الأخبار
أخبار إقليمية
الميرغني يصادق على فصل قيادات الاتحادي
الميرغني يصادق على فصل قيادات الاتحادي
الميرغني يصادق على فصل قيادات الاتحادي


تدافع كثير من المريدين لتقبيل يدي الحسن
03-28-2015 10:40 AM
الخرطوم: الهضيبي يس
أمسك مسؤول التنظيم بالحزب الاتحادي "الأصل" الحسن الميرغني، عن مخاطبة الحملة الانتخابية لحزبه بمنطقة "مايو" جنوبي الخرطوم، واكتفى بالتلويح بيديه لجماهير وقواعد حزبه التي حضرت إلى الاحتفائية، في وقت تدافع فيه كثير من المريدين لتقبيل يديه، ينما خاطب عضو المكتب السياسي بالحزب مجدي شمس الدين الجماهير التي ارتادت الفعالية.
وكشف عضو الهيئة القيادية والمكتب السياسي بالحزب الاتحادي الديمقراطي (الأصل) المعتصم حاكم عن مصادقة رئيس الحزب محمد عثمان الميرغني على قرارات الجنة القانونية التي قضت في وقت سابق بمحاسبة وفصل كل من طه علي البشير ود. بخاري الجعلي ونايل ود. علي السيد وآخرين. وقال حاكم في تصريح لـ(الصيحة) إن الحزب الاتحادي الديمقراطي باتخاذه هذه الخطوة بدأ في مسار جديد نافياً وجود مبادرة بقيادة علي أحمد الميرغني لرأب الصدع بين قيادة الحزب والمجموعة المفصولة، ولفت حاكم إلى أن تدشين الحزب لحملته الانتخابية من منطقة الخرطوم جنوب تأكيد على مسعى الاتحادي في حل قضايا الخدمات من المياه والكهرباء والصحة والطرق بهذه المنطقة ووصف حاكم زيارة نجل أحمد الميرغني للخرطوم بالعادية في ظل التواصل الاجتماعي الأسري وليست لها اي دواعٍ سياسية.
من جانبه قال عضو المكتب السياسي بالحزب الاتحادي الأصل مجدي شمس الدين خلال مخاطبة احتفائية انطلاقة الحملة الانتخابية للحزب والتي حضرها الحسن الميرغني بمنطقة مايو بالخرطوم امس إن حزبه وضع برنامجاً انتخابياً متكاملاً تطرق الى مجمل القضايا السياسية والاقتصادية والعلاقات الخارجية فضلاً عن رؤيته لتعديل الدستور وحل قضايا البلاد في مناطق الصراع والنزاع المسلح ونقص الخدمات مطالباً المواطنين بالوقوف مع الحزب والتصويت له.
صحيفة (الصيحة)


تعليقات 25 | إهداء 0 | زيارات 4802

التعليقات
#1237178 [adil a omer]
0.00/5 (0 صوت)

03-30-2015 12:27 AM
اصحوا يا ناس انكم فى شرك عظيم ولا يفلح المشركون


#1236967 [احمد]
0.00/5 (0 صوت)

03-29-2015 04:11 PM
يا جماعه افتونا الحسن دا ياهو ذاتو راجل تسابيح خاطر ولا حسن تانى.
طبعا تسابيح اجمل مذيعه مرت على السودان من(1956 وحتى 2015)


ردود على احمد
European Union [زول] 03-29-2015 05:01 PM
ههههه جمال شنو وحمير شنو يا طرورة
وبعدين تسابيح دي عصاية ساي لا شحم لا لحم، ما يغشك اللون والبودرة دي ساي يا جنى


#1236877 [عودة ديجانقو]
0.00/5 (0 صوت)

03-29-2015 01:51 PM
كانت تسمى مدرسة الأشراف التى كان يدرس فيها كانت تتكون من 5 تلاميذ 5 أساتذه والحصه لا تبدأ الا بحضورهم ولما تخرجوا أغلقت المدرسه ابوابها نهائيا حتى لا تدنس بالعبيد.

أتحدى أى واحد لو زاملهم فى الدراسه.
أتحدى أى واحد لو عنده معاهم صلة قرابه او نسب.
أتحدى أى واحد لو أكل معاهم فى صينيه واحده.


ردود على عودة ديجانقو
European Union [مغلوب علي أمره] 03-29-2015 07:11 PM
أنا قريت الوسطي مع واحد من اولادهم علي ما اظن اسمه محمد في مدرسة سنكات المتوسطة سنة 1984 وكنا بنفطر سوا


#1236876 [sasa]
5.00/5 (1 صوت)

03-29-2015 01:50 PM
انا لله وانا اليه راجعون الله يرحمك رحمة واسعة ويغفر لك يافقيدنا ياسوداننا ياوطننا يابلدنا



متى اخوتى نتخلص من الجهل الطائفى


منه العوض وعليه العوض


#1236860 [طارق الباز]
5.00/5 (2 صوت)

03-29-2015 01:10 PM
هذا المرغنى لا يصلح ان يدير حواشة قطن, متخلف سياسى وكمان متملق للحكومة احسن يتم باقى عمرو فى اكل الفته والسفر بين الخرطوم القاهرة لندن على حساب مقبلى الايادى الجهلة.


#1236791 [Salah El hassan]
0.00/5 (0 صوت)

03-29-2015 11:41 AM
سوف ارد على ابو محمد و يبدو انه مولغ من قمة رأسه حتى اخمص قدميه فى وحل هذه الطائفية فأنا التمس له العذر ...!!!!


#1236539 [وطنى]
5.00/5 (3 صوت)

03-29-2015 07:22 AM
ده حال اهلنا السودانيين مجموعة تقبل ايادى ال الميرغنى ومجموعة تقبل ايادى ال المهدى ومجموعة ترقص مع البشير لاعلى كلمة الدين ومجموعة بتحلم بالسلطة والثراء مع حرامية المعارضة الجعانيين للسلطة والمال والله يرحمك ياوطنى وينصرك على ابناءك قبل اعدءك


ردود على وطنى
United States [الضكر] 03-29-2015 10:45 AM
هكدا حال من يدعون المعارضة يطعنون في رمز من رموز المعارضة ادب واخلاق وحياء الامام الصادق المهدي ماحصل يده بالرغم انها انظف الايادي التي حكمت السودان وانزهها انها قبلت من مجموعته يامن تدعي الوطنية رائنا من يقبلون ايادي الميرغني وابناءه وغيرهم ورائينا من يحملون احزيتهم وراينا من يطبل ويقبل ويتململ في الارض من اجل رضاء البشير ولم نرى اتباع المهدي هكدا يامن تدعون الوطنية والمعارضة الدينمو المحرك لها هو حزب الامة وكيان الانصار النبع وترعرع من صلب الشعب السوداني فالجمرة تحرق الواطيها وغير الانصار ومن هم حزب الامة ماف زول واطيها والتاريخ البعيد والقريب والحاضر والمستقبل يشهد على هدا هكدا قدرنا نحن الأنصار وحزب الامة نحرق وتشتم ويساء الينا لينعم المرتزقة والدخلاء والأراعن والحمقاء وفاقدي الضمير وفاقدي الكلمة الحقه وفاقدي الادب والاحترام والتقدير لشخصية اعطت وما ابقت فشتان مابين المهدي والميرغني والبشير ياسفله ياابناء الكارة


#1236486 [alsudany]
5.00/5 (1 صوت)

03-29-2015 02:43 AM
وكت مصرين تقبلوا الايادى قبلوا اليمين بالله
مافى زول قاعد يغسلوا فى الحمام


#1236483 [كمال عبيد]
5.00/5 (1 صوت)

03-29-2015 02:03 AM
لسه بتدافعوا لتقبيل يده...؟ يبقي عمرالشير احسن يقعد..لانه كلهم وسخ وبعض شعب السودان يحب الازلال


#1236320 [AburishA]
0.00/5 (0 صوت)

03-28-2015 08:03 PM
وفصل كل من طه علي البشير ود. بخاري الجعلي ونايل ود. علي السيد وآخرين.
** تاني فضل منو؟ غير الميرغني وولده,,,
في وقت تدافع فيه كثير من المريدين لتقبيل يديه، وين الجماعة المخلصين الذين يتنافسون على شيل النعلات؟؟ والله ياناس الاتحادي بقيتوا مضحكة واللهم لا شماتة,,,


#1236277 [ضياء الدين بشير أبولاكوعة]
5.00/5 (1 صوت)

03-28-2015 06:26 PM
مين يصدق معتصم على حاكم والذى كان شعلة من نور وكان فى كل الليالى السياسية للدائرة 44 أمدرمان معقول كان يدير ويخاطب الجماهير ويتكلم وكانة اسماعيل الازهرى ويلعن ويسب فى الختمية النسجيلات وكل شئ موحود مافاكرك كنت غواصة والسياسة خساسة


#1236248 [ابو عافية]
5.00/5 (1 صوت)

03-28-2015 05:24 PM
يا معتصم حاكم حاول اخجل مرة . هسة البتعمل فيهو دا كنت عايز تعملو فى الحركة الشعبية لمن مشيت انضميت ليها ؟


#1236213 [سمير الحسين / كســــــــــــلا]
5.00/5 (1 صوت)

03-28-2015 03:34 PM
التور الجنب سيدي ده ماش يضبحو متين ؟


بالله ما تنسونا من العضة يوم الضبح .


#1236186 [Mat too]
5.00/5 (1 صوت)

03-28-2015 02:40 PM
يا أبوعلي ده حزب ولا زريبه؟ طبعا زريبه والراعي انت ياالحسن معقول كمان أعلنت مكتب سياسي جديد المعتصم
حاكم ،ومجدي كوره واسامه حسون المخخنجي ومرشحين جمال ابوعنجه وماذدا ومحمد مرغني ويور وباكمبا والله
ياهو شبهكم ،من هولاء ومن اين أتوا ؟
ولد يا الحسن انت صدقت انك الحسن صاقعت النجم ، لا والله انت الحسن المفلس السمسار ،الذي نقض الغزل بعد
ان كان قويا متينا، وراحت عليك تبدل البروف بخاري الجعلي بالمعتصم حاكم بتاع الحركه الشعبيه ناس قرنق وتبدل
الحكيم طه علي البشير الحكيم رجل المال والأعمال بالصعلوق مجدي شمس الدين الذي يعيش علي اتوات الكره و
الشحده. يا ولد بالغت والله العملته في حزب الحركه الوطنيه ما عمله خليفه في صحن فته .
قالوا مولانا وافق علي فصل المجموعه ،هو علي كيفه وده حزب ولا دكان البصيري ،رب ضارة نافعة والايام بيننا و
نشوف منو سوف يطرد منو يا ابوجهل يا ابو علي العجيب!!!!!!


#1236159 [الحقيقة مرة]
5.00/5 (1 صوت)

03-28-2015 01:39 PM
في ناس كتار حيتحرمو من بوس الايادي وشيل الجزم لانو اصلا الافغاني ول ايراني دا كان ما جدهم محظوظ انو حل بقوم طير مثلنا هسا اكون فاتح فرن تميس في قواتيمالا


#1236137 [الكردفاني العدييييييييييييييييييييييييييييييييييييييل]
4.30/5 (7 صوت)

03-28-2015 12:50 PM
بس لو في واحد ..... شاطر .... يحل لينا لغز ..... الجلابية .... دي ..... يكون عمل معروف ............. كبير .....خلاص .. .. لانه اعيتنا الحيل .... ؟؟؟؟؟؟؟؟؟؟؟؟؟


ردود على الكردفاني العدييييييييييييييييييييييييييييييييييييييل
European Union [سوداني] 03-28-2015 01:57 PM
انت روح في سودان نفر كتير بنقالي يعيش سوا سوا وخلاس بقى سوداني..


#1236134 [الكردفاني العدييييييييييييييييييييييييييييييييييييييل]
4.40/5 (8 صوت)

03-28-2015 12:47 PM
حسبنا الله ..... ونعم الوكييييييييييييييل ...... مصايبنا ليست في الارجاس ..... بل ...انها كم متراكم من .... المغصات ..... والمرارات ....... هذالرجل لا يحترم ... قيادات تاريخية .... بحزبه.... فكيف ..... يرجى منه خيرا ...... لبلده .... ان الذي لا يسطتيع التعامل السلس مع اسرته...... حتما ..... غير مؤهل لقيادة وحل مشاكل ....شعبه .... وهذا ما يفعله الميرغني مع .... اطراف النزاع.... والغريب ان البعض ما زال يصفه بالحكيم .... !!!!!

اما المهدي ...... فكان حل نزاعه .... مع الاخرين ..... ( الباب بفوت جمل .....) يعني الدايرنا ..... كده ... مرحبا به ... تابعا ذليلا ..... يقبل الارجل والايدي ... ويتمسح بالاحذية .... المباركة ..... واما من اراد ..... مقارنة الرؤوس .... فمن اعطاه ....هذه الافضلية ..... من ..........!!!!!!!!!!!!


#1236133 [Salah El hassan]
4.73/5 (11 صوت)

03-28-2015 12:45 PM
لعنة الله عليكم و على هذا التخلف اتحدى اى واحد من الشعب السودانى ان يثبت لى ماذا قدمت اسرة على المرغنى او اى فرد منهم للمواطن السودانى ..؟؟؟؟
هل بنو مدرسة ؟؟؟
هل بنو مستشفى .؟فى اى مكان فى السودان .؟
هل فتحو جامعة او كلية فى اى مكان فى السودان ؟؟
ام هل ارسلو بعض الطلبة المتفوقين للدراسة الجامعية على حسابهم خارج السودان .؟ مثل ما يفعل بعض اثرياء الخواجات و بعض اثرياء العرب المسلمين .؟ كمثال لهولاء سعد الدين الحريرى عليه الرحمة منذ اكثر من 30 عام كان يتكفل بتحمل نفقة دراسة 30 طالب سنويا قى الجامغات الاوربية و الامريكية على نفقته .!!!و قد وصل عدد الذين تعلموا على حسابه حتى الان اكثر من 5الاف طالب ..
بالله لماذا نقدس امثال هولاء لماذا لماذا ..؟؟؟؟؟هل لأنهم مثل ما نسمع ينتمون اللا ال البيت .؟؟؟
الم يكن اب لهب عم الرسول .؟؟؟؟؟؟


ردود على Salah El hassan
European Union [nyala] 03-29-2015 08:57 AM
التحية لك الاخ صلاح . لكن من المؤسف مثل امثال بعض الاشخاص رغم تطورهم المعرفي لكن مازلو يحملون احزية سيدهم ويغلقون انفسهم في سجن الدونية والتبعية فالتذهب صنائع الانجليز التي اوجددت مثل هؤلا الديناصورات الذين يفترون تاريخيا بانتمائهم للال البيت و إن يكون فإنهم بشر

United States [ابو محمد] 03-28-2015 07:42 PM
(اتحدى اى واحد من الشعب السودانى ان يثبت لى ماذا قدمت اسرة على المرغنى او اى فرد منهم للمواطن السودانى )
انتهى
سوء ادبك وجهلك المولغ في السقوط يمنعنا من الرد عليك !!!

[خليكم واعيين] 03-28-2015 01:43 PM
أخي صلاح السلام عليكم ورحمة الله
يقول المصطفى صلى الله عليه وسلم في حديثةعَنْ أَبِي الدَّرْدَاءِ رضي الله عنه: سَمِعْتُ رَسُولَ اللَّهِ صلى الله عليه وسلم يَقُولُ:" إِنَّ اللَّعَّانِينَ لَا يَكُونُونَ شُهَدَاءَ وَلَا شُفَعَاءَ يَوْمَ الْقِيَامَةِ".

والله يا أخي انا أرثي من اسمعة يقول هذه الكلمة (لعنة الله) أسال الله المغفرة لي ولك وللمسلمين اجمعين
ولك مني كل الود


#1236132 [رحمي]
4.74/5 (8 صوت)

03-28-2015 12:43 PM
هههه الزول ده لو كبر عمته وسوا ليه قناة باسم بحري يقدر ينافس عمر الجزلي


ردود على رحمي
[nasr] 03-28-2015 01:58 PM
قول ينافس حسين خوجلى...............


#1236105 [مصباح]
4.66/5 (11 صوت)

03-28-2015 12:11 PM
بالله شوفو الزول دا شبعان وتريان وسمين وخدوده " منفخة " كيف؟
دا هسة من بلد برضو مواطن بلد جعانة وعايشة على الإغاثة والتسول وناسها غالبيتهم مالاقين حق وجبة واحدة بسيطة جداً في اليوم ؟


#1236103 [النازف]
4.87/5 (8 صوت)

03-28-2015 12:04 PM
هل مجدي شمس الدين هو سكرتير اتحاد كرة القدم؟
شبهينا واتلاقينا


#1236086 [محمد الامام على]
4.86/5 (11 صوت)

03-28-2015 11:42 AM
البلد دى لسه فيها ناس عايشه فى غيبوبه يا ناس وحدوا الله الذى بيده ملكوت كل شىء


#1236081 [خليل]
4.97/5 (12 صوت)

03-28-2015 11:39 AM
"أمسك مسؤول التنظيم بالحزب الاتحادي "الأصل" الحسن الميرغني، عن مخاطبة الحملة الانتخابية لحزبه بمنطقة "مايو" جنوبي الخرطوم، واكتفى بالتلويح بيديه لجماهير وقواعد حزبه التي حضرت إلى الاحتفائية، في وقت تدافع فيه كثير من المريدين لتقبيل يديه، "


شفتو المحن والتخلف والجهل والقبح والسخف دا!!

السيد ومريدينه الإتنين معقول الناس والبلد يتوقعوا منهم خير! أو فيه اى أمل ؟
من زى ديل واااا أسفاى حقيقة وا أسفاى


ردود على خليل
[سمير الحسين / كســــــــــــلا] 03-28-2015 03:30 PM
أي و الله صدقت ال 2 ديل طبيعي يعملوا أي حاجة لكن اللوم الأكبر يقع على العواليق التبع


, مصايبتنا ما حتنتهي ليوم الدين طالما في مريدين و ماسحي جوخ و حملة شباشب و أحذية و لاعقي


.................................... , اللهم أحفظنا .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.73/10 (10 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة