الأخبار
أخبار إقليمية
المريخ يقصي الترجي التونسي ويصعد إلى دور المجموعات في بطولة أفريقيا للأندية البطلة
المريخ يقصي الترجي التونسي ويصعد إلى دور المجموعات في بطولة أفريقيا للأندية البطلة


05-03-2015 06:55 PM
قدم فريق المريخ السوداني مستوى مشرف أمام فريق الترجي التونسي في مباراة الأياب التي تجري أحداثها الآن بتونس.

وضع عبدالله ضفر فريق المريخ في المقدمة منذ الدقيقة 14 من بداية المبارة بهدف جاء من استغلاله الرائع لتمريرة بكري المدينة. وحافظ المريخ على هدفه طوال شوط المباراة الأول الذي انتهى بهدف للمريخ دون مقابل للترجي التونسي.
وفي شوط المباراة نجح الترجي بعد ضغط متواصل على جبهة المريخ من احراز هدفين في الدقيقة 69 وعند نهاية الزمن الأصلي د. 90 وأَضاف الحكم خمس دقائق ولكن صمد المريخ وحافظ على فرصته كاملة إلى أن أعلن الحكم نهاية المباراة.
انتهت مباراة أمدرمان بهدف للمريخ وباحراز الترجي لهدفين مقابل هدف للمريخ جعل أهداف الفريقن متساوية ولكن أفضلية الهدف في مرمى الخصم صعدت بالمريخ لدور المجموعات.

ألف مبروك للمريخ ..


تعليقات 27 | إهداء 0 | زيارات 12296

التعليقات
#1259705 [الحلوين]
0.00/5 (0 صوت)

05-04-2015 04:17 PM
الصفيراب ديل مخلوعين من خروج الترجي البعبع المعطهم ماشي وجاي بالخمسات والستات ..بعدين الان وانغا مش بلعب في الدفاع ياالعامل فيها بتعرف كوره انت ..بعد كلامك دا كلوا شايت وين مش عارف ..


#1259673 [أبو أمجد]
0.00/5 (0 صوت)

05-04-2015 03:23 PM
للرد على ابو جهل ياسر موسى الذي لا يعرف تاريخ انشاء ناديه .. واي الناديين هو الاقدم المريخ أم الهلال؟؟ طبعا المريخ اقدم من الهلال بثلاث سنوات حيث كانت نشأة المريخ في 1927 وعشان يعرف تاريخ نشأة الهلال عليه ان يزيد ثلاث سنوات على التاريخ المذكور. اما حكاية فريق الاستقلال فهذه فرية كبيرة ومضحكة .. والكل يعرف من هم الذين أنشأوا الهلال .. هم مجموعة من انصاف السودانيين من العملاء وجواسيس الاستعمار بدون تسميتهم. هذه هي الحقيقة التي لا تعرفها ايها الجهول.


#1259605 [محمد حسن ود العرضة]
0.00/5 (0 صوت)

05-04-2015 01:57 PM
الخبر عن المريخ الهلالاب ديل ماليهم دخل في الموضوع نهاىي لأنهم حاقدين و

حاسدين جدا , أمس القريييب ده كانوا بيسيئوا للمريخ و إنه لاوم ينسحب عشان ما ينهزم

هزيمة ساحقة من الترجي ولما المريخ بداء المباراة و قدم عرض مدهش و أحرز هدف

بدت أعراض الصدمة تظهر على الهلالاب و صمتوا لدرجة إنهم ما كانوا قادرين يتابعوا

مباراة فريم الرمة البلعب مع الحمام و يمكن يادوووووب الليلة فاقوا من الصدمة .

دي تفاهة و قذارة و مرض ما أظنهم يشفوا منه .


#1259532 [ياسر موسى]
0.00/5 (0 صوت)

05-04-2015 12:05 PM
زعيم الامة جميل أنك تقتبس شعار ناديك من شعار نادي الهلال الذي هو [الله الوطن الهلال] أما أن تحاول أن تنتسب لهذا الشعار فهو من باب تقليد الأبناء للآباء ولا نلومك على ذلك. بالمناسبة الـ 70% دي أرجع تأكد منها وأسأل قدامى المريخ مش الناس الدخلوا الرياضة جداد زيك مع كورة البقالات لأنك ببساطة تعرف أن النادي الذي حقق استقلال السودان سيؤيده غالبية الشعب السوداني وهو الحاصل. إذا راجع نسبة الـ 70% دي. ما تكون نسيت كتبت نسبتك في إمتحان الشهادة السودانية زمان. وشكراً


#1259501 [لواي سلسلن]
0.00/5 (0 صوت)

05-04-2015 11:42 AM
من مقومات تأهل المريخ:
الفوز في امدرمان دون أن يلج مرماه أي هدف
مباغتة فريق الترجي بهدف في تونس ليربك حساباته
***
وبعدين هدف الترجي الأول تسلل واضح من لاعبين.
***
وإلى الأمام للكرة السودانية


#1259468 [زعيم الامة]
0.00/5 (0 صوت)

05-04-2015 11:07 AM
الله الوطن الزعيم اولا التهنئة لكل الشعب السودانى الز يمثل 70 فى المائة منه المريخ وربنا يحميه من العيون الزرقاء التى غاظها صعود الزعيم على حساب اقوى مرشح للنهائى


#1259459 [الدوود]
5.00/5 (5 صوت)

05-04-2015 11:01 AM
الهلال وصل المجموعات...والسؤال الهلال فاز على منو؟؟؟ البشير فاز في الانتخابات فاز على منو؟؟!!!للتذكير فقط المريخ وصل المجموعات عام2009 بعد ان اقصى اوليمبيك خريبكة والمريخ اول نادي سوداني يقصي نادي مغربي والهلال في ذلك العام أقصى اول اغسطس الانقولي وادار المباراة الحكم الشهير مارنجي واليوم المريخ اول نادي سوداني يقصي الترجي والهلال اقصى فريق للأسف لااعرف اسمه ولم اسمع به من قبل...


ردود على الدوود
United States [quickly] 05-04-2015 11:52 AM
هلالبي لكن يعجبني منطقك
نتمني الفريقين يتلاقوا في النهائي


#1259436 [اب جاكوما]
0.00/5 (0 صوت)

05-04-2015 10:44 AM
شنو يا شباب لو المباراة ادوها خمسة دقائق أو دقيقتين زيادة كان شكلها بيكون كيف،، هدفين ما بجن في تمرين بتاع حلة** وبعدين الحمد لله اول مرة تفرحوا كدا معذورين ما زمان من دوري الـ64 والبيت جاك نفر.. يعني خلاص كبرتوا على سيكافا.. بعدين البطولة الافريقية دي نحنا مدينكم فيها 3 قرز [ باري ديمبا وايفوسا- وعمر بخيت اللي برا خط طمناشر وكان شاتها مغمض وفي الحضري نسيتوها]

ياعصام (قلت المريخ كان عاصر] دا وين مباراة تانية غير المباراة دي والله إلا كان كان عاصر ليهو ليمونة(في الحتة معليش ممكن)

محمد عبد الرحمن القضية ما في التأهل عن جدارة وبعدين عن جدارة كتيرة شوية خلينا نقول الحظ كان هو المريخ، وبعدين البطولة كلمة جدارة نحنا شبعانين منها ملك خاص للهلال الزعيم وقاهر الابطال.

حبيي العجب العجيب[ اقتباس...شااااااااااااااحد ربي نلاقيكم والقرعة توقعنا ضدكم
] بلى راسك من اسه ولا اقول ليك حاجة احلق صلعة وتعال جاهز نحنا قبل كدا راشينك في البطولة دي 3 قرز ثلاثة جروج ثلاثة مسامير** بعدين البطولة الافريقية دي نحنا متعودين عليها من زمان عاااااااااااااااااادي مبارياتنا بناديها كانها تمارين لا بنتشنج ولا بنعمل نفير ولا دلوكة ولا جقلبة زيي جقلبتكم دي..
شوف في حاجة واحدة الترجي اصبح حمام ميت هذه السنة

والاسد كان كبر الكلاب بتلحس..................(شينة ما بكتبها)


ردود على اب جاكوما
Russian Federation [المتغرب] 05-04-2015 06:19 PM
"والاسد كان (كبر) الكلاب (ارزقية دارفور) بتلحس ....... (شينة ما بكتبها).

United States [من زمان] 05-04-2015 01:40 PM
في مباراة بزيدوها يااب جاكوما

European Union [كدوس] 05-04-2015 01:05 PM
انت ياابوجكوما الترجي دا حسم الهلال في ربع ساعة بس ادي الهلال خمسة اهداف ولانسيت بطل طول لسان والكبير كبير يحي الزعيم المريخ ولانامت اعين الحمام كخخخخخخخخخخخخ

[عزوز] 05-04-2015 12:07 PM
اسمع الترجي بقي ميت لما المريخ غلبو


#1259332 [Mohammed Ahmed Kashan]
0.00/5 (0 صوت)

05-04-2015 08:59 AM
ترليون مبروووك التأهل وعقبال النهائي والكأس الغالية.


#1259300 [سيد السودانى]
5.00/5 (1 صوت)

05-04-2015 08:26 AM
الف مبروك للمريخ والف مرحبا بالوافد الجديد لدورى الكبار . ان صعود المريخ لهذا الدور يلقى على الهلال مسئولية كبيرة ولازم الهلال بعمل دروس خصوصية او دروس تقوية ويمد يده لتحت عشان المريخ ما يقع ولازم الهلال يضع كل خبرته تحت تصرف المريخ لانو البطولة دى بطولة كبار والمريخ فقد حساسية اللعب مع الكبار منذ زمن معليش يا اخوانا الكلام دة جد وما هزار لازم المريخاب بنسو تماما حاجة اسمهل سيكاف.
جمال الوالى لازم يعتذر لاهلو ناس سيكافا ويشكرهم على وقوفهم معه


ردود على سيد السودانى
[ود الخضر] 05-04-2015 10:30 AM
يا اخي السودان اولا وليس المريخ او الهلال ليس الموضوع من يعلم من الهلال او المريخ المهم اسم السودان

European Union [عماد عثمان - جدة] 05-04-2015 09:02 AM
و الله يا ناس الهلال لو ده فريقكم الحا تلعبوا بيه فى المجموعات تبقى فضيحة مجلجلة ..
المريخ هو أحد أبطال القارة لا يحتاج لخبرة صاحب الصفر الدولى الذى لم يفتح الله عليه ببطولة خارجية منذ تأسيسه.

[اب جاكوما] 05-04-2015 08:44 AM
كلام صاح وعين العقل،، نصيحة سمحة بالحيل ولا اقول ليك كلام دا عين العقل والمنطق فعلا البطولة دي دايرة امكانيات وخبرة وتمرس مازيي سيكافا بطوله نفسها طويل شديد


#1259168 [كمبال حامد]
5.00/5 (1 صوت)

05-04-2015 02:35 AM
أنا هلالابي لكن بقول ألف مبروك للمريخ ... الحمد لله على الحظ النحس اللي كان "بلا وانجلى" من طريقكم في مشاركاتكم في نهايات الدوريات الافريقية لمدة لسنين طويلة. رغم دا كلو نتمنى للهلال التتويج بالبطولة الافريقية...


#1259146 [مدروس ق ش م]
5.00/5 (5 صوت)

05-04-2015 01:04 AM
انا لست مدرب وﻻ خبير كروي ولكن من حسن حظ المريخ أن الترجي اكتشف نقطة ضعف المريخ الواضحة في متوسط الدفاع في نهاية المباراة ومن هجمتين أحرز هدفين بدون أي رقابة من متوسط دفاع المريخ ولو لعب الترجي علي العكسيات من بداية المبارة وتركوا اللف والدوران ومحاوﻻت الاختراق من العمق لاحرز الترجي من كل عكسية هدف .لهذا يجب علي مجلس إدارة المريخ إنهاء عقد الماسورة الكينية الآن وانقا وتسجيل مدافع إفريقي طويل القامة يجيد استخدام الرأس والقدمين لمعالجة مشكلة متوسط الدفاع أو إعادة الثقة في المدافع النيجيري مالك إسحاق وتجهيزه عبر مباريات الدوري الممتاز
طبعا التوانسة تحدثوا في الاستديو التحليلي قبل المبارة باستهتار وقلة أدب عن الكرة السودانية وبعد المبارة اكتشفوا فجاءة أن المريخ فريق كبير وكبير برشا ويمتلك إمكانيات فنية ومادية كبيرة برشا وتحية لشعب المريخ ولاعبي المريخ والمدرب القدير جارزيتو


#1259112 [اب جاكوما]
0.00/5 (0 صوت)

05-03-2015 11:40 PM
انا ما حضرت المباراة المباراة اكيد حصلت فيها حاجة؟؟؟ شنو ما عارفين؟؟

الترجي ما ترجي زماااااااااان الترجي بقى حمام ميت شكلو؟؟؟

الناس ديل اكيد لعبوا بحداشر لاعب مدافع،، ما ممكن اصلا فريق دفاعه لاعبين الوسط يطلع تعادل 1/1 ومع الترجي،، المباراة دي عاملين ليها فكي

في حاجة بس ما معروفة شنو؟؟ لكن برضو الغريق قدام،، وبلو راسكم وارجو الراجيكم،، وهاردلك للترجي دا حال الكورة


وعنتر كتلو اعمى**

ونحن نقول سبحان الله


ردود على اب جاكوما
[ود الركابي] 05-04-2015 10:31 AM
والله انك ابو جاكومة تمام وراسك فاضي تمام .. انا مريخابي لكن بعد انتهاء مباراتكم هنيتكم امس وبرضه اتمني المريخ والهلال في النهائي ... حاقد غبي ..

[isam] 05-04-2015 08:00 AM
هههههه شكلك قاعد تقرا جرايد الهلال كتير
دفاع شنو يا زول المريخ كان عاصر الناس دى من اول دقيقة لاخر المباراة لما جابو الزيت فى الدقيقة الاولى انقذ حارس الترجى فريقة من كرة كوفى

[محمد عبد الرحمن محمد حسين] 05-04-2015 07:54 AM
أكيد حصلت حاجة المريخ اتأهل عن جدارة واستحقاق اكيد حصلت حاجه الشعب بقي مابيشوف الحق اقلاه انا واخوي علي ابن عمي وانا وابن عمي علي الغريب اكيد حصلت حاجه ماتمام في رأسك ارجع الي الوطنيه شوية لاللتعصب لاللتعصب لاللتعصب اتقوا الله وشجع صح

European Union [العجب العجيب] 05-04-2015 07:34 AM
إنت ماشايفا نتيجة طبيعية ياباشا لانك عااااااااارف الترجي وعارفو اكتر من جوع بطنك وعارفو عمل فيك شنو.
العايز اقولو ليك انو الترجي لو ما ترجي زمان برضو الزعيم ( المريخ ) مامريخ زمان .
حاتقول الترجي حمام ؟
ماحتقدر لانو شبعك خمسات وستات جوة وبرة .
والترجي ما اتزحزح من الابطال لمدة 10 سنوات متواصلة يبقى حمام كيف.
بقولو الجمل مابشوف عوجة رقبتو
خليك في حالك على الاقل خليك زول وطني يغير على وطنيتو
شااااااااااااااحد ربي نلاقيكم والقرعة توقعنا ضدكم عشان تفهم حاجة وتقدر تعرف انو الزعيم ( المريخ ) ماااااامريخ زمان ونشوفك بعدين حاتقول شنو يابتاعين سانقا ولا منقا دا


#1259104 [murtada eltom]
1.00/5 (1 صوت)

05-03-2015 11:08 PM
Unlike El Hilal, Elmerrikh took on a difficult team and won. Mabrook


#1259100 [ماسورة]
5.00/5 (1 صوت)

05-03-2015 10:56 PM
مبروك لمريخ السودأن وتحية خاصة لبكري المدينة الذي يعتبر بحق اكبر مكسب وضربة معلم لادارة المريخ .


#1259097 [كلام غبش]
5.00/5 (1 صوت)

05-03-2015 10:40 PM
الف مبروك لى مريخ الشموخ والعزه و زى ما قلت يا اخى الهدف التانى فيهو ريحه .. وصيه لى مجلس ادارة المريخ بشطب المستهتر والمستفز الاسمو تراورى .. وعايزين مهاجمين على مستوى دوى المجموعات


#1259095 [ابزرد]
2.50/5 (3 صوت)

05-03-2015 10:36 PM
اتمني ان يكون الختام بين الهلال والمريخ ويفوز الهلال بالكاس


ردود على ابزرد
United States [AbuAreej] 05-04-2015 08:49 AM
ايضاً انا اتمنى ان يكون الختام بين المريخ والهلال لكن ان يفوز المريخ اخي ابزرد.


#1259075 [جمري]
5.00/5 (1 صوت)

05-03-2015 09:32 PM
مـــــــــــــــــــــــــــــــــبروك للمريخ يارب عقبال النهائي


#1259062 [ابوعديلة المندهش]
5.00/5 (1 صوت)

05-03-2015 08:59 PM
من بعد مباراة أمدرمان وفريق الترجى لم يضع أى أعتبار أو احترام للمريخ وظنوا بأن مباراة الرد فى تونس سوف تكون نزهة لطيفة أمام المريخ , ولكن شباب المريخ كان لهم رأى آخر وقطعوها لفريق الترجى فى رأسهم . مبروك شباب المريخ وشدوا حيلكم فالقادم أصعب .


#1259050 [حقانى]
5.00/5 (1 صوت)

05-03-2015 08:29 PM
مبروك للمريخ وعثبال للهلال بالله ياناس الراكوبة صوروا لينا اقوان الترجى ولاحظوا الفون الاول اوغصايد واضح والثانى فيه شك وفى كورة كادت اوفسايد واضح كادت ان تنتج عنها اصابة لكن ربنا ستر. شوف بالله الحكام الافارقة دا حالته من جنوب افريقيا وقالوا عنه انه جيد


#1259049 [ود الركابي]
5.00/5 (1 صوت)

05-03-2015 08:25 PM
لكن بعد ماولدونا ولادة .. هدفين ماكان ليهم اي لزوم والغريبة المدافعين بتوعنا واقفين بيتفرجوا .. طبعأ خملانين وكسلانين .. الفريق عاوز ضغط شوية لزيادة جرعات الروح القتالية واللياقة .. وعندنا باصات غلط كثيرة جدأ . المشكلة لاعب الكرة اذا مافكر ورفع راسه قبل مايلعب البص تكون مشكلة كبيرة .. برضه نقول ليهم مبروك وعقبال الهلال ..


#1259047 [ظلال النخيل]
5.00/5 (2 صوت)

05-03-2015 08:22 PM
الف مبروك للقلعة الحمراااااااااااااااء ولكل الشعب السوداني ما عدا نااااااس المؤتمر الوطنيييييييي الكيزان المتسخة ...

والله ما بحبهم وما قادر احب اي واحد فيهم حتى لو كان اخوي شقيقي ... والحمد لله كلنا لا ننتسب لهذا الحزب الفاسد...

اكرر التهنئة لكل المريخاب وللشعب السوداني ما عدااااااااا ناس المؤتمر الوطني..

وان شاء الله تكتمل الفرحة بتأهل الهلال عشان نفرح شوية في زمن انقاذي عز فيه الفرح..


ردود على ظلال النخيل
[isam] 05-04-2015 08:03 AM
ظلال النخيل يا حاقد المريخ لما جاب كاس افريقيا ما كان فى موتمر وطنى زاتو

[مدحت عروة] 05-03-2015 10:19 PM
المريخ اتاسس قبل المؤتمر الواطى وسبقى باذن الله بعد ذهاب المؤتمر الواطى الى مزبلة التاريخ!!!!


#1259045 [محجوب عبد المنعم حسن معني]
0.00/5 (0 صوت)

05-03-2015 08:15 PM
مبروك عليك الليلة يا المريخ والعقبى للهلال اخوك
مع مودتي


#1259042 [كسرة بي موية وعصيدة بي لبن]
0.00/5 (0 صوت)

05-03-2015 08:07 PM
إنه نجم السعد...


#1259040 [ودكركوج]
0.00/5 (0 صوت)

05-03-2015 08:06 PM
مبروك للرشاشات من اسياد البلد.


#1259039 [كلام في كلم]
5.00/5 (1 صوت)

05-03-2015 08:03 PM
الفففففففففففففففففففف مبرووووووووووووووووووووك يااسوووووووووووووووووووووووود


#1259038 [ابو محمود]
5.00/5 (1 صوت)

05-03-2015 08:01 PM
الف مبرووووووووووووووووووووووووووووووووووووووووووووووووووك


ردود على ابو محمود
[ابو ايييييييييية] 05-03-2015 09:12 PM
الف مببببببببببببببببببببببببببببببببببببببببببببببببببببببببوك للمريخ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة