الأخبار
أخبار السودان
بيان هام :- من المتحدث العسكري لحركة / جيش تحرير السودان قيادة مني اركو مناوي حول دحر مليشيات الدعم السريع
بيان هام :- من المتحدث العسكري لحركة / جيش تحرير السودان قيادة مني اركو مناوي حول دحر مليشيات الدعم السريع
بيان هام :- من المتحدث العسكري لحركة / جيش تحرير السودان قيادة مني اركو مناوي حول دحر مليشيات الدعم السريع


05-03-2015 08:03 PM
بتاريخ 2 /5 /2015 تمكنت قواتكم في الجبهه الثوريه السودانيه ممثلة في حركة/جيش تحرير السودان قيادة القائد مني اركو مناوي وبتحالفها مع حركة/جيش تحرير السودان قيادة الجنرال محمد ادم عبد السلام الشهير بطراده من دحر وتدمير متحرك لمليشيات المؤتمر الوطني وحليفتها الجديد عميل جنجويد المدعو محمدين اسماعيل بشر أورقاجور حيث بدأت المعركه جنوب غرب مدينة كتم في منطقة جميزه وعندم أطلق المليشيات ساقيهم للريح طاردتهم قواتنا حتي منطقة(أمو) مخلفين وراءهم عدد كبير من القتلي وتاركين عدد من الآليات والمعدات العسكريه الخفيفه والثقيله.
حيث تركت المليشيات الهاربه عدد (60) قتيل من ما يسمي بالدعم السريع ومن ضمن القتلي قائد المتحرك عقيد جنجويدي/عمر عيسي وأستولت قواتنا علي عربته وهاتفه الثريا بالرقم 21909068 وأيضا نائب قائد المتحرك مقدم جنجويدي/عيسي المشهور (بفتوس) وهو من منطقة القبه وأستولت قواتنا أيضا علي عربته وهاتفه الثريا بالرقم 21906768 وحرقت قواتنا عدد 9 عربه لاندكروز لمليشيات العدو وأستولت علي عدد 8 عربه لاندكروزر وواحد عربه يورال بحاله جيده أما عميل الجنجويد المدعو محمدين اورقاجور قد فر هاربا من أرض المعركه وهو الآن موجود بمنطقة كتم .
ومن جانبنا فقدنا عدد 4 شهداء و6 جرحي
وستظل قوات المقاومه الثوريه تدعم نضالات الشعب السوداني وتتقدم الصفوف إلي أن تشرق شمس الحريه والكرامه والعداله

المجد والخلود لشهدائنا الابرار وعاجل الشفاء لجرحانا

والنضال مستمر

ملازم أول / احمد حسين مصطفي (ادروب)
المتحدث العسكري لحركة / جيش تحرير السودان قيادة مناوي






تعليقات 17 | إهداء 0 | زيارات 16837

التعليقات
#1259668 [فائز]
0.00/5 (0 صوت)

05-04-2015 02:18 PM
اسي نصدق ادروب ولا الصوارمي اي واحد اقول استولينا علي كدا وكدا وقتلنا المئات ولم يجي علي قتلي افراده يقول ليك 4 ولا 3


كلكم كضابين ان شاء الله تمووووووووووووووتو جميعا


#1259624 [راسبوتين]
0.00/5 (0 صوت)

05-04-2015 01:19 PM
اين الصور


#1259517 [abraa]
0.00/5 (0 صوت)

05-04-2015 10:57 AM
وبعدين يا مناوي عايز أقول حاجه مهمه ليك ولي عبد العزيز الحلو وعبد الواحد محمد نور أنتوا عايزين تحكموا السودان طيب أول شي أمشوا أدخلوا كورس لتحسين التحدث باللغه العربية وبعدين كدي نشوف تحكمونا ولا .


ردود على abraa
[nagi] 05-04-2015 12:49 PM
وما علاقة تعلم اللغة العربية بحكم السودان يا جاهل .

للعلم السودان دولة افريقية وستظل افريقية لان 70% من سكانها من القبائل الافريقية

European Union [ود الكبجاب] 05-04-2015 12:15 PM
يا وقح زمانك انت هل من شروط حكم السودان التحدث باللغه العربيه وهل السودان من السود هو دوله عربيه ياخ بطريقتكم دي انتم من تهيجون مشاعر الكراهيه علي ما تبقي من العرب المستعربه في السودان.اخي مرت مياه كثيره تحت الجسر.


#1259512 [abraa]
0.00/5 (0 صوت)

05-04-2015 10:54 AM
هههههههههههههههههه هههههههههههههههاي كضابين والله ده بلغة العسكر إسمه رفع المعنويات لجنودك المنتحرين تبا لكم والخزي والعار للخونه والعملاء والله أكبر والنصر لقوات الشعب المسلحه .


#1259412 [عطيتو محمد على]
0.00/5 (0 صوت)

05-04-2015 09:22 AM
المدعو اركو منى مناوى اكبر عميل . اطلب من حكومة الانقاذ ان تعينه بنشرجى لعربات الدعم السريع بقيادة حميدتى .


#1259328 [عماد عثمان - جدة]
5.00/5 (1 صوت)

05-04-2015 07:58 AM
كذابين ناس الحركات المتمردة ديل أول حاجة بدربوهم على الجري ...
هل تريدون تدمير السودان ايها العنصريون الجدد؟ و حتى لو غادرت الأنقاذ الحكم فالشعب السودانى كفيل بكم يا مرتزقة.


#1259323 [الحجاج]
5.00/5 (1 صوت)

05-04-2015 07:50 AM
يا مني اركمناوي انت والحكومةالمهزومان في هذه المعركة ايها البلهاء ، الخاسر الاكبر الحقيقي هو المواطن هنا وهناك كلاهما يدمر في البلد بطريق ممنهج للاسف الشديد وليس ذلك الصراع من اجل تطور وتقدم السودان كلا بل من اجل ان يجلس مناوي وغيره ويظل البشير وزمرته مستمرين في قتل المواطن اينما كان كلاهما ليس لديهم هدف سوى الكراسي وجمع الاموال ، قدرنا وقدر السودان ان تكون فيه فئات مثل هؤلاء الاغبياء وهما سبب تدمير السودان بمن فيه .

فهل من رجل رشيد يحكم عقله في هذا البلد لوقف الدمار والهلاك المستمر؟


ردود على الحجاج
[ود احمد] 05-04-2015 09:14 AM
انتا عاقل والله ديل مليشيات سجمانه مناوى وماشابه ذلك كلهم مرتزقه ينفزو اجنده خارجيه ليس الا !!!!!!


#1259314 [ود المتمة 2]
0.00/5 (0 صوت)

05-04-2015 07:43 AM
بطلوا كذب قبل ايام قلنا نصبر يومين ونشوف منو الكذاب بخصوص النخارة ولاكن اتضح انه الدعم السريع نخركم نخرة لمن جبت الذيت وما فضل فيكم شيء عشان تكذبوا علينا تاني يا مرتزقة


ردود على ود المتمة 2
United States [واحد مهموووووووووم] 05-04-2015 08:57 AM
راجع ثقافتك عن الحركات الثورية وبعدين تعال اكتب هنا
شكلك قاصد العدل والمساواة وديل ناس مني اركو مناوي يا وهم


#1259289 [احمد مقدم]
0.00/5 (0 صوت)

05-04-2015 07:16 AM
ندين قوات الدعم السريع الطلابيه المؤتمر الوطني
حمله التطهير العرقي والجهوي اللوني لابناء طلاب دارفور.
ندعو كل المنظمات والمجتمع الدولي بتدخل لوقف مهزله النظام.
شكرا
احمد مقدم


ردود على احمد مقدم
[ابوشهاب] 05-04-2015 08:12 AM
تدين شنو ؟؟؟ القصه كلها انكم تسعون الى مناصب وماعندكم قضيه السودان يحرق او يغرق ماكفايه دهنسه وبيع ضمائر للغرب

العنصريه التى تتحدثون عنها لانكم لا اراده لكم ولا وطنيه الدعم السريع سوف يظل يفتكم بكم يامرتزقه والدعم السريع الطلابى سوف يسكت صوتكم فى الجامعات وكمان حتكون قوات دعم سريع من النساء السودانيات حتى يسرن على خطى مهيره بت عبود وده حتكون خاصه بامثالكم لانكم ليس بمقدركم مواجهه القوات المسلحه وقوات الدعم السريع

النصر والعزه للسودان


#1259216 [abubaker]
5.00/5 (1 صوت)

05-04-2015 05:48 AM
يا ناس كفاية حروب كفاية دمار ماذا جنيتم من الحرب سوى الدمار والخراب للاهل والديار يجب ان تبحثوا عن وسيلة اخرى للنضال ومقاومة النظام


#1259181 [Ahmed Nour]
5.00/5 (1 صوت)

05-04-2015 03:21 AM
كفاية نفاق ومتاجر بارواح فلذات أكبادنا لو انتصرتم او خسرتم فقد خسرنا أبناءنا والخاسر هو الوطن كفاية حروبات ودمار وتشريد


#1259162 [ودعمر]
4.50/5 (2 صوت)

05-04-2015 01:05 AM
النصر لقوات الدعم السريع


ردود على ودعمر
[ابوشهاب] 05-04-2015 08:15 AM
مبروك النصر ياودعمر والموت والدمار للخونه والمرتزقه الذين باعوا ضمائرهم وماعايز اقول ليك وطنيتهم لانهم اصلا لايشبهون السودان ولا السودانيين

الله اكبر الله اكبر والتهنئه لكل الحادبين على مصلحه الوطن

والتحيه لقوات الدعم السريع والقوات المسلحه البواسل اضربوا الخونه بيد من حديد والله معكم والنصر حليفكم باذن الله

[جمال] 05-04-2015 06:26 AM
النصر للحق اينما كان.. ولكني لا اعتقد ان الحق مع الجنجويد المدعومين من نظام المؤتمر الوطني من اجل ان يتسيدوا البلاد والمدعمومين سرا بقنابل الدول الصفوية الايرانية دولة الشر الاولى في العالم التي تنشر التشيع كذبا وزورا وبهتانا والتي تسب آل بيت النبي صلى الله عليه وسلم وتقتل المسلمين السنة في الاحواز بدم بارد وتنزع ملكياتهم ..

لا يمكن لحكومة تقيم علاقة سرية اثمة مع ايران ان تكون على الحق او تريد الحق.. فاذا لم تنصر الحق هنالك لا اعتقد انها ستنصرالحق في اي جهة..

كما ان دولة المؤتمر الوطني قامت على اشلاء الناس وتعذيب المعارضين (مع الوضع في الاعتبار ان هؤلاء المعارضين هم مسلمين يشهدون ان لا إله الا الله ) وتعذب من لا يرفع السلاح وتعذب من يعبر عن رأيه فإن كان مخالفا لرأي ارتاه القرضاوي او الترابي فالويل والثبور له والتضييق في معاشه مآله..

لذلك يا ودعمر انصحك لوجه الله ان لا تقل اللهم انصر قوات الدعم السريع الذين يصرخون ويجوبون البلاد بطولها وعرضها يرهبون الناس ولكن قل اللهم انصر الحق اينما كان وعليك بالذين يحبون الحياة الدنيا ويبتهجون بالنصر بإستخدام السلاح الايراني المصنوع سرا في باطن الارض التي كان يمكن ان تنتج الارز والقمح والعدس والفول بدلا من السلاح الايراني ..


#1259145 [السوداني]
4.50/5 (2 صوت)

05-04-2015 12:00 AM
الف مبروك لشعب السوداني والرفاق القابضين علي زناد البنادق عقبال العاصمة انها لثورة حتي النصر عاجل الشفاء لجرحنا
فلترقد ارواحكم بالسلام وها نحن علي دربكم لسائرون وان لا انساه ان احية روح الشهيد الاب الروحي للحركة عبدالله محمدين لك مني الف تحايا انتم الان قدمت ما تمكون ومازنا نتقدم ونقدم انفسنا في هذا الطريق حتي تشرق شمس الحرية والوحدة والسلام والديمقراطية SLM/A


#1259121 [الرادار]
5.00/5 (1 صوت)

05-03-2015 10:58 PM
هنيئا لكم ولنا هذا النصر، لا تلتفتوا الى المرجفين والمخذلين واضربوا مرتزقة النظام بكل قوة، فغدا تشرق الشمس ويتبدد القهر


#1259086 [alzaki farah]
3.00/5 (1 صوت)

05-03-2015 09:04 PM
من الذي يصدق هذا التصريح . اذا كنتم صادقين اين الصور ؟


#1259070 [ashshafokhallo]
0.00/5 (0 صوت)

05-03-2015 08:20 PM
المعركه سجال. المشكله انو المجرمين يمتلكون الاعلام ويستطيعون التاثير ولو بالكذب. مثلا لن تسمعو عن الخبر الكبير دا وح يحاولو يقللو منه.

زمان قلنا دايرين فضائيه يا نس. اصحو


#1259065 [ود الغرب]
3.00/5 (2 صوت)

05-03-2015 08:12 PM
ههههههههههههاي والله ضحكتني يا أدروب !!


ردود على ود الغرب
[almor] 05-04-2015 10:03 AM
يا اخينا من داخل كتم خساره الجنجويد هي مكسب للسودان وخساره لاسياد الجنجويد عملاء ايران

European Union [من داخل كتم] 05-04-2015 05:27 AM
هذه البيان صحيح خسرة قوات الدعم السريع خسارة تاريخية في منطقة جميزة غرب كتم، و لكن الخاسر هو للسودان.

[Wad Darfur] 05-03-2015 11:54 PM
هو انت شفت حاجة؟ الضحك لسه قدام بس انا خائف يشرطك لنصفين...شكلك بتلعب



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة