الأخبار
أخبار السودان
والي الخرطوم : خطة من مرحلتين لمعالجة مشاكل المياه
والي الخرطوم : خطة من مرحلتين لمعالجة مشاكل المياه


06-22-2015 06:24 PM
الخرطوم (سونا) -
أعلن والي الخرطوم فريق اول مهندس ركن عبدالرحيم محمد حسين عن خطتين لمعالجة جذرية لمشكلات المياه الأولى قصيرة الاجل تنتهى فى أبريل القادم وطويلة الأجل تنتهى خلال عامين .
جاء ذلك خلال لقائه اليوم قيادات محلية جبل أولياء بحضور مجاهد الطيب العباسي معتمد جبل أولياء كما أعلن الوالي عن لقاء جامع لكل المحليات للنظر فى موضوع نقل ومعالجة النفايات مع كافة الجهات المختصة .
الى ذلك إستعرض معتمد محلية جبل أولياء تقرير اداء محليته خلال الفترة الماضية والموقف العام للخدمات الاساسية والتطور الذى حدث والاحتياجات المطلوبة لخدمات التعليم والصحة والمياه والتخطيط والصرف الصحي ، وفيما يلى الانتاج أوضح المعتمد أن المحلية توجد بها (90) ألف فدان صالحة للزراعة وتضم (17) شركة كبرى لانتاج الدواجن بالاضافة الى مشروع سندس ومشروع سوبا غرب ومشروع أم أرضة ومن أبرز التحديات التى تواجه المحلية المعالجات المتعلقة باللاجئين من دولة الجنوب بسبب الحرب وقال المعتمد إن التحديات كذلك إكمال التخطيط بالمحلية .
الى ذلك دعا والي الخرطوم الى الخروج من الحلول التقليدية لقضايا الخدمات وإبتكار حلول اكثر فاعلية لقضايا الخدمات مؤكداً دعمه لاي مبادرة ذات جدوى يمكن أن تحقق فائدة للناس .
جاء ذلك خلال لقائه اليوم قيادات محلية كرري بحضور الصادق محمد حسن معتمد كرري الذى تناول أبرز أوجه الاداء فى الفترة الماضية والتحديات التى تواجه المحلية أبرزها زيادة مراكز الشرطة وبسط الامن الشامل لتغطية التمدد الواسع فى المحلية التى شهدت فى الفترة الأخيرة اكبر عمليات إعادة توطين من كافة أرجاء الولاية فى مناطق الفتح وإمتدادات السكن الشعبي والتى تحتاج الى خدمات إضافية فى مجال التعليم والصحة والمياه والكهرباء بالاضافة الى حسم النزاعات حول الاراضي وإنشاء محطة وسيطة لضغط النفايات وزيادة عدد الآليات العاملة فى مجال النظافة .






تعليقات 12 | إهداء 0 | زيارات 5887

التعليقات
#1291599 [عبد المنطلب]
0.00/5 (0 صوت)

06-24-2015 04:47 AM
اللة كريم


#1291504 [badraldin mm]
0.00/5 (0 صوت)

06-23-2015 10:55 PM
المشكة ببساطة شديدة انو عندك 8 مليون فرد محتاجين للمياه الفرد الواحد بستهلك 200 لتر فى اليوم يعني انت محتاج الى محطات تنتج 8مليون *200 لتر فى اليوم ..مجطاتك الموجودة فى الخرطوم وام درمان وبخرى كلها كدة لا تكفى 30% من المطلوب ..طيب حا تجيب قروش من وين؟ بالمناسبة مشاريع المياه مشاريع خدمات ما مشاريع ربحية..بتقدمها الدول المحترمة لمواطنيها...المهم انشاء محطات+شبكة لنقل المياه تحتاج الى قروش كتيرة وفى العادة لمن تكون الدولة محترمة المجتمع الدولى بقوم بدعم هذه المشاريع (المنارة)كمنح او بقروط ميسرة..يعني الموضوع محتاج الى اشخاص لهم المقدرة على الاتضال بالعالم الخارجى وما اكونو مهددين بالقبض عليهم اذا سافرو برة...وبعدين الموضوع محتاج لطاقم هندس كفو مالى مركزو موش ناس عينهوهم عشات ولاهم الحزبي (ديل ممكن اشتغلو سياسة ) وبعدين لازم يكون المسؤول الكبير بفهم فى الشغل دة غشات افهم الخطط والبرامج ..يعنى انت بتفهم العسكرية لكن الموضوع هنا غكس العسكرية تماما


#1291434 [العبيدى]
0.00/5 (0 صوت)

06-23-2015 07:09 PM
الله يستر من الفيضانات والسيول ، علي رأي المثل "جاء يكحلها عماها"


#1291320 [adil a omer]
0.00/5 (0 صوت)

06-23-2015 02:02 PM
استيراد براميل بلاستيك من الصين وركشات دبل كابينه من الهند لترحيل المياه

دى مش خطه يا متعلمين يا بتوع المدارس


#1291191 [مفيش فايده]
0.00/5 (0 صوت)

06-23-2015 11:34 AM
اصبرو وصابرو. الخطة. ا فقط17. سنه والخطه ب 170 سنه. عيش يا حمار


#1291119 [kola]
5.00/5 (1 صوت)

06-23-2015 09:46 AM
الخطة الاولي:استيراد حمير لنقل المياه للبيوت في براميل معقمة بالجبكسين

الخطة الثانية: توزيع جركانات فاضية لكل البيوت لجلب المياه من النيل


#1291115 [بدونيع]
5.00/5 (1 صوت)

06-23-2015 09:36 AM
الله حلا الجيش منك باقي ليهم الهطله الاسمه الركابي علبه كبري ولبسوها كاكي


#1291041 [الدابى]
5.00/5 (1 صوت)

06-23-2015 07:35 AM
خطط بعيدةالنظر للامداد بالمياه ....موت ياحمار.


#1290945 [لحظة لو سمحت]
5.00/5 (1 صوت)

06-23-2015 12:23 AM
لو كنت واليا للخرطوم طبعا لا اقصد مثل هذا الخبل لاحلت للصالح العام طبعا مع االمحاسبة كل موظف عمل بالولاية دون فرز و الباقي تموهو انتم


#1290921 [Lila Farah]
2.00/5 (1 صوت)

06-22-2015 11:14 PM
ماتخليهم 3 بدل 2 ياعبدالرحيم؟


#1290884 [ابو جاكومه]
5.00/5 (1 صوت)

06-22-2015 09:47 PM
الخطه الاولى قطع راس عبدالرحمن الخضرالوالي السابق
الخطه الثانيه قطع راس عبدالرحيم محمد حسين الوالي الحالي
انتوا ليكم 26سنه وولاية الخرطوم بين نيلين وكل سنه نحن بغرغ من المويه الجايه بالواطاه ومن المويه الجايه من السماء وبرضوا عطشتونا انتوا عاوزين مننا شنو كلاب.


#1290831 [د..الزهجان]
5.00/5 (2 صوت)

06-22-2015 06:47 PM
اولا رمضان مبارك عليكم .. ال الراكوبة..

وين الخطة التانية الاولي عرفناها بالنظر ..


ردود على د..الزهجان
European Union [جنو منو] 06-23-2015 08:02 AM
وهذه ايضا بالنظر ..يعنى كيف .أى زول عطشان يمشى بمحاذاة شواطىء النيل وينظر
الى الماء بتمعن بنية الشراب ..حتى يرتد اليه بصرة وبذلك يكون قد روى عطشه
والناس الماعندهم نيل ينظروا الى السماء فانها سوف تمطر عليهم مدرارا ..!!

[احدي] 06-23-2015 02:31 AM
اللمبي انتا مجالك العسكري مانجحتا فيو داير تعمل لينا انك حتنجح في المنصب السياسي ده الشلتو مجامله وقوة عين انا لو في محلك وعندك كرامه كان تكعد. في البيت تتم باقي هابلتك دي انتاًماحتحل اي حاجه ولا حتعمل اي حاجه ولو الشعب راجيك على الدنيا السلام يابالنظر ياخ خلاص كفاك مناصب مجامله



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة