الأخبار
أخبار إقليمية
معتمد الخرطوم : المتهمون بالاعتداء علي عثمان ميرغني خارج البلاد حالياً
معتمد الخرطوم : المتهمون بالاعتداء علي عثمان ميرغني خارج البلاد حالياً
معتمد الخرطوم  : المتهمون بالاعتداء علي عثمان ميرغني خارج البلاد حالياً


05-24-2015 09:59 PM

الخرطوم: هويدا حمزة

دافع معتمد الخرطوم اللواء، عمر نمر عن تصريحات سابقة له بالصحف عن إلقاء القبض على المتهمين في حادثة الاعتداء على رئيس تحرير صحيفة التيار عثمان ميرغني العام الماضي، وقال إن المعالم الرئيسية للقضية أصبحت واضحة، وأشار إلى أن المتهمين الأساسيين في القضية حالياً خارج السودان، وأنه يجري البحث عنهم، مبدياً ثقته في القبض عليهم.

وقال نمر - إنه مخطئٌ من يعتقد أنه سيأتي والياً بالشطارة أو عبر الإعلام، وأشار إلى أن التعيين يخضع لمعايير محددة في إشارة لما رشح بتعيينه والياً للخرطوم، وعزا عدم اكتمال المصارف في عدد من أحياء محليته لعدد السكان الكبير والمباني الجديدة فضلاً عن ضعف إمكانيات الدولة، وأشار إلى أن عدداً من أحياء جنوب الخرطوم قامت دون مصارف ووصف ذلك بالخطأ الذي وقع فيه سابقيه، مؤكداً أن العمل جارٍ لإصلاحه، وتعهد بمعالجة المشكلات في موقف كركر والسكة الحديد، وقال "سنعالجها قبل الخريف"، وكشف نمر عن اتجاه محليته لإلغاء استخدام الفحم لدى "بائعات الشاي" واستبداله بالغاز، مشيراً إلى أن المحلية ستملكهن الكاونتر وكبابي الورق وأنبوبة الغاز مجاناً للمحافظة على صحة البيئة، وشدد على حسم جميع الأعمال المشبوهة.

الصيحة


تعليقات 28 | إهداء 0 | زيارات 11245

التعليقات
#1517622 [حذيفة]
0.00/5 (0 صوت)

09-08-2016 07:23 PM
اها قبضوهم؟؟


#1273157 [مجا هد]
0.00/5 (0 صوت)

05-26-2015 07:28 AM
دة الفا لحين فية الخريف على الابواب والمصير نفس السنة الما ضية الخيران ديل حكومة ما قا درة تصنع مواسير تنزلة فى الخيران ديل وللة بجد المفروض تكون بتاع سوكرة غنم انت والى السجم والرماد


#1272787 [المرفعين]
5.00/5 (2 صوت)

05-25-2015 01:51 PM
هههههه ضعف الامكانيات الحكومية
لقد تم استبدال عربات ضباط جهاز الامن في رتبة النقيب من بكاسي الى اكسنت 2015 حيث تبلغ قيمتها اكثر من 270 مليونللعربة الواحدة


#1272724 [nagatabuzaid]
5.00/5 (2 صوت)

05-25-2015 12:19 PM
هربتوهم ؟؟؟؟؟؟؟؟؟؟ ومن عذاب الله اين المفر . نمر قال المتهمين الان خارج السودان واضاف انه جارى البحث عنهم الان !!!!!! لما تقول انهم خارج السودان معناها سعادتكم تعرفون اين هم , لكن جلطتها بقولك ويجرى البحث عنهم نتخيل الان ان هناك صراصير فى زريبة البقر عارفين مكانهم ولكنهم اتحشروا تحت كيمان القش المكوم للبقر وما عارفين تحت اى كوم . لا زلت اتمنى ان ( يتكلم احدهم كويس )
مسؤولين من الخير وين اسامة عبد الرحيم ؟؟ يكون المانع خير اظهر يا اسامة علشان ابو ريشة يظهر


#1272722 [مدحت عروة]
5.00/5 (2 صوت)

05-25-2015 12:16 PM
ناس يجوا يضربوا صحفى فى نص النهار وبسيارات من غير لوحات ويحملوا اسلحة ويقعدوا نص ساعة فى مبنى الجريدة وبعد داك يمشوا بسياراتهم ومافى زول يقبض عليهم انا شخصيا اعتقد ان هؤلاء من كوكب اكثر تقدما من كوكب الارض اى انهم مخلوقات فضائية متطورة بملايين المرات من ناس كوكب الارض وبس قاصدين عثمان ميرغنى وصحيفته عشان كده ما قدروا يقبضوا عليهم !!!
كسرة :ايه رايكم فى التحليل ده ما انفع اكون وزير اعلام او ناطق باسم وزارة الداخلية فى حكومة الانقاذ ما اصلا الشعب مغفل وضان ساكت مافيه زول بيفهم اى حاجة مش؟؟؟؟؟؟؟


ردود على مدحت عروة
[abushihab] 05-25-2015 08:33 PM
قوم جاتك داهية ما كفانا دكتور أحمد بلال. تحياتي.


#1272700 [الناهة]
5.00/5 (2 صوت)

05-25-2015 11:54 AM
هو سؤال واحد لا ثاني له
- كيف خرج هؤلاء المجرمين ومن هو الذي وراء خروجهم من السودان وهل هذا الامر يرتبط بالفساد وقد عرف عن الاستاذ عثمان ميرغني كشفه للعديد من جرائم الفساد وبالتوثيق
على المؤتمر الوطني ان يجيب على هذا السؤال بكل وضوح وشفافية ؟


#1272680 [moiez]
3.00/5 (1 صوت)

05-25-2015 11:32 AM
هههههههههههههه والله الحكومة دي متفرقة لي ستتات الشاي اكتر من السياسة الخارجية وبعدين انتو بتتدو شي مجان البطلع مجان بي الشمال بتقلع دبل بي اليمين


#1272670 [AHMED SALAH]
4.50/5 (3 صوت)

05-25-2015 11:25 AM
ياجماعة دى مصيبة شنو دى الوقعنا فيها دى...!!! الناس ديل كلامهم كله ست الشاي.. ست الشاي.. ياناس ماتخلوا الناس تأكل عيشها وخليكم مع الحاجات التانيه الاكبر والاهم من الغاز بدل الفحم , اى حاجه اولويات الاهم والاقل اهمية .


ردود على AHMED SALAH
[abushihab] 05-25-2015 08:36 PM
والله يا خوي الناس ديل نهايتهم حتكون سببها ست شاي.


#1272621 [بهاء الدين]
4.75/5 (3 صوت)

05-25-2015 10:30 AM
ياجماعة نمر هذا هو ابن رفاعة البار وهو رجل يحب الشفافية والعمل والان منطقته حتكون اكثر مناطق الخرطوم انارة وتشجيراً , انتو مابعجبكم اي شي وزي ماقال هم برة السودان معناه حيجيبوهم بالانتربول ويقدموهم لمحاكمة عادلة يعني الموضوع عاوز وقت ونمر قاعد يوفي بوعوده دايماً


ردود على بهاء الدين
United States [بت الخرطوم] 05-25-2015 12:47 PM
يا أخوى بهاء الدين ود رفاعة البار تصريحه الاول تم القبض على المتهمين فى حادثة الاعتداء على الاستاذ عثمان ميرغنى وأكد ذلك بعد نفى الشرطة ثم جاء تصريحه بأن المتهمين الاساسين خرجوا من البلاد فهل نفهم من ذلك ان ابن رفاعة البار بعد ان قبض عليهم قام بتهريبهم خارج البلاد حتى يستطيع أرجاعهم بالانتربول والله عاد فهم يا ناس رفاعة


#1272578 [امونة]
4.75/5 (3 صوت)

05-25-2015 09:52 AM
قال (( وكشف نمر عن اتجاه محليته لإلغاء استخدام الفحم لدى "بائعات الشاي" واستبداله بالغاز ))

الغاز دهـ شنوا ،، وين الغاز ذاتوا ،،، يانمر
هجم النمر
هجم النمر


#1272553 [امجد]
5.00/5 (2 صوت)

05-25-2015 09:35 AM
ههههههههههههههههههههههههههههه

ههههههههههههههههههههههههههه
ههههههههههههههههههههههه

قال مجان قال انتو تكالوا مال الايتام ...واكلتو مال الشعب تجي تقول نديهم انبوبه مجان هههههههههههههههههههه

والله دي نكته
ارحلوا من البلد خلونا نحلق ما بقي منها ....


ردود على امجد
[abushihab] 05-25-2015 08:40 PM
انت برضك حتحلق لينا؟ لطفك يا رب.


#1272550 [ٍSalah AL Deen P]
5.00/5 (2 صوت)

05-25-2015 09:31 AM
شرطة الولاية ما قبضت على الافارقة ـ ((الدقسوا ربيع عبد العاطي ولعبوا بيه كرة شراب عدييل)) ـ خلال اربع وعشرين ساعة
شنو كل الزمن دا وما قادرين تجيبوا اللي اعتدو على عثمان ميرغني معقول يعني ولا عشان الزول دا ما خبير وطني


#1272535 [kimo]
5.00/5 (1 صوت)

05-25-2015 09:09 AM
نمر كادر أمني ، وتوجه الدولة هو الإعتماد علي الأمن ، وبالتالى منصب والي الخرطوم أكبر مكافأة للأمن عشان كده هو بيكسر تلج لمحمد عطا لعلمه أنه ولي نعمته والقابض بزمام الأمور ، أحد المتداخلين وصفه بأنه بيعمل في الميدان وهذا واجبه لأن جهاز الأمن يوفر له المعينات من أجل هدف والي الولاية لما فيها من أراضي وهبر .


#1272532 [watani adeel]
0.00/5 (0 صوت)

05-25-2015 09:07 AM
ALbashier dont wasted atime change all the capinet to services the nation the bairn Gotia building don't renew with bairn Gash or bairned meterials

singure: voiter


#1272519 [أسمر جميل فتان]
4.50/5 (2 صوت)

05-25-2015 08:58 AM
اخجللللللللللللللللللللللللللللللللللللللللللللللللللللل يا معتمد

مرة تقول قبضتهم ومرة تقول خارج السودان !!!!!!!!!!!!

من يكذب مرة ............ يكذب مليون مرة .....

أها صدقناكم .... مرض يمرضكم ....

كان تلقا ليك محامي ود حرام يقدم فيك بلاغ "بتضليل" الراي العام في قضية بتخصه

قايلنو هظار !!!!!!!!!!!! ليكم يوم


#1272499 [faris]
5.00/5 (1 صوت)

05-25-2015 08:43 AM
اعتقد ان الحكومة تعرف المجرمين جيدا ولا تريد اعتقالهم لانها تايدهم على هذه الخطوة
بالله عليكم هل هذه حكومة دة شغل عصابات وليس حكومة.


#1272476 [وحيد]
5.00/5 (1 صوت)

05-25-2015 08:24 AM
يبدو ان الجهل و الحماقة و السفه و الكذب و التصريحات غير المسئولة اصبحت المؤهلات الاساسية لاختيار " المسعولين" في حكومة المشروخ الحضاري ....
النمر الوردي غالبا سيصبح واليا على الخرطوم خلفا للكلب الاجرب


#1272448 [المغبون من الاسلاميين]
5.00/5 (1 صوت)

05-25-2015 07:53 AM
يا الاستاذ مرغني اصبحت ملعبة من اخوانك الكيزان قتل طالب كوز شنو حملة علي كل ابنا دارفور واعتقلو شاب بري والقاتل من الامن


#1272409 [نمو]
5.00/5 (1 صوت)

05-25-2015 05:08 AM
يا نمر قبضتم علي المجرمين ولا ما قبضتم
انت نمر وخليك نمر لان النمر لا تاكل الميته
اما الصراصير فمكانها الزباله وابداعها الغمامه
نمر اجب بلا او نعم قبضت علي المجرمين


#1272366 [علاء سيداحمد]
4.50/5 (2 صوت)

05-25-2015 12:21 AM
( اقتباس : وأشار إلى أن المتهمين الأساسيين في القضية حالياً خارج السودان، وأنه يجري البحث عنهم، مبدياً ثقته في القبض عليهم.) انتهى

الزول دا مرة قبضنا عليهم والان بيقول : انهم خارج السودان .. ما يعنى انه
غير صادق فى الرواية .. وهذا يعنى انه خارج الشبكة فى حين انه ينبغى عليه ان
يكون داخل التغطية لامتلاك المعلومة لان هذا من اوجب واجباته فى مثل هذه الحالات
ولكن فى دولة مثل السودان لا نستغرب مثل هذا واكثر ,,


ردود على علاء سيداحمد
European Union [غسان بابكر] 05-25-2015 08:33 AM
دي حركه إسمها شتت الكوره و التركيز .


#1272361 [جبران]
4.00/5 (1 صوت)

05-25-2015 12:04 AM
لو الاعتداء كان حصل علي دبلوماسي كان زمان في قبضتكم
اللبيب بالاشارة ...........


#1272360 [كبسول]
4.50/5 (2 صوت)

05-24-2015 11:57 PM
لا يزال الرجل يتحرى الكذب حتي يكتب عند الله كذابا


#1272353 [حذيفة]
4.00/5 (1 صوت)

05-24-2015 11:45 PM
جيد.. أنجاز جميل..
لن يطول أمرهم....
فخارج البلاد معناها تفاصيلهم وصورهم مع الانتربول وحيجيب خبرهم...
ومؤكد في اليومين القادمات حتنشر صورهم وأسمائهم في الداخل كمطلوبين للعدالة. على جمهور المواطنين داخل وخارج البلادالقيام بواجبهم في المساعدة على القبض عليهم.


ردود على حذيفة
European Union [حذيفة] 05-25-2015 09:24 AM
برئ جداً...

[حزب الراكوبة] 05-25-2015 08:24 AM
انت برئ ولا بتستهبل ياحذيفة أي إنجاز وأي صور وأي انتربول الراجل قبل أسبوع صرح وقال الجماعة ديل تم القبض عليهم وموجودين في قبضة الشرطة


#1272350 [الدرب الطويل]
4.75/5 (4 صوت)

05-24-2015 11:42 PM
فول عدس زبادي لبن تمرهندي!!!..
في زول فاهم حاجة؟؟!!..

النمر الوردي دا والله بيرفع الضغط وبيسبب امراض مستعصية..


ردود على الدرب الطويل
[fatmon] 05-25-2015 07:10 AM
ده في الكذب فات النسخة الفاتت باين ده إستايل القادمين الجدد
أما عن معايير التعيين كلنا عارفينها الفساد معجون بالكذب مغموس في ولاء أعمى لآكلي السحت ومشاركتهم في أكل الفطايس برأس الشوكة


#1272345 [A. Rahman]
4.50/5 (4 صوت)

05-24-2015 11:25 PM
قلنا ليكم انه هذا رجل أجوف، و كذاب، و منحط، اذ ماذا يقصد بالمتهمين الرئيسيين الذين هم خارج البلاد، بعد ان قال في وقت سابق انهم قد فيض عليهم. المتهمون الرئيسيون مستحيل ان يكونوا خارج البلاد لأنهم مسؤولون حكوميون كبار و ربما كان عمر نمر شخصيا هو من كلّف بالأمر. الناس عايزين الكانوا في العربات الثاتشر، و نفذوا الجريمة، و بعدين نجي نشوف اللي حرضهم منو. لكن بما ان هذا النمر المن ورق اعترف في وقت سابق بانه ينفذ ما يؤمر به، فواضح انه الجماعة وروه العين الحمراء ليدلي بهذا التصريح البئيس. فيا سيد نمر ممكن تنقطنا بسكاتك، و تبطل ادعاءات البطولة، اما انك متطلع لمنصب الوالي الحرامي، فأنا لا استغرب ذلك من واحد زيك، و نفسي أسالك انت حاسد و اللا بغران، لأَنِّي اول مرة اشوف واحد حاسد ليه حرامي، طيب ياخي خلي عندك طموح و احسد الحرامي الأكبر اللي ساكن كافوري.


#1272332 [ودالعمدة]
4.25/5 (3 صوت)

05-24-2015 10:56 PM
نكن الاحترام والتقدير في السودان لشخصين فقط والي البحر الاحمر ايلا ونمر ....لقد رائيت بعيني هذا المعتمد دائما وسط المعدات والاليات في عز الهجير يفتح في المجاري ويرمم في الطرق ولم اراه يوما داخل المكاتب دائما تجده في طرقات جنوب الخرطوم يعمل بكل جهد وجد يجب ان نعطي الرجل حقه ....اما قضية الصحفي عثمان ميرغني هي بفعل فاعل من الجهات العليا تريد ان تسكت الصحفي عن الكتابة في فساد ما ونقول للمعتمد هذه القضية اكبر مكنك ومن مباحث الخرطوم اللذين في قضايا مماثلة اتوا بالمجرمين في رمشة عين ولكن جهة ما عليا تريد ارسال رسالة لهذا الصحفي وغيره ان لا ينبشوا في فساد الدولة الغير رشيدة


ردود على ودالعمدة
European Union [ودالعمدة] 05-25-2015 06:06 PM
اقول للإخوان غسان ودجانقو انا لا اقيم بالسودان مغترب ولم اعمل في يوم من الايام تحت حكومة الكيزان ولكن لي بيوتا في شرق النيل وغربه وجنوب الخرطوم عند حضوري في اجازتي اصادف موسم الامطار ....رائيت امبده والثورات وام درمان تغرق لان معتمدها نائم في العسل ولم يحضر للخريف غرقت ....وشفت شرق النيل ومعتمدها لم تفتح مجاريها وتصان طرقها كل سنة تغرق .....عشت التجربة.... جنوب الخرطوم مع المعتمد نمر فتح المجاري وصان الطرق وردم الحفر باشرافه ووقوفه الشخصي ...انا لا احب المداهنة والنفاق ولكن من يعمل لخير المواطن اشد علي يده واقول له جزاك الله خير وان كنت لا اطيق حكمه الدكتاتوري ومن لا يعمل وياكل ميزانية محليته ادعو عليه واقولها بالفم المليان بارك الله فيك معتمد الخرطوم نمر علي كل جهد بذلته لخدمة منطقتك جنوب الخرطوم

[سيف الدين الجميلى] 05-25-2015 11:33 AM
صدقت باود العمده كل المسؤلينالتنفيذيين فى الانقاذ كرور وخموم الا محمد طاهر ايلا ونمر ناس بيان بالعمل

European Union [غسان بابكر] 05-25-2015 08:35 AM
إنت ود العمده ولا ود نمر ولا جداده ساكت؟.
حدد..

[عودة ديجانقو] 05-25-2015 04:30 AM
يا ودالعمده يعنى عندك كل هذا الفراغ لمتابعة هذا النمر فى المجارى والمكاتب طيب ده معناهوا إذا إفترضنا إنك شغال مفروض تعلق فى شجره لأن هذا يعتبر تسيب عن العمل.

إذكر فى حملة كلينتون الأنتخابيه الثانيه كان هناك إستطلاع فى الشارع وسألوا واحد عنقالى امريكى عن رأيه عن بعض إنجازات كلينتون فى الفتره الأولى..رد قال دى وظيفته ولو عمل غير كده حأمشى الشارع.

تجى إنت تقول لى رأيت بعيني هذا المعتمد دائما وسط المعدات والاليات في عز الهجير.

إن شاالله تكون عرفت السبب ليه هم كده ونحن كده


#1272325 [ســـــــــــــــارى الــلـــيــــــل]
4.00/5 (2 صوت)

05-24-2015 10:34 PM
امتى تصدقوا مع انفسكم قبل المواطن لتنالوا رضى الله و رسوله و تحسب لكم بعض الحسنات التى اصبحت لديكم صفرا كبيرا و من رأس النظام الى الطفل قبل الفطام كذب و نفاق و استهتار و اذدراء ذائد و احتقار للمواطن و السخرية منه ؟
واى ولاية التى تنتظرك صدقنى لولا هذا النظا لما وصلت الى الرتبه التى انت فيها لان الرجال تركوا البلد و اصبحت مرتعا لمن لا يحترم الزى العسكرى الذى يرتديه و يعمل خادما للنظام و من هم فى النظام كصبى ينتظر الشكر و الثناء و الهبات و الاوسمه التى اصبحت اشكال و الوان و توزع لكل من هبا و دبا ؟
يا حليل العسكر و القضاء و الولاة و الجند من ناس الحريكه و ادم و اسحاق و مجوك و حسن التربالى و حامدتوت وجادكريم .........


#1272320 [عصمتووف]
4.75/5 (6 صوت)

05-24-2015 10:26 PM
الغاز افسد علينا نكهة الشاي وطعم الفول والكوارع والشواء وقلي السمك نريد حرطومنا القديمة ب سينماتها ونواديها وباراتها ومسرحها ومعافرة مواصلاتها ابورجيلة والبكاسوا والبكاسي نريد خرطومنا ب احيائها الشعبية لا شقق ولا عنارات وسطها بيوت الطين والطرطشة جيران بعض تريد اعادة كبري المسلمية واعادة الجزء المهدوم كما كان نريد السكة حديد ف محاها ونصب ت1كار الجندي المجهول نريد شارع الجمهورية والسوق الافرنجي والعربي ب عربات الكارو دبل حصان وحصان نريد ارجاع مواطنين الريف الا حقولهم ومراحهم اجبرتوهم ب النزوح للعاصمة الظالمة ف عهدكم كانوا افضل ب مليون مرة من ساكنة العاصمة بطيبتهم وحسن معشرهم واخلاقهم ذاقوا الذل والهوان ف اطراف العاصمة وسط الرواكيب ونظرات الفضوليين وكشات الشرطة وسوء الظن بهم نريدكم ان تغادرونا وتدونا عرض اكتافكم حليل لمن كنا نقضب الاجازة ف بلد الام نجد الحبوبة والجد والخال والعمة واللبن وكل شئ جميل الله يكون ف عون المجبورين للعيشة ف الخرطوم اسال الله ان يلم شملكم ويحفظكم


ردود على عصمتووف
[fatmon] 05-25-2015 07:13 AM
ولا في رابع المستحيلات لن يتحقق هذا في غضون الخمسين سنه الجاية زي ما بقولوا بموية وكملت

European Union [SESE] 05-25-2015 02:52 AM
عجبتني ...

كنت اريد اكثر على تعليقك الجميل لكني احمل ابني الصغير بيد واحدة واكتب بالاخرى.....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة