الأخبار
أخبار إقليمية
المياه تغمر "بدرون" القصر الجديد بالكامل
المياه تغمر


العندو دين.. ما ببني قصرو العالي فوق جوع الغلابة المسلمين
02-12-2015 06:03 PM
الراكوبة - الخرطوم غمرت المياه "بدرون" القصر الرئاسي الجديد بالكامل، وذلك بعد ايام فقط من افتتاحه. وقال مصدر مطلع لـ (الراكوبة) ان العاملين بالقصر تفاجأوا صباح اليوم بان البدرون ممتلئ بالمياه عن اخره، حيث غمرت المياه بعض السيارات الواقفة، بالاضافة الى المطبخ.

وسارع المشرفون باستدعاء عربات الشفط لشفط المياه، فيما لم يتعرف المهندسون الذين هرعوا للمكان من تحديد مصدر المياه فى القصر الذى لم يمض على افتتاحه سوي ايام معدودة.

وكان البشير قد منح وسام الانجاز للشركة الصينية المنفذة لمشروع القصر الرئاسي الجديد. كما منح وسام "النيلين" من الطبقة الثانية للمدير العام للدار الاستشارية المهندس عبد الله عباس حبيب.

وأعرب البشير عن شكر حكومة بلاده وتقديرها لحكومة الصين التي تبنت إنشاء المشروع الذي يمثل رمزا قويا للشراكة والصداقة والتعاون الصيني السوداني في كافة المجالات.

ووصف القصر الرئاسي الجديد بأنه الأكبر في إفريقيا ويمثل انتقالا جغرافيا فريدا وإنجازا حضاريا معماريا مزج بين الحاضر والمستقبل، ويعبر عن هوية وعزة وثقافة الشعب السوداني.

المساحة الكلية للقصر تبلغ 150 ألف متر مربع، والمشيدة 25 ألف متر مربع، ويقع القصر الراسي في ثلاثة طوابق، ويضم ثلاثة أجنحة رئاسية كما يضم 10 قاعات وعددا من المكاتب الإدارية وبدرون لموقف السيارات ومطبخ و14 مصعد.




تعليقات 53 | إهداء 0 | زيارات 19264

التعليقات
#1207945 [غايتو]
0.00/5 (0 صوت)

02-14-2015 10:42 AM
يبدو لى أن العاملين بالقصر يحتاجون للتدريب على كيفية استعمال المرافق بالقصر , كيف تستخدم الحمام المطبخ بل حتى الكهرباء وأجهزة الانذار والإطفاء .... غريبة والله !!!


#1207767 [Mustafa Haj Ahmed]
0.00/5 (0 صوت)

02-14-2015 02:49 AM
اذكر حينما كنت مقيما بالكويت ..... علقت بذهنى عبارة معبرة وعبرة لمن يعتبر وهى مدونة اعلى المدخل بقصر السيف التاريخى و المتواضع و القابع على ساحل الخليج العربى ............ و العبارة هى .......(لو دامت لغيرك لما اتصلت اليك).......... وفى عبارة اخرى لو دانت ...........؟


#1207746 [حد فاهم حاجة]
0.00/5 (0 صوت)

02-14-2015 01:03 AM
اكتر حاجة محرجة وبايخة وما ليها معنى ومغيظة
ان اي شي يقولوا ليك الاكبر في افريقيا
انتو شفتو افريقيا وين
وهم كدا ..
هل في معايير معينة تقيسوا عليها
انتو قايلين افريقيا دي غابة زي ما بحكوا ليكم

صحي زي ما قالوا الما شاف البحر .. تخلعه الترعة


ردود على حد فاهم حاجة
[ثعلوب المكار] 02-14-2015 10:55 AM
صحي زي ما قالوا الما شاف البحر .. تخلعه الترعة
-------------------------------------------
وايضا يا اخي مثل قعونجة في بير تقفز للاعلى وتقول ياه العالم دة كبير !!!

[ثعلوب المكار] 02-14-2015 10:53 AM
صحي زي ما قالوا الما شاف البحر .. تخلعه الترعة
----------------------------------------------
وايضا يا اخي مثل قعونجة في بير تقفز للاعلى وتقول ياه العالم دة كبير


#1207745 [حد فاهم حاجة]
0.00/5 (0 صوت)

02-14-2015 01:02 AM
اكتر حاجة محرجة وبايخة وما ليها معنى ومغيظة
ان اي شي يقولوا ليك الاكبر في افريقيا
انتو شفتو افريقيا وين
وهم كدا ..
هل في معايير معينة تقيسوا عليها
انتو قايلين افريقيا دي غابة زي ما بحكوا ليكم

صحي زي ما قالوا الما شاف البحر .. تخلعه الترعة


#1207687 [kanan mahdi]
0.00/5 (0 صوت)

02-13-2015 09:16 PM
Abdalla Abas designed Afrra tunell and Khartoum Airport Halls


#1207592 [عادل احمد]
0.00/5 (0 صوت)

02-13-2015 06:04 PM
صلحوا ونظفوا حمامات مطار الخرطوم بعدين فكروا في القصور الرئاسية ( هل فيكم رجل رشيد ) .


#1207545 [Omda]
0.00/5 (0 صوت)

02-13-2015 03:47 PM
بضاعة صينية بقرض ربوي يعني متوقعين النتيجة تكون كيف غير كده


#1207526 [adil a omer]
0.00/5 (0 صوت)

02-13-2015 03:05 PM
يكون دى الجقور


#1207500 [سوداني]
5.00/5 (1 صوت)

02-13-2015 01:52 PM
ديل الجقور شكيتهم لي الله


#1207439 [سلطان]
5.00/5 (3 صوت)

02-13-2015 10:41 AM
"قال تعالى: ﴿ قِيلَ لَهَا ادْخُلِي الصَّرْحَ فَلَمَّا رَأَتْهُ حَسِبَتْهُ لُجَّةً وَكَشَفَتْ عَنْ سَاقَيْهَا قَالَ إِنَّهُ صَرْحٌ مُمَرَّدٌ مِنْ قَوَارِيرَ قَالَتْ رَبِّ إِنِّي ظَلَمْتُ نَفْسِي وَأَسْلَمْتُ مَعَ سُلَيْمَانَ لِلَّهِ رَبِّ الْعَالَمِينَ ﴾ [النمل: 44]، قيل لبلقيس: ادخلي القصر، فلما نظرت لم ترَ الزجاج، ورأت المياه وحسِبت أنها ستغوص في البحر، وكشفت عن ساقيها حتى لا يتبلَّل رداؤها، ونبَّهها سليمان دون أن ينظر ألا تخاف على ثيابها من البلل، بأنه ليست هناك مياه، بل إنه صَرْح ممرد من قوارير؛ إنه من زجاج ناعم."

هسع يطلع ليكم واحد من المنافقين الكذابين زي النوع القال لمأمون حميدة أن الرسول جاءه في المنام وقال ليهو بلغ تحيتي لمأمون أو شيء من هذا القبيل.وبنفس الأسلوب سوف يقول أحد الخراصين أن الصينيين أقاموا القصر على بحر لجي.
ليته يكون بداية التسونامي


#1207429 [آمال]
0.00/5 (0 صوت)

02-13-2015 10:19 AM
اللهم ﻻ شماتة دي كلها اموال الشعب اللي اتبنى بيها القصر و البشير بدل ما ينمي بلدو بنى قصر لنفسو ﻷنو دايما مقدم مصلحتو على مصلحة الشعب


#1207420 [متحير]
0.00/5 (0 صوت)

02-13-2015 09:55 AM
اكيد في حاجة غلط ،ولكن ليس في البناء،لانه لو كان المشكلة في البناء كان ظهرت من زمان وفي وقت الفيضان لانو القمر ده قايم منذ فترة قبل ان يفتح. هذا الذي حدث مرده الي خطأ في استخدام المرافق او اهمال. مبني بهذه الاهمية لابد ان يكون مراقب طوال الوقت من خلال شبكة تلفزة مغلقة محجوب....... في جاجة غلط كدأب ناس الالغاذ دايما الزول الغلط في الموقع الذين لا يشبهه. وهو بقت علي القصر........ البلد كلها غرقانه...... ههههه


#1207402 [سيدالكارو]
5.00/5 (2 صوت)

02-13-2015 09:09 AM
في واحد في محطة 7 اسمو كيجه شاطر خلاص أصلوه ماعندي رقم تلفونو :/


#1207376 [ابوماجد]
4.97/5 (7 صوت)

02-13-2015 07:57 AM
دا ما شغل شوعيين ؟ قالوا ضرب الكلب امام سيدو حقارة تنبذ فى اولادعمك شويعيو السودان ياالبشير وتحتضن شوعيو الصين داير تعملوا زى قصر بلقيس تجرى المياه من تحته خم وصر.


ردود على ابوماجد
United States [nagatabuzaid] 02-13-2015 01:23 PM
ستكون المفاجاة قصر ل ( تاج محل السودان ) للمدام السيدة الاولى نمرة 2 وبما ان هذا القصر شيوعى صينى البناء سيكون تاج محل هندى هندوسى البناء وبذلك ستكون معادلة اسيا الصينية الشيوعية واسياالهندية الهندوسية للتعمير الرئاسى مقابل بوكو حرام الافريقية النيجيرية وشباب الصومال القرن افريقية الصومالية والدولة الاسلامية الاسيو افريقية للتدمير والقتل والسحل وتهديم القباب والاعتداء عل حرمة الاموات الرئاسية المتاسلمة

European Union [ahmed daffallah] 02-13-2015 11:25 AM
لك التحية الأخ ابو ماجد تم قصف الجبهة بنجاح


#1207327 [سوداني]
4.88/5 (5 صوت)

02-13-2015 04:10 AM
الصينين بكونوا زرعوا اجهزة تصنت حتى الحمامات


#1207319 [منير البدري]
5.00/5 (2 صوت)

02-13-2015 02:44 AM
يمهل و لا يهمل ربنا موجود يري و يسمع

الظلم يوم القيامة ظلمات و بشه و رهطه
ظلمو الشعب السوداني في كل شئ


#1207292 [Al wadah]
5.00/5 (6 صوت)

02-13-2015 12:18 AM
حرب الجقور . جيبوا كدايس صينيه برضهه امكن تنتصروا عليها وتمشوا تصلوا فى كاودا . اقصد فى البدروم .


#1207250 [بعيد شديد]
4.00/5 (2 صوت)

02-12-2015 10:21 PM
ههههههههههههههههههههههه وا شماتة ابله ظاظا فينا


#1207241 [كوكاب]
4.00/5 (4 صوت)

02-12-2015 10:07 PM
يخوانا انتو شيوعية الصين دي جابوها من وين شغالين دعم في الافكار الظلاميه والرجعيه في دول العالم التالت ولم اري في حياتي انتهازيه كما الصين اليوم والروس كمان يخوانا نحنا في اندهاش الانظمه التقدميه تقيف حائط صد منيع في حماية الديكتاتوريان وانظمة الفكر الظلامي
للحق جماعتنا بتاعين السودان فكر صاح ومواقف بطوليه ورجاله حمرة العين


ردود على كوكاب
European Union [كاره الكيزان] 02-13-2015 12:43 AM
يتعاونون مع الشيطان لمصلحة شعوبهم وجماعتنا يدعون بانهم يتعاملون مع الملائكة ولا ولاء لغير الله ونهايتها الشيوعيين الملحديين والبتزوجة اخواتهم والذين يهدمون المساجد ويكرهون الاسلام والمسلمين كما يدعي الاخوان المسلمين على مدى خمسون عاماً ولا تبديل لشرع الله


#1207227 [ahmed suliaman]
3.99/5 (8 صوت)

02-12-2015 09:31 PM
انشاء الله يقع في راسهم اولاد ام ذقده .مايمرق منهم زول ببركه الغلابه والجوعي والمرضي المالاقين قروش الدواء ياارحم الراحمين اللهم استجيب دعائنا ولا تردنا خائبين ياارحم الراحمين.


#1207220 [::: بـيكـو :::]
4.97/5 (7 صوت)

02-12-2015 09:13 PM
ان شاء الله يقع في راس الساكننو بركة الليل ده


#1207219 [abdulye]
5.00/5 (1 صوت)

02-12-2015 09:10 PM
شكل القصر ادوه عين الله يستر من الجاية هادا لسه جديد


#1207203 [بتاع الرصيد]
4.63/5 (4 صوت)

02-12-2015 08:51 PM
عقبال ركبك يا تيس حوش بانقا!


#1207201 [McDavid]
5.00/5 (3 صوت)

02-12-2015 08:30 PM
ان شاءالله يكون ألبانيو صيني


#1207197 [أبو عنجة]
5.00/5 (6 صوت)

02-12-2015 08:26 PM
أما حكاية .. القصر التركي القديم مبني من الطين و الحجر صمد جوار النيل مائة و ثلاثون عام ...

و قصر البشير الصيني لم يصمد لتلاتون يومآ أمام الطوفان !!!!! حتي القصر يقول : أرحل .. أرحل


ردود على أبو عنجة
United States [nagatabuzaid] 02-13-2015 01:27 PM
( حتى القصر يقول : ارحل ارحل ) تعليقك يا ابو عنجة تفوق على كل تعليقاتنا القصيرة والطويلة
لك التحية وجمعة مباركة لكل المحترمين بالراكوبة


#1207194 [همت]
4.82/5 (6 صوت)

02-12-2015 08:23 PM
قصركبير لرئيس صغير


ردود على همت
United States [Abu] 02-13-2015 07:08 AM
........Splendid indeed


#1207191 [حاجة عجيبة!!]
4.25/5 (4 صوت)

02-12-2015 08:21 PM
الجقور للطرق والجسور والقصور..

لو ما حكومة فاسدة ارهابية جلبت الخراب للبلد ومقاطعة الغرب كان هسي استفدنا من بيوتات الخبرة الاوربية والامريكية.. اي شئ عملوهو الانجليز قاااعد فى مكانو للآن وشوف الفرق بين منشآت الطرق والجسور العملتا شركات كندية وامريكية وبين المنشآت الصينية.. حتى الصين نفسها تستعين ببيوتات استشارية عالمية لتنفيذ البنية التحتية..


ردود على حاجة عجيبة!!
United States [nagatabuzaid] 02-13-2015 01:31 PM
البنايات الصينية قبل الانقاذ جميعها ممتازة ومثال قاعة الصداقة لكن للارجاس من نوع اعمالهم وحسب نيتهم يبدوا انهم استعانوا ببيوتات خبرة تشبههم فالصوا


#1207186 [Heron]
5.00/5 (2 صوت)

02-12-2015 07:59 PM
سودان اصبح أثر بعد عين!


#1207184 [wudoof]
5.00/5 (6 صوت)

02-12-2015 07:56 PM
من اسوء ما ابتلي به السودان في العصر الحديث الصين والانقاذ واتلم المتعوس علي خايب الرجاء


#1207182 [صدى صوتي]
3.00/5 (2 صوت)

02-12-2015 07:52 PM
انقلب السحـــر على الساحر


#1207181 [رانيا]
4.93/5 (9 صوت)

02-12-2015 07:50 PM
اهه اههه اهههههههههههههههاي .. ياله من خبر سعيد وسار وبهيج بالنسبة لي .
تستااااهلوا عجبني ليكم ولسه الفضايح حتنزل أكتر وأكتر . نرجع نقول إنتوا البدلتوا الإنجليزي بالصيني يا بجم يا رعاع .
قال "ووصف القصر الرئاسي الجديد بأنه الأكبر في إفريقيا ويمثل انتقالا جغرافيا فريدا وإنجازا حضاريا معماريا مزج بين الحاضر والمستقبل، ويعبر عن هوية وعزة وثقافة الشعب السوداني."
وين اللمسة وللا اللمحة السودانية يا جاهل في القصر ده وإذا أصلك بتفتش عن الهوية والعزة وثقافة الشعب السوداني ما كان تسكن في راكوبة وترتاح بدل الهيلمانة الدخلت فيها وإنت ما قدرها ولا شبهها !!
عني أنا بقول القصر الأول إنت ما بتستاهله لذلك هو من لفظك ويا فرحة ما تمت !! السؤال ناوي ترحل وين ؟ حترجع للقصر القديم وللا حتأجر شقة وللا إيه الفكرة ؟!


ردود على رانيا
[nagatabuzaid] 02-12-2015 09:17 PM
سلام عليك يا رانيا انت عارفة انا مفتاح كهرباء مصنوع فى الصين ما بشتريه الصينيين ضحكوا عليه قاعة الصداقة من عهد نميرى ما حصلت ليها حاجة . ده حقتا ياريت لو اتهار فيهم يوم الافتتاح


#1207180 [بت حبوبتها]
4.86/5 (9 صوت)

02-12-2015 07:45 PM
يمهل ولا يهمل !

قصر إتبنى من ضريبة اتفرضت على ستات الشاي والكسرة .. لن تقوم له قائمة !


ردود على بت حبوبتها
[nagatabuzaid] 02-12-2015 09:24 PM
تعليقك حقيقة الكضابين قالوا قرض الله يسلط عليهم جقور تقرضهم و تقطعهم حتت . اهى قاعة الصداقة واقفة شامخة يكون القصر صينى مضروب

تحياتى


#1207176 [محمد صغيرون]
0.00/5 (0 صوت)

02-12-2015 07:41 PM
الله يكون في العون
أموال اليتامى
ارجعوا القصر القديم


#1207174 [Awad]
4.91/5 (7 صوت)

02-12-2015 07:38 PM
هذا دعاء الغلابة والمسروقة أموالهم والمغتصبين والمغتصبات والمعذبون فى جهاز الأمن والمخابرات وأرواح الشهداء التى تنادى بالقصاص وهذه أشارة ربانية ياعمر البشير فأعطاك سرطان الحنجرة ولم تتعظ وغمر لك بدرون قصرك الجديد الذى لم تتم فرحتك به وقد يفعل بك كما فعل بفرعون فتغرق فى المياه الآسنة غير مأسوف عليك.أرجع لرشدك وأعلن للملأ كل ما أرتكبته فى حق هذا الشعب وأعد كل مليم أخذتها أنت وأخوتك وشركاءك فى الحكم وتنازل عن السلطة لحكومة أنتقالية بدون أشراك أى واحد من حراميتك وقدم نفسك للقضاء أنت ومن معك وقل للشعب أقتصوا منى فعسى ربى يرحمك.


#1207169 [حازم الجنداري]
4.25/5 (3 صوت)

02-12-2015 07:30 PM
بكرة بطلع ليك كوز حقير ويقول ليك انو دي مياه زمزم ومياه الجنة
وانو الرسول وصي بيها

ده حق الفقراء المعدومين


انها لفضيحة بالجد


ردود على حازم الجنداري
[ودكركوج] 02-12-2015 10:40 PM
عمل تخريبي من قبل الطابور الخامس الذين يدعمهم اعداء السودان من الصهاينة والكفار.

[nagatabuzaid] 02-12-2015 09:26 PM
وانتظروا فول بلة الفائب


#1207168 [عصمتووف]
0.00/5 (0 صوت)

02-12-2015 07:27 PM
الرئيس ابو سريع دائما متسرع ومتكبكب اعمالة ةلسانه حصانة دائما يوزع ويكيل الهدايا والاتهامات شمال ويمين فوق وتحت متي يحترم المنصب الرئاسي


#1207166 [الدرب الطويل]
4.97/5 (7 صوت)

02-12-2015 07:22 PM
ههههههههههه..
الجقور دقسوا الفاتح جبرا قالوا ليهو ماشين كبري الحلفايا بعد ما عملوا عملتهم فى كبري المنشية اتاريهم كانوا بيخططوا لغزوة قصر قردون القرادة..
الحرب خدعة!!..


#1207164 [زهجان]
4.89/5 (11 صوت)

02-12-2015 07:20 PM
الجماعة ديل ما ممكن يعملوا حاجة عديل سد مروى صار مضروب، الكبارى مضروبة، الأنفاق مضروبة، الانتخابات مضروبة، الميزانية مضروبة، الجنيه مضروب، إن شاء الله يضربهم الضريب شقاق العناقريب.


#1207152 [husseinmusa]
3.75/5 (4 صوت)

02-12-2015 06:58 PM
المرة الفاتت كانت الجقور والفيران اها المرة دي منوا وراء هذا العمل التخريبي الجبان..اوعا تكون بس اسماك النيل


#1207151 [المغترب]
4.00/5 (3 صوت)

02-12-2015 06:55 PM
ده صيني ده صيني ده صيني يا ناس ما اصلي


#1207149 [المشلهت]
3.75/5 (4 صوت)

02-12-2015 06:53 PM
هههههه قصر صيني (قصر الصين العظيم لم يصمد شهر واحد)
القصر الجمهوري الذي يمثل سيادة الدولة وعزتها كيف لكم ان يكون منحة (ملحة) من الحكومة الشويعية حكومة البشير التي داست على عزة وكرامة هذا البلد وهي بكل دنأه تفاخر بماقدمته لها الصين من هبة
تم وهب هذا المبنى حتى يكون رمز اذلال للحكومات القادمة ولا تستطيع ان تتخذ قرار ضد ماتقوله الصين فالمكاتب والقاعات التي تجلس عليها هي عطية من عندنا ، انها الصين الشيوعية الكافرة يا اصحاب التوجه الاسلامي والمشروع الحضاري
ماقلنا ليكم ابعدو من المنتجات الصينية وخليك مع الانجليزي


#1207141 [الجقر]
5.00/5 (4 صوت)

02-12-2015 06:43 PM
تكون دي جقور صينية وصلت مع الاثاث و أبت الا ان تحفر نفق من النيل للقصر .


#1207140 [zoal]
3.75/5 (7 صوت)

02-12-2015 06:41 PM
نقول شنو ما صيني


#1207139 [كاسبر إسكاي]
4.79/5 (6 صوت)

02-12-2015 06:40 PM
هذه الماء هي إختلاسات الوزراء والولاة في إشارة إلى شر مستطير لمن يدخل في هذا المبني. ياالخضر شبشب والمتعافي وكل النصابين اعملوا حسابكم ، دنا عذابكم.


#1207137 [hassan]
5.00/5 (5 صوت)

02-12-2015 06:39 PM
اكيد الجقور كالعادة

بس المرة دي ما عندهم زوق

علي فرعون يا هامان


#1207131 [على]
4.50/5 (3 صوت)

02-12-2015 06:35 PM
عريان ولابس له سديرى


#1207130 [حيوان منوي]
4.75/5 (5 صوت)

02-12-2015 06:32 PM
بداية الطوفان


#1207127 [فكرى]
5.00/5 (5 صوت)

02-12-2015 06:29 PM
أها دى برضو سببها الجقر ؟؟؟!!!!


ردود على فكرى
United States [الطفل المعجزة] 02-13-2015 12:11 AM
لا .. دي مياه اسرائيلية أحضرها عملاء نداء السودان .


#1207125 [الحقيقة مرة]
5.00/5 (6 صوت)

02-12-2015 06:25 PM
بشة منح المقاول وسام والاستشاري وسام لكن نسى اوسم روحو البغل


ردود على الحقيقة مرة
[nagatabuzaid] 02-13-2015 04:11 PM
نمشى نغرف معاهم يا الحقيقة المرة علشان كان اتزحلقوا والركبة اتملصت والمدام البقت كورة غرقت من الشحم يسووها فينا يقولوا ديل مبعوثين اسرائيليين انت ما عارفهم ما بموتوا براهم ؟؟ برى لا انت لا نحن ما بنغرف معاهم كفانا غرف الموية فى الخريف من بيوتنا هم ماجوا ساعدونا خليهم يشوفوا الغرقان كيف خاصة غرقان القصور صنع الصين

United States [الحقيقة مرة] 02-13-2015 09:43 AM
يا جماعة مهما كان النسر دا رئيسنا حقو نعمل حملة قومية ونمشي كلنا نغرف مع بشة وودة

[nagatabuzaid] 02-12-2015 09:30 PM
دى قوية يا رانيا زى ما بقولوا الشباب

United States [رانيا] 02-12-2015 08:17 PM
البشير ده بيذكرني بنكتة مصرية بتقول ذبابة سقطت في كاس خمرة طلعت تقول :
وسسسسسع للنسر !

مع التحية .


#1207124 [nagatabuzaid]
4.93/5 (8 صوت)

02-12-2015 06:24 PM
ايات الله ودعوات الغلابة وانات المرضى واهات الجوعى واروح اولادنا ولسه ايات الله الكبرى ستظهر فيهم المرة الجاية الدماء ستغمر القصر ويخوضوا فيها حدها الحناجر


جقورية : الجقور دى شيطانة خلاص !!!!! عامت وسط الموية من كبرى المنشية حدها القصر الجديد وعندها فكرة تمر على اليخت الرئاسى ده كان ما وصلت لى هسع سالوها ليه ما غشيتى كافورى ؟؟ قالت جنى وجن الوساخة !! الجغور عاملة فيها نظيفة !!!!!!!!


ردود على nagatabuzaid
[nagatabuzaid] 02-13-2015 04:06 PM
باذن الله يا امال وقريبا

تحياتى

United States [nagatabuzaid] 02-13-2015 01:38 PM
اميييييين على دعوتك يا بت حبوبتها يسويها الله وجمعتك مباركة

United States [آمال] 02-13-2015 10:13 AM
حقيقة و ده غضب من ربنا على البشير عشان عمايلو و لسه هو ما شاف شيء و حتجي الثورة و تقلعو هو و زبانيتو بإذن الله

European Union [بت خبوبتها] 02-13-2015 01:54 AM
يسأل عنك الخير أختنا وأستاذتنا الكريمة نجاة..صراحة في الشهور الأخيرة أقرأ الأخبار والمقالات ولا أقوى على التعليق .. فالحال في بلدنا أصبح لا يحتمل ولم أعد أجد كلام يصف الداء أو الدواء ..
وجاءت حادثة غرق البدروم في القصر المشئوم كوميض يبرق ببشرى قادمة فدفعتني لأعلق بأن سبحانه يمهل ولا يهمل .. ولن نيأس من رحمة الله وعدله, وأرجو أن أراك أختي نجاة والإخوة الراكوباب في هذا القصر حين يصبح قصرأ للثقافة والفنون يوم ينال السودان إستقلاله من إستعمار بني كوز قريبآ بفضل الله..

[nagatabuzaid] 02-12-2015 09:41 PM
وينك يا رانيا افتقدتكم انت وتينا وابو ريشة ومعنى وبن حبوبتها وشايفاعا اليوم منورة ومجموعة كريمة غايتوا عمك المهندس سليمان بياخد ليه طلة مرات
القصر ده بغطس حجرهم يكونوا عاملين ليه ممرات سرية وانفاق تحت الارض للهروب جابت لهم الموية وما بعيد يكونوا بدربوا ليهم فى جقور بعرفوا الدروب بتحت الارض لقيادتهم عند الهروب والمدرب بلة الغائب مع ساحر صينى اصلوا الجقور قالوا شياطين مخلوقات الانتكاس يومهم اسود يدركهم الثوار وان كانوا فى قصور مشبدة صينيا

United States [رانيا] 02-12-2015 08:08 PM
شفتي يا أستاذتنا الحبيبة الفضيحة أم جلاجل دي ؟! ولسه عقبال أبو جلاجل وبقية العيلة ..
"أكيد حنتسلى" ذي ما بيقولوا في الدعاية هه . طبعا الجماعة ما "والفين على البخور ...!"
ومبهورين بالجديد فإنفعلوا وفتحوا الحنفيات وبقوا يعوموا ساكت وللا فاكرين الدش تلفون فقالوا يتصلوا بالأهل يوروهم الأملة الهم فيها !!ونسوا يقفلوا الخط !وإلّا الموية الكتيرة دي جات من ويين ؟
أدعو الله إنه المرة الجاية يطفح السيبتك تانك ويعوموا في المجاري !!!

تحياتي العطرة .


#1207118 [fatmon]
5.00/5 (4 صوت)

02-12-2015 06:16 PM
كان يجيبوا معاه كادر يعرف يستعمل المواسير
عشان الأمن يكون مستتب لازم يكونوا الشغالين في القصر على درجة كاملة من الغباء عشان ما يفكروا في خيانة راس الدولة لما يجوا الجماعة يخشوا عشان يقطعوا رأسه عشان كده حكاية يعرفوا يستعملوا المواسير دي عايزه ليها سنه سنتين تلاته بعدالأنتخابات كان ما يغيروهم للوقت داك خمسة مرات كده


ردود على fatmon
[hassan] 02-12-2015 09:41 PM
قصر فرعون زاتو طلع ماسورة كبيرة

مليانة جقور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة