الأخبار
أخبار السودان
وفاة الملازم غسان عبدالرحمن المتهم الشهير في مكتب والي الخرطوم
وفاة الملازم غسان عبدالرحمن المتهم الشهير في مكتب والي الخرطوم


اثر حادث حركة بالخرطوم
05-14-2015 08:19 AM
الخرطوم: محمد عبدالباقي

توفي صباح اليوم الخميس بمستشفي فؤاد الطبي بالخرطوم الملازم غسان عبدالرحمن المتهم الشهير في قضية مكتب والي ولاية الخرطوم متأثراً بإصابته التي تعرض لها أمس الأول عقب اصطدام سيارته بأخرى بشارع الستين بالخرطوم.

وأفاد مصدر شرطي رفيع بإدارة المرور أن الملازم غسان عبدالرحمن تخطى شارة مرور حمراء مما أدى لاصطدامه بعربة كانت تسير في الإتجاه المعاكس نتج عنها فقدانه للوعي لمدة 24 ساعة وفارق الحياة في اليوم الثالث.
image
يذكر أن المرحوم كان يعمل بمكتب والي ولاية الخرطوم واستطاع الحصول على تصديقات لبيع أراضي وسيارات حكومية بمليارات الجنيهات أكدت تسريبات أنها تجاوزت التسعين مليار جنيه حولها لمصلحته الشخصية ولم يقدم لمحاكمة حتى وفاته صباح اليوم.


من الأرشيف


الراكوبة تنشر أول صورة له .. أخبار عن محاولة تسميم الملازم غسان المتهم في قضية فساد مكتب والي الخرطوم



الملازم غسان بابكر: هددوني بالتصفية الجسدية.. و يحاولون تقديمي كبش فداء للتغطية على فساد إبن الوالي، ونسيبه



شتان ما بين حالة ملازم شرطة حامد فرحان..وزميله غسان بابكر!!



هل نهب الملياردير ملازم شرطة غسان اراضي المغتربيين؟!!



ابريل: بعد عام من فساد مكتب والي الخرطوم اين المحاكمات؟!!



حراسة مشددة على الملازم غسان المتهم بنهب المليارات من خلال عمله في مكتب والي ولاية الخرطوم


image









تعليقات 158 | إهداء 0 | زيارات 96432

صفحة 1 من 3123>
التعليقات
#1283534 [ودالمطر]
0.00/5 (0 صوت)

06-11-2015 03:40 PM
الغريبة الحرامى بخاف من السجن و من الناس ويعتبرهافضيحة لوأعترف إنو سارق أومرتشى.....
طيب ياحلاتو لوبعدلحظة توفيت هل بإستطاعتك تقول لربك عذبنى بس أسترنى ماتفضحنى؟
سؤال فقط


#1281682 [sami]
0.00/5 (0 صوت)

06-09-2015 06:48 AM
لكل فريق مدافعين بخبراتهم يدافعون عن هدف ان يلج بشباكهم
وكان الغسان هداف للدوري بتلك المرحلة
فلازم تكون في خطوات لايقافه
خطوة جميلة ان يقتل دودي الفايد في نفق الستين
داهية
الباقية من عمرالانقاذ.


#1280753 [besha]
5.00/5 (2 صوت)

06-07-2015 05:55 PM
اللهم اغف له وارحمه وعاممله بما انت اهله


#1278761 [ود امدرمان]
5.00/5 (1 صوت)

06-04-2015 06:29 AM
لا لا طبعا ما في عاقل بصدق ان الرجل مات كدا .دي موته مدبره ومخطط لها.. للاسف وصلنا في السودان للتصفيات الجسديه....نعله الله علي الظالمين....اللهم ارحمه واغفر له...والموت جاي للكبار لا محاله..والحساب عن رب العباد غير حساب الدنيا..بلوا راسكم..(قل ان الموت الذي تفرون منه ملاقيكم...) كان مر رضي الله عنه يقول (والله لو خرجت من الدنيا كما ولدتني امي لا لي ولا علي لطمان قلبي)...دا عمرررررر بن الخطاب المبشر بالجنه مر الذي قال لو نادي المنادي ان كل الناس تدخل الجنه ماعدي واحد لخفت ان اكون انا الواحد.....عمر الذي كان يبكي وقول (ويلك ياعمر من الله) ...عمر الذي كان قال لعامل بيت المسلمين احمل علي كيس الدقيق ..ورد عليه العامل(عنك ام عليك يا امير المؤمنين) وكان رضي الله عنه يقول له(علي)...اخير قال له (علي ءانت تحمل عني اوزاري يوم القيامه).......يااااااااا ويلكم يا حكام المسلمين من الله ان لم تعدلوا....


#1275213 [ابوعبدالله]
0.00/5 (0 صوت)

05-29-2015 09:12 AM
رحمه الله رحمةواسعة
فهو يعفو عن من يشاء و يعذب من يشاء
وحقيقة ان موت هذا الشاب يرحمه الله ليس نهاية القضية او اغلاقها او دفن موضوعها
وانما هي بداية لفتح ملف البغل الخضر كاملا وكشف كل المستور في اختلاسات الولاية وهذه واحدة منها
و سواء كان هنالك حادث ام لا ... فان عائلته لن تسطيع ان تفتح الموضوع او تحريكه و انما المطلوب من زملائه او اصدقائه او زملائه في الشرطة و المطالبة بفتح كامل ملف غسان دون لف او دوران او تحلل مستتر تغيب فيه الحقيقة
ومسألة شقيق البشير و مهدي و المتخفي بجلباب والده احمد الخضر و نسيبهم محمد الكامل حتى لا ترمى القضية في هذا الشاب وحده وكل المعطيات تدل على انه غرر به و استدرج بصورة متعمدة ليكون كبش فداء
اذا لم يكن الان ... فان الحساب الدنيوي قادم لا محال قبل الاخرة .


#1268745 [فائز]
4.50/5 (2 صوت)

05-19-2015 10:47 AM
" اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس. اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين


#1266767 [مجا هد]
4.75/5 (3 صوت)

05-16-2015 10:02 AM
يا شباب غسان دة كان مطارد من طلوعو من بيتة اخير اموت با السلاح ولا اقطع الاشارة الحمرة والمجرمين قربو يصلو دة كل الحكاية وغدا الموضوع بظهر وهو مطارد اتصل بى تلفونة مع احد الاصدقاء
والان الصديق مختفى وخا يف يلحق غسان0000000


#1266542 [Abbas]
5.00/5 (5 صوت)

05-15-2015 07:45 PM
إنها مسرحية كيزانية شيطانية لحادث مُدبر حدث فى مكان آخر غير شارع الستين .. الوقائع تقول بأن المرحوم الملازم غسان كان متوفي مسبقآ فى مكان آخر و أُتيى به لمكان الحادث ..

صورة مقدمة السيارة الصادمة لا يدل على إرتطام شديد لصدمتها للسيارة المصدومة .. فى حين ان سيارة المرحوم المصدومة مهشمة بقوة من أثر صدمة عنيفة جداً لحقت بها ..

السيارة الصادمة سوداء اللون لم يظهر عليها أى آثار لعربة المرحوم البيضاء , غالباً فى الصدمات العنيفة تخرج أثار بوهية من السيارة المصدومة على مقدمة الاجزاء الصادمة من السيار الأخرى .. هنا لا آثار توجد .

لعل الكثيرون يتسآئلون لماذا لم يتم تمثيل الحادث أو إعادة تركيب مسرح الحادث عند حدوثه ؟؟

فاعلو هذه الجريمة النكراء أضافو لجريمتهم بالنهب و السرقة و الإختلاس أضافو جرائم أخرى وهى القتل العمد و تضليل العدالة ..
و الخبر بُكرة ب بلاش .


ردود على Abbas
United States [nagatabuzaid] 05-16-2015 08:38 AM
( تضليل العدالة ) وهى وين العدالة يا عباس ؟؟؟


#1266538 [المهندس سلمان إسماعيل بخيت على]
5.00/5 (2 صوت)

05-15-2015 07:29 PM
يا [يارب ارحم غسان برحمتك] طلعتى كذابة الملازم مش من اسرة فقيرة ويسكن فى المعمورة
أنتى عارفه قطعت الأرض فاضية فى المعمورة بكم مليار جنيه
أكشف / أكشفى عن حقيقتك / حقيقتك وقولوا حسنى أو اصمتوا


#1266514 [ساره عبدالله]
4.00/5 (1 صوت)

05-15-2015 05:44 PM
المعلق عن كل هذه القضايا انتم يا رجال السجم قاعدين في بيوتكم ليه الرماد كال خشومكم يا انصاف الرجال ما تطلعوا الشارع السودان اتنهب والحراميه في القصور


ردود على ساره عبدالله
European Union [ود قلبا] 05-15-2015 08:52 PM
فعلا شعب جبااان الليلة طلعنا مسيرة في النرويج ضد ترحيل السودانيين الماعندهم إقامة وقفنا في السفارة والبرلمان النرويجي ومن الف سوداني في أوسلو فقط جاء 27 شخص فيهم 6 بنات انتو بالسودانيين عالم وهم تستاهلوا الكيزان يطلعوا زيتكم ياوهم


#1266504 [ابو محمد]
3.00/5 (3 صوت)

05-15-2015 05:10 PM
يا اخوة اتقوا الله فإن هذا الشخص اصبح بين يدي الله نسال الله له الرحمة والمغفرة وهذه الاشياء التي يسيل لعابنا لها غدا او بعد غدٍ سنتركها جميعاً لذلك انشغلوا بعيوبكم واتركو الاتهامات والقذف وتذكروا ان الله سائلكم عن كل ماتقولونه وتتفوهون به ، والله هذا ليس تكسيرا للثلج او انني احد عناصر الانقاذ ولكن اقول لكم النصح فباتهامكم للانقاذ جميعهم سيكون عقابكم اكثر واسوء منهم لذلك ادوا الذي عليكم واسالوا الله من فضله وإن غداً لناظره قريب ويوم الآزفة لا يستطيع احد ان يختفي خلف اصبعه


#1266487 [nagatabuzaid]
5.00/5 (3 صوت)

05-15-2015 04:45 PM
اجداد غسان الشايبين الما تايبين امين القوات المسلحة مؤجر الطيارات لجلب اموال الحرام من غانا ولى هسع ما قنعوا مطاردين اموال الغسيل من بلد لبلد والجياشى الشايب بتاع فضيحة زيت بسمة للقضاء على الجيش بالسرطان ووووو من المجرمين مصيرهم شنو ؟؟؟؟ يا اما يتكتموا ما يهددوا الشركاء الرئاسيين بكشف اسرارهم وينجون بانفسهم دنيويا اكيد هم الاخرة ما طارنها ولا شغالين بها يا اما نسبة لكبر سنهم عليهم اختيار طريقة الاغتيال التى يفضلونها وقد تطوعت فاخترت لبتاع زيت بسمة الاغتيال بان يفرغوا قوارير زيت بسمة فى حلقومه حتى ينتهى ويفارق الدنيا زيتيا وهو باسما


ردود على nagatabuzaid
United States [nagatabuzaid] 05-16-2015 08:35 AM
ALKIRAN ده مخلوق قليل ادب ما معروف من اى فصيلة هو ماجبور يقراءتعليقاتى او يرد عليها الراكوبة مليانة بالحايمين فيها لا فكر لافهم لا تربية وبعضهم يختلف ويرد ثم يقف عند حده الا هذا المخلوق ان كان من اللصوص الهاربين تاركين بدلهم او من طرفهم احسن يخرس وان كان من السكارى المامحترمين غربتهم وفى بلاد النصارى يقعوا فى الكوش مع الخنازير او من طرفه احسن يخرس هذا الكيران الحيران لاشىء يربطنى بتعليقاته لا فكر ولا نهج وطبعى لا اخطىء على احد لكن من يحاول ينفش ريشه المزعمط ويستعرض بعضلاته ساوصله الحد ومن يحاول ان يخفف دمه سالقمه حجارة الخلاصة ان هذا المخلوق اللزج لا ام لا اخت لاحبوب

[بابكر] 05-15-2015 11:38 PM
الظاهر ان الاخ [AL KIRAN] معجب بيك يا استاذة عشان كده المفروض تطولي بالك وان شاء الله ما يصـير الا الخير..
وشكرا..

[AL KIRAN] 05-15-2015 10:53 PM
You... just a firewood.. you will not get no help from God > later you will cry a lot

[AL KIRAN] 05-15-2015 10:47 PM
You... don't know God.. don't play a game same like al-bashir

[nagatabuzaid] 05-15-2015 08:23 PM
( رب اعوذ بك من همزات الشياطين واعوذ بك رب ان يحضرون ) محمد معانا ما تغشانا

[AL KIRAN] 05-15-2015 06:12 PM
Very funny.. but not same like a funnyman


#1266467 [مافيا عديل بقت الشغله!!!!!]
4.00/5 (4 صوت)

05-15-2015 04:06 PM
يعني بس المتهم يموت وباقي الرمم تفوت!!!!!صاحبكم ده كان حييودي الجماعة المزبلة!!بعد ماخلاص الوالي وصحبه ضمنوا التخمة قبل ان يرمي بهم البشير لمزبلة الولاة!! فكان لابد من ازالة اخر عائق!!!وسيقسم الوالي الكذاب علي كل الكتب السماوية ان الامر قضاء وقدر!!وسيقبل ان يقال لمزرعة الدجاجة التي تشبهه!!!1ليستمتع باموال الحرام والنسب والعمولات والفلفل التي تلقاها في ولايته الكئيبة لعاصمة الذباب!!!!


#1266428 [سعد سال]
5.00/5 (2 صوت)

05-15-2015 03:18 PM
هل مات في الحادث فورا ام بعد نقله المستشفي؟
هذا سيحدد اذا كانت حادثة عادية ام جريمة قتل


ردود على سعد سال
[AL KIRAN] 05-15-2015 06:18 PM
What ? ...I think you gonna wait very long time before you've to know


#1266427 [nagatabuzaid]
3.00/5 (4 صوت)

05-15-2015 03:18 PM
اليوم جلست جلسة طويلة بعد صلاة الظهر مع تعليقات اهل الراكوبة الاصليين ومن المتشعبطين من خلالها لاحظت اقوال غسان لرجال الامن من خلالها تملكنى احساس جعلنى اصدقها فهو من الصورة الشخصية يبدو شاب صغير وهش فهناك اصغر منه اقوياء شخصية استغلوه اسرة المجرم الخضر وزوج بنته وابنه, عليكم ان تتصورا كيف جمع الله سبحانه وتعالى مجرمين فى اسرة واحدة حتى الصهر وزعيمهم الذى علمهم الهبر يكون الاب وواليا للخرطوم مجموعة نتنة لا ضمير لها استغلت شاب صغير استجاب للمغريات ومعهم شقيق الرئيس المنتخب الذى يدعوا الزعماء لحضور حفل تتويجه خليفة لهولاكو وزعيما للمجرمين يبدو مما هو ظاهر والله اعلم ان ال90 مليار هبرها الجزارين الكبار واعطوه معهم اجد نفسى مصدقة لما ذكره بانه كبش فداء لعتاولة المجرمين الذين حاولوا التخلص منه بمنتهى القسوة بالسم ثم تدبير حادث السيار ة وبهذه الطريقة كثيرا ما ينجحون يتخلصون من بعضهم البعض حرقا وهذا انتقام ربانى ان كانوا يعون , واجد فى نفسى ميلا للاقرار بان ما جاء فى تعليق الكريمة (ام مودة حقيقى ) فقد لعبوا بفرامل السيارة للتخلص منه فى الدنيا ولكن معلق فى رقبتهم الى يوم الدين وهم لا يؤمنون برب العالمين . ارى ان غسان ضحية قتلة تافهين استقطبوه لانهم يعرفون ضعف شخصيته فاطاعهم ولهشاشته اغراه المال الحرام ابن الوالى لم يراع حرمة القرابة وصلة رحم ان كان صحيحا انه قريب زوجة الوالى اللا انسانية تجعل المخلوقات الشبيهة بالادميين شكلا ولا علاقة لها بالانسانية تجعلهم وحوش كاسرة وغدارة انهم ضباع تاكل بعضها بعضا . واتوقف امام اسم مهدى ابراهيم الا يستحى هذا الرجل الايشبع ؟ فضائحهم وزوج ابنته تملاء الافاق انه كجهنم كلما التهم يقول هل من مزيد ؟؟ انه لا يخشى الله وهو محسوب على الحركة الاسلامية التى اثبتت لنا بالفعل انها حركة اجرامية وقد كان ممثلا لنا فى المنظمة الدولية التى اخجلنا بعدم خبرته فيها واستفاد ايما استفادة تجاريا ونهبا ان هذه المخلوقات قطعان تخصص فى الجريمة المنظمة , ورغم التزامى بعد المساس بالامهات واقحامهمن قيما يرتكبه الابناء لكن لابد من سؤال لحاجة هدية دون المساس بها عن اى لبن ارضعته لبنيها وهى تحملهم فى حكرها انها انجبت مجموعة مخلوقات الاجرام يجرى مع الدم فى عروقها والسرقة والنهب كشرب الماء واستنشاتق الهواء بالنسبة لهم ضرورى وهام, سرقة ونهب وقتل وحماية لبعض الممارست الساقطة اى لبن هذا واى حكر هذا يا حاجة ؟؟؟ هناك رجال نشاتهم كانت مثل ابنائك فقر وحرمان وعدم ولكنهم بنوا انفسهم بشرف وقيم وايضا احمل والدة غسان المشاركة فى اسقاط ابنها ثم فقده بعدم متابعته ومحاسبته على الاموال الطائلة وكل ام واب يعرفون قدرات ابنهم ان قرابتها لزوجة الزفت لا تعنى انها ترقد قفا وتغمض عينها عن التغيرات التى حدثت لابنها خاصة ان كانت فعلا معلمة كما ذكرت من ادعت او ادعى جيرتها بالحيطة فى تعليق سازج عبيط ان المعلمة اول مهامها ورسالتها ان تعلم تلاميذها القيم فما بالك بالابناء وحتى المصاهرة . مات غسان ولكن لن تمت الحقيقة قتل غسان ولكن لم ولن تقتل الجريمة . احدهم علق على قتل الرباطة لابناء دارفور وزعم مغالطا انه لم يهتم احد كما اهتموا بوفاة غسان ؟؟ واقول له ان ابناء دارفور كانوا فى مواقف نضالية وتجمعات وندوات فقتلوا لاخماد صوتهم ولم يسكت الناس ويبدو انك غير متابع لكن الشاذ فى اغتيال غسان انه منهم مشارك لسلطة الوالى قريبهم بينهم دم وصلة رحم وخوفا على انفسهم من الفضيحة وليس خوفا من الله اغتالوه هددوه ويبدو انهم منعوه من السفر ليحصروه فى نطاق ضيق ثم تخلصوا منه انه غدر بعضهم البعض ومكرهم على بعض ولذلك كان اهتمام المعلقين خصائص وخصائل الكيزان النتنة والدور على الباقين


ردود على nagatabuzaid
[nagatabuzaid] 05-20-2015 06:34 PM
الكريمان (الشعب الفضل )و ( رانيا) تحياتى وشرفتمانى بالمداخلة واسفة ان كانت تحيتى جاءت متاخرة فقد غبت مدة من الراكوبة . الشعب الفضل لا املك الا ان اقول على دعاءك الحار الصادق امييييييييييييين بكل صدق وبنفس درجة الحرارة

حقيقة ان الناس اصبحت تربط مصاهرتها وحتى اختيار الاصدقاء بالمال والمظهر رموا الجوهر بعيد

[الشعب الفضل] 05-20-2015 01:30 PM
اللهم اهلكهم بايديهم يقتلون انفسهم بانفسهم اللهم اجعلهم في الدنيا والاخرة كمن يتخبطه الشيطان اللهم لا ترحمهم لا في الدنيا ولا في الاخرة اللهم انهم ارادوا دينك مطية لمكرهم اللهم فامكر بهم في الدنيا ليكونوا عظة للاخرين وفي الاخرة نكالا لما صنعوا اللهم شمت بهم الانام اللهم جمد الدماء في عروقهم واغلق مسام اجسادهم اللهم لا تريحهم لا في الدنيا ولا في الاخرة اللهم اجعلهم اعداء بينهم واجعل الواحد منهم يرى ابنه واخوه عدو له اللهم لا تعطيهم الامان في الدارين اللهم امين وصلى الله على سيدنا محمد وعلى اله وصحبه وسلم

[AL KIRAN] 05-15-2015 11:07 PM
Rania... stay clear from firewood > may you have get some zoonosis an infection

[رانيا] 05-15-2015 07:51 PM
مساء الخير يا حبيبة .
طبعا الطيور على اشكالها تقع ده بالنسبة لعلاقاتهم الاجتماعية وصلة النسب والناس بقت عايزة القرش وبس بغض النظر عن مصدره حتى إنه بعضهم لا يسأل عن العائلة لو ذهب العريس بطوله بيوافقوا المهم جيبه وطبعا موضوع الدراسة والسؤال عنها ده انتهى من زمان .
الشئ الثاني انه من الواضح إنهم إتخارجوا منه وريحوا نفسهم وحنشوف أكتر الفترة الجاية وإن كنت سابقا مفتكرة إنه نهايتهم حتكون ذي عمايل لبنان وسيارات مفخخة والحركات دي لكن الظاهر لسه المواضيع ما سخنت أو ما إحتاجوا للوسائل دي والامور اسهل كتير ويكفي حادث من هنا وهناك وانتهينا ويا دار ما دخلك شر !
في النهاية السمك الكبير بياكل السمك الصغير ذي ما بيقولوا .
تحياتي .


#1266415 [النورس]
3.00/5 (4 صوت)

05-15-2015 02:46 PM
الرحمة واجبة على المسلم, اللهم يارب العالمين ارحم عبدك غسان بقدر مانهب من أموال وبنى من منازل بضاحية كافوري وأقام الولائم احتفاءا بمنزله الجديد ( حديث عبدالرحمن الخضر )اللهم يارب العالمين اغفر له خطاياه ونهبه للمليارات فهو الان بين يديك يطلب العفو والرحمة . أما نحن أصحاب هذه الاموال ( الشعب السوداني )دافعي الضرائب فلن نعفو عنه في الدنيا وسنقتص منه في الاخرة لأنه اعتدى واستباح أموالنا دون استئذان منا استباح أموال مستقبل الاجيال القادمة فلم تأخذه رأفة بهم وهم الذين يعانون ويكابدون من اجل الحصول على حقهم في التعليم والصحة حتى يصبحوا رجالا تعتمد عليهم الامة في بناء مستقبلها يجب تقديم هذا الملازم الى القضاء ليقول كلمته حتى وان كان الان في الدار الاخرة هكذا تقتضي العدالة ان تكون في حماية موارد الشعب وانها لعمري اولى مهامها وسيظل غسان متهم اذا ماتم تقديم ملفه الى القضاء حتى يقول القضاء كلمته وحينها لكل حادثة حديث


ردود على النورس
European Union [مجا هد] 05-16-2015 10:19 AM
يقول القضاء كلمته وحينها لكل حادثة حديث

[النورس]


يا شاب الموضوع كدة خلص زول ما ت والقضية حا يقفلوها والقاضى حا يحكم بقفل القضية دى حكومة البشير الناس ما سرقو ورجعو الفلوس وناس اعدموهم

United States [جبكسين] 05-15-2015 05:11 PM
وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ (6) ( لقمان)


#1266367 [ركابي]
4.75/5 (6 صوت)

05-15-2015 12:11 PM
اخرتا كوم تراب ...اللهم احسن خواتيمنا وحببنا في الابدية وزهدنا في الفانية


#1266325 [ibrahim ahmed]
4.88/5 (6 صوت)

05-15-2015 10:46 AM
السلام عليكم أهلي في الراكوبة أن شا الله عن قريب نثبت لكم كيف قتل الملا زم غسان الأدله جاهزة صوره و صوت يا عبد الرحمن الخضر المستندات المستندات في يد امينة لا تخاف أشبع نوم أظنك ما تعرف غسان أخبرنا بجميع الشيء ال دار بينكم من تهديد تصفية عندنا رجال يعملون معاكم لنكشف المستور عنه كشف سحر فرعون الذي علمكم السحر غسان أخر مكالمة معك متى قبل نشر غسيلك في الصحف السودانية اذا كانت هنالك صحافة حرة ما تتبع أجهزتكم المكلومة 1.الخضر 2 عباس البشير مهدي ابراهيم و زوج بنتك جاهزين


ردود على ibrahim ahmed
[halffaa] 05-16-2015 01:48 AM
يا شاطرة قولي لامو واهلو كل لحم نبت بالحرام النار اولي به بيت ولا اراض زراعية ولا مليارين الللي اعترف بيهم ولا حق الركشة يرجعو قروشنا نحن ما مسامحنو هو الان بتحاسب حساب عسيرررررررر فاهمه ولالالا

[اللحو] 05-15-2015 04:26 PM
تعرف بالجد عندك مستندات وكشفت عبد الرحمن الخضر تبقة رااااااجل وقدمت خدمة العمر للناس الغلابة


#1266311 [يارب ارحم غسان برحمتك]
4.02/5 (11 صوت)

05-15-2015 09:40 AM
الله يرحمه ويغفر ليهو يارب ......وعلي مااظن احنا ماملائكه ......لكن ماشاءالله شايفه ناس هنا في الصفحه ملائكه بدون اخطاء وعاوزين يعتلو العرش ساي ......انا جارتو الحيطه بالحيطه واهلو ناس مساكين وطيبين وفي حالهم واللي انتو بتقولو عليهو سارق 90 مليار ده قاعد في البيت والبيت حق عمتو وهو مشتريهو بالتقسيط ....وعندو اخوين .....واحد شغال في بورتسودان ركشه ماعندو خلي عربيه والتاني في هولندا سافر زي اي شاب وعمل لجوء عشان زهج من البلد دي ومالقي شغل .....وامو مديره مدرسه بنات ....امراه مكافحه زوجها اتوفي وخلي ليها الولاد 3 ديل .....بنت شغاله ماعندها بتنظف بيدها .......بس وريني هل الكلام ده يعقل 90 مليار واهله اسره عاديه .....حرام عليكم تنهشو في سيره الناس ....والله حرام ياخي ......عندو ولد عمرو سنتين ....حرام يطلع للدنيا ويلاقي الناس بتقول في حاجات ماواقعيه .....الله يدي اهله الصبر ويرحمه ويغفر ليهو .....وعلي فكره الحادث ده قضاء وقدر ....كان ممكن ناس بيتهم يقولو قاصدنو ....لكن هم ناس مؤمنين بالله وهو قضاء وقدر .....وهو كان شخصيه طيبه الله يرحمه ويغفر ......وانا اختنعت بحاجه في البلد دي انو ماعندنا اعلام والاعلاميين ملهم هنا من غير اخلاق .....زي حكومتهم من لير اخلاق


ردود على يارب ارحم غسان برحمتك
European Union [يارب ارحم غسان] 05-16-2015 12:42 PM
انتو شعب تستاهلو امثال عمر البشير ده رئيسكم .....لانو فكركم محدود خلي يحكمكم الدهر كلو

European Union [مجا هد] 05-16-2015 10:34 AM
احلف بى اليمين انت من ناس الامن دة شغنا وانا بعرفو 00000

[halffaa] 05-16-2015 01:50 AM
معلش الرد الفوق كان لهنا بس اسف نزلت بالغلط فوق
نعم بلغي امو واهلو يرجعو اي شئ نهبو غسان لان الحساب حساب عند الله وكل لحم نبت بالحرام فالنار اولي به ... وهكذا الوالي وكل المجرمين سينالهم مال نال غسان ان شاء الله قريب الموت لا يترك احد

[ملازم اول استخبارات] 05-15-2015 08:25 PM
ته الرحمه والمغفره اذكرو محاسن موتاكم

European Union [جنرال زمان] 05-15-2015 06:51 PM
والقصر الطالعة منه الجنازة دا قصر منو يا شاطرة؟ صاح أهله ناس عاديين لكن هو شنو؟ وبعدين منو في كيزان الجن ديل جاء من بيت وعينه مليانة، ولا بعد شوية حتقولي لينا علي كرتي جده علي دنقلا كمان وورث منه؟؟؟؟؟؟ أصحي يا شابة

European Union [احمد] 05-15-2015 04:30 PM
والله احنا الكلام ده ما جبنا من راسنا قضيه باعتراف الوالى نفسه وقدموه لى محاكمه وطلعو لينا بى اختراع التحلل ما عشان جارك تقولى كده وفى النهايه ربنا يرحمه

[احمد هندسة] 05-15-2015 02:33 PM
بالامس ترحمنا علي الميت/ وكتبت بعد تثبتي من اراء العلماء نصيحة لاهل الميت بان يردوا الحقوق لاهلها ان وجدت علي الميت حقوق/ وايضاالورثة اذا علموا ان المتوفي كسبه من مال حرام عليكم التصدق به وهذا من باب الرحمة والمغفرة علي الميت/ ايضا وضحت حقوق الميت كما ذكرها الشرع/ورجعت للبحث عن هل تجوز الرحمة علي الميت حتي لو كان ظالم/واوردت اراء العلماء في ذلك بالمقارنة مع حالة يزيد بن معاوية/ فوجدت ان من مات علي دين الاسلام له حقوق وعليه واجبات وعلي اهل الميت الايفاء بواجباتهم من رد الحقوق وعلي جموع المسلمين ومن باب اولي الورثة(تكفين الميت/وغسله/والصلاة علية/ وطلب الرحمة له)وما الي ذلك/ ولكن يد الرقيب في الراكوبة امتدت لتلعليقي واقتصته, ومعه تعليق اخر لي في هذا المضمون/ ولا اداري ان الرقابة في الراكوبة لمن يعجبها كلامي وتعليقي وهو ارشادي لي وللقراء حسب اراء الفقها والشرع الاسلامي ام ان خط الراكوبة كخط رقابة الحكومة علي الصحف من حجر الاراء وتكبيل الحريات/ ام ان كلام النصيحة والشرع لايعجب الرقيب في الراكوبة/ وان اكتب هذا الكلام ولايساورني شك في انا الرقيب من اصحاب الاهواء والامزجة وانه قد لاينشر تعليقي لشئ في نفس يعقوب او فهم خاطئ او اهواء او تحيز منه ضد الحق/ويفترض في راكوبتنا ومن يعملون فيها الالتزام بخط الحريات والراي والراي الاخر/ وترك التحيز وعدم الموضوعية والميول الحزبي والعقدي لان الراكوبة الحقيقة والحرية والتعبير الصادق لكل السودانيين/ ولكني اعجب!!!!!!!!!!!!!!! لان كلامي كان موزون/ونقلت راي الدين والحق والعرف السليم ثم عقبت/ واعجب ثانية!!!!!!!!!!! لاني اري الرقيب يترك ويتغافل او يتناسي سواقط القول وفاحشه وكثير من الاساءات من بعض القراء لبعض اخر/ فهل في الراكوبة خيار وفقوس والكيل بمكيالين/ واختلال ميزان العدالة وهذا من نشكو منه من المسلطهم الله علي رقابنا 26 سنة فراعنة السودان الكيزان فهل تباركون فعلهم وتختطون خطهم من اللاداريين الرقباء في الراكوبة!!!!!!!!!!!!!!! عجبي لذلك!!!واستغراااااااااي كبير
الموضوع000000000000000000000000000000000000000000000209
راي ان غسان مات وحسابه الان عند ربه( ومن لم يوعظه الموت فلا واعظ له) وكفي بالموت واعظا/علينا بالحيين لابد من كشف جريمتهم وتقديمهم للمحاكمة واسترداد حقوقنا كاملة غير منقوصة/ المال العام هو مال الفقراء المرضي الاطفال الطلبة المحتاجين لايجب ان نتهاون فيه فنقف يد واحدة ضد الفساد
اذا اعترف الميت ان نسبو له انه اختلس 2 مليار والمبلغ 90 مليار فمن اختلس الفرق 88 مليار ياعبدالرحمن الخضر؟ اتمني الاجابة علي هذا السؤال/قد يكون المين غرر به ودفع كبش فداء لجبل الجليد من المفسدين المستترين وهو راس الجبل الظاهر للعيان ولكن بقية الجبل لم يتم الكشف عنها حتي الان/ لاتهاون مع الفاسدين والمفسدين ور/// ورحمة الله عل الميت وموتي السودان اجمعين/وقاتل الله النفعيين الوصوليين الذين اخروا عجلة التنمية والتقدم في البلد لحسابهم الشخصي

[.د .الزهجان] 05-15-2015 01:29 PM
الله يرحمك انتي .. ويصحيك من النوم .. وشوفي شغلك كنس وطبخ وعواسه

وامشي عزي الحاجه امو


وكونك بتعرفي تكتبي كفاية

..الموضوع انتهى خلاص

European Union [تمساح] 05-15-2015 12:28 PM
بغض النظر عن سيرة اهلو او وضعهم وما اذا كان مجرم ام لا الموت عندو حرمه والميت بين يدي الله والله عليم قدير عدل وطالما الميت مات مسلما فافتكر انو اما ان نترحم علبه او نسكت . اما التشفي من الحكومة او الكيزان فليس هنا مجاله

[كرار] 05-15-2015 11:54 AM
انت لو بتعرف الحقيقة فعلا كان كلمتنا برضه عن الفيلا الاشتراها غسان في كافوري والصرفالبذخي في عرسه ودة الجاب ليه الهوى وخلا الموضوع ينكشف كلامك دة قوله بعدين يوم الحساب اللهم ارنا الحق حقا اللهم انتقم منهم جميعا وجميع من وقف في صفهم وارنا فيهم يوما في الدنيا قبل الاخرة

[ahmed] 05-15-2015 11:54 AM
البتتكلمي عن طيبة غشان ونزاهته .. كلامك أمشي وقوليه للوالي .. هو الطلع الكلام دا مش ناس الراكوبة .. وهو بنفسه المرحوم قال شنو لمان كان في السجن .. ومش حكومة الولاية قالوا اتحلل من أمواله وفكوه .. هل الوالي كذاب وحكومته وشرطته .. انتي لو جارته الحقيقية أمشي وصلي كلامك دا لي حكومة ولاية الخرطوم .. قول ليهم غسان دا ليه سجنتوه وورونا اتحلل من شنو هو ما عندو حاجة أصلاً.
موضوع غسان برمته مافي زول عارفه بل طلعوه ناس الولاية وسجنوه قال أكل القروس واستغل منصبه قالها الوالي بنفسه .. بعدين قالوا اتحلل .. الراجل مات خليه يلاقي ربه ويشوف أعماله لكن ما تكوني انتي الجارة شاهدة زور يوم القيامة

[nasr] 05-15-2015 10:20 AM
المرحوم اعترف بنفسه بأنه تحصل على 2 مليار فقط كعمولة فى بيع الاراضى .......تقولى ساكن فى بيت مشتريهو بالاقساط؟؟؟؟؟اتقى الله

[المهندس سلمان إسماعيل بخيت على] 05-15-2015 10:10 AM
يا [يارب ارحم غسان برحمتك] مادام أنتى قريبه منهم ليه ماتكشفى عن أسمك الحقيقى أم هى مجرد فبركة كلام كاذب لصلة قرابة تربطك بالمجرم الهالك
نحن أحترنا فيكم هل أنتم مع السودان أم مع افراد لعلاقة الجوار أو القربى
عارفه 90 مليار ممكن تؤمن كم مكنة غسيل كلى
المشكلة مش فيكى أنتي فى ناس كتيرة بتترحم على غسان وبتطلب ليهو المغفرة
مغفرة من ايه ؟
الناس دى لا تبحث عن تبرأة غسان حبا فى غسان لكن المفصود تبرأة شركائه والله يا [يارب ارحم غسان برحمتك] لو كان غسان فى هذه الجريمة بمفرده كان زمان أسترد منه المال وعلق فى حبل المشنقة لكن مع غسان جماعة رقبتها ( تخينة ) مافبش حبل مشنقة يلف حولها وممنوعين من الصرف
الموضوع من غسان لكن مشكلتنا مع الغساسنة الغلاد وكبار ومحميين بقيادات عليا
البلد خلاص وقع وأنكسرت زجاجته واتدفق زيته
ولم يعد لدينا بلد سوى البكاء عليه
وبرضو بتطلبوا ليهو المغفرة والرحمة
مابعيد - فرحمة ربى وسعت كل شىء وقد يكون غسان هذا ( الشىء ) بس أنتو يا أهل السودان أتعلموا أوزنوا كلامكم بميزان الدهب ما دام ربنا حرمكم من المال والدهب

European Union [هندسة] 05-15-2015 09:58 AM
جزاك الله خير وبورك فيك هذه شهادة حق تثاب عليها الف خير


#1266262 [المنجلك]
4.75/5 (4 صوت)

05-15-2015 07:22 AM
طيب وحنعرف من وين انو المتوفي هو غسان ممكن حتي الوفاة تكون مفبركة الله ينعل الانقاذ هذا هو حالنا معها لا أحد يمتلك الحقائق فقد فاقوا سحرة فرعون ودجل مسيلمة


#1266243 [التلب]
5.00/5 (6 صوت)

05-15-2015 05:40 AM
هنالك خيط قاله المتوفى فى حياته ويمكن ان يقود الى فك خيوط هذه الجريمه واكتشاف الجناة ... وهو قوله ( هددونى بالتصفيه .. ويحاولون تقديمى كبش فداء للتغطيه على فساد ابن الوالى ونسيبه .. )
اذا كانت الحهات العدليه او اهله جادون فى معرفة القاتل .. لتكن البدايه من هنا .. ابن الوالى ونسيبه ..


ردود على التلب
European Union [هندسة] 05-15-2015 09:58 AM
كونان و توقوموري


#1266238 [ود مطر]
5.00/5 (2 صوت)

05-15-2015 04:57 AM
القضيه تم إغلاغها نهائياً !! الناس تشوف موضوع جديد !! الله وحده أعلم بما يجرى؟؟


ردود على ود مطر
United States [nagatabuzaid] 05-15-2015 01:52 PM
العباس حسن احمد البشير يعنى حسن احمد البشير طلق فينا يلاوى ومصائب حسبنا الله ونعم الوكيل ولا حول ولا قوة الابالله

[عياض] 05-15-2015 08:24 AM
لا القضية لم تغلق بعد .. فان مات الشاهد الرئيسي فان عدالة السماء باقية ..

و ليستمر التحري مع الذين ذكرهم غسان في التحقيق وهم :
أحمد عبد الرحمن الخضر
محمد الكامل ( زوج ابنة الخضر )
العباس حسن أحمد البشير
مهدي ابراهيم
و الآخرين ...


#1266221 [ود التكينة]
4.00/5 (2 صوت)

05-15-2015 03:09 AM
لاحول ولاقوة الابلله,الموت مافيهو شماته,ولو الخبر صحيح يبقي الشاب فعلا كبش فداء

ومعناها ده ديدن الجماعة دي لكل من يشكل خطرا عليهم اوعلي مصالحهم.


#1266206 [سيزر]
2.75/5 (8 صوت)

05-15-2015 12:47 AM
واخبار اولاد دارفور الفي الجامعات البموتوا سمبله عددهم كم وبنات دارفور الطردوهم من الداخليات كم ؟ واخبارهم شنو؟؟؟؟؟؟؟؟؟؟



ولا ما مهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ردود على سيزر
United States [جبكسين] 05-15-2015 07:25 AM
كدي خلي اولاد دارفور البموتو في الجامعات ليس استخفافاً ... كدي ورينا أولاد دارفور ونساء دارفور وشباب دارفور ورجال دارفور الماتو في الدوري الأنجليزي بتاعكم ده كم .. الريزقات ضد المعاليا .. المعاليا ضد الهبانية .. العرب ضد الزغاوة ... الفلاتة ضد المساليت . ركز في مشاكل أقليمك و وعي القبائل بدل العقد بتاعتك دي ..


#1266174 [ابو عرب]
1.50/5 (5 صوت)

05-14-2015 11:16 PM
نسال الله له الرحمة ونعزي اهله وزملاءه
انا لله وانا اليه راجعون


#1266171 [مالك الحزين]
3.75/5 (5 صوت)

05-14-2015 11:10 PM
منقول للامانه




الحقيقة الكاملة ..
صديقي عمر نيستا الذي صدم عربية غسان يروي لي ..

والله يامحمد انا تعبت وأهلي تعبو من الإشاعات البتقول أنو تم أغتيال غسان وتصفيته .. وشالو صور الحادث من صفحتي ونشروها في الفيس والواتساب وقال دا الزول الاغتال غسان !!
كل الحصل انا جاي من الشجرة ماشي لي زوجتي في شارع الستين .. في تقاطع جوبا .. جيت ماشي والإشارة خضراء .. في عربية كسرت الإشارة ودخلت .. حاولت اتفاداها ماقدرت .. لانو فجأة اتعارضت لي في نص الشارع وضربتها .. حتى شوف عربتي اتكسرت وحرقت (الصورة المرفقة في البوست)..ولاكنت عارف الزول الضربتو دا منو .. عرفت فيما بعد ..


انا مستقر وشقال في قطر .. ولي 3سنين مانزلت السودان يادوب جيت ..وعريس لي أسبوعين .. بس قدر الله ووقع .. بس

طيب ياشباب انا بثق في أحمد دا شديد .. وتفاصيل الحادث قدامكم .. مافي داعي للاشاعات وكلام انو النظام صفي وقتل غسان .. ماغريب النظام يعمل كدة .. بس حادث غسان قضاء وقدر .. فبالله عليكم ماتظلمو عمر وأهله وزوجته. .وحاربو هذه الإشاعة أين ماوجتموها ..
تحياتي ..





صورة ‏اخبار الغبش‏.


ردود على مالك الحزين
United States [موجوع وطن] 05-15-2015 05:32 PM
خلي تلميعك دا... السينارية دا ما بشيل في شوفع سوداني... الناس بقت تفهم الحاجات وهي طائرة... شوف غيرها.... قدامكم سيناريوهات كتيرة من الزبير محمد صالح وليس إنتهاءاً بالدموي شمي الدين

European Union [نقاش بن تفتيحة الداقس] 05-15-2015 06:28 AM
وكمان جاي من قطر ...!!!
علي الطلاق انت داعشي ارهابي قاعدي مؤتمر وطني
عنوان المقال براهو جريمة وشروع في تضليل (الحقيقة الكاملة) بزكرني ب المغامرون الخمسة
ناس تختخ ونوسة والشاويش فرقع ..


#1266167 [ماسورة]
5.00/5 (4 صوت)

05-14-2015 10:56 PM
وفاة غسان (اغتيال) والموضوع ما محتاج ذكاء ! فتش عن المستفيد . وفاة شاب في ريعان شبابه ومتهم في قضية فساد كبري مع شخصيات حكومية وقيادية نافذة بحجة انو قطع اشارة المرور الحمراء حجة واهية وسخيفة لا تنطلي حتي علي الاطفال والضحية رجل شرطة مدرك لقواعد المرور ولم يكن مخمور الأ اذا كان مطارد من سيارة اخري والرجل كان يعيش تحت التهديد بالقتل وجرت محاولات لاغتياله واسكاته للابد .
الخلاصة انو المتهم مات وماتت القضية وضاعت المليارات وتنفست العصابة الصعداء وتبادلوا التهاني والتبريكات ومشوا في جنازة القتيل وقدموا واجب التعازي لاسرته ولا عزاء للشعب السوداني .


#1266154 [جبكسين]
3.68/5 (15 صوت)

05-14-2015 09:28 PM
اللهم أرحمه و اغفر له وتجاوز عن اخطائه وسيئاته . اللهم باعد بينه وبين خطاياه كما باعدت بين المشرق و المغرب . اللهم اغسل خطاياه بالماء و الثلج و البرد . اللهم أنك غافر الذنوب جميعاً فأغفر له و أنت اكرم الأكرمين .


ردود على جبكسين
European Union [ﺍﺟﻲ ﻳﺎ ﻣﺪ&#] 05-15-2015 12:44 AM
ﻃﻴب ﻣﺎ ﻛﺎﻥ ﻧﻌﻔﻴﻪ ﻣﻦ ﺍﻭﻝ

[محمد علي الكوستاوي] 05-14-2015 11:23 PM
منذ ان جاءت عصابة الانقاذ وهي تخطط للتشبث بالسلطة بتطبيق خطة فرق تسد. فقسمت الولايات الي ولايات اصغر وخلقت الفتن بين القبائل في دارفور يقتل بعضهم بعضا . مرة عربا ضد زرقة كما اسمتهم العصابة الحاكمة ، ومرة زرقة تقتل زرقة والان عربا ياكلون عربا في ابشع صورة . ولم يقتصر هذا علي دارفور ، فقد شهدنا في كردفان ما فعله اولاد زيد ببني عمومتهم بصورة لم تحدث في اي مكان وزمان حيث تم بقر البطون وشق الصدور وادلاق الاحشاء.
كل هذا والحكومة تمول الاطراف بالسلاح المدمر والعربات الكاسحة وتنقل السلاح بالطائرات العسكرية ، ويؤجج ابناء القبائل المنتمون للمؤتمر اللاوطني نار الفتنة تحركهم ايدي خفية في القصر الجمهوري وما حوله.
كيف لمشكلة تتعلق بالارض تتفاقم الي ان تصل قتلا بلا هوادة ? تحت سمع وبصر وصمت الدولة الفاقدة لكل مقومات الدولة ?
وهناك وثائق تؤكد تجاهل الحكومة لتحذيرات من الطرفين بوقوع الفتنة ولكن لان الحكومة هي من تشعل الفتن صمتت وتجاهلت الي ان انفضح امرها فتحركت علي خجل.
ماكان لارض متنازع عليها ان تستفحل وتنقلب فتنة الا لان تقسيم الولاية الكبري الي ولايات ثم انشاء ولاية شرق دارفور جعلت القبائل تتناحر في الزعامة والنظارة وتطلب السيادة علي ولايات ما كانت موجودة اصلا وتم انشائها للفتنة فقط ولتطبيق فرق تسد وقت تم لهم ما ارادوا.
عودوا الس رشدكم يا قبائل دارفور عربا وغير عرب وطالبوا بالاقليم الواحد كما كان وعيشوا كما كنتم . وتلا سيستغلكم المؤتمر اللاوطني لتفنوا بعضكم بايدي بعض وتصير دارفور خالية من الجميع لتبدا مثلث حمدي بدارفور بلا دارفوريين.


#1266151 [الجعلى]
5.00/5 (7 صوت)

05-14-2015 09:24 PM
ديل ماصين دماء الشعب بمشوا وين من الله


#1266147 [lesa]
4.38/5 (4 صوت)

05-14-2015 08:46 PM
يااخوانا اذا كان فعلا توفى فربنا يرحمه ويتولاه ,,, ومنو الفينا في الدنيا دي بدون

أخطاء ؟؟؟!!! سواء كبيرة أو صغيرة ,, لكن كمان في حاجه الناس متأكدين من الخبر ده؟؟

يعني في صور او ناس كانو في موقع الحدث او على علاقة مع اسرة المرحوم ؟؟؟

لأنو أنا بصراحه مابستبعد انو دي تكون فبركة و لعبة من ألاعيب الأمن والمخابرات , عشان

يضربو بيها كذا عصفور بحجر , يعني ممكن يقسموا معاهو المبلغ ويهربوهو بره السودان

وكمان ممكن تكون اشاعه عشان تكون قنبله اعلامية وتشغل الناس عن الكارثة الحصلت بين

الرزيقات والمعاليا خصوصا انو في كلام تحت تحت انو الصدى بتاع الاحداث بتاعت امس دي

كان واسع ,, او لتغطية اي خازوق اخر من خوازيق الحكومة دي والهاء الشعب


#1266143 [حمدين]
1.00/5 (1 صوت)

05-14-2015 08:38 PM
بن علي هرب !


#1266133 [منطقي]
4.74/5 (8 صوت)

05-14-2015 08:01 PM
لايجوز على الميت غير الرحمة وللموت حرمته ... ونقول للكيزان عبدة المال: دينكم ديناركم وليس للكفن جيوب


#1266124 [امير]
4.94/5 (7 صوت)

05-14-2015 07:40 PM
و كده تم قفل ملف قضية مكتب الوالي نهائيا أي مسائلة أو تحقيق هذا اذا تم يقولوا ليك أسال غسان او عملها غسان وكان مسؤل منها غسان .


ردود على امير
United States [nagatabuzaid] 05-15-2015 02:01 PM
هل تقفل محكمة السماء ؟؟؟؟؟؟؟؟؟؟؟؟؟؟؟


#1266118 [المنجلك]
3.63/5 (5 صوت)

05-14-2015 07:33 PM
ربنا يرحموا
غسيل الاموال والغسيل السياسي عبر التصفية الجسدية ثقافة اصيلة داخل الانقاذ ولهم تاريخ وارث طويل
يبدو ان المرحوم اختلف معهم وبداء يهدد بالفضيحة


#1266115 [أحمد سكاك قطيه]
4.99/5 (8 صوت)

05-14-2015 07:33 PM
ﻛﺸﻒ ﻏﺴﺎﻥ ﻟﻀﺒﺎﻁ ﺍﻷﻣﻦ ﺍﻟﺬﻳﻦ ﺣﻘﻘﻮﺍ ﻣﻌﻪ ﺩﺍﺧﻞ ﺍﻟﺴﺠﻦ ﺇﻥ ﺃﺣﻤﺪ
ﻋﺒﺪ ﺍﻟﺮﺣﻤﻦ ﺍﻟﺨﻀﺮ- ﻧﺠﻞ ﺍﻟﻮﺍﻟﻲ -، ﻭﻣﺤﻤﺪ ﺍﻟﻜﺎﻣﻞ ﻧﺴﻴﺐ ﺍﻟﻮﺍﻟﻲ، ﻭﻋﺒﺎﺱ
ﺃﺣﻤﺪ ﺍﻟﺒﺸﻴﺮ ﺷﻘﻴﻖ ﻋﻤﺮ ﺍﻟﺒﺸﻴﺮ ﻭﻣﻬﺪﻱ ﺇﺑﺮﺍﻫﻴﻢ ﺍﻟﻘﻴﺎﺩﻱ ﻓﻲ ﺍﻟﻤﺆﺗﻤﺮ
ﺍﻟﻮﻃﻨﻲ ﻃﻠﺒﻮﺍ ﻣﻨﻪ ﺍﻟﻌﻤﻞ ﻣﻌﻬﻢ ﻓﻲ ﺑﻴﻊ ﻭﺷﺮﺍﺀ ﺍﻷﺭﺍﺿﻲ، ﻭﺗﺠﺎﺭﺓ ﺍﻟﻌﻤﻠﺔ،
ﻭﺍﻟﺴﻠﻊ ﺍﻹﺳﺘﻬﻼﻛﻴﺔ ﺑﻌﻠﻢ ﺍﻟﻮﺍﻟﻲ ﺷﺨﺼﻴﺎً ، ﻣﻮﺿﺤﺎً ( ﺍﻟﻮﺍﻟﻲ ﺷﺨﺼﻴﺎً ﻃﻠﺐ
ﻣﻨﻲ ﺍﻟﻌﻤﻞ ﻣﻊ ﺇﺑﻨﻪ ﻭﻧﺴﻴﺒﻪ، ﻭﻟﻢ ﺃﻗﻢ ﺑﺘﺰﻭﻳﺮ ﺧﺘﻢ ﺍﻟﻮﺍﻟﻲ ﻟﺒﻴﻊ ﻭﺷﺮﺍﺀ
ﺍﻷﺭﺍﺿﻲ .. ﻭﻛﺎﻥ ﻟﺪﻳﻨﺎ ﻣﻜﺘﺐ ﺇﺳﺘﺜﻤﺎﺭﻱ ﻟﺒﻴﻊ ﻭﺷﺮﺍﺀ ﺍﻷﺭﺍﺿﻲ ﻳﺪﻳﺮﻩ ﻣﺤﻤﺪ
ﺍﻟﻜﺎﻣﻞ ﺯﻭﺝ ﺇﺣﺪﻯ ﺑﻨﺎﺕ ﺍﻟﻮﺍﻟﻲ ﺍﻟﺨﻀﺮ ) .
ﻭﺃﺿﺎﻑ ( ﻋﺒﺎﺱ ﺃﺣﻤﺪ ﺍﻟﺒﺸﻴﺮ ﺷﻘﻴﻖ ﺍﻟﺮﺋﻴﺲ ﻭﻣﻬﺪﻱ ﺇﺑﺮﺍﻫﻴﻢ ﻛﺎﻧﺎ ﻳﻌﻤﻼﻥ
ﻣﻊ ﻣﺤﻤﺪ ﺍﻟﻜﺎﻣﻞ ﻭﻳﺪﻳﺮﺍﻥ ﻛﺎﻓﺔ ﺍﻟﻤﻌﺎﻣﻼﺕ ﺍﻟﺘﺠﺎﺭﻳﺔ ﻋﺒﺮ ﺍﻟﻤﻜﺘﺐ
ﺍﻹﺳﺘﺜﻤﺎﺭﻱ ).
ﻭﻗﺎﻝ ﻏﺴﺎﻥ ﺍﻥ ﻧﺼﻴﺒﻪ ﻣﻦ ﻋﻤﻠﻴﺎﺕ ﺑﻴﻊ ﺍﻷﺭﺍﺿﻲ ﻭﺗﺠﺎﺭﺓ ﺍﻟﻌﻤﻠﺔ ﻟﻢ ﻳﻜﻦ
ﺳﻮﻯ ﻣﻠﻴﺎﺭﻱ ﺟﻨﻴﻪ ﻋﺒﺎﺭﺓ ﻋﻦ ﻋﻤﻮﻟﺔ ﻣﺘﻔﻖ ﻋﻠﻴﻬﺎ، ﻭﻟﻜﻦ ﺍﻟﺠﻨﺎﺓ ﺍﻟﺤﻘﻴﻘﻴﻮﻥ
ﻫﻢ ﺇﺑﻦ ﺍﻟﻮﺍﻟﻲ ﻭﻧﺴﻴﺒﻪ ﻭﺷﻘﻴﻖ ﺍﻟﺮﺋﻴﺲ ﻭﻣﻬﺪﻱ ﺍﻟﺬﻳﻦ ﻧﻬﺒﻮﺍ ﺍﻟﺴﺒﻌﺔ ﻣﻠﻴﺎﺭ
، ﺃﺳﺲ ﻣﻨﻬﺎ ﺃﺣﻤﺪ ﺍﻟﺨﻀﺮ ﻭﻣﺤﻤﺪ ﺍﻟﻜﺎﻣﻞ ﻣﺠﻤﻮﻋﺔ ﻣﺤﻄﺎﺕ (ﺃﻭﻳﻞ ﻟﻴﺒﻴﺎ )
ﻭﻋﺪﺩﺍ ﻣﻦ ﻣﺰﺍﺭﻉ ﺍﻟﺪﻭﺍﺟﻦ ﻭﺷﺮﻛﺎﺕ ﺍﻷﺩﻭﻳﺔ ﻭﺍﻟﻤﻮﺍﺩ ﺍﻟﻐﺬﺍﺋﻴﺔ.
ﻭﻛﺸﻒ ﺍﻟﻤﻼﺯﻡ ﻋﻦ ﺗﻠﻘﻴﻪ ﺗﻬﺪﻳﺪﺍﺕ ﺑﺎﻟﺘﺼﻔﻴﺔ ﺍﻟﺠﺴﺪﻳﺔ ﻣﻦ ﻣﺤﻤﺪ ﺍﻟﻜﺎﻣﻞ
ﻭﻋﺒﺎﺱ ﺍﻟﺒﺸﻴﺮ ﻓﻲ ﺣﺎﻟﺔ ﻭﺭﻭﺩ ﺃﺳﻤﺎﺋﻬﻢ ﻓﻲ ﺍﻟﺘﺤﻘﻴﻘﺎﺕ .
ﻭﺃﺿﺎﻑ (ﺣﻴﻨﻤﺎ ﻫﺪﺩﺕ ﺑﻔﻀﺤﻬﻢ ﺇﻥ ﻟﻢ ﻳﻄﻠﻘﻮﺍ ﺳﺮﺍﺣﻲ، ﻗﺎﻣﻮﺍ ﺑﻮﺿﻊ ﺳﻢ
ﻓﻲ ﻭﺟﺒﺔ ﺍﻟﻌﺸﺎﺀ ﺍﻟﺘﻲ ﺗﻘﺪﻡ ﻟﻲ .. ﻭﻟﻜﻦ ﺣﻴﻨﻤﺎ ﺷﻌﺮﺕ ﺑﺎﻟﺘﻌﺐ ﻭﺿﻴﻖ ﻓﻲ
ﺍﻟﺘﻨﻔﺲ ﻗﺎﻡ ﺿﺎﺑﻂ ﺍﻟﺸﺮﻃﺔ ﺍﻟﺬﻱ ﻳﺘﻮﻟﻰ ﺣﺮﺍﺳﺘﻲ ﺑﺈﺳﻌﺎﻓﻲ ) . ﻭﺃﺭﺩﻑ
( ﻇﻞ ﺫﻟﻚ ﺍﻟﻀﺎﺑﻂ ﺇﻟﻰ ﺟﻮﺍﺭﻱ ﻃﻮﺍﻝ ﺍﻟﻠﻴﻞ ﺣﻴﺚ ﻃﻤﺄﻧﻨﻲ ﺑﺄﻧﻪ ﻳﺆﺩﻱ ﻭﺍﺟﺒﻪ
ﺍﻟﺸﺮﻃﻲ ﻓﻲ ﺣﻤﺎﻳﺘﻲ ﻛﺎﻱ ﻣﺘﻬﻢ ﻭﻟﻦ ﻳﺴﻤﺢ ﻻﻱ ﺟﻬﺔ ﺑﻘﺘﻠﻲ ﺇﻻ ﻋﻠﻰ
ﺟﺜﺘﻪ ). ﻭﻧﺎﺷﺪ ﺍﻟﻤﻼﺯﻡ ﺃﻭﻝ ﺷﺮﻃﺔ ﻏﺴﺎﻥ ﺣﻴﻨﻬﺎ ﻣﻨﻈﻤﺎﺕ ﺣﻘﻮﻕ ﺍﻹﻧﺴﺎﻥ
ﻭﺍﻟﺼﺤﻔﻴﻴﻦ ﺑﺘﺒﻨﻲ ﻗﻀﻴﺘﻪ، ﺇﺫ ﺃﻥ ﺍﻟﻮﺍﻟﻲ ﻭﺇﺑﻨﻪ ﻭﻧﺴﻴﺒﻬﻤﺎ ﻭﺷﻘﻴﻖ ﺍﻟﺮﺋﻴﺲ
ﻳﺮﻳﺪﻭﻥ ﺗﻘﺪﻳﻤﻪ ﻛﻜﺒﺶ ﻓﺪﺍﺀ ﻟﻠﺘﻐﻄﻴﺔ ﻋﻠﻰ ﻓﺴﺎﺩﻫﻢ .









صورة ‏أعمدة الصحف السودانية‏.



أعمدة الصحف السودانية



‫#‏متابعات‬
ﻣﺼﺪﺭ ﻳﺆﻛﺪ : ﺍﻏﺘﻴﺎﻝ ﺍﻟﻤﻼﺯﻡ ﺃﻭﻝ ﺷﺮﻃﺔ ﻏﺴﺎﻥ ﻟﻠﺘﻐﻄﻴﺔ ﻋﻠﻰ ﻛﺒﺎﺭ
ﺍﻟﻤﻔﺴﺪين
( ﺣﺮﻳﺎﺕ )
ﺗﻮﻓﻰ ﺍﻟﻤﻼﺯﻡ ﺃﻭﻝ ﺷﺮﻃﺔ ﻏﺴﺎﻥ ﻋﺒﺪ ﺍﻟﺮﺣﻤﻦ ﺑﺎﺑﻜﺮ ﺃﺣﺪ ﺍﻟﻤﺘﻬﻤﻴﻦ
ﺍﻟﺴﺎﺑﻘﻴﻦ ﻓﻲ ﻗﻀﻴﺔ ﻓﺴﺎﺩ ﻣﻜﺘﺐ ﻭﺍﻟﻲ ﻭﻻﻳﺔ ﺍﻟﺨﺮﻃﻮﻡ ﻋﺒﺪ ﺍﻟﺮﺣﻤﻦ ﺍﻟﺨﻀﺮ
، ﺻﺒﺎﺡ ﺍﻟﻴﻮﻡ ﺍﻟﺨﻤﻴﺲ 14 ﻣﺎﻳﻮ ، ﺍﺛﺮ ﺍﺻﺎﺑﺘﻪ ﻓﻰ ﺣﺎﺩﺙ ﺍﺻﻄﺪﺍﻡ ﺳﻴﺎﺭﺗﻪ
ﺑﻌﺮﺑﺔ ﺍﺧﺮﻯ ﻋﺼﺮ ﺃﻣﺲ ﺍﻻﺭﺑﻌﺎﺀ.
ﻭﻗﺎﻝ ﻣﺼﺪﺭ ﻣﻮﺛﻮﻕ ﻟـ ( ﺣﺮﻳﺎﺕ ) ، ﺍﻥ ﻏﺴﺎﻥ ﺗﻌﺮﺽ ﻟﻼﻏﺘﻴﺎﻝ ﺑﺤﺎﺩﺙ ﺩﺑﺮ
ﻟﻪ ﻓﻲ ﺷﺎﺭﻉ ﺍﻟﺴﺘﻴﻦ ﺑﺎﻟﻘﺮﺏ ﻣﻦ ﻣﻨﺰﻝ ﺃﺳﺮﺗﻪ ﺍﻟﻜﺎﺋﻦ ﺑﻠﻔﺔ ﺟﻮﺑﺎ.
ﻭﺃﺿﺎﻑ ﺍﻟﻤﺼﺪﺭ ﺍﻥ ﺃﺣﺪ ﺃﻓﺮﺍﺩ ﺷﺮﻃﺔ ﺍﻟﻤﺮﻭﺭ ﺍﻟﺬﻳﻦ ﺭﺳﻤﻮﺍ ﺍﻟﺤﺎﺩﺙ ﺃﻛﺪ ﻟﻪ
ﺍﻥ ﺍﻟﺤﺎﺩﺙ ( ﻏﺎﻣﺾ ) ، ﻭﺍﻧﻪ ﻻ ﻳﻮﺟﺪ ﺷﻬﻮﺩ ﻋﻠﻰ ﺍﻥ ﻏﺴﺎﻥ ﻗﺪ ﺗﺨﻄﻰ
ﺇﺷﺎﺭﺓ ﺍﻟﻤﺮﻭﺭ ﺍﻟﺤﻤﺮﺍﺀ ﻛﻤﺎ ﺗﺤﺪﺙ ﺍﻟﺒﻌﺾ .
ﻭﻗﺎﻝ ( ﺷﺨﺼﻴﺎً ﻭﻧﻈﺮﺍً ﻟﻠﻤﻌﻠﻮﻣﺎﺕ ﺍﻟﺨﻄﻴﺮﺓ ﺍﻟﺘﻲ ﻳﻤﻠﻜﻬﺎ ﺍﻟﻤﻼﺯﻡ ﻏﺴﺎﻥ ﻋﻦ
ﻗﻀﻴﺔ ﻓﺴﺎﺩ ﻣﻜﺘﺐ ﺍﻟﻮﺍﻟﻲ ﻭﺗﻮﺭﻁ ﺑﻌﺾ ﺍﻟﻨﺎﻓﺬﻳﻦ ﻭﻣﻨﻬﻢ ﺷﻘﻴﻖ ﻋﻤﺮ ﺍﻟﺒﺸﻴﺮ
ﻣﻊ ﻭﺍﻟﻲ ﺍﻟﻮﻻﻳﺔ ﻓﻲ ﺍﻟﻘﻀﻴﺔ ، ﺃﺭﺟﺢ ﺍﻥ ﻳﻜﻮﻥ ﻗﺪ ﺗﻤﺖ ﺗﺼﻔﻴﺘﻪ ، ﺧﺎﺻﺔ
ﻭﺍﻥ ﻷﺟﻬﺰﺓ ﺍﻹﻧﻘﺎﺫ ﺧﺒﺮﺓ ﻓﻲ ﻫﺬﺍ ﺍﻟﻤﺠﺎﻝ ﻭﻗﺪ ﺳﺒﻖ ﻭﺗﺨﻠﺼﻮﺍ ﻣﻦ ﺃﺷﺨﺎﺹ
ﻣﻦ ﺍﻟﻮﺯﻥ ﺍﻟﺜﻘﻴﻞ ﻧﺎﻫﻴﻚ ﻋﻦ ﺍﻟﻤﻼﺯﻡ ﺍﻭﻝ ﻏﺴﺎﻥ ، ﺃﺷﺨﺎﺹ ﻣﺜﻞ : ﺻﻼﺡ
ﺍﻟﺼﺪﻳﻖ ﺍﻟﻤﻬﺪﻯ ﻭﻋﻤﺮ ﻧﻮﺭ ﺍﻟﺪﺍﺋﻢ ﻭﺍﻟﺰﺑﻴﺮ ﻣﺤﻤﺪ ﺻﺎﻟﺢ ﻭﺍﺑﺮﺍﻫﻴﻢ ﺷﻤﺲ
ﺍﻟﺪﻳﻦ ﻭﻣﺠﺬﻭﺏ ﺍﻟﺨﻠﻴﻔﺔ ).
ﻭﺧﺘﻢ ﺍﻟﻤﺼﺪﺭ ﻗﺎﺋﻼً ( ﺑﻘﺘﻞ ﻏﺴﺎﻥ ﻳﻜﻮﻥ ﺍﻟﺘﺤﻠﻞ ﻗﺪ ﻭﺻﻞ ﺇﻟﻰ ﻣﺪﺍﻩ!!( .
ﻭﻛﺎﻥ ﻏﺴﺎﻥ ﺃﺣﺪ ﺍﻟﻤﺘﻬﻤﻴﻦ ﻓﻲ ﻗﻀﻴﺔ ﺍﻟﻔﺴﺎﺩ ﺍﻟﺸﻬﻴﺮﺓ ﺍﻟﺘﻲ ﻛﺸﻒ ﺍﻟﻨﻘﺎﺏ
ﻋﻨﻬﺎ ﻓﻲ ﺍﻃﺎﺭ ﺻﺮﺍﻉ ﺃﺟﻨﺤﺔ ﺣﺰﺏ ﺍﻟﺒﺸﻴﺮ ﻓﻲ ﺍﺑﺮﻳﻞ ﻣﻦ ﺍﻟﻌﺎﻡ ﺍﻟﻤﺎﺿﻲ ﻗﺪ
( ﺗﺤﻠﻞ ) ﺑﺪﻓﻊ ﺣﻮﺍﻟﻰ 9 ﻣﻠﻴﺎﺭ ﺟﻨﻴﻪ ﺳﻮﺩﺍﻧﻲ ﻗﺒﻞ ﺍﻥ ﻳﺘﻢ ﺍﻃﻼﻕ ﺳﺮﺍﺣﻪ .
ﻭﺳﺒﻖ ﻭﻧﺸﺮﺕ ( ﺣﺮﻳﺎﺕ ) 11 ﻣﺎﻳﻮ 2014 ، ﻧﻘﻼً ﻋﻦ ﻣﺼﺎﺩﺭ ﻗﻮﻝ ﻏﺴﺎﻥ
، ﺇﻥ ﺷﺨﺼﻴﺎﺕ ﻧﺎﻓﺬﺓ ﻓﻲ ﺍﻟﺤﻜﻮﻣﺔ ﻭﺟﻬﺎﺯ ﺍﻷﻣﻦ ﻗﺎﻣﻮﺍ ﺑﺘﻬﺪﻳﺪﻩ ﺑﺎﻟﺘﺼﻔﻴﺔ
ﻓﻲ ﺣﺎﻝ ﻗﻴﺎﻣﻪ ﺑﻜﺸﻒ ﺍﻟﻘﻴﺎﺩﺍﺕ ﺍﻟﺘﻲ ﺗﻘﻒ ﺧﻠﻒ ﻓﺴﺎﺩ (ﻣﻜﺘﺐ ﺍﻟﻮﺍﻟﻲ ).
ﻛﻤﺎ ﻛﺸﻒ ﻏﺴﺎﻥ ﻟﻀﺒﺎﻁ ﺍﻷﻣﻦ ﺍﻟﺬﻳﻦ ﺣﻘﻘﻮﺍ ﻣﻌﻪ ﺩﺍﺧﻞ ﺍﻟﺴﺠﻦ ﺇﻥ ﺃﺣﻤﺪ
ﻋﺒﺪ ﺍﻟﺮﺣﻤﻦ ﺍﻟﺨﻀﺮ- ﻧﺠﻞ ﺍﻟﻮﺍﻟﻲ -، ﻭﻣﺤﻤﺪ ﺍﻟﻜﺎﻣﻞ ﻧﺴﻴﺐ ﺍﻟﻮﺍﻟﻲ، ﻭﻋﺒﺎﺱ
ﺃﺣﻤﺪ ﺍﻟﺒﺸﻴﺮ ﺷﻘﻴﻖ ﻋﻤﺮ ﺍﻟﺒﺸﻴﺮ ﻭﻣﻬﺪﻱ ﺇﺑﺮﺍﻫﻴﻢ ﺍﻟﻘﻴﺎﺩﻱ ﻓﻲ ﺍﻟﻤﺆﺗﻤﺮ
ﺍﻟﻮﻃﻨﻲ ﻃﻠﺒﻮﺍ ﻣﻨﻪ ﺍﻟﻌﻤﻞ ﻣﻌﻬﻢ ﻓﻲ ﺑﻴﻊ ﻭﺷﺮﺍﺀ ﺍﻷﺭﺍﺿﻲ، ﻭﺗﺠﺎﺭﺓ ﺍﻟﻌﻤﻠﺔ،
ﻭﺍﻟﺴﻠﻊ ﺍﻹﺳﺘﻬﻼﻛﻴﺔ ﺑﻌﻠﻢ ﺍﻟﻮﺍﻟﻲ ﺷﺨﺼﻴﺎً ، ﻣﻮﺿﺤﺎً ( ﺍﻟﻮﺍﻟﻲ ﺷﺨﺼﻴﺎً ﻃﻠﺐ
ﻣﻨﻲ ﺍﻟﻌﻤﻞ ﻣﻊ ﺇﺑﻨﻪ ﻭﻧﺴﻴﺒﻪ، ﻭﻟﻢ ﺃﻗﻢ ﺑﺘﺰﻭﻳﺮ ﺧﺘﻢ ﺍﻟﻮﺍﻟﻲ ﻟﺒﻴﻊ ﻭﺷﺮﺍﺀ
ﺍﻷﺭﺍﺿﻲ .. ﻭﻛﺎﻥ ﻟﺪﻳﻨﺎ ﻣﻜﺘﺐ ﺇﺳﺘﺜﻤﺎﺭﻱ ﻟﺒﻴﻊ ﻭﺷﺮﺍﺀ ﺍﻷﺭﺍﺿﻲ ﻳﺪﻳﺮﻩ ﻣﺤﻤﺪ
ﺍﻟﻜﺎﻣﻞ ﺯﻭﺝ ﺇﺣﺪﻯ ﺑﻨﺎﺕ ﺍﻟﻮﺍﻟﻲ ﺍﻟﺨﻀﺮ ) .
ﻭﺃﺿﺎﻑ ( ﻋﺒﺎﺱ ﺃﺣﻤﺪ ﺍﻟﺒﺸﻴﺮ ﺷﻘﻴﻖ ﺍﻟﺮﺋﻴﺲ ﻭﻣﻬﺪﻱ ﺇﺑﺮﺍﻫﻴﻢ ﻛﺎﻧﺎ ﻳﻌﻤﻼﻥ
ﻣﻊ ﻣﺤﻤﺪ ﺍﻟﻜﺎﻣﻞ ﻭﻳﺪﻳﺮﺍﻥ ﻛﺎﻓﺔ ﺍﻟﻤﻌﺎﻣﻼﺕ ﺍﻟﺘﺠﺎﺭﻳﺔ ﻋﺒﺮ ﺍﻟﻤﻜﺘﺐ
ﺍﻹﺳﺘﺜﻤﺎﺭﻱ ).
ﻭﻗﺎﻝ ﻏﺴﺎﻥ ﺍﻥ ﻧﺼﻴﺒﻪ ﻣﻦ ﻋﻤﻠﻴﺎﺕ ﺑﻴﻊ ﺍﻷﺭﺍﺿﻲ ﻭﺗﺠﺎﺭﺓ ﺍﻟﻌﻤﻠﺔ ﻟﻢ ﻳﻜﻦ
ﺳﻮﻯ ﻣﻠﻴﺎﺭﻱ ﺟﻨﻴﻪ ﻋﺒﺎﺭﺓ ﻋﻦ ﻋﻤﻮﻟﺔ ﻣﺘﻔﻖ ﻋﻠﻴﻬﺎ، ﻭﻟﻜﻦ ﺍﻟﺠﻨﺎﺓ ﺍﻟﺤﻘﻴﻘﻴﻮﻥ
ﻫﻢ ﺇﺑﻦ ﺍﻟﻮﺍﻟﻲ ﻭﻧﺴﻴﺒﻪ ﻭﺷﻘﻴﻖ ﺍﻟﺮﺋﻴﺲ ﻭﻣﻬﺪﻱ ﺍﻟﺬﻳﻦ ﻧﻬﺒﻮﺍ ﺍﻟﺴﺒﻌﺔ ﻣﻠﻴﺎﺭ
، ﺃﺳﺲ ﻣﻨﻬﺎ ﺃﺣﻤﺪ ﺍﻟﺨﻀﺮ ﻭﻣﺤﻤﺪ ﺍﻟﻜﺎﻣﻞ ﻣﺠﻤﻮﻋﺔ ﻣﺤﻄﺎﺕ (ﺃﻭﻳﻞ ﻟﻴﺒﻴﺎ )
ﻭﻋﺪﺩﺍ ﻣﻦ ﻣﺰﺍﺭﻉ ﺍﻟﺪﻭﺍﺟﻦ ﻭﺷﺮﻛﺎﺕ ﺍﻷﺩﻭﻳﺔ ﻭﺍﻟﻤﻮﺍﺩ ﺍﻟﻐﺬﺍﺋﻴﺔ.
ﻭﻛﺸﻒ ﺍﻟﻤﻼﺯﻡ ﻋﻦ ﺗﻠﻘﻴﻪ ﺗﻬﺪﻳﺪﺍﺕ ﺑﺎﻟﺘﺼﻔﻴﺔ ﺍﻟﺠﺴﺪﻳﺔ ﻣﻦ ﻣﺤﻤﺪ ﺍﻟﻜﺎﻣﻞ
ﻭﻋﺒﺎﺱ ﺍﻟﺒﺸﻴﺮ ﻓﻲ ﺣﺎﻟﺔ ﻭﺭﻭﺩ ﺃﺳﻤﺎﺋﻬﻢ ﻓﻲ ﺍﻟﺘﺤﻘﻴﻘﺎﺕ .
ﻭﺃﺿﺎﻑ (ﺣﻴﻨﻤﺎ ﻫﺪﺩﺕ ﺑﻔﻀﺤﻬﻢ ﺇﻥ ﻟﻢ ﻳﻄﻠﻘﻮﺍ ﺳﺮﺍﺣﻲ، ﻗﺎﻣﻮﺍ ﺑﻮﺿﻊ ﺳﻢ
ﻓﻲ ﻭﺟﺒﺔ ﺍﻟﻌﺸﺎﺀ ﺍﻟﺘﻲ ﺗﻘﺪﻡ ﻟﻲ .. ﻭﻟﻜﻦ ﺣﻴﻨﻤﺎ ﺷﻌﺮﺕ ﺑﺎﻟﺘﻌﺐ ﻭﺿﻴﻖ ﻓﻲ
ﺍﻟﺘﻨﻔﺲ ﻗﺎﻡ ﺿﺎﺑﻂ ﺍﻟﺸﺮﻃﺔ ﺍﻟﺬﻱ ﻳﺘﻮﻟﻰ ﺣﺮﺍﺳﺘﻲ ﺑﺈﺳﻌﺎﻓﻲ ) . ﻭﺃﺭﺩﻑ
( ﻇﻞ ﺫﻟﻚ ﺍﻟﻀﺎﺑﻂ ﺇﻟﻰ ﺟﻮﺍﺭﻱ ﻃﻮﺍﻝ ﺍﻟﻠﻴﻞ ﺣﻴﺚ ﻃﻤﺄﻧﻨﻲ ﺑﺄﻧﻪ ﻳﺆﺩﻱ ﻭﺍﺟﺒﻪ
ﺍﻟﺸﺮﻃﻲ ﻓﻲ ﺣﻤﺎﻳﺘﻲ ﻛﺎﻱ ﻣﺘﻬﻢ ﻭﻟﻦ ﻳﺴﻤﺢ ﻻﻱ ﺟﻬﺔ ﺑﻘﺘﻠﻲ ﺇﻻ ﻋﻠﻰ
ﺟﺜﺘﻪ ). ﻭﻧﺎﺷﺪ ﺍﻟﻤﻼﺯﻡ ﺃﻭﻝ ﺷﺮﻃﺔ ﻏﺴﺎﻥ ﺣﻴﻨﻬﺎ ﻣﻨﻈﻤﺎﺕ ﺣﻘﻮﻕ ﺍﻹﻧﺴﺎﻥ
ﻭﺍﻟﺼﺤﻔﻴﻴﻦ ﺑﺘﺒﻨﻲ ﻗﻀﻴﺘﻪ، ﺇﺫ ﺃﻥ ﺍﻟﻮﺍﻟﻲ ﻭﺇﺑﻨﻪ ﻭﻧﺴﻴﺒﻬﻤﺎ ﻭﺷﻘﻴﻖ ﺍﻟﺮﺋﻴﺲ
ﻳﺮﻳﺪﻭﻥ ﺗﻘﺪﻳﻤﻪ ﻛﻜﺒﺶ ﻓﺪﺍﺀ ﻟﻠﺘﻐﻄﻴﺔ ﻋﻠﻰ ﻓﺴﺎﺩﻫﻢ .


#1266108 [مجروس ق ش م]
5.00/5 (7 صوت)

05-14-2015 06:50 PM
الواجعني قروشي 90 مليار راحت شمار في مرقة ماجي يعني حتتوزع ورثة ويتفرق دم قروشي بين القبائل .ﻻ بارك اللة فيكم أيها الكيزان المعفنين ....حسبي الله ونعم الوكيل عليكم


#1266099 [الحقيقة مرة]
4.69/5 (18 صوت)

05-14-2015 06:23 PM
رايكم شنو بالمرة نترحم على بشة كمان مسبقا وعلى نافع وطه وابو ريالة وقوش وعطا وبقية "الصالحين" بما ان (كل نفس ذائقة الموت) وكلنا سنفضي الى ما عملنا نسامحم وندعو ليهم بالرحمة والمغفرة مسبقا يمكن بعدين ننسى ؟

الحقيقة المرة انو مشكلتنا الاساسية ليست الكيزان بل عوارتنا وغبائنا وتقزمنا المعنوي البتخلي الرمم يحكمونا ويسوقونا زي الغنم ونجي بعد دا كلو نترحم عليهم وندعوا ليهم.. يا للبلاهة ! اللعنة عليك يا غسان حيا وميتا وعلى كل كوز حقير انا لا مسامحك في حقي ولا بترحم عليك الله يعذبك في الجحيم للابد بحق كل السرقت حقوقم وماتوا بسبب الفساد والمرض والاهمال ما لاقين حقنة بنسلين واي مغفل يترحم عليك شريك سلبي ليك ولامثالك في كل الجرائم السابقة واللاحقة ويستاهل يحكموه الكيزان !


ردود على الحقيقة مرة
European Union [mmm] 05-15-2015 01:32 PM
كلامك صحيح 100في 1000
كيف يطلبو مننا بكل بجاحة ان نترحم على من قتل ونهب
وشرد وعزب..اهلنا؟؟؟؟؟؟؟؟؟؟؟؟؟؟؟؟؟؟
ان كان غسان سرق ف ماعافين ليهو وللمعاهو ...
كدا الناس تفهم انو اسرق واقتل ولما تموت ربنا غفور رحيم..
والشعب ح يترحم عليك...


#1266094 [بجاوي]
4.75/5 (5 صوت)

05-14-2015 05:43 PM
المافيا اي شخص يقع في قضبة الشرطة تتم تصفيته والمرحوم/ غسان قدم كبش فداء وتم حرقه قبل بدى اي اجراءات قد توقع الزعماء الكبار( مهدي ابراهيم ، عباس البشير شقيق عمر البشير مواليد 1968 راسب شهادة سودانية يوم الانقلاب كان يقود داراجة دبل تقدر ثروته الان ب100 مليون دولار ، وعائلة الخضر) والتصفية ما غريبة على الكيزان من قبل تم تصفية الزبير محمد صالح وابراهيم شمس الدين وحاج نور


#1266092 [ودكركوج]
3.00/5 (6 صوت)

05-14-2015 05:38 PM
" اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس. اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين


#1266084 [coopa coopana]
5.00/5 (1 صوت)

05-14-2015 05:22 PM
اى بنيه استضعفوك فدعسوك فقتلوك هؤلاء الاوغاد الاحذية ابناء الافاعى الذين شبعوا بعد جوع لقدقتلور مدير مكتب ابراهيم شمس الدين على طريقة المافيا و طريقة ال cia و خبير الاقطان و القائمةو تطوزل انت تحمل اسرار رجل يريد ان يكون نائب الرئيس كيف تعيش بهذة الاسرار ؟؟؟من سائق العربة الاخرى و احد فى اثنين اما ضابط امن او قاتل ةماجور


#1266083 [عوض الله جابر]
4.50/5 (8 صوت)

05-14-2015 05:22 PM
شيلو شيلتكم يا الخضر وصحبه ..المرحوم كان يتوقع بأن تصفوه...
سلم كل المستندات لأهله ببورتسودان حي الخليج...............


وقبل أن تتعجلو وتبيدو أسرته في بورتسودان...لعلمكم الأسرة سلمت المستندات لمحامي شبوعي عكليت مقيم في...............
شيلو شيلتكم..عارفكم ما هاميكم عذاب الله لكن جماهير أيريل ,أكتوبر...يا ويلكم..


#1266070 [مراقب]
0.00/5 (0 صوت)

05-14-2015 04:44 PM
..


ردود على مراقب
[ام بادر] 05-14-2015 07:22 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#1266067 [ابو الشيماء]
1.00/5 (2 صوت)

05-14-2015 04:36 PM
.


ردود على ابو الشيماء
[يا بلد] 05-14-2015 07:50 PM
أنت لسه يا أبو الشيماء حايم في الراكوبة دي

تعرف .. إنك أنت الصفر زاتو


#1266063 [ظلال النخيل]
4.25/5 (6 صوت)

05-14-2015 04:27 PM
يا كيزان يا عمر البشير يا مصطفى يا متعافي يا نافع يا كاروري الكرور ياحزب الفاسدين اتعظووووووووووووووووووا من موت رفيقكم في الفساد بل تربيتكم ...حتروحوووووا من ربنا فيييييين حتروحووووووووا من الشعب فيييييييييين

والله لن تجدوا واحد يترحم عليكم والدليل على ذلك اقرؤوا تعليقات القراء هنا ما زول اترحم عليه الا وااااحد بس .....
معظم الشعب السودانيييييييييييييي ح يكون مبسوط بهلاككم


#1266061 [جركان فاضى]
4.70/5 (11 صوت)

05-14-2015 04:26 PM
ان كان قميصه قد من دبر...يعنى ضربته العربية اللى خلفه ..فالقاتل عبدالرحمن الخضر بلا لف ولا دوران .. وان كان قميصه قد من جنب فينظر فى الامر...ان كانت السيارة واقفة فترة طويلة فى الاشارة وتفوت الاشارة الخضراء كل مرة فانه قتل مع سبق الاصرار والترصد والقاتل عبدالرحمن الخضر...وان كانت السيارة ماشة فى طريقها مع حركة السيارات فانه قضاء وقدر ...وفى كل الاحوال يجب القاء القبض على عبدالرحمن الخضر للتحرى معه واتهامه بالقتل حتى تثبت براءته


ردود على جركان فاضى
United States [nagatabuzaid] 05-14-2015 07:26 PM
عبد الرحمن الخضر وكل مجموعة اللصوص القتلة الفجرة


#1266057 [واحد من الناس]
4.50/5 (3 صوت)

05-14-2015 04:16 PM
حادث مع عربة ( افراج مؤقت )
كلمة لها الف تفسير يعني انها لا سجل لها في الدولة ولا في المرور غير تصريح دخول البلد


ردود على واحد من الناس
[jafal] 05-15-2015 08:40 AM
شارع الجامعه مخصص للتصفيات عندنا واحد منهم نفس الطريقة إن ربنا نجاهو من الحادث بتموا الباقى ربنا برحمه


#1266056 [جقود]
3.82/5 (8 صوت)

05-14-2015 04:15 PM
اللهم ارحمه واغفر له من اعلمكم انه لم يتوب وغفر الله له ام انتم وكلاء الله فى الارض انظرو الى نفسكم من منكم بلا خطيئه اللهم ارحم وتجاوز عن الملازم غسان ان كان محسنا فذ فى احسانه وان كان مسيئا فتجاوز عنه انك ارحم الراحمين


ردود على جقود
[جيفارا] 05-14-2015 08:03 PM
تحياتي


#1266051 [الفاتح]
4.38/5 (4 صوت)

05-14-2015 04:06 PM
غسان متهم في قضيه كبيره وهناك بعض الاسئله تطرأ على البال :
1) هل تمت محاكمة هذا المتهم واكمل محكوميته وتم اطلاق سراحه ؟؟؟
2) هل هذا المتهم مطلق السراح بموجب ضمان أم ماذا ؟؟
كان يجب أن يكون هذا الخبر متكامل من جميع النواحي لأن المعلوم للسواد الأعظم أن هذا المتهم لم تتم محاكمته وكانت هنالك بعض الأخبار عن هروبه خارج السودان كما أن السلطات الحاكمة منعت جميع الصحف واجهزة الأعلام كافة عن نشر أي خبر عن هذا المتهم .
المطلوب الآن من جميع أجهزة الأعلام التقصي الدقيق عن صحة هذا الخبر وهل فعلا أن المتوفي هو غسان ذات نفسه وهل تمت محاكمته وكيف تم إطلاق سراحه وأين الأموال التي تم اختلاسها
هذا إذا كان لدينا اعلام حقيقي


#1266041 [جقر المنشية]
4.50/5 (4 صوت)

05-14-2015 03:44 PM
عملوها الأبالسة.. لعنهم الله دنيا وآخرة.


#1266040 [هميم]
3.63/5 (6 صوت)

05-14-2015 03:44 PM
تصفية الملازم غسان!!! هذا درس بليغ لكل من يعمل كواجهة للكيزان ويعتقد أنه من الرابحين! هؤلاء يقتلون آباءهم إن تعرضت أموالهم لأقل تهديد. وبعد ده... لن يتردد بعضنا لو وجد الفرصة ليعمل في مكتب والي الخرطوم الحرامي ويعمل كواجهة له ويسرق التصاديق ويبيع ويعمل ثمانين مليار جنيه ثم يسجلها لنفسه. أما الكيزان فلا بد أنهم قصدوا بتصفية غسان إرسال إشارة إلى أطراف أخرى قد "تلعب بديلها"


#1266039 [غليان كمان وكمان]
4.00/5 (3 صوت)

05-14-2015 03:42 PM
لا خطوط ولا اشارات حمراء في طريق الكيزان .


#1266037 [سكر]
5.00/5 (1 صوت)

05-14-2015 03:39 PM
انا ما عارف ما هي ملابسات القضية والكثير منا لا يعلم والله هو العالم
بس احس ان الراجل ده بريئ يعني لو واحد فعلا عندو مليارات كان عرف يطلع خارج السودان وكان عرف يشتري عربية فارهة جدا .
الموضوع فيه لبس لأنو لو في أحد مهدد وملاحق وناهب فلوس ومعاه ملفات من المستحيل يقدر يتحرك داخل الخرطوم بهذه البساطة لانو قبل صوروه وهو بصين في سيارته اعتقد
وهم اصلا ما مطرين يدبرو له حادث ذي ما كان معاهم ممكن اعطوه فلوس ويخرجه بره البلد ويعيش ملك وينساهم ..

اعتقد من الاصل هو واحد مسكين
وان وفاته عبارة ن حادث عادي والله اعلم


#1266033 [الممغوص]
4.00/5 (3 صوت)

05-14-2015 03:37 PM
الله يرحمو ويتقبلو تقبل حسن
اللهم اعفو عن ما اقترف فينا ان كان قد سرق ونهب
طبعا دي تصفيه ما دايرا يضو ليها نار
لاكين انشاء الله يكون المرحوم ذكي وترك اوراق ادانه اللصوص الاخري
مع شخص اخر غير معلوم للعصابه فيقوم بنشرها.
السبب الوحيد الذي منع محاكمته وادي الي اغتياله هو هذه المستندات


ردود على الممغوص
[يا بلد] 05-14-2015 07:55 PM
والله نحنا المغسة كاتلانا كتل من متل الزيك ده

أنت يا أخوي أعفي حقك

نحنا ما عافين ليهو وحقنا عند رب العزة بناخدو


#1266031 [صديق الشيخ حمد النيل]
5.00/5 (1 صوت)

05-14-2015 03:33 PM
أسمعنا مرة


#1266021 [freedom seeker]
4.72/5 (6 صوت)

05-14-2015 03:08 PM
هذه مجرد رواية من روايات النظام المضروبة.. وفصل مسرحي سئ الاخراج كعادتهم .. بل الملازم اغتيل بطريقة النظام المفضلة وهي الحوادث المدبرة


#1266016 [خضر]
5.00/5 (2 صوت)

05-14-2015 02:53 PM
اللهم تجعل كيدهم فوق نحرهم يمهل ولا يهمل


#1266009 [حسن ع المجيد]
4.75/5 (4 صوت)

05-14-2015 02:45 PM
الحكاية يُشتم منها شيئ من الفبركة و الغش و الخداع ..
هذا النظام المتهالك لم يكن فى يوم من الايام موضع ثقة لدى عامة مواطنى السودان , لا أحد يثق فيهم جميعاَ عن بكرة أبيهم .

مشكلة هؤلاء المتأسلمين أنهم فصلوا الدين عن الأخلاق , ثم أوغلوا في عدم الأخلاق .. فبعدت المسافة بينهم و بين مايعتقدونه , و فقدوا الإثنان معاً (الاخلاق و الدين) ,, و أصبح الدين لديهم ليس إلا طقوس وشعائر يمارسونها لا تنهاهم عن فحشاء أو منكر ,
هؤلاء هم الذين ضل سعيهم في الحياة الدنيا و الآخرة (والعيازة بالله) .


#1266000 [زول]
5.00/5 (1 صوت)

05-14-2015 02:18 PM
الوت حق الله يرحمه ويغفر له اهو كدا يا دوب اتحلل والكلام على الباقين ان شاء الله يتحللوا ويبقى موت الملازم عظة وعبرة ويلحقوا انفسهم


#1265994 [غايتو]
4.97/5 (9 صوت)

05-14-2015 02:13 PM
هل ياترى سعادتو كان حاضر المشهد وأن المرحوم قطع الاشارة ؟ ولا دا تدخل فى رسم الحادث والتحقيق لمصلحة آخرين !!!! يوجد فساد ولمحاربته لابد من العدل أولا . مش التغطية على قضايا الفساد لمصلحة الآخرين من الصعب أن تبنى دولة وهذه حالها , إصرار على الفساد وتستر ولا محاكمات عادلة أو غير عادلة .


#1265992 [ود الركابي]
5.00/5 (10 صوت)

05-14-2015 02:11 PM
نتمني من الله ان يكون المرحوم صبن الملفات الدسمة في ايد امينة بكل نشاطات المكتب . والمتهمين معروفين مين ومين . زمان حذرناه قلنا ليهوا الجماعة ديل دمويين وكتالين كتلة .. واذا ماواحد من الاسرة اكد لنا خبر الوفاة وواحد شهد الدفن ما بنصدق .. عاوزين يضيعوا القضية شمار في مرقة ..



خدمات المحتوى


صفحة 1 من 3123>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة