الأخبار
أخبار السودان
مدير السجون يستنكر استغلال مساجين "دبك" مقابل كيس "تمباك"



02-17-2015 09:23 PM
الخرطوم – بخيتة زائد

استنكر الفريق شرطة أبو عبيدة سليمان، مدير الإدارة العامة للسجون، استغلال النزلاء في سجن (دبك) للعمل بكمائن الطوب نظير خمسة جنيهات أو كيس (تمباك) صعود وسجاير، وقال إن لائحة السجون تمنع المساجين من تعاطي (التمباك) و(السجاير) وتساءل: (كيف نستغلهم وتعاطيهم ممنوع بأمر اللائحة؟)، لافتاً إلى أن سجن (دبك) يُعتبر من المعسكرات المقفولة ويستخدم فيه النزلاء للزراعة والحدادة والعمل في كمائن الطوب ويُعطى النزيل أجراً مثل من هم خارج السجن. واعتبر مدير عام السجون، في حديثه للصحافيين، عملية هروب النزلاء من السجون ظاهرة صحية لا تسبب لهم أي إزعاج، وبرر بأن عدم الهروب مدعاة لوجود مشكلة لأن أي سجين يكون تائقا للحرية ويفكر في الهرب، وقال إن الإعلام دائما ما يسلط الضوء على النزلاء الهاربين دون التركيز لأنشطة السجون التي تقوم بإعادة الهاربين. وكشف قبض (85%) من الهاربين الشهر الماضي، وقال إن عمليات الهروب تحدث على فترات متباعدة، لكنها قلت بكثير عن الفترات السابقة بسبب إجراءات المتابعة، وقال إن قتلة الأمريكي غرانفيل الهاربين من سجن كوبر، تلقوا تدريبات عالية ومتقدمة ويمتازون بقدرات عقلية وذهنية مكنتهم من حفر نفق بإحداثيات سكبوا عليه سماد (اليوريا) ما ساعد على زيادة نسبة الأوكسجين.


اليوم التالي






تعليقات 10 | إهداء 0 | زيارات 5153

التعليقات
#1211517 [Almisahir fi izallail]
0.00/5 (0 صوت)

02-18-2015 09:09 PM
يا سعاددتك يا بن الجرّاح يا مدير ألأداره العامة للسجون.. كلامك غريب وعجيب. كثيرون علقوا عليه. فيهو الما مفهوم وفيهو وفيهو ما فيهو الما كانش يتقال .. وبدون تكرار لما قيل بس عايزين نعرف انت قريت وين ومتين والدرّسوك ديل منوو!
*الواضح انك من بتوع زمن "اعادة صياغة الانسان السودانى" تكونش سلم تعليمى سبدراتى انقاذى اسلامى مستقل.!.. آل ايه آل "هروب المساجين ظاهره صحيه! وكمان لا تسبب لينا اى ازعاج!! الله لا يزعجكم ولا سبب ليكم مشكله تقلق منامكم و كل المساجين يهربو لأنهم بيحبوا الحريه عشان انتو ترتاحو اكتر واكتر .
* ناس الحكومه صبروا على الشعب اكثر من صبرهم على نسوانهم (اوكما قال المهدى بن ابراهيم)
* ألأعلام اتلوّم ما فى شك! كيفن يعنى ما يعمل برنامج "صوت وضوء" زى بتاع المصريين زمان فى "ابو الهول والاهرامات" على يشيد بنجاحاتكم المضطرده فى اعادة الهاربين الما عندهم قدرات ذهنيه وعقليه عاليه تمكنهم من حفر الانفاق ويكبوا سماد اليوريا لزوم زيادة نسبة الاوكسيجين !!
*بالله دا كلام زول عاقل خلىّ يكون مسؤول؟ سماد اليوريا داالآ يكون من "بولهم" (الله يكرم القارئين) اللى جايز كنتم بتحفظوهو ليهم فى البراميل عشان لما يحتاجو ليهو ساعة حفر النفق ما يتحيروا ! النفق دا قلت حفروهو ب"احداثيات" بس اها كمان "الاحداثيات" دى ما عرفناه ألآ تكون حاجات ليها صلة بالاحداث!
*يا سعادتك للناس عقول وبصائر.. مهما استخفيتو بيهم وبيها..فانتم الخاسرون !ان كنت جاد فيما تقول فنقول ليك " الدنيا ما دوامه وياما بكره تندم فكل عز يزول وكل حى يموت and the paths of glory lead but to the graveوحقّو تخجل من جنس كلام زى دا.. والله مدرسينك لما يقرو كلامك دا يخجلو ليك و"يستنكرو" انهم درسوك .. "فعلن" اعادة صياغه!!!


#1210970 [المتغرب الأبدي]
5.00/5 (1 صوت)

02-18-2015 07:54 AM
يا بخيتة يا أختي ..

1- أنكر الفريق استغلال النزلاء وليس استنكر الفريق استغلال النزلاء
2- سعوط أو صعوط وليس صعود
3- ظاهرة طبيعية وليس ظاهرة صحية ..
4- تواقاً وليس تائقاً
5- التركيز على أنشطة السجون وليس التركيز لأنشطة السجون


#1210909 [A. Rahman]
0.00/5 (0 صوت)

02-18-2015 07:00 AM
فيكم واحد فهم حاجة من كلام هذا الأرعن الجديد؟ مقالة طويلة عريضة عن هذا السجن و المعيشة القاسية بداخله و يطلع علينا مدير الادارة العامة للسجون بهذا التعليق البائس. اما ما قاله عن هروب قتلة غرانفيل فالأمر كله نكتة خاصة حكاية حفرهم للنفق، فالمعروف ان اولئك المهووسين لا يستطيعون حفر شبر واحد من الارض، ما شفتوهم أنصار السنة و توابعهم بنعومة اجسامهم و ميلهم للحياة الرغدة و السهلة؟ قال حفروا نفق قال. ديل تم تهريبهم بواسطة السلطة و فيهم من سافر خارج البلاد.


#1210893 [امير]
0.00/5 (0 صوت)

02-18-2015 06:19 AM
كلام خيابة


#1210883 [بدر السماء]
5.00/5 (1 صوت)

02-18-2015 06:03 AM
كلام مجافي للحقائق تمامآ . امشي بي نفسك في زيارات غير معلنة شوف الحاصل شنو .


#1210849 [Shocked]
0.00/5 (0 صوت)

02-18-2015 04:31 AM
ااااااااااااااااااااخ يا مصراني!!!!!!


ردود على Shocked
[سودانية] 02-18-2015 08:19 AM
وأنا كمان


#1210818 [ابو عابد]
5.00/5 (3 صوت)

02-18-2015 12:52 AM
يعنى يا سعـادة الفريق كما قلت ان الهروب ظاهرة صحية ؟؟؟؟ يعنى الحرامى والمجرم المدان لديهم فرصة الإفراج عن طريق الهروب والتفحيط خارج اسوار السجن وتكرار الجريمة !! هل يعقل أن يصدر مثل هذا التصريح من مسؤول ؟؟ نعم فى زمن الإنقاذ كل شئ ممكن ويا وطن ما ليك وجيع ..


#1210783 [موسى الفكى]
4.00/5 (1 صوت)

02-17-2015 10:36 PM
زيادة نسبة اﻻوكسجين ممكن تحصل برضو بسماد مضروب وﻻ ناس القاعدة رسلو ليهم واحد مخصوص ؟ نحنا بنطالب السيد مدير السجون يكون دقبق شوية


#1210765 [الدنقلاوي]
4.00/5 (1 صوت)

02-17-2015 09:44 PM
واعتبر مدير عام السجون، في حديثه للصحافيين، عملية هروب النزلاء من السجون ظاهرة صحية لا تسبب لهم أي إزعاج، وبرر بأن عدم الهروب مدعاة لوجود مشكلة
بالله ده مش حمار ... كيف يكون الهروب ظاهرة صحية!!! وبعدين أنت مدير قسم الفاضي ولا مدير السجون لما تستنكر استغلال المساجين.
غايتو كل مؤهلاتك إنك من شندي وبتسمع الكلام ومنبطح لود عطا ..الله يخيبك


ردود على الدنقلاوي
United States [Shaza] 02-18-2015 06:07 AM
والله صدقت ،، حاجة تحير منو المسطول مدير السجن والأ المسجون


#1210764 [بطرس]
4.00/5 (2 صوت)

02-17-2015 09:41 PM
طيب سماد اليوريا جابو من وين ؟؟؟؟؟؟؟؟؟؟؟؟؟؟؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة