الأخبار
أخبار السودان
مؤرخ سوداني : أوباما ينتمي لعائلة المهدي وعلي دينار
 مؤرخ سوداني : أوباما ينتمي لعائلة المهدي وعلي دينار


03-08-2015 10:58 PM
ناهد عباس :

ربط باحث ومؤرخ سوداني، نسب عائلة الرئيس الأمريكي الحالي باراك أوباما بعائلة الإمام محمد أحمد المهدي من جهة، وعائلة السلطان علي دينار، مؤكداً أن العائلات الثلاثة تنتمي إلى أسرة واحدة هي أسرة السلطان أبوآمنة زعيم قبيلة الجور التي تقطن ولاية جنوب دارفورالحالية «قبل أن تنتقل بطون منها إلى دولة الجنوب ودولة كينيا المجاورة». يذكر أن الرئيس باراك حسين أوباما ولد في العام 1961 في هاواي، لأب كيني وأم أميركية بيضاء من ولاية كنساس، وهو أول رئيس أميركي من أصول أفريقية، وقد أشار في كتابه «أحلام من والدي» إلى أصوله السودانية،

لكنه لم يذكر إلى أي المناطق ينحدر. وحسب إفادات البروفسير أحمد إبراهيم دياب أستاذ التاريخ بجامعة الإمام الهادي في حوار مع «آخر لحـظة» فإن الاسم الذي أطلق عليه يوم مولده هو «براق أبو آمنه» تيمناً بجده السلطان، منبهاً إلى أن اللهجة الأمريكية وراء تغيير الاسم إلى المنطوق حالياً. وقال دياب إنه قضى أكثر من ثلاثة أعوام ينقب في نسب عائلة الرئيس الأمريكي قبل أن يصل إلى سودانيته، مؤكداً أن أسرته تنسب إلى عائلة سلطانية بدارفور ترجع في أصولها إلى «الشعوب النوباوية» التي نزحت غرباً.

وحسب «شجرة النسب» التي زوّد بها «آخر لحظة» فإن السلطان أبو آمنة سلطان قبيلة الجور أنجب ابناً أطلق عليه اسم «البراق» وإليه تنتمي عائلة الرئيس باراك أوباما، وله ابنة واسمها «أم بوسة» تنتسب إليها عائلة الإمام المهدي.ووفق قوله فإن البراق لديه ابن واحد اسمه فضل الله الذي أنـجب بدوره كلاً من أبو آمـنه ورابـح، والأخير انجب ابن اطلق عليه اسم البراق وبدوره انجب محمد الذي هاجر بعائلته الصغيرة إلى كينيا ليتزوج بامرأة أمريكية تدعي سارة فانجب منها حسين. واقترن حسين بفتاة أمريكية تسمي استانلي آن وأنجب منها ابناً أطلق عليه «أبوآمنة براق» تيمناً بجده ليصبح باراك أوباما، الرئيس الحالي للولايات المتحدة. أما الابنة الثانية للسلطان أبو آمنة فهي أم بوسة» التي تزوجت من عبد الرحمن الرشيد وهو من أشهر سلاطين دارفور، حيث أنجب منها السطان محمد الفضل الذي أنجب منها السطان نورين والد مقبولة زوجة الإمام محمد أحمد المهدي ووالدة الإمام عبد الرحمن المهدي ، كما أنجب منها السطان زكريا والد آخر سلاطين دارفور السلطان علي دينار.

اخر لحظة






تعليقات 105 | إهداء 1 | زيارات 28718

صفحة 1 من 212>
التعليقات
#1642490 [المحتار]
0.00/5 (0 صوت)

05-16-2017 10:23 PM
هههههههههه....اوباما , اوهاح, اوشيك كلنا اولاد خالات


#1639306 [DONTA]
0.00/5 (0 صوت)

05-11-2017 10:13 AM
الصحابي الجليل بلال بن رباح نوبى الاصل وكانو يسمون بلال الحبشي يعنى بلال زو بشرة محروقة يعنى اسمر وكانوا يسمون المناطق من جنوب مصر حتي جنوباارض السودان(البشرة المحروقة)واسم بلال يعني بالنوبية عريس وحتي اليوم يغني في الاعراس (بلال يا بلال يويو جب بلال...... وكنت حافظ هزه الاغنية عن قريب) اما لقمان الحكيم المرحوم البرف عبد الله الطيب اعلن في بحثه انه نوبي له الرحمه. في النهاية كنا من آدم وآدم من تراب لا فرق بين عربي وعجمي الا بالتقوي والله اكبر فوق طاغي وجبارة والموت آت آت.


#1239403 [MUNIMOBEIDA]
0.00/5 (0 صوت)

04-02-2015 09:18 AM
ايش ميفيد انو اوباما فوراوى وناتنياهو شايقى وهتلررباطابى ما فى ناس منسوب ليها انبياء من يعقوب وسليمان الى ابراهيم وخير البشر محمد ولانسمع منهم زى هبالتنا دى .


#1233163 [دفع الله ابوكوترى]
0.00/5 (0 صوت)

03-23-2015 06:24 PM
الحمد لله اصحاب العقول فى راحة الناس فى شنو وال0000000000000000000فى شنو؟؟؟؟؟؟


#1229421 [الكردفاني العدييييييييييييييييييييييييييييييييييييييل]
5.00/5 (1 صوت)

03-18-2015 08:37 AM
المطلوب الان ---- ان تبحث لنا عن جذور الارجاس ..... مازلنا....حائرين .... عند تساؤل الاستاذ .... من اين اتى هؤلاء .... ؟؟؟؟؟؟؟؟؟؟؟؟؟


#1226244 [braveheart]
0.00/5 (0 صوت)

03-12-2015 09:25 PM
عفوا ارجو التصحيح اللغوي وشكراً (( باحث ومخرف سوداني))


#1224495 [حلفانكيل]
0.00/5 (0 صوت)

03-10-2015 03:53 PM
يا محمد انا لم انظر انا تكلمت عن اشياء قراتها فى كتب ..

بيكانتو انا لم اقل السيدة هاجر حلفاوية بل قلت نوبية وان كلمة سم سم او سمى سمى حلفاوية وايضاً محسية وسكوداوية لان لغتنا واحدة .. ما تقولنى كلام ما قلتو .

ود العقبة ما لك يازول وعلاقة الاية بموضوعى شنو ان قلت اشيا قرات عنها هل هى حقيقة ولا تلفيق ؟؟

وارد لك ايضاً باية ..
وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ (7) صدق الله العظيم

ود العقبة هل تنكر بان اليم هو نهر النيل وهل تنكر بان النيل يجرى من الجنوب الى الشمال
فالعقل يقول بان الصندوق تحرك من اتجاه السودان الى مصر .


ردود على حلفانكيل
United States [سليل المتصلبتين الامميين] 03-10-2015 06:25 PM
بالله ما تضيعوا وقت في موضوع غير مفيد حتى لو سلمنا ان هاجر نوبية سودانية ما هي الفائدة العملية
يعنى العرب حيجوك في السودان يتعبدوا فيك على اساس انك خالهم بالله انسوا الموضوع البيش ده و اتلفتو للمواضيع الحقيقية وهي مكونات الشخصية السودانية ومعالجة ازمة مكوناتها و التي جاءات من بنات هذا الزعم


#1224459 [sami]
5.00/5 (1 صوت)

03-10-2015 02:50 PM
عقد مابنقدر نتخلص منها يجب علينا الذهاب الي مستشار نفسي نعالج بهالفرحة المقتالةفينا وخوفنا من الغد بالتلحف بالسراااااب؟ هلانفيق من ثباتنا ونعمل علي التقدم ومن قواعدناببداية ماانتهي فيه الاخرون


ردود على sami
Saudi Arabia [حفيد تورشين] 11-10-2016 07:10 AM
كلام مبستر ..ومفيد..وعميق..للبفهم..نبحنا بأن الهوية طمست ووحدة السودان انشقت ...نتقرب للذين ينكورنا نعيش حياتنا نلهث لاثبان نسبنا ونغتصب اذانهم وآذانهم بها وقرا وحبشنا يطربوا لنا ننكرهم..ونعتبر اهلنا بوشمهم وشلوخهم نجس...افكار ابليس..اللهم اهدينا الى صراط المستقيم ونرضى باننا جميعا من طين


#1224318 [معز]
5.00/5 (1 صوت)

03-10-2015 11:22 AM
(انا لله وانا اليه راجعون
( لَنْ تَنْفَعَكُمْ أَرْحَامُكُمْ وَلَا أَوْلَادُكُمْ ۚ يَوْمَ الْقِيَامَةِ يَفْصِلُ بَيْنَكُمْ ۚ وَاللَّهُ بِمَا تَعْمَلُونَ بَصِيرٌ )
وقد قال النبي صلى الله عليه وسلم لابنته فاطمة انقذي نفسكِ من النار فاني لا اغني عنكِ من الله شياء
وايا كان الامر رئيسا اوغيرة ما دام انه لا ينفعك في اخرتك فلا شرفنا الله به ولا امثاله
فللجميع ان يكتب خيرا او يصمت ولمن ولي امرا من أمور المسلمين ان يتقي الله في في اداء هذه الامانه
وحسبنا الله ونعم الوكيل


ردود على معز
European Union [أبو عدال] 03-12-2015 01:22 PM
والله إنت الوحيييد الفهمتها من أولها لآخرها يا معز، أعزك الله دنيا وأخرى

United States [سليل المتصلبتين الامميين] 03-10-2015 06:26 PM
انت في وادي و الناس في وادي يا راجل افهم النقاش الدائر


#1224280 [معز]
5.00/5 (1 صوت)

03-10-2015 10:36 AM
انا لله وانا اليه راجعون


#1224111 [AMMA]
0.00/5 (0 صوت)

03-10-2015 07:30 AM
ينحدرالرئيس أوباما من عائله سلطانيه من دارفور ترجع من أصول نوباويه : تلفو وتلفو وتلفو وتجو راجعين للنوبه إلا الرئيس عمرالبشير من أصول الفولانى أو الفلاته وجده من البوير البلجيك يعنى مو عربى


ردود على AMMA
[Hussien] 03-10-2015 11:19 AM
AMMA شكرا للتوضيح رغم أن هنالك عن أصول العنج وفي الغالب يرجعون للنوبة.
قلت جد البشير من البوير , معناتو أنو لا ينسى ولا يتعلم
والله حكم


#1223969 [الظلم ظلمات]
0.00/5 (0 صوت)

03-09-2015 11:56 PM
الأخ سامي ضحكتني ضحكة لم أجدها منذ زمن، لك الشكر!!!!


#1223963 [رياض المدني]
5.00/5 (1 صوت)

03-09-2015 11:42 PM
كدا الصادق المهدي طلع كيني ما يحق ليهو يحكم السودان هههههها والله محن


#1223944 [pullo]
5.00/5 (1 صوت)

03-09-2015 10:40 PM
ههههههه .. اها ما عندكم علاقة بي الشيطان الرجيم يا بروف.


#1223925 [محمد عثمان صالح]
2.00/5 (1 صوت)

03-09-2015 09:45 PM
اوباما بجاوي مسمي علي جدنا اوهاج ولد اماديدي امديدي جاب اوكير الولد اوهسين اوهسين هاجر كينيا بعد كتل ودعمو اوميك واتزوج الأمريكية وولد اوباما وسماه علي جدو الكبير اوباما


ردود على محمد عثمان صالح
[شاشا] 03-21-2015 09:07 AM
الله يجزاك خير اخيراصار لنا علاقة بالامريكان ..


#1223919 [Hussien]
0.00/5 (0 صوت)

03-09-2015 09:42 PM
بروف دياب خليك من أصول اوباما الفرد شوف لينا أصول العنج, فالمعروف أنهم لعبوا دور كبير في تاريخ السودان ولكن لم يستقر علماء التاريخ علي تحديد أصولهم.


ردود على Hussien
[braveheart] 03-12-2015 09:21 PM
يوجد ايضا في شرق السودان مقابر للملوك العنج في ارض البطانة تحديدا في قرية الصباغ تحميها قبائل الشكرية باعتبارها مدافن اجدادهم وهي من القبائل التي قال عنها تاريخنا المزييف انها قبائل دخيلة ولاتنتمي للسودان وقبائل عربية الاصل يبدوا ان جميع قبائل السودان تتشارك الاصل نفسهم وقد تم تمزييق ؤوابطهم بمؤامرة من مصر بصورة مقصودة لشئ في نفس المصريين

[AMMA] 03-10-2015 07:04 AM
الأخ حسين لدى بعض الإسهامات التاريخيه فى ذات الموضوع :
1/ العنج أو حالياًالأجنق هم من النوبه كذلك فوجنى أو الفونج من النوبه أيضاً
2/ الملك ألارا آخر ملوك النوبه العظام فى دولته التى تسمى ب مر وآ وحالياً تسمى مروى
3/ كان للملك أخوان لايصلون للحكم بحكم النظام الملكى وهم : عنج و فوجنى
4/ تآمر كل من الأمير فوجنى وعنج بمسانده ملك أكسوم الحبشه حالياً بتدمير مملكه عمهم الملك آلارا فى مروى
5/ وعلى إثرها قامت مملكه سبو أو سوبا الحاليه بملوك من العنج وأسرهم
6/ إتجه الفونج جنوبا وليس بعيداً عنهم وتم تأسيس مملكتهم فى نواحى سنار وعرفت بالسلطنه الزرقاء ومملكه الفونج وسنار
7/ يوجد حالياً الفونج والعنج بجبال النوبه


#1223900 [ابدرباماكن]
0.00/5 (0 صوت)

03-09-2015 09:13 PM
السودانيون اصل البشرية وسيكشف العلم ذلك قريبا


ردود على ابدرباماكن
[سليم] 05-16-2017 04:52 PM
يعني يا الحلفاوي نفهم انكم اسرائيليين؟؟


#1223897 [حلفانكيل]
0.00/5 (0 صوت)

03-09-2015 08:59 PM
توجد روايات كثيرة والله اعلم ..

كما قرات ان اصل سيدنا موسى حلفاوي

عندما القته امه فى اليم فى منطقة حلفا وهو متجه الى الشمال لبيت فرعون قالوا الحلفاويين
( ويا انولتا مونسا ) يعنى مونسا باللغة الحلفاوية الولد الذي رفضه اهله ..
وعندما وصل القصر سالو من هذا قالو مونسا ولان فرعون لايجيد النوبية قال ان اسمه موسى والله اعلم .


وايضاً سمعت روايات بان السيدة هاجر نوبية ..
ودليلهم عندما خرجت المياه من الارض لسقى ابنها خافت بان تصبح سيلا وحاولت ان توقف المياه المندفعة وتقول لها ( سم سم ) باللغة النوبية يعنى ا ( توقفى توقفى .. بالاشارة للمياه لكى تتوقف ) والان هذه المياه فى الحرم المكى اسمها زم زم .. يعنى سم سم مع مرور الزمن اصبحت زم زم ..


ردود على حلفانكيل
[AMMA] 08-14-2015 03:30 PM
1/ حتى الآن بجبال النوبه فى بعض القبائل كلمه سمو، سمو معناها تعال أوأجمع سمو بونق يعنى لاتدفق الماء وهاكذا نحن النوبه الأصل
2/ هل تعلم وجد الخواجات كلمه منقوشه كتب عليها بعانخى بشى ذهب الخواجات شمالاً وجنوباً يبحثون عن معنى كلمه بشى ، وأخيراً جاءوا إلى جبال النوبه فوجدوها تعنى البيت الكبير أو القصر

European Union [quickly] 03-10-2015 03:36 PM
اما السيد هاجر فهي نوبية الاصل وكانت لاتنطق العربية
معروف ان سيدنا ابراهيم قد تزوجها في مصر وساربها حيث امره الله بناء الكعبة وعندما سألها عن عن رغبتها في الجلوس ذلك الوادي المجدب الغير ذي زرع ام يذهب معها لأحضار الماء فأجابت (هاقي.. هاقي) يعني سوف اجلس باللغة النوبية فأصبح بعد يناديها ( هاجر )
والله اعلم

[شموس البلد] 03-10-2015 01:21 PM
انا كنت قايلة النوبيين مستقرين نفسيا من ناحية عقد الاصل, طلعتو اكعب مننا بكتيييير

[محمد] 03-10-2015 09:30 AM
ياشيخ ماتنظروا فينا ساكت خلونا في حالنا داير تنسب مياه زمزم ليكم انتو الرطانة

[بيكانتو] 03-10-2015 05:22 AM
(وعندما وصل القصر سالو من هذا قالو مونسا ولان فرعون لايجيد النوبية قال ان اسمه موسى والله اعلم )

ده رآى فرعون ، لكن فى القران ربنا سبحانه وتعالى سماه (موسى) عليه السلام

و امنا هاجر محسيه اكتر من حلفاويه ،

European Union [ود البقعة] 03-09-2015 11:52 PM
(ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون 65 )


#1223883 [سليل المتصلبتين الامميين]
5.00/5 (3 صوت)

03-09-2015 08:23 PM
بالله فكونا من التمسح بتاعكم ده قال اوباما سوداني و قبلها نتينياهو و غيرد
يا جماعة و الله التمسح في الناس ده سبب ضياعنا و بعدين اسنادات تاريخية ضعيفة جدا
البحصل ده بيعكس واقع الضياع و عدم احترام الذات السودانية كد وروني من من شعوب العالم بستعر من جنسو غير السودانيين
زي ما بقولوا نحن و الله جدنا العباس و جدنا الزبير بن العوام و غلام الدين بن عايد و نقة فارقة زي دي
طيب يا اولاد العباس و ابو هاشم عم الرسول ابو لهب ده ما عندو احفاد ما كان مزواج و له احفاد كثر
بالله اصحوا من امراضكم النفسية دي

سليل المتصلبتين
مونتري- كليفورنيا


#1223880 [شموس البلد]
0.00/5 (0 صوت)

03-09-2015 08:20 PM
ضحكت لما دموعي سالت,, لك التحية يا بروف وللصحفية..... هذه الخرمجة توضح اصبحنا عرب!!!


ردود على شموس البلد
United States [سليل المتصلبتين الامميين] 03-10-2015 06:33 PM
يا شمس الشموس ما نحنا عندنا ازمة في مكونات الشخصية السودانية و لا نستسثنى احد نوبيين جعليين بجا فور الى اخرة جميعهم بوعي و بدون وعي يمارسون و يبجلون ثقافة احادية ويلهثون وراء الغير و في النهاية بقوا يتصلبتوا في الخواجات كمان


#1223847 [الدنقلاوي]
3.50/5 (4 صوت)

03-09-2015 06:53 PM
اهم حاجة في المقال/الخزعبلات دي أنو طلع المهدي الكبير ما دنقلاوي وريحنا منو نحن من زمان شاكين في انو المهدي يكون دنقلاوي ... الدناقلة تاجروا في الناس والعاج وريش النعام وكل شيء غلط ولا صاح، حلال ولا حرام، لكن ما كان فيهم واحد مهووس ولا تاجر دين إلا مدعي المهدية داك، والحمد لله المقال ده فكانا منو


ردود على الدنقلاوي
[الدنقلاوي] 03-10-2015 08:32 PM
عمك حكايتو عجيبة نلحق نباريهو أكيد ح يطلع لينا كامرون ختمي وبوتين من أبو قرون .. خليك من عمك وشوف القاموا يرحبوا بانتماء أوباما ليهم!! ... حكمونا بالدجل والشعوذة عايزين يواصلوا يحكمونا بقوة اليانكي

European Union [one man] 03-10-2015 08:17 PM
قلت ليك عمك المؤرخ جايب نسب مقبولة زوجة المهدى الكبير ووالدة عبد الرحمن..

[الدنقلاوي] 03-10-2015 12:09 AM
كيف يكون الأب المؤسس دنقلاوي والأولاد ما دناقلة، أيوة تاجروا بالناس! هم والجعليين كانوا رأس تجارة الرقيق المؤسفة

European Union [one man] 03-09-2015 09:47 PM
روق المنقة يا الدنقلاوى.. اقرأ كويس قبل التعليق..
الامام المقصود هو عبدالرحمن المهدي ووالدته مقبولة.. عمك ناجر نسب بالوالدة..

بعدين شنو حكاية تاجروا بالناس دي؟.. هسي دي حاجة بيفتخروا بيها؟.. طيب ورينا إتفاقية البقط كانت شنو؟.. دنقلا العجوز عاصمة النوبة من ما سقطت اصبحت مركز للبديرية والكبابيش والهواوير بإستثناء حفير مشو وبرضو مخالطينهم..


#1223808 [على]
0.00/5 (0 صوت)

03-09-2015 05:22 PM
واللهيامجروش انا بثنى على كلامك خلاص يلملم اطرافه ويفكنا بلا قرف لعل الامر ينعدل ياريت كمان يشوف لينا الباقين من وين


#1223800 [عبدالله حسـن]
0.00/5 (0 صوت)

03-09-2015 05:09 PM
دا كلو ما بيجيب مريسة التامزينو . أوباما سودانى ما سودانى العقوبات الأميركية ما حايشطبوها الأميركان . شوف ليكم شغلة تانية .


#1223796 [السناري]
5.00/5 (1 صوت)

03-09-2015 04:59 PM
الأمة السودانيّة من الحضارة إلى البداوة!


#1223794 [آدم السوداني]
3.00/5 (3 صوت)

03-09-2015 04:54 PM
وأيضاَقالوا أن الكاتب االبريطاني الشهير "شكسبير" هو سوداني الأصل وكان إسمه "شيخ أبكر" يعني بلهجة أهلنا الزغاوة "شيخ أبير".


#1223751 [مجروس ق ش م]
4.00/5 (3 صوت)

03-09-2015 03:47 PM
أهم حاجة في الخرمجة دي انو المهدي طلع كيني .يلا السيد الصادق لملم أوﻻدك وبناتك واتخارج علي نيروبي قديتونا قد وكرهتونا السودان


#1223737 [Ema]
0.00/5 (0 صوت)

03-09-2015 03:20 PM
احمد دياب لسه فى حالو ده
حتى أوبا ما داير تسوى من ناس المهدى


#1223704 [abin al dar4]
2.00/5 (2 صوت)

03-09-2015 02:35 PM
اعتقد ان الباحثين السودانيين وقعوا في أخطاء تاريخية فادحة اثناء تدوينهم للمذكرات التاريخ السوداني واولا اسرة المهدي ليس لها ارتباط ما يسمى بالاشراف كما يدعي السودانيين في قاموس السودان السودان لان اسرة المهدي هي اسرة محترمة حكمة السودان زكان لها دورا بارزا في فترة من الفترات الزمنية بالرغم انها سكنت اقصى الشمال مع الدناقلة ولكنها تنتمى الى قبيلة معينة وكذلك ارتباطها بدارفور من ناحية السيدة مقبولة ياتي من قبل البيقو وهم كانوا احد سلطنات دارفور المعروفة الداجو والتنجر ثم الفور والبيقو ودار تاما ودار مساليت المشهورة
وكما كان للسلطنة البيقو تأثير اجتماعي وديني على اهالي شمال بحر الغزال منطقة الفرتيت وكما كانت تنتمى اليهم عشيرة النقلوقلي


ردود على abin al dar4
[ود البلد] 03-09-2015 04:24 PM
ياشيخنا مقبولة زوجة المهدي دينكاوية وحتى عندها صورة لودخلت القوقل بتلقاها مع صورة عبدارحمن المهدي ,,


#1223703 [الدرب الطويل]
4.75/5 (6 صوت)

03-09-2015 02:34 PM
كدى يا حاج خلينا من باراك اوباما.. وشوف لينا عصابة الابالسة دى نسبها جايي من اي مجرة ومن اي كواكب؟؟!!.. طبعاً اكيد ما بشر زيينا كده بشهادة غندورهم لما قال منتسبينا من طينة تانية خالص.. اول مرة اعرف انو فى خلق هجين من طينة تشبه البشر ونار السموم بتاعة ابليس وقبيله..


ردود على الدرب الطويل
European Union [A.obayda] 03-09-2015 08:05 PM
ديل نسبهم ينتهي الي جدهم لوسيفاير. وصاهم وصية مشددة لمواصلة عمله و التفاني فيه . لكن يقال انه بدا يشعر بالخجل من اعمالهم التي لم يتصور ان تصل لهذا الحد و تتفوق عليه.


#1223684 [مدبرس]
4.75/5 (3 صوت)

03-09-2015 02:17 PM
أوباما طلع سودانى؟؟ خليه يمشى القنصلية السودانية فى واشنطن عشان يستخرج جواز بعد أن يدفع كل الرسوم بما فيه الزكاة ودمغة الجريح والفضائية السودانية وبعدين ياخد ليهو جلدتيت تلاتة لزوم تجديده العقوبات على السودان.


ردود على مدبرس
[nagid] 03-19-2015 10:43 AM
حلوووووووووووووووووووووووووووووووووووة

European Union [محمد عثمان صالح] 03-09-2015 09:24 PM
سمحه منك دي


#1223670 [اسلامي]
0.00/5 (0 صوت)

03-09-2015 02:04 PM
والله الذي لا اله الا هو الذي يصدق هذا الهراء لا عقل له وانا اقول لماذا لم يكن نسبة من غير ناس المهدي ولماذا اختارو المهدي وهل اوباما يشبه عائلة المهدي ولا دي سيطرة علي عقول السودانيين بعد ماسيطرو علينا في السياسة ملاييين السنين عايزين تسيطرو علينا عقليا لا يوجد علاقة بين اوباما والسودان في اي صلة هو افريقي الاصل نعم وحتي لو كان امه سودانية عديل السياسة الامريكية لاعلاقة لها في نسب الرئيس هي سياسة معروفة من ملاييين السنيين يتحكم فيها المصالح والامن الامريكي والامن الاسرائيلي لا تفضحو نفسكم يهينكم الغرب قبل السودانييين


#1223666 [Adam]
5.00/5 (2 صوت)

03-09-2015 01:58 PM
سودان دولة بلا هوية ..لا هم لامين في العرب ولا في الافارقة ..تاريخ الشودان مزيف ..تاريج خزعبلات .


#1223594 [توتو بن حميده آل حميده]
5.00/5 (2 صوت)

03-09-2015 12:46 PM
دي ذكرتني قصة واحد سوداني دجال الف كتاب ذكر فيه ان بلال الحبشي سوداني - شوف ليك جنس صلبطه --الصحابه والنبي محمد عليه السلام والجميع ينادونه ببلال الحبشي والدجال هذا يقول هو سوداني - كما ذكر هذا الدجال ان لقمان سوداني وعدد كبير من الرسل والصحابه زعم انهم سودانيين - ولكن سبحان الله نفس هذا الرجل الدجال نسي ان يذكر اصل كثير من الناس الاشرار في عهد الرسول وغيره هل هم سودانيين ام لا؟ مثلاً ابرهه الحبشي الذي حاول هدم الكعبه وغيره كثير من الاشرار - يعني الزول الكويس طوالي يتصلبطوا فيه يقول هذا سوداني والزول البطال يعملوا نايمين بخصوصه. وهذا دليل على الدروشه وعدم الاعتداد بالنفس اذ كلما رأى امثال هؤلاء شخصا اصاب شيئا من النجاح تراهم يتسابقون الى نسبته اليهم بدون وجه حق او استحياء لا من الله الذي خلق الجميع ولا من الشخص المتصلبط فيه ولا من الناس...


ردود على توتو بن حميده آل حميده
European Union [الأزهري] 03-09-2015 08:14 PM
أنا غايتو ما عارف بس بعتقد إنو أبوالبشرية آدم ذاتو سوداني رايكم شنو؟


#1223589 [alas adeen]
0.00/5 (0 صوت)

03-09-2015 12:40 PM
داعيشى.بوكوى.قاعدى.
بشيرى. أوبامى. أصول دموية. (سودانية) دمارالعالم


#1223587 [ام بادر]
5.00/5 (1 صوت)

03-09-2015 12:39 PM
اله يشفيكم ويعفيكم ..... ..


#1223566 [أبوقرجة]
5.00/5 (2 صوت)

03-09-2015 12:11 PM
على الرئيس الأمريكي باراك أوباما التوجه إلى السفارة السودانية لدفع الضرائب والزكاة وجميع الجبايات ....لانه مواطن سوداني..


ردود على أبوقرجة
[جنرال زمان] 03-09-2015 01:39 PM
والله يا كنتباي ضحكتنا، الله يديك العافية


#1223563 [رانيا]
5.00/5 (1 صوت)

03-09-2015 12:06 PM
سمعت الكلام ده زمان من واحد من منطقة دارفور لكن يشكر الأستاذ على تحديده للنسب وبالإسم كمان ده توثيق ممتاز . لمن حضر السودان في زيارته لدارفور لبس العمة السودانية وكأنه عايز يعيش شعور أجداده . على كل هو كمان أكبر ماسورة والقاله كله طلع فشوش ! في الأخير في كتاب بيأكد على إنه رؤساء العالم ديل كلهم أهل ويسري فيهم دم بني إسرائيل .
الإسمه التني حق ليبيا ده شبه البشير توأم بس وأنا واثقة إنه قريبه ولو بحثوا حيلقوا الكلام ده حقيقة .


#1223562 [A.Obayda]
5.00/5 (4 صوت)

03-09-2015 12:04 PM
و ايهود باراك اصلا سوداني اسمو ابعود البراق
يا حاج ما تقوم تلف


#1223549 [ود ميــــــــدوب]
5.00/5 (2 صوت)

03-09-2015 11:51 AM
اولا ام بوسة من قبيلة البيقو وليست من قبيلة الجور تزوجهاالسلطان عبد الرحمن الرشيد عام 1797م بينما كان كل من رابح فضل الله وابو امنة فضل الله تجار رقيق فى جيش الزبير باشا فى بحر الغزال فى فترة متاخرة من ذاك التاريخ وجاءو وقتلو السلطان ابراهيم قرض فى منواشى عام 1874م.وبعد ابعاد الزبير باشا ومقتل ابنه سليمان فر هؤلاء الى تشاد وهتاك قضى عليهم الفرنسيون.

ويبدو ان البروف خرف واختلط عليه الحابل بالنابل.زى ما قال واحد قبل كدة ان ادم اسمث فوراوى


ردود على ود ميــــــــدوب
[اعطني الناي وغني] 03-09-2015 06:07 PM
Both of you, what you said, is very interesting.


#1223544 [سوداني]
5.00/5 (1 صوت)

03-09-2015 11:45 AM
ابو آمنة براق ( باراك أوباما ) ! الله يرحمك يا قذافي وأيام ليبيا : قال ( شكسبير ) عربي وهو ( شيخ الزبير ) !!!! Keysinger كان يتم ترجمة اسمه في التلفزيون الليبي ب Key Singer - أي مفتاح الغنّاي !!!!!!!! .


#1223537 [عطوى32]
5.00/5 (3 صوت)

03-09-2015 11:39 AM
... اخيرا انشالة يكون الناس اقتنعت بانو عملية (نجر) الانساب عملية ساهلة جدا جدا ويمكن لاى شخص ان يختار لة شخصية مشهورة او ذات ميزة ويحور فى العبارات وتاليف ما تيسر من الحكاوى والخرافات ويربط نسبوو ..... اذا كنا فى القرن العشرين ولسا فى ناس بيالفو فى الانساب فما بالكم قبل ما 200 سنة ؟؟
وقبل كدا ايضا سمعنا بقصة نتنياهو السودانى .. تخيلو عقده الانتساب لدى السودانيين تذين لهم حتى شرف الانتماء لليهود فى شخص الريئس الاسرائيلى ... فمابال النبى محمد وال بيتة ... كل مشايخ الطرق الصوفية بجرو ليك نسبة الشيخ لمن يختوها ليك فى فاطمة الذهراء او على بن ابى طالب او بعد الصحابة ذى المافى حاجة ... عالم مريضة


#1223523 [Ha Ris]
0.00/5 (0 صوت)

03-09-2015 11:26 AM
عشان كده إسرائيل استقبلت الصادق الضليل وأولاد دارفور بالأحضان. لأنهم عارفين الحكاية فيها إن..


#1223512 [ناس افراحا زايدة]
5.00/5 (3 صوت)

03-09-2015 11:22 AM
ممكن تورونا من وين فى السودان اصول انجيلا ميركل؟


ردود على ناس افراحا زايدة
[أنقابو -7] 03-09-2015 02:35 PM
لا يا احي، ما قالوا الالمان ليهم علاقة لغوية كبيرة بلغة الفور!!!!!!!!!

[أبوقرجة] 03-09-2015 12:05 PM
هدندويه


#1223506 [توتو بن حميده آل حميده]
5.00/5 (3 صوت)

03-09-2015 11:18 AM
القذافي قال انه اسمه مبروك حسين ابو عمامه - وهذا الرجل العجوز يدعي انه سوداني - واوباما نفسه يقول انه كيني من ناحية ابيه وامريكي من ناحية امه - طيب انت يا الرجل العجوز ويا القذافي تغالطو الزول في نسبه؟ الله يهديكما ..سبحان الله...


ردود على توتو بن حميده آل حميده
[جمال علي] 03-09-2015 01:13 PM
الله يرحم القذافي. كانت له تقليعات زي تقليعات خالتي بت عيسي.


#1223498 [cool]
5.00/5 (4 صوت)

03-09-2015 11:15 AM
طيب بوش الاب اسمو الحقيقى بريش وبوش الابن
اسمو برشم عيال عم بشه قريبهم مريسه المدعمو
بى ميسى بس الزمن داك جات صاقعه فرطقت السودان
فذهب بريش وبرشم امريكا وفضل مريسه الارجنتين!!


#1223496 [البطريق]
0.00/5 (0 صوت)

03-09-2015 11:11 AM
هترشات وتخاريف ماتشبكونا ده بروف وده بتاع,,,,,,الاصم مابرضو بروف .....وتانيا اوباما قبيلتو اسمها اللوو ....وتالتا عمكم المخرف ده ليهو حق مادام لقي واحده من صحفيات الغفله.....والبت فرحانه كمان البروف قال البروف فعل البروف ترك.......عالم وهم


#1223480 [عادل محمد بخيت]
0.00/5 (0 صوت)

03-09-2015 10:56 AM
شر البليه ما يضحك
صراحه ربنا ابتلانا بمثل هؤلاء المخرفين
مزوري التاريخ


#1223467 [كردفاني]
5.00/5 (1 صوت)

03-09-2015 10:44 AM
انا قايتو الشيء المتأكد منو بعد البحث والدراسات طلع هذا لباحث نيجيري ماسوداني اصلي ...!
امو نجراوي من الهوسا وابوها من جماعة بوكو هاجرو واستوطنو في الخرطوم بعد مجاعة سنة ستة
سوداني ماسوداني نحن دخلنا شنو حسع دا باحث ولامهرج زي غسان المصري غال باحث في الشؤون السودانية


ردود على كردفاني
Saudi Arabia [حفيد تورشين] 11-10-2016 07:40 AM
سبحان الله ..هل تعلم هؤلاء الذين تنعتهم ما سودانيين..
يعلمون من اين اتوا وهجرتهم من اي مكان ولماذا هاجروا..ايام السفر للحج بالدواب وقتها الناس فى طيش وسفهه واصبحوا ضرب مثل ..يقول الواحد والله انا فى الصلاة فلاتى ..فى الصيام فلاتى..وكان يلقبوا بحاج وحاجة..والحاجة كانت هى التى تربط الرأس ..وكان الواحدةاذا ربطت رأسها يقولوا لها مالك رابطة رأسك زى الفلاتية ..وكنا فى السودان فى جاهلية ..وهل تعلم يا كردفانى ..انو المهدى وجد زواج رجل من رجل فى حاضرتك الابيض ...كفاية لهؤلاء من الاستهجان بهم..لقد صدحت الفنانة الفلاتية للجيش السودانى وكانت فخورةباسمها
لا تعلم اذا حللت الحامض النووى ..تكون من مكان لا يعلمه إلا الله كل واحد يقول لك جدى من الجزيرة العربية وين اليمن السعودية العراق الاردن مصر وهل جدنا العباس تخطى مصر كلها وجاء السود دان عموما لا نعترض على من ينسب نفسه الى الاشراف هو حر ولكن نبخس الاخريين فى اصولهم...اما الهوساتى ده والله عارف جده العاشر وابن حلال وعلى دين الاسلام وليس ابن زنا ولا امه ست اندايه..لو كانوا سليطيين اللسان مسالميين لما استهان بهم ..والله لو شعب تانى لقال ما لا يقال عند مرورهم بالسودان ..كان الحاجة الفلاتية الوحيدة التى تغسل موتى النساء..خلاص نستونا؟؟؟

European Union [ياسر يوسف] 03-09-2015 02:52 PM
وأنت أيش تطلع يا الما تفرق بين القاف والغين .. جاي تأصل في الناس ... ورينا الروتس حقك من وين.. أوعك تقول من الجزية العربية؟


#1223421 [دروتي]
5.00/5 (1 صوت)

03-09-2015 10:08 AM
مصاب بزهيمر
والأصل الناس كلهم من آدم .................لن ينفععنا نسبه
إذا كان أوباما أعلنوا أن السودان ولاية أمريكية ......


#1223419 [علي]
1.00/5 (1 صوت)

03-09-2015 10:04 AM
نشكر البروف للاجتهاد لربط اوباما النوباوي المهدي واسرته المنتمي للاشراف القريش لكن نطلب من الاخوة ما يهتمو بالموضوع الانتماء كتير غير مفيد المطلوب من هي فقط المعرفة وما كتر
ما الفائدة من انتماء اوباما للسودان و خليك الانتماءهمثلا لو شالو عدييل كدة من السودان مثلا زيكم المعلقين خطو رئيس في امريكا كاوباما ماتفيدونا بشي تبقي العقوبات علي اخوانك السودانيين تنفذ سياسات ضد السودان لا ن يا شباب امريكا ما زي السودان اى واحد يحكم البلد علي هواه دي دوله تحكمها مؤسسات رشيدة واعية بمصلحة امريكا
نحن سودانين كعاداتنا نحب الانتماء العروبة وخاصة اشراف القرىش ناسين انتماء العروبة والقريش لا يفيد دون الايمان والعمل الصالح ما اذن من المدعين اشرف الريش من ابو جهل رغم ذلك ما استفاد من عروبه بشي .
نحن السودان شعب تبعي لااسف الكلمة لكن الواقع يقول كدة افضل ما نعمله كسودانيين احسن نسيب التبعية والبحث علي من هو لا يفيدنا , نؤمن بسودانيتنا ونسير ونبتكر ما هو يفيد الامة والبلد


#1223414 [saif]
3.00/5 (2 صوت)

03-09-2015 10:01 AM
ابو اوباما عمك حسين من حتة فى كينيا اسمها حلة كوجرى يعنى بالترجمة بالعربى تبقى ( حلة خوجلى ) رايكم شنو ؟؟


ردود على saif
[أبوقرجة] 03-09-2015 12:06 PM
كلامك صح .. هههههههههههه

[سامي] 03-09-2015 12:03 PM
تمام انت كمان بروف كلامك مقنع .


#1223403 [دروتي]
0.00/5 (0 صوت)

03-09-2015 09:53 AM
هوس السودانيين إذا كان ذالك صحيحا ماذا يفيد
لماذا لم يصرح أوباما .


#1223391 [خلف خلاف]
4.50/5 (6 صوت)

03-09-2015 09:34 AM
وبرضو الرئيس الامريكي جيمي كارتر سوداني واصوله من دارفور وتحديدا قبيلة الزغاوة واسمه الاصلي جمعة خاطر . وماتنسوا البريطانيين كلهم من اصول سودانية وجدهم بريط هو توأم ربيط جد الرباطاب


ردود على خلف خلاف
[أنقابو -7] 03-09-2015 02:39 PM
خلف خلاف رائع ورهيييب!!

[أبوقرجة] 03-09-2015 12:07 PM
واضح أنك تعرف في الأنساب شديد ... علمنا بالله هههههههههههههه


#1223390 [حبوبتى السره]
5.00/5 (1 صوت)

03-09-2015 09:32 AM
تصدق باراك دة فيهو ملامح من حبوبتى السرة والعجب ان شلخوهو ياها الخالق الناظر . شوفو الدنيا دى ضيقة كيفن


#1223359 [ربوع السودان]
5.00/5 (1 صوت)

03-09-2015 09:06 AM
الترابي قال باراك اوباما كان مسلم واسمه مبارك ولما تنصر قلب الى باراك والقذافي رحمه الله قال باراك اوباما هو باراك ابو عمامة والان الباحث بقول هو ابو آمنة بعدين بعد ما تنتهي رئاسته لامريكا حيجي يعمل فصيل جديد ويحارب في دارفور


#1223355 [alhaj]
5.00/5 (2 صوت)

03-09-2015 09:02 AM
ابونا ادم ذاتو سودانى وامنا حوا كذلك


ردود على alhaj
United States [جلباق] 03-09-2015 03:44 PM
كلامك صاح لأن الانسان اتوجد في أفريقيا زي ما أثبت المؤرخون و منها كان الخروج لبقية العالم , و أقدم حضارة في أفريقيا هي حضارة كرمة , يبقى أبونا آدم و أمنا حواء عاشوا في السودان !!!

United States [سوداني] 03-09-2015 10:20 AM
نتنياهو زاتو ولدنا


#1223349 [ولد سيدنتو]
5.00/5 (1 صوت)

03-09-2015 08:58 AM
زمان قالوا نتنياهو من السودان ( من مروى ) وباراك حسين أوباما من السودان .. والرئيس المصري السابق انور السادات من السودان ( أمدرمان ) والرئيس التشادي إدريس دبي وحسين هبري من السودان .. بس يا ترى من وين حتكون الرئيس المصري الحالي السيسي ... من وادي حلفا .. تقريباًً منطلوب الأجابة من المأرخين وشكرا


ردود على ولد سيدنتو
[جنرال زمان] 03-09-2015 01:52 PM
السيسي بتاع مصر والسيسي بتاع دارفور أولاد خالات قالو!!!! وشتان ما بين هذا وذاك

[الجمصي] 03-09-2015 12:08 PM
شايقي من حفير مشو


#1223343 [الليل]
5.00/5 (1 صوت)

03-09-2015 08:51 AM
فيه حاجه اسمها ال DNA ما سمع بيه المؤرخ هذا ؟
بدل ما يبنوا علي مقالات ونسب مكتوب.
قالوا سيدنا بلال الحبشي من السودان؟ وهو ما يفرحنا؟
لكن دا ما عارف القصد منها شنو؟(ما يكون وراها سياسة)


#1223336 [سامي]
5.00/5 (1 صوت)

03-09-2015 08:46 AM
المؤرح هذا كلامه صحيح . وكل الزعامات الامريكية هذه من اصول سودانية وكمان كوندليزا رايس اصلها قونقليزا بت الريس مننا .


#1223329 [bullet ant]
5.00/5 (2 صوت)

03-09-2015 08:40 AM
الى دار العجزة ايها البروف المخرف



خدمات المحتوى


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة