الأخبار
أخبار السودان
مرشح رئاسي يغادر البلاد غاضباً "بلا رجعة" : ما عاد السودان يحتمل أن نعيش فيه مع هذه الأوضاع.
مرشح رئاسي يغادر البلاد غاضباً "بلا رجعة" : ما عاد السودان يحتمل أن نعيش فيه مع هذه الأوضاع.
مرشح رئاسي يغادر البلاد غاضباً


04-28-2015 09:59 PM
الخرطوم:

قرر المرشح الرئاسي عبدالمحمود عبدالجبار، مغادرة البلاد بصورة نهائية للاستقرار في أوروبا بعد فشله في سباق الانتخابات. وتصدر قائمة المرشحين عمر البشير، مرشح حزب المؤتمر الوطني للرئاسة، بينما حل ثانيا فضل السيد شعيب رئيس حزب الحقيقة الفيدرالي، فاطمة عبدالمحمود ثالثا الاتحاد الاشتراكي، محمد الحسن محمد الحسن حزب الإصلاح الوطني رابعا وعبدالمحمود عبدالجبار خامسا رئيس حزب اتحاد قوى الأمة والذي نال 41 ألف صوت بنسبة "0.74"من جملة أصوات المقترعين.
وقال عبدالجبار في منبر "التيار" أمس الإثنين بلغة اليائس: "ما عاد السودان يحتمل أن نعيش فيه مع هذه الأوضاع السياسية الراهنة. بينما عاب رئيس منبر السلام العادل، المهندس الطيب مصطفى، موقفه بالمحبط وتابع: "أنت لا تزال شابا تستطيع أن تفعل الكثير وعليك بالصبر والمصابرة".
ووصف المرشح الرئاسي قوة المعارضة بـ"الضعيفة وليس بمقدورها إرغام النظام الحاكم على تغيير سلوكه.

التيار






تعليقات 41 | إهداء 0 | زيارات 11134

التعليقات
#1257071 [الجكاك]
0.00/5 (0 صوت)

04-29-2015 10:32 PM
قبض الفكة وزاد الجكة


#1257049 [حوتة جن]
0.00/5 (0 صوت)

04-29-2015 09:39 PM
كدي ي حبة أرجع البيت ممكن تلقا ناسي جلابية ولاتوب عشان ما تجي راجع


#1256938 [عصام عباس]
5.00/5 (1 صوت)

04-29-2015 04:48 PM
مرشح رئاسة جمهورية السودان المكلوم عبدالمحمود عبدالجبار قبل الانتخابات كان يمتلك ركشة يعول بها اهله ويسكن في منزل اسرته الكريمة في منزل متواضع حاله كحال البيوت السودانية الفقيرة ، احرز نسبة 0.74 في انتخابات الخج وقبض الثمن ، مبروك السيارة النيسان باترول الجديدة
مبروك المتكب الجديد والاثاث الفاخر
نما الى علمنا انك تبحث عن منزل يليق بثروتك الجديدة وحقيقة بعد ده ليك حق ترحل من امبدة الى كافوري .
بعت ياشيخ وقبضت الثمن ولكن تذكر ان المال الحلال الذي كنت تجنيه من عملك في الركشة (تكتك) له طعم خاص لن تجده في ثروتك الجديدة التى دفعها لك النظام ليس من مال البشير الخاص ولا من مال ربيع عبدالعاطي وانما من اموال جمعوها من عرق الكادحين والفقراء واوجاع المرضى وتعليم الاطفال والشباب وضرائب المغتربين .
مبروك عليك المتعة الزائلة يا كومبارس


الزول دا كان بيرحلني للمدرسة سنة ٢٠٠٠ امتحانات شهادة الأساس من أم بدة لغاية مدرسة أنس بن مالك في الفتيحاب مربع ٢ عندو ركشة مكتوب عليها #كفاح_المستضعفين وكان كل مرة العادم بيقع ومرة ينقطع سلك الابنص وكم مرة قرب يفوتني جلسة الإمتحان وأمي بتركب معاي بتقول لي عشان كان الركشة باظت في الطريق أتصرف أركبك تكسي تحصل الإمتحان !

سبحااااااان الله ياعبد المحمود


#1256899 [عباس محمد علي]
0.00/5 (0 صوت)

04-29-2015 03:13 PM
هم الأثنين لا خير فيهم و لا يستحقون حكم السودان و لا حتى التفكير في الترشح لكن في زمن الكيزان كل حتالات البلد يفكروا في الحكم و البشير ليس افضل منهم و لا الحكام السابقين عسكرين و مدنيين كلهم أضاعوا البلد و رجعونا لورى !!!


#1256890 [هناء عبدالعزيز]
0.00/5 (0 صوت)

04-29-2015 02:53 PM
winners never quit and quitters never win

Vince Lombardi


#1256874 [سوداني بس]
0.00/5 (0 صوت)

04-29-2015 02:35 PM
بالله ما تنسي وأنت طالع ( أقفل الباب وراك ) !!!!!! .


أعوذ بالله .


ردود على سوداني بس
European Union [المتحير] 04-29-2015 10:28 PM
ردك رائع


#1256858 [عمرابي]
0.00/5 (0 صوت)

04-29-2015 02:11 PM
أنت زعلت يا دكتور ؟؟


#1256857 [الكجور الأسود]
0.00/5 (0 صوت)

04-29-2015 02:10 PM
المفروض يتعلم من "تابيتا بطرس"الجايانا من بريطانياالفيها أقدم برلمانات العالم.


#1256825 [كوجاك]
5.00/5 (1 صوت)

04-29-2015 01:34 PM
أنا ما كنت عارف إنو فاطمة خالد حرم رئيس الجمهورية السيدة الأولى (الأصلى) مريخابية،، كدى زغردتى لينا زى إشراقة جنجويد عندما يفوز المريخ على الترجى الأسبوع القادم.


#1256775 [مدحت عروة]
5.00/5 (1 صوت)

04-29-2015 12:34 PM
عادى جدا ما لمن كاميرون فاز على مليباند فى بريطانيا قام اد مليباند سافر خلى بريطانيا ومشى قعد فى تشاد!!!!!
قلتوا لى هو اسمه منو؟؟؟ عبد المحمود منو؟؟ يكون ده ابو فاطنة عبد المحمود؟؟


#1256734 [ابو محمد]
5.00/5 (1 صوت)

04-29-2015 11:36 AM
وانت اعترفت بالانتخابات ليه وتشرد بعد فشل مضمون .


#1256712 [المستعرب الخلوى]
5.00/5 (1 صوت)

04-29-2015 11:01 AM
فايت مروح وين ..؟؟ ما لسه الزمن بدرى ..
نشوفك غن شاء الله عام 2020 فى دور تانى أحسن من دور الكمبارس دا ..
بس قبال ما تمشى تقول لينا - بكل امانة ..وما عاوزين منك حاجة - نصيبك كان كم فى التثيلية دى ..


#1256663 [موكاك]
0.00/5 (0 صوت)

04-29-2015 10:07 AM
بكل اسف انو الواحد عاش في اوروبا وراي بام عينيه كيف تتم الانتخابات وتداول السلطة واحترام الواحد لارادة الشعوب و وعي المواطن الاوروبي بحقوقه وراي كيف ينتخب المواطن هناك المرشح بناءا علي برنامجه وليس لانه ابن علان ولا من ولاية فلتكان اومن قبيلة معيط وبعد دا كل ما استفاد شئ واتي ليرشح نفسه في مثل ذلك الجو الآسن ! اظنه يستحق الرحيل بلاعودة لانه اضافة باشتراكه في الانتباخات خمسة سنين عجاف لمعاناة الشعب السوداني , والي ان يرتفع وعي المواطن السوداني وينتخب حسب ما يجنيه من فائدة أي ينتخب البرامج وليس الاشخاص والولاءات حينها يتقدم السودان الي الامام .


#1256638 [انين الصمت]
5.00/5 (1 صوت)

04-29-2015 09:40 AM
اخدت قروشك امشي لاسف رضيت بدور الكمبارس في المسرحية الهزلية ..والله اول مرة اسمع حتي باسمك ... خااااف من الله مشاركتك اكبر دليل علي خيانتك وخيابتك كمان


#1256623 [مالك الحزين]
5.00/5 (1 صوت)

04-29-2015 09:18 AM
قطر عجيب يودى ما يجيب ,, إن شاء الله ماتجى ,, هو الدايرك منو بالله ؟؟؟


#1256597 [المسلمي]
4.63/5 (4 صوت)

04-29-2015 09:00 AM
الضبان وراك حبل


#1256588 [باب المندب]
4.94/5 (5 صوت)

04-29-2015 08:56 AM
...... كيف تسيبنا يا محمود ؟!

عايد عايد يا محمود

محمود مين قلت لى؟؟؟!!!!


#1256571 [أبوقرجة]
5.00/5 (3 صوت)

04-29-2015 08:44 AM
لا ما تسافر المسرحيه لسع ما خلصت ياخي ... كمل دورك للنهاية ...


ردود على أبوقرجة
[الناهة] 04-29-2015 11:37 AM
خليهو يسافر يابوقرجة قطر عجيب اليودي ما يجيب
هو من البداية حشره شنو لو ما بليد
يعني ماقدر يفهم انه دي انتخابات مؤتمر وطني اقامها لوحده ويفوز بها لوحده ويحكم بها لوحده
خليهو يطير ما يرك


#1256556 [جنو منو]
4.50/5 (2 صوت)

04-29-2015 08:23 AM
قطر عجيب يودى ما يجيب .. تان ماتجى تقول عاوز اترشح فى الانتخابات الجايه .. سامع الكلام ده ولا
نكرروا ليك ..!!


#1256528 [؟]
5.00/5 (8 صوت)

04-29-2015 08:00 AM
طيب حاول طلع معاك الواحد والاربعين الف اللي ادوك اصواتهم ديل!!


#1256505 [الكردفاني العدييييييييييييييييييييييييييييييييييييييل]
4.00/5 (3 صوت)

04-29-2015 07:40 AM
اذن انت بلا رسالة ..... فلو كنت صادقا ..... في مشروع التغيير الحقيقي .... لما اخترت ....الانزواء .... اروبيا.... وانظر الى الزعماء ..... هل يتخاذلون ..... ويخذلون ....

يا رجل ..... من زمان قالوا .... ليك ..... لا تشارك.... وتعطي زخما..... لشمولية.... العسكر ... والارجاس..... والعصابات ..... المؤتلفة ..... ال حين ....انقضاء المصالح.....

طيب انت في اوروبا ما تنسى .... ترشح ..... احقادك ..... لحكم السودان......


#1256498 [مجا هد]
0.00/5 (0 صوت)

04-29-2015 07:31 AM
يا جماعة السياسة دى كدة ولا احنا المقفلين يا ناس اصحو اصحو اصحو اصحو الناس ديل لسة عاوزين
يجلسو 4 سنة ثا نى0000000000


#1256495 [عون الشريف دفع الله]
5.00/5 (2 صوت)

04-29-2015 07:30 AM
المشهد الأول :

تمثيليه بايخه وسخيفه لاتقل عن تمثيلية ومسرحية الانتخابات التى نافس البشير
السفاح الارهابي نفسه فيها واكتسحها وصرح انو العالم كلو شهد بشفافيتها ونزاهتا

المشهد الثاني:

أن يغضب المرشح الرئاسي الفالصو عبد المحمود عبد الجبار لنتائج الانتخابات ويقرر
مغادرة السودان بشكل نهائي مصرحا أن السودان لايمكن العيش فيه بعد كده (آل يعني الود كان هايفوز )

المشهد الثالث :

يغادر المرشح الرئاسي الفالصو عبد المحمود عبد الجبار السودان بعد أن قبض باقي العربون
لكن مغادرته السودان الغرض منها هو الانضمام للمعارضين في الخارج للعمل كغواصه لعصابة البشير السفاح
والارهابي ينقل هنات وسكنات وخطط وبرامج المعارضين لمحمد عطا ولكلاب الأمن .

هذا كل مافي الامر وقد تم ترتيب هذه المسرحيه والتمثيليه السخيفه والهزيله من قبل الانتخابات .

المسرحيه من تاليف واخراج وانتاج محمد عطا رئيس جهاز كلاب الامن الواطي .


#1256480 [زول]
5.00/5 (2 صوت)

04-29-2015 07:18 AM
كضاب ساي
ده كان مشرد جابو ناس البشير وادو شوية قروش
ولمن مثل الدور رجع محل ما كان


#1256463 [karlos]
5.00/5 (1 صوت)

04-29-2015 07:02 AM
ههههههههههههههههههههههههههه ههههههههههههههههههههههههههههههههههههههههههههههههههههههههه تمثيل الله اكبر


#1256461 [سراجا الدين الفكى]
5.00/5 (1 صوت)

04-29-2015 07:01 AM
كلمتين فقط: ماعاد السودان يحتمل اى شخص ذكرا كان ام انثى, وما هجرة الكوادر الرفيعة وغير الرفيعة والعمالة بصفة عامة, ليست مسألة هجرتهم بالامر الاقتصادى, بقدر عدم احتمال مايجرى فى السودان من ضيق وعنت وتجبر وظلم واحتقار وبيئة غير صالحة للعيش فيها, واصبح السودان طاردا كنتاج اساسى لسلوك هذا النظام المتجبر الضال, وحتى عدم رضاء الاغلبية بمن هم قائمين بولاية امر السودانين, وعدم اعترافهم بالحكومة القائمة وعدم الاعتراف برئيسها الضال الضليل المضل الكذاب, والذى اصبح امرهم مكشوف للقاصى والدانى, وختى حكومات وشعوب العالم قاطبة. هذا هو سبب الهجر للكل من السودان, ومابقية بة لهو فعلا "مجبور" رغم انفة بالبقاء بعلات عدديدة, والامر مفوض لله من قبل ومن بعد. وكفى .........................................


#1256453 [كردفاني]
5.00/5 (1 صوت)

04-29-2015 06:46 AM
فالنفترض إنكه قد فزت فبئي جنسية كنت سوف تحكم السودانية ام الاروبية ...........!؟
ولكن برضو طلعتة كسبان يعني لقيت 41 الف صوت وملاااااين الدولارات


#1256451 [ibrahim awad]
5.00/5 (1 صوت)

04-29-2015 06:43 AM
تسافر ولا تقعد ماانت زول جيت اديت دورك و مسافر راجع بلدك الاوروبي تاني. اكيد عندو جواز غير السوداني الوهم دة


#1256447 [karkaba]
0.00/5 (0 صوت)

04-29-2015 06:38 AM
دة طبع بعد ما خمشت المعلوم واديت دور الكومبارس في التمثيلية


#1256444 [shah]
5.00/5 (1 صوت)

04-29-2015 06:35 AM
ما بدرى يا ... هليفة.


#1256438 [حاج علي]
5.00/5 (1 صوت)

04-29-2015 06:31 AM
قرر المرشح الرئاسي عبدالمحمود عبدالجبار، مغادرة البلاد بصورة نهائية للاستقرار في أوروبا

اها يا يسافروا معاك ولا حيمشوا المطار للوداععبد الجبار ال 41 الف ديل حيسافروا معاك ولا يمشوا المطار للوداع
بعدين ما تنسي تدي كل واحد حقو من القروش القبطها


#1256421 [جمال حنين]
5.00/5 (2 صوت)

04-29-2015 05:46 AM
من هو المرشح الرئاسي عبدالمحمود عبدالجبار، ؟؟؟؟؟؟؟؟؟؟؟؟؟؟ ومن اين اتى ؟؟؟؟؟؟؟؟

لقد حقق الرجل ما يريد لان اوربا ستمنحه حق اللجؤ باعتباره مرشح ((ساقط))


#1256405 [الحلومر]
5.00/5 (1 صوت)

04-29-2015 03:55 AM
سافر مع السلامة انشاء الله قبضت أجر المشاركة والشغلانة كلها لعب وتسلية وبعزقت أموال الشعب في واحد صارف من جيبه حاجه


ردود على الحلومر
[وليد دارفور] 04-29-2015 07:09 AM
يا حلو مر قول لأخونا عبد الجبار ما يقطع الجوابات والرسائل.


#1256402 [Musa]
5.00/5 (1 صوت)

04-29-2015 03:44 AM
هههههه يعني خلاص قبض تمن مشاركته الديكورية من الكيزان و ماشي يرطب بيها في أوروبا ؟؟! يا ربي يكون البشكير أداهو قدر حق البشتري ليهو شقة في لندن ولا صاحبنا طلع بي حق الإيجار بس ؟!!!! قال السودان ما عاد شنو ؟؟؟؟ والله دي محن دي!! هههههه


#1256375 [amaar]
5.00/5 (1 صوت)

04-29-2015 12:58 AM
سافري تصحبك السلامه


#1256357 [سم زعاف]
5.00/5 (1 صوت)

04-28-2015 11:28 PM
bye bye


#1256347 [الثائر الابدي]
5.00/5 (3 صوت)

04-28-2015 11:01 PM
الكمبـــــــــــــــــــــــــــــــــــارس قبض و عايز بتخارج, يعني كنت فاكرك نفسك ح تفوز و تبقس رئيس ؟؟؟؟؟؟؟؟؟؟؟؟


#1256338 [من زمان]
5.00/5 (1 صوت)

04-28-2015 10:49 PM
عبد الجبار (من دقنو وافتلو)


ردود على من زمان
United States [محمد علي] 04-29-2015 07:48 AM
لي زمن مستني عودة شيخي راحل
كنت بديهو...دولار شيك وسايل
ما خلاص كملت وشال حقو كامل
أصلو يا كومبارس أوربا....
منفى لي كل مهزوم وهامل

من زمان ... من زمان


#1256332 [jomo]
4.50/5 (2 صوت)

04-28-2015 10:29 PM
هههههههه وتانى هههههه

يا وزل الشعب السودانى متحمل 25 سنة كبيسة

وقال رايو في ادبخانات عمر البشبر دى بكل وضوح


قول اديت دورك كـ كمبارس ودفع لك المعلوم وداير تقنعنا

انت كنت خاتى في بالك انت ح تفوز يعنى !!؟

لم يعد لدينا مزيدا من القنابير , لتصديق مثل كهذا ترهات .


#1256326 [عبر الاسير]
5.00/5 (2 صوت)

04-28-2015 10:18 PM
خلاص البنج فكه يا عبدالمحمود عبدالجبار.


#1256323 [عصمتووف]
3.00/5 (2 صوت)

04-28-2015 10:13 PM
ي رايق ي سائق وقف وقف سوفنا معاك



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة