الأخبار
أخبار السودان
ارتفاع تصنيف جامعة الخرطوم عالمياً
ارتفاع تصنيف جامعة الخرطوم عالمياً
ارتفاع تصنيف جامعة الخرطوم عالمياً


02-11-2015 09:40 AM
الخرطوم : ارتفع تصنيف جامعة الخرطوم في التصنيف العالمي للجامعات الذي صدر أمس حيث جاءت رقم 1918 في تصنيف 2015، وكانت في المرتبة الـ"2257"، واحتلت جامعة الخرطوم المرتبة الـ27 أفريقياً والـ18 عربياً، وجاءت جامعة السودان للعلوم والتكنولوجيا الثانية على مستوى السودان والمرتبة 3176 عالمياً.

كما حازت جامعة الخرطوم على المرتبة الأولى عربياً وأفريقياً والـ47 عالمياً في معدل الظهور.


الجريدة






تعليقات 23 | إهداء 0 | زيارات 20554

التعليقات
#1302771 [hassan manofaley]
0.00/5 (0 صوت)

07-13-2015 03:50 AM
ستعود جامعة الخرطوم الاولي بعد ما يكملو الاتخرجو منها


#1207354 [العرض مستمر]
0.00/5 (0 صوت)

02-13-2015 05:34 AM
والله جامعة الخرطوم كا حرم جامعي بس كفاية حتي لو ما فيها دراسة لو وقفت بس في شارع المين بتتعلم كل شي


#1207245 [امير]
0.00/5 (0 صوت)

02-12-2015 09:17 PM
هذا قبل ولا بعد تسريب الامتحانات

http://www.alrakoba.net/news-action-show-id-182990.htm


#1206626 [ود يوسف]
0.00/5 (0 صوت)

02-12-2015 07:07 AM
معدل الظهور يعني شنو ؟؟؟؟؟


#1206465 [watani adeel]
1.00/5 (1 صوت)

02-11-2015 08:47 PM
اليوميين ديل فى تقديم خاص من ابناء المغتربيين ولا شنو مرة جامعة السودان الاولى ويعد ساعتيين الخرطوم اولى يعنى مشترك وكذلك الاهلية مشترك والله الطالب لو عكف على الكتب فى المنزل اجسن من يدرسوه اساتذه لهم درجات فى الغلو ةالتطرف وما بنى على الاستعمار هو الاستعمار بنفسة


#1206388 [بت البلد]
0.00/5 (0 صوت)

02-11-2015 06:40 PM
يا اخوانا مادام كل يوم طالعين لينا بتصنيف جديد لجامعة الخرطوم لابد أن يكون هناك خطر يريدون تغطيته وجامعة الخرطوم زمان كانت تتحدث عن نفسها ... أما اليوم أي طالب يقدم لدراسة عليا من الجامعات السودانية عموما: يجب أن تخضع شهادته لتقييم في البلد الذي يريد أن يدرس فيه, ثم بعد ذلك يطالب باعادة المواد الغير مواكبة أو تلك التي لم تدرس في السودان , وطبعا دا كلو على نفقته الخاصة لأن حكومة السودان توقفت عن ابتعاث الطلبة كما هو الحال قديما... ولعلمكم هذا التشدد والتضييق تم لاكتشاف الشهادات السودانية المضروبة , وسوف يظل المواطن السوداني ضحية النظام في كل المجالات ونستغفر الله ونتوب اليه


#1206330 [الفكي]
5.00/5 (1 صوت)

02-11-2015 04:33 PM
يعني ده انجاز ؟؟ ... ارجعو لجامعة الخرطوم قبل 25 سنة شوفوها كانت وين !


ردود على الفكي
[جفال] 02-11-2015 08:39 PM
وهذا بإختصار شديد مستواها الان و أسالوا الشيخ حسن عن مستواها سابقا


#1206329 [عابد مختار المختار]
0.00/5 (0 صوت)

02-11-2015 04:32 PM
المشكلة من يحكم الان اغلبهم خريجى جامعة الخرطوم فقد تم تنظيمهم منذ الصغر عندما كان الرفاق ينشدون الاناشيد الحماسية والكورولات فالابالسة جمعوا بين السلطة والمال والحلال والباقين سفوا التراب
لذلك مردود جامعة الخرطوم للمواطن والوطن سالب


#1206297 [جركان فاضى]
4.00/5 (1 صوت)

02-11-2015 03:52 PM
طالب جامعة الخرطوم يشرب من الازيار....وقديما كان يشرب من الcoolers ....والازيار ماعندها حمالات ومدفونة فى الواطة ويحوم حولها النمل من نوع الرتيلاء....والكوز من علب الصلصة قديم ومصدئ ومربوط بخيط دبارة...وكثير من الازيار ليس لها غطاء...بالنهار لشرب الطلاب وبالليل لشرب الكدسة والكلاب...بس والحمد لله قوية ولم يقدر الجقر على اكلها كما اكل كبرى المنشية


ردود على جركان فاضى
United States [Nasehj] 02-12-2015 09:20 PM
يا جدو يا جدو لو سمحت فسر للحناكيش المعاي ديل المفردات الحلوه دي (أزيار - الريتلاء - الواطة -دبارة كدسة - الحقر)

[الجقني] 02-12-2015 07:02 AM
ياخي ضحكتني شديد بالمفردات (رتيلاء، أزيار، واطة، كدسة...)
حبوبة كبير إنتا.

[12548] 02-11-2015 07:21 PM
يا جركان فاضي - متى اخر مرة دخلت جامعة الخرطوم عشان تعرف انو من أين يشرب الطلاب ... كل الكليات بها كولر ( بلرادات مياه ) ... بالجد انت جركان فاضي


#1206269 [المتغرب]
1.00/5 (1 صوت)

02-11-2015 03:13 PM
"احتلت جامعة الخرطوم المرتبة الـ27 أفريقياً والـ18 عربياً"."كما حازت جامعة الخرطوم على المرتبة الأولى عربياً وأفريقياً والـ47 عالمياً في معدل الظهور". فهمونا اكثر


ردود على المتغرب
United States [بت البلد] 02-11-2015 06:13 PM
والله يا ولدي كلنا عايزين لينا فهامات .... ههههههاي


#1206256 [أبو مصطفى]
5.00/5 (2 صوت)

02-11-2015 02:52 PM
مبرووووووووووووك جامعتي يا جميله ومستحيله!!


#1206226 [أبو مصطفى]
5.00/5 (2 صوت)

02-11-2015 02:11 PM
الناس دي مالها مع جامعة الخرطوم؟؟الظاهر إنو الكتيرين مابيريدو ليها تتقدم وتذدهر..عموما هي لا تزال تحافظ علي صدارتها..وألف ألف مبرووووك لأساتذة وخريجي الجميله والمستحيلة..لو بتنتقدو إتنقدو جامعة السودان دي..


ردود على أبو مصطفى
[كاتم السر] 02-11-2015 06:56 PM
انت اتخرجت من جامعة الخرطوم وتكتب تذدهر بدل تزدهر عشان كدة الناس بتتباكي علي الجامعة فهمت...والشئ الثاني
نحن نأمل لجامعة الخرطوم وجامعة السودان وكل الجامعات السودانية تكون في مقدمة الجامعات العالمية ,لكن ليس بالاماني العذبة يا ابومصطفي

[150150] 02-11-2015 04:21 PM
لأن جامعة السودان - تعتبر جامعة الكيزان - والفاشلين


#1206196 [ما براك]
3.00/5 (2 صوت)

02-11-2015 01:37 PM
دي فضيحة.. خلونا من جامعة الخرطوم ومآلاتها.. شوفو الفرق بينها وجامعة السودان.. 1258 جامعة، معقولة دي..
صحيح جامعاتنا بقت فشنك.


#1206161 [النمر]
3.00/5 (2 صوت)

02-11-2015 12:55 PM
حليل جامعة الخرطوم زمان قبل ثورة البشير فالنرثوك ياجامعة الخرطوم


ردود على النمر
[150150] 02-11-2015 04:22 PM
يا حليلك انت يا اللي مافاهم حااااااااجة


#1206133 [منشى]
4.63/5 (5 صوت)

02-11-2015 12:24 PM
ما دام هناك العنصريه البغيضه فى التوظيف و الكذب فى البحوث و ترفيع بالمجاملات و الشلليه و المحسوبيه و سيطرة العجائز المصابين بالزهايمر و عقدة المجتمع و الخوف من المستقبل المجهول لانفسهم و تشعبص فئه بعينها طيلة الثلاثين عاما الماضيه دون الاحساس بأن الوضعيه الذى هم فيها انها مسئوليه امه و لا يودون التفكير بشفافيه بمن سيخلفونهم فى المنصب استنادا على المعايير العلميه فقط , فاعلموا ان الوضع سائر الى الحضيض . و هذا يذكرنى بقصة كبرى امدرمان القديم عندما كان له مهندس وحيد كان قادر على صيانته منذ نقله من الهند الى السودان فى وقت كان الكبرى ينفتح لتمرير السفن من و الى ثم الاغلاق لتمرير السيارات حتى توفى ذلك المهندس و لم يدرب من يخلفه من الشباب خشية فقدانه العمل فبموته اغلق الكبرى الى يومنا هذا كإغلاق قبره و دفن سره معه و الكبرى شاهد الانانيه الى يوم انهياره و هكذا جامعة الخرطوم رويدا وريدا تموت بموت مؤسسيها و لا بواكى .. و هاكم الحقيقه المره.


ردود على منشى
[جركان فاضى] 02-11-2015 03:44 PM
كلامك حكمة...شكرا منشى


#1206113 [aldufar]
3.00/5 (2 صوت)

02-11-2015 12:02 PM
هل تعلموا أن معظم المعارضين لدينا وحملة السلاح 99% منهم خريجي جامعات مرموقة للاسف الشديد ، فرغم تعلمهم دمروا وطنهم باهله ؟

وجعلوا من السودان وشعبه اطحوكة بين الامم وجعلوا شعبه يعاني الأمرين نعم هؤلاء هم صفوة طلاب السودان الذين تلقوا العلم داخل وخارج السودان ساعين بكل ما لديهم لتدمير وطنهم يا للحسرة والندامة ، الدول من حولنا وفي الغرب يبنوها بنيها ولكن نحن نتخرج من الجامعة ونحمل السلاح وندمر وطننا بايدينا فهل نستحق التعلم ؟

شوفوا كل المعارضين للاسف الشديد خريجي جامعات ماذا فعلوا للسودان بعلمهم ؟

نحن برانا نختلف عن كل شعوب الدنيا ليه لا ادري هل من مجيب يا الله ؟


ردود على aldufar
European Union [امير] 02-12-2015 09:13 PM
الاعوج راي والعديل راي

[دارفور بلدنا] 02-12-2015 01:01 AM
اولا مبروك لجامعة الخرطوم
وثانيا يا كاتم الاسرار يعنى لازم الزول يكون فى السلطة عشان تخدم بلدك ما اظن ممكن تكون مواطن عادى وتخدم بلدك
مشكلة السودان كل عايز يكون رئيس حتى لو حكومة المؤتمر الوطنى راح فى داهية برضو الحرب ما حتقيف تعرف ليه عشان الزول المافاز بالرئاسة حيشيل السلاح يمشى يحارب عشان يكون رئيس وهكذا تدور الفلم وما معروف ينتهى متين .

[كاتم السر] 02-11-2015 07:05 PM
نعم كل حملة السلاح هم خريجي جامعات عريقة ودرسوا علي حساب المواطن هذه حقيقة, طيب الم يكن كل الحاكمين الذين بيدهم السلطة ودمروا البلد وقسموها وطلبوا من كل الذي يريد ان يأتي الي السلطة يجب ان يحمل السلاح, ثم أنشاءوا بيوت أشباح وعذبوا وأغتصبوا وقتلاو سودانيين أمثالهم وليس بني صهيون ألم يكونوا خريجي ذات الجامعات؟؟؟؟؟؟؟؟؟؟؟مالكم كيف تحكمون!!!!!!!

[ايمن السبعى] 02-11-2015 01:42 PM
هذا لجهل المحكومين وليس لتعلم المعارضين


#1206112 [حران أحمد]
4.50/5 (4 صوت)

02-11-2015 12:00 PM
جامعة الخرطوم كانت من الثوابت التى لا يجب المساس بها مثلها مثل مشروع الجزيرة والخطوط الجوية السودانية والسكة حديد وووإلخ..... ولكن دمرتها هذه الحكومة جميعها وقضت عليه بسياساتها العنترية ..


#1206089 [Matthew Benjamin]
0.00/5 (0 صوت)

02-11-2015 11:28 AM
It is to far from top universities in the world. Kahartoum University still need more improvement. I think Only 4 universities in Africa and worldwide more successful University of Cape Town Universiteit Stellenbosch University of the Witwatersrand


#1206083 [abdelrahman ali]
1.00/5 (1 صوت)

02-11-2015 11:17 AM
ماقله الجد هوعين الحقيقة.
كنت في فرنسا وقابلت زملاء من اسيا من الدول التي بدات تتقدم قالىلي احدهم انهم مجموعة بعثتهم الدولة لعدة دول لكي يحلوا محل المتقاعدين من كبار الاخصايين.


ردود على abdelrahman ali
[جركان فاضى] 02-11-2015 03:47 PM
وفى السودان يهجروا كبار الاخصائيين ...فيحل محلهم الدواعش


#1206057 [مشروووط من الغيظ]
5.00/5 (3 صوت)

02-11-2015 10:50 AM
يا اخوانا كدي روقو المنقه شويه
هسه انتو قايلين ارتفاع تصنيف جامعة الخرطوم عالمياًدهه سببو ثورة تعليم المشروع الحضاري يعني
ابداً جامعة الخرطوم مستواها ماشي في تدني و انحطاط مستمر
و سبب ارتفاع تصنيف جامعة الخرطوم عالمياًليس الا لتدني مستويات جامعات افريقيه و جنوب امركيه كانت تعلوها في القائمه التصنيف مما ادي لإرتفاع ترتيب جامعة الخرطوم في نفي القائمه


ردود على مشروووط من الغيظ
[bluenile] 02-11-2015 01:41 PM
اتق ربك الذى خلقك الحكومه تمشى وتاتى من بعدها الف حكومه ومهما تكون مغيوظ من الحكومه لايجب عليك ان تخلط الحابل بالنابل هنالك ثوابت وقيم ومثل واخلاق فجامعه الخرطوم كانت مازالت هى بوابه العلم وهى مهد الحضارات والنضال كان القرشى وكان مرتضى الغالى والكثير من من ماتوا داخل حرم جامعه الخرطوم
جامعه الخرطوم خرجت الملايين من العباقره والاكاديميين الذى اسسو وابدعوا وتميزوا بعلمهم وتميزهم الاكاديمى دول العالم اذهب الى لندن واوربا حتى امريكا تجد خريجى جامعه الخرطوم من المميزين خلقا واخلاق ومن النوابغ بل هم الذين اسسو نهضه التعليم والعلم بالخليج
يجب عليك ان تتحدث بالثوابت فالام لاتتغير والاب لا تتغير ولا الابن يتغير لكن الزوجه تتغير فهذه الحكومه مثلها مثل الزوجه سوف تغادر بحول الله تعالى قريبا لا محال لكن الثوابت مثل الكرامه والفيم وجامعه الخرطوم ومشروع الجزيره والسكه حديد والخطوط السودانيه هذه من الثوابت سوف تنهض وتعود من جديد وهذه مسؤلينا جميعا شيئنا ام ابينا


#1206046 [انين الصمت]
1.00/5 (1 صوت)

02-11-2015 10:41 AM
مبرووووووووووووك جامعتي يا جميله ومستحيله


#1206012 [السودان الوطن الواحد .]
4.63/5 (5 صوت)

02-11-2015 10:02 AM
فى يوم من الأيام كانت جامعة الخرطوم الأولى أفريقيا وعربيا والسابعة عالميا من أشهر سبعة جامعات فى العالم يا مسهل


#1205998 [الجد]
3.94/5 (7 صوت)

02-11-2015 09:51 AM
يفترض أن يتم اختيار العشرون الأوائل في الشهادة السودانية ويبعثوا للدراسة في الجامعات العالمية المرموقة على نفقة الدولة لتستفيد منهم الدولة مستقبلا


ردود على الجد
European Union [ود يوسف] 02-12-2015 07:11 AM
وبعد ما تنتهي بعثاتهم يطلبوا الإقامة الدئمة في تلك البلدان ويقدموا للعمل في جامعات الخليج ...
في الأول أوقفوا هجرة الكوادر والكفاءات الموجودة قبل ما تفتشوا لكوادر جديدة !!!

United States [سامي] 02-11-2015 11:46 AM
المشكلة ان عقدتهم ان يدخلوا جامعة الخرطوم وليس اكسفورد

United States [غاندي] 02-11-2015 10:44 AM
هذا ما فعله مهاتير محمد في ماليزيا و اهتمامه بالتعليم و البحث العلمي .. و لم يوظف المال العام لاستثمار حاشيته و التخفي وراء اشعال الحروب القبلية بين الاثنيات المتعددة في بلاده .

European Union [الموجوع علي الوطن] 02-11-2015 10:00 AM
ماقلت الا الحق

وهذا بداية الطريق الي القمة ليت حكامنا يسمعون



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة