الأخبار
أخبار إقليمية
المساعد الأول الحسن الميرغني يدعو لابتعاث أوائل الشهادة لجامعات عالمية
المساعد الأول الحسن الميرغني يدعو لابتعاث أوائل الشهادة لجامعات عالمية


07-11-2015 03:59 PM
طالب رئيس الحزب الاتحادي المكلف مساعد أول الرئيس محمد الحسن الميرغني بان تنظر الدولة في ابتعاث نوابغ الشهادة السودانية الي كبريات الجامعات العالمية للتخصص فيما يخدم الوطن مؤكدا اهتمامه بالأمر ،وكان سيادته قد استقبل خلال تشريفه لخيمة الصحفيين أولى الشهادة السودانية وأسرتها مشيدا بجهدها متعهدا بدعمها.وكان مساعد أول الرئيس قد شهد مساء أمس الاول جانبا من عرض مسرحية (النظام يريد) التي استضافتها خيمة الصحفيين وحيا سيادته الصحفيين وأشاد بفكرة الخيمة مؤكدا دعمه لمجمل النشاط الثقافي والمسرحي بالبلاد.

التيار


تعليقات 17 | إهداء 0 | زيارات 3399

التعليقات
#1302663 [abdohaj]
0.00/5 (0 صوت)

07-12-2015 10:28 PM
اقترح ان يتخصص الطالب من الصف الخامس علمي او ادبي وان يبدأ تعليم اللغة الانجليزية من الصف الاول الاعدادي


#1302332 [توتو بن حميده آل حميده]
5.00/5 (1 صوت)

07-12-2015 12:13 PM
اسمع كلام جدك يا ود الميرغني - الفته دي ان كانت حاره ما تدخل فيها ايدك...


#1302257 [جنو منو]
0.00/5 (0 صوت)

07-12-2015 10:38 AM
ده مش الزول القال سوف يحل مشاكل السودان كلها فى 180 يوم فقط كدى ياجماعة نحسب
لهذا الهليفه .. النشوف اخرتها شنو ..!!؟


#1302136 [النورس]
5.00/5 (1 صوت)

07-12-2015 04:55 AM
ده اللي الله قدرك عليهو ياودسيدي ؟
طيب ماترسلهم للجامعات العالمية من مال المراغنة اللي نهبتوها من الشعب السوداني وخدعتو الناس باسم الدين واستغليتو جهلهم لتحقيق مراميكم الدنيوية ولا انت قايل القروش دي جابها معاهو الميرغني الكبير من مكة ؟


ردود على النورس
United States [عودة ديجانقو] 07-12-2015 09:38 AM
والقال ليك عندهم املاك فى مكه منوا ياصديقى او بالاحرى هم اصلا مكاويين..دى كلها بروباقاندا عشان المكنه تمشى فى الحيران الطرش.
لعلمك متر الارض فى مكه المكرمه ربع مليون ريال سعودى...املاكهم المزعومه دى بخللوا فيها عايزين يعملوها طرشى يعنى.

ما بصدقكم ده حبيبى الروح بالروح


#1302062 [Albrado]
5.00/5 (1 صوت)

07-12-2015 12:51 AM
المساعد الاول هو العرفه بالجامعات شنو ؟؟؟ هو ما درس جامعة ولا بيعرف

عن الدراسة الجامعة ... مساعد رئيس بدون مؤهل دراسي لانه ابن الميرغني

اولي الشهادة السودانية بعد اكمال الدراسة ممكن ماتلقي وظيفة رغم

نباغتها لانها الوظائف في السودان للسادة والتابعين والكيزان

اما النبوغ والمؤهلات الاكاديمية ما ليها مكان


ردود على Albrado
[ابو سحر] 07-12-2015 10:53 AM
مساعد اولللللللللللل الريئس مهندس؟؟؟؟؟؟


#1302048 [مقهور]
5.00/5 (1 صوت)

07-12-2015 12:20 AM
زمان عام 1994م ذهبنا لوالده في مكتبه الفاخر بجدة وبعد جهد جهيد قابلنا سكرتيره المدعو حاتم تاج السر عشان نحل مشكلة الخريجين العالقين بدولة المغرب الشقيق ومبلغ تذاكر عودتهم للوطن كان لايتجاوز العشرين الف ريال فقال لنا ان خزائن الحزب فارغة وهم لا يملكون مال لتسيير حزبهم فكيف لهم ان يصرفوا على تذاكر لطلاب هم لايعرفون انتماءاتهم الحزبية ....
وكلامك ده يا ود الشيخ للإستهلاك السياسي فقط !!!!!!....


#1301997 [الحق ابلج]
0.00/5 (0 صوت)

07-11-2015 10:41 PM
بعد الردحى بتشكى لى رب العالمين يا
Mat Too
الله يديك العافيه .


#1301970 [كمال ابوالقاسم محمد]
0.00/5 (0 صوت)

07-11-2015 10:01 PM
عشان كدة إنحطت مهنة الصحافة والصحفيين...هذا التنبول لا يهتم به إلا تنابلة مثله...قال صحافة قال !!!


#1301961 [الحق ابلج]
2.00/5 (1 صوت)

07-11-2015 09:35 PM
شكرا موﻻنا على اثارة هذا الموضوع المنسى منذ سته وعشرين عاما وصار محتكرا ﻷبناء الكيزان فقط وهم الذين صرف عليهم الشعب مما يملك وﻻيملك ليتعلموا .
كل المتفوقين هم من ابناء هذا الشعب البسطاء الجادين الذين يستحقون كل التقدير .


#1301954 [فارس]
1.00/5 (1 صوت)

07-11-2015 08:51 PM
يبعثوهم لامن يعرفوا يتكلموا لغة إنجليزية فديل ما بيعرفوا الفرق بين B وP


#1301939 [حسن عوض]
0.00/5 (0 صوت)

07-11-2015 08:30 PM
إقتباس
(المساعد الأول الحسن الميرغني يدعو لابتعاث أوائل الشهادة لجامعات عالمية) .

هاهاهاهاها ,
شنو يعنى السيد المساعد الأول للرئيس لا يعترف بجامعات البلاد التى أقامها النظام ؟؟
أم انه لا يرى "الطفرة التعليمية الكبرى" لثورة الإنقاذ التي خـرجـت كوادر جـاهلة لا تعرف تلت التلت كم ؟؟
أم انه يريد تجاهل جامعة حميضة التى تفّرخ الدواعش ؟؟

ثم ثانياً , شهادتك السودانية دى يا سيادتو غير معترف بيها سوى فى سودان السجم و الرماد دة , هو خريجين الجامعات السودانية غير معترف بشهاداتهم فى الخارج ناهيك عن الشهادة السودانية ..


#1301937 [ابن السودان البار]
5.00/5 (1 صوت)

07-11-2015 08:23 PM
يا سلام والله ما بتقصر ؟ ياهو دا عمارك ؟؟؟ وطبعا السذج حاينبسطوا بالقرار الخايب الذي لا يصدر إلا من الخيابا ؟؟؟ وين القبل البت دي نجحوا واحرزوا أعلي الشهادات من جامعات عالمية فمتي استفاد منهم السودان؟؟؟ ما طفشتهم الحكومة الفاشلة المكونة من الخيابة الزيك البتفولحوا في اتفه الأمور للضحك علي العاطفيين والسذج ؟؟؟ والله السودان كان راجي المثلك يطوره ويبنيه واطاته أصبحت ؟؟؟ وإذا كنا بندفع ليك مرتب ومخصصات مهولة عشان تتفولح وفي الهايفه تتصدر واطاتنا أصبحت؟؟؟ دمرتوا السودان الله لا يبارك فيكم يا ارزقيه ومتخلفين؟؟؟


#1301901 [Mat too]
0.00/5 (0 صوت)

07-11-2015 06:41 PM
يا إنقاذ الجيتي تنقذينا من الذل والهوان وتحررينا من ال المهدي والمرغني والهبل الكنا فيهو
وبعد زمن ليس بالقصير نعود بِنَا مرة اخري وبصوره اسواء بكثير من الكنا فيهو ،حقيقه نحن
طلبنا ان ترجعونا الي ما قبل انخاسكم ،لكن سحبتوا مننا النخسه بسرعه حاره آلمتنا الم شديد
ليه الاذيه دي ليه الكعوبيه دي والمضره ، معقول ولد المرغني مساعد اول ،يساعدكم بشنو ،بالهبل
الولد هو زاته ما دخل جامعه ،درس دبلومة صيانة طيران يعني مكنيكي ، والآن يتحدث عن
المتفوقين ان يبتعثوا الي جامعات خارجيه ،ماله جامعاتنا يا مساعد الحله يا حرامي البنوك
وين أموال البنك الاسلامي ،عارفين سددتها لك الحكومة من أموال دافع الضرايب السودانى
والاموال التي دخلتها مصر دخلتها اي بنك ،امورك مكشوفة يا سيدي ربنا يسد نيتك وكيف
عامل مع البوابيرانشا، الله اسامه حسون ما مقصر ولازم يحفز علي الأقل( معتمد) وإلا الفضيحة
اعمل حسابك ،ولا تصرح بالفارغه اخوك قلب النيل الأزرق ابيض وانت تتحدث عن ابتعاث
الطلاب ،كويس يا أمير قطر، انت ما عايش حياتك كلها بره انت وأبوك متسوولين دوليين ليه
ما دخلت الجامعة يا فاقد تربوي .
العيب ما فيكم العيب في الإنقاذ التي نخست الشعب السوداني باشكالكم القبيحة و
وعمايمكم البايسه البهلوانية ،ارحمونا من النصابين إليك نشكوا يارب العالمين ..


#1301878 [Floors]
0.00/5 (0 صوت)

07-11-2015 05:48 PM
أول أسمع أم الحسن قالت حاجة كويسه هههههههههههههههه!!!!!!


#1301860 [isic]
0.00/5 (0 صوت)

07-11-2015 05:26 PM
أفو كبير السناجك


#1301831 [المحتار]
0.00/5 (0 صوت)

07-11-2015 04:37 PM
بالله و هى شهادتك السودانية عالمية و عالمية بى فهمك شنو (زى لا سكندرية و لا هارفارت ولا اوكسفورد) انتى قايل دى بدخلوها بالشهادة السودانية و انت زاتك لا نعلم عن سيرتك الذاتية و قارى شنو بس تم تعينكم للتنظير اها 182 يوم عظوا منهم كم؟؟؟؟


ردود على المحتار
[احمد] 07-12-2015 08:29 AM
انت حقوا تجي السودان عشان تاخذ جرعه من كرم ونبل وشهامة اهل السودان وهم اذكياء اتقياء


#1301830 [احمد]
2.94/5 (6 صوت)

07-11-2015 04:37 PM
اهنئ. السيد الحسن الميرغني علي هذا الحديث الطيب. عن الابتعاث ووهي خطوة تدل علي عدم الانانيه


ردود على احمد
European Union [المحتار] 07-13-2015 05:58 PM
انا لا اتحدث عن السودانيين ولا عن تقواهم اتحدث عن تقبيم الشهادة السودانية خارج السودان فقط اما انا فعايش لاكثر من50 عام فى السودان و انا احد ابناءه الذين لم يهجروه لظلم العباد(حكام و مسوؤليين ) منذ عبود حتى البشير..حتى جامعة الخرطوم بعد 1978 لا يعترف بشهاداتها الا بعد اجراء معادلات قد تصل لاكثر من 3 اعوام

[احمد] 07-12-2015 08:10 AM
اخي الطيب القلب السيد الحسن قال جمله مفيدة لم اسمعها من اي مسوؤل يوصي بتعليم الاجيال علوم يستفيد منها الوطن ولم يصمت كالبفيه الذين يرسلون ابناءهم للتعليم خارج البلد ويعملون هرج ومرج عن التعليم

European Union [ابن السودان البار] 07-12-2015 02:49 AM
فهمنا أنه سيدك الحسن كلامه طيب؟ لكن ما فهمنا عدم انانيته دي ؟هل تقصد أنه بدل يمشي يدرس هو لنفسه تنازل لبنتنا المتفوقه والا كيف فهمنا؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة