الأخبار
أخبار إقليمية
باقان اموم: المؤتمر الوطنى وصل لتقسيم الحركة الشعبية ونصب قيادات منه على رئاستها فى جوبا
 باقان اموم: المؤتمر الوطنى وصل لتقسيم الحركة الشعبية ونصب قيادات منه على رئاستها فى جوبا


الطيب مصطفى يمكن ان يكن صديقى ويزورنى وازروه
05-06-2015 04:58 PM
لهذه الاسباب لم نذهب للخرطوم لطلب مساعدتها فى تسوية الازمة ببلادنا
فى الوقت الذى ترتب فى وساطة الايقاد مع المجتمع الدولى لفرض مسودة اتفاق سلام على طرفى النزاع بجنوب السودان غاب عن الساحة صوت مجموعة ال 10 التى تضم باقان اموم الامين العام السابق للحركة الشعبية ودينق الور وعدد اخر من كبار القادة الذين كانو معتقلين بجوبا وافرج عنهم لاحقا حيث ظلت الكثير من الاوساط تترقب موقفهم وتنتظر حراكهم لوضع حد للمعاناة فى الدولة الوليدة
اخر لحظة وخلال متابعتها للشان السودانى المحلى والاقليمى الذى له علاقة بالاوضاع فى البلاد اتصلت هاتفيا على اموم واجرت معه حوارا من مقر اقامته بنيروبى ناقشت معه موقف المجموعة من عملية السلام فى بلاده وتقييمه لدور حزب المؤتمر الوطنى فى العملية السلمية بالجنوب الى جانب رائه فى سلفا ومشار فضلا عن قضايا اخرى ليجيب دون تردد ويبعث برسائل فى اتجاهات عدة


اجراه عبر الهاتف : لؤى عبدالرحمن

الرئيس البشير فى اخر خطاب له بولاية جنوب دارفور طالب حكومة جنوب السودان بعدم ايواء الحركات المتمردة وهدد بملاحقتها داخل الاراضى الجنوبية .. ماذا تقول فى ذلك ؟
هذا التهديد ليس جديدا هو هدد من قبل ذلك بانه سيغزو الجنوب وانه سيقضى على الحركة الشعبية سماها الحشرة ، وانا ارى وقف الحرب فى السودان لايتم بغزو جنوب السودان وانما يتم بالبحث عن السلام المتفاوض عليه ونناشده بان يجلس مع الاطراف الاخرى فى الحرب الاهلية السودانية ده الحل الوحيد الذى تعلمناه كلنا كسودانيين قبل الانفصال وهو انك لاتحل مشكلتك بتصديرها للخارج واتهام الاخرين بدعم الحرب داخل بلدك ولكن تحلها بالجلوس فى طاولة المفاوضات بمثل ما جلس مع الحركة الشعبية بالرغم من اتهامه ليوغندا انذاك ومعها اثيوبيا وكينيا وامريكا والمانيا واسرائيل بدعم الحركة وهو لم يغزو هذه الدول ليحقق السلام وانما جلس فى طاولة المفاوضات للتوصل الى اتفاق ، اذا القضية قضية سودانية تحل بالتفاوض بين كل الاطراف بدعم من الجيران بما فى ذلك حكومة جوبا بالتالى نناشد الحكومة بقيادة سلفا بان تستقل وضعها وعلاقاتها بالاطراف السودانية للمساهمة فى انهاءء الحرب فى السودان وان يكن كير وسيط امين زى ماناشدنا الرئيس البشير
هنالك قيادات فى المؤتمر الوطنى تقل ان قطاع الشمال فى الحركة الشعبية لم يفك ارتباطه بالحركة فى جنوب السودان ومازال تابعا لها حتى الان ؟
الحركة الشعبية كانت حركة سودانية منتشرة من نملى الى حلفا ومن الجنينة الى طوكر وعندما انقسم السودان الى دولتين كذلك انقسمت الحركة الى حزبين او تنظيمين فكو الارتباط والعلاقات البينية من مارس ابريل 2011م قبل الانفصال وبالتالى هذه ادعاءات ليس لها اساس والمؤتمر الوطنى نفسه قام بغزو جنوب السودان عن طريق العمل الاستخبارى والتامر ووصلوا الى تقسيم الحركة الشعبية فى الجنوب واحتلوا قيادة الحركة الشعبية والان عناصر من قيادات المؤتمر الوطنى مثل رياك قاى الذى كان لرئيس الوطنى ومعه اخرين هم الان القيادة الجديدة التى نصبها المؤتمر الوطنى على الحركة فى جوبا
البعض يتساءل لماذا لم ينضم باقان الى مشار او سلفاكير وفضل البقاء مع مجموعة العشرة ؟
نحن قررنا ان لا ننضم للطرفين لانهما يخوضان فى حربا ونحن ضدها ونرى ان الحرب ليست الحل فى جنوب السودان وانما تزيد منها ، نحن دعاة سلام لهذا السبب لم ننضم لاى طرف من طرفى النزاع فى دولة الجنوب
فى السابق كانت هنالك مناكفات بينك وبين رئيس منبر السلام العادل المهندس الطيب مصطفى والان بعد ان اصبحتم دولة هل شعورك نحوه نفس الشعور القديم وهل بامكان الطيب ان يصبح صديقك ؟
فى الماضى وخلال كل فترة تنفيذ اتفاقية السلام شعورى كان دائما بكل حب لهذا الشخص واحترام له وابدا ماكان عندى كراهية تجاهه وانما هو كان الكاره وكنا نبادل كراهيته بمحبة لانه انسان نحترم انسانيته قد نختلف فى ما هو يفكر فيه ونختلف معه فى اعماله ولكن نحترمه ونقدره كانسان متساويين معه فى انسانية رغم التوجهات العنصرية للطيب مصطفى ، شعورنا تجاهه شعور اخوة فى الانسانية وهو ممكن ان يكن صديق لى ونحن نصادقه ونكرمه ويزورنا ونزوره ونحن فى النهاية جيران
انت متهم من قيادات جنوبية بانك سعيت لابعاد سلفاكير ومشار عن الخارطة السياسية لطرح نفسك كبديل لهما فى قيادة الدولة ؟
الان انا ساعى لتحقيق السلام ورتق النسيج الاجتماعى بدولة جنوب السودان الذى مذقه سلفاكير مع د رياك مشار وانا لست طالبا للسلطة بالشكل الشرس الذى يمارسانه ويقومان به الان انا مجرد داعية للتغير والسلام والاستقرار وتحقيق الرفاهية ليس فقط فى الجنوب وانما فى كل منطقتنا وقارتنا
الملاحظ ان الجيش الشعبى اصبح مليشيات قبلية يصعب السيطرة عليها كيف يمكن تحييده فى الصراع حتى يصبح قوة فاعلة تساعد فى بناء السلام بالجنوب ؟
فعلا حصل تدهور كبير وانهيار للجيش الشعبى وتشرزمه لمجموعات مسلحة وولاءات قبلية الان عنك الرئيس سلفاكير جند مليشيات قبلية من منطقته وادخلهم فى الجيش الشعبى ومجموعات اخرى خرجت من هذا الجيش وذهبت الى مشار على اسس قبلية ومليشات اخرى قبلية منتشرة فى جنوب السودان سواء كان فى مناطق الشلك او المورلى او فى الاستوائية ، وبكل تاكيد نحن دولة حديثة لازم نكون جيش وطنى قومى قائم على الوطنية يكن بوتقة لتلاحم كل العناصر من كل القبائل ومدرسة فى الوطنية وحماية الدولة وهذا برنامج يحتاج لتطوير البرنامج الوطنى لاعادة بناءالقوات النظامية بما فى ذلك المؤسسة العسكرية والمخابرات بالاضافة الى الى اجهزة تنفيذ القانون
بعض الوسائط نقلت حديثا عن وضع جنوب السودان تحت الوصاية الدولة بسبب تدهور الاوضاع الانسانية والامنية ماهو موقفك من هذا الامر ؟
هذا الامر يتم عند انهيار الدولة وتغيب الارادة الوطنية لانقاذ البلاد من التشرزم والفوضى ،وانا مع السلام فى الجنوب بارادة وطنية انا مع فرض اتفاق سلام من قبل دول الاقليم بدعم دولى وتوقع عليه الاطراق وتنفذه عن طريق تشكيل حكومة وحدة وطنية على اساس الاتفاق هذا ماندعو اليه ولكن اذا فشل كل ذلك وانهار جنوب السودان فان تدخل المجتمع الدولى لفرض الوصاية سيكن الملاذ الاخير والا القبول بالفوضى ونحن لانتخيل ان يقل احد اتركوا البلاد تنهار فى حالة فشل القوى الوطنية ولاتنقذوه
سؤال قبل الاخير ..خلال الفترة الماضية من عمر الازمة فى الجنوب لم تزور الخرطوم لطلب المساعدة فى تحقيق السلام ببلادكم وذهبت الى كينيا ودول اخرى .. لماذا وهل انت زاهد فى مساعدة حكومة السودان ؟
الحقيقة الحكومة فى الخرطوم والريس البشير زى اخدوا قرار بان من يسمونهم اولاد قرنق هم اعدائهم وهم دخلوا فى الجنوب حتى اخرجوا اولاد قرنق لذلك غير مرحبين بهم فى الخرطوم لكن كل كان افكار وتقييمات للاوضاع فى الماضى نحن لانعتبر الحكومة السودانية عدوة بالنسبة لنا ونعتبرهم حكومة دولة جارة ومستعدين نتعامل معهم على هذا الاساس نحترم الجيران لانتدخل فى الشئون الداخلية للسودان واذا نحن مشينا للخرطوم حنمشى فقط بننا ساعيين لتحقيق المصالح الوطنية للسودان نحن وطنيين فى جنوب السودان وننتمى لهذا الاقليم يهمنا الشان السودانى والدخول فى حوار حول القضايا المشتركة بما فى ذلك قضايا السلام بين الدولتين وفى الداخل وكل ذلك ارضية للتعاون و اذا الخرطوم ترى انها غير مرحبة بنا نحن لن يكن لدينا نزعة للتوسل اليهم ولفرض انفسنا
رسالة تريد توجيهها عبر منبر اخر لحظة ؟
نناشد كل السودانيين فى السودان يتضامنو مع شعب جنوب السودان لتحقيق السلام والاستقرار على الرغم من انفصال جنوب السودان فالشعب السودانى هو اقرب الشعوب لشعب الجنوب وشعب جنوب السودان احوج لتضامنهم ووقوفهم معه الان لتحقيق السلام والاستقرار وفى كثير من مواطنينا نزحوا مجددا للسودان ندعو اهل البلاد لاستقبالهم وضيافتهم لديهم ويعطوهم حقهم كجيران وفى ذلك بناء لعلاقات تاريخية بين الشعبين ونحن واقفين مع الشعب السودانى فى سعيه لتحقيق السلام والاستقرار والديمقراطية والرفاهية فى السودان

اخر لحظة


تعليقات 14 | إهداء 0 | زيارات 11527

التعليقات
#1262072 [ابو عرب]
5.00/5 (1 صوت)

05-07-2015 06:30 PM
بصراحة رجل متعلم ومثقف وذكي ولبق ويعول عليه الكثير اهم حاجة بس الذمة ما تكون واسعة لان سلفا قال كدا قال خانتو الامانة ولهطوا قروش البترول وما عايزين ترجعوها عشان كدا رفدكم كلكم دي اهم حاجة بس ما تكون الذمة واسعة زي ذمة جماعتنا ديل هههههههههههههههه


#1262039 [الخازوق]
5.00/5 (1 صوت)

05-07-2015 05:25 PM
نناشد كل السودانيين فى السودان يتضامنو مع شعب جنوب السودان لتحقيق السلام والاستقرار على الرغم من انفصال جنوب السودان فالشعب السودانى هو اقرب الشعوب لشعب الجنوب وشعب جنوب السودان احوج لتضامنهم ووقوفهم معه الان لتحقيق السلام والاستقرار وفى كثير من مواطنينا نزحوا مجددا للسودان ندعو اهل البلاد لاستقبالهم وضيافتهم لديهم ويعطوهم حقهم كجيران وفى ذلك بناء لعلاقات تاريخية بين الشعبين ونحن واقفين مع الشعب السودانى فى سعيه لتحقيق السلام والاستقرار والديمقراطية والرفاهية فى السودان

لعنة الله عليك يا كلب يا واطي
انت كنت الداعم الاساسي وصاحب الصوت العالي في انفصال الجنوب
الله يفصل راسك عن جسدك يا حقير يا بليد
انت لو كنت بتفهم سياسة ما كان ناديت بانفصال الجنوب لكنك حاقد وقلبك اسود وفوق ذلك قليل ادب وعقلك فاضي .
عفارم على سلفاكير خلاك زي الكلب الضال - اذلك وهمشك وخلاك تحنن . لكن والله ما نحن عليك ابدا ولا نتعاطف معاك ابدا .
انت الان يا باقان ولا شيء - انت خارج اللعب خالص .
انت مركون واصبحت كرت محروق . تنحرق في الدنيا قبل الاخرة .
الجنوبيين اخواننا واهلنا كانوا وما زالوا بس امثالك عليهم لعائن الله حشوا صدورهم ضد اخوانهم في الشمال وحدثت الفرقة . الله ينتقم منك ومن امثالك .ويذلك اكتر من الذل الذي انت فيه . انت مطرود وستظل مطرود . لعنة الله عليك .


#1261978 [احمد]
0.00/5 (0 صوت)

05-07-2015 03:06 PM
باقان اموم الحية الرقطاء (عليك من الله ماتستحق


#1261962 [سعد]
0.00/5 (0 صوت)

05-07-2015 02:43 PM
باى باى بقان واللة


#1261900 [ود الزبير]
5.00/5 (2 صوت)

05-07-2015 01:22 PM
سمع أضانى من خشمو قال دولة السودان دولة فاشلة وإنهم فى دولة الدينكا فى الجنوب عندهم الفرصة يبقوا دولة متقدمة جدا" جدا", هاهاها هاك الدولة المتقدمة جدا" جدا" دى.


#1261817 [الحلومر]
5.00/5 (1 صوت)

05-07-2015 11:48 AM
باقان اموم ... ماكنا نراك إلا كما كان يصورك الاعلام السوداني رجل حقود ومعقد وعنصري ...وحاقد علي اهل الشمال ... اليوم فقط عرفناك علي حقيقتك انك رجل نبيل شفيف تحمل من مكارم الاخلاق ما لا نجدها في كل رجال الحزب الحاكم في الشمال ... ولكن عتبي عليكم انكم لم تنظروا لمشاكل السودان عامة..
التي يعاني منها اهل الشمال والجنوب معاً وانكم خذلتم اهلكم في الشمال الذين حاربوا معكم في خندق واحد من أجل رفع لظلم الواقع عليكم واخذتكم سكرة الانفصال عن الوطن وحيازة البترول وخذلتم أبناء الشمال الذين رابطوا معكم في خندق واحد ويكنون لكم كل الحب ... الانفصال نظرة انانية وضيق جداً كان المفروض ان تطالبوا بالعدالة لكل شعب السودان بدلاً عن الانفصال وكان الزعيم العظيم جون قرن يتفوق عليكم بنظرته الشاملة للوطن ككل وليس مجزأ عموماً ربنا يرفع عنكم وعنا البلاء


ردود على الحلومر
[الكجور الأسود] 05-07-2015 03:25 PM
وكنا نعتقد أيضاًأن إنفصال الجنوبيين- هكذا على عجل ـ قبل أن ينتظروا نتيجة المشورة الشعبية بالمنطقتين وقضايا أخرى عالقة،كنا نعتقد أن هذا سيجعلهم فيما بعد أكثر قوة وقدرة وإستماتة في الدفاع عن حقوقهم وحقوق رفقائهم في درب النضال الطويل بعد تكوينهم دولتهم المستقلة،كما كنا نعتقد أيضاً أن بإمكان دولة الجنوب المستقلة في المستقبل بإذن الله ،أن تناقش حتى قضية عالقة مثل قضية"المشورة الشعبية" في جنوب كردفان والنيل الأزرق أمام "مجلس الأمن الدولي"دون أن تشعر بأي خجل كما تفعل اليوم،و بمجرد أن تسمع من البشير يقول أن هذا يعتبر تدخلا في شئوننا الداخلية،وكيف يعتبر هذا تدخلا في الشئون الداخلية والعالم كله يعرف قصة النضال المشترك بين الحركة الشعبية لتحرير السودان والحركة الشعبية قطاع الشمال في أطول حروب أفريقيا؟ولكن يبدو أن خيانة الأصدقاء بهذه الطريقة - ظنا منهم أنهم أذكياء-لابد وأن تنقلب على أصاحبها في نهايةالمطاف،أما الدليل على ذلك فهو أن دولة الجنوب لتي بُنيت على عجل،قد أصبحت الآن قاب قوسين أو أودنى من "الدولة الفاشلة"، تماما مثلما كان "باقان أموم"يصف جهورية السودان قبيل ترويجه لإنفصال الجنوب.

[محمود ود احمد] 05-07-2015 02:54 PM
تماما انت حلو مر يا رجل مشكور على تعرية هذا الحقود طيلة الفترة الماضية مع فردته عرمان ( مشاكسات غعتراضات العمل الدؤوب للانفصال " ارتحنا من وسخ الخرطوم " هل هذا من يستحق من يستحق اطراءا وانت وكل الشعب السودانى يعلم تماما ما فعله بالسودان نكاية للمؤتمر الوطنى والذى لولاه لما نال حريته كما يتبجح تقف الكلمات حيرى من امثال صحفيينا الذين يخلطون الامور و" يفقعوا مرارتنا بهؤلاء " كيف لسودانى اصيل ان يرضى بتدمير البنى الاساسية لوطنه مقابل حقده للانقاذ بدلا ان نسعى لانقاذ الوطن من ما يسمى الانقاذ نساعد فى هدمه بتصديق هؤلاء ... مشكور عزيزى حلوا ومرا ..

European Union [حفيد تور شين] 05-07-2015 02:41 PM
هل تعلم اغلب قيادات الجنوب وخاصة العشرة درسوا كادقلى الثانوية وخور طقت..ثم جمهورية مصر العربية هم زملاء لنا وعاشرناهم واصحاب نكتة حتى على انفسهم كانوا..شباب فهمهم راقى ..ولكن اذا اجبرت على ان تكون فى قفص الاتهام..والطيب مصطفى مازال عنصريا فماذا تفعل ..ولكن المؤتمر الوطنى ..يريد ذلك حتى ليحكم جون قرنج بافكاره الشمال والجنوب هدف الجماعة ان يحكموا الا ترى على عثمان يضحك ملأ فيه وهويوقع على الانفصال


#1261691 [صلاح بخيت]
5.00/5 (3 صوت)

05-07-2015 09:52 AM
من مشكلة في الشمال وإلا وسببها عرمان وما من مشكلة في الجنوب إلا وسببها باقان وجهين لعمله واحدة لعنة الله عليهم الإثنين ـ بقيتوا تكوسوا ليها حافه ـ تفو تفو تفو عليكم والملل التى تعملون لحسابها .


ردود على صلاح بخيت
European Union [حفيد تور شين] 05-07-2015 02:42 PM
صلاح شقى؟؟؟والشقى عمرو بقى؟؟؟ههههههه

[كاره الكيزان محب السودان] 05-07-2015 10:23 AM
تفو تفو تفو ألف مرة عليك إنت يا كوز يا مرتزق ياخائن لوطنك. ياسر عرمان، مناضل جسور كل همه إسعاد السودان وأهله وليس همه تكديس الأموال في ماليزيا ودبي كما يفعل أسيادك عصابة الجبهة الاجرامية ولصوص المؤتمر البطني المخانيث.

تفو عليك إنت وعلى أسيادك أيها الغبي المرتشي.


#1261657 [ابوحسن]
5.00/5 (3 صوت)

05-07-2015 09:11 AM
انت حل مشاكلك وتعال حل مشاكل السودان مشاكلنا فى اماكن محدودة اما مشاكلك فى كل الجنوب


#1261642 [بامكار]
4.50/5 (2 صوت)

05-07-2015 08:57 AM
رجل حاقد علي الشمال وهو سبب انفصال الجنوب هو والخال الرئياسى الطيب مصطفى الحقد والكراهيه اوصلتنا الى ما وصلنا اليه الاوطان تبنى بالمحبه والالفه وكفى


#1261359 [النذير]
2.75/5 (4 صوت)

05-06-2015 09:05 PM
أعقل وأذكى سياسى جنوبى أنجبته الحركة الشعبية بعد زعيمها جون قرنق.


ردود على النذير
United States [حسن شولة] 05-07-2015 01:14 PM
زى ذكاءك دة كدة يعنى ؟

[Locolo] 05-07-2015 07:55 AM
لك التحية يا النزير ما قلت إلا الحقيقة ،،،


#1261302 [على]
5.00/5 (1 صوت)

05-06-2015 06:53 PM
ريحنا لكن كيف سيلفا يقدر يحل مشاكل السودان وهو ماقادر يحل مشكلته دا كلام ليس ذا معنى ومضيعة للوقت وباقان فاضى قاعد فى نيروبى يتسلى جنوبيا منتهى وقبليا منتهى من زمان ولاتنسوا حلايب سودانية


#1261298 [عطوى]
5.00/5 (1 صوت)

05-06-2015 06:39 PM
... ياسلام عليك يا باقان انت واحد من اروع الجنوبيين الذين عرفتهم السياسة بعد جون قرنق بس البفهم منو مع عقلية الكورال هذا حاقد وهذا عبد وهذا عميل وهؤلاء يحسون بالدونية ...

.... عندما كان السودان قديما يتوشع بثقافة اليسار الابطال والمفكريين امثال عبد الخلق محجوب وغير هم من افزاز من انجبهم السودان .. كان السودانيين مشبعون بالثقافة اليسارية المبنية على اسس تحرير العقل من عقلية القطيع والاتباع .. والرعب والتخويف والخرافات فكانت حتى الدكتاتوريات فى تلك الحقب تعتبر حقبة تنوير ووعى مقارنة بزمن الاخوان المسلمين ..
الان ومنذ 26 عاما ومنذ ان خلت علينا لعنة الفكر الاسلاموى وربائبة من السلفيين.. والذى يقووم على مبادىء القطيع والخرفان والاتباع الاعمى والارهاب النفسى والتخويف فحشى روؤس السودانيين من خلال مساجدهم وبرامجعهم الدينية الغثة ومدارسهم القرانية باهوال الاخرة والموت والعزاب حتى ذهد المجتمع فصار المجتمع يعتقد بالخرافات والدجل اكثر من الواقع والعقلانية حتى اصبح ينظر الى جلادية بانهم مسلطين علية نتيجة تقصيره فى العبادات .. فاصبح يظن بان جلادية هؤلاء هم قدره فلن يستطيع ان يخرج منه ابدا فعلية ان يصبر فقط ويصلى اكثر ؟..وعلى ضوء هذا عاد السودانيين الى الحياه البهيمية فانهارت القيم والاخلاق وعم الانحلال الخلقى والسلوكى وكثر الانتحار والاجهاض والمشردين وقطع الطريق وانتشرت الفتن والعنصريات وصارت الرشوه والمحسوبية هى الاقتصاد وصارت الفنون مسخا وفنانين مخنثيين وشعرا سوقيا بزيئا وصار العلم كراسى بلاستيك ملونة وكراسات وكتب مزركشة وصارت دور العلم والمدراس شقق ودكاكيين والمعلمين صارو سماسرة ومتحرشين والشرطة صارت مركز للجريمة وادراه وترويج الجرائم والابتزاز والمخدرات والسكر والرشوه وصار الجيش عبارة حقوق يتم انتظارها لشراء رقشة او حافلة او بناء اوضة وبرنده ..

باختصار انها عقلية القطيع والراعى التى خلقها الاسلامويين وكل الفكر السلفى الظلامى... فكيف للشعب ان يميز بين الخير والشر وان يفهم بان جلادية هؤلاء لم يقدرهم له الله وانما السودانيين هم من قبلو بسجنهم هذا وهم من يقدمون ظهورهم لجلاديهم مرعوبيين من خرافات فقة الاتباع وطاعة اولى امرهم المجرميين ..الانسان هو من يصنع قدره ....


ردود على عطوى
[Amar G. Mahmoud] 05-07-2015 06:57 PM
.

[البطل النميري] 05-07-2015 09:26 AM
دعك عنك الفلسفة دولة الجنوب واسعة وجنسيتها متاحة فاذهب بفكرك الضال إلى باقان الضال المُضل، شعب السودان لا يرضى إلا بشريعة محمد صلى الله عليه وسلم ومن لم تطب له فعليه أن يختصر الزمان والمكان ويذهب إلى شريعة باقان. شعب السودان لم يك بتلك الأفكار التي ذكرتها وليسوا بجلاديين ولا سفاكيين ولا قطاعيين، ونحن على ثقة ويقين بأن لا مجال ولا مكان لمثل أفكارك الضارة وفلسفتك الحاقدة ..

[البطل النميري] 05-07-2015 09:21 AM
ياعطوي لو بتفتكر إنه باقان مخلصك فأرض الجنوب مفتوحة وواسعة لأمثالك وجنسية جنوب السودان غير صعبة المنال حتى تعيش في فكر باقان، نحن شعب ارتضينا بمنهج القرآن والسنة، دع عنك الكلام الذي تتفلسف فيه والادعاءات شعب السودان لم يكن في يوم من الأيام كما تقول وفكرنا يقوم على شريعة محمد صلى الله عليه وسلم لا على شريعة باقان وأفكاره وأفكارك طالما تطابقت أفكارك معه ما الذي يبقيك في بلاد فيها كل ما تقول الآن ؟؟؟؟؟


#1261271 [faris]
5.00/5 (3 صوت)

05-06-2015 05:51 PM
هههههههههههههههههههههههههههههههههه
خجلت ليك ياباقان . معقولة دة باقان . بتاع مقولة ارتحنا من وسخ الخرطوم .وصاحب قرار طرد الطلاب الشمالين من بحر الغزال ابان الدورة المدرسية .وياما حتشوف زمان اهلنا قالو البقر كراعة جيابا . يجي الخريف واللوارى تقيف .
شوفو الكلام دة
نناشد كل السودانيين فى السودان يتضامنو مع شعب جنوب السودان لتحقيق السلام والاستقرار على الرغم من انفصال جنوب السودان فالشعب السودانى هو اقرب الشعوب لشعب الجنوب وشعب جنوب السودان احوج لتضامنهم ووقوفهم معه الان لتحقيق السلام والاستقرار وفى كثير من مواطنينا نزحوا مجددا للسودان ندعو اهل البلاد لاستقبالهم وضيافتهم لديهم ويعطوهم حقهم كجيران وفى ذلك بناء لعلاقات تاريخية بين الشعبين ونحن واقفين مع الشعب السودانى فى سعيه لتحقيق السلام والاستقرار والديمقراطية والرفاهية فى السودان


#1261270 [ديك ألكترونى]
5.00/5 (4 صوت)

05-06-2015 05:51 PM
أها يا باقان أرتحت من وسخ الخرطوم؟!!


ردود على ديك ألكترونى
European Union [مفتش صحة] 05-07-2015 07:51 PM
الخرطوم وسخها الكيزان ان كنت كوز فأنت جزء من هذا الوسخ, مسألة واضحة ما دايرة درس عصر.

[الأشــعــة الـحــمــراء] 05-07-2015 08:11 AM
و فـديـتـمـوهـ ..بـذبـح ثـور ..أسـود اللـون .. أمـام أعـيـون الـنـاظـريـن .. ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة