الأخبار
أخبار إقليمية
الاتحادي الأصل: الحسن سيعود إلى البلاد خلال أيام
الاتحادي الأصل: الحسن سيعود إلى البلاد خلال أيام


04-21-2015 03:23 PM
الخرطوم: قطع ﺍﻻتحادي الديمقراطي ﺍﻷﺻﻞ بعدم وجود خلافات بينه وحزب المؤتمر الوطني، في ذات الوقت الذي أكد فيه عودة رئيس قطاع التنظيم بالحزب محمد ﺍﻟﺤﺴﻦ ﺍﻟﻤﻴﺮﻏني للبلاد خلال أيام.
وقال القيادي بالحزب ميرغني علي مساعد- للمركز السوداني للخدمات الصحفية: إن الحسن غادر إلى القاهرة لأسباب شخصية وليس لخلافات بسبب الانتخابات أو احتجاج على تمديد فترة الاقتراع، واصفاً الحديث في هذا الصدد بالتأليف، مبيناً أن الحسن في رحلة خاصة وسيعاود أعماله في البلاد خلال أيام، وأشار إلى انشغالهم بالانتخابات ونتيجتها التي ستعلن في 27 أبريل الجاري.
وأكد ميرغني أن الحديث والتصريحات بوجود خلافات بين الاتحادي والمؤتمر الوطني تضر بمصلحة البلاد.

التيار


تعليقات 10 | إهداء 0 | زيارات 1578

التعليقات
#1252433 [زول]
0.00/5 (0 صوت)

04-22-2015 04:38 PM
المشكلة مش الحسن او ابوه . المشكلة من القوادين امثال ميرغنى حسن مساعد ومحمد المعتصم حاكم و حاتم السر و شمس الدين الدرديرى و لؤى وهشام عوض البارى . العواطلية عارفين يعملو وﻻ يشتغلو شنو . ديل هم السبب فى وجود واستمرار مصاصى الدماء امثال المرغنى والصادق المهدى واوﻻدهم . ديل هم المفروض ان يتم عقابهم و ازﻻلهم و حسابهم لانهم هم اكثر الناس معرفة بهؤﻻء المستهبلين ولكنهم اخفوا هذه المعرفة على الناس بل شاركوهم فى الجريمة التى فى حق اهل السودان المساكين باسم الدين تارة وباسم الوطنية تارة اخرى والتى ﻻ يؤمنون بمقدار خردلة منها .


#1252228 [مدحت عروة]
0.00/5 (0 صوت)

04-22-2015 11:39 AM
عدم استمرار الديمقراطية هو السبب فى اطالة عمر الطائفية لانه اذا الديمقراطية استمرت كانت نشات احزاب جديدة وبافكار جديدة وقيادات جديدة من صلب الشعب تخضع للمؤسسية الحزبية وتتغير بعد مدة رئاسية معينة الخ الخ او كانت الاحزاب الطائفية اتغيرت من الداخل بشباب وقيادات جديدة وبرامج جديدة الخ الخ لعن الله الانقلابات العسكرية والعقائدية التى عطلت التطور الديمقراطى وكانت الديمقراطية بقت ثقافة شعب وامة واقسم بالذى رفع السماء بغير عمد ترونها انه مافى اجهل من الانقلابيين عسكر او عقائديين وبيعتمدوا على الغوغاء والجهلة والفاقد التربوى والمنتفعين وبيفتكروا ان البناء المادى هو اهم من البناء السياسى والدستورى ويقعدوا يغنوا وينشدوا للكبارى والمصانع والطرق والسدود الخ الخ عبود قعد 6 سنوات وبعد انتهاء حكمه رجعنا لنقطة البداية وجا النميرى وقعد 16 سنة وبعد انتهاء حكمه رجعنا لنفس النقطة والآن البشير ليه قريب 26 سنة وما عمل اى بناء دستورى او سياسى مع بقية اهل السودان بس كبارى وسدود وطرق الخ الخ والغوغاء والجهلة فرحانين بيها زى الكانه الدول البدأت بالبناء الدستورى ما قدرت تبنى ليها طريق او كبرى او سد فعلا عدم الرؤيا والجهل مصيبة كبيرة!!!!!
كسرة: عليكم الله فى دول تجى تستثمر فى دول ما عندها استقرار سياسى وحروب داخلية وعملة متقلبة الخ الخ ولا تستثمر فى دول مستقرة سياسيا شعبها وصل لكيف يحكم بلده بالوفاق والتراضى الوطنى وعنده مؤسسات حكم راسخة ومستقرة!!!الشعب يبنى والامة تبنيها شعوبا يا مايو عمل حقننا امل والرقم وصل مليون طوبة (ابو عبيدة حسن ايام مايو) بالله عليكم الله اتخيلوا بدل ما مايو تبنى بناء دستورى يؤدى للاستقرار السياسى تقعد تعمل فى الطوب؟؟؟؟


#1251870 [Mat too]
5.00/5 (1 صوت)

04-22-2015 12:45 AM
يا جماعه العيب ما عيب الحصن العيب عيب الجماعه بتعين الانخاس ،الحسن اشتروا منه بضاعه فاسده الانتخابات
وهو عارف وانت عارف والديك عارف وكل يكلم الجنبه الحكايه كضبه كبيره والقروش ورق مطبوع ساكت والحكاية
كلها لف ودوران ،عشان كده صاحبنا قام لفه ودور (دور بينا البلد داك نحرق الجزولين يا الوابور جاز) (حريقه
وابور جاز) الحكايه كلها بوابير ومواسير فساد ولواط وضرر،.ايه يعني الحسن لو لهط ليهو لهطه اصلوا ما طار
الغراب وجاب لي امه !!! السؤال المهم جدا هو:الحصن مشي طلب منهم ولا هم القالوا ليهوا تعال نديك قروش
نحن نكرم عزيز قوم زله! الزول قالوا فريق في القصر اسمه طه (طه ماها الذي سواها ،سواها الدود يا عامود)
ده شعار ونشيد طاهو بالاشتراك مع البزرميط الخطير احمد سعد انبوبة الغاز . كله وسخ في وسخ عشان كده
فيها آييه لو الحصن شال ليهو شليه ما سمعتوا لو دار ابوك خربت شلك منها شليه .
سيبوهو في حاله اصل الولد صغير وحنين ومحيرني ومتحير،،،الكلام دخل الحوش ولا شنو يا.....ايلا والهادي
عبدالله . اصلكم بتحبوا اللعبه الحلوه !!!!!!!


#1251854 [adil a omer]
5.00/5 (2 صوت)

04-21-2015 11:50 PM
كل واحد يجيب البامبرز بتاعو معاهو ما عندنا بامبرز


#1251832 [معاويـــــــــــــــــــــــــــــــة]
5.00/5 (1 صوت)

04-21-2015 10:53 PM
الحسن جا الحسن ماجا الحسن ياحلوه ما عارف الزهور راجا


#1251718 [خاطره]
5.00/5 (1 صوت)

04-21-2015 06:33 PM
ما شوفت الحسن يا ساري الليل .ياخي غور في داهيه هو انت شنو ذاتك وموقعك شنو .الحسن سافر الحسن جاء سافر جاء .


#1251707 [ظلال النخيل]
5.00/5 (1 صوت)

04-21-2015 06:22 PM
اوصل الدفعة الاولى من الدولارات التي قبضها من المؤتمر الوطني وسلمها لوالده وجاي يستلم باقي المبلغ حسب الاتفاق بعد ان التزموا بالشرط الجزائي في العقد وهو المشاركة في الانتخابات الى نهايتها وفي حالة الانسحاب لا يحق للسيد واولاده المطالبة بشئ ...
وبعد كم يوم ستطالعنا الاخبار بان السيد المبجل عاد الى ارض الوطن وسيغادر في اليوم التالي مباشرة لارتباطات خارجية في شارع الميرغني بالقاهرة...

التزمنا بالاتفاق اعطونا حقنا يا محسنين


#1251653 [محمد الامام على]
5.00/5 (2 صوت)

04-21-2015 04:36 PM
الحسن صاقعة النجم يا جماعه فكونا من الاخبار الهايفة الحسن شنو والميرغنى شنو بالله عليكم يا اهل السودان ما هى فائدة الحسن ده بعدين ناس الحسن ديل عايشين بره البلد ومع اموالهم واستثماراتهم وما ليهم اى شغله بالبلد الا بقدر ما يفيدهم كفايه استغلال جدودهم وابائهم لجدودنا زمان


ردود على محمد الامام على
[فتوح] 04-22-2015 11:39 AM
فعلا أخى محمد ....السياسة السودانية فى نظرهم استثمار مالى فقط لا غير


#1251631 [مامون حمده]
5.00/5 (1 صوت)

04-21-2015 04:13 PM
كان عاد ولا ما عاد الحال أها.... !


#1251626 [karkaba]
5.00/5 (2 صوت)

04-21-2015 04:04 PM
تنقطع رقابكن واحد واحد اتتو والكيزان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة