الأخبار
أخبار إقليمية
برلماني يطالب الشعب بارتداء العرّاقي بدلا عن الجلابية للتوفير
برلماني يطالب الشعب بارتداء العرّاقي بدلا عن الجلابية للتوفير


02-16-2015 02:42 AM
الراكوبة – ام درمان في واحدة من تجليات نواب برلمان البشير، طالب رئيس اللجنة الاقتصادية والمالية بالبرلمان سالم الصافي حجير، الشعب السوداني بلبس "العرّاقي" بدلا عن " الجلابيب،" وتقليل اكل اللحوم، من اجل تخفيف اعباء المعيشة. ورأى حجير ان "الاقتصاد هو أن يعمل المواطن ميزانية لنفسه، بمعنى لو بيأكل كيلو يأكل أقل، واذا ببلبس جلابية يلبس عراقي".

وقال حجير في تصريحات بالبرلمان، إن الدولة ليس مهمتها ان تجعل المواطن غنيا، لأن الأرزاق بيد الله عز وجل، لافتاً إلى أن الدولة من واجبها أن تعدل بين الناس في الأكل والشرب والمواصلات والتعليم، ومضى يقول: "لكن الرزق ده بيد الله وما عندنا بيهو شغلة"، وأضاف "الاقتصاد هو أن تعمل ميزانية لنفسك يعني لو بتأكل كيلو كُل أقل ولو بتلبس جلابية ألبس عراقي مثلاً". كاشفاً عن دخول ما بين 100 إلى 150 مليار دولار خلال العام 2015م، وقطع بأن 20 مليار من تلك الأموال، ستدخل خلال أيام، كرأسمال أجنبي للاستثمار في السودان.

وأكد حجير أن البرلمان سيعدل قانون الإجراءات الجنائية مرة أخرى ليقر عقوبة الإعدام في مواجهة من يزور العملة، حال تحوّل تزوير العملة إلى مهدد للاقتصاد. واعتبر ارتفاع سعر الصرف للدولار غير مقلق، لافتاً إلى أن الحكومة تسعى لردم الفجوة بين السعرين الرسمي والموازي.


تعليقات 76 | إهداء 0 | زيارات 10651

صفحة 1 من 212>
التعليقات
#1210712 [باسطة]
0.00/5 (0 صوت)

02-17-2015 09:05 PM
الأخ أبو ساره لفت نظر الأخ البرلماني المحترم إلى حادثة سيدنا عمر بن الخطاب و إبنه عبد الله بن عمر رضي الله عنهما حينما رد عبد الله على المسلمين بعد تساؤلهم بأنه قد تفضل على والده بنصيبه من البزة قائلاً : إن أبي رجل ذو طول ، و ذلك بعد أن طلب منه سيدنا عمر بن الخطاب بأن يرد على القوم.

أخي أبو سارة إن هؤلاء رجال لن يطول مجرمي المؤتمر مقامهم العلي و تواضعهم الجم و خلقهم النبيل الإسلامي السامي، فحسبك بهؤلاء أن تذكرهم في سياق ما قالوا بالمهاتما غاندي و كفى ، فذلك الرجل قد تقشف و وكأ بطنه و إستوحد ثوبه ، و لكنني أرجع و أقول أن خلق غاندي أيضاً أرفع من أن يمرغ بسمعة هؤلاء ، فقلت أنهم لا يشبهون غير إبليس فصرخ إبليس في وجهي و توارى .

عازة قومي كفاك عازه غطي قفاك .


#1210709 [د/ محمد عبد الرازق سيد احمد]
0.00/5 (0 صوت)

02-17-2015 09:00 PM
بسم الله الرحمن الرحيم ..



اعزائي محرري الراكوبه الشرفاء .وروادها بني وطني الكريم ... السلام عليكم ...


تكرموا وقولوا ... للسيد/ حجير ... يامحترم العراقي = الرحط ... ( جيلنا الحالي ربما لا يعرف الرحط)

ولو ياسيد حجير .. تري ان الاقتصاد في ترك الجلابيه والاكتفاء بالرحط ربما لا تدري او تدري ان عصر الرحط كان الاستعمار يجثم علي صدر الوطن ..

ومن هذه المعادله : الرحط = عهد الاستعمار
اذن : العراقي = ان تتركوا مقاعدكم في السلطنتين التنفيذيه والتشريعيه

وعليه انت لا تعرف ما هو الاقتصاد ..
فالاقتصاد هو العلم الذي يهتم بحل المشكله الاقتصاديه والمشكله الاقتصاديه هي ان الموارد لا تكفي للحاجات والحاجات متعدده ومتكرره ومتنوعه .. لكن هذه القاعده مكسوره لماذا : لان : ( موارد السودان كثيره وكبيره .. ومازال الشعب السوداني كل فرد فيه (اكرر كل فرد فيه يعاني الحاجه )

هل تعرف لماذا ؟؟؟ .

... لان كل الموارد الاقتصاديه نقديه وعينيه منهوبه ... وانت تعرف جيدا من الذي ينهبها ..وكذلك كل فرد في الشعب السوداني يعرف من هم الذن ينهبون موارده .. حتي يريدونه ان يلبس العراقي والرحط ... لكن ان شاء الله في الزمن القادم .. سيري كل من ينهب موارد الشعب السوداني ...

( بيشوف رحط امه ) ..... مع الاعتزار للتعبير ... ..... لانه مستمد: ( من تعبيبركم .. مع الاسف ) ...


#1210653 [صالح الشفيع النيل]
5.00/5 (1 صوت)

02-17-2015 06:35 PM
طيب ياحجير النائب المحترم الذي درس اقتصاد العراريق في جامعة أكسفورد عندي ليك بعض الأسئلة:
* لو الواحد ما عندو عراقي ممكن يمشي بالسروال.
*لو الواحد ما عندو سروال ممكن يمشي أنفكو.
*طيب الواحد لولابس شراب وبس حسب ظروفو ده يكون شنو.بعدين ما سمعت بالدبلوماسي البلبس الشسرابات بالقلبة.ده تصنفو كيف يا حريف.
*بعدين في شباب بلبسوا بناطلين فقط.الماعندو بنطلون ممكن يمشي بالكلوت الداخلي مع القميص ، ولا الكلوت ده انت ما سمعت بيه ياالعوض.
*طيب الما عندو قميص ممكن يمشي بالفانلة والبنطلون أو الشورت ، لاعب كورة يعني.فيصل العجب يعني.
*حقو تسأل علماء السودان في المسألة دي لو هم فاضيين ليك من التنظير في النكاح والطلاق والحيض والنفاس علي رأي أخونا فتحي الضو.
*برضو ممكن واحد يحلم ليك بالرسول صلي الله عليه وسلم يظهر للشيخ بله الغائب ويقول ليهو خلي الحكومة أن تكسي الناس بقروش الانتخابات المافي داعي ليها دي عشان ما يمشسو انفكو.
*بعدين في حاجة قربت انساها.النسوان الواحدة كان ما عندها حق الهدوم تعمل شنو؟ولا دي كويسة معاكم يا برلمان السجم.
**يا حجير يا أخوي البلد دي كلها ماشه أم فكو اقتصادياً وفكرياً وثقافياً قبل ماأنت تقترح النظرية الجديدة بتاعتك دي بتاعة ( اقتصاد العراريق والطواقي ).


#1210616 [radona]
5.00/5 (1 صوت)

02-17-2015 05:28 PM
لا باس ابدا
التحية لهذا العضو لانه في النهاية قال شئ ومهما يكن فقد اسمعنا رأيا
وبما ان البرلمان هو واجهة الشعب السوداني والذي تعلم منهم لبس الجلابية مع العمة والشال المطرز على شاكلة الطاؤوس
ليبدا البرلمان بلبس عراريق من الدمورية بس تكون واسعةشوية حتى لا تبرز عيوب الجسد التى كانت تسترها الجلابية
وازيد في اقتراح العضو ان يتم فرض ضريبةعلى كل من يضبط لابس جلابية


#1210501 [اميرووز]
0.00/5 (0 صوت)

02-17-2015 02:26 PM
الراجل دا بيقول كلام زي الفل .. واقترح انا كمان لاخواتنا اذا في واحدة بتستعمل كريم فير اند لفلي ، تستعمل فير بس وتخلي لفلي عشان التوفير وكدة .


#1210429 [جنو منو]
5.00/5 (1 صوت)

02-17-2015 01:03 PM
على الطلاق كلام الزول دة غايتو مزعلنى زعل شديد خلاص .. قوم ياولد جيب الحبوب .. حبة تقوم ليك فى
هنايتك .


#1210278 [ابو ساري]
5.00/5 (5 صوت)

02-17-2015 10:52 AM
ياناس ،البرطمان حقو يحل لينا الاسئلة المحيرانة دي اول بعدين يشوف لينا الاقتصاد اصلا الاقتصاد ما حاجة عاجلة و مهمة زي اسئلتي دي:
1- الجدادة من البيضة ولا البيضة من الجدادة؟
2- السواك بالفرشة و المعجون حلال ولا حرام؟
3- لبس البنطلون للنساء فاضح ولا ما فاضح؟
4- طهارة البنات شرعية ولا ما شرعية؟
5- مدة الحيض 3 ولا 5 ولا 7 يوم؟
6- مدة النفاس 40 ولا 41 ولا 42 يوم؟
6- نستعين بالجن لاستخراج البترول ولا ما نستعين؟
7- الرد السد - الرد السد . السد دا ربوي ولا حلال. هو بالمناسبة كهربتو وين؟
8- الرسول صلى الله عليه و سلم رضيان عن مأمون حميدة ولا ما رضيان؟
9- ناس ابو دليق كانو بعرفو الحمام بالدش قبل الانقاذولا لا؟
10- كنا بعرف الهوت دوق؟
11- ناس الجزيرة تربية شيوعيين؟
12-...................
حلو لينا الاسئلة اعلاه دي و بعدين فكرو لينا في الحاجات الهايفة ذي الاقتصاد و التعليم و الصحة و الحرية و كرامة الانسان و الديموقراطية.
الله جل في علاه... يهد حيلكم زي ما هديتو حيل الشعب المسكين دا


ردود على ابو ساري
[Abu Hawa] 02-17-2015 02:56 PM
هههههههههههههههههههههههاااآآآآآآآآآآآآآآآي
والله العظيم خيالك رهيب عليك الله سيجارة و لا ساكت بس


#1209960 [kenneth]
5.00/5 (1 صوت)

02-17-2015 01:24 AM
هههههههههه عراقي و اشرب عرقي كمان


#1209906 [nagatabuzaid]
4.25/5 (3 صوت)

02-16-2015 10:37 PM
قبل كم شهر اتصلت بى مسؤولة الايتام فى منظمة انتمى لها وتكفلهم هيئة خيرية فى دولة عربية . من بين الايتام واحد ابن جيراننا ابوه كان رجل فاضل وسودانى جد شهامة وقيم واخلاق السودانيين وتركه صغير اكراما لذكراه الطيبة قدمناه للكفالة وتمت بفضل من الله . الجهة الكافلة للمتابعة تطلب نهاية كل عام دراسى نتيجة الامتحان وصورة اليتيم المكفول الذي يكفلونه الى ان ينتهى من دراسته الجامعية المهم ام الطفل ( الحجيرية )ارسلت صورة المكقول الذى صار صبيا بالعراقى وحاسر الراس تخيلوا ارسال صورة لصبى فى الصف الثامن الان بعراقى لجهة اجنبية فما كان من الجهة الكافلة فى تلك الدولة الا ان ارسلت خطاب تنبه فيه بضرورة الالتزام بالمظهر المحترم الام وهى منتمية للحى بالزواج ولكنها فصيلة حجيرية لم تهتم بالاصول المهم صورة وارسلتها . وقمت بتوجيه اللوم للشابات المشرفات على استلامهن الصور واعداد التقارير وعدم الانتباه وتوجيه الام وكان عليهن ان لا يرسلن الصورة . اها ياحجير عندنا زول جااااااااااااهز ينفذ كلامك دخلوه البرطمان علشان يصفق لك ولمقترحاتك السجمانة . ذكرت ذلك لذكر بعض المعلقين لخروج بعض السودانيين بالعراقى واستنكار الدول الاخرى لذلك واكيد هذه فئة فليلة فالمعروف عت السودانيين الاهتمام بالمظهر العام ويشرفون بس نقول شنو على الفصيلة الحجيرية

قلقانة على اولادنا لما تنطلق الثورة يدنقروا يرفعوا حجار يلقوا بينها حجير تحته عقرب


ردود على nagatabuzaid
European Union [Atef] 02-17-2015 06:11 PM
تحياتي Nagatabuzaid
قالوا لينا بعد مايطبقوا مشروعهم ألحضاري.... حنلبس السندس وألحرير ونركب ألسيارات ألطائرة ونتزوج ثلاث ورباع من ألحور ألعين..., وبعد 25 سنه أولادنا مالاقين جلابية دمورية.... إحترامي


#1209893 [AburishA]
5.00/5 (1 صوت)

02-16-2015 09:50 PM
الناس ديل.. بديت اشك في قواهم العقلية.. دي عقلية زول بلع حبة "كبتاجون" من الخمسة كونتينرات ديك.. اعوذ بالله من الشيطان الرجيم...


#1209856 [ابو الذيك]
0.00/5 (0 صوت)

02-16-2015 08:28 PM
ههههههههههههههههههههههههههههههههههة حجير الصقير


#1209852 [سعيد لورد]
0.00/5 (0 صوت)

02-16-2015 08:24 PM
قال الحجير
( لافتاً إلى أن الدولة من واجبها أن تعدل بين الناس في الأكل والشرب والمواصلات والتعليم)
الله أكبر الله أكبر الله أكبر.

طيب يا حجير الدولة قامت بالواجب ؟
لو قامت بالواجب و حسب كلامك القلتوأ
( كاشفاً عن دخول ما بين 100 إلى 150 مليار دولار خلال العام 2015م)

المفروض تقول حقو الشعب السوداني يلبس ( الدمقس و الحريرالأبيض و السندس الخضر والاستبرق )
مش زي ما قلت ( الشعب السوداني يلبس "العرّاقي" بدلا عن " الجلابيب،" )


#1209841 [واحد من ناس قريعتي راحت]
5.00/5 (2 صوت)

02-16-2015 07:37 PM
و الله البرلمانيين ديل وناس الانقاذ ديل شكلهم كدة ناوين يمشوكم ام فكو ...


#1209839 [مسكييين]
5.00/5 (6 صوت)

02-16-2015 07:32 PM
و الله حيرتونا ...

واحد يقول : انتو شذاذ آفاق
و الثاني يقول : صبرنا عليكم
و آخر يقول : كنتوا شحادين
و آخر يقول : كان عندكم قميصين و الأن الدولاب مليان
و آخر يقول : علمناكم الهوت دوغ و حمام الدش
وأخر يقول : ألحسوا كوعكم


طيب ما ترجعونا محل ما لقيتونا .. بدل التريقة علينا .


ردود على مسكييين
European Union [Atef] 02-17-2015 07:05 PM
بعرف واحد منهم كان شغال في دكان ناصية...عندو عراقي واحد وبنطلون وقميص أفضل من ألعراقي شويه كده لزوم ألمرقات...كان بستحمه بالجردل داخل الدكان...ألجيران كان بحنوا وبرسلوا ليهم صينية مره مره، كان بفطر طحنيه وبتغدى بموية جبنة أو فول وألعشاء فول...، وحاليا بهدي قصر و..و..، وآلآف قطعان ألضان وألإبل...و..و...، لو لحس كوعه... مابغير ألحال ذاك... بهذا.... إحترامي


#1209817 [راكب حمار وجار عكازو بالوطه]
5.00/5 (2 صوت)

02-16-2015 06:46 PM
دا كلام خارم بارم بقي تقليعه..اخر زمن...
اها نديكم الكلام دا....
اللبس اكون ..للشباب بنطلون واحد واتنين قميص علي شرط الاقمصه ما تكون وسيخه(عشان توفرو حق الصابون)!!!!!
الشياب عراقي وطاقيه..اللباسات حسب الحوجه ..حسب حالة الطقس..الصيف امفكوا ...الشتاء ممكن تلبس واحد لمدة شهر وبعد داك تغسلو..(وفر حق الصابون)...
الاحذيه سفنجه ماركة رطب للشباب بدون فرز جامعي او خريج ... الخ....
الشياب نعال نوع حاجه كافره...!!!
الحلاقه ل شباب وشياب...صلعه كل شهر برنامجها كالاتي ..1/استخدام الموس من جانب واحد للشهر الاول (لا تنسو الموس مرقمه بالجانبين)..
الزول العندو اولاد كل اتنين احلق ليهم صلعه بموس واحدا....وفرو قروش الحلاقه،!!!!
ناس القري....كل تلاته او اربعه بيوت حمار واحد وكارو بقضن القرض..المويه والقصب.!
المشي للسوق (التسوق) لك فريق او حي يرسلو زول واحد يجيب الاحتياجات هى بسيطه اصلا فى مخلايه بجيبه..(وفرو حق المواصلات والشوارع ذاته مشكله)...
(اللبن دا اصلا ما فيه غذا وبكبو فيهو حاجات ضاره بالصحه ونحن خايفين علي صحتكم)،،،،!!!
الموز كل اسبوع كيلو ..عشان الموز بعمل تخسيس (اصلا ما بتحتاجو) ونحن ما عايزين كدا ربما نحتاج ليكم لي مدافرا...!!!
عووووك ما تنسو زيت شعر البنات...دا سبب رئيس فى ارتفاع اسعارو..الحل خلط زيت الراجع بتاع عربات البرلمانين مع ودك ان وجد...والمسوح كل اسبوع مره...!!!
التعليم..!!دا مكلف شديد للاسر .لذلك قفل المدارس لمدة عشرين عام وكل زول بقرا وبكتب اعلم اولادو بالطريقه البتعجبه لانو ما في ذاتو شقل الا كان امش اسرح في السعوديه عشان كدا احسن ما اقرا ذات..!!!!
الدين بعلموكم ليه الناس البجو من برا ....والله اعلم اكون قصدهم الدين واﻷ شي تاني (بس اعملو حسابكم)...
قايتو في النهائيه كلها افكار ربما تصب في راحة وعيش المواطن...!!!
يا اخي يا عمر انا طلبي واحد واي حاجه عافيها بس تشمع البرلمان وتطرد كل الفيه..احكمنا زي ما عاييييز (بس وقفهم)!!!!!...؟؟؟؟ديل بجيبو الجلا والمحن للبلد اتخارج منهم يا رئس ...واحد يالف ايه واحد يكذب باسم الرسول ...الخ دا دليل زوال ...قولوا يا رب لطفك...


ردود على راكب حمار وجار عكازو بالوطه
United States [nagatabuzaid] 02-16-2015 09:33 PM
انت ارستقراطى جدا فيها تحلية بالموز موز شنو يازول ؟؟ حجير ده حيقول لنا التحلية صفق نيم مررررررررر ما اصلوا حياتنا اصبحت امر من المر


#1209788 [julgam]
5.00/5 (4 صوت)

02-16-2015 05:35 PM
ياجماعه دا سالم الصافى حجير ،نهب فرعآ لبنك الثروه الحيوانيه ،فنقل لنهب مصلح آخر بنك نيمآ فأدى لإفلاسه،،
يذكرنى حديثه هذا بكلام ديك العده الأول نميرى ،،أو لم يقل فى آخر كلامه للشعب السودانى :الباكل ثلاث وجبات اليأكل وجبتين والبكل وجبتين الياكل وجبه ،تاكلوا السم،،،،فذهب ولم يرجع ،،


#1209786 [منصور]
3.00/5 (3 صوت)

02-16-2015 05:34 PM
بالتعليقات هذه باين انكم جبناء وﻻ يعدو الامر كونو تسلية فقط وان ان اقول لكم والله بالتعليقات هذه البشير مطمئن وضامن الكرسى الرئاسى ل50 سنه قادمة وبدل ما يلبسكم عراريق يخليكم تلبسو كلاسين اروبية داخل الخرطوم ،،، شعب جبان ومعفن


#1209782 [Seek]
0.00/5 (0 صوت)

02-16-2015 05:30 PM
فضل لبرلمان بشه بعد لبس العراقي يلبسوا المواطن هلال. الدهب في راسو ويطهرو ويجو عويل البرلمان ساميه وسعاد وبدريه ويجيبو دلوكتم وطبعا بقياده عوضيه عذاب ويغنوا جناي البريدو واحضر جديدو واحنينو في ايدو يا الله حضرني
يخلص مدرستو الـ ليها حمستو......يا الله حضرني
ويكبر ونستو ,بي مناي حدثتو....


#1209780 [قاسم الامين عبود]
5.00/5 (1 صوت)

02-16-2015 05:28 PM
انتو عارفين يطلع ليكم باكر نائب رئيس الجمهورية ويقول ليكم البسوا فله (كانت سدادة للزجاجة)زمان طبعا رحم الله السودان والشعب السوداني ترشيد هو الناس ماكله عشان ترشد بدل كيلو ربع كيلو يا جماعة واحد مشي اشترى ليه خمسه كيلولحمة الجزار والزبائين يعاينوا ليه ساكت قام قال ليهم يا اخوان والله دى سماية


ردود على قاسم الامين عبود
United States [المك] 02-16-2015 07:47 PM
فله و جونتى يا قاسم -- برضو الستره واجبه ٠


#1209773 [أبورماز]
5.00/5 (2 صوت)

02-16-2015 05:23 PM
الراجل دا ما غلطان .. حتى إسمو ذاتو ما تامى حجر إنما ( حجير ) ..


#1209746 [مسلم]
0.00/5 (0 صوت)

02-16-2015 04:39 PM
وقال الذين كفروا للذين آمنوا انطعم من لو يشاء الله اطعمه


#1209738 [أبو سارة]
4.50/5 (4 صوت)

02-16-2015 04:30 PM
أقول لكلب البشير الحقير المدعو حجير !!!

الخليفة الثاني عمر بن الخطاب سأله الناس : لم ثوبك طويل يا أمير المؤمنين وقد أخذت قطعتين من القماش وأعطيت المسلمين قطعة واحدة ؟! فدعا بابنه عبد الله بن عمر وقال له قل لهؤلاء - فقال : رأيت أبي رجلا طوالا ولم تكفه قطعة واحدة فأعطيته نصيبي .

أما أنت يا حجير يا كلب البشير ايها المنافق الحقير , يا من لا دين لك ولا خلق ولا رجولة ولا شهامة ولا كرامة ولا حياء فعليك أولا أن تبدأ بنفسك وتخلع الجلابية , ومن ثم تدعو الناس لإتباعك في لبس العراقي - ولكن أن ترفل في الدمقس والحرير وتنكح مثني وثلاث ورباع وتملأ كرشك المتعفنة المتخمة بما لذ وطاب وتدعو الناس للتقشف - فتلك قسمة ضيزي - ولا تستحق غير اللعنات , ألا لعنة الله عليك ألا لعنة عليك وعلي من ولاك هذه المنصب , والف تفوووووووو علي وجهك الكريه يا شبه الرجال وعلي الذين معك .


#1209737 [عيسى العيساوي]
0.00/5 (0 صوت)

02-16-2015 04:30 PM
والله في وجودكم زول كان لقى التكة كويس


#1209734 [النجمة الحمراء]
5.00/5 (1 صوت)

02-16-2015 04:27 PM
كاشفاً عن دخول ما بين 100 إلى 150 مليار دولار خلال العام 2015م، وقطع بأن 20 مليار من تلك الأموال، ستدخل خلال أيام، كرأسمال أجنبي للاستثمار في السودان.

+++ الزول ده أكيد سكران++++


#1209732 [Al wadah]
5.00/5 (1 صوت)

02-16-2015 04:23 PM
الشعار الجديد . نقلع من ما نلبس . . ذكرنى نكتة الى طلع من المتمردين بى طاقته بس ووقف قدام باقى اخوانه النجو قدامه بس كانوا ولا الطاقيه ما خلوها ليهم . اها بقى اتبجح ما طلع بى الطاقيه . هيييييع انا كمان هييين كان ابقوا رجال وهبشوا طاقتى دى .

الله استر على طواقيكم ايها الشعب السودانى الفضل .


#1209729 [عباس محمد علي]
5.00/5 (2 صوت)

02-16-2015 04:20 PM
إن تضافر الأمية و الجهل و إنعدام الوعي السياسي تسهل على قوى التخلف و الرجعية والإستغلال السيطرة على مقدرات البلاد الإقتصادية و السياسية وتصور ذلك لدى العامة من البسطاء بأنه قبولٌ بقضاء الله وقدره و طاعة لأولي الأمر و عدم الخروج عليه و أن لا يحتج على الفقر و سوء الأحوال المعيشية لأن الأرزاق بيد الله و ليس بيد الحكومة ، و هكذا تضمن الرجعية المتأسلمة خضوع الجماهير لها ما دامت تستطيع أن تحافظ على سيطرة هذه الأفكار السياسية المغلفة بغلاف الدين و التدين.


#1209709 [حسن فضل]
0.00/5 (0 صوت)

02-16-2015 04:02 PM
يالة من خبير اقتصادي هذا الحجير شايفين مشاكل السودان الاقتصادية بسيطة كيف بس في حاجة واحدة ماقلت لينا نلبس جزم ولا سفينجات قال حجير حجر يكسر راسك


#1209704 [nagatabuzaid]
5.00/5 (1 صوت)

02-16-2015 03:55 PM
حجيييييييييييييييييييير ؟ الاسم ده يشبه اسم اسرة فى المسالمة شارع الشنيقيطى بعملوا الباسطة لكن اسرة محترمة زاملنا بعضهم منتهى التهذيب والاحترام طيب يبقى حجير ولا درابة ده جانا محدوف من وين ؟؟؟؟؟؟؟؟؟ ده كلام زول ما نصيح . يبدو لى ان جماعة مؤسسات الحكومة دى الجايين من الجحار وكانو زى ام سى سى وبفعل خميرة حكومة الانقاذ الفورية تحولوا الى جقور ولانهم ما معروفين نكرات يتعمدوا خلق زوبعة وانتباه لانفسهم بمثل هذا الكلام الخايب العبيط ولتاديب امثال هذا الدرابة يا ملتوف وبقية الشباب اقبضوا على هذا الحجير واجبروه على دخول البرلمان بعراقى حاسر الراس حافى القدمين وستحصل ان شاء الله طبعا كل الناس مندهشة ومستغربة من مثل هذا القول ؟؟؟؟؟؟ ولكنه ما غريب على امثال اولاد اللا اسر ولا عائل لانه فى اى اسرة سودانية مهما بلغت بساطتها اذا طرق الباب اى رجل فى البيت اب اخ زوج ابن ان كان بين اسرته بالعراقى يسرع لارتداء جلبابه قبل فتح الباب يجى واحد **** لا راس لا قعر يطلب من الناس ارتداء العراقى ؟؟؟؟؟ ربنا يقطع عرقك وما ياكلوا اللحم ؟ ؟ الناس من زمان بطلت اكل اللحم وتركوه لامثالك ياحجير اكل واشبع واتجشى الناس لما كانت شبعانة كنت انت جعان تجرجر اثمالك من كوشة لكوشة لانه مثل كلامك هذا لا يقوله الا معتوهى الكوش ياااااااااااا حليلنا حكومة معتوهين برلمان معتوهين وكل الكيزان معتوهين ز مافى زول منهم يوزن كلامه و بعرف يتكلم كويس


#1209702 [سوداني ود بلد]
5.00/5 (2 صوت)

02-16-2015 03:45 PM
جاء في الخبر أعلاه "طالب رئيس اللجنة الاقتصادية والمالية بالبرلمان سالم الصافي حجير، الشعب السوداني بلبس "العرّاقي" بدلا عن " الجلابيب،" وتقليل اكل اللحوم، من اجل تخفيف اعباء المعيشة"

ولماذا يارئيس اللجنة الإقتصادية لا تطالب الشعب ان لا يلبس سراويل (أنكسه) وفي ذلك مزيد من تخفيف أعباء المعيشة؟ أنها قلة الأدب والحياةوعدم التدين التي أوصلتكم لأن تقولوا ما لا تفعلون.


ردود على سوداني ود بلد
United States [رانيا] 02-16-2015 04:31 PM
هههههههههههه
هههههههههههه
هههههههههههه
العودة إلى الطبيعة .


#1209686 [جنوبي]
5.00/5 (2 صوت)

02-16-2015 03:14 PM
كويس الما قال نلبس ورقة توت !!


ردود على جنوبي
United States [رانيا] 02-16-2015 04:35 PM
أههههههههههههاي وحتى هذه سيأتي اليوم الذي سيستكثرونها علينا وستسقط !


#1209685 [رانيا]
5.00/5 (2 صوت)

02-16-2015 03:12 PM
أهذا ما جادت به قريحتك أيها الحثالة ؟
أي راجل بيحوم بالعراقي في الشارع فهو غير محترم بالنسبة لي وزوجته لو موافقة تبقى من النوع البيحب البهدلة لمظهر زوجها ...
الناس ما بتعمل قيمة لزول مبهدل شكلا فما بالكم بشكلا ومضمونا !!
كفاية دونية وإحتقار لنفسكم .. ف ض ح ت و و ون ا ( بأعلى صوت ) .


ردود على رانيا
United States [nagatabuzaid] 02-16-2015 09:50 PM
شفتى جنس الفضايح دى ؟؟؟؟ دى اخرحاجة وسلوها مرمطونا كمان دايرين يبهدلوا السودانيين اكثر من كدة


#1209679 [آن الأوان]
5.00/5 (1 صوت)

02-16-2015 03:06 PM
عينك للفيل وتطعن في ضلو ايها الحجير ... لماذا لا تقول لا تبنوا الفلل والقصور وإنما أبنو بيت شعبي أبو عرش بلدي ...فهنا الفرق كبير ويمكن أن يؤثر .. أما الفرق بين العراقي والجلابية ملاليم يا حكيم زمانك ...


#1209670 [cool]
5.00/5 (1 صوت)

02-16-2015 03:00 PM
كل يوم طالع حمار من زريبه البرطمان
يهنق بى كلام عبيط الحمير ديل بخشو زريبه
البرطمان بسطلو ويهنقو.


#1209653 [adil a omer]
1.00/5 (1 صوت)

02-16-2015 02:36 PM
بعنى انتو احسن من بشه ما اهو ماشى ام فكو


#1209639 [جاكوما]
5.00/5 (3 صوت)

02-16-2015 02:17 PM
ياجماعة امسكوا الولد بتاع البوفيه الشغال فى البرلمان دا
اكيييد بخت للنواب بنقو فى الشاى
وماتخلوهو إلا يخت ليهم سم فيران


ردود على جاكوما
United States [nagatabuzaid] 02-16-2015 09:54 PM
يعنى ولد البوفى يضيع نفسه بسبب مخلوقات لا تساوى فتفوتة من درابة ؟؟؟؟ لا دى ما بتجى شوف لك طريق تانية


#1209609 [سوداني]
3.00/5 (1 صوت)

02-16-2015 01:50 PM
وانا بشوف ان بداية الترشيد تخلي البرلمان عن الأعضاء لو كان في مية 100 يكفي اثنين 2 فقط لان البقية ما ليهم لزمة


#1209606 [ابومحمد]
5.00/5 (1 صوت)

02-16-2015 01:47 PM
من انت ايها الحجير وما موقعك من الاعراب علميا ومهنيا ووطنيا ....... من خرب الاقتصاد هو المؤتمر الوطني ومن افقر الشعب هو المؤتمر اللاوطني ومن اغنى واستغنى هوالمؤتمر اللاوطني في رايك الشعب يربط الاحزمة على البطون عشان يزيدغناوثراءمن خيرات هذا الوطن ويفتقر المواطن لابسط مقومات الحياة بينما تعيشون انتم وسادتكم في القصور وتركبون السيارات الفارهة وتقيمون الولائم يا لها من مفارقات الكلب يرقد في الظل منعم مكرم والسيد يركض في الرمضاء


#1209598 [مسطول]
5.00/5 (1 صوت)

02-16-2015 01:37 PM
كلمات جعفر نميرىى الاخيرة قبل السقوط


#1209584 [همت]
5.00/5 (1 صوت)

02-16-2015 01:17 PM
يطالب البرلماني حجير الشعب السوداني (بلبس "العرّاقي" بدلا عن " الجلابيب،" وتقليل اكل اللحوم، من اجل تخفيف اعباء المعيشة. ورأى حجير ان "الاقتصاد هو أن يعمل المواطن ميزانية لنفسه، بمعنى لو بيأكل كيلو يأكل أقل، واذا ببلبس جلابية يلبس عراقي".) وده كلو عشان هذا الحجير وزملائه يأكلوا اللحم يومياً ويبتنوا العمارات مثنى وثلاث ورباع ويركبوا الفارهات من السيارات ويقضوا إجازاتهم ويتعالجوا خارج البلاد وينفقوا من ميزانية الدولة على أزواجهم وذرياتهم إنفاق من لا يخشى الفقر ثم يسرقون من خزانة الدولة بمختلف المسميات بالإضافة إلى السرقات الواضحة التي لا يعاقب عليها نظام البشير مسئوليه! في رأي هذا الحجير أن واجب الدولة هو أن تجعل من الدستوري غنياً ولو أدى ذلك إلى تقسيم السودان وإلى إفقار البلد كلها! هذه عقلية الدستوري الإنقاذي فكيف بأتباع الإنقاذ الذين لم يصلوا إلى المناصب الدستورية؟ أم أن نظام البشير يختار الأغبياء فقط للمناصب الدستورية حتى يضمن طاعتهم العمياء للنظام؟ وماذا لو تنازل هذا الدستوري الفاسد عن ثلثي راتبه وماذا على هذا الدستوري الفاسد لو تلقى 2 مليون فقط شهرياً لتمرير قرارات الحكومة الظالمة برفع أسعار السلع الأساسية والمحروقات - والغاز - كل شهر؟ فتمرير القرارات الحكومية الظالمة هو العمل الوحيد للبرلمانيين بالإضافة إلى ممارسة بعض النفاق بين الحين والآخر !! ألم تكن أحوالنا ستنصلح، ولو قليلاً إن فعلوا ذلك هؤلاء البرلمانيين الفاسدين؟


#1209580 [فتوح]
5.00/5 (1 صوت)

02-16-2015 01:14 PM
لم يطلب المواطن المغلوب على أمره غير العدل .... ولكنك نسيت العدل فى التوظيف كذلك .... طبق العدل الذى تقوله ونحن نفوضكم الى حكم البلاد الى الأبد


#1209569 [البروف]
5.00/5 (1 صوت)

02-16-2015 01:04 PM
الراجل هبالتوا زايدة ما تشتغلو بيه يارفاق


#1209559 [طمام بطن]
5.00/5 (1 صوت)

02-16-2015 12:52 PM
وقال حجير في تصريحات بالبرلمان، إن الدولة ليس مهمتها ان تجعل المواطن غنيا، لأن الأرزاق بيد الله عز وجل، لافتاً إلى أن الدولة من واجبها أن تعدل بين الناس في الأكل والشرب والمواصلات والتعليم،

لك الله يا بلدي


#1209548 [jafar]
5.00/5 (3 صوت)

02-16-2015 12:45 PM
زي ما أكلونا وجبة واحدة عايزين يلبسونا كمان زي واحد .. وهم قاعدين يلبسوا جلاليب من كل الألوان مع عمة مزركشة وشال مزركش حسب لون الجلابية والساعة والنظارة ( طقم الكيزان ) .. الله يخيبكم يارب


#1209541 [التكي تاكا]
5.00/5 (1 صوت)

02-16-2015 12:35 PM
ليس هنالك غرابة في كلام رئيس اللجنة الاقتصادية بالبرلمان طالما رئيس البلد عمر البشير فلابد من يكونوا اعضاء البرلمان اقل فهما من رئيس الحكومة


#1209539 [اب بطنا طامة]
3.00/5 (3 صوت)

02-16-2015 12:33 PM
تؤبرني شو معضوم
وبالنسبة للبلبسوا برمودا كيف يا مان
لا لا لا غير الصنف طوالي


#1209531 [رهام علام]
5.00/5 (4 صوت)

02-16-2015 12:25 PM
سالم الصافي حجير من قريةحبيبة ريفي النهود كان مدير بنك نيمة.... وقد( لهط وسف البنك) حتي انهار وتمت تصفيته.... ودخل البرلمان في انتخابات 201 من دائرة النهود بعد ان تغلب زوراً و(دغمسة )علي ابراهيم الشيخ رئيس المؤتمر السوداني ....تف عليه رجل **** عامل دونكي في حلتهم وببيع الموية للمساكين .... تف عليهو


#1209495 [الحقيقة]
5.00/5 (1 صوت)

02-16-2015 11:44 AM
كاشفاً عن دخول ما بين 100 إلى 150 مليار دولار خلال العام 2015م، وقطع بأن 20 مليار من تلك الأموال، ستدخل خلال أيام، كرأسمال أجنبي للاستثمار في السودان.!!!!!

20 مليار ستدخل خلال أيام، سبحان الله، حق للبشير أن يظل رئيسا مدى الحياة، عالم وسخ.


#1209482 [hafizco]
5.00/5 (1 صوت)

02-16-2015 11:37 AM
الاقتصاد هو ان يحل البرلمان وتذهب انت الى قريتك وتلبس عراقي وتجلس في ضل شدرتكم الكبيرة وتشرب المريسة وتوفر للدولة ملايين الجنيهات لانك لا تفيد بشيء . بالله اذا كان اعضاء البرلمان حمير يقبلون مثل هذه التفاهات فما ذنبنا نحن في ذلك .


#1209443 [السودان الوطن الواحد .]
5.00/5 (1 صوت)

02-16-2015 10:56 AM
نائب قاصر


#1209436 [كوكاب]
5.00/5 (1 صوت)

02-16-2015 10:50 AM
مامشكله الناس تمشى عرايه ام فكوا وتاكل وجبة واحدة عشان يتم دفع رواتب النوب


#1209434 [متأمل]
5.00/5 (1 صوت)

02-16-2015 10:47 AM
ألم يحن بعد سقوط الاسلام السياسي في هذه البلاد يا ناااااااااس ؟؟؟؟؟!!!!


#1209431 [aldufar]
5.00/5 (1 صوت)

02-16-2015 10:46 AM
بدل ان تفتح اضبخانتك وتاتي بشيء يسيء للجميع لكي يقتصدوا حتى اللبس اسال نفسك هل طبقت ذلك على نفسك واهل بيتك ، يا راجل يا دون اي برلمان انت عضو فيه دا برطمان البشير والفية معظمهم جهلاء امثالك يا حجير فعلا اسم على مسمى ، بدل ان تاتي بكلام يخرج الوطن من ضائقته الاقتصادية تناقشون هنا الطهور وما على الناس ان تلبسه حتى يقتصد لكم لكي تركبوا السيارات الفارهة وتسكنون العمارات خارج السودان وداخله لعنة الله عليكم جميعا ،


#1209414 [مامون]
5.00/5 (1 صوت)

02-16-2015 10:31 AM
مارى انطوانيت مع الفارق!!!!


#1209393 [ود فحل]
5.00/5 (4 صوت)

02-16-2015 10:17 AM
وأكد حجير أن البرلمان سيعدل قانون الإجراءات الجنائية ) ـ قانون الإجراءات الجنائية ليس له علاقة بالعقوبة ومن أسمه فهو ينظم الإجراءات فقط ,, مما يدل على جهل النائب ... وهو تلقاه لا بس جلابية جارة بالأرض وعباية فوقها كمان ... طيب ما يقول المواطن الغلبان يمشي ميطي طرزان أو الدولة توزع مايوه لكل مواطن ونقع النيل وهاك يا سباحة منها رياضة واقتصاد


#1209376 [محمد الامام على]
4.50/5 (4 صوت)

02-16-2015 10:06 AM
الله لا كسبك يا حقير عارف انا يوم فى السكن لاقنى سعودى لابس عراقى قال لى ده ثوبك حين كنت صغير ومن اليوم داك بطلت لبس العراقى فى السعوديه


#1209356 [كتاحة امريكا]
5.00/5 (1 صوت)

02-16-2015 09:51 AM
دا الباقي ي عفن


#1209340 [osama dai elnaiem]
5.00/5 (1 صوت)

02-16-2015 09:35 AM
حقه البرلمان بتاع الانقاذ يبدأ في مناقشة البيضة اولا ام الدجاجة ويحل لينا مشكلة العالم--- اللهم عجل بهم ولا نقول الا حسبنا الله ونعم الوكيل


#1209321 [أبو أحمد]
5.00/5 (1 صوت)

02-16-2015 09:24 AM
طبق النظام دا في نفسك وناس البرلمان والوزراء ورئاسة الجمهورية وناس المؤتمر الوطني وأركبو مواصلات عامة أو بصات ترحيل بدل السيارات الفارهة. علماً بأن بقية الشعب مش لاقية تاكل لحم وتلبس جلاليب وعمم وشالات وقفاطين بعدها نشوف تأثيرها على الأقتصاد.


#1209317 [AburishA]
5.00/5 (3 صوت)

02-16-2015 09:20 AM
حجير ده كمان طلع لينا من ياتو جحر... ياحجير نحنا مستعدين نمشي "عرايا ميطي" لانه في ظل نظامكم البائس خليتونا عرايا في الصقيعة من القيم والاخلاق والانسانية والشهامة والكرامة وعزة النفس.. خليتونا هايمين على وجوهنا في بلاد الله الواسعة دي..

** قال "وتقليل اكل اللحوم".. ياخي الناس " الميتة و "الدم" ولحم "الحمير" ما لاقياهو..


#1209315 [ابو محمد]
5.00/5 (1 صوت)

02-16-2015 09:19 AM
الظهر البرلماني ده كرعينو سمحات (غلااااااد ونضاف) داير ليه زول ......



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
3.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة