الأخبار
أخبار السودان
الحلقة الحادية عشر من أغاني وأغاني أخذت من أناقة الكابلي وبهائه فكانت الأروع
الحلقة الحادية عشر من أغاني وأغاني أخذت من أناقة الكابلي وبهائه فكانت الأروع


انصاف فتحي وحسين الصادق تألقا كثيراً
06-29-2015 12:33 PM
لم يعد برنامج أغاني وأغاني يلقَ ذات الاهتمام والشعبية التي كان عليها في بداياته، وتعددت الأسباب في ذلك، ولكن بالنسبة للبعض فمازالو يجدون في أحيان كثيرة لحظات رائعة بالبرنامج.
من هذه اللحظات الجميلة الرائعة الحلقة الحادية عشر، التي وثقت لبعض أغنيات الشاعر الفنان عبدالكريم الكابلي (نسأل الله أن يمتعه الله بالصحة والعافية) ، وقد أجادت أنصاف في أداء أغنية (كل يوم معانا) التي كتبها الكابلي في شقيقته.. وأدى مصطفى السني أغنية أسيا، وطه سليمان أغنية ضنين الوعد.. أما الفنان الشاب حسين الصادق فقد أبدع كثيراً في أغنية (حبك للناس)


الحلقة جديرة بالمشاهدة ويمكن متابعتها بالضغط هنا







تعليقات 23 | إهداء 0 | زيارات 5549

التعليقات
#1295540 [البطل النميري]
0.00/5 (0 صوت)

06-30-2015 02:12 PM
بصراحة كل إنسان عنده وجهة نظر، أنا شخصياً مُعجب بصوت مكارم بشير وحسين الصادق وإنصاف فتحي، إقتراحي للسيد السر قدور في المستقبل إذا ربنا مدّ في أيامه وومُصر على هذا البرنامج الرمضاني ، أن يكون الحلقات يوم للبنات ويوم للأولاد، وشكراً لإبعاده فرفور والفحيل وأفراح وريماز ، ويا ريت يكمل جميله بإبعاد طه سليمان والبنت الصغيرة ومصطفى السني ويرجع لينا نسرين الهندي ..


#1295524 [بشار]
0.00/5 (0 صوت)

06-30-2015 01:44 PM
كنت ابحث عن طريقه اوصل بها ملاحظاتي اولا مصطفي السني صوتو رايح في جميع الاغاني الغناها هو احسن يغني لابو داوؤد ويقيف لحد هنا يعني يغني اغاني الفنانين الغنو في الباص لاكن يغني للمرحوم سيد خيفهوالكابلى فيهو ظلم للمستمعين لاكن انصاف فتحي مبدعه تجتهد كثيرا لاعاده الالق للاغنية التي تؤديها وايضا مين عربي برضها بتغني الاغنية البتقدر تغنيها وعصام طبعا هو اساس وبت كسلا كمان جيده جدا بس صوتها صارغ شويه لكن بتحاول تجملو بالحليات مرات اما البقيه فهو فنانين حفلات ساكت عموما البرنامج اصابتو الدعوات واصبح ما مهضوم ولايشد المشاهد


#1295409 [احمد عبدالله]
0.00/5 (0 صوت)

06-30-2015 11:54 AM
اي ابداع ... لقو شوهوا جميعا بدون استثناء اغنيات الكابلي ونصبوا لها مجزرة ...لا يغني اغاني الكابلي الا الكابلي وكفى ...


#1295289 [emad]
0.00/5 (0 صوت)

06-30-2015 09:05 AM
سكر ..سكر

ساحر لواو اسمر كل الشافو انكر
غيرو يكون في سكر ..سكر
وحات عينا سكر واكتر
واحلى نغم في منظر
اول مرة يظهر في اعماقنا فجر
الوان من محاسنو ظلال نغم في منظر
وفي واحات عيونو رقيق اشوقنا فسر
آمالنا في خطاهو لامن جانا يخطر
والخلانا نسهر لونو العاجبو اسمر
اما وسط عيونو وحاتك عسل تقطر
يوم لرمشوا شهر لو ما الله قدر
كان من خطو نعتر ونقول ياريتو كتر
وكل الشافو انكر غيرو يكون في سكر
همسه لكل شاعر في محبوبنا سطر
ايات من بيانو من فنو المعبر
يارب القوافي يا الفنك مقدر
زيد اوصاف حبيبي قول خلينا نسكر
من حولو اجتمعنا وبيهو ربيعنا ازهر
من حسنو وحلاوتو طريقنا الخالي نور
نشتاق لو يسالم او ليوم تنكر
يكون ده دليل وظاهر مره ببالو نخطر
خلى الدنيا انضر طعم الدنيا سكر
سكر ..سكر


#1295287 [emad]
0.00/5 (0 صوت)

06-30-2015 09:02 AM
ياخي الكابلي ده كان خامينا ساكت والان افتضحت ركيك كلمات اغلب اغنياته
بالله استمعوا لكلمات اغنية سكر سكر التي تغني بها طه الضرس في حلقة أمس
شئ مخجل حقيقي


ردود على emad
European Union [Ema] 06-30-2015 04:13 PM
سكر فيها شنو كلام جميل موزون ومقفى
ولا وجعتكوقول خلينا نسكر
السكر هنا ما بى عرقى


#1295264 [الحالم]
0.00/5 (0 صوت)

06-30-2015 08:12 AM
انصاف فتحي من اكثر الفنانات السودانيات الق وتوهج وشجن وحسين الصادق ذالك الصوت الرخيم تمنياتي لهم بالتوفيق واذا كان هناك ما يعيب البرنامج فهو في الشهر الفضيل


#1295247 [بدونيع]
0.00/5 (0 صوت)

06-30-2015 07:50 AM
والله اناشايف الناس ديل قبلو علي شكرك ياكابلي مع اني شايف انه بدري لسه عليكوالمثل بقول الله ما يجيب يوم شكرك ياكابلي قول للناس دي [مالسه الزمن بدري]مع تمنياتنا لك بطول العمر


#1295241 [B.MALIK]
5.00/5 (1 صوت)

06-30-2015 07:39 AM
ود البنا خرمجت اغنية كابلى غنى حقيبة بس بتكون اروع و ما تهبل نفسك ...و خليك من كلمة هايل هايل بتاعة السر غدور و الله ولا هايل و لا حاجة


#1295220 [زنجبيل]
0.00/5 (0 صوت)

06-30-2015 06:24 AM
كل واحد يشوف علي حسب الذوق والنظر , ما تراه جميلا يراه غيرك قبيحا


#1295161 [Mat too]
5.00/5 (1 صوت)

06-30-2015 01:29 AM
ياروعه الحبيب الكابلي يا ماضي وحاضر يا فن وادب يا أستاذ ومعلم يا فلته ومعجزه لا تتكرر الا بعد قرون حفظك الله يا عالم و وعلم


#1295097 [[email protected]]
0.00/5 (0 صوت)

06-29-2015 10:43 PM
أنا متابعه الحلقات من أمريكا ، كل يوم ودي ما قلت امبارح واليوم إلانا حضرت الحلقتين كاملتين واستمتعت، فيزالحلفلت الفاتت منت بعمل فوروررد ، رمضان احلي في السودان


#1295032 [Ema]
5.00/5 (1 صوت)

06-29-2015 07:59 PM
ليه قدور تجاهل الكابلى كل هذا الوقت
ليييه
حلقة باهتة وأداء متواضع لا يرقى لمستوى كابلى وغناؤه


#1295028 [ركابي]
5.00/5 (2 صوت)

06-29-2015 07:53 PM
مع كامل احترامي لكل الاراء والاذواق لكن شتان مابين الفنان والمؤدي والمردد


#1294972 [شاويش]
0.00/5 (0 صوت)

06-29-2015 04:15 PM
الحلقة ال11 جقيقة كانت مميزة باداء طه سليمان لاغنية ضنين الوعد للاستاذ صديق مدثر. ولا شك ان انصاف فتجي وحسن الصادق زادا الحلقة القا الا ان الفرقة الموسيقية ساهمت كثيرا في هذا الاداء المتميز.الشئ الذي يؤخذ على البرنامج الروتين القاتل والذي اصبح مملا للكثيرين فالتجديد مهم للوجوه وللاغاني. كنا نتمنى ان يقوم البرنامج بزيارات ميدانية لبعض الرموز الفنية من مطربين وملحنين وشعراء والذين ساهموا في اثراء الساحة الفنية


#1294963 [موسى]
5.00/5 (2 صوت)

06-29-2015 03:53 PM
رمضان شهر عبادة صيام وقيام وليس شهر أغاني وألحان ... فلماذا يقدم هذا البرنامج في شهر رمضان ؟؟؟
{شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ }البقرة185


#1294943 [ود ميدوب]
5.00/5 (1 صوت)

06-29-2015 03:00 PM
أنصاف فتحى تستحق كل التقدير والاحترام وكذلك حسين الصادق
ولكن فى هذه الحلقة الخاصة باغنيات الاستاذالكابلى كان طه سليمان الاكثر تالفا.
اما فى هذا الموسم فان الفرقة الموسبقية هى الاكثر انسجاما وتالقاعلى الاطلاق.


#1294932 [حب الناس الاهل الوطن]
5.00/5 (1 صوت)

06-29-2015 02:54 PM
انا لست من الشباب لكن حسين الصادق ابدع ابداع غير عادى فى حب الناس فى زمن ضاع فيه حب الناس خلانى احبك تانى


#1294915 [الرشيد]
5.00/5 (1 صوت)

06-29-2015 02:26 PM
هذا مجرد استباق لما سيقدم من نقد علمي لهذا البرنامج خصوصا في هذا الموسم وربما لهذه الحلقة بالذات 000 و وصيتي لمصطفى السني ان ينفض يده عن ترهات السر قدور 000 يا ممطفى انت اكبر و افضل من كل هؤلاء 000


#1294909 [Alrikaby]
5.00/5 (1 صوت)

06-29-2015 02:18 PM
والله اخر الزمان ناس طه سليمان الخنشوووور يعني ضنين الوعد بالله في مهزله اكبر من كده ناقص الخنشور الاسمه شريف اليخيل يغتي الجندول


ردود على Alrikaby
[حبوبه الدر] 06-29-2015 11:23 PM
صدقت ياولدي والله شريف دا غير لونو وطه دا غير سبيبة شعروا يعني فردواا والله مهذله عجيبه .فن شنو وغنا شنو؟


#1294902 [دقش القش]
5.00/5 (1 صوت)

06-29-2015 02:05 PM
نعم بدون مجاملة لقد ابدعت الفنانة انصاف واجادت وكذا حسين الصادق لهم الشكر والتقدير


ردود على دقش القش
European Union [الساقية] 06-30-2015 01:05 AM
والله والله والله حسين الصادق بتاعكم لا فنان و شاف الفن هذا البني ادم بيشوه اى اغنية بيغنيها و الله المفروض الكابلي يرفع قضية ضد القناة


#1294887 [ديامي]
4.88/5 (4 صوت)

06-29-2015 01:49 PM
بعد ان كنت من المعجبين ببرنامج اغاني واغاني .. اصبح البرنامج يصيبني بالقرف واحساس التخمة والملل .. نفس الوجوه نفس العبط نفس الفراغ ملللللللللللللل . النعمة الوحيده هذة السنة انو الاهبل فرفور ما موجود .


#1294854 [badr]
3.00/5 (1 صوت)

06-29-2015 01:09 PM
طه سليمان هو الابدع اكثر من انصاف وحسين حقيقة


#1294833 [جنو منو]
5.00/5 (1 صوت)

06-29-2015 12:44 PM
والله فعلا لقد ابدعت أنصاف فتحى ايما أبداع .. انها تستحق كل التقدير والاحترام
هذه المهندسه من مبدعات بلادى .. أرجو من الشعراء والملحنين الاهتمام بها انها
موهبه فذه يقل العثور عليها فى الزمن الكعب ده.. كما أنها التزمت بالغناء الجاد
والجميل وأيضا طه سليمان والشاب المبدع جدا حسين الصادق .. لقد قلتم الحق يأهل
الراكوبه لكم الشكر والتحيه وما قصرتوا..



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة