الأخبار
أخبار السودان
مسدار بص الجنة
مسدار بص الجنة


03-01-2015 05:50 PM
زرياب السوداني

قلت تسوقنا للجنه أم نعيما دايم
وماوريتنا بص الجنه ده متين قايم ؟
إلا سؤالي ليك يابشه مازال قائم
في جنات عدن برضك في كوزا حايم ؟
*****************
بعد ماكتا هااادي وفي حديثك رايق
بقيت ترميهو نضما ليهو تب ماطايق
اركز للحساب ماتبقي عاد مضايق
جنة وييين هي متلك ليها يازول سايق !!!!!
*****************
مع جو القضارف والجمال والخدره
ظنيت بكري خمسلك سجارتو ال...
وماوريتنا : شدرتكن دي ياها السدره ؟
قصور كافوري جات من الجنان منحدره !!!!!!
*****************
اها القومه الصباح ولا بتسافروا عصاري
ولي دار السلام نركب نقوم طوالي ؟
دحين آآآبشه شان ألحق أدبر حالي
بتسوقونا عليين بي بص الوالي !!!
*****************
لي متين إت يابشه الدلاهه تفوق
وتطري الموت ويوم ينجري ليك واسوق
الخلاني مغسك لي صبح مطبوق
سايق ربع قرن آبشه تاااااني تسوق !!!!!

من صفحة سيد الطيب بفيسبوك






تعليقات 8 | إهداء 0 | زيارات 7441

التعليقات
#1218746 [سيد الشي وكل شي]
0.00/5 (0 صوت)

03-02-2015 11:53 AM
انتوا اقعدوا اعملوها مسدار وشعر واتبكوا ساي زي الحريم ياتطلعوا الشارع وتبقوا رجال ياتسكتوا وتبطلوا فصاحة


#1218667 [البشير دفع الله]
0.00/5 (0 صوت)

03-02-2015 10:25 AM
يعني يا ( اسلامي ضد العمانيين ) انت خليت كل الاستهزاء والمتاجرة بالدين البمارسوه جماعتك من اصغر كوز الى البشير ذات نفسو وجاي تمسك في المسدار الفوق دا ؟
وين الاستهزاء بالدين وباالجنة هنا ؟

مسدار الشاعر زرياب خليه , كدي ورينا انت البشير بسوق الناس كيف للجنة ؟


#1218547 [Kudu]
0.00/5 (0 صوت)

03-02-2015 08:16 AM
هيا لنفعل حملة أرحل لمقاطعة الانتخابات أنشروها الآن الي الجميع عبر الواتساب والفيس وتحضروا للوثبة الشعبية الهادرة جمعة 10 ابريل

قال الشاعر ازهري محمد علي:
صوتك مع أوﻻد الشوارع .. لما
الشوارع تلتهب ..
عافيها خضراء الدمن … جافيها
قاعات النهب …
ﻻترشحم ﻻيرشحوك ﻻتنتخب …
...........................
ماتشرفن بي وقفتك …
فى كل صندوق قنبلة …
أطنان من الزيف والكضب … كل
الخوازيق ذى بعض
رغم إختﻼف طرق اللعب


#1218545 [ود عجيب]
0.00/5 (0 صوت)

03-02-2015 08:14 AM
كنا نقول دائماً على الشعب السوداني ( الشعب جعان لكنه جبان ) هذا المسدار برهن عكس ذلك وفضح عصابة الإنقاذ مراراً والبشير أيضاً صرح شيء آخر في القضارف وأعتقد أنها حملة هذيان وضد إنتخابه وفضح للنظام عندما صرح البشير بأنه في حالة فوزه سيعمل على تطوير السكة الحديد وربطها بكل دول الجوار وبعد سماع هذا الكلام نرى ماذا فعل خلال 25 عام للسكة الحديد توقفت كل خطوط السكة الحديد نهائياً بكل خطوطها وأصبحت القطاطي والمحظات يسكنها البوم وفعلاً المعارضة تفتقد لقناة فضائية ولكان عرض فيها أفلام لهذه المحطات وخاصة محطة السكة الحديد بالعاصمة الخرطوم وعطبرة وبعد ذلك أيها المواطن السوداني هل لا زلت تعطي صوتك لهذا البشة والذي ألبسه الكيزان قميص الإنقلاب ليحقق لهم ما يريدون من إذلال للشعب .


ردود على ود عجيب
United States [nagatabuzaid] 03-02-2015 03:11 PM
والمضحك انه هو من بهدل السكة حديد والسودان كلوا طيب يابيه كنت تحافظ عليهم علشان ما تتعب نفسك تصلحهم او بالاصح تعيد بناء ماهدمته .


#1218538 [yahiakamal]
0.00/5 (0 صوت)

03-02-2015 08:04 AM
ايه بشبش ايه ياتيس ياتو جنة الانت سايقنا ليها دى ياراجل ياضلالى يامنافق ياكذاب ياعديم الضمير اخجل على نفسك ياتيس المؤتمر الا يمكن ان يكون وطنى وانت عديم الوطنية اتقى الله فى نفسك
وانت يابشبش من قال فيهم الله
انت من يساقوا الى جهنم زمرا
انت من يدخل جهنم خالدا فيها ابدا
انت يوم بقولوا لجهنم هل امتلائتى وتقول هل من مزيد وانت متربع فى نصها ومن معك من كلابك
انت من يقولوا ادعوا ربنا يخفف علينا العذاب
انت انشاءالله من الخالدين فيها ابدا تقول اسوقكم للجنة اى جنة انت بتكذب والمشكلة بتصدق الكذبة يابشبش
لكن نحن نكون احسن منك يابشبش ارجع الى ربك واستغفر وتنازل عن الحكم ستجدنا مسامحين دوما لان دى صفات الشعب السودانى باكمله روح التسامح .
وماتنسى قول الله سبحانه وتعالى
قل ياعبادى الذين اسرفوا على نفسهم لا تقنطوا من رحمة الله ان الله يغفر الذنوب جميعا
ارجع مع نفسك ورجع حقوق الشعب وتوب يابشبش من الكذب الكتير دى وبطل الرقيص واطرد جمال الوالى وماتخليه طوالى سايق الولية طالع ونازل بيها وانت قاعد بس للكذب ماتبقا راجل طول عمرك ديوس ياديوس خلى عندك غيرة شوية على عرضك
بشيش ارحل عن دنيانا وسيب الشعب يقرر مصيرو والكلب بتاعكم الترابى شوفوا ليه مصحة تعالجوا اصبح فى مرحلة خطرة من الزهايمر وكفاية علينا فضايحكم انتو فى اللقاءات التلفزيونية يجى المخرف دى كمان يسوطها بى عود كفايه سواطك الكلها كذب وخلت العالم يضحك علينا والشاهد على ذلك اخر حديث لك فى تلفزيون ابو ظبى ريح نفسك واريحنا منك ومن فضايحك


#1218532 [زول اسلامي ضد العمانيين]
0.00/5 (0 صوت)

03-02-2015 08:00 AM
ان شاء الله مسدارك يكون في ميزان سيئاتك...
لا تفرح بتعليقات علمانيي الراكوبه...فهم
ان شاء سيكونون خير دعم لك يوم لا ينفع مال
ولا بنون...
يا علماني هذا استهزاء بالدين وبالجنه وليس
استهزاء بالبشير...خم وصر وافرح الى حين...
وان شاء الله ستجد مسدارك معاك هناك...كتر منها...
عشان ميزان سيئاتك يتقل بيها...
وبعدها ستقول لهؤلاء الفرحانين بمسدارك(يا ليت
بيني وبينك بعد المشرقين فبئس القرين)...


ردود على زول اسلامي ضد العمانيين
United States [Abo alkalas] 03-03-2015 07:10 AM
أجري حصل بص الجنة السايقو بشبش ده قبال يفوتك وخلينا نحن (العمانيين) ديل في حالنا

من أين جئتم يا هذا

United States [nagatabuzaid] 03-02-2015 03:17 PM
يسالك الله يوم الموقف العظيم من المستهزىء بالدين رئيسكم ولا نحن ولا استاذ اذهرى
وان شاء الله سنختصم مع بشيرك يوم الدين اما رب العالمين

[القريش] 03-02-2015 09:20 AM
اتق الله انت ( يازول اسلامى ضد العمانيين زى ماكتبتها طيب ماذنب العمانيين؟) وهل عمر البشير بتاعك دا يملك مفاتيح الجنه حتى يقود الناس اليها هل هو نبى مرسل؟واين هو المشروع الحضارى او الخسارى من اساسو؟ وهل يوجد مشروع بعد ربع قرن من التدمير الممنهج والسحل والقتل والبراميل المتفجره ةالاعدامات لحد ماوصلنا الى مااوصلتمونا اليه قهرا وتخلفا ومسغبه وجوعا وتشرذما وتشريدا؟مالفرق بين داعش والكيزان ومن يسمون انفسهم بالاسلاميين؟ جزى الله الشاعر خير الجزاء عن الشعب السودانى المغلوب على امره.


#1218342 [nagatabuzaid]
0.00/5 (0 صوت)

03-01-2015 09:58 PM
احسنت الله يديك العافية


#1218339 [عبد الله عبد الله]
0.00/5 (0 صوت)

03-01-2015 09:43 PM
هههههههههههههههههههههههههههههههههههههههههههههه
ياخ دا مسدار حا يكون من ضمن المعلقات
:
لكن يا بشة حيرت الناس ( الخلاني مغسك لي صبح مطبوق ) أي والله


ردود على عبد الله عبد الله
United States [جنرال زمان] 03-02-2015 12:39 PM
سؤآل بسيط لي المدعو "زول اسلامي ضد العمانيين"، أول شئ هو قالو ليك العمانيين ديل مو مسلمين؟ بعدين أنت يا مسطح هل قصدك العمانيين بتاعين سلطنة عمان ولا العمانيين سكان العاصمة الأردنية عمان؟؟ يا جاهل ومتفلسف على الفاضي

European Union [زول اسلامي ضد العمانيين] 03-02-2015 08:03 AM
بالله ما تختشي واسمك كمان عبدالله عبدالله؟؟
يا اخي هذا استهزاء بالدين والجنه صراحة
وليس استهزاءا بالبشير...يا اخي اتق الله
و لا تجاري علمانيي الراكوبه...



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة