الأخبار
أخبار السودان
اجتماع رأس الدبلوماسية السودانية ووزراء من حكومة البشير بالشيخ منصور وطفله
اجتماع رأس الدبلوماسية السودانية ووزراء من حكومة البشير بالشيخ منصور وطفله
اجتماع  رأس الدبلوماسية السودانية ووزراء من حكومة البشير بالشيخ منصور وطفله


" إتلم " الطفل المعجزة مع الطفل المعجزة
02-22-2015 07:41 PM
سيد الطيب

على صفحته بفيسبوك كتب الناشط سيد الطيب: "موضوع الزيارة الفضيحة دي اتكلمنا فيه كتير لما بقى مسيخ بس الليلة عرفت ليه مصطفى عثمان اسماعيل اسمو الطفل المعجزة .

صورة اجتماع 11 وزير من حكومة المؤتمر الوطني بالشيخ منصور وطفله

انتو يا كيزان الدين التاجرتو بيه دا ما علمكم انو اليد العليا خير من اليد السفلى
دمترو البلد وبقيتو شحادين وملطشة وللاسف بأسم السودان والسودانيين."

من يهن يسهل الهوان عليه
ما لجرح بميت إيلام






تعليقات 47 | إهداء 0 | زيارات 13654

التعليقات
#1214841 [علامات الساعه]
0.00/5 (0 صوت)

02-24-2015 11:53 AM
السلام عليكم ورحمة الله وبركاته
ديل أحسن من نميري له الرحمة والمغفرة
كان شحات نمره1
كان شحات العالم الأول رقم واحد
وشحته مباشره وكان بيمشي بريطانيا طوالي للشحته بلا دعوه
اخير ديل ناس اليد العليا بيجوهوهم لغاية عندهم فى السودان
ويعرضوا مساعدتهم
ولو بيشجحتوا ماكان طردوا المنظمات الطوعيه الأجنبيه
كان خلوهم يدوا الناس ....

غير كده ماأظن تسمى شحته
زمن نميري ماكنتوا تقدروا تقولوا بقم
زمن نميري الطفل مجند جاسوس وست الشاي الحبشيه مجنده جاسوسه لنميري
وحجة الفول والنبق برضو جاسوسه كانت لنميري مباحث متخفيه
واليقبضوهو مايشوف الشمس ثاني .واعدم عدد كبير من الضباط 30 ضابط
بس قلوا رايهم .
إنتوا قلتوا فى هذا الرئيس البشسير مالايقوله مالك فى الخمر
أحمدو الله إنكم عندكم حرية الكلام الغير محشم فى حكومة البشير
وذي مايقول المثل السوداني جنا تعرفو ولا جنا ماتعرفو


#1214345 [ابونزار]
5.00/5 (1 صوت)

02-23-2015 04:37 PM
الواضح لي من الصورة ان طفلنا المعجزة فاهم اللعبة كويس وعشان كده مركز على الشيخ الطفل
ويحضرني بهذه المناسبة ذكريات اخ كان مغتربا بالامارات وكانوا يحضرون في ميزانية الامارة وعند وضع تقديراتهم لاحد القصور افضى لهم احد اطفال الشيوخ في القصر بطلبات مهولة ولكنهم صرفوا عنها النظر على اساس انها كلام اطفال..ولكنهم عندما فرغوا منها واجهتهم عاصفة هائلةمن اللوم والتوبيخ بسبب عدم اخذهم اقتراحات الطفل في الاعتبار واخطروا بان كلام الشيخ شيخ حتى لوكان طفلا...اها شفتو طفلكم دا مقددا كيف


#1214293 [mohammad El Khabeer]
0.00/5 (0 صوت)

02-23-2015 02:21 PM
معلومة هامة للجميع: في مجلة التايم الأمريكية الصادرة اليوم (23 فبراير 2015) وعلى صحفة العالم وتحت عنوان - السودان الحرب المنسية - في لقاء أجراه الصحفي نوح/نواه رايمان في 4/2/2015 مع الوزير علي كرتي، اوجز لكم ما جاء في اللقاء فيما يلي،: كتب الصحفي نواه:- وزير خارجية السودان علي أحمد كرتي أراد أن يتكلم عن السيد المسيح في وقت تتزايد فيه الادعاءات بأن القوات المسلحة لبلاده ارتكبت جرائم حرب، وقال كرتي الذي يدين بالاسلام (( إنني اعتبر نفسي من أتباع السيد المسيح )). ذكر هذا الكلام في التاريخ أعلاه عندما كان في جناحه بقندق هيلتون واشنطن، ملبيا دعوة الـ فيلوشيب فاونديشون. في تلك الأثناء كان معه مساعده الذي فسر ذلكم التصريح -الخطير- وهو يقدم لــ كرتي ماءا محلاة بالنعناع، قائلا:- (( إن توجهات الوزير تلك هي ملائمة للمسلمين وللمسيحيين)) – طبعا كانت بالانجليزية بتاعت العلب التي يتفلسف بها الكيزان – ولمن أراد الاطلاع على الموضوع المثير الجدير بالقراءة، فهو في مجلة التايم كما أشرت آنفا.
ولقد أردت معرفة حكم تصريح الوزير المسلم " كرتي " من علماء السودان، بأنه من أتباع السيد المسيح ؟؟؟


ردود على mohammad El Khabeer
[nagatabuzaid] 02-23-2015 06:50 PM
دى ضربة قوية شديد للحكومة الداعشية والحركة الاسلامية ولكرتى نفسه كما انه قدم للحكومة بعياء سببا وجيها لتقديمه هدية مغلفة بالسولفان او ورق التغليف الفاخر محاطة بزهور تقطر دماء لداعش التى ستقوم بواجبها جيدا بعد خطفه والباسه المريلة البرتقالى ثم تقديم راسه فى طبق ذهب يقطر دماء وسيتميز كرتى با شهور قضاء الحبس ( العدة ) 12 شهر ثلاث حريم فى اريعة شهور
الكلام الجد هو انه كبقية نخلوقات حكومته ما بعرف يتكلم كويس


#1214278 [adil a omer]
0.00/5 (0 صوت)

02-23-2015 01:45 PM
بيتفاوضوا لبناء مراجيح للاطفال تعمل بالطاقه الشمسيه


#1214166 [من نوع ابوكديس]
5.00/5 (3 صوت)

02-23-2015 11:12 AM
اشتغلو دادات بعد كدا هههههههههه


#1214085 [ابن الهامش]
5.00/5 (6 صوت)

02-23-2015 09:29 AM
الطفل ذنبو شنو يحضر الشحدة ههههههههههه


ردود على ابن الهامش
[nagatabuzaid] 02-23-2015 06:39 PM
علشان يدربوه على التعرف على وجوه الشحادين الناشفة ولمن يكبر يعرف كيفية التعامل معاها


#1214073 [ابو سكسك]
3.50/5 (4 صوت)

02-23-2015 09:16 AM
دعو الشيخ الطفل محمد منصور يتعلم القيادة في كرتي وونسي واسماعيلا.

المهم هو نتائج اجتماعات البشير وامريكا (تقرأ CIA) في كواليس الامارات لاستكمال ما بدأه غندور في واشنطون.


#1214055 [سوادني أصيل]
4.00/5 (5 صوت)

02-23-2015 08:59 AM
عجـــــــــــــــــبني وســـــــــــــــــــــــــــر بــــــــــالي للحرامــــــية


#1214044 [ابو احمد]
4.00/5 (3 صوت)

02-23-2015 08:51 AM
غريبة مصطفى اسماعيل قال الشعب السوداني قبل الانقاذ كان شخاذ الان هو اصبح شحاذ دي يفهموها كيف بقى يمكن يشرحها لينا هو علشان نعرف الفرق بين زمان والان ؟


#1213999 [أبو أحمد]
0.00/5 (0 صوت)

02-23-2015 07:59 AM
أين سفيرهم في الأمارات أحمد يوسف الصديق حامل الهدية في صورة كرتي وعبدالحافظ مع الوليد بن طلال (حاني الرأس بشوشارافع الهديةإليه)


#1213991 [ود على]
5.00/5 (3 صوت)

02-23-2015 07:52 AM
كان مفروض يجيبو لية بنغالى او هندى الطفل كتير عليهم


ردود على ود على
European Union [adam] 02-23-2015 09:31 AM
عيب عليك يا ود على ،،، هو البنغالى ما بنى آدم ،،،، هو الهندى ده قرد ؟؟؟ كيف حكمت انو الطفل الخليجى منهم ؟؟؟


#1213955 [MUDATHER ALKAAKI]
0.00/5 (0 صوت)

02-23-2015 07:12 AM
تجازي ي Nagatabuzaid هههههههههههه


#1213951 [البورد اللورد]
4.50/5 (4 صوت)

02-23-2015 07:08 AM
والله فضحتونا وشرطو ..... داهيه تاخدكم عاملين زي مناديب المبيعات


#1213947 [المشروع]
4.00/5 (4 صوت)

02-23-2015 07:02 AM
قلوبهم في الخليج وسيوفهم مع ايران وما جعل الله لرجل من قلبين في جوفه...وقالو مساك حبلين كضاب


#1213921 [أبورماز]
4.50/5 (6 صوت)

02-23-2015 06:26 AM
لعنة الله على من يهين نفسه ويهون عليه وطنه ....
هؤلاء الوزراء الباسمين سيذهبون وستذهب حكومتهم فتلك هى سنن الحياة وسوف يمحون من الوجود..
لكن من يمسح تلك الصورة الفوتغرافية من إلبوم الشيخ الطفل ... ماذا سيكون تعليقه عليها ؟؟؟


#1213907 [بيكانتو]
5.00/5 (1 صوت)

02-23-2015 05:39 AM
الشيوخ بيتعلموا من صغار
المقابله على هامش إفتتاح معرض الدفاع
بس ، شيخ منصور بيعلم شيخ محمد بن منصور موضوع سد مروى وآآآآآ كده ده

ياريت كان تجيبوا الصورة كامله وزير المالية و الأبالسه برفقتهم الوزيرة جالسيت على كراسى صغيرة


#1213850 [ابراهيم دياب]
5.00/5 (3 صوت)

02-22-2015 11:40 PM
طفل وطفل بس طفلنا معجزه


#1213848 [الدرب الطويل]
4.50/5 (8 صوت)

02-22-2015 11:35 PM
الطفل المعجزة متكييف.. اللقى احبابو نسى اصحابو.. حماده عندك بليستيشن3؟؟؟؟..


#1213840 [جار القمر]
4.38/5 (7 صوت)

02-22-2015 11:13 PM
أنا متأكد مصطفى عثمان نفسو ياكل الرطب القدامه بس ما لاقي طريقة .. ومنتظر الشافع الصغير داك (أو الشيخ الصغير) يقوليه أتفضل ! وهو في طين .. هههه


#1213823 [ودالعمدة]
5.00/5 (2 صوت)

02-22-2015 10:06 PM
الطفل المعجزة ورفاقه الشيخ مستقبلهم "يلعبوا" ولده عندما يكب الزوقه في حمامات القصر


#1213818 [يحي]
5.00/5 (1 صوت)

02-22-2015 09:51 PM
التلات هما يسوا كراع دبلوماسي


#1213812 [حليلك ياسودان]
4.32/5 (7 صوت)

02-22-2015 09:42 PM
الصورة والابتسامات معبرة جدا عن دناءة الكيزان
يامصطفي وكرتي بطلوا كسيييييييييييييييييير تلج


#1213791 [المندهش]
3.93/5 (8 صوت)

02-22-2015 09:07 PM
افتتح الاجتماع الشافع ود منصور مرحبا بالوفد الزائر (بعلموا فى اولادهم القياده فى المستقبل .طبعا فرصه لا تعوض للتدريب)


#1213786 [fatmon]
4.31/5 (9 صوت)

02-22-2015 08:59 PM
قاعدين زي التلاميذ


#1213770 [ود الكوتش]
4.93/5 (13 صوت)

02-22-2015 08:31 PM
هههههههههههههههههههههه الشافع حادر لمصطفى اسماعيل عرفه مستهبل


#1213766 [nagatabuzaid]
4.50/5 (10 صوت)

02-22-2015 08:27 PM
تاملوا ابن الشيخ منصور بنظر ويتامل فى مصطفى عثمان كيف ؟

كنا فى الجامعة وكان هناك سكن للطالبات والاغلبية سودانيات وقليل مصريات كانت لنا زميله من السودانيات ضخمه وحجمها كبير لكن تصرفاتها مثل الطفل احيانا تغضب منها زميلاتها فكانت المصرية تقول لهم ( ما تزعلوش منها فلانة دى عاملة زى العيل الكبير ) اها ود الشيخ منصور فى تامله يكون مستغرب من الوزير العيل الكبير ومن الرجال الشحادين غايتوا قرب يقول للعيل الكبير يللا نلعب برة


ردود على nagatabuzaid
United States [AburishA] 02-23-2015 08:50 AM
هع هع هااااااع هم القاعدين كلهم عياييل.. لو قال ليهة يلا نطلع نلعب بره..كلهم بمرقوا يلعبوا.. كلهم عيال كبار يا بت ابزيد.. تحياتي


#1213764 [كمونيه]
4.50/5 (7 صوت)

02-22-2015 08:25 PM
يبدو عليكم قد نسيتم شيخ زايد رحمة الله عليه عندما كان يستقبل الرؤساء ومعه اولاده واحفاده . هذه هي عاده امراء الخليج . انظرو للشيخ محمد بن راشد عندما يستقبل الرؤساء دائما يكون برفقه اولاده .مالكم كيف تحكمون . والله غالب


ردود على كمونيه
European Union [ودالبلد] 02-23-2015 10:22 AM
كمونيتك .... عفنة

United States [كمونيه] 02-23-2015 10:01 AM
يا اخوانا ده الولد الكبير للشيخ منصور يجيب ليكم ولد كبير من وين . بدرج في الولد من اسي

European Union [adam] 02-23-2015 09:44 AM
بس ورينا يا كمونية يافالح ،،، الطفل ده حيتعلم شنو من الرمم ديل ؟؟ حيتعلم شنو من ناس الجقور بتهدد كباريهم ؟؟

European Union [عبدالله حسـن] 02-23-2015 12:25 AM
يا كمونية ياكوز الأولاد الصغار لا يحضرون الأجتماعات الرسمية . واذا استصحب احد المسؤولين طفلا له فذلك يكون فى لقاءآت خارج العمل الرسمى . فهمت يا كمونية يا ام جقاجق ؟

European Union [بت حبوبتها] 02-22-2015 11:51 PM
الأخ كمونية, الشيوخ ديل لما بيجيبوا أولادهم يستقبلوا معاهم ضيوف أجانب أو يدربوهم على العمل السياسي وشغل المراسم, بيكون الولد عمره ما اقل من 18 سنة يعني بلغة الفقه رجل بالغ رشيد وبلغة العصر طالب جامعي لكن ما بيكون ولد عمره 10 سنين زي الفوق دة..

أما وفدنا المذكور أعلاه كتير عليه زاتو يجيبوا ليهو شيخ + طفل, الطفل براهو كان كفاية,,حكومة مجرمة فاسدة وكتالين كتلا ..حسبنا الله ونعم الوكيل فيها


#1213756 [محمد احمد]
5.00/5 (6 صوت)

02-22-2015 08:14 PM
يا خي خليهم يشحدو ويسرقوا على قدر ما يقدروا. في شحدة كتلت ليها زول؟ ما هو المصريين يشحدوا وماشين في زيادة، بس ما يقرفونا، أما المعارضة فعليها أن تعلم أن سوء النظام وحده لا يجعل منها بديلا جيدا، بل عليها أن تدرك أن وجود المهدي وعرمان على رأسها سيطيل عمر (عمر) البشير.


ردود على محمد احمد
[همام] 02-23-2015 12:41 PM
أحسنت


#1213748 [ابو الذيك]
4.18/5 (8 صوت)

02-22-2015 08:07 PM
ههههههههههههههههههههههههة حكومة الشحادين شوف كايفين جالسين مع اسيادهم وبالمناسبة الطفل دا اسمه محمد منصور بن زايد وجده شيخ محمد بن راشد لان امه هى بنت شيخ محمد بن راشد


#1213747 [Awad]
4.44/5 (8 صوت)

02-22-2015 08:06 PM
فضييييييييييييييييييييييييييييييييحة والله وبدون خجل الله يفضحكم فى الدنيا والآخرة ياأوسخ بشر.


#1213743 [جنوبي]
4.47/5 (11 صوت)

02-22-2015 08:00 PM
الغريبه انو الشحادين التلاتة مبتسمين والطفل صاري !
مهزلة والله ... ديل في يوم من الايام كانوا بيتمنوا بلدهم تبقي زي الخرطوم !


#1213742 [AburishA]
4.94/5 (9 صوت)

02-22-2015 07:58 PM
لو لم تكن الصورة لجماعتنا بشخوصهم والامير وطفله..لحسبته رسم كاريكاتوري رسمه ود أبو...
بس ما يكون الطفل هو الذي أدار الاجتماع...والله في شخوص هؤلاء اصبح الاستهتار يمسنا جميعا..



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة