الأخبار
أخبار إقليمية
وزير الدولة بالثروة الحيوانية: هل يعقل أن يصل سعر العجورة (٨) جنيهات؟
وزير الدولة بالثروة الحيوانية: هل يعقل أن يصل سعر العجورة (٨) جنيهات؟


اعتبر عدم تنفيذ قرارات الرئيس ضياعاً لهيبة الدولة
06-24-2015 11:22 AM
البرلمان: سارة تاج السر
استنكر وزير الدولة بوزارة الثروة الحيوانية والسمكية، جعفر محمد عبد الله، الارتفاع الذي وصفه بالجنوني لأسعار السلع خلال شهر رمضان، وتساءل: (هل يعقل أن يصل سعر العجورة ٨ جنيهات؟).
وأقر وزير الدولة في جلسة البرلمان أمس المخصصة للتداول حول خطاب رئيس الجمهورية المشير عمر البشير في الجلسة الافتتاحية للهيئة التشريعية القومية، بتفاقم معاناة المواطنين يوماً بعد يوم في الأكل والشرب، وتصاعدها بقطع التيار الكهربائي وأزمة انقطاع المياه من مناطق على ضفاف النيل.
وانتقد وزير الدولة بوزارة الثروة الحيوانية والسمكية، عدم تنفيذ قرارات وتوجيهات رئيس الجمهورية، واعتبر في ذلك ضياعاً لهيبة الدولة وطعناً في مصداقيتها، واستدل بقرار الرئيس بإعفاء المدخلات الزراعية من الرسوم، وقال: (إنه لأمر محزن ألا تجد تلك القرارات طريقها للتنفيذ)، وشدد على أهمية الالتزام بتنفيذ تلك القرارات وإنزالها على أرض الواقع.

الجريدة


تعليقات 14 | إهداء 0 | زيارات 3985

التعليقات
#1292587 [saif]
0.00/5 (0 صوت)

06-25-2015 01:13 PM
هاهاهاهاى ام رقيقة بى كسرة رهيفة اهو دة اكلكم ؟؟ تاكلكم من ............شعب متخلف هاك البوش دة


#1292572 [صبور]
0.00/5 (0 صوت)

06-25-2015 12:45 PM
أسال نفسك بينك وبينا عجور ايه وهباب ايه شوف اللحمة يعني خلاص اللحمة رخيضة70الف جنيه والا زي مابقول المثل الجمل ما بشوف عوجة رقبتو


#1292224 [جنوبي]
5.00/5 (2 صوت)

06-24-2015 11:04 PM
وهل يعقل ان يكون سعر الحمل باكثر من مليون وكيلو السمك بي 40 و 50 جنيه !!!؟
عجورة يحشروها ليك في ( خشمك ) ان شاء الله !! خلي الخضار شوف شغلك في الخرفان والسمك


#1292177 [موسي]
5.00/5 (2 صوت)

06-24-2015 10:08 PM
أسال العنبة الرامية في بيتنا... لو سمعت بالاغنية ده


#1292158 [العبيدى]
5.00/5 (2 صوت)

06-24-2015 09:34 PM
"وتساءل: (هل يعقل أن يصل سعر العجورة ٨ جنيهات؟)."
السؤال ده أسأله في اجتماعات مجلس الوزراء يا وزير السجم، مافي الجرائد والإعلام.


#1292079 [زول]
4.50/5 (4 صوت)

06-24-2015 06:01 PM
انا ماعارف المسئولين ديل بيسألوا منو بعبارة هل يعقل ؟ اسألوا انفسكم


#1291982 [تاج السرعبداللطيف عثمان]
5.00/5 (1 صوت)

06-24-2015 03:12 PM
كويس جداً الكلام دا من سيادة الوزير ياريت يورينا إذا البلد فيها
سمك الأيام دى مع إرتفاع أسعار اللحوم بيضاءءءوحمراءءءءءءءءءءءءء
العجور خلوبالله ياسيادتك ( أتينا ألمى ) (أدينا موية )
ورونا عرض أكتافكم ويارب فى الشهر الكريم دا تخسف بيهم الأرض آآآميين


#1291942 [dulaldaleib]
5.00/5 (1 صوت)

06-24-2015 02:28 PM
الما عاجبو يخرج من الخرتوم ويرجع البلد مالو ومال عجورة ولا تبشة


#1291926 [adil a omer]
5.00/5 (1 صوت)

06-24-2015 02:16 PM
وزير الدولة بالثروة الحيوانية: هل يعقل أن يصل سعر العجورة 8 جنيهات؟

البركه فى الهوت دوق

اعتبر عدم تنفيذ قرارات الرئيس ضياعاً لهيبة الدولة

معليش هو بيقصد خيبة الدوله

دايما يخونهم التعبير


#1291894 [جنو منو]
5.00/5 (2 صوت)

06-24-2015 01:46 PM
كدى انت جارى للعجور مالك .. كدى ورينا اللحمه والسمك عملت لينا فيهم شنو ..!!
عالم عجيبه كيلو اللحمه ب70 ج والسمك 50ج ووزير الثروه الحيوانيه والسمكيه يقول
ليك ليه العجوره ب 8 ج الناس دى دايره تزيدنا جن .. وسخ ..!!


#1291834 [sudan in my heart]
4.50/5 (4 صوت)

06-24-2015 12:50 PM
ياخي دا شعب يستاهل يدوسوهو نائم علي الخط شوف المصريين اسقطو حكومتين واودعو ريئسين السجون والليبيبن الذين كانو يعانون من اكبر طاغيه اسقطوه اطلعو بره الشوارع وازيلو هذا الكابوس من علي وجه الارض وانتهي الامر


#1291819 [ود الشبارقة]
3.00/5 (4 صوت)

06-24-2015 12:37 PM
العجور رمز تخلف المستهلك السوداني .. العجورة والاسود هما نباتات لا فائدة منهما بل ضررهما اكيد ... لماذا لا نزرع الخيار وبه فوائد عديدة وياكله اولاد بمبه صباح ومساء ..لما علم من فوائده الكثيرة اما السوداني فهذا ما وجد عليه اباءه وهلم اثارهم سائرون لا تغيير في النمط الغذائي المتخلف .. لا في داخل المطبخ ولا على مستوى المكون الغذائي انه شعب الف القديم ولا يريد ان يفارقه انه شعب تقليدي موغل في القدم لا يرجى منه تقدما ولا تطورا ... انه شعب اكاد اجزم انه سوف ياتي يوم ونصنف في اخر الركب في كل مجال مادام هذه حال هذا الجيل ... نريدا جيلا يزيل الغبار ويكشف لنا مدة تخلفنا وانجطاطنا ويعمل على تعديل المسار .


ردود على ود الشبارقة
[تفتيحة لمن فضيحة] 06-24-2015 05:10 PM
وبالله لو سمحت يافردة ادينا رايك في التبش !!

[أب راسن غليد] 06-24-2015 02:34 PM
"العجورة والاسود هما نباتات لا فائدة منهما بل ضررهما اكيد"؟ ياراااااااجل! .. أول مرة أعرف انو في خضار ضررو اكيد ... يا اخوي خليك في شبارقتك دي و اقرش في العجور مافيهو اي مشكلة زيه زي الخيار بتاع اولاد بمبه .. و آل ايه "نريدا جيلا يزيل الغبار ويكشف لنا مدة تخلفنا وانحطاطنا ويعمل على تعديل المسار"


#1291792 [ود المهدي]
5.00/5 (2 صوت)

06-24-2015 12:12 PM
لانو دي بلد فاكة ولا لها حكومة ولا قانون بها .

دي بلد ما عندها رئيس مسئول ولا حكومة شغالة بهموم المواطن كل في همه الاسم

اسم حكومة لكن لا وجود للحكم على الارض .


اللهم اصرف البشير وحكومته عن السودان ببركة هذا الشهر الكريم اللهم عليك

بهم اللهم اصرفهم عن حكم السودان من الليلة لباكر.



هؤلاء هلكوا العباد. اللهم اهلكهم واصرف عن اهل السودان .

والله الواحد اشك انهم اولاد حلال استفغر الله لانو الشيء البعملوا فيه دا ما بعملوه اولاد حلال ابدا.


#1291769 [كبس الموز التحت السرير]
4.50/5 (3 صوت)

06-24-2015 11:45 AM
والله حرام على المهازل التى تمر على الشعب السودانى! بلد زراعيه اراضى حدادى مياه ياجماعه العجوره دى لو جبناها من الصين سعرها نصف المبلغ ده . لكن ده كلو الجشع والطمع والنفوس اصبحت سيئه . حمى اللع الشعب السودانى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة