الأخبار
أخبار السودان
سرقة "900" ألف دولار من خزينة جامعة السودان العالمية
سرقة


02-16-2015 10:43 PM
7 الخرطوم- بخيتة زايد

في أخطر حادثة سرقة، تعرضت خزينة جامعة السودان العالمية إلى سرقة (900) ألف دولار رسوم تسجيل الطلاب الأجانب في ظروف غامضة خلال اليومين الماضيين. واحتجزت الشرطة المسؤول عن الخزينة ونائبته رهن التحقيق، بعد تدوين إدارة الجامعة بلاغاً لدى القسم الشرقي بالخرطوم. وكشفت مصادر - أن إدارة الجامعة فوجئت بخلو الخزينة المخصصة لرسوم الطلاب الوافدين والأجانب من العملات الأجنبية، بعد أن اضطرت الإدارة لفتح الخزينة لأخذ أموال تتعلق بإجراءات ضرورية تتعلق بالجامعة. وأبلغت المصادر، أن تحريات الشرطة كشفت أن الإدارة لا تلجأ إلى فتح الخزينة إلا في حالة الضرورة والتعامل عبر خزينة أخرى، وأن مفاتيح الخزينة فقط تتواجد مع المسؤولين عنها، وأضاف المصدر أن فريق الأدلة الجنائية بمعاينته لمسرح الحادث والخزينة اتضح أنها لم تتعرض لأية عملية كسر أو فتح عنوة، وما زالت التحريات جارية مع الموقوفين

اليوم التالي






تعليقات 16 | إهداء 0 | زيارات 10325

التعليقات
#1210757 [KKambalawi]
0.00/5 (0 صوت)

02-17-2015 09:21 PM
الخبر ده قديم, الحدث حصل في الإسبوع الأخير من ديسمبر ٢٠١٤. والحادث جزء من الحرب الخفية بين الاجنحة الإستخباراتية,, المقصود بذلك هو د. بكري حسن سعيد صاحب الجامعة, والغريب أن الخزنة كان بداخلها ذهب بكميات كبيرة يخص السكرتيرة الأكاديمية للجامعة, لم يؤخذ بواسطة خبراء الأمن الذين نفزوا العملية بمهارة عالية.....كيدهم في نحرهم....


#1210420 [سيف الدين خواجة]
5.00/5 (1 صوت)

02-17-2015 11:52 AM
غالبا ان المسئولين وهم ابرياء حتي تثبت الادانه ولكن كما العهد في السودان هو التلاعب بهذه العملات ثم ردها لاحقا بعد الربح منها في السوق السوداء ولكن حظهم سيئ والدليل علي اللعب بالعملات ان مبلغ مثل هذا لا يورد يوميا للبنك ثم يسحب لاحقا ما يريدون منه او فتح اعتمادات محلية او جنبية في حالات الاستيراد!!! هذا جزء من الفوضي الموجوده!!!


#1210321 [السلوكة]
0.00/5 (0 صوت)

02-17-2015 10:29 AM
السودان فيه ازدواجية فى كل شىء اقتصادان لادارة الدولة اقتصاد التتنظيم وهذا امواله خارج النظام المصرفى واقتصاد الدولة القديمة القائم على الضراب والزكاة والزراعة الكحيانة
اموال البترول والذهب هناك فى اقتصاد التنظيم
الجامعات ايضا فى الاقتصاد الموازى ولا يحق لاى سودانى ما منظم مع الجماعة تولى رئاسة جامعة والسبب هو الاقتصاد الموازى
السارق االذى سرق استفاد من هذه الازدواجية ومبرووك عليه ما تنسى اهلك المساكين لو ما سرقتها اساسا هى مسروقة من المغتربين المساكين


#1210309 [فتوح]
5.00/5 (3 صوت)

02-17-2015 10:19 AM
900000 دولار فى خزينة جامعة ... طيب وين البنوك هذه أمور تضحك الأمم علينا


ردود على فتوح
European Union [Omer] 02-17-2015 05:22 PM
يافتوح بنوكنا مااااامضمونة - لو ختيت فيها القروش بالدولار وجيت بكرة تسحبهم , يقولوا ليك ماعندنا دولار الا نديك ليها بالجنيه ويحسبوهو ليك بالسعر الرسمي .
البنوك اكبر همباتة


#1210225 [النجاشى]
0.00/5 (0 صوت)

02-17-2015 08:48 AM
الناس شايفه حكومته بتسرق وبتنهب فى خيرات البلد كيف ماتسرق الواحد عايز يشيل حقو زي بقية الناس اسع حكومة الانقاز كل يوم بتنهب فى خيرات البلد فى انسان قدر يتكلم والله الانسرق من خزنة الجامعه ولاء نقطه فى محيط من النهبتو حكومة الانقاز


#1210191 [مهند]
5.00/5 (2 صوت)

02-17-2015 08:17 AM
دى رجالة عديل والله..او احتمال يكون السرقا دا خاف يسرقوها قبلو


ردود على مهند
[Floors] 02-17-2015 09:03 AM
والله إحتمالك دة مليون في المية صح ، شايفين الشاويش وحريمه العقر لصوص وأخوانه لصوص وهو نفسه لص محترف وكل ذيوله لصوص ولا في محاكمات ولاسمعنا بواحد سرق ونهب دخل السجن بالعكس السجن للفقير الغلبان !!!!!!!!!!


#1210150 [المتغرب الأبدي]
5.00/5 (2 صوت)

02-17-2015 07:46 AM
يا شباب سؤال محيرني
لماذا أصبح المواطن السوداني يستحل ويستسهل السرقة والنصب والغش والاختلاس والقتل وكل أنواع الجرائم والكسب المحرم التي يتعفف عنها السوداني خارج البلاد ؟؟
الفقر ليس سببا وأبداً ما كان شماعة نرمي عليها كل أوساخنا لأن السوداني في الخارج يمر بظروف صعبة جداً ولا يمد يده إلى ما ليس له ..


ردود على المتغرب الأبدي
European Union [Omer] 02-17-2015 05:19 PM
بروس معناها ماعندو اصل
ارجو ان تختار اسم غيرو

United States [البروس] 02-17-2015 08:46 AM
لأنو شعب **** نزعت منه مخافة الله فأصبح لا يحرم حراماً .

ملحوظة : زول بروس زول ساكت زول ( قرفان ) من عمايل الشعب

European Union [امير] 02-17-2015 08:22 AM
مال سايب


#1210143 [المتغرب الأبدي]
5.00/5 (3 صوت)

02-17-2015 07:42 AM
ما دام مفاتيح الخزنة تتواجد مع المسؤولين عنها فقط والخزنة لم تتعرض لأية عملية كسر أو فتح عنوة، إذن تكون قرضتها الجقور ..


#1210137 [ابو محمد]
5.00/5 (2 صوت)

02-17-2015 07:39 AM
اتحللو وانتهى الموضوع


#1210127 [الفارس]
4.50/5 (4 صوت)

02-17-2015 07:33 AM
أولا يوجد خلل فى النظام المحاسبى بالجامعة لانه مبلغ فى هذا الحجم لازم يتم ايداعه فى البنك
على أن يكون فى الخزينة مبلغ محدود لتسيير الامور المالية اليومية


#1210114 [الفونجي]
5.00/5 (2 صوت)

02-17-2015 07:23 AM
أول مرة أعرف إنو لسع في مبالغ كبيرة بخلوها في خزن المؤسسات .. البنوك دي عملوها ليه ؟


ردود على الفونجي
European Union [memo] 02-17-2015 09:40 PM
لانو هنا المسؤولينعن البنوك حرامية تخت دولاراتكولمن تجي تسحبها يقولو ليك بالجنيه


#1210096 [البروس]
5.00/5 (1 صوت)

02-17-2015 07:08 AM
صباح ( المنقة بالحليب ) كل الإدارة ( سارقة ) إنتو من زمن القروش بختوهن في ( خزن ) . ما قلنا ليكم الحب عزاب قاسي وصعيب من اولوا أهو ده العزاب إتحملوا .

ههههههههه . سطر جديد تاني ههههههههه . من أسوأ شعوب الدنيا ويحسب عاله على المجتمع الدولي هو ( الشعب السوداني ) .

اللهم أصل العباد قبل البلاد .

ملحوظة : زول ساكت ما مع زول زول مع نفسو زول بروس .


#1210052 [صدى صوتي]
0.00/5 (0 صوت)

02-17-2015 06:15 AM
ما الغريب !! ؟ لا اجد اي غضاضه في الموضوع طالما ان السرقة اصبحت حلال في بلدي.
معظم الدول تضع كاميرا المراقبة في الاماكن التي توجد فيها التعاملات المادية حفاظا على حقوق الناس إلا بلدي ما زالت لا تفهم معنى كلمة (حق).


#1210045 [abubaker]
0.00/5 (0 صوت)

02-17-2015 06:08 AM
يعني ايه تساوي 900 الف دولار للمال المسروق (سوف يفتح البلاغ ويقفل )


#1210027 [جهيمان وليد السناني]
0.00/5 (0 صوت)

02-17-2015 05:34 AM
ياخوانا دي ماسرقة..(الجماعة)شالوها يمولو بيها الانتخابات..يعني لمصلحة الوطن ..وكدا..!!


#1209963 [shamy]
4.00/5 (2 صوت)

02-17-2015 12:29 AM
that is not a news in sudan stealing and grapping killing is a routine .


ردود على shamy
[مراقب بعين واحدة] 02-17-2015 11:41 AM
للزول المعلق تحت أقول (يا زول ما تهظر ده خواجة الخلا على وزن "هيثم الخلا"

European Union [زول] 02-17-2015 07:29 AM
اول مره اشوف خواجة مغبش زيك
ما تكون عملتة عملية ههههه الفلهمة العليكم شنو



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة