الأخبار
أخبار إقليمية
البشير " الكضاب " يتعهد بإعادة دارفور الى سيرتها الأولى اوإعادة الحياة إلى مشروع "هبيلة"
البشير " الكضاب " يتعهد بإعادة دارفور الى سيرتها الأولى اوإعادة الحياة إلى مشروع "هبيلة"
البشير


قال إنه سيوصل الكهرباء من سد مروي إلى الجنينة، والسكك الحديدية من نيالا حتى الجنينة
03-04-2015 05:40 PM

تعهد الرئيس السوداني عمر البشير، بتحقيق السلام وإعادة الأمن إلى كل ربوع دارفور عبر القضاء على التمرد وجمع السلاح حتى يكون في يد القوات النظامية فقط، وأعلن عن إنشاء منطقة حرة في حاضرة ولاية غرب دارفور "الجنينة".


وواصل البشير حملته الانتخابية المكثفة يوم الأربعاء من محطة جديدة هي مدينة الجنينة بغرب دارفور، بخطاب أمام حشد جماهيري كبير طرح فيه برنامجه للانتخابات الرئاسية المقررة في شهر أبريل المقبل.


وكان الرئيس السوداني ومرشح حزب المؤتمر الوطني الحاكم للرئاسة، استهل حملته في الولايات الأسبوع الماضي والجنينة هي محطتها الرابعة بعد ودمدني والقضارف وكادقلي.


وقال البشير إن الولاية قدمت الكثير لحكومته، وقدمت نماذج في السلام والتعايش السلمي ورتق النسيج الاجتماعي.


وأضاف "أن المبادئ والقيم التي ظل إنسان الولاية يقدم من أجلها الشهداء هي برنامجه القائم على الحفاظ على هذه القيم والمبادئ".


وقال البشير إنه يريد أن يعيد لدارفور سيرتها الأولى أرضاً للتعايش السلمي، وتعهد بجعل ولايات الإقليم الخمس خالية من التمرد والصراعات القبلية.


عودة النازحين

وتابع البشير قائلاً "بعد تحقيق الأمن نريد للنازحين أن يعودوا إلى مناطقهم على أن نوفر لهم كل الخدمات ويتم التخطيط للذين لا يرغبون في العودة بالمدن حتى يعيشوا مواطنين من الدرجة الأولى" .


وأكد أن ولاية غرب دارفور، تحديداً الآن، تعتبر ولاية خالية من التمرد، واعداً بتلبية كل المطالب التي ذكرها والي الولاية حيدر قلوكوما في خطابه، معتبراً أنها ليست مطالب وإنما حق من حقوق أهل غرب دارفور.


ووعد بإكمال التنمية عبر تكملة الطريق الرابط بين كلبس والجنينة وحتى الحدود السودانية التشادية.


وقال إن المنطقة الحرة التي تعتزم حكومته إنشاءها في الجنينة ستستقبل كل البضائع القادمة من غرب أفريقيا والبضائع المصدرة من الداخل إلى غرب القارة السمراء.


وتعهد البشير أيضاً بإعادة الحياة إلى مشروع "هبيلة" الزراعي بغرب دارفور، وتوصيل الكهرباء من سد مروي إلى الجنينة، والسكك الحديدية من نيالا وحتى الحدود مع تشاد.


شبكة الشروق



تعليقات 17 | إهداء 0 | زيارات 4544

التعليقات
#1221235 [ملتوف يزيل الكيزان]
0.00/5 (0 صوت)

03-05-2015 10:29 PM
عمر الكضاب.
هذا الرجل هو المعني بقصة " عمر و النمر" او "عمر الكذاب"


#1220979 [ابوبشير]
0.00/5 (0 صوت)

03-05-2015 02:10 PM
سيرتها الاولى ده زى لماتكون وسخت حاجه وعايز تنظفها تانى وترجعها لصاحبها زى ماكانت وهذا دليل واعتراف انكم ضيعتو 25 سنه من عمر الشعب السودانى فى وسخكم وده على حسب كلامك الكتير ومسيخ


#1220811 [مواطن سوداني]
0.00/5 (0 صوت)

03-05-2015 10:22 AM
وهي الكهربا دي ما عندها حد؟ ياخي لو كفّت قصوركم وبيوتكم يكون كتر خيرها وحتوصلها للجنينة كيف كيف - وللا عايز تح حتى يعيشوا مواطنين من الدرجة الأولىرس كل عمود من مروي لحدي الجنينة- وتجمع السلاح كيف - تقيف في الخرطوم وتصرح (جمعاً سلاح) ولا شنو؟؟
"..................حتى يعيشوا مواطنين من الدرجة الأولى"
الله يلعن أبو فهمك - مواطنين من الدرجة الأولي؟؟ والباقين درجة كم؟؟؟ رئيس بلد داخل انتخابات يتحدث عن درجات المواطنة؟؟
أما المنطقة الحرة - فحدث ولا حرج - ياتو بضائععايز تصدرها؟؟ ولي منو؟؟ تقصد تهريب السلاح؟؟ كان غيرك أشطر - ياب علعلة!



أتقي الله يا حاج البشير في شعبك المسكييين


#1220725 [YAHIAKAMAL]
5.00/5 (1 صوت)

03-05-2015 09:01 AM
يابشبش كفاية ضحكت عليك الناس يا اخ بشبوش الى متى وانت تكذب على الناس خلاص انكشفت والناس وعت وعرفت انك دجال ومنافق اى كهرباء واى نازحين يارجل اتقى الله فى نفسك


#1220610 [حسن مسالا]
0.00/5 (0 صوت)

03-05-2015 07:42 AM
مشروع هبيلا يقع شرق مدينة الدلنج فى ولاية جنوب كردفان وليس فى غرب دارفور.
خلونا من مشروع هبيلا بس البشير يثبت كل يوم أنه أهبل جدا


#1220514 [محمد]
5.00/5 (1 صوت)

03-05-2015 05:29 AM
نحن شعب سااااااااااااااااااااااااااااااااااااااااااااااااااااااااااااااااااااااااذج مامعقول نحن نصدق هذا الكذاب وهو يككر نفس الكذبة منذ 25 عام والشعب الرعاع الحافى العارى الجاهل المريض بصيح سير سير يابشير وبرفعون سباباتهم التى اصبحت كاعواد الثقاب من الجوع والمرض وهم يكبرون الله اكبر الله اكبر- حسبى الله ونعم الوكيل


ردود على محمد
[أرحل] 03-05-2015 09:30 AM
ياخي الانقاذ بدايتها كذبة من صنع الشيخ المنافق ,,, العجيب انو البشير قال الترابي منافق وكذاب بس لحدي الان ماشي على النهج بتاعو ,,

1/ البداية انو ماعندو علاقة بالاسلاميين ,, وبعدها شهد عيه شيخه انت امشي القصر وانا بمشي السجن

2/ علي الطلاق القوات الاممية ماتدخل السودان ,, القوات دخلت والنسوان ماطلقوهم ,,

3/ 2015 انا ما راح اكون رئيس للسودان ,, دعاية انتخابية كلها كذب وقال حدي معاكم 2020

4/ في الامارات قال الاخوان المسلمين سبب المشاكل في العالم وتاني رجعنا للكذبة رفم 1 ,,

5/ الاسبوع الفات قال عاوز يطبق شريعة نضيفة مافيها بارات , وهو بشم ريحة البنقو كل صباح في القصر ,, طيب ال25 سنة الفاتو بنسمع حققنا شريعة قوية منيعة ,, ولا تكون دي ما النضيفة البتكلم عليها

[ضل البحر] 03-05-2015 08:26 AM
هههههههه حلوة أعواد الثقاب دي


#1220476 [fatmon]
5.00/5 (1 صوت)

03-05-2015 03:02 AM
طيب الخمسة وعشرين سنة الفاتت كنت بتعمل فيها شنو بتتدرب على عمل الخمسة الجاية يا شاطر كل خمسة سنين فاتت قصاد سنة جايه يعني؟؟؟؟؟


#1220452 [ابوانوار]
0.00/5 (0 صوت)

03-05-2015 12:51 AM
الاهبل يكذب طيلة الفترة الماضية واصبح الان يصدق في الكلام الكذب الذي يقوله . أوصل كهرباء سد مروي الى منطقتنا في قشابي فترت طلمبات الديزل من الخدمة وقبل كم سنة قلتوا جميع المشاريع سيتم كهربتها من السد القديتونا بيه قد . (علما بأن قشابي تبعد من مروي حوالي الخمسين ميلا )والان السد طلع ماسورة وفي رواية قالوا السد شغال بالكهرباء . أرجعوا الى حديث الامنجي صلاح قوش عن سد مروي.


#1220435 [عزمي سند صالح]
5.00/5 (2 صوت)

03-04-2015 11:30 PM
تعهد ان وتعهد ان وتعهد ان
دون ان يقول انشاء الله !!!!! بالله شوفوا السفاح واثق من نفسو كيف !!!!!!! وواثق من حياته كيف !!!!!! دا حتي مافكر يقولا في كل جولاته راجعوا في هذا العدد كل ترهاته وهبله وعباطته
لن تجدوه قال انشاء الله ابدا مع انو امير المؤمنين وخليفة رسول الله ووكيل ربنا في الواطه .!!!
ونابحنا ليل نهار بالشريعه الشريعه الشريعه ونسي مشيئة الله خير الماكرين .!!!!

وماذا لو مت قبلك يالسفاح ؟ آها البنفذ تعهداتك منو ؟ والا اتا متاكد انك مخلد
والله مصيبتك مصيبه يالسفاح ياارهابي .!!!!!


ردود على عزمي سند صالح
[ابولاكومة] 03-05-2015 07:34 AM
وهي الكهربا دي ما عندها حد؟ ياخي لو كفّت قصوركم وبيوتكم يكون كتر خيرها وحتوصلها للجنينة كيف كيف - وللا عايز تح حتى يعيشوا مواطنين من الدرجة الأولىرس كل عمود من مروي لحدي الجنينة- وتجمع السلاح كيف - تقيف في الخرطوم وتصرح (جمعاً سلاح) ولا شنو؟؟
"..................حتى يعيشوا مواطنين من الدرجة الأولى"
الله يلعن أبو فهمك - مواطنين من الدرجة الأولي؟؟ والباقين درجة كم؟؟؟ رئيس بلد داخل انتخابات يتحدث عن درجات المواطنة؟؟
أما المنطقة الحرة - فحدث ولا حرج - ياتو بضائععايز تصدرها؟؟ ولي منو؟؟ تقصد تهريب السلاح؟؟ كان غيرك أشطر - ياب علعلة!


#1220428 [شليل]
5.00/5 (1 صوت)

03-04-2015 11:06 PM
مأساة و ملهاة في آن واحد ، يرقص على جماجم ضحاياه و يدفع اموالاً طائلة لسماسرة اتقنوا فن حشد الهتافين و لساعة واحدة ، الأمر المؤسف ما يقوم به قالوكوما كمناهض لهذا النظام و لكنه تحول لكائن اليف يبشر بوداعة البشير .
حتى اجهزة الدولة النظامية و التنفيذية تقفل المحال التجارية و تصور الجموع كانصار للرئيس الزائر مرة كل خمسة سنوات و كأنهم نسوا المطار الساقط بفعل ريح خريفية و يصدقون كهرباء عابرة لألاف الكيلومترات !!


#1220425 [الداندورمي.]
5.00/5 (2 صوت)

03-04-2015 10:50 PM
عيش يا،،،حمار حتي تقوم النجيله٠


#1220415 [خالد حسن]
5.00/5 (2 صوت)

03-04-2015 10:04 PM
ياكضاب ناس الجنينه وكادوقلي ديل مابتزورهم الا للانتخابات؟
وبعد الانتخابات تقصفهم بالانتنوف
الترابه في خشمهم كان صدقوك يامسيلمة


#1220406 [المتغرب الأبدي]
5.00/5 (2 صوت)

03-04-2015 09:47 PM
أول مرةاشوف مرشح رئاسي عايز يرجع البلد لعام 1989


#1220404 [محمد عثمان صالح]
5.00/5 (1 صوت)

03-04-2015 09:41 PM
بشــــــــــــــــــــــــــــــــــــــــــــــــــــا نهـــــــــــــــــي بشــــــــــــــــــــا بلـــــــــــــــــــــــــــــــــــــــــــيز
اري يا جــــــــــــــــــود بولا كوا كـــــــــــــــــاتا
خليتنا نرطن هندي انشا الله بس تتوفي تاني ماعندنا شي نقول


#1220368 [wail]
5.00/5 (2 صوت)

03-04-2015 08:01 PM
في زمن ما كنا نقول من حلفا الي نمولي اخشي ان ياتي يوم نقول فيه من ...... الي .......؟؟؟


بعدين مصطلح ( سنعيدها سيرتها الاولي) ده اكبر دليل و اعتراف بالفشل الزرييييييييييييييع


#1220346 [سيمبسون]
5.00/5 (2 صوت)

03-04-2015 07:07 PM
وتوصيل الكهرباء من سد مروي إلى الجنينة،

الزول دة هبيل وما ناقش حاجة، هو كهرباء مروى كفى ناس الشمالية عشان توصلها للجنينة، عبيط


#1220331 [مغبون من استهبالات الإنقاذ]
5.00/5 (1 صوت)

03-04-2015 06:21 PM
الجولة لزومها شنو طالما هو المرشح الوحيد


ردود على مغبون من استهبالات الإنقاذ
[تعبان] 03-05-2015 08:18 AM
بدل سفرية بكم مليون كدة برضو زيادة خير وشوف معاه كم واحد حارس ووفد ومحلية جبانة هايصة....بلع ساى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة