الأخبار
أخبار إقليمية
نواب بتشريعي الخرطوم يحذرون من مخاطر هجرة المعلمين ويشددون على تحسين الأوضاع
نواب بتشريعي الخرطوم يحذرون من مخاطر هجرة المعلمين ويشددون على تحسين الأوضاع
نواب بتشريعي الخرطوم يحذرون من مخاطر هجرة المعلمين ويشددون على تحسين الأوضاع


اعتبروا عدم تطبيق مجانية التعليم (إساءة للحكومة)
02-24-2015 10:39 AM
الخرطوم: عازة أبوعوف
دق نواب بتشريعي الخرطوم ناقوس الخطر حول ارتفاع معدلات هجرة الأساتذة للخارج، وانتقدوا شعار مجانية التعليم وكشفوا عن فرض رسوم بالمدارس تتراوح من 25 إلى 30 جنيهاً في الشهر، واعتبروا ذلك إساءة للحكومة.
وفي السياق وجه وزير التربية والتعليم بولاية الخرطوم عبد المحمود النور بعدم السماح لأي معلم بالهجرة قبل تقديم استقالته، وقال: "أو يصبروا معانا بهذا الشكل".
وقال البرلماني الدرديري باب الله خلال جلسة المجلس أمس: "لو فتحوا مجال للهجرة كل المعلمين حيهاجروا".
وانتقد باب الله مجانية التعليم وزاد: "مافي حاجة اسمها مجانية تعليم والمدارس تفرض رسوماً تتراوح ما بين 25 إلى 30 جنيه في الشهر" فيما أكدت البرلمانية أم الحسن حرمان عدد من الطلاب من الجلوس للامتحان بسبب الرسوم الدراسية.
ومن جهته طالب رئيس المجلس محمد الشيخ مدني بتحسين أوضاع المعلمين وقال: "إذا لم نحسنها فستكون مهنة التعليم "طاردة".
وفي السياق أقرّ وزير التربية والتعليم بالخرطوم عبد المحمود النور بتأثير الهجرة المستمرة للمعلمين إلى الخارج على العملية التعليمية بالولاية، وأكد أن المعلمين المهاجرين جميعهم من الكفاءات العلمية، واعتبر أن ذهابهم بهذا المعدل يسبب مشاكل كبيرة للوزارة.
وكشف الوزير عن وضع معاير وشروط لضبط هجرة المعلمين، وقطع بعدم السماح لأي معلم بالهجرة قبل تقديم استقالته، وأضاف: "أو يصبروا معانا بهذا الشكل"، وأشار الى أن الجهات التي تطلبهم تضع معايير عالية لاختيارهم.
وأكد النور ضعف الميزانية المخصصة للتعليم في ميزانية الولاية، وأقرّ بأن الهجرة المتزايدة من الولايات للخرطوم وضعف البنية التحتية والمقومات الأساسية التربوية من أكبر المعيقات والمهددات لعمل الوزارة، وطالب بتحسين أوضاع المعلمين لمجابهة هجرة الخبرات التربوية.

الجريدة


تعليقات 10 | إهداء 0 | زيارات 2178

التعليقات
#1215978 [abuaymen]
0.00/5 (0 صوت)

02-25-2015 11:17 PM
استاذ محمد الشخ مدني مهنة التعليم اصبحت طاردة منذ مجئ 30 يونيو 1989 حيث اصبح الصرف علي التعليم ليس من الاولويات لانه لايمكن ان تكون ميزانية التعليم في الميزانية العامة للدولة اقل من 2%


#1215757 [الزعلان]
0.00/5 (0 صوت)

02-25-2015 03:29 PM
والله التعليم اصبح طارد كل المعلمين جارين للهجره لانك بكره تكون معزز ووضعك تمام لكن هنا لاقروش ولااحترام وبالنسبه لمجانيةالتعليم اولاد الوزراءيقرو في مدارس خاصه والمدارس الحكوميه للفقرا والماعندهم قروش. والاستاذ بعددا حيقري مجاني كيف مادام الفصل فيه اكتر من 100طالب


#1215144 [جبة جابر]
0.00/5 (0 صوت)

02-24-2015 08:42 PM
امة تصرف على التعليم اقل بند كيف تتقدم


ردود على جبة جابر
European Union [ود البقعة] 02-25-2015 06:30 AM
والله جبتا المفيد ، ممتاز اهنيك.


#1215135 [Abo Abda]
0.00/5 (0 صوت)

02-24-2015 07:58 PM
المعلمون مستعدون لتقديم استقالاتهم مادام انت بقيت وزير للتربية وانت خريج علوم سياسية .وما علاقة التربية بالعلوم السياسية لذا اصبح ليس فى السودان تعليم


#1214987 [Almisahir fi izallail]
0.00/5 (0 صوت)

02-24-2015 03:31 PM
محمد الشيخ مدنى آخر من يتكلم عن المعلمين وعن التعليم! قال ايه قال "ابو القوانين!
*نان مالو ما يقدم استقالتو اللى عاوز يهاجر يا وزيرالغفله!مدارسك دى البيدرسلك فيها منووو!
*و"لآ يصبر معانا بالشكل دا "! يصبر معاكم بالشكل دا ليييه؟ولمتين!"الولد دا قرا وين يا ود الشيخ"
* الخزى والعار لكم ولمدير التعليم الثانوى اللى بيعيّن الطلاب جواسيس على زملائهم وعلى مدرسيهم!
*يا ود الشيخ..لعلمك مهنة التعليم بقت طارده من يوم ما المرحوم الوزير ألأول احال كبار رجال وزارتو الكانوا مجتمعين وبيعدّوا لبداية العام الدراسى (فى يوليو 1989) هل تذكرهم يا ود الشيخ.. ناس الرفيع (اسما وعلما وقدرا ومقاما.. رد الله غربته) ابن دفعتك يا ود الشيخ... والمرحوم حسين بيومى ومجموعتهم وبكل جهل تبنيتو شعار "اعادة صياغة الانسان السودانى"!
*مهنة التعليم بقت طارده من يوم اصبح وكيل الوزاره واعوانو بيجو من خارج الوزاره!
*مهنة التعليم اصبحت طارده من يوم اترفع شعار "اعادة صياغة ألأأنسان السودانى!
*مهنة التعليم اصبحت طارده من يوم السلم التعليمى بقى (11) سنه! وهاهى 3 سنين منذ اعلان تصيات مؤطمر التعليم والست الوزيره غرقانه فى شبر مويه ما قلدره ترجّع السنه السبدراتيه الاثنى عشريه!وبقت فى حاجه اسمها مدارس نموذجيه! وواحدات ما نموذجيات.. !
* مهنة التعليم اصبحت طارده؟"طبعن" آل ايه آل"ضعف الميزانيه المخصصه"! عملتو شنو عشان تزيدوها ؟
*الميزانية دى هى ذاتا شنو يا سيادة الوزير .. اذا ميزانيتك ضعيفه وماك قادر تصرف على التعليم زى ما كان بينصرف عليه على ايام ما كنت انت تلميذ .. القاعدلها شنو!
* يا ود الشيخ.. "عبمحمود" دا ايه اللى حدفو على التعليم وجاهو من وين؟ درّس شنو؟ وفى ياتو مرحله؟ اشتغل ابوفصل؟ هل اشتغل تيوتر! طبعا "ناظر" بعيده عنه ولا كان يحلم بيها.. انت ذاتك يا ود الشيخ اشتغلت ناظر؟ ووين! ماسمعنابك بقيت ناظر!
*وانتو مالكم ومال الجهات اللى طالبه معايير عاليه لأختيارهم!! ايه دخلكم!
*والغالبكم تحسّنو اوضاع المعلمين شنو؟ مرتباتهم بياخدوها فى مواعيدا؟ وقفتو منهم الاستقطاعات؟ حميتوهم من جور نقابتهم ؟ المحاكم خلصت من فض نزاعاتهم عشان يفضّوا رقبتهم ويمشو على حصصهم!


#1214973 [ملتوف يزيل الكيزان]
0.00/5 (0 صوت)

02-24-2015 03:15 PM
خلاصة القول قالها من قبل الراحل مصطفى سند:-
"ان في مماتكم حياتكم وان باكرا ولادة عسيرة و شافية"
التاريخ لا يعيد نفسة و نحن لا نعيش في بيئة معملية، الحل في الوقت الراهن وحسبالظروف الماثلة في حرب عصابات المدن.
خلايا المقاومة السرية + المسربين من عناصر الحركات المسلحة + دعم المغتربين ماديا = حرب عصابات المدن لجعل البلد غير آمن لهم و لاسرهم و كلاب امنهم. سنزرع الخوف فيهم حتى يخاف الواحد من ظله.


#1214919 [أسد]
0.00/5 (0 صوت)

02-24-2015 02:22 PM
بالمناسبة مجلس تشريعي الخرطوم اسوأ من المجلس الوطني عبارة عن لجنة فرض رسوم وجبايات. خليهم يدعموا المعلم بوجبة فطور من مال الجباية . دا اصغر مكتب في الخرطوم بدفع رسوم نفايات في السنة قرابة 3 الف جنيه , غير العوائد والخدمات وما ادراك ما جبايات . والله لو كل اهل السودان هاجروا سوف يجدون طريقة للحاق بهم وفرض الجبايات عليهم.


#1214881 [جنرال زمان]
0.00/5 (0 صوت)

02-24-2015 01:31 PM
هو ناس تشريعي الخرتوم ديل سا داب عيونهم فتحت وعرفوا الحاصل شنو؟ حرم برضه ما حنصوت ليكم تاني يا كلاب


#1214802 [معلم فقدتموه]
5.00/5 (2 صوت)

02-24-2015 12:00 PM
هذه سياسة الدوله التي تصفقون لها ايها الاعضاء غير الكرام



لماذا تتباكون اليوم والذي حدث حدث من ربع قرن



وعندما نبه المنبهون من البداية كان امثالكم يصفقون
للاسف لن ينفع الترميم فقد انتهت دولة اسمها السودان
منذ ان جيرها الاخوان لتنظيمهم الدولي


#1214747 [Ageeb]
5.00/5 (2 صوت)

02-24-2015 11:04 AM
"ومن جهته طالب رئيس المجلس محمد الشيخ مدني بتحسين أوضاع المعلمين وقال: "إذا لم نحسنها فستكون مهنة التعليم "طاردة"."

بالله دا كلام دا!

ظللنا مقتنعين أن البرلمان وأهله خراج الشبكة من زمان؛ لكن مش لهذه الدرجة التي تحوي تقزيم مباشر وتسجيج - لو صح التعبير - للشعب السوداني الفضل... يا دوب ح تبقى مهنة التعليم طاردة!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة