الأخبار
أخبار إقليمية
والي الخرطوم : الجسر هدية ولاية الخرطوم للبشير وهو يستهل ولايته الجديدة.
والي الخرطوم :  الجسر هدية ولاية الخرطوم للبشير وهو يستهل ولايته الجديدة.


افتتاح جسر ود البشير
06-04-2015 02:47 PM
الخرطوم – أعلن عبدالرحمن الخضر، والي ولاية الخرطوم، أن العام الحالي سيشهد اكتمال عدد من مشاريع البنى التحتية التي ستحدث نقلة كبيرة في حركة المرور وتقليل الزحام.

وقال خلال افتتاحه جسر ود البشير بأم بدة أمس (الأربعاء)، إن إنشاء الجسر بمنطقة أم بدة يؤكد صدق الولاية في توزيع الخدمات بما فيها البنى التحتية بعدالة بين المركز والأطراف.

وقال الوالي إن الجسر هو هدية ولاية الخرطوم للمشير عمر البشير وهو يستهل ولايته الجديدة.

كما أعلن الوالي عن افتتاح جسر الشهيد مندور المهدي بشارع الحرية خلال الشهر المقبل، وافتتاح جسر سوبا كأكبر جسر بالبلاد ملحق به خط سكة حديد خلال 4 أشهر منوها إلى أن الأخير سيعمل على نقل الحركة القادمة من غرب السودان إلى شرق السودان

اليوم التالي


تعليقات 22 | إهداء 0 | زيارات 11160

التعليقات
#1279498 [قلبي على وطني]
0.00/5 (0 صوت)

06-05-2015 03:07 PM
بكرة مايقولوا الجقور مرت من هنا


#1279492 [المرتاح]
0.00/5 (0 صوت)

06-05-2015 02:55 PM
الاعزاء المتجهمين، يسموه ود البشير،ود زغبير ، ود حجير، احنا مالنا،المهم توجد وسيلة خففت على المواطن، ودا المهم.


#1279484 [الرشيد]
0.00/5 (0 صوت)

06-05-2015 02:32 PM
ف المملكه السعودية عااااااادي يفتتحو جسور وكباري طولها بالكيلومترات .فقط بإزاحه حواجز السلامه عن طريق بواسطه عمال الطرق


#1279477 [Mat too]
0.00/5 (0 صوت)

06-05-2015 02:13 PM
عبد الرحمن الخضر طبيب الحمير ،اول حرامي يصعد سلم السلطة حاملا معه المسروقات بكل وضوح ،مبروك جسر البشير ولي سرقتك
ومبروك جسر مندور ونحن في انتظار جسر المرحوم غسان مدير مكتبك وشريك ابنك ونسيبك في السرقه ،المسكين الذي ضحيتم به و
قتل بدم بارد وسكين صدي ،اعملوا ليهو اي حاجه توثق النزاله والخسه والخيانه والوسخ ،وسموهوا جسر المغدور به الملازم غسان !!!


#1279433 [ود امبدة]
3.00/5 (1 صوت)

06-05-2015 12:16 PM
مقولة خالد بن الوليد قبل موته:
لقد شهدت مئة زحف أو زهاءها، وما في بدني موضع شبر، إلا وفيه ضربة بسيف أو رمية بسهم أو طعنة برمح وها أنا ذا أموت على فراشي حتف أنفي، كما يموت البعير، فلا نامت أعين الجبناء.
كيف يكون مندور استشهد يعني


#1279349 [معاويـــــــــــــــــــــــــــــــة]
5.00/5 (2 صوت)

06-05-2015 07:57 AM
والى يفتتح جسر وبكره طريق فى الدنيا كلها ما شفنا زى ده فى الدول المتقدمه ده بيفتحو مدير قسم الطرق وبس


#1279210 [hassan]
2.50/5 (4 صوت)

06-04-2015 08:25 PM
البلد دي حقت حمار البشير و لا شنو٠٠٠ الكبري ب اسمو٠٠بعدين القروش دي جات من وين ٠٠ مش من الشعب دا مين ادى الوالي حق تسميه الكباري بعد شويه ح نسمع كبري نافع و جسر وداد ٠٠ صحيح في الاخر الكيزان ساقونا عبيد٠٠


ردود على hassan
European Union [خليك فاهم] 06-05-2015 09:13 AM
الا ما اسمو علي عمر البشير دا اسمو على محطة ود البشير او تقاطع ود البشير والمحطة دي في التقاطع العملو فيهو الجسر والمحطة دي قديمة من السبعينات او اكتر ووسع صدرك شوية


#1279195 [Andrea]
2.50/5 (2 صوت)

06-04-2015 07:06 PM
الناس لا يفرقون بين الجسور والكباري ،،
هذا كوبري ،، وهو يسمح بالمرور من اسفله ،، أما الجسر فدائماً على الأنهار أو الخلجان


#1279186 [moiez]
5.00/5 (2 صوت)

06-04-2015 06:26 PM
اول حاجة دا اسمو فلاي اوفر وعادي يعني في الرياض هنا ممكن تغيب من حتة شهرين تجي تلقي واحد زي دا وبطل كسير تلج شنو هدية لي بشة جايب قروشة من جيب امك وبعدين الشهيد مندور المهدي دا مش مات في مستشفي عادي كدا بقي شهيد كيف ولا اداهو صك الشهادة امير المؤمنين عمر البشير


#1279177 [إسماعيل عباس]
5.00/5 (3 صوت)

06-04-2015 06:01 PM
السلام عليكم وللتاريخ حتى لا يتغير..المحطة كانت إسمها ودالبشير قبل وصول حكم ألأنقاذ وألأسم راجع للسيد/محمد بشير الضو مؤسسس أكبر بقالة فى الزاوية على اليمين وأنت متجه إلى الغرب ...أحفظوا أسماء من أسسوا لكم ليحفظوا الولاء لكم.....


#1279172 [ود الركابي]
5.00/5 (3 صوت)

06-04-2015 05:50 PM
هذا الكوبري غير مطابق للمواصفات الدولية . لاحظوا حيط الاجناب مفروض يكون درابزين مقوي . حيط خفيفة جدأ ماتستحمل هبشة رقشة كل يوم عربية حاتطفر من فوق وغلطان المرحوم .


#1279169 [مجروس ق ش م]
5.00/5 (2 صوت)

06-04-2015 05:48 PM
اللغة لفت ود البشير والطلمبة طلمبة ود البشير والكبري كبري ود البشير ..هو ود البشير ده منو بالمناسبة اكيد رجل ضكران وكريم .تهدي الكبري للرئيس اصلو بأنية بقروش حبوبته بلا يخكمك يالخضر ومعاك الرقاص بتاعك دة .انا يوم الدفس يوم عود القذافى خلو لي عبد الرحمن الخضر مافي زول يلمسه عامل اردافه أكبر من ارداف ليلي علوي بمال السح


#1279166 [دلدوم كبر]
5.00/5 (3 صوت)

06-04-2015 05:38 PM
الكبري شكلو بائس ، ولا توجد به أي جماليات تواكب الزمن. كذلك يبدو أن طبقة الاسفلت رقيقة لا تكاد تري بالعين. وأعمال البوهية لم تنتهي بعد. ليه العجلة يا سيادة الوالي. برضو اذكر الوالي بوضع سم للجور . كما نتمنى أن يصمد هذا الكبري لأكثر من عام.


#1279157 [:::بيكو::]
5.00/5 (2 صوت)

06-04-2015 05:09 PM
الأسفلت أغبش كده مالو؟؟


ردود على :::بيكو::
[قاسم الامين عبود] 06-04-2015 06:42 PM
يا بيكو اخوى خليك انسان عبقرى او خلينا نقول زكي بلاش دى فكر اى حاجة قبل الكتابة انت عاوز يطلعوا ليك ميزانية عشان يلمعوا الكبرى يا اخي حرام عليك اذا لمعوا ليك الكبرى عاوز وداد بابكرى تتمسح وتتلمع بشنو انت عاوز تشارك المرأة الاولي في الميزانية بتاعة التلميع اسكت واعتذر وما تجيب لي نفسك الهواء يازول ياسمح

[Clicker] 06-04-2015 05:39 PM
الكبري مبني بالطابوق هههههههههههههه


#1279154 [ودكركوج]
5.00/5 (4 صوت)

06-04-2015 05:06 PM
يعني لما يقوم المسؤل باداء عمله ويبني كبري من المال العام يكون منّ علي الناس وقدم لهم هدية؟ طيب لو بنى الكبري من قروش ابوه يكون عمل شنو؟


#1279148 [محمد همام]
4.75/5 (6 صوت)

06-04-2015 04:50 PM
هدية للبشير اخجل ياعبدالرحمن الخضر انت جايبو من بيت ابوك


#1279137 [العبيدى]
5.00/5 (1 صوت)

06-04-2015 04:36 PM
مخطيءٌ من ظن يوماً أن للثعلب دينا !!!


#1279136 [هميم]
4.00/5 (2 صوت)

06-04-2015 04:35 PM
والي الخرطوم يثبت لك أنك من الممكن أن تسرق 900 مليار وتتحلل ثم تتملق الرئيس ببضعة كلمات فتظل في موقعك أو ترتاح في بيتك بضعة اشهر ثم تعود بمنصب أعلى لتواصل كفاحك - أقصد فسادك. مصطفى عثمان يقول عن البشير أنه ينطبق عليه قول الرسول الكريم، الخ. الفاتح عزالدين يتملق الرئيس .. نافع علي نافع يتملق البشر .. كرتي يتملق البشير... إن عادت رموز الفشل والفساد هذه بمناصب عالية في الحكومة التي ستعقب الانتخابات المزورة والتنصيب المزور بأكثر منها، فتأكدوا أن الرسالة هي أن شعار البشير هو: من بطأ به عمله أسرع به تملقه للرئيس


#1279130 [المشتهى السخينه]
4.88/5 (4 صوت)

06-04-2015 04:26 PM
الهالك مندور المهدى اين استشهد ؟ وهل كل من يموت من اهل الجبهة الترابيه على قلتهم يعتبروا شهداء ؟ سنسمى الجسر ...جسر الحرية فقد بني بمال الشعب .. ومندور من لصوص الشعب ..


ردود على المشتهى السخينه
European Union [ود امبدة] 06-05-2015 12:04 PM
علي قولك يا ابو عمر انا وانت والمشتهي الموية بالزيت والبصل دة مافي لينا فٓرٓقٓة لا دنيا ولا آخرة. نمشي وين يعني. ديل بموت شُهدا في الاردن وفي رويال كير

[Abu Omr] 06-04-2015 05:42 PM
تعرف يا المشتهي السخينة الجنة دي الظاهر مليانة بشهداء نظام البشير ما أظن نلاقي لينا فيها فرقه.


#1279113 [الحقاني]
5.00/5 (2 صوت)

06-04-2015 04:01 PM
الجسر في تقاطع ود البشير وهو اسم المكان منذ نهاية السبعينات طوالي حرفتوا الاسم الي الريس غايتو تعرفوا للتلج


#1279110 [ودالعز]
5.00/5 (1 صوت)

06-04-2015 03:58 PM
سئمنا من اجسور والكباري التي تتصدع كو يوم نحن عايزين نرتاح من المسوليات عايزين نبقا زينا وزي الشعوب عندها حق في البلد بس فترنا من التهميش ونفسنا نعيشفي را انشا الله نركب حمير


ردود على ودالعز
[بروك] 06-04-2015 05:45 PM
الفئران لما تعمل جحر بتعمل ليهو أكثر من مخرج , لذلك هؤلاء المفسدين بنظروا لي قدام عايزين يسهلوا عملية هروبهم بقدر الإمكان لما تنقلب عليهم.


#1279087 [المشروع]
5.00/5 (1 صوت)

06-04-2015 03:08 PM
عمل جيد ولكن الجسر ضيق جداً فلماذا لا يخطط ان يكون جسر بثلاث مسارات رايح ومثلها غادي وكلما كان الجسر واسعاًكلما كان ذلك افضل للمستقبل وليس من اجل فك الاختناق المروري في الوقت الراهن فحسب..
والسؤال استشهد مندور المهدي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة