الأخبار
أخبار إقليمية
هدف القصف كان معمل لتصنيع الصواريخ بعيدة المدى.. معاريف الاسرائيلية : السودان يتهم إسرائيل بقصف أهداف في أراضيه
هدف القصف كان معمل لتصنيع الصواريخ بعيدة المدى.. معاريف الاسرائيلية : السودان يتهم إسرائيل بقصف أهداف في أراضيه


05-06-2015 09:46 AM
رام الله - القدس

- ذكرت صحيفة "معاريف" العبرية على موقعها الالكتروني ونقلا عن مصادر عربية حسب قولها، إن أصوات انفجارات هزّت العاصمة السودانية الخرطوم الليلة الماضية.

ووفقا لهذه المصادر فقد اشارت جهات امنية في السودان إلى ان اصوات الانفجارات جاءت نتيجة قصف جوي لقوات اجنبية على منطقة ام درمان، غرب الخرطوم.

واشارت مصادر اخرى الى ان هدف القصف كان معمل لتصنيع الاسلحة يقوم بتصنيع الصواريخ بعيدة المدى.

فيما أشار موقع "الجديد" الى أن السلطات السودانية سارعت بتوجيه اصبع الاتهام لاسرائيل، بأنها تقف وراء عملية القصف، مذكرين بحالات سابقة قام خلالها الطيران الاسرائيلي بقصف اهداف على الاراضي السودانية.
ــــــــــــــــــ
ويبقى السؤال هل كل ذلك مجرد مسرحية من نظام البشير لكسب ود الجماهير من أجل الالتفاف حوله ودعمه عقب العزوف غير المسبوق عن الانتخابات الاخيرة، و بعد أن رأى النظام بعينيه كيف كانت رسالة الجماهير قوية ومعبرة بأنها ترفض نظام البشير وانتخاباته.

ننتظر لنرى .. .خاصة وحميع السودانيين إعتادوا على كذب وفبركات نظام يتصف ويلقب رئيسه بـــ" الكضاب "


image
image


تعليقات 76 | إهداء 0 | زيارات 50607

صفحة 1 من 212>
التعليقات
#1261405 [شماتى]
5.00/5 (1 صوت)

05-07-2015 12:21 AM
خوفا من سياسية السودان للدفاع بالنظر اسرائيل تبعت طائرات بالنظر..


#1261404 [صديق حسين]
5.00/5 (1 صوت)

05-07-2015 12:19 AM
الى شنكول و كوري لقد زبحتم اللغه الانجليزيه زبحا و هي برائه منكما


ردود على صديق حسين
[صديق] 05-07-2015 02:04 AM
وإنت لحَّقت على العربية ( زبحتم > ذبحتم - زبحا > ذبحاً - برائة > براء والأصح بريئة


#1261396 [لواء اركان دفاع بالنظر]
4.50/5 (2 صوت)

05-06-2015 11:40 PM
تقنية الدفاع بالنظر استطاعت ان تحدد ان الجسم المضئ هو طبق طائر بقيادة الكابتن كائن فضائي وتم التصدى له حسب النظرية ، اجواء البلد مؤمنة ونوموا قفا


#1261386 [الكردفاني العدييييييييييييييييييييييييييييييييييييييل]
3.00/5 (1 صوت)

05-06-2015 10:38 PM
لولا ان اليهود .... يستحون من رؤية الارجاس وهم يرقصون .... لكانت ... معطتهم معط الجداد ..... عالم تايهه.... وراقصة .... وكمان تتحدى ... وتريد ان بكون لها موقع .....بين الامم....


المصيبة ..... والفضيحة .... ان الجيش نفسه ... يقول انه جسم طائر مضيء..... احتمال يكون .... شنو ... ي اخوانا .... غير ربة من ربات الرقاص ....اثارت الغبار.... وانعكست الاضاءة النهارية... وضباب الارض الحارة في الصباح الباكر....
هذا التفسير العلمي .... وفق رواية .... ابو ساطور ....

وكان الجماعة يقظين .... فامطلروها بوابل مما انفق من خزائن الجماهير ... ليتم الاستزادة من الحوافز لكل قطاعات الامن .... على حساب قطاعات الخدمات الاساسية للمواطن .... والخاسر المواطن .... في كل الاحوال ....


#1261383 [الحقيقة مرة]
5.00/5 (1 صوت)

05-06-2015 10:29 PM
اللهم اضرب الظالمين بالظالمين واخرجنا من بينهم سالمين غانمين.. امين


ردود على الحقيقة مرة
European Union [عماد عثمان - جدة] 05-12-2015 07:42 AM
لو بتقصد يضرب جبريل بمناوي و الحلو بعقار نقول ليك آآآآمييييييييييييييين


#1261363 [nagatabuzaid]
4.00/5 (1 صوت)

05-06-2015 09:17 PM
سبحان الله اليوم ما دخلت الراكوبة فى الصباح وما عرفت بخبر ضرب وادى سيدنا الامن اخت عزيزة تسكن حى الاسكان اخبرتنى ان سرائرهم وهم نائمين اهتزت اهتزازا وارتجت ارتجاجا بسبب غارة طائرة بدون طيار ضربت القاعدة الجوية بوادى سيدنا ثم اضافت هناك محاولة انقلابية بقيادة ود ابراهيم لدرجة سيطروا على الاذاعة لكن تم احباطها ما عرفت هل تزامن الحدثان ام ان ضرب القاعدة جزء من العملية الانقلابية لم اجد من يفسر لى حتى الان هرعت للقنوات الاخبارية ما صادفت خبر دخلت الراكوبة بعد صلاة المغرب وجت حضرتكم وتعليقاتكم وهى تعتبر استفتاء عديل ماعدا بضعة اشخاص يعدون على اصابع اليد مما يؤكد فشل النظام فى كسب ود الناس ديل راسبين وفاشلين عديييييييل
ارى الجميع ركز على اسرائيل وارى انه اذا فعلا هناك طائرة وضربة فالمتهم الاول ايران ولها اسبابها ايران صرفت على الحكومة الكيزانية صرف ثقيل مصانع اسلحة وقواعد وتدريب واسلحة والخ ... فى رمشة عين قبل ان يرتد الطرف حكومة الكيزان قلبت وتحولت بكلياتها الى السعودية واعلنت امس اغلاق المركز الطبى الايرانى بامدرمان البشير( جضم) الملالى ابان جضوم منفخة جضيمة حاااااااااااارة تفتكروا حيخلوه ؟؟ ابدا وطبعا لا سينتقمون منه انتقاما موجعا يعمل بدل الجضيم جلطة وسكتة ( الجلطة والسكتة بتجى للناس العندها احساس البنى ادميين وليس لمخلوقات ما معروف فصيلتها ) ايران هى التى تعرف اماكن التصنيع الحربى هذا ان كانت الضربة خارجية وقد تكون لعبة كيزانية كما تكرم بعض المعلقين والله اعلم
ما ذكرته المعلقة سارة اكيد صحيح وفى الاطراف تنتشر قوات حميدتى وهم داعمين لجهاز الامن اذن العراك الان بين الجيش والجنجويد اتمنى ان ينتصر الجيش ما ينط واحد يقول لى جيش الكيزان المهم جهة تحارب اتباع الحكومة وحزب المؤتمر جية شخصيا تجدونى معها وبقوة


ردود على nagatabuzaid
European Union [eman ahmed] 07-20-2015 12:19 PM
بسم الله الرجمن الرحيم وبه نستعين

اختنا نجاة اولا اعتذر لاني لم اري الصفحة هذه الا الان فقط ثانيا بفض النظر عن كل ما حدث في ذلك اليوم فانني ساركز فقط علي النقطة المهمة في كل ما ذكرتييحه وهي قضية ايران
وبما انني عملت مع الايرانيين لسنوات عدة فانني اري انهم لا يأمن لهم فهم شعب غدار و منافق ومصلحي جدا ومن احل لوصول الي ما يريد يدفع اضعاف الاضعاف ثمنا لما يريد فهم شعب لا ينسون حقهم و يمكرون في الخفاء ثم يضجكون بلا مبالاة و كانهم لم يفعلوا شيئا
علاقة السودان بايران قديمة جدا وكان الترابي سامحه الله اول من ادخلهم الي بلادهم وسمح لهم بفتح المسشتارية الايرانية بالخرطوم في منتصف الثمانينات وكانت فرصة جميلة جدا لا بد من اغتنامها حتي يتحقق لهم ما يريدون وهو نشر المذهب الشيعي والفكر الضال الذي دفع ثمنه الالاف من شبابنا المسكين
كنت اعمل دراسة عن هؤالاء الكفرة وكنت قد ذهبت الي ايران عن طريق صدفة و انت فرصة لاري زعيمهم المنافق الخامنئي و رايت كم هو جاهل هذا الشعب و رايت كيف هم يتمرقون و يبكون لرؤيته و هو يلوح لهم بيده و هم يقولون لبيك خامنئي لبيك و هو يلوح لهم بيده و يبتسم فقد وضع نفسه في مكانة اله والعياذ بالله و هذا المرقد الذي يسمونه بمرقد لامام رضا لو رايتهم كيف يتمرقون في الارض و يبكون و يدعو له بان يستجيب لهم دعائهم لكرهت الحياة بسبب هول ما رايت
نسال الله الهداية لمن ضل من شبابنا و يعييننا عليي نية ايران بعد طرد كبرائهك ويحفظ بلادنا من شرهم و اخيرا انني ؤكد كلامك علي ان الضربة جاءت من ايران وانها لن تكون الاخيرة و لا اجد سيعلم انها حاءت من جهتهم و الله اعلم بما تخفيه الصدور

[AL KIRAN] 05-07-2015 02:00 PM
I agree with you my buddy man > thank you for telling her.. thank you

[nagatabuzaid] 05-07-2015 11:10 AM
ونسى يجضمك انت يا اسماعيل وحيجضمكم ويقلم اظافركم يا العايشين على الملالى والحسينيات ماذا تقول عن ما فعله البشير بالايرانيين بعد استدراجهم ثم لفظهم اما نشاتى التى تحدثت عنها فانت لا تعرفها ولن تعرفها الملا المسؤول عنك لو عرف ردك حيطردك لانهم لا يكشفون عن ما بدواخلهم بكل اسف ما ادبوك علشان كدة احتمال تادبك جضيمة البشير

United States [اسماعيل] 05-07-2015 01:21 AM
((( البشير( جضم) الملالى ابان جضوم منفخة جضيمة حاااااااااااارة )))
هذه قلة حياء ياحاجة نجاة !!!
لكن معليش .. الظاهر في غلط منذ النشأة الأولى..


#1261356 [المنجلك]
5.00/5 (1 صوت)

05-06-2015 09:01 PM
علي أساس قاعدة أقل شراً فلينصر الله اسرائيل وليخزل تجار الدين

اليوم تتضح اكاذيب اجيال 1967 بأن اسرائيل هي الهزيمة وكيف اصبحنا نبرر الفشل وراء الفشل بسبب اسرائيل هى السبب

اليوم تتضح الحقائق للجميع ان لدينا من الانظمة أن تمت مقارنته بأسرائيل يجعلها تبدو طفلاً برئياً

فكونا من قصة اسرائيل نريد ان نمتلك الحقائق ماذا حدث؟


#1261352 [الزول خال]
5.00/5 (1 صوت)

05-06-2015 08:52 PM
عموما ما رأينا في تاريخ الدولة السودانية الحديثة حكومة تم اهانتها من قبل شعبها والسخرية والتهكم بها كما فعل بالكيزان....... اعوذ بالله منكم يا عفن. إلى متى سيظل السودان يعاني من خبثكم وقرفكم؟ ساعة الخلاص حانت والحساب ولد يا كيزان


#1261350 [د.أحمد >>>>>>>من داخل القلعة<<<]
5.00/5 (3 صوت)

05-06-2015 08:49 PM
ليست غارة اسرائلية،وللتأكيد تم اسقاط الهدف وتوجد صور،هذه الحادثة تأتي بعد حشد واستعراض الكتائب الأسلامية لقواها ومع تصعيد خطابها الأعلامي "الجهادي"،قد لا يتبين الآن على الأرض،صراع الأجنحة داخل بنية النظام،ولكن هاهي انعكاساته التي ستجر كل الأطراف للمواجهة الحتمية.

-للتأكيد كل المصادر الأسرائلية والبريطانية نفت،وفي العادة الموساد لا يؤكد ولا ينفي ولكن الخبر أكد في ساعات الصباح الأولى،كما أن جهاز الأمن قد سجل عبر موقع أجهزة الأمن الأسرائيلية الألكتروني تقريرا كان ذلك قبل أن ينفي الصوارمي بوقت وجيز وهو ما كشفت تفاصيله لاحقا الصحف الأسرائلية المعلومات موجودة على الشبكة لمن يجيد غير العربية.

-سابقا أوردت وأورد البعض على مواقع التواصل بأن الأحداث على أرض الميدان ستشهد نشاطا على الصعيد الأمني والسياسي في الحاضر القريب تترك فيها الجميع في حالة غليان وسخط على الانقاذ بوجهها القديم والجديد،وتبين فعلا بعض الأطراف تحاول استباق الأحداث لكسب أرضية صلبة.

-موجة فضائح الفساد المالي مقبلة في نسختها الثانية خصوصا بعد تسرب شائعات داخل أوساط قيادات جهاز الأمن بأن البشير قد مهدت له بالفعل مبادرة تؤمن خروجه من السلطة!.تم بعد ذلك ستلي موجة الفساد موجة شبح الأغتيالات السياسية وهي كرهوتة بتحركات الشارع.
السؤال الحقيقي الذي يطرح هنا كيف ستكون ردة فعل سودانيين ما بعد سبتمبر,ازاء كل هذه الفوضى "السيادية"؟
الى لقيا..


#1261347 [سكران لط]
5.00/5 (1 صوت)

05-06-2015 08:42 PM
عارفين لو فعلا في جسم انضرب كان من زمان طلعلينا واحد راصي مقصات ودبابير لى بطنو ووقف يرغي ويحكي كيف رجال الدفاع الاشاوس حطمو الجسم بفد ساروخ بلاستيني ولا شنو كده وهو يقلب بين ايدينو قطعة حديدة مصدية فعلا زي ما قال واحد هنا فرقعة وحركات ديش عشان يشغلو الناس انتو ما عارفين ناس الحكومة كلما تضيق عليهم بقمو يعملو مسرحية انقلاب وفشل بلا بلا بلا من جات الانقاذ ياها طريقتم في شغل الرائ العام والهاءه


#1261346 [سكران لط]
5.00/5 (1 صوت)

05-06-2015 08:42 PM
عارفين لو فعلا في جسم انضرب كان من زمان طلعلينا واحد راصي مقصات ودبابير لى بطنو ووقف يرغي ويحكي كيف رجال الدفاع الاشاوس حطمو الجسم بفد ساروخ بلاستيني ولا شنو كده وهو يقلب بين ايدينو قطعة حديدة مصدية فعلا زي ما قال واحد هنا فرقعة وحركات ديش عشان يشغلو الناس انتو ما عارفين ناس الحكومة كلما تضيق عليهم بقمو يعملو مسرحية انقلاب وفشل بلا بلا بلا من جات الانقاذ ياها طريقتم في شغل الرائ العام والهاءه


#1261338 [ود الفاضل]
5.00/5 (3 صوت)

05-06-2015 08:04 PM
مهما يكون موضوع الانفجار سواء كانت طائرات اسرائيلية او انفجار غاز ولكن على حكومة السجم والرماد ان تثق تماما انها ليست دائمة وانما الله سبحانه وتعالي يمهل ولا يهمل ... ولكن ماحصده الكيزان من كراهية لم يسبقهم عليه نظام حكم فى العالم ....
بعض المعلقين قالوا هناك انقلاب عسكري .. لايوجد فى السودان من يصدق بان الجيش السوداني بقي فيه ضابط واحد من الوزن التقيل يقوم بذلك .. وانما كل الموجودين وزن الريشة امثال الصوارمي !!!!! ولهذا كما قيل فقد خلا الجو للكيزان فاليبيضوا ويصفروا حتى ياتي يومهم حالك السواد بقدرة الواحد المقتدر .. ومن العجب ان يعاد انتخاب البشير حتى بالتزوير لاننا اعدنا انتخاب الطبلة المسوكرة فى بوابة السودان على العالم كله ... هذا الرجل كان قدومه للحكم نحسا وشقاءا على هذا القطر فاصبح وجوده فى الحكم جريمة على الوطن بكل المقاييس . حروب داخلية وفقر ومقاطعة عالمية فى كل المجالات وربنا يكون فى عون البلد المسكين ..


#1261328 [رانيا]
5.00/5 (1 صوت)

05-06-2015 07:39 PM
مرة تخيب ومرة تصيب .


ردود على رانيا
United States [رانيا] 05-07-2015 12:53 PM
تسلمي يا حبيبة وشكرا على سؤالك والحقيقة كان في ركود وقلنا نديها صنة .
تحياتي القلبية .

[AL KIRAN] 05-07-2015 03:55 AM
Ha... Rania.. I'm always thinking : where's {Rania} > even am laying down on the bed night time before I leave sleeping.. good to see

[nagatabuzaid] 05-06-2015 08:29 PM
سلام عليك يارانيا وينك عقبال ظهور تينا . البحث جارى عن تينا واخريات
فعلا يارانيا( مرة تصيب ومرة تخيب ) ونساله تعالى المرة الجاية تصيب


#1261322 [رقم صفر]
4.88/5 (7 صوت)

05-06-2015 07:35 PM
كلكم طلعتو اوف بوينت
الحاصل انو أحد الطيارين السودانيين المشاركين في عاصفة الحزم ادوه أوامر يضرب أهداف في تمام بالقرب من عدن' لكن الطيار سمعها ادريان. بعد داك حدث ما حدث.


#1261311 [حموري]
4.00/5 (3 صوت)

05-06-2015 07:14 PM
سالت احد اقربائي عن تفجيرات امدرمان الليلية بصفته ضابطا في القوات المسلحة السودانية و كان رده مقتصرا قال : ( دي حركات جيش ساكت ) --
اسرائيل بعبع مخيف --- و قديما قيل ( الضاق عضت الدبيب بيخاف من جر الحبل )
اسرائيل ايدا لحقت الحكومة الانقاذ و كفتتا كم مرة --- و الحكومة لا زالت تحتفظ بحق الرد --- و دا في حد زاتو يتعبر شئ بطولي و كتير من الكيزان --


#1261277 [سودانا فوق فوق فوق]
5.00/5 (2 صوت)

05-06-2015 06:00 PM
أأأأوولا الطياره دي جات بالليل ووو مممن دون اضاءه,,, شايف كيف,,, و الناس مارقه من الصلاه,,, صلاه العشاء,,,, فااااااا أعملوا نايمين

محدثكم اللمبي السوداني من داخل غرفه طوارئ الدفاع بالنظر


#1261276 [صديق حسين]
5.00/5 (2 صوت)

05-06-2015 05:59 PM
معقولا بس يا ناس يضربونا في امدرمان و في النهار و نحن في السوق حايمين بالسفنجات و ما جايبين خبر؟ وحتى حكومتنا اخر من تعلم؟


#1261275 [بارجقل في بطنو شغل]
5.00/5 (1 صوت)

05-06-2015 05:59 PM
ياجماعه انتو الكيزان ديل مصرين يتكلموا في الدين الإسلامي كانوا مافي زول مسلم غيرهم وبعدين لازم يفهموا إنهم اتكشفوا للجميع صغير وكبير ويشوفوا ليهم قصة جديدة غير موضوع الدين ده لانهم ماعندهم علاقة بالدين أصلا .


#1261259 [ابو عرب]
5.00/5 (1 صوت)

05-06-2015 05:34 PM
اعتذر تم التاكد من الخبر من مصادر مستقلة كنت اظنه مجرد ونسة المهم صحيفة واحدة نقلت الخبر الاحتمالات كالتالي
1-طائرة بدون طيار من قاعدة قريبة
2-صعوبة ان تكون طائرات معادية من اي دولة لان الخرطوم بالعمق السوداني
بالتالي طائرة من دون طيار وهي رخيصة الثمن وسهل الحصول عليها والمتوقع دائما هو هذا
علئ العموم هذا لا ينفي افتراضات اخرئ مثل طائرة رش زراعي مثلا تم استخدامها لاثارة هذه الزوبعة الغريبة ان الخبر في صحيفة واحدة مما يعني ان الامر لم يحدث ضرر كبير او تم التكتم عليه وغالبا الاولئ وغالبا طائرة من دون طيار وتوقعوا المزيد منها المهم كما قال الميرغني لا سلطة بدون انتخابات ومبروك للفائز الحالي نتلاقئ في الانتخابات القادمة


#1261255 [همام]
5.00/5 (1 صوت)

05-06-2015 05:32 PM
إن حدث ذلك فلا بد أنه حدث بالاتفاق مع إسرائيل السعيدة تماماً بتدجين البشير وزمرته حتى يغض النظام الطرف عن إسرائيل ولو جاءت إلى قلب الخرطوم وضربت مصنع اليرموك للأسلحة! هذه بالتأكيد مسرحية مثل مسرحية إعادة إنتخاب البشير، لكن الشعب لم ولن يلتفت إلى البشير أو أياً من زمرته المترفة ... ولماذا يفعل وقد سامه البشير والكيزان عذاب الجحيم، اقتصادياً وسياسياً ودينياً، لكي يترفه البشير وزمرته ويجعجعوا بتطبيق الشريعة لأكثر من ربع قرن؟ المؤكد هو أن الشعب سيرحب بأي كيان يدخل الخرطوم ويهاجم البشير وزمرته - هذا إذا لم يساعد الشعب الكيان الدخيل في التخلص من الكيزان وبشيرهم


#1261234 [ابو زيد]
5.00/5 (1 صوت)

05-06-2015 05:00 PM
اللهم احفظ السودان واهله


#1261228 [ممغوص]
5.00/5 (1 صوت)

05-06-2015 04:53 PM
المرة دي ياربي وزير الدفاع بالنظر حيقول شنو .
الطيارة جات مولعة النور وبعد صلاة العشا


#1261217 [مسلم]
5.00/5 (1 صوت)

05-06-2015 04:23 PM
ربي سلط علي مجرمي الانقاذ طير ابابيل ترميهم بحجارة من سجيل فتجعلهم كعصف. اللهم أجعل كيدهم في تضليل .. هم انهمكوا في دمار البلد وكذبوا ونهبوا واستباحوا المحرمات والاغتصاب والقتل والحرق والتجويع والاستيلاء علي اموال البسطاء.
اللهم انصر شعبك في مقاومة الطغاة المستبدين.


#1261168 [ساره عبدالله]
5.00/5 (11 صوت)

05-06-2015 02:53 PM
اشتباكات الان بمدخل امدرمان الغربي بين القوات المسلحه وقوات جهاز الامن مما أدى الى حجز العربات السفريه والخاصه للمحافظه على أرواح المواطنينواعلا حالة الطوارئ وأعلنت القياده الطلابيه استنفارها وجاهزيتها ودعمها للبلاد والمحاوله الانقلابيه كانت بقيادة العميد الركن احمد إبراهيم قائد اللواء مظلات ومعه 50 ضابط القى القبض على عشره والباقى لا يعرف مكانهم وبعض منهم كانو جنب الاذاعه
اللهم اجعل كيدهم في نحرهم


ردود على ساره عبدالله
[nagatabuzaid] 05-06-2015 08:07 PM
خبر السرور يا سارة انت صحيح سارة اسم على مسمى

ونضع فى اعتبارناا نه لابد ان تكون هناك تضحيات


#1261154 [Aldugri]
5.00/5 (1 صوت)

05-06-2015 02:43 PM
لحد الليلة الجماعة لابدين وما دايرين يكشفو تفاصيل الحدث كل ما قالوه جسم غريب واسقطناه بصواريخ اقصد بالسريخ وما قالو شنو علاقة هجوم الجسم الغريب بكهربة السد وانقطاعا؟
ما دام ما دايرين يقولو انا بقول
ايوه كان في هجوم على قاعدة وادي سيدنا والكيزان اصابم الرعب فاسرعو وقطعو النور لالالا ما قطعو ضربو محولاتو في السد عشان يتمكنو من الهرب والاختفاء في الظلام جزء منهم حصل مدني وجزء كنانة وجزء وصل مروي
والدليل على ضربهم لمحولات السد استشهاد مهندس احتراقا عمركم سمعتو كهربائي يموت احتراق بالنار ؟ عادة اذا حصل موت بكون بسبب الصعقة الكهربائية اما الاحتراق يتم بالنار الواااحدة دي مش قلت ليكم الكيزان ضربو المحولات عشان يندسو في الضلمة


ردود على Aldugri
[محمد صالح (جقود)] 05-06-2015 04:12 PM
خيالك واسع يا الدغرى بالنسبه للكهرباء فانا شغال فى الكهراباء (فنى ) والعطل كان فى الشبكه عموما وتم اصلاح الخلل وماتسرح بالناس وتبارى كضب رسائل الوتس اب اما بالنسبه للحصل امس فى امدرمان ماعارف ولابفتى فيهو لكن برضو مابصدق لاكلام الفيس والواتس ولا كلام الحكومه لانهم كلهم ماحصل قالو حقيقه واحده كلو كذب فى كذب غايتو لقيت حل اخيرا انى اعمل نائم زى باقى الشعب ده فخليك نائم وماتسرح


#1261149 [فاروق بشير]
5.00/5 (2 صوت)

05-06-2015 02:34 PM
(ويبقى السؤال هل كل ذلك مجرد مسرحية من نظام البشير لكسب ود الجماهير من أجل الالتفاف حوله ودعمه عقب العزوف غير المسبوق عن الانتخابات الاخيرة) اضافة لان الظلام يناسب تظاهرات الاحياء والشوارع.


ردود على فاروق بشير
United States [فاروق بشير] 05-06-2015 09:19 PM
[القريش] شكرا للاهتمام الكلام بين قوسين كلام المقال اما رايي انا هو ان الحركة مصطنعة خوفا من خروج تظاهرات الظلام فى الاحياء مع انقطاع الكهرباء.

[nagatabuzaid] 05-06-2015 08:17 PM
سلام عليكم يا استاذ فاروق والله تانى مافى ود جماهير مع المخلوقات دى مش يضربوا وادى سيدنا ان ضربوا اهلنا فى سرايرهم نحتسبهم ما عندنا معاهم شغلة ولا ود . ديل يا اخوى الموت كرههم رفض ياخدهم استغفر الله

[القريش] 05-06-2015 03:36 PM
مااظن هؤلاء لم يتركو مساحه للشعب عشان يلتف حولهم او يتعاطف معهم حتى لو اسرائيل خبطتهم ميه مره وبالنهار الناس اصبحت تدعوا الله الخلاص منهم حتى ولو الفاعل كان ابليس او الشيطان الرجيم مش اسرائيل.


#1261143 [عبير حسام الغالى]
5.00/5 (2 صوت)

05-06-2015 02:26 PM
مختبر لتصنيع صواريخ بعيدة المدى؟؟؟؟؟
نعم قد تكون بعيدة المدى فى عين قصيري النظر من اهل نظرية الدفاع بالنظر


#1261138 [التاج محمد احمد]
5.00/5 (1 صوت)

05-06-2015 02:23 PM
يا جماعه الطياره دي ضربت باليل وانتو عارفين الجماعه دول باليل بكونوا شغالين في قسمة غنايم ما جمعوه بالنهار يعني اعزروهم مشغولين دا اذا كانت فعلا طياره وممكن تكون معلومه سلمتها ايران لاسرائيل


#1261137 [عدو المنافقين والظالمين واللصوص]
5.00/5 (1 صوت)

05-06-2015 02:19 PM
هل فشلت نظرية الدفاع بالنظر ام هو سوء فى التطبيق؟ ام السبب هو الاصابة بالكتراكت (الموية البيضاء) والجلوكوما؟ نرجو الافادة من المدعو بوزير الدفاع.
هذا النظام الفاشى فاشل حتى فى الكذب


#1261136 [ابو عرب]
4.00/5 (3 صوت)

05-06-2015 02:19 PM
دا صحن فتة فكوه في السماء


#1261135 [حمار كلتوم]
4.50/5 (5 صوت)

05-06-2015 02:19 PM
جات الطيارة تحوم ضربت حمار كلتوم


قبل ما ادخل واعلق هنا تصفحت بعض الصحف الاسرائلية ترجمتها للعربي وذاكرين انها اجرت تجارب امس صباح الاربعاء لصواريخ بالستية وصواريخ بعيده المدى 4000 كيلومتر ونجح بعضها وبين قوسين ( فشل بعضها ) وبعملوا في صيانة لمضادات الصورايخ واجهزة كشف الانفاق يعني بالواضح كدا جربت طائرتها بدون طيار او صواريخها في قلب السودان ( وادي سيدنا ) امس ولو لاحظتو التوقيت الساعة 12 إلا عشره او قل 12 المهم هذه المواعيد اللي إعتادت إسرائيل ضرب اهدافها فيها خاصة السودان حيث ضعف الامكانيات والفضاء المكشوف تماما والنور الطافي .


المهم الجسم ولا المصيبة بتاعة امس دي مصدرها اسرائيل


#1261117 [برعي]
4.50/5 (11 صوت)

05-06-2015 01:59 PM
اتوقع ان يكون الجسم الغريب هذا طبق طائر وارد من كوكب بعيد ، لاستكشاف النشاط الانتخابي الاخير، الذي انعكس اثره الاشعاعي علي الكواكب البعيده في المجرات خارج درب التبانه ، في هذه البقعة من كوكب الارض المسماة مجازا بالسودان وفعليا بارض الشيطان .


#1261112 [الحقيقة]
5.00/5 (1 صوت)

05-06-2015 01:54 PM
دة معناتو الجماعة حيرجعوا لإيران لنصب مضادات الدفاع الجوى على ساحل البحر الأحمر كما وعدوهم سابقا لكن دة حيبوظ سياسة الإستهبال والسمسرة مع السعودية ودول الخليج،، والله الجماعة ديل سياستهم نى.


ردود على الحقيقة
[nagatabuzaid] 05-06-2015 08:19 PM
ليه ما تكون دى ايران فى بت ام روحها هى الضربت


#1261110 [Kori Ackongue]
1.00/5 (1 صوت)

05-06-2015 01:50 PM
Since Israel is there, then Saina of Egypt will not see the smuggling of missiles through Sudan and that the heavy launch of mass distructions missiles and barrels of highly splashing explosive and poisoned weapons will be so much minimized against our people in the Nuba Mountains Region, the Blue Nile Region and the Greater Darfur Region. Thank you Israel for this job, if it is you against the hostlers of terrorism and genocide regime of the Sudan and the spread of distabilization of Libya and Egypt through Saina.


ردود على Kori Ackongue
[shankolivich] 05-06-2015 08:16 PM
Shame on you Kori.I believe you are not aSudanese.You are just adirty racialist .We all oppose this regieme but if it is a forein raid we will all defend our country.Please do not push your dirty nose into any Sudanese affair.


#1261107 [المهند]
5.00/5 (2 صوت)

05-06-2015 01:47 PM
ادا كانت ضربة اسرائيلية على الحكومة ان تعلنها صراحة للعالم اجمع ، والتغطي ما بنفع كان ضربنا من قبل اسرائيل مرات عدة ونحن والحمد لله ضعاف حكومة لا حولة ولاقوة لها على الشعب المسكين .


نتمنى من وزير دفعانا الهام توضيح الحقيقة ما الدي حصل بالضبت وما سبب تلك الانفجارات التي دوت امس غرب امد درمان .

وكان غشيتونا تاكدوا لن تغشو الله وستنفضح الحكومة حاضرا ام أجلاً

عليكم بتوضيح الحقيقة المرة الآن.


ردود على المهند
European Union [الواضح ما فاضح] 05-06-2015 05:03 PM
على الطلاق (بالضبت) دى قلبته فيها الهوبه عديل كدا.
بالضبت لاقيتو
البيتنا جنب بيتو
كسحت رحت خليتو
سجمى دا الحصل وحكيتو


#1261101 [army]
4.00/5 (3 صوت)

05-06-2015 01:36 PM
جسم طائر جا منوين من المريخ والله سبحان الله يا حليل الجيش من دخلتو السياسه بقي صوره ساي


#1261099 [Mohamed]
5.00/5 (2 صوت)

05-06-2015 01:35 PM
الكارب خريفو وصيفو
/////////---------/////////

لا يوجد سوداني واحد يمكن ان يتعاطف معكم يا قتلة يا مجرمون والشعب قد أسمعكم كلمته القوية والمدوية وصفعوكم جميعاً على وجوهكم الخائنة دون إستثناء
السودانيون جميعاً يسعون إلى زوالكم ويعملون على ذلك ليل نهار ولو بأضعف الإيمان (الدعاء عليكم والله سميع عليم ) وسوف ندم حصونهم ونمحوكم من على الأرض الى الأبد
إذهب أنت يا مجرم وجانجاويدك فقاتلاء نحن هاهنا قاعدون لعنة الله عليك وعلى الفرعون الترابي وكل كوز جزمة 0
الدقة الجاية من الحركة الشعبية في رأسك يا مكعوج 0


ردود على Mohamed
[AboAseel] 05-06-2015 05:19 PM
المكعوج هههههههه
اللهم اجعل كيدهم في نحرهم الجبناء اللصوص


#1261090 [الحق ابلج]
5.00/5 (2 صوت)

05-06-2015 01:23 PM
باخى انتو كوولكم مطفحين ساكت .
ما نحن محتفظين بحق الرد فى الوكت المناسب طبعا .


#1261076 [abubaker]
5.00/5 (5 صوت)

05-06-2015 01:09 PM
اولا- ربنا يحفظ البلاد والعباد من كيد الكايدين
ثانيا= ميزوا بين الوطن والحكومة لان الاخير زايلة لامحال اما الاول فثابت وحق للكل
ثالثا= مهما كانت المبررات نحن لانقف ضد السودان وخراب وداره - لانه بكل بساطة وطننا يشمل الجميع
رابعا = متى ما كان الامر ممكن نحن ضد الحكومةوممارساته اللاخلاقية بس مع حفاظ سيادة الوطن


ردود على abubaker
[AboAseel] 05-06-2015 05:21 PM
الاستهداف لأسلحة انهكت هذا قتلاً وتشريداً

European Union [A. Rahman] 05-06-2015 03:14 PM
بلاش كلام فاضي معاك، دا كلام كيزان، نحن وطننا اختطفه الاخوان المسلمون و طلعوا بمقولة انه السودان دار للمسلمين ( و الحقيقة هم يقصدون الاخوان المسلمين"، وطننا هو حدودنا الجغرافية كم يعترف به النظام العالمي القائم ، و هو نظام الامم المتحدة، اما نحن فأهل هذا البلد بكل ألوان طيفه الثقافية و الاثنية و الاجتماعية بمن فينا التقاة و السفهاء و العقلاء و بالفقراء و الأغنياء (مش أغنياء الإنقاذ من المعرصين و القوادين و المخنثين من أمثال الفاتح عز الدين و مصطفى عثمان و ود الخضر و محمد الحسن الأمين، و لا أنسى شيخهم مدفع الدلاقين المسمى مجازا رئيس الجمهورية، و هلمجرا). نحن السودان بكل تنوعه و شيبه و شبابه و رجاله و نسائه الاخيار منهم و الاشرار، و بصراحة نحن شعب مثل شعوب العالم الاخرى، لا كما يريد ان "يتلصق فينا اخوان الشيطان" يا اولاد الزواني.

[زول] 05-06-2015 02:42 PM
لا فرق بين العدو والخارجي والحكومة فهم من اعتدوا علي الوطن الاول بالقصف والثاني بفصل الوطن وتنفيذ سياسة العدو التي تهدف لتفتيت السودان الى دويلات وهذا القصف ليس مستهدف به الوطن بل هو ضغط على الحكومة لتنفيذ المزيد من الاستسلام وتتنفيذ بقية الاجندة


#1261075 [الأشــعــة الـحــمــراء]
5.00/5 (1 صوت)

05-06-2015 01:09 PM
هــل تـم إقـفـال المـراكـز .. الأيـرانـيـة .. بـالـسـودان .. ؟؟
أم هـي واجـهـات ..للـخـبـراء الأيـرانـيـيـن .. الـذيـن يـديـرون مـصـانـع .. الأسـلـحـة المـختلـفـة .. بـالـسـودان ..؟؟
و هـل يـعـلـم الـبـشـيـر ..بـأن إسـتـجـابـتـه الـسـريـعـة و مـشـاركـتـه التي هـي دون مـسـتـوى (كـمـبـارس ) فـي تـحـالـف عـاصـفـة الـحـزم .. أعـدت لـه مـسـبـقـا .. لـكـي يـقـع فـي الـشـرك .. وهـو يـظـن يـقـيـنـا .. و لآ مـحـالـة بـأنـه يـجـيـد المـكـر الـخـداع .. !!
:
كـل مـصـادر المـعـلـومـات الإسـتـخـبـاريـة .. لـعـاصـفـة الحـزم .. مـصـادرهـا مـن CIA .. الموسـاد الإسـرائـيـلـي .. لـكـل بـؤر الأرهـاب المـؤكـدة و المحـتـمـلـة .. تشمـل كل المنطقة بـمـفـهـومـهـا(جيوبوليتـكـس ) .. إيران .. تـركـيا .. الـعـراق .. سـوريـا .. لبنان..الأردن ..الـضـفـة و الـقـطاع .. السعودية و الخليج .. اليمز .. كل شرق و شمال أفريقيا .. والتركيز على و السودان.
:
هـل تـوقـع الـبـشـيـر إدانـة .. مـن بـقـيـة دول تـحـالـف عـاصـفـة الحــزم ..ضـد إســرائـيـل ..لـفـعـلـتـهـا الـتـي فـعـلــت .. بـمـصـنـع الـصـواريـخ الـبـاليـسـتـيـة بـغـرب أم درمـان .. !!
:
للـعـلـم : نـفـس هـذه الـصـواريـخ تـم تـدمـيـرهـا بواسـطـة الـطـيـران الـسـعـودي بـقـواعـد الحـوثـيـيـن بـصـنـعـاء و الـضـالـع و شـبـوة بالقرب من الحدود الـسـعـوديـة و الـتـي تـم نـصـبـهـا عـلـى عـجـل و تـوجـيهـهـا نـحـو المدن الـسـعـوديـة.


ردود على الأشــعــة الـحــمــراء
[حكيم] 05-06-2015 05:10 PM
صواريخ إيرانيه تصنع فى السودان..عن طريق أرتريا تصل الحوثى..يتم إطلاقها على
مدينة نجران..يتم التعرف على مصدرها..من غير أى إضاعة للوقت يتم تدمير المصنع
بصواريخ يتم إطلاقها من البحر الاحمرأو إسرائيل.الفاعل قد يكون امريكا..اسرائيل
مصر.. السعوديه أو فرنسا


#1261063 [معجب بيك]
5.00/5 (1 صوت)

05-06-2015 12:56 PM
معقول تمشي فيكم الفبركات دي يا شعبي العظيم
دا انقلاب عسكري بقيادة 50 ضابط في الجيش
ومعظمهم من سلاح المظلات
ربنا يجعل كيدهم في نحرهم


#1261060 [على كرار]
5.00/5 (1 صوت)

05-06-2015 12:51 PM
يا جماعة الخير ديل ناس كوكب المريخ جو بى((UNKNOWN FLYING OBJECT - UFO)) عشان يشوفوا الشعب ده مالو راقد قفا ومستكين والنظام ما خلى حاجة ما حشرها فيهو !!!!!!!!!


#1261057 [سراجا الدين الفكى]
5.00/5 (1 صوت)

05-06-2015 12:49 PM
(اشارت جهات امنية في السودان إلى ان اصوات الانفجارات جاءت نتيجة قصف جوي لقوات اجنبية على منطقة ام درمان، غرب الخرطوم)
طيب اذا سلمنا بما ذهبت الية الحكومة, (قصف جوى لقوات اجنبية على منطقة ام درمان), سلمنا جدلا بتصريح الجكومة.
يأتى سؤال وبالحاح شديد ولايقبل التأخير: ماذ فاعلة الحكومة حينها؟؟؟؟؟؟؟؟؟؟؟؟؟؟؟؟؟؟
علما بان هذه المنطقة عسكرية فى جلها, بمعنى قوات اجنبية قصدت ضرب الجيش فى مكانة,
هذا الامر يتطلب سريع اجراء من الحكومة, وذلك لتكرره عدة مرات من قبل, هل ستصمت الحكومة على الغارات الاجنبية باستمرار, لابد من اجراء وعلى وجه السرعة.
وبعدين وين الدفاع الجوى, ووين الرادارات العسكرية, ووين الية حماية الوطن العسكرية.
وكفى ..............................


#1261044 [سوداني الهوي]
4.99/5 (9 صوت)

05-06-2015 12:32 PM
ربنا يستر ... و بعدين معاك يا عم جبرة!! أها زولك بتاع المريخ شكلو كبس الجماعة بالليل و طافي النور (يكون طمعان في الرئاسة و لا ايه) غايتو يا عمك لو ما خليت جدعاتك دي بتجيب ضقلا يلولح!!
كسرة
وووووووووووووووووووووو و هاك الجسم المتحرك دا


ردود على سوداني الهوي
[وانا كمان سوداني] 05-06-2015 01:18 PM
هههههههههه ، والله يا سوداني الهوي ( ضقلا يلولح ) احلي تعبير في الراكوبة ، لكن انا متاكد غالبية الشباب المعلقين ما عارفين معناها


#1261039 [ناصح أمين]
3.00/5 (1 صوت)

05-06-2015 12:28 PM
ما أسس علي باطل فهو باطل ، وهكذا ستنهار الشعارات الكاذبة المنافقة التي هدفت لإمتصاص دماء الشعب النظام الإخواني السوداني نظام مجرم لا يخاف الله ولا يمت للاسلام بصلة


#1261034 [ابوذر]
3.00/5 (1 صوت)

05-06-2015 12:12 PM
والله سامعين والجماعة الشباب قاطعين ليهم يوميين اللهم سلم يارب. بس مافي خبر اكيد عن الحاصل العارف شي يبلغنا يا شباب


#1261027 [AbuAhmed]
3.00/5 (1 صوت)

05-06-2015 12:03 PM
يمكن محاولة انقلابية ما عودونا على الكذب طوال اليوم لسنين طويلة ونحن نسمع بس


#1261026 [الناهة]
3.00/5 (1 صوت)

05-06-2015 12:03 PM
امر مخجل حقا
من اين جاء هذا الجسم الغريب واخترق الاجواء السودانية الى العمق ووصل حتى غرب امدرمان وما دام ان هنالك مضادات جوية لماذا لم تفلح في صد هذا الجسم هذا اذا سلمنا جدلا ان الجسم الطائر قد اطفا انواره ولم نرصده الرادارات السودانية
على اسرائيل ان تبرر وتعترف لماذا تقصف مصانع الاسلحة السودانية وماهي طبيعخ المعلومات الاستخبارية التي جعلتها تقوم بذلك ؟
ما زالت هنالك حلقات مفقودة يجب على المؤتمر الوطني توضيحهها بكل شفافية للشعب السوداني حتى يعلم ما يدور في ارضه وسمائه


ردود على الناهة
[القريش] 05-06-2015 01:37 PM
باين عليك حلوه وطيبه زي الناها لوزيره بتاعه موريتانيا مؤتمر وطنى شنو وشفافيه شنو؟وهل المؤتمر الوطنى يوم واحد عرف الشعب او اعترف بحق الشعب حتى فى امتلاك المعلومه الصحيحه؟


#1261020 [حاج علي]
4.75/5 (3 صوت)

05-06-2015 11:58 AM
اها المرة دي الطيارة جات برضو انوارها طافية والناس في صلاة العصر


ردود على حاج علي
[sudani one] 05-06-2015 03:42 PM
جات الساعة اطناشر وكانوا قايمين الليل!!!!!


#1261017 [مواطن من كودة]
3.00/5 (1 صوت)

05-06-2015 11:57 AM
ناس البسطاء في أم درمان قالوا ديل ناس خليل وخليل تحت الأرض مدفون. الله يخطك يا إسرائيل. بتعملي ليه كدة.


#1261016 [ود الحاجة]
4.50/5 (4 صوت)

05-06-2015 11:56 AM
هل فعلنا عندنا في السودان مصنع للصواريخ بعيدة المدى؟


ردود على ود الحاجة
European Union [مراقب عن بعد] 05-07-2015 01:26 AM
الصحيح مخزن لصواريخ ايرانية يتم تهريبها الى قطاع غزة


#1261014 [قندر]
4.75/5 (3 صوت)

05-06-2015 11:56 AM
يارب صاروخ في القصر الجمهوري يفرتقو طوبة طوبة


#1261013 [حلفاوي السوداني]
5.00/5 (14 صوت)

05-06-2015 11:54 AM
آمل ان يرجع الاخوة القراء لتواريخ ( الغارات ) الاسرائليةوقراءتها بتمعن ....

فسوف تجدون ان كل ( غارة ) او ( تسريب لخبر غارة) ( متزامن ) مع ( زنقة ) او ( فضيحة ) لحكومتنا الرشيدة .....

انا شخصيا على يقين ان اسرائيل ( تقدم ) هذه الخدمات ( للاخوان ) اينما كانوا في السودان او غزة او حتى للسيد محمد مرسي .....

فالحكومة خلال هذه الايام بحاجة لآلاف الغارات املاً في ( مواراة ) فضيحة الانتخابات ...
وللعام الذي كاد ان ينقضي دون ان يحسم التمرد....

من مصلحة اسرائيل واميركا بقاء هذه السلطه ( الضعيفة والهشة ) لان وجودها اقل تكلفة من وجود سلطة قوية...
فالمعلومة متوفرة والاستخبارات ( تبرطع ) طولا وعرضا وشرقا وغربا ... والعملاء بالصفوف الطويلة يعرضون خدمانهم ...
معلومات اسرائيل مصدرها ( الحكام والقائمين بالامر انفسهم ) فلماذا تغيرهم او تعمل على تغييرهم .
مصيبتنا ان فينا من لا يزال يعتقد ان الغرب عموما واميركا خصوصا يمكن ان يضغطوا على هذا النظام لتغييره او تغيير سلوكه وافعاله حتى ....


ردود على حلفاوي السوداني
European Union [همت] 05-07-2015 02:55 PM
الحلفاوي كلامه معقول جداً بالنسبة لتمثيلية ضرب إسرائيل لموقع في السودان:
وأتمنى أن تنتبه الحكومة إلى أن ألاعيبها لم تعد تنطلي على أحد وأن مخرجها الوحيد هو في إصلاح حال المواطن ومحاسبة المفسدين وتعيين الناس بمؤهلاتهم وليس بولاءاتهم وتخفيف الأعباء المعيشية على الناس والعدل بين الرعية

United States [مواطن.] 05-06-2015 02:49 PM
ونفس الشيئ تفعلة اسرائيل مع حزب ابليس في لبنان لتطبل لة وتجعل منة بطل عند السذج والمغفلين وتفعلة القاعدة مع امريكا لتدك امريكا المسلمين في العراق وافغانستان وغيرها من الدول بحجة محاربة القاعدة ونفس الشيئ وباحترافبة كبيرة تقوم داعش بادعاء مقاتلة امريكا والحكومة السورية وهي في الواقع تقتل السنة فقط في العراق وسوريا الكل اداة في يد المخابرات الامريكية تلعب بهم كما تشاء ، لكن يمكرون ويمكر الله والله خير الماكرين .

[المشروع] 05-06-2015 12:26 PM
احسنت 1000%


#1260999 [ساره عبدالله]
3.00/5 (1 صوت)

05-06-2015 11:41 AM
علما ان ضباط قاموا بانقلاب عسكرى للاطاحه بالنظام وصفوهم عبدالرحيم الله اصفى روحك


#1260998 [الدرب الطويل]
4.50/5 (2 صوت)

05-06-2015 11:40 AM
جايين بالليل وطافيين الأنوار!!.. انتو بس أبقوا رجال وانزلوا واطة بالنهار علي بالطلاق كان ما سكيناكم بالسواطير.. ما دايرين ايي مجمجة الدايرنا يطلع لينا برة فى النقعة والسواطير توري وشها..


#1260984 [ام تخاباط]
3.00/5 (1 صوت)

05-06-2015 11:32 AM
اسرائل ضربت حارس شنو يا وزير الدفاع ده شغلك ماتمش تضري اسرائيل زي ما هي ضربت وبعدين مامشيت اليمن غالبك تضرب اسرائيل هي واليمن كلهم مسافتهم واحده كفايه شبعتونا حقاره ولا منتظر يجوك بعود القذافي


#1260975 [cool]
5.00/5 (1 صوت)

05-06-2015 11:22 AM
فى انتظار مصيرمه الكذاب


ردود على cool
[وليد دارفور] 05-06-2015 04:45 PM
دي اتقطعت فيها يا كويلة الضحاك


#1260972 [انقااذي سادر في فساده]
4.00/5 (1 صوت)

05-06-2015 11:19 AM
هذا البيان ساذج ويعكس ضحالة في التفكير وينم عن عدم مسئولبة
ايه جسم متحرك ارنب قطة ام معتوه العقل ومشرد


#1260968 [عابر على الزمن]
5.00/5 (3 صوت)

05-06-2015 11:16 AM
والجسم المتحرك دة برضو جاء بالليل وكت صلاة العشاء وطافي الانوار ؟؟


ردود على عابر على الزمن
European Union [ود الشريف] 05-06-2015 12:14 PM
يا عابر علي الزمن . المرة دي جات مولعة الانوار بس انوارنا الكانت طافية ..


#1260962 [برلماني]
5.00/5 (2 صوت)

05-06-2015 11:06 AM
وين الدعم السريع ؟؟؟؟

عليك الله سريع دايرين لينا 4000 واحد منهم غرب أم درمان


عاجلا ثم عاجلا وليس آجلاً...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
2.63/10 (5 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة