الأخبار
أخبار إقليمية
البشير: «نتحدى أي زول يقول في مسؤول أخد عمولة» .. لا وجود لفساد رأسي أو فساد ممنهج،
البشير: «نتحدى أي زول يقول في مسؤول أخد عمولة» .. لا وجود لفساد رأسي أو فساد ممنهج،
 البشير: «نتحدى أي زول يقول في مسؤول أخد عمولة» .. لا وجود لفساد رأسي أو فساد ممنهج،


«البعض يقول ليك خلي ناس الإنقاذ يرجعونا محل قالوا أنقذونا».
07-02-2015 03:03 PM
الخرطوم: أسامه عبد الماجد :

أدار رئيس المؤتمر الوطني، رئيس الجمهورية المشير عمر البشير لقاءً مغلقاً وساخناً استمر زهاء الساعتين مع نحو (650) شاباً وشابة من قيادات المؤتمر الوطني من جميع أنحاء البلاد بينهم (184) شاباً يمثلون رؤساء الحزب بمحليات البلاد البالغة (188) محلية. وأجاب الرئيس في اللقاء المغلق مساء أمس الأول والذي جاء على هامش الملتقى الشبابي لأمناء شباب الوطني بشفافيه على الأسئلة التي طرحها الشباب دون تحفط من ضمنها مطالبتهم للبشير بالاهتمام بمعاش الناس واستفسروه عن ما يثار عن الفساد وقضايا التعليم وملف الصحة وعمل السودانيات بالخارج.

في الوقت الذي دافع البشير عن تجربه الإنقاذ وقال «البعض يقول ليك خلي ناس الإنقاذ يرجعونا محل قالوا أنقذونا». وشدد على تغير الحال بالتوسع في التعليم واستخراج النفط وزيادة ميزانية الدولة، وأعلن عن نفير جودة التعليم وسمى العام المقبل عام السلام وذلك بحسم التمرد بالتي هي أحسن أو أخشن»، وقطع بعدم وجود فساد رأسي أو فساد ممنهج، واستدل بعدد الطرق والمشروعات الضخمة التي تم إنشاؤها، وأضاف «أتحدى أي زول يقول في مسؤول أخد عمولة»، وأشار إلى وقوع ما أسماها بالأخطاء المالية التي يمارسها البعض، وكشف الرئيس عن إنزاله لموجهات صارمة لولاة الولايات بتشكيل حكومات تنزل للمواطن وتعيش معه وتعبر عن قضاياه، ودعا شباب حزبه بالرجوع إلى الأحياء، وقال «ما تكون كل اهتماماتكم سياسية وفيها تطلع للمناصب»، وأشار إلى الدور الكبير الذي يمكن أن يقوم به الشباب في فك الحصار علي البلاد بإعمال الانتاج، وزاد «الشباب هم المرهم الذي نداوي به الجروح». وكان أمين الشباب بالوطني بله يوسف حث الشباب على إدارة حوار مباشر مع الرئيس، وقال إن الشباب لهم دور كبير في تنزيل وثيقة الإصلاح.

آخر لحظة


تعليقات 48 | إهداء 0 | زيارات 15777

التعليقات
#1297450 [ود الفاضل]
1.00/5 (1 صوت)

07-04-2015 12:52 AM
قبل اربع سنوات صرح فى مجلس الوزراء بان الفساد اصبح مصلح
وسماه النهب المصلح .. وهذه العبارة سمعها اكثر اهل السودان . الزول دا للاسف لما يشوف ليه لمه من الناس بتكلم خارج عقله ولا يتذكر اي كلام قالوا من قبل . قالت العرب . لسان الاحمق قدام عقله .. قال اتحدى اي زول يقول فى وزير اخذ عموله هو فى حرامي بترك اثر الا اذا كان عبيط ... يكفي فقط القصور والفلل والجخ العايشين فيه الجماعة الكانوا كتاحة وغباشة لعهد قريب جدا .. هذه الرفاهية الخاصة بناس الوطني هي اكبر دليل على نهب البلاد .. ولكن ياجنابه انت فى غيبوبة سياسية واجتماعية واقتصادية منذ ربع قرن لانك مامصدق الانت فيه . زول كان فى حوش بانقا واصبح اليوم ملك فى كافوري كيف يصدق انه فى نهب وخراب ديار فى السودان ..
الدكتور التجاني عبدالقادر احد كوادر الجبهة الاسلامية ( طلق الجماعة ) فى مذكراته التي نشرتها الصحافة . ذكر بانهم فى السبعينات كانوا مطاردين من ناس امن نميري وكل ناس التنظيم لايمكلون منزلا بالخرطوم . حتى الترابي نفسه كان يسكن فى منزل اخيه عبدالله الترابي فى المنشية وهي كانت حي موحش الوصول اليه صعب (مهندس كان مغترب بالسعودية). هذه شهادة احد كبار كوادر التنظيم واليوم كل من انتسب لهم اصبح يملك منزلا بالمليارات .من اين ياجنابو (حيرتونا )


#1297408 [خالد حسن]
1.00/5 (1 صوت)

07-03-2015 09:39 PM
حتي في رمضان لاتريد ان تعفي اذاننا عن سماع كذب ايها المذاب الأشر
وين لجنة ابو قناية ياكضاب ولو مافي فساد ليه شكلة لجنة لممحاربة الفساد؟
الفساد حايم في بيتكم يامقطعين يامستجدي النعمه
اللهم اللعن البشير واهله لعنا كبيرا
اللهم اللعن الاخوان ومن شايعهم لعنا كبيرا
اللهم ببركة هذا الشهر ارنا في كل اخواني مؤتمر وطني او متحالف معهم عجائب قدرتك وافضحهم في اهلهم واصبهم من بأسقام ما لاشفاء له
اللهم إن الاخوان واحالافهم قتلونا وعذبونا وشردونا ودمروا بلادنا ونهبوا اموالنا فارنا فيهم عجائب قدرتك فإنهم لايعجزونك


#1297383 [ابن السودان البار]
1.00/5 (1 صوت)

07-03-2015 07:59 PM
هنالك مثل يقول إذا أردت أن تعرف من الذي اعتدي علي حقلك فامسك المنتفخة كرشه ؟؟؟ فيا كبير اللصوص شوف صورتك وصور عصابتك من ورا وقدام قبل ما تسرق كرسي الحكم وشوف التمدد الأفقي والراسي للمؤخرة والكرش الذي حدث ؟؟؟ ما في لص بيقول علي نفسه لص ؟؟؟


#1297349 [MG]
3.88/5 (4 صوت)

07-03-2015 06:15 PM
وهو الفساد عمولات وبس. والبياخد عمولة بيقول انا اخدت عمولة او ليعلنها في التلفزيون
يا ريس عملتها شينة بالحيل. الفساد مكتوب بالخط العريض. اسالوا كل الانقاذيين كيف اغتنيتوا وبحبحتوا كدا. جئتوا الخرطوم بي شنطة صفيح وشبشب سفنجة. من اين لكم كل او حتي بعض هذا
احسن اصدق معانا ولو مرة ودق صدرك وحاكم ولو مسوؤل واحد عشان تكفوا العين


#1297321 [ابوعديلة المندهش]
0.00/5 (0 صوت)

07-03-2015 04:57 PM
شكرا يا ريس لقد رفهت عننا وسليت لينا صيامنابأداءك الكوميدى.


#1297310 [ســـــارى الـلــيـــل]
0.00/5 (0 صوت)

07-03-2015 04:41 PM
الفساد حاصل و الصغير قبل الكبير عارف و فايته اضانه ؟
نحن عايزين نرجع الى قبل 89 يعنى محل ما لقيتنا رجعنا و دا بجد مطلبنا نحن ما انتوا خليكم فى محلكم الوصلوتو ليه يعنى ما تخاف ما حا نرجعك لبيت ابوك و ترجع حليمه لسيرته القديمه و تلقى فاطنه خالد ديب سنتر فرود و تلعب معاك لعبة الغشاش و مره باك مره جناح ؟
ما تخاف من الماضى البائس و حالتكم الصعبه التى تستدعى استنفار عام من كل دول اعالم واعلن ال البيت فى كارثة محتاجين اغاثة و حيام ومياه صالحه للشرب و ادوبة منقذه للحياة و نناشد كل دول العالم لمد يد العون و تقديم الجعم العينى و المادى
لال البيت ؟؟
تتحدى منو يا سروال بدون تكه انت خليك فى علبك و بعدين لما نبقى على لجد اركز و سردب ليها امانه ما الراجيك كتير و قول يا لطيف من ناس العود و الصبر المدود و دا غير اهلنا فى الجبال و دار فور و كردفان و النيل الازرق و شهداء رمضان و سبتمبر و كجبار و ديل بس كفايه عليك شوف كم اثم ارتكبته فى حياتك دى و كان جينا للفساد أمره هين ترجع الاموال و ارباحه و العقارات و دا حسب فهمكم نسميه تحلل اصغر و اما الدماء لو دفعته كل اموال الدنيا لا تسوى شىء الا القصاص كما جاء فى كتابه العزيز ؟
خلينا من الدعايه المجانيه و طولنا عليك حبل الصبر و دا ما عيب فينا و لا جبن لكن بنمد ليك و انت ارتكب من الاثام و كثر منها الايام دى كضب ساكت انتا رايح فيها خاى الافعال ؟


#1297309 [رانيا]
0.00/5 (0 صوت)

07-03-2015 04:35 PM
يا جماعة مافي واحد ابن حلال قال للزول ده انه كذاب وانه الكذب حرام وانه الدنيا رمضان وانه الله في وعالم بالحال ويمهل ولا يهمل ...
يعني غير الكذب واحد يقول ليهو انه ممل بشكل فظيع فاقلاه يغير من خطابه السياسي .


#1297294 [adil a omer]
0.00/5 (0 صوت)

07-03-2015 03:55 PM
انتو تبروا يا يابا من الفساد فاسدين نحنا ديل الخليناكم تسرحوا بينا 25 سنه


#1297270 [إبن السودان البار ******]
4.25/5 (3 صوت)

07-03-2015 02:49 PM
يا سادة إنتوا بتضيعوا في وقتكم وترهقوا أعصابكم فالعسكري الفاسد دا قالها عديل نحن أخذنا السودان دا كله بقوة السلاح ونعمل فيه زي ما عايزين والراجل وولد رجال يجي يأخدو مننا ؟؟؟ فإن ما بتقدروا خلوها مستورة ؟؟؟


#1297260 [ودكوش]
3.75/5 (4 صوت)

07-03-2015 02:22 PM
طيب يا ريس يا حمار ما تطبق قانون من اين لك هذا وابتدي بنفسك واهلك الاقربين.


#1297246 [Mohamed]
2.00/5 (2 صوت)

07-03-2015 01:52 PM
الكارب
خريفو وصيفو
////////::::::::////////

إختشي يا هارب يا مسيلمة الكذاب
الحل الوحيد للخروج بالبلاد من جميع مشاكلها هو قتل عمر البشير وحسن الترابي وعلي عثمان وجميع رموز الكيزان والسجن المشدد للبقية ونفي أسرة المراغنة ومن شاكلهم إلى أقاصي الأرض
أما بِم وكيف يُحكَم السودان بعد كنس الزبالة الكيزانية من كافة أرض الوطن فلن يكون إِلَّا بالشباب والدماء الحُرة الواعية من كافة التخصصات وعودة المُهٓجّرين والفارِّين من جحيم الإنقاذ الكاذب ليسهموا
في عجلة التنمية و (الرؤية واسعة وواعدة لسودان يحكمه بنوه من جنوبه الى شماله وغربه وشرقه ووسطه بالعدل والتساوي في الْحُقُوق والواجبات لنخلق واقعاً جديدا لسودان حُر معافى من آفات الفتن والفرقة ) .


#1297228 [abushihab]
5.00/5 (2 صوت)

07-03-2015 01:16 PM
قبل اقل من شهرين وفي البرلمان اعلن الريس الهمام تكوين الية او مفوضية لمحاربة الفساد وهذا اعتراف بوجود الفساد, وقبل يومين تحدي الرئيس الشعب ان ياتيه بفاسد وهذ دليل علي تراجع الريس عن الكلام الاول وهذا ما عهدناه فيه ونحن بدورنا نتحداك أن تكون اللجنة او المفوضية لمحاربة الفساد ونحن سناتيك بالمفسدين لكنني لا اعتقد انك فاعل....


#1297226 [salama]
3.00/5 (2 صوت)

07-03-2015 01:13 PM
دايرين اخبار غير هذه ياناس الراكوبة دي مثل اخبار الحرامي يدخل بيتك ويسرقك ويضربك ويمشى المحكمةيفتح بلاغ ويحكم عليك بالسجن والغرامة يعني تموت غم وهم ساكت


#1297217 [ابوعمه]
3.00/5 (2 صوت)

07-03-2015 12:56 PM
أشياء لا تصدق كما ذكر كثير من السادة المعلقين ولم إذن مفوضية الفساد ؟ اذا لم يكن هناك فساد بعدين يا سيد الرئيس لو سالت الشباب القاعدين قدامك باي وجه حق صرفت حكومتك لبعضهم خمسين سيارة حديدة؟


#1297175 [ابومجد]
0.00/5 (0 صوت)

07-03-2015 10:40 AM
يا ناس ال 6 ملايين البيت كلموا عنها دي بيكون قروش الدية لزوجها شمس الدين الله يرحموا


#1297169 [ابومجد]
5.00/5 (2 صوت)

07-03-2015 10:22 AM
وطيب الأخطاء المالية الحصلت دي كان علاجو شنو..?


#1297123 [الحقو الوطن قبل ما يضيع]
5.00/5 (1 صوت)

07-03-2015 05:50 AM
حسبى الله ونعم الوكيل عليك يا بشه رفعت لى ضغطى وانا صائم


ردود على الحقو الوطن قبل ما يضيع
[ابراهيم] 07-03-2015 09:35 PM
انشاء الله بشه اصبح ميت عشان ضغطك انزل ياخي.


#1297115 [محمد مدني]
0.00/5 (0 صوت)

07-03-2015 05:07 AM
علي الشعب السوداني ان ياخد نفس من سجارةبكري حسن
صالح لكي يصدق البشير الكزاب


#1297102 [ياسر الزبير]
0.00/5 (0 صوت)

07-03-2015 02:54 AM
موضوع الفساد اذكم الانوف والله التعليق في مثل تلك المواضيع سذاجة وتضيع للوقت والجلد على الميت لا يضرة


#1297100 [سوداني]
5.00/5 (4 صوت)

07-03-2015 02:48 AM
كلكم على بعضكم فاسدين و سفلة وواطين و آكلين السحت


#1297068 [أحمد سكاك قطيه]
5.00/5 (1 صوت)

07-03-2015 01:02 AM
تتكلمعن الفساد ؟؟ ألم تسمع بالمستثمرين الذين طفشوا وتركوا أموالهم لانك الولاة ضايقوهم وكرهوهم في عيشتهم , كل مره عاوزين حقهم ,, شغالين سماسره ,,


#1297034 [الصادق الامين]
0.00/5 (0 صوت)

07-02-2015 11:52 PM
كلام سعادة الريس صااااااااااااااح 100%
كيف واحد يقول ودونا محل انقذتونا ؟
يعنى لى صفوف الرغيف وبدون سد مروى بدون كهرباء بدون جامعات


ردود على الصادق الامين
United States [Abu Ammar] 07-03-2015 08:14 PM
هذا الاسم الصادق الامين لا ينطبق عليك...لا صادق ولا امين... حتى بعد سد مروى اين الكهرباء واين الماء فى عاصمة البلاد الان ... اين الجامعات؟ هى التى تخرج العطالة و جامعة الدكتور مامون حميدة الذى دمر جامعة الخرطوم ووزارة الصحة تخرج المتطرفين من الدواعش و تصديرهم لحروب الجماعات الارهابية دون معرفة اسرهم... قال الصادق الامين

European Union [الجـزيــــــــــرة ابا] 07-03-2015 05:10 PM
( ها أنتم هؤلاء جادلتم عنهم في الحياة الدنيا فمن يجادل الله عنهم يوم القيامة أم من يكون عليهم وكيلا ( 109 ) النساء

European Union [abuleila] 07-03-2015 08:26 AM
يا زول اختشى....او يمكن تكون عينك قوية ومستفيد ......اولا سد مروى بنوهوا بقروض ربوية ستتحمل تسديدها الاجيال القادمة....ديون البلد اقتربت من الخمسين مليار دولار ...اما حديثك عن الجامعات فالمفروض تمسحه بسرعة اذا كنت فعلا صادقا وامينا وليس العكس


#1297025 [بجاوي]
5.00/5 (5 صوت)

07-02-2015 11:20 PM
طيب وداد اشترت بين ناس مصطفي اللامين بمبلغ ستة مليون ونص دولار جابتها من وين ده دليل واحد بس يثبت وجود فساد محمي من الرئيس الهو اصلا فاسد ومفسد


ردود على بجاوي
European Union [مغبونه] 07-04-2015 02:36 AM
ووزير الماليه السابق على محمود اشترى بيت من عصام البشير بمبلغ 2 مليون دولار من وييييين؟

وبتجظر النشر فى بعض القضايا لييييييه؟


#1297010 [كمال ابوالقاسم محمد]
4.75/5 (5 صوت)

07-02-2015 10:43 PM
يبدو إن للبشير تعريف خاص جدا للعمولة وللفساد لا ينطبق والتعريفات البدهية التى يعرفه محمد احمد وكودي وإساغة وشاش وحاجة مريم
...ياخى الفساد في بيتك وملك يمينك...الفساد ان يكون على منبر الجمعة في مسجد (ابوك)واحد إسمو عصام البشير...الفساد ان أون أنا مغترب إجباريا منذ العام 96 ولا استطيع ان أمتلك بيتا غرفتين خلف خلاف ,انا غبن الخرطوم (ديامى مأصل ومفصل)....وجماعتك يلعبون بالعقار وحور الجنان مثنى وثلاث ورباع....مسطول لا يمكن ان يجري على لسانه مثل هذا الحديث....
إذا لم يتعرف على الفساد من خلال تقارير أجهزته ننصحه بمطالعة الأسافير وقراءة المديدة حرقتنى عصمتوف السخينةالحارة والكوزالفوق الزير نجات أبوزيد مدحت عروة...وقراءة فاتحة عاجلة على قبر المرحوم الملازم غسان صاحب الستة وعشرين ربيعا...ثم المرور على قريبه وكيل وزارة العدل الواد عصام المستشار....!!!


#1297008 [fatmon]
3.82/5 (9 صوت)

07-02-2015 10:41 PM
سؤال واحد فقط من أين لأسرتك الصغيرة والكبيرة كل هذه الأموال والفارهات والعروسات ( ما حتقدر تجاوب على أي سؤال يتعلق بيهم ولا بزوجتك الفاسدة الكبيرة )
ويا سيادة الرئيس زوجتك بدون مؤهلات ولا تعمل وحتى لو بدأت تعمل بعد الزواج من أين تأتي بمبلغ ٦مليون دولار ونص لتشتري بيت المرحوم الشيخ مصطفى الأمين ويكسروا ليها كبري المسلمية عشان هي ما عايزة الناس الغبش تعاين للقصر بتاعها من فوق ، ده غير الممتلكات والذي منه وما خفي أعظم
ولا أهلها وقبيلتها ولا ولدها البقرأ في قطر ولا ولا ياخي السودان كله عارف إنك فاسد وأهلك كلهم فاسدين( وزوجتك التانية ) الفساد لافيها من فوق لتحت إلا إنت الزوج آخر من يعلم
أما العمولات والرشوات كفاية الجاز وأولاده فقط كمثال ( ١٠ مليون دولار كاش في مطار دبي) وناس كرتي مدن عديل من أين له هذا وناس مصطفى وهم مرسالك للشيعة
الرشاوي حاليا أديك آخر تقليعة خليناه خط هيثرو والبترول والحاجات الكبيرة أسال أي زول بسيط ممكن يطلع جواز إلكتروني من غير رشوة وكمان المرتشين بتفاصحوا عايزين الزيادة إنت يا رئيس الهنا نائم في العسل ما عارف الحاصل على الشعب شنو خليك في العوازيم واللقاءات والغش العايش فيه والوهم وليك يوم يمهل ولا يهمل يمهل ولا يهمل بأذن الله نشوف فيك حقنا يا ظالم


#1297006 [عادل السناري]
3.75/5 (5 صوت)

07-02-2015 10:38 PM
زوجتك الثانية ( وداد بابكر ) اشترت قصر من اسرة (البرير ) ب 6 مليون دولار
افراد عائلتك يمتلكون 132 قطعة ارض في كافوري فقط ( تم نشر تفاصيلها علي الوسائط الالكتونية )--- اسرتك استولت علي 5 فلل رئاسية -- كانت تكلفة تشيدها 28 مليون دولار -- توجد 9 مليارات دولار تخص افراد عائلتك في البنوك الاوربية ( تقارير اوكامبو )- كان هذا قبل 5 سنوات أكيد المبلغ قد تضاعف -- هذه الاشياء الظاهر و ما خفيى اعظم ---


#1296998 [يالهول المصيبة]
4.50/5 (3 صوت)

07-02-2015 10:27 PM
يالهول المصيبة ...


هذه هي عقلية رجل يتحكم في دولة ؟؟؟

هل يتوقع الناس أن تجرى مفاوضات لحسم النزاعات في السودان إذا كان هذا الفرعون على رأس الحكم ..


لا اتوقع أي مخرج من ازمتنا إلا بزوال هذا الطاغية أو أن نفعل كما فعل المصري حين دخل عليه اللص فنادى أمه و قال :

غطيني يمه و صوتي !!!!!


#1296992 [موسى]
5.00/5 (1 صوت)

07-02-2015 10:09 PM
لو كان الرئيس عمل لما بعد الموت لكان اجتهد بكل الوسائل لمعرفة ما يدور في البلاد صغيرها وكبيرها وما سيرة الخلفاء الراشدين وحكام المسلمين ببعيدة فقد كان خوفهم من الله عز وجل يجعلهم يخرجون في ظلمة الليل يتفقدون رعاياهم فهل فعلها البشير ولو لمرة واحدة ..... الله أعلم


#1296974 [الدرب الطويل]
0.00/5 (0 صوت)

07-02-2015 08:58 PM
عمر الكذاب الذي ادمن الكذب!!..
دعنا من عمر بن الخطاب او عمر بن عبد العزيز.. اين انت من عمر سرف؟؟!!
من هو عمر سرف؟؟ هو السلطان عمر الثاني (ليل) بن محمد دورة خامس سلاطين الفور من سلالة كيرا في القرن السابع عشر.. بدأ حكمه بذبح ثمانية نظار حواكير فاسدين تظلّم منهم الناس وردّ الحقوق الى اهلها.. برغم قصر مدته الّا انه ارسى العدل في السلطنة وعمّ الرخاء بسبب الحصاد الوفير وتكاثر اعداد الماشية.. فأطلقوا عليه لقب عمر سرف وتعني الماء الغزير لإرتباط الخير بوفرة المياه في دارفور..

عار عليك يا عمر البشير ان تكون رئيس وشعبك يعاني الأمرين ويستشري الفساد بين حاشيتك.. وتمرمغ سمعة بلدك في المحافل الدولية وانت مطارد كالفأر.. لو كنت مكانك لفعلت كما فعل ذلك السلطان مع الفاسدين ورددت الحقوق لاهلها وتركت الرئاسة لأنعم بحياة هادئة..


#1296968 [اسحق]
3.57/5 (6 صوت)

07-02-2015 08:44 PM
يا راجل خليك واقعي ، تقارير المراجع العام وحدها يمكن ان تكون شاهد اثبات علي النهب ، اما اذا تسائلناعن ممتلكات كثير من الكيزان واخذنا مثالا واحدا نافع علي نافع وحكاية القصر الذي بناه لكريمته والذي تقدر تكلفته ب ملايين الدولارات اليس دليلا كافيا للفساد ؟ الاخ نقيب الشرطه الذي تم سجنه لأنه صدق حديثك وجمع مستندات الفساد في وزارة الداخليه كان يجب ان يتم تكريمه لا ان يحاكمه المفسدين من امثال قريبك هاشم عثمان ، مجلدات يمكن ان تكتب في فساد نظامك الزائل باذن الله وعندها ستعرف ان كان هناك فساد ام لا ..


#1296966 [ALIIIIIIIIIIIIIIIIIIIIIIIIIIIIIIIIIIIIII]
3.00/5 (1 صوت)

07-02-2015 08:39 PM
طيب وقضايا الفساد والتي ماان تظهر حتي تصدر الاوامر من الجهات (((((العليا))) بالتكتم عليهاولا دي قضايا وهمية واكاذيب وضرب من الخيال باامانة يخيل الي فعلا ان عمر البشير ماواعي بالحاصل حوالينو فعلا من خراب وفسادودمار وقتل وتشريد او هو مصاب فعلا بانفصام في الشخصية المشاريع اللي بيتكلم عنها كلها تمت بااموال القروض الخارجية يعني ديون ديون يابشة اصحي يانايم اوعه تكون فاكرها منحة ربانية كمان


#1296965 [ابوماجد]
0.00/5 (0 صوت)

07-02-2015 08:33 PM
فقه التحلل والاتحللو ديل من ايه ياترى .يااخي اختشى على دمك وقول كلام يطمن شعبك غير الهراء الفلقتنا بيه دا.


#1296954 [الدابى]
4.50/5 (3 صوت)

07-02-2015 07:38 PM
«البعض يقول ليك خلي ناس الإنقاذ يرجعونا محل قالوا أنقذونا» والله ياريت لو ياريت بتنفع كان جبنا ترباس يغنيها لينا ....والله ياورل العملتو فى البلد دى النجار فى الخشب ماعملو .


#1296950 [كاسـترو عبدالحـمـيـد]
0.00/5 (0 صوت)

07-02-2015 07:21 PM
وقطع بعدم وجود فساد رأسي أو فساد ممنهج، وأضاف «أتحدى أي زول يقول في مسؤول أخد عمولة»، . هذا البشير فعلا يعيش فى غيبوبة تامة . اموال السودانيون التى فى الخارج تبلغ اكثر من خمسة وثلاثون مليار دولار . اطلب من جهاز الأمن ان يأتيك باسماء هؤلاء اللصوص وهذا شئ ساهل لأن الكل يعرفهم باسمائهم وحتى ارصدتهم واسماء البنوك التى يحفظون فيها هذه الأموال المسروقة . سبق أن صرح رئيس وزراء ماليزيا السابق مهاتير بأن اموال السودانيين الموجودة فى بلاده كافية لحل مشكلة السودان المالية واستغرب لماذا لا يستثمرونها فى بلادهم والمسكين ما عارف انها أموال مسروقة من الحكومة وهم يخافون ان تأخذها منهم الحكومة ان استثمروها فى السودان لأنها تعرفهم حق المعرفة . وايضا صرح رئيس وزراء اثيوبيا بأن اكثر من خمسمائة استثمار من السودانيين فى اثيوبيا . ولماذا نمشى بعيدا فأبدأ أولا بأهلك . زوجتك واخوانك . فعلا كما قال الكيزان بأنك اصبحت عبئا علي السودان وصلاح السودان لا يبدأ الا بازاحتك من الحكم بأى وسيلة ...... فهمت ؟ الدور جاى عليك فلا تستعجل .


#1296949 [عرابي عبدالله]
2.00/5 (1 صوت)

07-02-2015 07:19 PM
يوجد فساد كبير كمان ههههههه انا شخصيا تم رعمل شرك لي وعمل شهادة اداء امتياز بالمال كلفت تة الف ريال سعودي للان لم تصل وصلتني صورة منها يبدو انهم متوقعين انني ساكتب هذا المهم كل واحد قاعد يعزف علئ مزاجه ودا المطلوب هههههههههههههههههههه


#1296948 [الناهة]
4.88/5 (6 صوت)

07-02-2015 07:18 PM
انا قبلت التحدي ياسيادة الرئيس .. ولكن .. ارجو ان لاتثكلني امي .. اريد الامان .. مع اني لا اخشى في الحق لومة لائم .. وكدي براحة ياريس ما تاخدنا على حين غفلة ..
الحقيقة ...
الفساد موجود .. والمؤتمر الوطني هو الحزب المنفرد بالفساد
هل لكان تجيب ياسيادة الرئيس على الاتي :
-اين ذهب خط هيثرو ومن دمر سودانير بعمولات شركة عارف وفسادها ؟
-اين ذهبت 11 باخرة من سودان لاين وكيف تم بيعها ومن المشتري وماهو الثمن ؟
- مولانات الحج والعمرة والاوقاف الم تشتم منهم رائحة الفساد ابدا ؟
- مكتب والى الخرطوم وفساده ماذا تقول عنه ؟
- شركة الاقطان التي استعصت على القضاء والعدالة بفعل الضغوط ما رايك ؟
نكتفي بهذه النماذج وان اردتم اكثر فلكم ما اردتم فلن يكفي مجلد باكمله
سبق لسيادتكم تكوين .. الية ثم مفوضية للفساد .. ثم عدتم سيادتكم ونكصتم عن ذلك وانكرتم وجود القساد وتحديتم من يقدم دليل على الفسادلتثكله امه كما كادت ام الصحفي عثمان ميرغني ان تثكله .. ثم عدتم واقررتم سيادتكم بوجودالفساد وامرتم بتكوين لجنة لمكافحة الفساد .. وبعد ان فزتم اقررتم بوجود الفساد وامرتم بتكوين هيئة على ما اعتقد للفساد .. وها انتم تنكصون وتنكرون وجود الفساد
ياريس انت معانا ولا مع الفساد
الحكاية شنو والفهم شنو ؟


#1296944 [عبدالحفيظ ابراهيم]
2.00/5 (1 صوت)

07-02-2015 07:01 PM
أن كان عادلا وشجاعا لماذا يجتمع مع صبيان المؤتمر فقط ويتجنب شباب البلد الحقيقى
كان يجتمع بيهم عشان يكون دا آخر اجتماع!!!
ثم (ما )هو بله يوسف دا؟
يحلنا الحلا بله


#1296936 [حسن عوض]
3.50/5 (4 صوت)

07-02-2015 06:45 PM
طيب عملت ليهو مفوضية ليه مادام مافى فساد ؟؟

خلاص صحيت بعد زرة جوهانسبيرغ و رجعت للكضب و للضحك على العقول ؟؟


#1296925 [الجـزيــــــــــرة ابا]
4.00/5 (2 صوت)

07-02-2015 06:18 PM
قالوا ليهو الفساد قال عموﻻت ... ذكرتنى عمك لقى زول ميّت فى الطوف ( الطوف دة مركب من الفلين - او ما يسمونه بالطرور ) فى النيل اﻻبيض .. ناس الشرطة قالوا ليهو الزول الميت فى الطوف دة الكتلو منو ؟!! قال ليهم والله العظيم توبى وتوب حاجة فاطنة واااحد بنتغطى بيهو اصلا ما عندنا غيروا - قلنا ليك الطوف ما التوب - يا جماعة انتو ما مصدقينى وﻻ شنو ! قلت ليكم توب واحد هههههههههههههههه

زول شايل ساطور وبكتل فى الناس والدم نازف من ساطورو ويقوم يسأل يقول اتحدى اى زول يقول انا كتلت زول !!
شبابكم فاضين شغلة ودى مسرحية ملعوبة الثمن ما بتنطلى على الشعب -- اﻻنتخابات ( المخجوجة ) وضحت ليكم انكم معزولون عن المجتمع وانكم قتلة وسفاكين وحرامية وفاسدين ومفسدين والشعب اوصل كرهه وحقده عليكم اما تكشفوا الحقيقة او تصمتوا ﻻنه الكضب ما عادى يجدى ولدينا منه مخازن برقعة هذا الوطن الفضل .
مجلس اﻻمن والمحكمة والعود كلهم راجينكم ومافى حل اﻻ البل


#1296924 [ترهاقا]
0.00/5 (0 صوت)

07-02-2015 06:17 PM
كل عمل يتم خارج اطار القانون الذىيحكمه فهو الفساد بعينه فكم من عمل تم فى اطار قانونه خلال ال26 عاما من حكمكم فالفساد مصطلح تندرج تحت عباءته الالاف من المخالفات التى تنم عن فساد وليست العمولات الاواحدة منهافقط 0 فانت الان ترى الاشياء من خلال منظار مستشاريك ووزرائك ولن ترى الحقيقة العارية الا باستبدال هذا المنظار المتحيز لتكتشف بان ما كنت تراه لم تكن هى الحقيقة ولكن0( TOO LATE)


#1296900 [الحق ابلج]
3.29/5 (10 صوت)

07-02-2015 05:06 PM
اقسم ان هذا الرجل يعانى من انفصام شخصيه حاد .


ردود على الحق ابلج
[السم الزعاف] 07-02-2015 08:07 PM
يا استاذ المثل يقول (القاعد في الحمام ما بشم ريحتو)


#1296883 [ود الشريف]
4.97/5 (6 صوت)

07-02-2015 04:48 PM
انتو بشة ده يا ماعايش مع الناس يا كمان منافق وكذاب ياراجل الفساد ازكم الانوف والعمولات على قفا من يشيل والطرق البتتكلم عنها وشبكات الموية الضاربة ده شغل كلو فساد امشي شوف كبري الدباسين ولا نفق عفراء ولا اى طريق تم عمله خلال حكمكم الفاسد تقولى شنو وتقولى لى منو وشباب حزبك ديل كدى هم زاتهم راجعهم وشوفهم كانو وين وبقو وين يا بشة استحى على دمك وارحل كفاية عذااااب ودمار نسال الله ببركات الشهر الكريم ان يزيل الظلم والظالمين من السودان


ردود على ود الشريف
[السم الزعاف] 07-02-2015 08:04 PM
ياود الشريف المثل يقول (القاعد في الحمام ما بشم ريحتو)


#1296881 [معاويـــــــــــــــــــــــــــــــة]
3.97/5 (6 صوت)

07-02-2015 04:39 PM
ههههههههههههههههههههههههه فعلا الجمل ماب يشوف عوجة رقبتو


ردود على معاويـــــــــــــــــــــــــــــــة
[السم الزعاف] 07-02-2015 08:05 PM
يامعاوية معليش -المثل يقول (القاعد في الحمام ما بشم ريحتو)


#1296875 [A. Rahman]
4.75/5 (5 صوت)

07-02-2015 04:31 PM
نسي هذا الرعن أنه في وقت ما خرج بتمثيلية اسماها "مكافحة الفساد" فيا ايها الأرعن و يا مدفع الدلاقين، انت لا تكافح شيئاً إذا لم يكن موجوداً. أما مخاطبته لهؤلاء الأيفاع بهذا الأسلوب فيأتي لأنهم "لصوص الإنقاذ" و هم أصلاً حرامية جاهزين، و كل ما يريد كبير اللصوص إخطارهم به أن "سيروا على دربنا في أكل الحرام، و لا تصدقوا قول المكابرين بأنكم حرامية، بل سيروا و عين الله ترعاكم"، الله بتاعهم طبعا، و هو المال الحرام.


#1296865 [Kunta Kinte]
3.50/5 (5 صوت)

07-02-2015 04:11 PM
الراجل خرّف يا جماعة ،

موش قبل كم سنة انت بنفسك سميتو بالنهب المصلح ..!!!


#1296858 [همت]
3.00/5 (7 صوت)

07-02-2015 03:57 PM
البشير رجل معزول عن شعبه وعن مسئوليه وحواليه عدد كبير من الفاسدين الذين يزينون له فساد سياساته وفساد زوجته وإخوته وأقاربه ومسئوليه. البشير لا يعرف شيئاً عما يعانيه الناس لكي يعيشوا عيشة مستورة فقط وكل كلام حاشيته التي تزين فه الفساد وتطمئنه على سياساته الخاطئة هو: كلو تمام يا ريس! حتى يجد البشير نفسه في موقف القذافي مع العود أو زين العابدين بن علي في طائرة هارباً إلى السعودية أو إلى أي مكان آخر - حتى ذلك الحين، لن يعرف البشير شيئاً عما يجري حقيقة في البلد!


ردود على همت
[Fatmon] 07-03-2015 04:55 AM
منو القال البشير ما عارف ؟؟؟؟ الراجل ده عارف وشايف وللراكوبة دي ذاتها بقراها لكن ضعيف وفي ورطة لأنه شخصية المنصب اكبر منها بكتير عشان كده هو بمثل القوة والفرعنه والذي منه وهو عباره عن شخص هلامي كل واحد من حوله عايز حاجه ممكن يعملها ويقنعه انه عملها برضاه ( بغض النظر عن موافقته او عدمها ) وهو من جهله بفتكر انه الناس من حوله ما كاشفين ضعفه وقلة حيلته هو شخص محمي بنفعيين يتحاربون ويحملون السلاح وفي اي لحظة اي حركة منه غلط تقلل من مصلحتهم سيدفع ثمنها غاليا والمصيبة انه يري نفسه في مأمن منهم ولكنه واهم فهؤلاء مصلحتهم فوق كل شيء وهو في اي لحظة سيتلظي بنارهم قبلنا يمهل ولا يهمل والله علي الظلمة يجعل كيدهم في نحرهم وانا اتخيل وأتمني في آن واحد نهايته ما حتكون زي القذافي لأنه ما بستاهلها بستاهل اصعب منها

[مواطن] 07-02-2015 11:20 PM
شتان ما بين القذافي وبين مسيلمة عمر البشير !!

[المغبون 2] 07-02-2015 05:43 PM
كل الدلائل تؤكد كلامك ربنا يكون فى عون الشعب عندما يكون راس دولته مغيب ومخدوع ومثلما قلت اذا لم ينتبه حتما سوف يوصلونه الى هذه النهايات .


#1296847 [خالد الكردفاني]
4.94/5 (8 صوت)

07-02-2015 03:38 PM
هههههههههههههه شر البلية ما يضحك بالله إستفسروه عن ما يثار حول الفساد يادي الإستفسار يعني هم برئيون للدرجة دي


ردود على خالد الكردفاني
European Union [هدهد] 07-02-2015 04:22 PM
شر البلية ما يضحك ... هذه المرة المائة التى يتحدى فيها هذا الفاسد يتحدى اى واحد يثبت ليهو اى مسئول اخذ رشوة او عمولة !!!!!؟؟؟ اهلنا قالوا ينبح الكلب خوفا على ذنبه ..... وهاهو البشير ينبح خوفا على انتشار فساده وهو لايدرى ان السودان كله يعلم بأموال زوجته واخوانه وما يملكونه من شركات وعقارات وأنا برضوا ياشيخنا اتحدى واحد يثبت لى انك حرامى او واحد من عائلتك حرامى !!!! أنت القاضى وانت الجلاب أنت الحكم وانت اللص فكيف الحل .؟؟؟؟ أنت اصل الفساد وأنت راعى الفساد وكبار مجرمى الفساد والنهب والسرقة أنت آخر من يتكلم عن الفساد .


#1296842 [Adolf]
5.00/5 (4 صوت)

07-02-2015 03:32 PM
أين ذهبت اموال النفط ، أين خط هيثرو ، ماذا حدث بخصوص شحنة المخدرات المهولة، ما مصير شركة الاقطان ، كم يملك عبد الله البشير من الاموال ، كم تملك حرمكم المصون ، كم يملك أي فرد عمل مع الانقاذ و كم كان يمكل قبلها؟!!

نتفق معك جدلا في مسألة العمولات دي ، ونقول صدق امير المؤمنين لا يوجد مسؤول اخذ عمولة ، لكن ماذا عن السرقات?



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
3.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة