الأخبار
أخبار إقليمية
رئيس برلمان البشير الفاتح عز الدين : وجود السودان في قائمة الفساد سيتبدل العام المقبل
رئيس برلمان البشير الفاتح عز الدين : وجود السودان في قائمة الفساد سيتبدل العام المقبل
رئيس برلمان البشير الفاتح عز الدين : وجود السودان في قائمة الفساد سيتبدل العام المقبل


05-02-2015 08:17 PM
الخرطوم: محجوب عثمان

برر رئيس البرلمان وجود السودان رأس قائمة الدول العربية الأكثر فسادا التي تصدرها منظمة الشفافية العالمية سنويا، بعدم اعتماد المنظمة على معلومات حقيقية فيه، وقطع بأن التقرير المقبل للمنظمة سيضع السودان في وضعه الطبيعي من واقع إجازة البرلمان لجملة من القوانين والتشريعات التي تهتم بقضايا المال العام والشفافية والمساءلة مثل قانون المراجع القومي، متوقعاً حدوث قفزة نوعية في مجال المساءلة والمحاسبة والحكم الرشيد وضبط المال والخطط والإستراتيجيات العامة للدولة.

وقال د. الفاتح إن السودان سيقدم تقريره الأول حول الفساد في منظمة الشفافية مكافحة الفساد خلال نوفمبر المقبل، استجابة لاتفاقية مكافحة الفساد التي وقّع عليها السودان مؤخراً.

مشيرا إلى أن المنظمة كانت تستقي معلوماتها من جهات غير رسمية غير أنها منذ العام الحالي ستستقي معلوماتها من المضابط الرسمية قياسا على القوانين والتشريعات، لافتا إلى أن تعديل قانون المراجع العام من شأنه أن يفعل الكثير في ضبط المال العام، متوقعا أن يكون تقرير المنظمة للعام المقبل مغايرا بصورة كبيرة.

وكان تقرير المنظمة قد وضع خمس دول عربية ضمن أكثر عشر دول فسادا شملت على الترتيب الصومال، السودان، العراق، ثم ليبيا، وسوريا.

الصيحة


تعليقات 24 | إهداء 0 | زيارات 5095

التعليقات
#1259105 [الصربي]
0.00/5 (0 صوت)

05-03-2015 11:08 PM
والله الفاتح ده انا كنت بقضي خدمة وطنية زمن كان معتمد أمدرمان الزول ده لما كنت بجي اشيل حصة البنزين للشغل ال12جالون للاسبوع الزول ده كان بدورها 150 جالون للأسبوع الواحد قرأتها بي عيني في الكشف البنصرف منو عند المخزنجي وايرادات المحلية قريب المائتين مليون الزمن داك بتمشي تبرعات ساي


#1258884 [أنا فاسد]
0.00/5 (0 صوت)

05-03-2015 02:41 PM
إشتريت قطعة في تركة في المحكمة، وبعد نهاية الإجراءات مشيت أستلم الإعلام قال لي الموظف تعال بعد شهر، مشيت بعد شهر قال لي في الطباعة تعال بعد إسبوع لقيتو ما جاهز قال لي الموظف تعال بعد إسبوعين نكون طبعناهو وجاهز، مشيت بعد إسبوعين قال لي الموظف لسة ما طبعناه وشيل تلفوني عشان ما تتعب أضرب قبل ما تجي، طلعت بره إتصلت عليه قلت ليه خلص لي الشغل دا وما بقصر معاك، قال لي تعال آخر اليوم تلقاه جاهز، فعلاً لقيتو جاهز أديتو 100ج قال لي معاي ناس في المكتب أديتو تاني 100ج قال لي مفروض يمشي بالسيرك لكن أدفع حق الأمجاد عشان بكره تلقاه في تسجيلات الأراضي أديتو تالني 100ج يعني 300 جنية والشغل تم في نفس اليوم ومن غير دفع 3 أسابيع والملف في محلو( أقسم بالله العظيم علي صدق كل كلمة في هذا)ويقول ليك فساد وما أدراك ما فساد/ دي المحاكم يا ناس


ردود على أنا فاسد
[مدرسة يستهبلون (اوضة وبرندة )] 05-03-2015 05:32 PM
السودان دولة فاشلة وفاسدة
والكلام دا ما داير اى اثبات
اذا كان رئيس البلد (الديك البشكير ) بيدافع عن تجنيب ايرادات الدولة لاى وزارة او مصلحة يحق لها ان تجنب جزء من الايرادات التى تحصلها من المواطنين وتورد الباقي للدولة
هل هذا الكلام بيحصل فى اى دولة محترمة فى العالم ولا حتى غير المحترمة لا يحصل فيها هذا
وكون اى موظف كبير ولا صغير ولا عسكرى فرد ولا مشير يسرق ويفسد فهذا عادى كالزبادى المشكلة فى فساد نظام الدولة نفسها والتى باقرارها لسياسة التجنيب تقر على نفسها بانها غير قادرة على ادارة موارد البلاد وعاجزة عن القيام بواجباتها
فاذا كان الحال كذلك القاعدين ليها شنو


#1258878 [mabo]
0.00/5 (0 صوت)

05-03-2015 02:24 PM
يا اخوانا بله الغايب بعدلها ماتشيلو هم!!!!!!!!!


#1258834 [جنرال زمان]
0.00/5 (0 صوت)

05-03-2015 01:23 PM
عرفنا وداد وصاحبنا العارف عزه مستريح..... بس الكتكوت الخاتين صورته في نصهم دا يطلع منو؟؟؟؟؟؟؟؟


ردود على جنرال زمان
[فك ابو ركب] 05-03-2015 07:08 PM
يا سعادة الجنرال الولد ما تشوف فيه شبه أبو العفين. ،، الصورة دي مجدع فيها بفلوسك في شرم الشيخ

[ودكركوج] 05-03-2015 06:47 PM
ده حماده ود ابو العفين.


#1258813 [على على]
4.00/5 (1 صوت)

05-03-2015 12:52 PM
قال ليكم السنة الجاية السودان حيكون فى وضعه الطبيعى يعنى الاول قبل الصومال يعنى هو رئيس الصومال جاب 94.05 %!!!!!!!!!!!!!!!!!!!!!!


#1258765 [ابوامين]
0.00/5 (0 صوت)

05-03-2015 11:31 AM
كيف يتبدل الحال وانتم اس الفساد


#1258742 [ود الفنكوك]
0.00/5 (0 صوت)

05-03-2015 10:55 AM
الفي إيدو القلم ما بيكتب نفسه شقي .


#1258736 [آمال]
0.00/5 (0 صوت)

05-03-2015 10:44 AM
بتكضب على منو بكلامك ده يا د الفاتح ما ياها الحقيقة الحاصلة و ده السودان الدمرتوهو و خليتوه يتصدر القائمة دي


#1258635 [سراجا الدين الفكى]
0.00/5 (0 صوت)

05-03-2015 08:38 AM
هذا التقرير تقرير فاسد لايصدر الا من فاسد كبير زى الفاتح هذا, لذلك كله كلام سفه فى سفه لايستحق اى تعليق, كلام والسلام من ناقصى المجتمع السودانى.
بس فى حاجة استوقفتنى تماما, ما هى الشخصيات باعلى التقرير وما علاقتهم بالتقرير, شخصيات كلها نكرة ولاشك فى ذلك, بس السؤال ماهى علاقت النكرات هؤلاء بالتقرير؟؟؟؟؟؟
وكفى ..............................


#1258576 [المشروع]
0.00/5 (0 صوت)

05-03-2015 07:26 AM
صحيح يا رئيس ان وضع السودان بشأن الفساد سوف يتبدل العام المقبل الى الأسوأ بل الى اسوا من الاسواء .. لأن الفترة القادمة هي فترة الخمسةسنوات الاخيرة للبشير وجماعته وبالتالي سوف تكون فترة للنهب والسلب والتمكين ..


#1258565 [كوكو البلة]
5.00/5 (2 صوت)

05-03-2015 06:31 AM
كل مرة حاسالك يا الفاتح البتلعب بى الدين من صناعى قريت قانون كيف ؟؟؟؟؟لو ماجاوبت مابخليك.


#1258531 [Mohamed]
5.00/5 (2 صوت)

05-03-2015 02:36 AM
الكارب
خريفو. وصيفو
/////////......///////


كيف يعني ؟
حترجعوا السرقتو من بداية اليوم الأول للتاريخ المشئوم الذي أتى بكم ؟ وحتى اليوم ؟ ؟نفاق وضحك على الدقون وقلة أدب وحياء معدوم نهائي 0


#1258521 [albrado]
5.00/5 (2 صوت)

05-03-2015 01:26 AM
هنالك خطا ... السودان اولا ثم الصومال وليس العكس


#1258498 [عبدالله اﻻندلسى]
4.00/5 (3 صوت)

05-02-2015 11:42 PM
ابدأ بثروتك وحاسب نفسك اوﻻ يا رئيس اتحاد الطلبه لن تستطيعو فعل اى شئ ياملياردير ة
ان فاقد الشئ ﻻيعطيه .


#1258495 [ود بلد]
4.50/5 (4 صوت)

05-02-2015 11:33 PM
انتو يا معفنين يا وسخين .. لو فيكم ضمائر وتعرفون الدين
ما كان حال السودان وصل للمستوى ده ...
لعنة الله عليكم يا كيزان يا اوسخ البشر .. وشر ما خلق الله


#1258474 [الحق ابلج]
4.50/5 (4 صوت)

05-02-2015 10:40 PM
ياالفاتح طبيظ كﻻمك ده ما اعتتراف صريح منك بانكم فاسدين وكمان دايرين تعدلو القوانين العملتوها عشان تاكلونا زياده كمان ؟
ابشرك انت بالذات ما حتقعد عشان تكون رئيس للبرلمان الجاك فى غفله وفشلت فى ادارتو فشل ذريع تجى كمان تحرج زمﻻك الحراميه بقوانين مصطنعه
ياخى انت تحفه ياخ .


#1258462 [عصمتووف]
5.00/5 (3 صوت)

05-02-2015 10:09 PM
اعتراف ضمني ب الفساد والافساد ي للغباء سرقتوا احلامنا وامانينا


#1258457 [المتحير]
4.50/5 (5 صوت)

05-02-2015 09:52 PM
بالله يعنى خمسة و عشرين سنة فترة التدمير حتصلح فى سنة ؟؟؟ دا ياتو قانون هندسى و لا نظرية انسانية بتقول كدا بعدين تصريحات الراجل دا كترت انشاء الله خير ...بس نحب نزكرك بانو مهاتير عشان يصل بماليزيا للوضع المناسب و ليس السيوبر اخد 20 سنة و رجب طيب اردوغان اخد 15 ستة و انتى جايب عصا موسى عشان تصلح الفساد فى اقل من 12 شهر و الله لو رجعتو القروش الاتنهبت قرش قرش ما حتقدر تصلح الذمم الاتحطمت على مدار 3 اجيال جيل كان شباب و جيل اتولد فى اصبح شاب الجيل العمرو 72


#1258431 [الجقود ود بري]
5.00/5 (3 صوت)

05-02-2015 09:09 PM
لن يتبدل التقرير ما دام انتم موجودون لانكم اس الفساد وهذا باعتراف ناسكم . يخادعون الله والذين امنو وما يخدعون الا انفسهم والله لو عندهم المعلومات الحقيقيه لماتوا بصدمه من الزهول لان كل شيء ادخلتم فيه الفساد . اذا سالوا الناس عن ما مر بهم من الفساد لاتي كل منا بقصص تملا كتاب . ولا بتفتكروا انكم حا تزوروا كمان المعلومات البنيت عليها التقرير
الا لعنة الله علي الظالمين المنافقين الفاسدين المفسدين الكاذبين القتله الحراميه اولاد الكلب


#1258426 [المهند]
5.00/5 (3 صوت)

05-02-2015 09:04 PM
بالله العام العام الجاي دا ح تنفضوا البلد والحكومة من المفسدين لكن لو عملتو كدا م ح تلقوا زول في الحكومة كلهم ح يمشو ههههههههههه .

اتو كان فيكم رجال بشوف حال الشعب في الشوارع والمدن والقرى والريف والله ما يسرق جنيه واحد من المال العام لكن بعض او معظم من الاداريين والوزراء قلوبهم غلف ، وسيعرفون يوم يقبرون بادن الله .

يا الفاتح طبق قانون من اين لك هدا على جميع من كان في الحكومة السابقة والحالية.

من اين لاهل المؤتمر اللاوطني بالاموال والاستثمارات التي معهم الآن؟ كل اهل الانقاد من اثرياء السودان والعالم العربي كانوا فقراء قبل الثورة من اين لهم بتلك الاموال والممتلكات؟


واين هم وانتم من حساب الله فاكرين الدنيا طوالي نعيم في نعيم والله اجي يوم تتدفون تحت الارض التي تمشي عليها الآن . حاسبوا قبل ان تحاسبوا يا الفاتح يا عز الدين .


#1258418 [خاطره]
4.50/5 (4 صوت)

05-02-2015 08:25 PM
إلا تعطوا رشوة للمنظمه بتاعت الشفافيه عشان يطلعوكم من ثالث الطيش.


ردود على خاطره
[حزب الراكوبة] 05-03-2015 07:59 AM
لو تم كتابة تقرير من قبلكم للمنظمة اكيد حتكونوا قبل السويد والنرويج
قالوا للحرامي أحلف قال جاك الفرج



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة