الأخبار
أخبار إقليمية
برلمانيون: النفايات المتراكمة ستتسبب في وباء حال هطول الأمطار
برلمانيون: النفايات المتراكمة ستتسبب في وباء حال هطول الأمطار
الخرطوم من الارشيف


07-28-2015 10:59 AM
الخرطوم: عازة أبوعوف
دقَّ نواب بتشريعي الخرطوم ناقوس الخطر حول أوضاع النظافة والصرف
الصحي بالولاية، وطالبوا بضرورة سن قانون لمخالفات النفايات.
وحذر نواب في الوقت ذاته من تراكم النفايات بالولاية وتنبأوا بانتشار الوبائيات حال هطول الأمطار. وقال البرلماني مصطفى إبراهيم خلال جلسة تشريعي الخرطوم أمس: "إذا جاءت المطرة مأمون حميدة ما معروف يودي الناس وين من الوبائيات"، فيما انتقد النائب سليمان ممثل دائرة الأزهري أداء هيئة الصرف الصحي، وأشار إلى أن معالجات الصرف الصحي تتم وسط الأحياء. وكشف عن اتجاه مواطنين بمنطقة الأزهري لبيع منازلهم هرباً من الصرف الصحي .
وفي سياق منفصل أكد النائب محمد عبدالله حماد أن الخطة الإسعافية للمياه التي كلفت 9 مليار جنيه لم يستفد الريف منها شيئاً، وزاد: لأن المدن فيها المظاهرات والصحف وأضاف: قبل الانتخابات (يمشوا) للريف لأن الأصوات به كثيرة وبعدها ينسوه في الخدمات.

الجريدة


تعليقات 8 | إهداء 0 | زيارات 1178

التعليقات
#1310990 [السيل بوبا]
0.00/5 (0 صوت)

07-29-2015 11:20 AM
مع قدوم الوالي الجديد ابو رياله للخرطوم ، والبشريات تتسابق للخرطوم. إنقطاع الكهرباء والماء وإنعدام الدواء والغاز وتوقف بعض المدارس ، وتكدس الزبالة بالأحياء السكنية ، وطفح مياه الصرف الصحي ، وفي إنتظار الخريف ، ليصنع لنا ( حله القطر قام )
وخادم الفكي مجبور على الصلاة - عمر البشير قذف بهذا الوالي للخرطوم وهو أمضى من القنبلة النووية في الدمار.


#1310892 [قاسم الامين عبود]
0.00/5 (0 صوت)

07-29-2015 09:22 AM
ياتو نفايات يا جماعة الخرطوم مليانه نفايات وانتو عارفين كدا


#1310748 [ادروب]
0.00/5 (0 صوت)

07-29-2015 03:05 AM
نحاول نلم زبالة الموتمر الوطني الماسوني اولا


#1310705 [Nostalgia]
0.00/5 (0 صوت)

07-29-2015 12:08 AM
الصورة أعلى للخرطوم فى الستينيات مدينة نظيفة و منظمة, ومن ديك وعيك.


#1310434 [ود بحري]
0.00/5 (0 صوت)

07-28-2015 02:55 PM
كلام ابو محمد صاح.لانو انا تعبت جدا من الاوساخ قدام البيت بسبب النكاشة و كلو ما اتشاكل مع ناس البلدية بيقولو احنا بس بنتعامل مع الاوساخ الفي الاكياس و الشولات غير كدا ما غرضنا بالوسخ المشتت


#1310338 [Tarig Amman]
0.00/5 (0 صوت)

07-28-2015 12:55 PM
وش النكاشة ؟؟؟


#1310337 [ابو جلمبو]
0.00/5 (0 صوت)

07-28-2015 12:55 PM
شعب عفنان وعمره ما حيتعلم معنى النظام والنضافة
الا بالسوط والسجن والغرامات


#1310314 [ابومحمد]
5.00/5 (1 صوت)

07-28-2015 12:27 PM
بصراحة مهما عمل الوالى والمحليات من جهد وامكانيات. حتكون زى البحرث فىالبحر لوما قضت على ظاهرة انتشار النكاشة.ديل السبب الاساسى لانتشار الاوساخ فى الشوارع غلبونا تطلع كيس النفايات امام بيتك .بعد دقائق تلقي النفايات مشتت في الشارع. تتطائر مع الهواء .الناس ديل حايميين بالليل وبالنهار واعدادهم فى ازدياد كل يوم.وبعضهم اصبح يستعمل عربات الكارو ويجندمعاه عدد من الاطفال لتغطية اكبر مساحة.


ردود على ابومحمد
[حسن علي] 07-28-2015 01:15 PM
يا ابو محمد الكناسة ديل الكدايس فاتحين فيهم بلاغات تعدي علي الممتلكات ، وهم يعني لو ملحمتا جئن كانوا نكشوا اكياسكم المليانة بالخيرات دي ، ربنا يصلح الحال ونعود لأيام زمان ، قبل مؤامرة الترابي ربنا ينتقم منه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة