الأخبار
أخبار إقليمية
حسن الترابي .. "وهناً على وهن"
حسن الترابي ..


05-27-2015 09:15 PM
حسن اسماعيل

الساسة السودانيون لا يحبون التاريخ عموماً، لا يحبذون من يذكرهم بتواريخ ميلادهم، ولا بتواريخ ولوجهم للعمل السياسي، لا يحبون من يذكرهم بأعمالهم وأقوالهم وأفعالهم، ولو كان بيدهم لأسقطوا التاريخ ولأسقطوا كتبته، ولو كان بمرادهم فإنهم يفضلون أن تكون هذه الشعوب بلا ذاكرة.. تقف هكذا بلهاء أمام كل قول لتظنه جديدًا وصادقاً.

جون كنيدي، جونسون ونيكسون وجيرالد فورد، ثم كارتر ورونالد ريغان وجورج بوش الأب وجورج بوش الإبن ثم بيل كلنتون وأخيرًا أوباما، هؤلاء الرجال العشرة الذين تناوبوا على حكم الولايات المتحده منذ العام 64 وهم حكموا أمريكا عبر 13 حقبة ودورة رئاسية بدأت في السنة التي صعد فيها نجم حسن الترابي في السودان، يا للمفارقة إذن، والرجل عبر مشواره السياسي في السودان عاصرثلاث عشرة حقبة رئاسية أمريكية وعاصر عشرة رؤساء أمريكان آخرهم أوباما، وأوباما هذا عندما استلم حسن الترابي شهادة الدكتوراه من جامعة السربون في العام 63 كان طفلاً لم يتعد عمره الثلاث سنوات وفطمته أمه للتو، والرجل يستعد بعد سنتين لمغادرة المسرح السياسي الأمريكي وشيخ حسن الذي يكبره بأكثرمن ربع قرن في العمر( 30 سنة) لايزال يغشى الندوات ويحلم بحكم السودان (محن) !!!

حسن الترابي يقول للناس يوم أمس الأول إنهم عجزوا عن إسقاط الإنقاذ ولهذا ولجوا باب الحوار !! والرجل صادق ما في ذلك شك فالعجز ظل هو الطاقة الوحيدة التي تحرك الرجل في المسرح ، كل مشروع ولج إليه الشيخ حسن كان الفشل هو المحرض الأول للرجل وتعالوا لنحصي ذلك.

(عجز) حسن الترابي في إسقاط مايو فاختار الانضمام لها ومسوقاً لها كنظام خلافة إسلاميه بعثت الدين من مرقده وقامت لتعيد الناس وتهديهم إلى الجنان العلية، ولكن الرجل سرعان ما نسي أمرالخلافة وجنانها ومايو تؤول للسقوط فقفز منها وتوشح بوشاح الديمقراطية ونزل ينافس في دوائرها الانتخابية، ولكنه عندما (عجز) عن دخول البرلمان دبر انقلاب الإنقاذ موهماً تلاميذه أن الدين في خطرماحق ولا منجاة له إلا بعزف الموسيقى العسكرية، ولكنه عندما (عجز) عن استلام مقاليد الأموربالكامل في عهد الإنقاذ، أثارالغبار حتى يخرج متوهما أن الخيمة ستسقط من ورائه فيعود ليرفعها بطريقته التي يحب فغادر الإنقاذ وهو يتلو (الحمد لله الذى يخرج الحي من الميت) ولكن (الميت) لم يسقط والحي لم يستطع الصبر... نعم مرة أخرى يلتف حبل (العجز) حول عنق الرجل ويجذبه نحو القصر والحكم، وها هو يقف أمس الأول ليحدثنا ( قحة العجز) التي تملأ رئتيه هذه الأيام وأنه لا علاج لهذه (القحة) إلا أقراص الالتحاق بالقصر.

من يخبر الرجل أن (العجز) علاجه الاعتزال والخلود إلى الراحة في البيت والاعتناء بالأحفاد وكتابة المذكرات لإبراء الذمة ومخالصتها؟ ثم تنبيه بسيط عزيزي الترابي..عندما تتحدث عن ( العجز) فانتبه ألا تستخدم صيغة الجمع .. حتى ولو كانت من باب الترف (والجخ) .. قال النظام الخالف قال؟ من يخبر الشيخ أن المؤتمر الوطني الآن في دبي والرياض .. وليس الدوحة .

الصيحة


تعليقات 43 | إهداء 0 | زيارات 13519

التعليقات
#1276020 [أحمد أدروب]
0.00/5 (0 صوت)

05-31-2015 08:25 AM
يا [سودانى مسلم]
(كضاب ما في اي شيئ من هذا
الرشايده افتروا بعد الانقاذ لا قبلها
والبنى عامر مشكلتهم مع اسياس افورقى وخايفين منو)

أولاً : أنا لا أقول لك كضاب لأنك رجل مجهول حيث لم تجروء على كتاب اسمك واكتفيت بسوداني مسلم ولا أدري أي نوع من المسلمين أنت؟ الذي تتعامل مع من يخالفك الرأي هذها إذا افترضنا أن لك رأي وتتناول الأمور من هذا المنظار.
ثانياً: يبدو أنك صغير في السن ولا تعرف الحقيقة التي أوردتها حول استعداد طرفي البني عامر أهل المنطقة وضيوفهم الرشايدة الذين استوطنوها. فلا تبتئس لأننا في زمن يصدق فيه الرويبضة ويكذب فيه الصادق.
ثالثاً: لا أدري كيف يكون للبني عامر دون غيرهم مشاكل مع اسياس أفورقي الذي زعمت أنهم (خايفن منو)؟ أم أنك تحاول رمي غيرك بالغباء وأنت تجهل أبسط المعلومات عما يشكله البني عامر لأسياس ولحكومة المؤتمر الوطني المتحالفة معه من قلق أبدي أكرر قلق أبدي بسبب وزنهم وثقلهم الاجتماعي والسياسي والاجتماعي والسكاني وقد برهنت الانتخابات الأخيرة صحة ما أقول.

وختاماً كان بإمكانك الرجوع إلى العارفين ببواطن الأمور بدلاً من القول (كضاب) أم أنك تتوهم بأن هذه الأساليب السوقية ستخيفني؟


#1275729 [الكباشي]
0.00/5 (0 صوت)

05-30-2015 04:30 PM
لاحول ولاقوة الا بالله ان كان الشعب السوداني هذه طريقته في النقاش
فوالله باطن الارض خيراً من ظاهرها


ردود على الكباشي
[أحمد أدروب] 05-31-2015 09:03 AM
صدقت والله يا أخي كباشي


#1275133 [بت ملوك النيل]
0.00/5 (0 صوت)

05-29-2015 02:11 AM
والله نحن مامضيعنا غير تكبرنا ونفختنا الكذابة يا [مع العدالة]. السوربون تعمل شنو بشهادات شيخك المخرف والكل يوم برأي غير. والفلاسفة القدماء الانت بتتكلم عنهم قدموا للبشرية أفكار نيرة وعلوم تدرس الى يومنا هذا في الجامعات والمعاهد مش زي شيخ الترابي همه يحكم الى آخر يوم في حياته (نظرية النظام التالف اقصد الخالف)


#1275098 [الحق ابلج]
5.00/5 (1 صوت)

05-28-2015 11:32 PM
يااخوانا الترابى ما بياكل براهو انتو عارفين الكﻻم دى كويس ؟؟؟ يعنى الشيطان عنده سبعه معى . والمؤمن عنده أمعاء واحده .


#1275079 [عودة ديجانقو]
0.00/5 (0 صوت)

05-28-2015 10:44 PM
فى ناس ما عاجبها التعليق على الصينيه واقول ليهم كلامكم صاح ميه ميه المشكله ما فى الصينيه...المشكله بعدين فى الدبليوسى وإزعاج الجيران.


#1275064 [نمو]
0.00/5 (0 صوت)

05-28-2015 09:54 PM
الترابي في فترة المفاصله والانقسام مع
المؤتمر الوطني طلب من البشير يسلم
نفسه للجنائيه وقال لا يعقل رئيس يحكم
البلد ومطلوب للجنائيه بالحرف واحد صرخ
وقال ياخي سلم نفسك الان الترابي
مواقفه تغيرت بعح توزيع الثروة
اغتنام الغنائم الترابي هو من سن الجهاد
وغسل العقول و73 الف طالب ماتو
فطائس كما ادعى الترابي
لماذا يكذب الشيخ الترابي وهو من
حفظة القران والصغار والكبار من المسلمين
يعرفون الكذب حرام


#1275045 [فكرى]
0.00/5 (0 صوت)

05-28-2015 08:28 PM
عليكم الله ياناس الراكوبة أى مقال جاى من الصيحة أرفقو بصورة الترابى وصينيتو كتاب ماعندهم موضوع شغالين تخدير وتنفيس بس ..


#1274990 [جركان فاضى]
5.00/5 (2 صوت)

05-28-2015 05:06 PM
لاتخرج الحكمة من جوف ممتلئ....عشان كدا خرج لينا بضحكاتو العارفنها


#1274969 [المجنون]
5.00/5 (1 صوت)

05-28-2015 04:20 PM
التراااااااااااااااااااابي الاغلف


#1274950 [ajial]
5.00/5 (2 صوت)

05-28-2015 03:23 PM
المشكله انو ما عندنا ثقافة القتل والتصفية والتى تتلائم مع هذا الكلب (الترابى) واذنابه


#1274922 [abutariq]
4.25/5 (3 صوت)

05-28-2015 02:40 PM
ود الركابي انت ما عندك تعليق بس ترد على تعليقات الناس انت ما ركابي انت شايقي


#1274914 [الهم الكاتل]
5.00/5 (2 صوت)

05-28-2015 02:18 PM
سؤال مجرد سؤال .. يا اخوانا لو في عواطلي ماشغال وما عندو اي صنعة في السودان وبياكل زي الاكل القدام الترابي ده بيكون جاب القروش من وين ؟؟ والترابي عواطلى لا يعرف له شغل ولا مشغله غير الخباثة منذ المفاصلة ولو عندو سنام كان كمل . اليس هذا السحت بعينه يا شيخ العواطلية يا معفن ؟؟اتحداك يا الترابي لو تستطيع ان تخبرنا من اين ياتيك مثل هذا الطعام . اللهم الا من السماء ..


ردود على الهم الكاتل
European Union [المجنون] 05-28-2015 04:21 PM
بياكل من قروش مرتو الوسخ
ومرتو قروشة من جدها الحرامي


#1274905 [quickly]
5.00/5 (2 صوت)

05-28-2015 02:10 PM
الترابي مصاب بجنون العظمة وجنون البقر
وأطنه مصدر جنون البقر


#1274879 [مراقب]
0.00/5 (0 صوت)

05-28-2015 01:26 PM
الاكل القدام البني آدم دا عادي جدا وبسيط وغير مثير للجدل وكله منتج سوداني متاح للجميع يعني حتة لحمه وخضار وماء وهذا الإنسان مجرم وغادر وتسبب في جرائم ما انزل الله بها من سلطان قد يمتد تأثيرها لقرون ولكن اذا كان غالب طعامه كهذا فهو انسان غير مسرف في الاكل مثل باقي تلامذته من الكيزان لعنهم الله اجمعين....


ردود على مراقب
United States [فكرى] 05-28-2015 07:51 PM
كان زمان عادى وبسيط يامراقب لكن الليلة صينية زى دى تكلفة إنتاجها مابقل عن 200 جنيه سودانى دا لو إستثنينا الشاى والجبنة وإعتبرنا غداك وعشاك ملحق من ذات الحله شكلك ودعتنا وهجرت السودان من الثورة الرومانية ..

European Union [المجنون] 05-28-2015 04:22 PM
بالله
حسي في ناس لاقية تاكل اكل زي ده كل شهر
خليك في كل وجبة


#1274857 [سوداني 1]
0.00/5 (0 صوت)

05-28-2015 01:04 PM
شكله معاهو ثلاث اشخاص شوف الملاعق وبعدين في واحد لابس بنطول اسود ما تشوف انت و نسيت المصور وتاني حاجة القراءة تتطلب طاقة اكثر من الجري الشبس عشان معاهو اطفال في الصينية بس حسدك و حقدك عماك فعلا والله الحسد يعمي شفاك الله


ردود على سوداني 1
European Union [المجنون] 05-28-2015 04:23 PM
هههه شكلك بتاع مباحث
ملاحظة كويسة


#1274845 [عثمان محمد فضل المولى]
5.00/5 (2 صوت)

05-28-2015 12:45 PM
يا مواطن انت فلممممم... ممكن تكتب دراما احسن من ناس مشهورين ..... بكلمك جد .
عندك قدرة على استحضار التفاصيل في ثوب فكه ومعبر كمااان .
صراحة المقال مافيه شئ ( مع احترامي لحسن اسماعيل الذي قرات له بعض المقالات واشدت به في مواقع معينة . حسن اسماعيل من الشباب الذين ننتظر منهم مكانة في الصحافة . رقم تواضع المقال الا ان لحسن اسلوبه .

لكن يا مواطن استمر في التعليق ... فقط اجعل تعليقاتك الساخرة موجهة نحو الكل بما فيهم بشششششة وجماعته ..... خاصة المقربين منه .


#1274832 [abutariq]
5.00/5 (1 صوت)

05-28-2015 12:28 PM
بسم الله ما شاء وبسم الله ما سيكون
الشيخ حفظه الله حياته واضحة حتى في الخصوصيات
يوجد في الوجبة أكثر من شخص بدليل وجود أكثر من ملعقة
بانت أرجل أحدهم على يمناه
المصور أكل معهم .

يكفيه شر الحاسدين


ردود على abutariq
[السمكري] 05-28-2015 02:12 PM
انت شن عرفك يا ابو طارق
الشيوخ ديل بياكل كل شي بمعلقة مختلفة
الرز بمعلق الروووب بمعلق

و احتمااال المعالق دي عشان يكفو بيها العين

European Union [ود الركابي] 05-28-2015 12:57 PM
انت لاحظت رجل الراجل ده كيف انت الزرقاء ولاشنو . اها سحرناك انت كمان .. بائن عليك من حيران عمك .


#1274800 [حريص]
0.00/5 (0 صوت)

05-28-2015 12:01 PM
يا ناس السودان لو شيخ الترابى ده مات الترابة دى فى خشمكم


ردود على حريص
European Union [المجنون] 05-28-2015 04:24 PM
والله يا اريت عشان مشتهين طعم التراب الجد موش التراب الترابي

European Union [ود الركابي] 05-28-2015 01:03 PM
يازول عمك ده زي ابو القدح بيموت بعد 150 سنه .


#1274769 [بامكار]
5.00/5 (1 صوت)

05-28-2015 11:30 AM
السويتو فى السودان شويه يا شيخ حسن مش كفايه والبشير من صنيعتك ام تنسى؟؟؟؟ ليك يوم تصغر وتتمنى؟؟؟


#1274763 [عادل الامين]
5.00/5 (2 صوت)

05-28-2015 11:25 AM
المسار الحقيقي للدولة السودانية من الاستقلال1954 وحتى 2015
-1 وثيقة استقلال السودان-حزب الامة "الاصل" السيد عبدالرحمن المهدي
2-اسس دستور السودان 1955-الحزب الجمهوري -محمود محمد طه
3-اتفاقية اديس ابابا ودستور 1973 -الحكم الاقليمي اللامركزي د منصور خالد وابيل الير
4-اتفاقية نيفاشا ودستور 2005 - الحركة الشعبية- دجون قرنق
جاء الصاغ صلااح سالم1955 غرز فيروس الضباط الاحرار في الجيس السوداني ومشى رقص عريان مع الجنوبيين ودخلت تكنلوجيا الزعيم والانقلابات والقوميين والشيوعيين والاخوان المسلمين..خرج سودان وست منستر ولم يعد حتى الان
استقلبنا من الانجليز الاذكياء وقعد المصريين الاغبياء في راسنا لحدي هسة بي بضاعة خان الخليلي البايرة خلوهم ينبحوا في الانجليز ويعضو السيد عبداالرحمن ومحمود محمد طه ومنصور خالد وجون قرنق- وبضاعتم دي المسخت العلم والتعليم واخيرا مسخت السودان ذاتو هسة
بتر جنوب السودان شوه السودان وافقد السودانيين هويتهم
بدل الولولة الفاضية
اي زول ما عاجبو الحاصل
يحرن معانا محل ما وقف جون قرنق- اتفاقية نيفاشا ودستور 2005
1- عودة العلم والشعار
2- تنظيف المحكمة الدستورية العليابرفدها بقضاة رجااال
3- الغاء الولايات وعودة الاقاليم
4- الحريات الاربعة والجنسية المزدوجة لي الجنوبيين ودولة جنوب السودان

ونتحرر من اصر مصر الخديوية البشع الممتد 60 سنة لحدي ما تعترف مصر بي حضارة وفكر وثقافة وسياسة السودان...


ردود على عادل الامين
[مدحت عروة] 05-28-2015 01:51 PM
يا سلام عليك يا عادل الامين وعلى تعليقك الرائع فعلا انحنا مما بارينا البراز الاسمه الضباط الاحرار والعقائديين من جميع الاشكال والانقلابات العسكرية والعقائدية ذات الحلقوم الكبير والبتستمتع بالحكم وامتيازاته وحب العظمة وهم اقل قامة من الاقزام وتركنا الحاجة النضيفة زى حكم وستمنستر البريطانى مثل الهند بقينا زبالة وحثالة وبراز ما اصلا البيبارى العواليق والتافهين بيبقى زيهم واعنى بهم ناس الضباط الاحرار والعقائديين من كل شكل ولون هسع عليك الله الحكومات والشعوب فى الدول الديمقراطية تقدر تشبههم بالحكومات والشعوب فى دول الانقلابات ما ديك زهور وياسمين وديل خره وبراز ساكت والله على ما اقول شهيد وفى النهاية البيبارى الجداد بيوديه الكوشة ونحنا بارينا مصر الانقلابات وودتنا الكوشة بجدارة والف مليون تفووووووووووووووووووووووووووووووووووووووووووووووووووووووووووو يا اخ عادل على اى انقلاب عسكرى او عقائدى عطل التطور الديمقراطى فى السودان وخلانا بقينا زبالة وحثالة مثل مصر والعراق واليمن وليبيا وسوريا وهلم جرا اخ تفووووووووووووووووووووووووووووووووووووووووووووووووووووووووو!!!!


#1274703 [مدحت عروة]
5.00/5 (3 صوت)

05-28-2015 10:28 AM
العظماء والعندهم حكمة ورؤية يمشوا مع مصالح واستقرار البلد ولو كانت ضد مصالح حزبهم وطموحهم الشخصى واقسم بالذى رفع السماء بغير عمد ترونها ان الحركة الاسلاموية ما فيها واحد عظيم او يستحق ادنى ذرة من تقدير او احترام من حسن البنا الى اصغر عضو فيها والله على ما اقول شهيد بلا حركة اسلاموية بلا عهر ودعارة سياسية بلا وساخة بلا قذارة بلا كلام فارغ استلموا السلطة فى 30/6/1989 وشوفوهم وصلوا البلد لى وين؟؟؟
اف مليون دشليون تفووووووووووووووووووووووووووووووووووووووووووووووووووووووووووووووووووووعلى الحركة الاسلاموية السودانية!!!!!!!!!!!بل العالمية كمان!!!!


ردود على مدحت عروة
European Union [عادل الامين] 05-29-2015 02:47 PM
يا مدحت خلاص احرن معانا في اتفاقية نيفاشا ةدستور 2005 وسيبك من دستور بدرية بتاعة المؤتمر الوطني اوخزعبلات المعارضة القديمة نداء السودان
نيفاشا ودستور 2005 هو بواية العبور الوحيدة لسودان وست منستر
نحن ما محتاجين لي برنامج تاني ولا صنم من جمهوريةلعاصمة المثلثة فقط عايزين فضائية حرةتوعي الجماهير بالبرنامج نيفاشا ودستور205


#1274697 [مجنووووووون]
0.00/5 (0 صوت)

05-28-2015 10:23 AM
صحة وعافية ويسرى مكان ما يمرى وربنا يديك الصحة والعافية وطولة العمر عشان تقعد مع تلاميذك خمسة وعشرين سنة تانية عشان تورم شعب النعاج الكانو بيكبروا ويهللوا معاك بالكذب ويرقصو معاك فى عرس الشهيد البدعه (الليله هوى ياليله شهيدنا وينوا الليله)


#1274695 [الكباشي]
4.00/5 (3 صوت)

05-28-2015 10:19 AM
سبحان الله كلكم وهبتم حسناتكم لهذا الرجل فهل يستحقها ام انتم بلهاء
اتقوا الله ولتنظر نفس ماقدمن لغد


ردود على الكباشي
[سودانى مسلم] 05-29-2015 02:59 PM
يا راجل الزول داخل النار داخله ما تتعب ساكت
حسنات ههههههههههههههه تغشو منو ؟؟؟؟؟
النفس التى حرمها الله !!!!!!!!!!!!!
ديل بسبب اكل عيشهم من السياسة ارتكبوا ما تشيب له الولدان

United States [كاره العنصرية] 05-28-2015 01:33 PM
هههههههههههه ده ارهاب فكري ام ديني يا بابا


#1274685 [أحمد أدروب]
1.00/5 (1 صوت)

05-28-2015 10:11 AM
(( توشح بوشاح الديمقراطية ونزل ينافس في دوائرها الانتخابية، ولكنه عندما (عجز) عن دخول البرلمان دبر انقلاب الإنقاذ))
إلا أن كاتب المقال لم يذكر سبب سقوط الترابي الذي كان بسبب تحالف كل الأحزاب المنافسة والتصويت لمرشح الحزب الاتحادي الديمقراطي قبل أن يصبح (أصل - برئاسة الميرغني) و (فرع - برئاسة الراحل زين العابدين الهندي) ، أما تديبيره إذا كان هو المدبر أصلاً فقد كان موفقاً لأن البلاد كانت على وشك الانهيار الأمني المدوي وأنا شخصياً أذكر كارثة كانت على وشك الوقوع في كسلا بين قبيلة الرشايدة وقبائل البني عامر بعدما وصل الافتراء بالرشايدة درجة التهديد بالسلاح داخل سوق كسلا فحدد الطرفان يوم الجمعة (يوم وقوع الانقلاب) للمواجهة تحت شعار أشبه بما قاله رأس النفاق عبد الله بن أبي بن سلول والذي جاء في القرآن الكريم (ليخرجن الأعز منها الأذل) فجاءت الانقاذ في الوقت المناسب لتنقذ المدينة وسكانها من تبعات تلك المواجهة التي لم تقع بفضل الله.
أما مسألة الذاكرة فكلنا في الهم شرق ولا أحد بريئ من ذلك.

وشكرا


ردود على أحمد أدروب
[سودانى مسلم] 05-29-2015 03:02 PM
كضاب ما في اي شيئ من هذا
الرشايده افتروا بعد الانقاذ لا قبلها
والبنى عامر مشكلتهم مع اسياس افورقى وخايفين منو


#1274660 [قاسم الامين عبود]
4.50/5 (3 صوت)

05-28-2015 09:37 AM
شعب عجيب كلكم تنازلتم عن الموضوع وبقي همكم الصينية والاكل دا كلا شنو يا ناس اصحوا اصحو اصحو يا خلق الله عشان تاكلوا زى الصينية دى الزول دا لازم يحاسب وبعدين الاكل كان ببقي غره كان بقي لينا غره بنعرفوا قبل الوهم ديل ما يسرقوا السلطة


#1274654 [shah]
4.50/5 (2 صوت)

05-28-2015 09:33 AM
بالله فى واحد لابس "بامبرز" ... وياكل قدر ده؟ ... اللهم لا إعتراض فى حكمك.


ردود على shah
[أحمد أدروب] 05-28-2015 05:47 PM
أخي شاه كما لا يخفاك أنا والاتجاه الذي انتمي غليه من السودان من ضحايا الترابي وأمثاله ولا أبرئ أحد ولكن قولك (الواحد اللابس " بامبرز" ) لا يناقش بهذه الاسلوب الأشبه بالشماتة لأن لبس البامبرز قد نتعرض له أنا أو أنت - لا قدر الله - وإن شاء تسلم منه المفروض تكتفي بالعبارة الأخيرة والتي تدل على اقرارك بالقضاء والقدر وأنا لا أدافع عن كل المسئولين الذين تسببوا في اهمال الانسان السوداني أينما كان أما ما يتعلق بالتقسيم والحروب والفساد فلم يسلم منها كل ساسة السودان من أقصى اليسار إلى أقصى اليمين فكل من تقلد مهام سواء كان مباشرة أو عن طريق حزبه منفردا أو مؤتلفاً فقد كان له نسيب من البلاوي التي تعرض لها السودان. أنا اعترضت فقط على حديثك بتشفي فأربأ بك وبكل ابناء السودان وخاصة الضحايا بالحديث في الهوامش بعيدا عن لب الموضوع وقل في الرجل ما شئت دون الحديث عما يعانيه كإنسان. ولك العتبى حتى ترضى

European Union [shah] 05-28-2015 12:25 PM
يا أحمد أدروب: الشتارة التى "شترها" هذا الشيطان الرجيم ونتج عنها كل هذا البؤس و الخراب و الفساد و الحروب و الإنقسام ... كل هذه الشتارة لم تهمك؟ إن ما تسميه الشتارة من تعليق يدل عل ى ما فى النفس من كراهية له هى من اقل مظاهر البغض و الكراهية لهذا الشيطان الرجيم فهل أنت راض عنه لدرجة ألا تتحمل كلمة فيه؟

[أحمد أدروب] 05-28-2015 10:21 AM
ناقش المقال بدلا من الكلام الاشتر


#1274651 [Abu azah]
3.00/5 (2 صوت)

05-28-2015 09:31 AM
بالله شوف المخنث العجوز دا منفنس فى الصينية دى كيف الله لا بارك فيك يا حقير


ردود على Abu azah
[ابو الهادي] 05-28-2015 11:06 AM
والله عيب عيب عيب عليك هذا التعليق


#1274646 [الحالم]
5.00/5 (2 صوت)

05-28-2015 09:26 AM
اغبى الناس من يظن نفسه اذكى الناس الترابي عنده جنون العظمة وهو يظن نفسه انه غيره لم تلد النساء ولكن سرعان ما نكشف له الغطاء وانطبق عليه المثل الحموار الغلب شيخه علم تلاميذه المكر والدهاء وسقوه من نفس كاسه ولكن لا يحيق المكر السئ الا باهله


#1274639 [علي عبدالله ادريس]
0.00/5 (0 صوت)

05-28-2015 09:20 AM
كل التليقات عن الصينية والعالم ناسية القضية !!


ردود على علي عبدالله ادريس
European Union [المجنون] 05-28-2015 04:27 PM
ومنو القال ليك
ما الصينية هي اصل القضية
هو لو ما الصينية الناس كانت علقت على الصينية ليه؟
يا وهم ما عشان هم ما عندهم الزي الفي الصينية دي علقو عليها


#1274599 [فارس الصياد]
5.00/5 (1 صوت)

05-28-2015 08:48 AM
ما ملأ ابن آدم وعاءا شر من بطنه فحسب ابن آدم لقيمات يقمن صلبه فإن كان ل محالة فاعلا
فثلث لطعامه وثلث لشرابه وثلث لنفسه


#1274594 [السوداني]
0.00/5 (0 صوت)

05-28-2015 08:45 AM
بالله شوف السلطة بتاعة الشيطان تلاتة انواع
عجور والا خيار ما عارف وخس وطماطم

وانا اقول مالك عايش لسه والقدرك ماتو قيل عشرات السنين
اتاري قلبك ميت لا دين ولا اخلاق
اكل انشاءالله يوم البعث تاكل جمر جهنم في بطنك انت وكل عشيرتك يا شيطان يا ابليس


ردود على السوداني
European Union [المجنون] 05-28-2015 04:28 PM
ابو الهادي
مالك وجعك والا شنو؟
اكيد الترابي يا ابوك يا شيخك عشان كده زعلت


بالله شوف السلطة بتاعة الشيطان تلاتة انواع
عجور والا خيار ما عارف وخس وطماطم

وانا اقول مالك عايش لسه والقدرك ماتو قيل عشرات السنين
اتاري قلبك ميت لا دين ولا اخلاق
اكل انشاءالله يوم البعث تاكل جمر جهنم في بطنك انت وكل عشيرتك يا شيطان يا ابليس

[ابو الهادي] 05-28-2015 11:08 AM
ابشر امنت الملائكة وقالت ولك بالمثل الجهل مصيبة هذا الزمن


#1274580 [عثمان عبده]
0.00/5 (0 صوت)

05-28-2015 08:34 AM
في السودان لا يوجد عمر إفتراضي أي ينتهي بإنتهاء مدة معينة ...حتى في علم المحاسبة في حاجة إسمها الإهلاك كل شيء له عمر مقدر وتنتهي فترة الصلاحية...ولكل قاعدة شواذ ونحن شواذ
اللهم لا تسلط علينا من لا يخافك ولا يرحمنا..


ردود على عثمان عبده
European Union [kaka] 05-28-2015 11:22 AM
خلاص سلّط


#1274577 [البشر الحاقد والترابي الفاسد]
5.00/5 (1 صوت)

05-28-2015 08:32 AM
كل التعليق عن الاكل اي السخف دا ... والموضوع كان عن فشل الترابي في حياته السياسية حتى الان الدكتور الترابي لم يقدم للسودان ما يفيد الشعب السوداني بل يمكن نقول انه قدم للسودان المكر والخديعة ومعاونة الشمولية والانقلابات ضد الشعب السوداني اتمنى من القادة السياسيين والمدنيين ان لا يجعلوا للترابي معهم حظا في اسقاط النظام وان يكنس هو وبقية الكيزان ....


#1274560 [ودالبلد]
0.00/5 (0 صوت)

05-28-2015 08:10 AM
صينية (مدنكّلة) تفرم فيها يا (خبيث) ......


#1274531 [ود الركابي]
5.00/5 (1 صوت)

05-28-2015 07:29 AM
هو عمكم في العمر ده لسه عنده ضروس يجضم بيها اللحم ده . انشاء الله بعد يشبع يدي الباقي للمساكين مايرميهوا في الزبالة . ناس قاعدين عواطلية بيلقوا القروش دي وين ماعارف . والشعب بيأكل وجبة واحده في اليوم . حكمة والله وحكاية .


#1274523 [ابوماجد]
0.00/5 (0 صوت)

05-28-2015 07:16 AM
ليس منا من بات شبعان وجاره جائع .طبعا ما بجاور لو جيعان بالطبع ولكنه كحاكم وزعيم مسئول من الصينية السودانية ولو فى ام كدادة .الناس فى الكسرة ما شبعانه بتتفشخر بحق الشعب السودانى يا منافق ياضلالى .


#1274508 [محمد علي الاسد]
5.00/5 (1 صوت)

05-28-2015 06:54 AM
كبيرهم الذي علمهم السحر , رجل الفساد الاول في السودان .


#1274493 [الجن الكلكي]
0.00/5 (0 صوت)

05-28-2015 06:07 AM
دا كل بتأكلوا يا شيخنا الله تأكلك وماتلق البحكها ليك والله دا اكل زول عمرو 90 سنة بسم الله يا ابوي الشيخ ودبدر دا ما براه راكبو شيطان الله تأكل السم اليقطع مصارينك


#1274492 [zaino]
0.00/5 (0 صوت)

05-28-2015 06:05 AM
معقول دي وجبة لشخص واحد دي تكل 0 من المشردين - دنيا عجيبة ياكلو حرام في حرام عارفين الفلوس البجيبوها دي كلها من عرق الشعب


#1274489 [Andrea]
5.00/5 (1 صوت)

05-28-2015 05:48 AM
من قال لكم بأن حسن الترابي نال شهادة دكتوراة من السوربون ،؟
أكبر كذبة ،،هو نفسه يتحاشى الحديث عن شهادة الدكتوراة المزعومة


ردود على Andrea
United States [مع العدالة] 05-28-2015 01:08 PM
هو الترابى بعلمه هذا محتاج لدكتورتة من السربون؟ ياخى ده السريون مفروض تاخد شهاداتها منه هو والله اكثر تاهلا من السربون وهو العلم ياخينا الا بورقة تحمل ترويسة وختم وتوقيع ؟ العلم مافى الشهادات ولا الجامعات العلم هو الملاحظةو استحداث الافكار والرؤى ووربط وتناسق للاحداث والترابى يتمتع بكل ذلك...اذا كان العلم فى الجامعات فماهى الجامعات التى ارتادها الفلاسفة والمفكرين منذ بداية البشرية


#1274461 [alazza bit wad almsaad]
0.00/5 (0 صوت)

05-28-2015 12:34 AM
تاكل السم ...


#1274410 [محمد الفاتح]
0.00/5 (0 صوت)

05-27-2015 10:08 PM
والله نحن في السعودية مشتهيين صينية زي دي ومالا قينها ( بالعافية )


#1274401 [مواطن]
5.00/5 (10 صوت)

05-27-2015 09:46 PM

عليكم اللة هسة دى وجبة ولأ عزومة !
دى وجبة زول فى التسعين ؟!
ليه يا حاج انت سادومبا ...!
الناس الفى سنك الموية ماقادرين يشربوها..!
وكمان مشمر..!!!!!!!!!!!؟
جدى اصغر منك بقى ذى تلفزيون زمان
نطلعو العصر وندخلو الساعة 11.
اللحمة فى طشت عديل ! اللة لا يوفقك !
ونفسك مفتوحة كيف ودم الالاف فى رقبتك
صحن شطة !..والله يا شيخنا انت معجزة..!
انانى حتى فى الأكل ما داير زول يزاحمك !
جرجير دا؟ احسب أنه خص !
اول مرة اعرف انو التسعين عمر الزهور عمر الهنأ !
جمعت الويكة والشبس فى صينية واحدة !..طول عمرك مبدع يا الشيخ !
ايهما الذ يا شيخنا الجليل السلطة بالانقلاب ام السلطة بالطماطم والجرجير؟
ام الاثنين معآ ؟
مانكون ازعجناك واصل يا الشيخ محل ما يسرى.....

ــــــــــــ
تعليق مكرر


ردود على مواطن
[ابو الهادي] 05-28-2015 11:14 AM
قول أعوذ برب الفلق ، ياخي اتقى الله في نفسك أولا اقسم بالله ان الله سيحاسبك على كل كلمة كتبتها ، اللهم اهدنا واهدي اخوننا

United States [ٍSalah AL Deen P] 05-28-2015 10:48 AM
ما تنسى الصينية اصلا صينية مناسبات خخخخخخخخخخخخخخ

European Union [السوداني] 05-28-2015 08:42 AM
هههه تعليق جميل

European Union [المكشكش] 05-28-2015 08:13 AM
أشهد بأنك مبدع يا (مواطن) .

United States [هدى] 05-28-2015 07:34 AM
والله ضحكتنا يامواطن مع ان روح الحسد ظاهرة في كلامك---انشاء الله تصل التسعين وتقدر تاكل مثله---ولكن الم تقرا تعليق ديجانجو الذي يقول فيه ان هذا الرجل من الجن وانه سيعيش 300 سنة (اها بتسوي شنو) وقد فعل في عمره القصير هذا ما لا يحتاج الى شرح.

European Union [ود الركابي] 05-27-2015 10:33 PM
الله يلعن شيطانك يامواطن والله ضحكتني الله يعطيك العافية .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة