الأخبار
أخبار السودان
آلية وثبة البشير : سنطلب من البشير تأجيل الوثبة إلى أكتوبر
آلية وثبة البشير : سنطلب من البشير تأجيل الوثبة إلى أكتوبر


07-23-2015 10:56 AM
الخرطوم:

تعتزم آلية "7+7" الخاصة بالحوار الوطني في السودان، مطالبة الرئيس عمر البشير الذي ستلتقيه خلال أيام، بتأجيل بدء الحوار الوطني إلى أكتوبر المقبل لإتاحة الفرصة أمام لجان الحوار لمزيد من التحضير، خاصة فيما يلي الاتصال بالأحزاب والحركات الممانعة.
وقال عضو آلية الحوار الوطني عبود جابر أن مقترح التأجيل تم التوافق عليه داخل آلية "7+7" بطرفيها، أحزاب الحكومة والمعارضة، وأوضح أن خارطة الطريق التي تواضعت عليه القوى السياسية المشاركة في الحوار نصت على أن يكون السقف الزمني للعملية 3 أشهر، بلا تمديد إلا لأمر طارئ أو ملح.
وعزا جابر أسباب تأجيل الحوار الوطني إلى إنفاذ التوصيات المتعلقة بتحريك لجان الحوار الوطني خاصة لجنة تهيئة المناخ للحوار حتى تعد برامجها ومطلوباتها، إضافة للجنة الاتصال بالقوى والحركات الممانعة التي سيتيح لها التأجيل التواصل مع الرافضين لضمان أن يكون الحوار شاملاً.
ولم يستبعد جابر إجراء اجتماعات تحضيرية أو تنسيقية بين آلية الحوار والقوى الممانعة خارج السودان، شريطة أن يلتئم الحوار داخل البلاد، كما أبدى استعداد الآلية لتبني أي مطلوبات من الممانعين لتهيئة الأجواء للحوار، شريطة أن تكون موضوعية وتصب في صالح العملية.

الجريدة






تعليقات 6 | إهداء 0 | زيارات 1903

التعليقات
#1307561 [احمد محمد علي]
0.00/5 (0 صوت)

07-23-2015 02:04 PM
ههههههههههاي
ههههههههههاي
ههههههههههاي ......................
صاحب الدكان، دق باب الراجل عايز ديونو. الراجل قال لولدو، امشي شوف ألفي الباب دا منو؟ الولد جا راجع قال ليهو دا صاحب الدكان. الراجل قال للولد امشي قول ليهو ابوي مافي. الولد رجع لصاحب الدكان وقال ليهو، أبوي قال ليك هو مافي !!
علي مين يا سي عبود !!


#1307521 [الجقود ود بري]
0.00/5 (0 صوت)

07-23-2015 01:13 PM
أظن أفضل أكتوبر 2020.


#1307502 [Sudani 1988]
0.00/5 (0 صوت)

07-23-2015 12:45 PM
ليه يعنى اكتوبر ؟؟؟؟؟؟
تكونوا عايزين تشمروا و تعضوا العراقى
عشان الوثوب يكون تمام


#1307467 [radar]
5.00/5 (1 صوت)

07-23-2015 11:43 AM
يا جماعة خلوه يثب يا جماعة خلوه يقفز. قال يطلبوا منه تأجيل مع أنه هو الذي قال لهم أطلبوا مني التأجيل لأن الموضوع كما تعلمون هو تمثيل في تمثيل. الذ حاجة أمبارح سمعت أحده قال تأجيل للقاء لحين عودة بعض الأعضاء من الأراضي المقدسة تذكرون لما قلت ليكم عندما قال غندور بعد العيد أنه سيخروجوا للناس بأعذار أخرى طيب بكرة سيعود الناس من الراضي المقدسة ثم يقولوا ليك كدي خلي لم يرجع غندور من تشاد مثلا أو أن أحدهم خالتوا توفت وأصبروا حتى يرجع أو يقولوا ليك أن الطفل المعجزة عنده شوية نزلة وكدي يا جماعة اصبروا شوية لم يتعافى أو يقولوا ليك والله الحج قرب كدي خلونا نحج ونجي والموضوع يا سادة يا كرام نوع من التمثيل وشراء الوقت صدقوني وكتب رأي هذه أكثر من مرة أن الذي يهم مصطفي اسماعيل هو كيف يؤمن ويحلل راتبه لأنه الآن شبه عاطل طبعا خيبرة في الأسنان ما في والاستثمار وفطموه منه المهم الباقي ليه جامعة الرازي ودي معاه شركاء


#1307462 [ابكر ادم احمد]
0.00/5 (0 صوت)

07-23-2015 11:40 AM
(شريطة ان تكون موضوعية وتصب في مصلحة العملية )!! يشرط بطنك الكبيرة المعبأة حرام . هو الموضوعي والبصب في مصلحة أسيادك ان كل القادمين يتشبهوا بك يعني يجو مطأطئي الرؤوس وصامتين ومنتبهين للأوامر عشات يلبوها زي ما بتعمل انت يا دلاهة يا البتأكل من موت وهوان اهلك .


#1307451 [خايوت بعانخى]
0.00/5 (0 صوت)

07-23-2015 11:15 AM
هى الوثبة ده كيف ؟؟ يعنى فى لحظة معينة سيشب وينظر الى اعلى ودوووت ..وينكشح الرمل الابيض فى كل الاتجاهات وتمت الوثبة؟؟ يا عبود الفكة اللى هم خمسينات مقفولة مثل الترابى والصادق ونص نيكلة مقفولة مش تعاريف مثل ابن محمد عثمان الميرغنى لم يقدروا عليه..وكمان داير وقت عشان تمشى القاهرة ولندن ؟ طيب ما تروح كاودة فى الاول ...



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة