الأخبار
أخبار إقليمية
مرشح رئاسي يطلب مناظرة البشير ويتعهد بحفر نهر صناعي
مرشح رئاسي يطلب مناظرة البشير ويتعهد بحفر نهر صناعي
مرشح رئاسي يطلب مناظرة البشير ويتعهد بحفر نهر صناعي


03-26-2015 11:28 AM
الخرطوم صابر حامد
دعا مرشح حزب إتحاد قوى الأمة لرئاسة الجمهورية، عبد المحمود عبد الجبار إلي مناظرة مع مرشح المؤتمر الوطني لرئاسة الجمهورية عمر البشير.
وكشف عبد المحمود خل، عن تبني قناة أم درمان لمناظرته ضمن برنامج "الميدان الشرقي" حال موافقة مرشح المؤتمر الوطني عمر حسن احمد البشير.
وأوضح أن قناة أم درمان خاطبت حزب المؤتمر الوطني بالأمر، وأنهم ينتظرون رد مرشحهم لرئاسة الجمهورية وأكد عبد المحمود عن جاهزيته لمناظرة البشير.
وكشف أن برنامجه الانتخابي يشمل حفر نهر صناعي من النيل الأبيض يمتد إلي ولاية كردفان الكبري حتى مدينة "مليط" بإقليم دارفور، وأوضح أن المشروع أطلق عليه "نهر كردفان"، وقال إن الهدف منه حل مشكلة المياه في إقليمي كردفان ودارفور ، والاستفادة من النهر في الزراعة وإقامة المشاريع الزراعية على ضفتيه.

الصيحة


تعليقات 15 | إهداء 0 | زيارات 4444

التعليقات
#1235774 [د. احمد حسن]
0.00/5 (0 صوت)

03-27-2015 08:27 PM
تاني مرة اشوف موية تمشي من منخفض الى مرتفع
طبعا بعد مشروع سندس ( الفضائي )


#1235661 [الناهة]
0.00/5 (0 صوت)

03-27-2015 02:49 PM
يجب ان يقبل الرئيس عمر البشير التحدي على اقامة المناظرة على الهواء مباشرة مع حضور للصحافة المحلية والعالمية والقنوات الفضائية واعطاء الامان للمرشح الرئاسي والصحفيين المحليين ليطرحوا اسئلة حول الفساد والافساد وتدمير مشروع الرهد والجزيرة وجبال النوبة وسودانير وخط هيثرو وسودان لاين واين ذهبت 11 باخرة وكيف تم تدمير السكة حديد وفساد مكتب والي الخرطوم والتحلل والصعوبة تابالغة في محاكمة مجرمي شركة الاقطان والضغوط التي مورست على وزير العدل وقضية كونتينرات المخدرات ومن احرق مستنداتها والحوار الوطني وانعقاده بالخارج واتفاقية نيفاشا وجريمة فصل الحنوب واضاعة الثروة البترولية ,تجنيب ايرادات الدولة وتحصيلها خارج اورنيك 15 او بنموذج منه وقضية ان اي نافذ عامل جمعية خيرية لمرتو والطرق الرديئة والكباري المعرضة للانهيار وحقيقة سد مروي ...الخ
يجب ان يقبل الرئيس البشير التحدي ومن حرصنا عليه فقد كشفنا له احرج مايمكن ان يواجهه ليجيب عليه حتى يفوز بالمناظرة بدون دغمسة
يجب ان يقبل الرئيس التحدي
ونراقب ونتابع


#1235456 [nagatabuzaid]
0.00/5 (0 صوت)

03-26-2015 10:16 PM
ذ وريث القذافى امشى كمل نهر القذافى المنية عاجلتوا قبل ما يكملوا وسحب مياه المنطقة الجوفية لتغذيته القذافى عرفناه انت اهار السودان دى كلها ما ملت عينك


#1235411 [محمد المكي ابراهيم]
0.00/5 (0 صوت)

03-26-2015 07:39 PM
بهذه الطريقة يبدو المشروع مخيفا وغير قابل للتنفيذ -مخيف من جهة التكلفة المالية وصعوبات التنفيذ ولذلك ربما كان من
الاصوب تجزئته الى عدة مراحل تبدأ مثلا بأنبوب مائي على غرار انابيب النفط لحمل مياه النيل الأبيض أو مياه النيل الكبير
الى أماكن في شمال كردفان ويكون هدفه الابتدائي سقيا الانسان والحيوان وربما أيضا الري البستاني. اما الزراعة فيمكن
ان تستمر في الاعتماد على الري المطري الى حين انجاز المراحل التالية للمشروع .بعد تلك الخطوة يمكن ان يتخذ المشروع
مئات الاشكال من حيث الأهداف وخطوات التنفيذ. ويمكن المفاضلة بين الحفر وتمديد الانابيب حسب طبيعة الأرض ونتائج التجارب.
ومن المأمول أن تؤدي تلك المشاريع الى نشوء مراكز حضرية جديدة على قدر كبير من الثراء يجعلها قادرة على تحمل تكاليف
التمديدات الجديدة او على الأقل المساهمة فيها. ويشمل المشروع أيضا استراحات او نقاط ارتكاز في الأماكن المنخفضة لتكوين
بحيرات صناعية تغير البيئة الطبيعية وطرق الحياة بشكل جذري.
ومأمول أيضان يتسبب تنفيذ المشروع في غطاء نباتي جديد يجذب مزيدا من الامطار للمنطقة وسوف نجد اننا قد اوقفنا الزحف
الصحراوي وشرعنا في غزو الصحراء نفسها واستعادة ما نهبت من أرضنا كما ان تجزئة التنفيذ تمكننا من تمويله مائيا من حصة
السودان الحالية والتي ظللنا نقدمها لمصر كسلفة مائية لا سبيل لاستعادتها
هذا هو حلم كردفان الك.برى ولكنه لا ينبغي تقديمه كشطحة تثير الضحك بسبب استحالة التنفيذ وانما كعمل مدروس ممكن التحقيق
وبمشاركة كل الأطراف.
لقد تأخر هذا الطرح زمنا طويلا ففي أيام الاستعمار كانت هنالك مطالبة بقناة نيلية تحل مشاكل كردفان ولكن البريطانيين اعتذروا
عن التنفيذ بالتكلفة الباهطة التي ما عادوا قادرين عليها في طروف ما بعدالحرب العالمية الثانية.ومع الاستقلال نسي الناس ذلك
المشروع ولكن ظروف المحل والقحط وشح الامطار اعادته الى مقدمة الصورة .ولا اجد مناصا من التحذير من طرحه بهذه الصور
الدونكشوتية.


#1235301 [محمد]
0.00/5 (0 صوت)

03-26-2015 05:02 PM
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه نهر صناعي في السودان والله اته اخير منك بشه بنجز كلامك ده لو سمعوهو المصرين والخلايجه بسووك نكته


#1235235 [كاره العنصرية]
5.00/5 (1 صوت)

03-26-2015 03:43 PM
أنت مفتكر نفسك في ليبيا ... السودان فيه 7 انهر وكانوا 12 نهر قبل الانفصال وغرب السودان يعوم فوق اضخم بحيرة جوفية في العالم وامطار موسمية تكفي وتزيد لو تم اصطيادها وحفظها بالطريقة الصحيحة ودون تكلفة تذكر وأنت يا ود الوز يا عوام جايي تعمل نهر صناعي ... شنو الخلق الابتلونا بيها الكيزان دي يعني حتى الكومباس بتاعكم متخلف يا كيزان


#1235192 [samy]
0.00/5 (0 صوت)

03-26-2015 03:02 PM
دا كلام زول منسق مع الكيزان .
أعوذ بالله


#1235148 [ابوصديق]
5.00/5 (1 صوت)

03-26-2015 02:11 PM
تناظر في شنو ..... عشان تقول احفر نهر صناعي وتفتكر عمر البشير حيرد عليك بانو مستعد لحفر 3 بدل واحد ماهو كلو كضب في كضب وبرامج انتخابية في الورق بس

وبعدين قول لينا كيف يمكن ان نستغل حصتنا من الانهار الموجودة والمياة المتدفقة والامطار الغزيرة بدل الهضربة الانتا فيها دي .

شكلك ماعندك اصلا برنامج عاوز تظهر في تلفزيون حسين خوجلي ساي وتضيق علي طلال حلفا

شي يجيب المرض


#1235146 [yahiakamal]
0.00/5 (0 صوت)

03-26-2015 02:07 PM
والله حمار الحطب دى لا عنده راس لى مناظرة ولا فاهم معنى مناظرة ولما يستوعب الحمار دايرين خمسة وعسرين سنة تانى وبى كدة تتعبونا سيبو الاهطل ينقلع ماعنده الشجاعة والقرار ليس فى يده هوه مجرد رخ فى الشطرنج يوجه ولا يوجه
بعدين الاعيب الانصار دى ماكنتو قبل كدة فى الحكم عملتوا شنوا خلاف دمرتو البلد ونهر شنوا البتعملو اذا كان سكان العاصمة والمدن التى حول النيل لا يوجد لديهم ماء بالاسبوع اقرب مثال اهل الصحافة ومايعانونه من انقطاع شوفوا حزب الامة لا يقل عن الموجودين ماتسمعوا اوصل نهر ولا اوصل ما توصل خلونا من كذبكم ونفافكم كلكم عجينة واحدة انتو وبهايم المؤتمر لا خير فيكم


#1235132 [AburishA]
3.00/5 (1 صوت)

03-26-2015 01:57 PM
مناظرة شنو ياخي.. انت قايل نفسك في كالفورنيا.. هو الندوات ممنوع الاقتراب والتصوير..تقول لي مناظرة..

** مشروع نهر السودان العظيم..دي بالغت فيها.. بدل النهر العظيم عايزين كبري "صغيّر كده" من سواكن لجدة..وتكون ما قصرتا..
**تطلع موسى هلال لحكم السودان مشروع كما لكل مواطن..الا ان السؤال هل هو مؤهل لذلك من سوابق الاحداث؟؟وسبق ان قال في اللقاء..سياسة بدون سلاح مضيعة للوقت..او كما قال...


#1235124 [adil a omer]
5.00/5 (1 صوت)

03-26-2015 01:54 PM
انتو يا اخوانا القذافى قام تانى ولا شنو !!!


#1235123 [ربش]
0.00/5 (0 صوت)

03-26-2015 01:52 PM
التحفر ك.......... فقعتو مرارتنا الله لا كسبكم يعني الشعب ناقص عاهات .. الجاثم 25 سنة علي صدورنا ده ما كفايه؟؟؟؟ .


#1235111 [sudani]
0.00/5 (0 صوت)

03-26-2015 01:36 PM
شكلك مفوت هو الانهار العندنا مستفيدين منها شنو ؟


#1235095 [ابومحمد]
0.00/5 (0 صوت)

03-26-2015 01:15 PM
خليك واقعي وانسى افلام الخيال الامريكية نحن نهر النيل عارفين ليه شيء


#1235063 [جنوبي]
5.00/5 (6 صوت)

03-26-2015 12:31 PM
النهر الصناعي خليهو ! نهر الله الطبييييييعي الشاقي البلد ده لقينا منو شنو !!؟ مشروع الجزيرة عطشان و البيوت في الخرطوم عطشانة !!
كدي يا سيادة المرشّح الكومبارس فكر لينا في حل للاستفادة من الموجود . لليلة ما نسينا الخصموا مننا شان ترعتي كنانة والرهد كمان جايبو لينا نهر عدييييييييييييل .!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة