الأخبار
أخبار إقليمية
المهدي يكشف أسباب عدم عودته للبلاد
 المهدي يكشف أسباب عدم عودته للبلاد


07-12-2015 01:29 PM
آخر لحظة:
قطع رئيس حزب الأمة القومي الإمام الصادق المهدي بان تجربة الاسلاميين بالبلاد فاشلة وأعطت الإسلام السياسى اسمًا سيئًا، مشيراً إلى أنها سبب في افشال التجربة المصرية، وقال المهدي في حوار نشرته اليوم السابع المصرية أمس إن المعارضة في السودان حققت ضد النظام مكاسب بالقوة الناعمة، علي رأسها مقاطعة الانتخابات الرئاسية الأخيرة،

وأضاف هناك من يعتقد أننى لا أريد العودة للبلاد خوفاً من احتمال الاعتقال رغم أنه يمثل رأس مال سياسى، وأشار إلى وجود أسباب عديدة تمنعه من العودة علي رأسها أن إعلان باريس يحتاج إلى تكملة الصورة ويخشى إذا عاد قد يمنع من الخروج، بجانب أنه رئيس منتدى الوسطية العالمي، ولديه مشروع توفيق بين جميع الفئات، بالإضافة إلى أنه عضو فى نادي مدريد.


آخر لحظة


تعليقات 23 | إهداء 0 | زيارات 5799

التعليقات
#1303241 [Albrado]
0.00/5 (0 صوت)

07-14-2015 01:36 AM
من طلبك ترحع السودان؟؟؟؟؟ الخلصنا منك يحلصنا كمان من غيرك

بعدسن يا حماعة ملاحظين جلابيته الكحلية والعمة العليها خطوط زرقة؟؟

يعني بالعربي مطفم .....

وانا بقول ولده الاهبل عبد الرحمن بيجيب جلاليبه العحيبة وعممه الزرقة

والحمراء من فين ؟؟؟

يا جماعة العائلة ده متلها متل عائلة الميرغني عندهم مرض نفسي


#1303132 [على]
0.00/5 (0 صوت)

07-13-2015 08:18 PM
خليك محلك ياباشششششششا ريح واستريح مدام انت ناسى ان حلايب سودانية خليك قبلك واقعد صرح كدة لحدى ماتفتر سلطة ليك تانى مافى كفاية جبت لينا انقلابين ولاتنسوا حلايب سودانية


#1303078 [عصام عابدين]
0.00/5 (0 صوت)

07-13-2015 05:51 PM
You are the leader of yesterday and the leader of today and the leader of the future . Never mind what your political opponents say because little do they know about you . You are the cleanest and the best .May god keep you .


#1302992 [منير البدري]
0.00/5 (0 صوت)

07-13-2015 02:44 PM
ابو الكلبين ليس الا

عبد الرحمن مساعد بشه

بشري امنجي و بتدرب كلاب الامن

و تجي تقول لينا انت معارض معارض منو انت يا ديناصور

انت بتلعب مع منو العب بعيد ايها الديناصور الدكتاتور


#1302926 [ابو مدية]
0.00/5 (0 صوت)

07-13-2015 12:20 PM
و علي مستوي المؤرخين البريطانيين فقد كتب ونستون تشرتشيل رئيس وزراء بريطانيا الأسبق .. في معرض تقييمه لأحداث الثورة المهدية والتي عاصر أحداثها كمراسل حربي ومؤرخ .. كتب معلقا علي إنجازات المهدي قبل وفاته : "مهما قيل عن المهدي ، فيجب ان لا ننسي انه القائد الذي بث روح الحياة والامل في قلوب بني وطنه . لقد كان هو الزعيم الذي حرر بلاده من الحكم الأجنبي وحول شعبه من حياة بائسة بلا أمل الي حياة مفعمة ومليئة بالروعة . لقد أشعلت روح المهدي بين صدور السودانيين المتواضعة شعلة الوطنية والانتماء للدين . وصارت الحياة مليئة بالمخاطر المبهجة والمثيرة فعاش السودانيون في عالم جديد رائع ألهب خيالهم .. فهم ان عاشوا في هذه الدنيا ، فسيقومون بجلائل الاعمال .. وان لقوا حتفهم في اثناء اشتباكهم مع مربعات الجيش البريطاني او القوات المصرية الغازية ، فمصيرهم جنة السماوات عندها ".. ثم يستطرد في حديثه الي ان يقول " ولذلك فإنني اعتقد انه في سنوات المستقبل القريب ان هبت رياح التقدم والازدهار وأعقبها قطار الوعي والتعليم في ذات المسار لشعب وادي النيل , فعندها لن ينسي اول مؤرخ عربي يود ان يوثق لتاريخ تلك الامة .. لن ينسي .. ان يكتب اسم محمد احمد المهدي في مقدمة ابطال شعبه " ... ( ونستون تشرتشل : حرب النهر ، الناشر.. Mau Publising , نسخة الكترونية بتاريخ 2013 ، ص ٥٢-٥٣ ) .
وفي ذات السياق علق استاذ التاريخ البريطاني البروفيسور ثيوبولد A.B.Theobold علي وفاة المهدي وانجازاته في حياته القصيرة .. من خلال سفره القيم "The Mahdiya" حينما كتب قائلا : " كانت شهرة محمد احمد المهدي كفيلة بان تحفظ اسمه للأجيال القادمة من بني وطنه .. في خلال اربع سنوات .. صنع مجده من العدم ..و انتصر انتصاراً كبيرا علي قوتين دوليتين تفوقانه عدة وعتادا ( بريطانيا وتركيا ) .. قام بوضع أسس الدولة الوطنية الجديدة.. كما قام بدعوة إصلاحية استهدفت إصلاح ما فسد من دين شعبه .. وحّد السودانيين .. و غير طريقة وأسلوب حياتهم للأفضل .. و منحهم ثقة وإيمانا اكبر بمقدراتهم وبأنفسهم .. وقادهم نحو الحرية والانعتاق .. ومع كل هذا .. اكتسب طاعة شعبه الكاملة واحترامهم وتقديرهم اللامحدود .. هنالك عدد محدود من الرجال علي مر التاريخ الإنساني ممن يستطيعون ان يفعلوا مثلما فعل المهدي في السودان " .. ( اي . بي . ثيوبولد : المهدية .. تاريخ السودان الانجليزي المصري ١٨٨١-١٨٩٩، THE MAHDIYA: A HISTORY OF THE ANGLO-EGYPTIAN SUDAN,1881-1899، الناشر : Longman & green، ١٩٦٥ ، لندن ، الصفحة رقم ١٣٠) .


ردود على ابو مدية
[محمد أدروب] 07-13-2015 04:09 PM
وهل هذا يشفع الصادق المهدي؟ هل سار على نهج جده؟
نحن الآن نعيش تهتدون 2....اديس...باريس...برلين...وهلم جراااا


#1302808 [عصام عابدين]
0.00/5 (0 صوت)

07-13-2015 08:32 AM
اطال الله عمرك يا امام


#1302674 [محمد المبارك]
0.00/5 (0 صوت)

07-12-2015 10:50 PM
والله فعلا أنا ملاحظ لما يرد إسم الصادق ده معظم الناس تقعد تقلل منه وبالرغم من أن الصادق مرات بخرم إلا أن يجب الإنتباه لكلامه ، فالرجل حازق في الكلام ، عشان كده تلقي كل الكيزان يجقلبوا ، لأن معظم المعلقين ديل أكيد كيزان ، بس تخريمات الصادق أحيانا مضرة ، يجب عليه حين الكتابة أو الخطابة أن ينزل لمستوي حتي يفهم قصده الجميع وبهذا نكون أغلقنا الباب علي المجقلبيين .


#1302578 [Shah]
3.00/5 (1 صوت)

07-12-2015 06:17 PM
اخد الجنسية المصرية وادينا عرض اكتافك شن لقينا منك بلا الكلام الكتير زى المصريين.


#1302561 [موسى]
4.99/5 (7 صوت)

07-12-2015 05:39 PM
يا جماعة الحاصل شنو الراكوبة كلها بقت الشيخ الترابي , الأمام الصادق المهدي, الدكتور على الحاج ....دي راكوبة دي ولا دار عجزة ومسنين ......


#1302541 [زول]
5.00/5 (1 صوت)

07-12-2015 05:17 PM
سبب عدم العودة ان البشير وعده بمنصب رئيس الوزراء ثم لم يوفي بوعده


#1302521 [الحلم الجميل]
4.00/5 (2 صوت)

07-12-2015 04:16 PM
نفـــسي أفهم هل ما زال بعض السودانين المغفلين بالثورة المهدية يعتقدون أن هذا المخلوع هو أحفاد المهدي قال أنصار قال والله حكمة البشير أرحم من هؤلاء


ردود على الحلم الجميل
[محمد أدروب] 07-13-2015 04:13 PM
المهدي أبطل المذاهب الاربعة...فالهوس هو نفس الهوس الذي نعيشه الآن الإختلاف الوحيد هو محاربة الأجنبي

United States [ادم برقو] 07-12-2015 11:55 PM
بلاوي السودان كلها من ود الفكي محمد احمد عبد الله دا ( المهدي عليه السلام )

European Union [abukhalid] 07-12-2015 08:43 PM
إن الإمام المهدي عليه السلام مصدر فخر واعتزاز لكل السودانيين ويجب أن نهتديبافكاره وننزلها على أرض الواقع وأن تكون منهجا يضئ لنا الطريق حتى تكون لنا للزياده والقيادة للعالم وانقاذه من الإرهاب والأفكار الظلامية التي سادت العالم

European Union [ساره عبداالله] 07-12-2015 07:20 PM
الثورة المهديه ليست ملك للصادق ولا لاحفاد المهدى هى ثورة كل السودان الصادق المهدى ليست له فكرة أو اى تفكير ان يكون رائيس نحن نعتز بالمهدى كرجل إصلاح
اما ما اسما عمر البشير بتاعك تخليه يرحم أو تكون انت امن أو فاسد بتغرف من
بالوعة الإنقاذ


#1302510 [ركابي]
5.00/5 (1 صوت)

07-12-2015 03:52 PM
انا مافي حاجة محيراني غير عبدالرحمن والبشري كيف شغالين مع نظام شرد وجهجه ابوهم !!!!!!


ردود على ركابي
United States [موسى] 07-12-2015 10:05 PM
عصاية نائمة وعصاية قائمة .... ما تحتار يا ركابي
الناس ده عرفت البلد خلاص خربت ما فضل فيها لا حكومة ولا معارضة كله سجم في رماد وشغلوا نظرية (بلاد أبوك لو خربت شيل ليك منها شلية ) فالأولاد دخلوا الحكومة وأبوهم في باقي عمره ده يتسلي مع الحكومة بي لعبة القط والفأر لحدي ما صاحب الأمانة يأخذ أمانته وينهي تاريخه وهو مناضل ... وكلهم يطلعوا كسبانين وباقي الناس محتارين .....


#1302479 []دياب علي]
3.00/5 (1 صوت)

07-12-2015 03:06 PM
الله لا عادك


#1302464 [ود بلد]
5.00/5 (3 صوت)

07-12-2015 02:45 PM
حفظك الله فخامة الإمام والرئيس المنتخب شرعيا رغم انف الكيزان

وإن شاء الله تعود وانت وكل الشعب ظافر ومنتصر قريبا باذن الله


#1302459 [المحتار]
4.85/5 (6 صوت)

07-12-2015 02:40 PM
بس خليك مع نادى مدريد لانو بكون احسن من وجع الراس بتاع الوسطية ناس عصام احمد البشير و ملتقى باريس اولاد دارفو القسمين 72 شعبة...بس لو فى امكانية شوف لى معاك membership فى نادى مدريد اهو على الاقل نحضر الدورى الاسبانى(والله الواحد يسمعك يقول الدايلى لاما )


#1302448 [عبدالله احمد محمد]
3.75/5 (3 صوت)

07-12-2015 02:27 PM
من اركان دائم تخلفنا ما زالت اذهاننا يعج بعهدك ونحن نقف فى صفوف البنزين والرغيف وانبوبة الغاز دودع لدى محلات الغاز بالشهرين والثالثة شهور السكر بالتموين اذن انتم سبب تخلفنا انتم عجائز الاحزاب لن ولم نعرف عنك سواء ابو الكلام والتنظيرات التى ما قتلت ذبابة وانتم من ساعدتم وسنيتم تسليم الحكم العساكر الذين تولولون منهم الان فالنبدأ بما يفيد حزب الامة فى شخص عبدالله خليل قام بتسلم الحكم لعبود وان كان الله يرحمك يا عبود عند ذهابة ترك الملايين من الجنيه الاسترلينى وكنا من قلائل الدول التى تمتلك مثل هذا المبلغ الضخم فى حينه فجاءت الاحزاب التى نسبت صثورة اكتوبر لها وقلعتها من يد الشعب ومنها عيك ونحن نتراجع .. النميرى القوميون العرب والشوعيون الانقاد عمر البشير ذهب الترابى الى السجن وهو الى القصر ومع ذلك كل التنمية التى حصلت وان كان على قلتها او كثرتها فهى فىى العهود العسكرية لاننا لم نجد منك الا هلمجرا وتهتدون ثم تعودون وهكذا ونحن معك وبك فى موال ومن كارثة لاخرى حكم العسكر تنبذه مرة وتمدحه تارة اخرى البشير لا يسلم الى المحكمة الجنائية وفى رواية اخرى يجب ان يسلم حيرتنا والله علما بانك فرط فىى الديمراطية الثالثة وصهينت بالرغم من مذكرة الجيش كنت علم بان هنالك انقلابا ولكن اثرت على نفسك بان تحلق دقنك كما ورد وتختفى ثم تظهر مرة اخرى نحن لعبة فى ايديكم وكما قالت شقيقتك البلد بلدنا اليوم خاله حاكم وغدا ابوه سيحكم عندما قيل لها بان ولدك فاسد ينهب اموال الشعب هذا هو شعاركم وهذه هى نظرتكم تجاه الشعب السودانى اى تتعلمون الحلاقة فى شعر الشعب ونحن نشكو لله ضعف حيلتنا


#1302441 [jafar]
5.00/5 (1 صوت)

07-12-2015 02:16 PM
ولماذا يخشى اذا عاد يمنعوه من الخروج وانت يا سيدى الصادق خلقوك عشان تطلع وتخش ما كفاك الخروج والطلوع لحد متين .. وسيدى الصادق بيفتخر أنو عضو فى نادى باريس وأنه نائب رئيس منتدى الوسطية ألم أقل لكم بأن سيدى الصادق ما لاقى الرئاسة فى السودان ومشى يفتش ليها بره البلد .. وعقبال يبقوك رئيس بنجلاديش


ردود على jafar
European Union [ساره عبداالله] 07-12-2015 07:33 PM
انت كنت رئيس الصادق كان رئيس منتخب الوسطيه ونادى باريس هذه مصطلحات ادخلها الصادق فى غاموس المتكلم الان يعنى مصطلحات جديده يصعب عليك فهمها الصادق المهدى وين وانتم وين دا واحد من مئة مفكر فى العالم انت وين بعدك
تخلى عندك أسلوب


#1302436 [احمد البقاري]
3.00/5 (1 صوت)

07-12-2015 02:13 PM
أمامنا الذي يعمل لصالح البشير وزمرته الفاسدة ... تصدق يا أمام عندما تدلي بصريخ خارم بارم وبدون أي مناسبة (تصريح من أجل التصري) يادوب بتفضح موقفك المتوطأ مع البشير وزمرته ... يا أخي نحن شباب الأنصار وحزب الأمة قاعدين نخجل ليك على رأس كل تصريح متناقض على نسق الحرامي في رأسو ريشة


#1302433 [aliance]
3.00/5 (1 صوت)

07-12-2015 02:12 PM
المهدى ده بزكرنى فيلم معليش احنا بنتبهدل ...لما القرموطى وقع فى الحفرة ولقى صدام حسين لابت ..قاليو سايب العالم برة وقاعد هنا ...اكيد بتكتك للامريكان............. فاكيد السيد الصادق بتكتك للكيزان


#1302416 [karkaba]
5.00/5 (2 صوت)

07-12-2015 01:57 PM
كل من يهاحم الامام هو كوز امنجي 0 خارقكن وين


#1302412 [Bdrtaha]
3.50/5 (2 صوت)

07-12-2015 01:51 PM
الله لا عادك انت شخص غير مرغوب فيه سواء من الحكومه او الشعب سواء حضرت ام لم تحضر


ردود على Bdrtaha
[السر موسى] 07-12-2015 03:08 PM
غور فى ستين الف داهيه


#1302402 [عادل الزعيم]
5.00/5 (1 صوت)

07-12-2015 01:45 PM
خايف يسجن تاني ابن اللذين


ردود على عادل الزعيم
European Union [ساره عبداالله] 07-12-2015 07:42 PM
كوبر مقر الاحرار كوبر تزيد من حصيلة كل معتقل لا يدخل السجن وهو سياسى الا وزاد من حصيلته
تاريخ الصادق مع السجن
الأولى فى مايو كوبر جبت الحامي نفى فى القاهرة كوبر فى الإنقاذ زنازينن
لكن لو السودان هو وطن ونحن جميعا ننحنى له
امثالكم ما تستحقوا يا كيان النضال من الكم
اقول المهدى عندما يعود ييكنسكم رب العزة من تراب هذا البلد لوثتوهو

European Union [ساره عبداالله] 07-12-2015 07:26 PM
انت سجنوك امكن فى مريسه


#1302399 [adil a omer]
4.82/5 (6 صوت)

07-12-2015 01:43 PM
انتو ما نصاح كدى شوفوا القصر الانا عايش فيهو ده والنضافه والحلاوه والرخام والزهور دى اخليهو واجى اقعد معاكم فى الضبابين والكهرباء والمويه القاطعه دى !!

وعيش مافى وغاز مافى انا راجل كبرت وما بقدر على التلتله دى والخط المعلق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة