الأخبار
أخبار إقليمية
عصابة تنزيل أموال تحتال على "خبير وطني" بحزب البشير
عصابة تنزيل أموال تحتال على


05-18-2015 04:07 PM
الخرطوم: حافظ الخير

تعرض القيادي بالمؤتمر الوطني الدكتور ربيع عبد العاطي لعملية احتيال من قبل عصابة تنزيل أموال مؤلفة من ثلاثة أجانب من جنسيات إفريقية نصبت عليه بدعوى استثمار أمواله وسلبت منه مبلغ "68" ألف جنيه ولاذت بالفرار

وأبلغ عبد العاطي قسم شرطة الدرجة الأولى بالعمارات بالواقعة وشرعت الشرطة في التحقيق في البلاغ وألقت القبض على المتهمين بضاحية مايو جنوب الخرطوم وبحوزتهم جزء من المبلغ المسروق.

وقال عبد العاطي أمس لـ" الصيحة" إن ثلاثة أفارقة زاروه في مكتبه في الخرطوم وعرضوا عليه استثمار أمواله وأن لديهم عفشاً يودون تخليصه من السلطات الجمركية وأخذوا منه مبلغاً من المال ولاذوا بالفرار وأضاف عبد العاطي أن المتهمين استدلوا على هاتفه من أحد الأشخاص واتصلوا به وحضروا إليه في مكتبه وصلوا معه الظهر والعصر، وقالوا له إنهم يعرفونه من جامعة افريقيا التي يدرس بها وأخذوا منه المبلغ بزعم استثماره ونفى عبد العاطى أن يكون المتهمون قد عرضوا عليه مضاعفة أمواله بالتنزيل، وقال ضاحكاً "هم ما عندهم قروش كيف يدوني"، وأكد ريبع أن الشرطة ألقت القبض على المتهمين واستعادت منهم جزءاً كبيراً من المبلغ وأنهم قالوا إنهم سيعيدون المبلغ كاملاً وأضاف: العملية "احتيال ليس إلا".


المصدر: صحيفة الصيحة


شاهد أيضاً ..

ربيع عبد العاطي : نحن عقائديون و قد وعدنا الله بالتمكين في الارض
.


تعليقات 51 | إهداء 0 | زيارات 12290

التعليقات
#1269267 [watani adeel]
0.00/5 (0 صوت)

05-19-2015 10:43 PM
قول الله يرث الارض لعبادة الصالحيين ....قالوا الصلاح يعنى كل مصلح بغض النظر كونة مسلم اوكافر مثلا امريكا لان فيها النفس مصانة والنباتات والحيوانات تجد الرعاية والاجهزة لخدمة البشرية ..اما التمكين فله شروط وواجبات يجب ان تتبع ظاهرينا والا مثل الذين يظنون انهم يحسنون صنعا


#1268961 [جوجو]
2.00/5 (1 صوت)

05-19-2015 02:45 PM
لا لالا لا يا جماعة الزول دة قصده حميد عايز يستثمر ال 68 مليون لصالح الاقتصاد الوطنى مش هو برضو خبير دولى و كدة و لا كيف


#1268764 [كاره الكيزان محب السودان]
0.00/5 (0 صوت)

05-19-2015 12:03 PM
كنت طمعان في مضاعفة المبلغ يا عفن، ما عندك أموال الشعب السوداني المغلوب على أمره تلهف منها ما تشاء في زول حايشك؟؟؟


#1268757 [جنو منو]
0.00/5 (0 صوت)

05-19-2015 11:59 AM
الفاره دقس .. حالتو قاخبير وطنى .. يذهب من حيث أتى ..


#1268754 [ana]
0.00/5 (0 صوت)

05-19-2015 11:56 AM
مش ربيع دا امام وخطيب جامع العشره !!!!!!!!!!!!!!!!!!!!!!!!!!!


#1268665 [ود الكوتش]
5.00/5 (2 صوت)

05-19-2015 10:12 AM
ياسلام شهامه منك ياربيع يعني؟ قول انك اتدقسته عادي ماعيب


#1268633 [قاسم خالد]
5.00/5 (2 صوت)

05-19-2015 09:36 AM
68 مليون في الجيب ، 68 مليار بالقديم ... البيت و البنوك فيها كم ؟ قطع الأراضي مستثمر فيها كم ؟ العمارات كم ؟ ...بالله شوف الحرامي الخابور الواطي ... و تقول لي الكيزان ما حرامية و بتاعين لغف ... قال خبير قال ، قوم لف لفاك قطر .


#1268632 [عماد]
5.00/5 (2 صوت)

05-19-2015 09:34 AM
موقعك ومكانتك لا تسمح لك بالتصريح بهذا الموضوع عليك ان تسكت عليه فضيحة كبيرة ان تتعامل مع هؤلاء لكسب المال وعلي المسئولين في الدولة الا يتركو هذا الموضوع يمر مرور الكرام يجب محاسبتك لانك تنتمي للحكومة ولو وجدت شفافية لكنت حوسبت لتعاملك بهذه الكيفية لكسب المال


#1268590 [علينا نحنا]
5.00/5 (2 صوت)

05-19-2015 09:01 AM
لا توجد علاقة بين الاستثمار والافارقة وتخليص العفش واستثمار 68 مليون جنيه وجامعة أفريقيا , الطماع ده اتغشى على طمع كان زرع بيها بصل مع مزارع في الجزيرة كنا صدقناه لكن ديل يمكن بتاعين الورق الذي يحول الي دولارات بعد الصبغ والله مهزلة وبهدلة بلد سير سير يالبشير


ردود على علينا نحنا
[ابو الغيث] 05-19-2015 11:27 AM
طير طير يا البشير..................


#1268543 [عبدالله الحلاوي]
5.00/5 (2 صوت)

05-19-2015 08:24 AM
خبرة (ماسورة) السواد


#1268500 [المقهورة]
5.00/5 (3 صوت)

05-19-2015 07:06 AM
يا "حقير" أقصد خبير .. حقيقة مخك فاضي ومعذور يا شاهد الزور


#1268457 [كاره العنصرية]
4.94/5 (7 صوت)

05-19-2015 02:11 AM
الافارقة عارفين لو ربيع عبدالعاطي بلغ عنهم سوف يقبض عليهم في دقائق وذلك عن طريق استغلال نفوذه ، طبعاً الافارقة افتكروا الرجل سوف يأخذها في اللبادة ويسكت ويعمل فيها ميت حفاظاً على كرامته ولكن عشمهم طلع على شونه فالرجل لا يستحي ونصاب اكبر منهم بكثير ومستعد ان يموت من اجل المال، فؤلاء كيزان يا حبيبي كيزان دينهم دينارهم وكعبتهم النساء


#1268456 [نمو]
0.00/5 (0 صوت)

05-19-2015 02:09 AM
في ظرف 3 ساعات استرجعنا المال
ما عشان دكتور ربيع مؤتمر وطنى
عشان هو مواطن سوداني
اي زول سرق مال او اي شيء افتح بلاغ
واترك الباقي علينا للكل معارضين مواطنين
مؤتمر وطني ولا اي حزب تحت الخدمنا نحنا
نكسب فيكم اجر


ردود على نمو
[abushanab] 05-19-2015 09:51 AM
انتو منو ..


#1268451 [منذر]
5.00/5 (2 صوت)

05-19-2015 01:41 AM
بالله ده مستوى !! وديل الناس الحاكمننا, الحرامى ده عاوز يزيد ثروته ومستعد يتعامل مع نصابين درجة تالته بس المهم يزيدوا ليهو قروشو فى انحطاط أكتر من كده.


ردود على منذر
[المشروع] 05-19-2015 07:36 AM
دا مستوا عايز دوا وعلاج وبعدين يفكوا عكس الهوا


#1268443 [مواطن]
5.00/5 (2 صوت)

05-19-2015 12:50 AM
التمكين عند اخوان الفساد هو الاستحواذ على كل شئ وحتى ولو بالتنزيل مع اقصاء الاخرين


#1268393 [باكاش]
5.00/5 (3 صوت)

05-18-2015 09:42 PM
ديييييييييييشك كديس المستشفى لعبوهو.


#1268377 [عصمتووف]
5.00/5 (2 صوت)

05-18-2015 08:30 PM
قال دكتور وخبير قال ي اوانطجي بتعاع الانطونات لو منك اعاين للناس التحت واقول الحمدلله وليس الفوق ي عنقوق استحي ي ندعي الايمان والرسالة استحي ي موزع صكوك الفقران عندك وش تاني تطل علي رفاق درب السوء اشباهك والله اصبحت مسخره ي ابو الثنفد او درداق الخري


#1268376 [التلب]
5.00/5 (1 صوت)

05-18-2015 08:30 PM
والله انا بفتكر العكس .. بالطبع ربيع عبدالعاطى من كبار المحتالين حيث انه كان يعمل فى وظيفة استقبال فى
فندق وكان ﻻيملك اى شئ واﻻن مليار دير ثم لم يكن يحمل درجة الماجيستير وﻻيحلم بها واﻻن دكتور وهذا الشخص احتال على اﻻجانب المساكين ديل واستعان بالشرطه لضربهم وتخويفهم ومن الممكن ان يقدموا الى محاكمات فى ظل قضاء مسيس ويقلعوا قروشهم ويفكوهم عكس الهواء .. !!


#1268372 [ابو الخير]
5.00/5 (1 صوت)

05-18-2015 08:25 PM
يكونو مارجعو ليهم قرش واحد يكونو خلعوا وعمل التمثيلية عشان يلم الدور


#1268361 [مقهور]
5.00/5 (1 صوت)

05-18-2015 07:35 PM
هههههههههه كذاب وبليد يا ربيع عبد العاطي كنت شغال استقبال بتاع الشقق المفروشة كمان تتكلم بالملايين يا خي الجماعة الكنت شغال معاهم لليوم روتب ما وصل ثلاث الف ريال يا حرامي ما تستحي ملايين وتنزيل وتحويل حلال عليهم


#1268359 [جنوبي]
5.00/5 (4 صوت)

05-18-2015 07:33 PM
هههههههههههه
صحي القلم ما بزيل بلم ,,,
الجاهل الوطني وضيع عبد العاطي ...
إندنا إرِق مهبه تشتري ؟؟؟؟؟؟


#1268349 [من]
5.00/5 (1 صوت)

05-18-2015 07:10 PM
انا لو في موقع ربيع دا وان شاء الله مااكون اسكت ساهي لا شفت ولاسمعت ولا خطر علي قلبي ذاتو

شنو 68 الف لكن زي ربيع دا عندو السترة والفضيحة واحد عشان كدا يدافع عن الحكومة كذبا وليا للحقائق لكي يصل لهدفه وهو جمع الاموال الطائلة وعدم انفاقها .


#1268339 [الداندورمي.]
5.00/5 (1 صوت)

05-18-2015 06:40 PM
هههههههههه الطمع ودر ماجمع
الماشفتوا في بيت أبوك بخلعك .
القروش العندك ما ،،، ماليا عينك
طيب إنته لو،،،بالفهم ده،،، كيف تكون خبير وطني
وقيادي كمان والله نحنا لو،،،راجين منكم رجاء الترابه
كاااااااااااااااااااااااااااااااااااالت خشووووووووووووووومنا.


#1268338 [سعيد لورد]
5.00/5 (1 صوت)

05-18-2015 06:40 PM
اقتباس:
" أخذوا منه مبلغ بقرض استثماره
و لديهم عفش يريدون تخليصه من السلطات الجمركية"
العلاقة شنو بين عندهم عفش و دايرين قروش يستثمروها

اللهم إلا أن كان العفش حاويات مخدرات.
و أن الخبير دفع حصته في الشراكةالمبلغ لتخليص المخدرات من الجمارك
و بعد ذلك يتولى المستمثرون بيع المخدرات في جامعة أفريقيا العالمية
والأرباح مناصفة.
يعني الشغلانة ما بتركب إلا كدا.
و الأمر المرجح أن الخبير تعرض لعمية نصب واحتيال ما يعرف بالتنزيل
بعد أن أوهموه بمضاعفة المبلغ المدفوع.
و دفع الخبير كل ما في جيبه .
و حيث أنه هبيل و صيدة سهلة فقد لجأ إليه المحتالون و برضو خبير


#1268333 [الطيب]
5.00/5 (1 صوت)

05-18-2015 06:25 PM
الأخوان المسلمون في الأساس وثنيون, ولكن يقولون بأفواههم خلاف ذلك. والغريب هذا الفقه غير موجود في كتابهم"معالم في الطريق"


#1268330 [ود اب زهانه]
5.00/5 (1 صوت)

05-18-2015 06:24 PM
ياجماعه اعذروه ماعندو وظيفه الجماعه ختوه في الرف وبقي بس يظهر في القنوات الفضائية فلقي نفسه بياكل من سنامه وحس بحرارة الصرف ولقي الحكايه ماشه والرصيد ماشي ناقص فلقوه الجماعه ديل صيده جاهزه ولسه الراجيك كتير اتحلل قدام ربك احسن ليك من قروش الحرام دي مافيها بركه والله لا ليك لا لاولادك السودانيين ديل لايمكن يجتمعوا علي باطل وحقانيين فالناس دي كلها بتقول ليك قروشك حرام


#1268325 [سيف الدين الجميلى]
5.00/5 (1 صوت)

05-18-2015 06:18 PM
دبل ظاهر عليهم جماعة كجور أداهم القروش دى عشان يشوفوا ليهو طريقة فى الحكومة المرتقبة..
وزارة أو وكيل وزارة ولو حتى سفارة...لكن يكون جماعتو سربو ليهو خبر التشكيله الجديدة الاسمو مافيها


#1268324 [بجاوي]
5.00/5 (1 صوت)

05-18-2015 06:18 PM
هههههههههههه قال استثمار قال انت فاكر عندنا قنابير ياراجل البلد كلها في يدكم استثمار شنو انتوا بتمدوا يدكم وتغرفوا من المال السائب التحت يدكم واستثمار شنو ب 68 مليون الا عايز تعمل دكان فول لكن الشي الجماعة ديل اكلوا راسك شالوا قروشك قلت تبدا معاهم بمبلغ على القدر ولو الموضوع ظبط تزيد القروش طبعاً انت نصاب زيهم صعب تتغش بالساهل لكن قدروا عليك لكن عفارم عليهم فرحوني ياخي انت زول بارد وما بتتبلع.


#1268316 [االطاهر احمد]
5.00/5 (1 صوت)

05-18-2015 06:09 PM
سلام للجميع
بعيدا عن الكذب والاستحمار وغسيل الاموال والغش واكل الاموال بالباطل. بعيدا عن كل ذلك كيف يتأتى لموظف دولة أن يمارس اعمالا شخصية في مكتبه ومن صلاة الظهر حتى صلاة العصر وبدون حتى خجل ، عشان الناس تعرف الدولة وصلت وين.


#1268315 [بلدنا]
5.00/5 (1 صوت)

05-18-2015 06:07 PM
سبحان الله لسه ماشبعته بقيت تفتش فى الزياده
اعوز بالله من دى مله.


#1268311 [الدرب الطويل]
5.00/5 (1 صوت)

05-18-2015 06:04 PM
(وعرضوا عليه استثمار أمواله وأن لديهم عفشاً يودون تخليصه من السلطات الجمركية)..

يا ترى ما هو هذا العفش؟؟!!.. وكيف يستثمر ابو القنفذ فيه امواله؟؟!..


#1268307 [سكران لط]
4.38/5 (4 صوت)

05-18-2015 05:52 PM
يا جماعة براحة على عطوه إذا رئيسو ذات نفسو بارك قدام مين الغايب عشان بنزل لي سنوات حكم!!


#1268306 [المتحير]
4.25/5 (3 صوت)

05-18-2015 05:47 PM
قال عفش قال دي علي منو السودان كلو بعرف الافارقه ديل بعملو شنو بالله دي الناس الحكمانا بتفكر كده


#1268300 [ســـــــــــــــارى الــلـــيــــــل]
4.75/5 (3 صوت)

05-18-2015 05:41 PM
خبير فى الدغمسه و الحس و الهبر و كيف تحتال على الشعب السودانى و المثل بقول يجمعها النمل يطاها الفيل ؟
اها يا الخبير دقسته دقسه و الطمع هما عويناتك الدقاق ديل و ما خلاك تفكر فى الموضوع حسب خبرتك فى النصب و الاحتيال و اكلوا بعقيلك حلاوه و قالوا ليك 68 مليون تبقى 680 مليون اضعاف مضاعفه و اكيد الجماعه ديل من مايدوقرى لانهم شطار فى الشغلانه دى و بعرفوا يرسمو ويخططو و يقع الضحيه تخ ؟
أن شاء ما اخلوا ليك لا تعريفه و لا بيت و لا دكان و لا حتى شجرة تستريح تحتها وتبقى مشرد من الجامع الكبير لى جامع بحرى و تقول الكريم يلا حسنه لله ....


#1268299 [دعبل]
4.99/5 (7 صوت)

05-18-2015 05:30 PM
يا سجم يا ولادة الندم
يا تعب الداية و خسارة السماية
قال عبيط عبد العاطي .. قال خابور .. قال


#1268297 [كلام في كلم]
4.50/5 (3 صوت)

05-18-2015 05:25 PM
طيب انتا بتقول اديتهم القروش دس ساكت كمساعده طيب انا لو جيتك بتساعدني ؟ او بتساعد مريض عنده عملية طارئه عشان تحفظ حياته ؟ايه الكرم دا ياابو العاطي انا سمعتا بالكرم بتاعك وبالسودان بتاعك زالمواطن الدخله 1300 دولار في الشهر بس ماافتكرته انه الكرم وصل للمبلغ دا


#1268295 [ياسر عبدالله]
4.50/5 (3 صوت)

05-18-2015 05:24 PM
خلاص يادكتور وحرام كلمة دكتور عليك لانك جاهل وضعيف وأموالك لامثال هؤلاء حلال عليهم ويذهب الحرام حيث أتى خلاص بعتو كل ممتلكلت الدوله رجعتو لغسيل الاموال


#1268294 [shah]
4.97/5 (6 صوت)

05-18-2015 05:19 PM
بسيطة ... ذهب الحرام من حيث أتى.


#1268291 [خليفة احمد]
4.00/5 (1 صوت)

05-18-2015 05:12 PM
الفارة..... إدقست !!!!!!!!!!!!!!!!!!!!!!!!!


#1268290 [ظلال النخيل]
2.00/5 (2 صوت)

05-18-2015 05:10 PM
الخبير العبيطي ده لحس اموال الشعب السوداني كله مع عصابته الحاكمة برضو ما كفاه ..قال عايز يضاعفها قال ...

اعوذ بالله الناس دي لا شبعت سحت

لا شبعت قتل

لا شبعت تعذيب

لا شبعت اغتصاب

لا شبعت حرق قرى

ولا شبعت حكمممممممممممممم


ونقول للذين احتالوا على الخبير دي اموالنا نحن الشعب السوداني والله حلال عليكم انتو اولى بها بدل الخبير العبيطي ومجموعته


#1268289 [salah]
5.00/5 (1 صوت)

05-18-2015 05:10 PM
الليلة يا ود عبد العاطي سيدي الخبير العاطي تلحقنا وتفزعنا وتجمرك عفشنا... قال خبير قال


ردود على salah
European Union [محمد] 05-19-2015 01:39 PM
يا اخوي صلاح صرف الدعاا لغير الله شرك بالله فقولك ياشيخ (فلان ) تلحقنا شرك اكبر ويخرج من الملة واذا مات الانسان علي هذه العقيده يخلد في النار والعياذ بالله (ان الله لايغفر ان يشرك به ويغغر ما ما دون ذلك لمن يشاا) فالواجب عليك هو التوبة. هدانا الله واياك


#1268288 [كاكي]
3.00/5 (1 صوت)

05-18-2015 05:08 PM
الفيلم دا مر علينا كتير جدا ، قالوا ليك بنحولها ليك لي دولار ولا بنخليها ليك 68 مليار


#1268283 [SESE]
3.00/5 (1 صوت)

05-18-2015 04:58 PM
ههههههههههههههههههههههههههه والخبرة في شنو....؟
دولة القجا والتندفرة والورق الاسود والزئبق الاحمر حيث (تجامع) الشواطين الرجال بما فيهم الخبراء الوطنيون وكله من اجل الورق الاخضر.....؟

لعن رجلا جعل الدنيا همه لا يشبع فيها ولا يقنع بما اعطي حلالا فيظل يطارد الحرام مثل ربيع عبدالعاطي.....!!


#1268277 [هامونى]
3.00/5 (1 صوت)

05-18-2015 04:39 PM
بالجديد ولا بالقديم


#1268275 [أبوالكجص]
4.00/5 (1 صوت)

05-18-2015 04:37 PM
أصلاً شكلك كدا ياربيع يوحي باللف والدوران وكذبتك ساذجة ولا يصدقها إلا مغفّل. ببساطة شديدة جداً ماهو المقابل لإعطائك هؤلاء الناس هذا المبلغ؟ فهمنا من هذا المقال بأنك سحبت هذا المبلغ من المصرف أو من خزينتك وأعطيته طوعاً وإختياراً لهؤلاء الناس وهذا يدل على أن في الموضوع إنِّ.


ردود على أبوالكجص
[watani adeel] 05-19-2015 10:44 PM
قول الله يرث الارض لعبادة الصالحيين ....قالوا الصلاح يعنى كل مصلح بغض النظر كونة مسلم اوكافر مثلا امريكا لان فيها النفس مصانة والنباتات والحيوانات تجد الرعاية والاجهزة لخدمة البشرية ..اما التمكين فله شروط وواجبات يجب ان تتبع ظاهرينا والا مثل الذين يظنون انهم يحسنون صنعا


#1268273 [الاسلامى]
3.00/5 (1 صوت)

05-18-2015 04:35 PM
يا عبد العاطى قروش البلد كالها نهبتوها ما كفتكم عيايز تعمل تنزيل دا الطمع وعينكم دى ما يملاها التراب ذاتو برضو نرجع ونقول الله يلعن الترابى فى المذاهب الالربعه


#1268271 [عباس محمد علي]
5.00/5 (1 صوت)

05-18-2015 04:33 PM
ربيع عبدالعاطي كذاب مثل رئيسه البشير نعم تم الإحتيال لأن (الطمع شرد ما جمع) وقد عرض عليه الأفارقة كمية من الحبوب المخدرة بسعر الجملة و عندما يوزعها بالقطاعي سيربح اضعاف المبلغ الذي سيدفعه و هكذا سلمهم المبلغ ولم يسلموه الحبوب !!!


#1268268 [أبو الدقير]
4.50/5 (2 صوت)

05-18-2015 04:28 PM
حكمة اليوم "العفش في الجمارك على مسؤولية ربيع عبد العاطي" الكضاب دايما بكون ذكي لكن كضاب وبليد دي ما سمعنا بيها.


#1268267 [سوداني بس]
3.00/5 (1 صوت)

05-18-2015 04:26 PM
ههههههههههههههههههههههههههههه ههههههههههههههه ههههههههههههه

الخبير ( الوطني ) !!!!!!!!!!!!! د . ؟؟؟؟؟؟؟؟؟؟؟

البر لا يبلي والذنب لا ينسي والديّان لا يموت - أفعل ما شئت كما تدين تدان .

الجاتك في مالك سامحتك يا دكتور عبد العاطي !!!
والجايات أكتر من الرايحات ..................!

قوووووووول ( 1 ) .


#1268263 [الجن الاحمر]
3.00/5 (1 صوت)

05-18-2015 04:16 PM
امشي يا مغفل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة