0 صوت)

01-31-2015 07:42 AM
بالرغم من استغلال الانقاذ للناس الا ان هناك حقيقة يجب ان تقال...فالتوسع الحقيقى لسكان الحماداب هو الارض التى لوزارة الدفاع حاليا...لكن فى السابق حصل سكان الحماداب على قطع سكنية من الدولة فى مخططات اخرى...يعنى سكان الحماداب توسعوا فى مناطق اخرى عوضا عن ارضهم التى للجيش حاليا....والحل؟ ان يسكت سكان الحماداب لانهم اخذوا حقهم من الاراضى فى جهات اخرى...او ان تنتزع اى قطعة ارض حصل عليها الحماداب مقابل منحهم ارضهم موضوع النزاع الحالى


ردود على جركان فاضى
European Union [يوسف] 02-01-2015 02:22 AM
انت العرفك شنو انو قبلو التعويض. ولو الحكومه عارفه انو اتعوضو ليه كل اسبوع عامله اجتماع للجنه الحماداب في وزاره التخطيط وبتحاول ترضيهم بمبالغ رزيله للتنازل. انت راسك فاضي واسمك ينرفز. وفي حتتو

European Union [سكران لط] 02-01-2015 01:32 AM
يا فاضي حيش شنو وست البلد الجيش مفروض الناس ما تعرف مكانو ذاتو ياخي الجياشة قاعدين وسط الخرتوم زي طلاب الجامعات دا كلام شنو مفروض كل سكنات وقيادات الجيش يبغدوها تماما مش يبعدو المواطنين


#1198699 [bluenile]
5.00/5 (2 صوت)

01-31-2015 12:17 AM
صدقونى يا اخوان ان غياب العدل والظلم الذى ظل يتفاقم فى ظل هذه الحكومه الهمجيه المتغرسه الحاقده على شعبها انه لشى يدعو الى الريب وزياده الغبن ولا اخى عليكم ش الناظر الى مؤسسات الدوله الان لاتجد فيها غير المندسين والخونه الذين يعملون لحمايه وزرائهم وتلبيه طلباتهم وتسهيل ابواب السرقه اليهم
انه لشى غريب اين اتحاد المحامين اين نغابه المحامين اين حقوق الانسان اين شرفاء السودان من الاحزاب التى تصول وتجول لكى تتاتى للحكم هل سوف تاتى تحت جماجم الشعب ام ماذا سيحدث بماذا يفكرون ومن اجل من ياتون الى الحكم اليست هذه الاشياء من اهم الاشياء التى كان من الافضل للنشطاء الانسانيه واحزاب السودان وقوى الاجماع الوطنى ان يجلسوا ويحاكموا الحكومه عبر القضاء او عبر المنظمات الدوليه
نعم الخرطوم بها احياء عريقه وعندى تصفحى للخريطه الخرطوم التى وضعها مستر سامسنغ تجد ان منطقه الحمادب تتمتد حتى الصحافات والمدراعات ومنطقه الرميله تتمتد حتى العشش القديمه وسباق الخيل ومنطقه المحارى الحاليه التى نزعتها الحكومه واشركت اعضائها واقاموا ببناء ابراج مجمعات الرواد السكنى وهى ارض تخص اهل الرميله والتى كانت الرميله حسب الخرط والوثائق تمتد من الخور بين االاماب والرميله الى غابه السنط شمالا ومن مقابر الرميله الى جبره والسوق الشعبى شرقا وناس امدوم ايضا وناس الجريفات وناس البرارى منطقه الرميله نزعت عنوة واقاموا فيها مجمع الرواد السكنى ومنطقه الحماداب اقاموا فيها مخطط الشروق وغزه وباعوا فيها الشهيد طه الماحى ناس برى حدث ولا حرج اضف الى ذالك الفتيحاب وسوباووو الكثير من المناطق تنزع اراضيهم وهى حرم الى مساكنهم وضعها الانجليز للمستقبل ابنائهم وتمدد اسرهم لانهم ليست لديهم وطن غير هذه المناطق لانها مسقط راسهم
لكن الحكومه لا يهمها شى فهى تاخذ عنوة وغصبا اراضيهم وتبيعها مخططات سكنيه الى افرادها تحت ستار الاستثسمار لكنها فى الواقع تباع الى منتفعى الحكومه مخططات وبيعها بمليارات الدولارات كما حدث فى اراضى الفتيحاب واراضى الرميله والقوز التى اخذت باثمان قليله جدا وبيعت الى اسامه داوؤد وافراد المؤتمر الوطنى
لذالك انا بناشذ الى الشرفاء من صحفيين واعلاميين ونشطاء حقوق الانسان والمحامين وكل من يستطيع ان يفعل شى او له علاقه مع المنظمات الدوليه ان يرفعوا قضايا الظلم والقتل والارهاب الذى تفعله الحكومه فى ابناء الوطن البسطاء الذين يفتشرون الارض ويلتحفون السماء لابده من تسجيل زيارات الى اهلنا فى الحماداب وبرى اللاماب والرميله والفتيحاب صدقونى سوف تشاهدون الظلم على اصوله ظلم الشياطين وابليس وجنوده لا يفعلونه
اللهم اليك المشتكا وانت المستعان


#1198679 [ود الفاضل]
5.00/5 (3 صوت)

01-30-2015 10:05 PM
شباب الحماداب ضربوا النحاس واتكمبلوا وعرضوا ليعيدوا ملاحم اجدادهم وتاريخ السودان العريق فى هذه الارض ، ولمعلومية من لايعرف قيم وموروث النحاس ، هذا النحاس كان رمز العز والعظمة لجميع قبائل السودان عبر القرون ، وبعض قبائل كردفان تحتفظ به حتى اليوم فى حيازة العمد والنظار يسمونه ( طبل الكبار) وقيلت فى شأنه قصائد حماسية تثير الشجاعة فى اقل الناس نخوة وغيره على الارض والعرض ... ولهذا ابناء الحماداب يعيدون للوطن السليب شيئا من عزته العتيقة. وليس فى ذلك عيب او رجعية وانما هو تعبير عن احقيتهم للارض وهم مستعدون للموت فيها بعزة وكرامة .


#1198669 [bobo]
5.00/5 (3 صوت)

01-30-2015 09:29 PM
يلا ياناس جبرة شمال اقفلو الشارع من شركة البيبسي حتي محطة الكبري عند الكهربا سدو ضهر الشباب ديل


#1198666 [مخلص]
5.00/5 (2 صوت)

01-30-2015 09:20 PM
للذين يسخرون من مظاهر الارث مثل النحاس:
بام عينى رايت شباب البقارة (حوازمة و مسيرية) يرقصون بكل صدق و جدية
مع اللحن و الكلمات الخالدات فى مظهر حماسى منقطع النظير رغم التعليم و الثقافة مع الاغنية الحماسية التالية.
الليل برد ما جاء النضيف خاتم الصلاة
الوليد فارق خاله وين مشى
----
سرواله احمر لون الدم
كوكابه الشايله ما بندم
------
نقارته غابت لما ساهرت
الدنيا هامت فرسه الجدية غارت شالت
الشرح:
(الليل يبرد عند المنتصف( يعنى 12—30-12)- القبيلة فى انتظاره و البطل لم ياتى بعد.
النظيف كانه خاتم يلبس فى الايادى التى يتوضا صاحبها وتغسل كثيرا عند الصلاة.
الوليد – الولد و المقصود هذا البطل و الذى اختفى عن خاله عندما اشتدت المعركة.
سروال = السراويل و المقصود ملابسه حمراء مليئة بالدماء دليل خوضه المعركة.
كوكابه = الكوكاب سلاح يشبه الحربه يستخدم فى القتال – .
الشايله – الذى يحمله لا يندم بمعنى انه قوى و حاد .
النقارة اى (النحاس) التى يحملها غابت اى ابتعدت لشدة دخولها فى اعماق المعركة.
الدنيا هامت – اصابها الجنون اى اشتدت المعركة.
الفرس الجدية هى الفرسة الانثى السريعة و القوية سوداء اللون.
غارت- هجمت العدو و جاءت بالغنائم.
هذا هو السودان ليس هناك من ينسى ارثه تاريخه او ثقافتة .
هى اشياء ينشا و يتربى علها كل من له اصل ..
و ليت نرجع لاصولنا لتمدنا بالقوة وثقة النفس.


#1198646 [محمد مدني]
4.88/5 (4 صوت)

01-30-2015 08:05 PM
التحيه لشباب الحماداب ونرجو من شباب الشجره واللاماب والعزوزاب
التضامن مع اخوانهم في الحماداب لتكون الشراره الاولي لزوال هذا
النظام الفاسد ومصير الحق راجع


#1198643 [Saeed]
5.00/5 (1 صوت)

01-30-2015 08:00 PM
الحماداب أصبحت ضمن المنطقة الحضرية منذ الأربعينات ،. أي. أن أراضيها أضحت. منذ ذلك الزمن تحت قانون التصرف في أراضي المدن. ، مما يعني ان مستحقي الأراضي السكنية فيها

يتم. استيعابهم في المناطق المخصصة للخطط الإسكانية العامه لجميع سكان مدينة الخرطوم ، أما المطالبة بالأراضي المجاورة لهم فقد انتفت بعد انتقالهم إلى أراضي المدن .

وفقا لقانون. أراضي القري يحدد حرم لكل قرية لاستيعاب الحاجة السكنية لسكانها حاليا ومستقبلا. ، ويتم تحديد مساحة الحرم. وفقا لعدد السكان. وتوقعات. نموهم المستقبلي



يبدو ان سكان الحماداب لازالوا يفكرون بميراث قرية. الحماداب. القديمة .


ردود على Saeed
European Union [دافعوا عن انفسكم] 01-30-2015 08:53 PM
يبدوا انك تفكر بعقلية اللصوص الكيزأن ... لسكن الحمادأب وثيقة من الحكومة التركية تثبت امتلاكهم لهذه الارض وسيسقطون الحكومة عاجلا ام اجلا


#1198617 [ابوعديلة المندهش]
5.00/5 (5 صوت)

01-30-2015 06:51 PM
الشرطة ملئت بالصعاليك والرجرجة وشذاذ الآفاق والحاقدين من عديمى الأخلاق والضمير , وهذا هو ديدن الجيش والأمن فى عهد الأنقاذ الأسود , وحين تقع الواقعة ارجو الا يأتى احد ويقول ان الشرطة والجيش فى خدمة الشعب و لأن الشرطة والجيش وحتى الأمن ما عادوا اولئك الذين نعرفهم ويعرفوننا. لذا الأنتقام سيطال كل تلك الزبالة واولئك الأوساخ , فبلوا روؤسكم فالحريق حينئذ لن يفرق بين فرد من الشرطة او المليشيات التى تحرس النظام او الجيش , والمعاملة ستكون بالمثل وعلى نفسها جنت براقش. .


ردود على ابوعديلة المندهش
[Productive Urbanization for One Nation] 01-30-2015 08:46 PM
كلامك عديل جدّاً وكلماتك صريحة
يا أيّها [المندهش أبو عديلة]
وعلى كُلّ الأسر العاقلة ونصيحة
أن تعتزل هذه الإنقاذ النطيحة
ومترديّة ومنخنقة وأقبح قبيحة
شرّطت أعيننا ثمّ فضحتنا فضيحة
محل ما نقبّل نشتمّ تلك الريحة
الإنقاذيّة النتنة مليانة قيحة
تنبعث من جراح سودانيّة قبيحة
إجترحها وقال شريعة وطبّقناها
قال فلوسنا طبعناها وسرقناها
ثروتنا استخرجناها وأخرجناها
المُساءلة والمحاسبة في شنوها


#1198595 [Adil]
5.00/5 (2 صوت)

01-30-2015 05:55 PM
من اين اتى هولاء


#1198592 [المشتهى السخينه]
5.00/5 (4 صوت)

01-30-2015 05:45 PM
باعت حكومة الرئيس الدائم امير المؤمنين اراضى ما اسمته ب مخطط البشارة ومخطط القدس ومخطط غزة لاصحاب المال والرأسماليه الطفيليه الاسلاميه ..وبجوارهم اهل الحماداب يقيمون فى كهوف ضيقه منذ مئات السنين وهذه اراضيهمواراضى اجدادهم وهم اولى باستحقاقهاوالسودان ليس ملكا لمليونيرات الجبهة الاسلاميه ..
هلموا ياهل الحماداب واشعلوا النيران تحت اقدام اللصوص واستعيدوا الارض ولن يضيع حق وراءه مطلب ..كلنا معكم..


#1198587 [nagatabuzaid]
5.00/5 (4 صوت)

01-30-2015 05:37 PM
ضرب النحاس عز العز وضرب النحاس ليس رجوع للخلف ضرب النحاس بخلى الارض تهتز وناس النحاس بذكروا ناس الحكومة انهم لا جذور ولا اصول لهم علشان كدة بقلعوا ويغتصبوا اراضى الناس العندهم تاريخ واصول ضرب النحاس مشى لقدام بخطى ثابتة تخلى قلوب الرجال تهتز اضربوا النحاس فى رسينهم وفجغوهم برجليكم قبل الحمداب ناس الحلفاية دقوا النحاس وان دعت الضرورة للحربة والكوكاب والنشاب مرحب وممالك الفونج عز العز ومرحب بالرجوع للخلف ان كان المطالبة بالحق رجوع للخلف يكفى انها ممالك عبر تاريخ السودان وتوحدوا ياناس الحلفاية وبرى والحمداب وكل من اغتصبت اراضيهم فى كل السودان ولتكن ثورة رجوع الحق لكم التحية يا رجال الحماداب شيب وشباب


ردود على nagatabuzaid
[الدنقلاوي] 01-30-2015 10:12 PM
هذا تنطع منك يا أخت ومزايدة على أمر لا يعني شيئاً .. في الدولة المدنية العصرية ينال البشر حقوقهم عبر التقاضي أمام مؤسسات محايدة وفي الدولة الظالمة يتوحد الناس تحت أهذاف جمعية لإقتلاعها لا تحت النحاس والذي هو رمز القبيلة... أما دق النحاس وتجريد الحربات فهذا ما تريد الإنقاذ أن توغلوا فيه ويضبح الأمر "جبانة هايصة" تضيع فيها حقوق الضعيف ويستأسد فيها القوي، أما دق النحاس في حد ذاته فلا يهمنا فليدقوا النحاس وليدقوا الشلوفة وليدقوا كل ما يمكن دقه .. لكن من عجب عندما مات المئات من الشباب في شوارع الخرطوم وعندما تغتصب النساء بالجملة في دارفور وعندما يعتقل ممثل تجمع المعارضة بحاله لا نسمع عن دق نحاس أو دق دلوكة، لكن على قدر أهل العزم تأتي العزائم وعزمنا لا ينشط إلا عندما يكون في الأمر منفعة شخصية

European Union [نيض التعب] 01-30-2015 08:00 PM
الأستاذة المحترمة نجاة أبوزيد .. دمتي يا فارسة الكلمة والحرف الأنيق .. وشكراً لمنْ علّق مُستنكراً ومُستهجناً ضرب أعل الحماداب للنحاس وهو (يُرغم) و(يُجيِر) الأستاذة نجاة على إخراج كلماتها الدرر من أعمافها الثورية ..


#1198581 [سوداني بس افتخر علي شنو :(]
5.00/5 (7 صوت)

01-30-2015 05:16 PM
الله معاكم يا شباب الحماداب , بعده ده اي واحد يشتغل في الشرطة او الامن تحت حماية النظام اقتلوهم بلا رحمه او شفقة , ديل ناس عميانه وغبيانه ويتساعد في الفساد من غير ما تتدري . الموت لاي سوداني عميل يحمي النظام ويقتل في ابرياء الشعب


#1198577 [الدنقلاوي]
5.00/5 (6 صوت)

01-30-2015 05:06 PM
إن الإنقاذ هي واحدة من أكثر إختراعاتات العالم الحديث تطوراُ .. إنها آلة سفر عبر الزمن متقنة تماما .. فها هي تعود بنا لأيام ضرب النحاس وخروج الحراب "المليشيات بلغة عهد الفونج ومفردها حربة" وإلجردات وخرت البلاد طلبا "لحق السلطان" المشكلة إن الإنقاذ آلة زمن تسمح بالسفر إلى اتجاه واحد وهو الخلف والوراء نحو التخلف والنكوص والرجعية


ردود على الدنقلاوي
[الدنقلاوي] 01-31-2015 10:29 PM
تشكر على هذه المداخلة "الوافية" عن عيوب استخدام اسم الفبيلة لكنها في حالتي جزء من اسم الاسرة أسمي هو ياسر حسين نَصُر الدنقلاوي، من ابناء بحري المزاد شرق استاد التحرير

[سوداني وكفي والصلاة علي المصطفي] 01-31-2015 05:56 PM
مع كامل احترامي لقبيلة الدناقلة وكل قبايل السودان- مثل هذة المسميات هي التي ضيعت وحدة السودان وكرست للقبلية الضيقة والعنصرية والجهوية, واحيانا هنالك اشخاص مثل الطفيليات والجداد الالكتروني يستترون وراء هذه الواجهات وهم لاينتمون اليها في الغالب الاعم ليفتتو وحدة الامة ويبثون سمومهم بين الناس ويتاجرون ببضاعة ثمنها بخس الا وهي العنصرية والجهوية, ويشغلون السودانيين بعراك ليس في معتركه((( والفتنة اشد من القتل)))) ومافي سوداني احسن من سوداني اخر لابلون ولابطعم ولا بجنس ولالالا ولالالا لابد من احترام بعضنا البعض من اجل وطن واحد وقضية واحدة اسمها السودان((((( رقاب تمر الجدود تنجز ولايانا)))) لماذا لاتكون قضيتنا هي السودان اولا واخير ,,,,,فحب الاوطان من الايمان,,,,,1/ نبز العنصرية والجهوية..2/كشف وعزل كل جهوي عنصري او متعامل بها,,,3/احترام كل الاثنيات السودانية والعادات والتقاليد,,,3/محاربة الفســـــاد والمفسدين,,,,,,5/ وكشف هاولاء الرجرجة من الماجورين المندسين الذين اذا اي واحد قال كلام وطني او خالفهم الراي فنفوسهم المريضة تصبغ اليه انه شيوعي او شعبي او له ميول للحركة الشعبية.
اذا كان حب الوطن يضعك,,او الوطنية تضعك في هذة الخانات !!!! فاين تضعهم وهم مرتزقة,,, لايحملون الا نفوس مريضة, تبث سمومها بين الناس ويفعلون المنكرات,,,ولايخافون الله فتيلا,,(واذا رايتهم تعجبك اجسامهم وان يقولو تسمع لقولهم,كانهم خشب مسندة,يحسبون كل صيحة عليهم,هم العدو فاحزرهم,قاتلهم الله أني يؤفكون) وهولاء الناس وامثالهم كثر وهم من يسؤدون الان والله قال فيهم
(اتخذوا ايمانهم جنه فصدوا عن سبيل الله انهم ســـــاء ما كانوا يعملون))))) ومثل هولاء كثر تسببو في ازية كثير من خلق الله في تركهم لعملهم,,, وتضييق معايشهم ,,,,,فعلينا كل السودانيون ان نتحد نحو هدف سامي الا وهو حب هذا الوطن وكشف كل فاسد والعمل علي اقتلاع الفساد ورموزه.... وكشف كل حاقد ومنافق وظالم ورد الظلم,,,, وتقديم كل ماهو وطني ولو خالفني الراي او الفكر او او القبيلة (((( الجنس ماهماني يكفي الجنس انا ســــــــــــــــــــــــوداني)))) مؤمن حر مستقل وحدووي غير حاقـــــــــــــــــد محب لكل سوداني مثلي دون تفرقة او عنصري,,,,,,,,,,,,حتي انب اقبل لوجاء الرئيس من الجنوب ولا من الشمال ولا الشرق او الغرب كل ارجائه لنا وطن,,,,ربناء اهدنا الي ســــواء السبيل نحنو السودانيين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة