الأخبار
أخبار إقليمية
حشود تستقبل البشير بمطار الخرطوم تأييدا لقرار المشاركة في عاصفة الحزم
حشود  تستقبل البشير بمطار الخرطوم تأييدا لقرار المشاركة في عاصفة الحزم


03-29-2015 10:59 PM
الخرطوم (سونا)- استقبلت حشود كبيرة من المواطنين اليوم المشير عمر البشير رئيس الجمهورية بمطار الخرطوم عقب عودته من شرم الشيخ بعد المشاركة في القمة العربية في دورتها السادسة والعشرين وزيارته للمملكة العربية السعودية.
ويأتي الحشد في إطار التأييد الشعبي السوداني لقرار الحكومة المشاركة عسكريا في العمليات التي تنفذها قوات التحالف العربي ضد الحوثيين في اليمن حيث شاركت قطاعات كبيرة من الشباب والطلاب والمرأة والطرق الصوفية ومنظمات المجتمع المدني المختلفة.
وعبرت الحشود في هتافاتها عن تأييدها للرئيس البشير ولقرار المشاركة في عاصفة الحزم ضد الحوثيين في اليمن مرددين عبارات داعية للدفاع عن أمن الحرمين الشريفين ومساندة لشرعية الرئيس عبدو ربه منصور هادي .
ورفعت الحشود لافتات كتب عليها "نحن معك يا البشير" و"نعم للشرعية في اليمن" و "معا للدفاع عن أمن الحرمين الشريفين".


تعليقات 15 | إهداء 0 | زيارات 6376

التعليقات
#1237483 [المشروع]
5.00/5 (2 صوت)

03-30-2015 11:30 AM
اعتقد انه تأييد حقيقي وليس مفتعل وهذا يؤكد ان التأييد للسياسة والخطوة التي أتخذها البشير وليس للبشير في حد ذاته وكم من مرة سافر وعاد دون ان يكترث احد بسفره او عودته من الخارج..

والتأييد الاكبر الذي سسيناله البشير سيكون عند انفصاله ايضا عن الذباحين وعن الحركات الاسلامية المسلحة الداعية للعنف من اجل استلام السلطة في بلدها باسم الدين وعند انفصاله عن التنظيم الدولي للأخوان المسلمين
ولن يتم ذلك الا بعد ان يتم قطع الحبل السري الرابط لهذه الحركات المسلحة والتنظيم الدولي الخارجي واعلان تبرأه منها وانهاء خدمة القائمين على رعاية مصالحها في الحكومة السودانية.


ردود على المشروع
European Union [الحــــداحيد - أم عويدات] 03-30-2015 12:08 PM
بعـــــــــــــد ايه جيتا...................


#1237459 [ابومحمد]
5.00/5 (3 صوت)

03-30-2015 11:04 AM
شعبية شنو ديل طلبة ومنتسبي حزب البشير من المسترزقين


#1237393 [جني]
5.00/5 (4 صوت)

03-30-2015 09:44 AM
سبحان الله البشوف ناس الراكوبة يقول البشير ما عندو شعبية والواضح ان البشير يحظى ب95% من تأييد الشعب السوداني


ردود على جني
[اسلامي] 03-30-2015 11:57 PM
لو جات المعارضة الحكم هل كانت ح تحل كل هذه القضايا ام انها ح تتحارب في بعضها علي الكراسي وتفلقونا تاني علي الشاشات بالخلافات ؟هل ح تسكت المعارضة من النبيشة لبعضها لا اظن ام انها ح تقتتل في بعضها وتتمرد كما كانت قبل البشير صدقني هذه الساقية ح تلف بلا مصير وح يضيع الشعب الذي ضاع وشرب من الحسكنيت لا يمكن ان تجتمع هذه المعارضات المختلفة والمتخلفة فكريا والمتمزقة اجتمعيا والناقصة عقليا والمجتمعة حاليا من اجل اسقاط النظام لايمكن ان تتوافق ابدا وانا اكاد اجزم لو ادخلوا هؤلاء المعارضة جميعهم الي القصر ستكون العداوة بينهم اشد واشرس من الان لذلك دعهم الان مع بعضهم يتهنون علي الاقل ياكلون مع بعض لو دخلوا القصر امكن حتي الاكل والشرب يقيف في حلوقهم هم الان مبسوطين مع بعض لماذا ننكد عليهم وننغص عيشهم واذا اتي فصيل منهم اكيد ومية المية سيتمرد الاخرون لان العقلية المعارضية هي متعودة علي كدا وانا حسب فهمي المتواضع دي قلة حياء امام الشعب وعدم احترام للسودانين فقط يحبون انفسهم حبا جما لاغير ولايحبون بعضهم ابدا وانا اسالك اي حكومة جات الحكم حلت ولو نصف ماذكرت لم يشتغلوا بالحلول ولم يفكروا في الحلول لانهم هم من يريد كل هذه الامغاص التي ذكرتها اخي الفاضل صدقني لاتعول علي المعارضة السودانية في شئ بل اظن خراب الحكومة افضل منهم

[قال شعبيه قال] 03-30-2015 10:45 AM
خليها ميه في الميه كويس ومافي معارضه وكل الشعب راضي عن البشير وانجازاته وعن العلاج والتعليم المجاني والمرتبات العاليه والسكن المتوفر والمياه الصالحه للشرب وعن الاستقرار والامن والحريه والسلام والشفافيه الاداريه والمعاملات التي تنجز في خلال اليوم الواحد ايا كانت وانا شخصيا راضي عنه لانه عندي عماره 3 دور وراتب بالدولار وبشرب مياه صحيه واطفالي في احسن المدارس عشان كدا كل الشعب راضي عنه صح ؟
الله يهديك الله يهديك مافي فرق بينك وبين شبيحة بشار الاسد لانه شكلك حتكون شبيح البشير ضد الشعب مستقبلا

European Union [خالد حسن] 03-30-2015 10:44 AM
كان عنده شعبيه كان بستأجر شفع الخلاوي عشان يكبر كوموا في الندوات
خلي شعبيته دي تفوزوا ... الفلم ده خشيناه في زمن الدكتاتور نميري .. كان بلبس العساكر مدني عشان يقولوا انه عنده شعبيه

Russian Federation [عزمي سند صالح] 03-30-2015 10:44 AM
95% ؟ خخخخخخخخخخخخخخخخخخخخخخخخخخخخخخخخخ
ههههههههههههههههههههههههههههههههههههههه
والله ضحكتني يالجني ...!!!!!!!!!!!!!!!!!!
صحي الجمل مابشوف عوجة رقبتو .!!!!!!!!!


#1237314 [bullet ant]
4.50/5 (5 صوت)

03-30-2015 08:23 AM
الرجرجة تستقبل الطاغية


ردود على bullet ant
[quickly] 03-30-2015 11:00 AM
فعلاً رجرجةو دهماء
يٌخيل لي احياناً انو مافي رجل سوي قاعد في البلد ديك
كلووولهم هاجروا خارج السودان
ولم بتبقى غير هؤلاء السوقية

دا قرار مشاركة بثلاثة طائرات هكر فاضحنا بيهم وخلى العرب يتندروا علينا ويسخروا
,,,,,امال لو حرر اليمن حيعملوا شنوا؟!!

ويحي واحد من الرجرجة يقول ناس البكتبو ديل معارضين حاقديين مابعرفوا يفرقوا بين الوطن والحكومة


#1237309 [محمد الفاتح]
5.00/5 (2 صوت)

03-30-2015 08:19 AM
بس أنا أدوني فرصة في الشيوعية والشيعة


ردود على محمد الفاتح
United States [كاره الشيوعيين والكيزان] 03-30-2015 11:22 AM
الضرب في الميت حرام


#1237288 [زول]
4.75/5 (7 صوت)

03-30-2015 07:59 AM
راكب المايباخ والناس ما لاقية موية فول وبرضو جارين وراك
صحي شعب منقرض وما فضل غير الحشرات هي البتجري وراك


#1237278 [القريش]
5.00/5 (8 صوت)

03-30-2015 07:48 AM
مواطنين شنو؟ ديل امن ولجان شعبيه واتحاد طلاب ومرأه وهيئه علماء السلطان وشئ من هذا القبيل!زيتكم فى بيتكم كيزان صرف!


#1237255 [التلب]
5.00/5 (5 صوت)

03-30-2015 07:03 AM
كل الشعوب العربيه التى شاركت قواتها فى حرب اليمن وشارك زعماؤها فى قمة شرم الشيخ وعادوا الى بﻻدهم لم تخرج ﻻستقبالها ﻻحشود وﻻ زول واحد فقط عدا اﻻستقبال البروتكولى - إن وجد - !! يبقى ما المقصود من هذا الهوس ؟؟
ربما يكون اكثر من احتمال ( برغم يقيننا ان هذا الحشد مدفوع الثمن !! وبيادق شطرنج جاهزه تحت الطلب للتحريك !! ) ﻻننى اعتقد ان معظم الشعب السودانى لم يكن على علم بوصوله !! اذن ماذا يعنى هذا ؟؟.. فهل الكيزان قد خافوا بالفعل وارادوا ان يبرهنوا له انهم من يملكون الشارع وانهم من فى مقدورهم من يستطيع تحريك الشاارع ؟؟ ام ان فيهم من ( همس له فى اذنه ) ( هوى يازول نحن القاعدين ندق ليك وترقص !! وواعك تنطط لى دق زول آخر ؟؟ ) ام ارادوا بذلك ان يطرطشوا موضوع ايران ليكون البديل على اﻻقل فى الوقت الراهن ( حماية الحرمين الشريفين ) حتى تهدأ العاصفه !! ام ﻻهذا وﻻذاك بل مزيدا من استغﻻل عواطف السذج الدينيه لرفعهم ( حماية الحرمين الشريفين ) ام ماذا ؟؟


ردود على التلب
European Union [المجاهد] 03-30-2015 05:58 PM
الشعب ماعارف حقوقه .


#1237233 [سكران لط]
5.00/5 (3 صوت)

03-30-2015 05:57 AM
الكلام دا فيهو انه ؟ هل البشير من مشى السعودية بدعوة مارجع الا بعد حضور قمة شرم الشيخ ؟
يعني الريس اعلن مشاركتو في العاصفه وهو محجوز في السعودية ؟ طيب اذا ما كان محجوز قاعد ليه ؟ واذا كان جاء السودان ورجع تاني ليه ما استقبلتو الجماهير ؟ الفار لعب في عبي يا جماعة حد ينورنا رجع بعد قرار الحرب ام دا اول رجعه من يوم استدعو؟؟؟؟


#1237209 [المبتسم]
5.00/5 (3 صوت)

03-30-2015 04:20 AM
الجهل مصيبة


#1237208 [عودة ديجانقو]
0.00/5 (0 صوت)

03-30-2015 04:08 AM
نحن كده رجعنا للمربع الأول لأنه المنظر ده ذكرنى يوم 30/06/1989 .. مضت 26 عام من التخطيط وها نحن ندخل 26 عام من التنفيذ.

*** عذرا سيدى المشير لم نفهم قصدك حينما وصفتنا بشذاذ الافاق وكنت تعنى إننا نوابغ.

*** عذرا فخامة الرئيس مبارك لم نفهم قصدك حينما وصفتنا باننا شعب رعاع بعد محاولة إغتيالك وكنت تعنى إننا شعب رائع.

*** عذرا صدقى باشا لم نفهم قصدك حينما قلت بعد استقلال السودان مباشرة لم يحن الوقت بعد لنحكم أنفسنا لأننا غير جديرون وغير مؤهلون وكنت تعنى ان نأخذ قسط من الراحه بعد النضال ضد المستعمر.

*** عذرا شعبنا معلم الشعوب ونظرتك الثاقبه فى قراءة المستقبل واختيارك البشير كأفضل حاكم أنجبته البشريه وكنت تعنى أصبروا الخير جاى وراء.


#1237198 [السوداني]
5.00/5 (5 صوت)

03-30-2015 02:13 AM
حشود شنو ديل ناس المؤتمر الوطني وناس الامن بالملكي واتحادات المرأة امرأة والطلاب والمزارعين والدفاع الشعبي والمطبلاتية .. قال حشود نحن كنا في نصكم وعارفين اللعب دا لكن بقى مكشوف للسودان كلو


#1237183 [مصباح]
5.00/5 (2 صوت)

03-30-2015 12:45 AM
الشعب اللي بقولوا عليه واعي وناقش ومنقط السياسة دا أنا ماشفت لي شعب بينسى بسرعة وممكن ينخدع بسهولة مثله !!


#1237172 [العطار]
5.00/5 (3 صوت)

03-30-2015 12:18 AM
ياريت تكمل جميلك وتعلن حالة الطواري فى البلاد وتحل كل الاحزاب السياسيه بما فيهم المؤتمر الوطنى وتسلم البلد للقوات المسلحه


ردود على العطار
European Union [المجاهد] 03-30-2015 06:02 PM
والاتنين ماسونيين هو والترابي .

[quickly] 03-30-2015 11:12 AM
يا أخ ايهاب نميري قال للفنان البعيو
ماعندنا في الجيش عسكري برقص ويتراقص وخيروا بين الاستمرار في العسكرية او الغناء
ياربي هسي نميري لو قام من قبروا ولقى رئيس الدولة قدامو كل يوم بتراقص ويهز أردفه امام السوقية زي فيفي عبدو
حيكون موقفه شنو؟ ,,,المرجلة والضبط والربط انتهت بالجيش مع قدوم البشيرالرقييص

رحمه الله عليه أب عاج دراج المحن

European Union [خالد حسن] 03-30-2015 10:40 AM
يابتاع جمايل البشير والكان حاكمنا ومطلع ميتينا 26 سنه ده كان جيش بني قريظه ... الواحد قبل مايفك ليه دراب عبر الاثير يفكر شويه عشان راسنا ده اتورم من الفليق

[Ehab] 03-30-2015 06:07 AM
كلامك دا يتقال لي نميري الله يرحمه لي عبود الله يرحمه لي أي ضابط مالي مركزوا وعينوا ملانه وجاي شبعان من بيت أبوه.... البشير رجل مستجد نعمه وعاجبوا الزيطه والزمبريطه والهوت دوق الآكلوا في القصر الجمهوري عشان كدا همه كلو كيف يتم قاعد في القصر وحريقه في الشعب السوداني واي مبادي وأخلاقيات ..الزول دا رخيص جداً



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة