الأخبار
أخبار السودان
الجموعية يناشدون البشير بالتدخل لحل مشاكلهم مع الهواوير
الجموعية يناشدون البشير بالتدخل لحل مشاكلهم مع الهواوير


07-29-2015 10:07 AM

الخرطوم: سعاد الخضر
أدى تجدد الاشتباكات بين قبيلي الجموعية والهواوير أمس لارتفاع أعداد القتلى والجرحي في الأحداث التي انفجرت عقب عيد الفطر المبارك، فيما ناشد أعيان قبيلة الجموعية الرئيس عمر البشير بالتدخل العاجل لحل المشكلة.
ودفع أعيان القبيلة بخطاب لرئيس الجمهورية بواسطة والي ولاية الخرطوم الفريق عبد الرحيم محمد حسين ودعوا في الخطاب الذي تحصلت "الجريدة" على نسخة منه الرئيس لمخاطبة حشد جماهيري كان مقرراً له أمس الثلاثاء.

الجريدة






تعليقات 20 | إهداء 0 | زيارات 8813

التعليقات
#1312064 [ابن جلاء]
0.00/5 (0 صوت)

07-30-2015 04:12 PM
لقد سمعت كلام بعض الناس عندما حصل القتال بين بعض القبائل بدافرور وكردفان بعض الناس قالوا ديل جهله واقول لكم ان معظم السودان يقوده الجهل العمى سواء اكان في الشمال او دارفور وكردفان اوالجزيرة والشرق والقضارف والنيل الابيض وسنار وما حولها وما شابه ذلك ، اعتقد ان مسألة الامية منتشرة بين مختلف قطاعات الشعب حتى بالخرطوم والجريف وقرى الخرطوم وشرق النيل وام درمان وحولها الجموعية والهواوير والحماداب وغيرهم من شعوب اعتقد انها مشكلة كبيرة تكثر الامية في كل مجموعة سودانية قبيلية مع وجود بعض الشخاص ال متعلمين وغير المتعلمين ولكن تصبح الغلبة لغير المتعلمين او الاميين وهي مشكلة السودان الحقيقية التى يتكأ عليها السياسيين بالخرطوم او العساكر الذي حكموا البلد ، اعتقد ان احد الاشكليات التى واجهت الديمقراطية الثانية والثالثة تمثلت في ثلاث اشياء اولها جغرافية الوطن الواسعة وقضية الجهل و اينما ذهبت بمناطق السودان تلاحظ مسالة الامية تحدق بمعظم الناس دون فرز ثانيا مسالة المحيط الجفرافي السودانى وتعدد دول الجوار ومشاكلها الكثيرة وتأثر السودان بها والتداخل القبلي 3 قلة راس المال وهو عصبة الحياة ولذا اي نظام ياتى للبلد يركز على مسالة الاستفادة من الاموال الوجودة اصلا في حدود المعقول يحاول بعض السياسين او الحاكمين الاستفادة من تلك الاموال في اهدافهم الذاتية لا المصلحة العامة والاهتمام بتنمية البلد بصورة جيدة وتطويرها وتفعيل التنمية البشرية نحو سبل الحياة بصورة اوسع وتوعية السكان بالنهضة المستحدثة وعدم اشاع سياسة فرق تسد وردم فجوة القبلية وازاحت الغبن ان وجد وكذلك القضاء على الفساد ومحاكمة اى شخص يخالف القانون وعدم مهابة اى شخص ، اعتقد ان الصراع بين المجموعتين نشأ بسبب ظروف الحياة الاقتصادية والنزاع على الارض ما كان ذذلك يحدث لو عملت الحكومة على توفير سبل المعيشة للناس بقدر بسيط يسد جوف الجيعان واعتقد ان مسألة الازمة الاقتصادية الطاحنة سوف تولد كثير من المشاكل القبيلة بالسودان وتعيده الي ايام الجهوية الاولى وحروب القبائل انذاك القوى يأكل الضعيف اذا الدولة لم تتدراك الامر لان كثر السلاح الناري الان قبائل بكردفان ودارفور تملك كمية من السلام ما لم يملكه جيش دولة ويبقى انتشار السلاح الغير مرخص باليبلد هي اس الاشكال وتعال شوف الشرق .. واعتقد ان المشاكل القبيلية تحتاج الى حسم رادع وقوي ولا مجاملة مع اى طرف وان تفرض الدولة هيبتها على كلب بقعة سودانية والا راح الوطن في خبر كان -وان كان البلد فقد ثلثه والباقي في الطريق


#1311741 [المنجلك]
0.00/5 (0 صوت)

07-30-2015 10:00 AM
يا جموعية سلاحك هو فلاحك شفو ناس حميدتي الحكومة هي التي تستجدي بهم وليس العكس سلحوا القبائل والضعيف يأكل نارو ونحن نحتاج للقبيلة المسلحة فهي الوحيدة التي تستطيع حماية افرادها وكلو زول يشوف ناسوا وين. هذه ضرورة للتوازن القبلي المسلح والمشكلة ان قبائل شمال ووسط السودان مسالمة ولا تستطيع حماية مصالحها فهي لم تتسلح حتي الان والحكومة في ورطة لا تستطيع مواجهة القبلية لانها من سلحتها ويمكنكم الاطلاع علي اسماء القبائل ومدي تسليحها فلا يوجد قبائل قوية مسلحة في وسط السودان وشماله كما في الغرب والجنوب وجزء من شرق السودان


ردود على المنجلك
[دفارر] 07-30-2015 11:54 AM
صدقت يعني لو الجنجويد عملو مشكلة مع الجموعية يشتكوا لمنو جيش مافي وقبائل مسلحة يعني قبيلتك ان لم تمتلك السلاح تصبح مطية لقبائل اخري


#1311663 [ياسر]
0.00/5 (0 صوت)

07-30-2015 08:26 AM
يا اخوانا الحكومة عليها ضغط كبير نتيجة رداءة الخدمات انقطاع الماء والكهرباء والغلاء والآن دخل الخريف ... واذا اسنمر الوضع كدا الناس طالعين طالعين فلازم يكون في حاجة تلهيهم ... فيا لهواوير والجموعية لاتوقفوا القتال موتوا حتى تعدي ازمة الحكومة وورطتها.


#1311622 [التكية]
0.00/5 (0 صوت)

07-30-2015 07:54 AM
يا الهواوير والجموعية افهموا تماما نحنا فى غرب السودان تم ابادة شعبنابالحواكيز وزرع الفتن بين القبائل المتعايشة والمصاهرة من الاف السنين الان الحكومة تنظر لمصلحتها فقد ليس الا ارجو حل مشكلتكم بالجلوس مع كل الادارت الاهلية وناس الخير


#1311492 [سوداني عاوز يعرف؟؟]
0.00/5 (0 صوت)

07-30-2015 01:59 AM
ياجماعه سلام عليكم الله يطفي نار الفتنه اللهم اصلح الحال وجنب السودان شر الفتن. بالله عاوز اعرف من هم الهواوير قريب الاسم للجعليه ومم هم الجموعيه لكم الشكر


ردود على سوداني عاوز يعرف؟؟
[kola] 07-30-2015 08:56 PM
يعني عرب اللسان غير أنهم لا يتكلمون النوبية وهم جزء من المحس وأول من استقر بالخرطوم قبل خمسمائة عام , أما صلتهم بالمجلس فهم جماعة عربية كانت قبل أن تسكن الخرطوم يعيشون بأرض المحس وانتقلو جنوبا لذلك ينتمون كاسم لقبيلة المحس, هذا علي حسب علمى أنهم خارج انترناشونال ي اي وكتب الأنصاري وجد هم في الخرطوم الأرباب وهم جميع المحس الذين يسكنون الخرطوم حاليا والله أعلم. هنالك مقالات عن سكان الخرطوم الأصليين موجودة بالنت

European Union [صابر] 07-30-2015 12:51 PM
صحي في محس عرب؟ افيدونا ياناس و زيدوا معلوماتنا.

[kola] 07-30-2015 10:25 AM
الهواوير قبيلة عربية تسكن امدرمان على ضفافه ولديهم كثير من الاراضي والبساتين بكرري , والجموعية يعتبرون من سكان الخرطوم الاصليين مع المحس العرب , ولا اعرف سبب خلافهم شنو؟


#1311466 [احمد دسوقي]
0.00/5 (0 صوت)

07-30-2015 12:21 AM
لازم مشاكلنا تكون في الأراضي
لأنو استضفنا الناس وعايزين
يحقرو بينا نحن الجموعيه
العاصمه دي خلقونا فيها
ومافي زول سكن قبلنا فيها
ورجال بنحل مشاكلنا مع
النازحين


#1311421 [جقددول]
0.00/5 (0 صوت)

07-29-2015 10:06 PM
لابد من حقن الدماء باي صورة وانهاء هذا التناوش بين القبيلتين


#1311388 [جقددول]
0.00/5 (0 صوت)

07-29-2015 08:51 PM
العجيبة الحكومة روجت للقبلية الحاصلة دي واهتمت باعلاء شانها
وتناست تماما عمد وشيوخ القبايل واهملتهم الان تلجا لهم ليحلوا المشاكل
كيف الكلام ده الحكومة هي الخربت السودان وجعلته قبايل متناحرة
وافتكرت انها تستطيع السيطرة على القبلية ده حلم ابليس في الجنة
الهواوير يريدوا ان يفرضوا وجودهم بالقوة في ارض هي للجموعية
فماعندهم اي حق في هذه الاراضي ليس تحيزا للجموعية فلست جموعي لكنهم ناس مسالمين
والارض ملكهم من جبيل الطينة للشلال وغربا معروف حدهم وين
الهواوير مشاكلهم مابنتهي و مع كل القابيل التي تجاورهم
من الكبابيش ودار حامد ومشاكلهم مع الشايقية والبديرية والدناقلة على النيل
لانهم يجوا بي جمالهم وبهايمهم ويدخلوا زراعة الناس ويفرضوا وجودهم بالقوة
كان حموهم الدواس بيحصل لازم الحكومة تجد لهم حل فهم ناس خلا والبهائم بتفرض تحركهم
دي مشكلة لابد لها من حل وحكومتنا عاجزة عن حل اي شيء فهي من اتت بالهواوير في مناطق الجموعية


#1311360 [فتح الرحمن الدود جابر]
0.00/5 (0 صوت)

07-29-2015 08:04 PM
ر بنا يرفع الفتن بين الاخوان (الجموعى والهوارى ) الكل يجمعهم وطن واحد ودين واحد.أين أصحاب الحل والعقد وأهل الرأى والشورة من القبليتين .ونترحم على الاموات من الجانبين وربنا يشفى الجرحى ويطفى نار الفتنة


#1311347 [جموعى سيد بلد والباقى ضيوف]
0.00/5 (0 صوت)

07-29-2015 07:33 PM
سعاد الخضر دى منى موهومة فى راسه ولا شنو انتو بتصدقوا الكلام ده
الجموعية لا ناشدوا لا بناشدوا زول حقهم بقلعوا حمرة عين ومن الحكومة قبل النازحين شوفوا شغلتكم الكلام كمل اى هامل يرجع محل ما جاء عريب شنوا البنناشد ليهم الحكومة


ردود على جموعى سيد بلد والباقى ضيوف
[جموعى سيد بلد والباقى ضيوف] 08-09-2015 07:38 AM
كن من ابناء عمومتنا المشايخة والزنارخة وكلهم أتى بعدنا وهم اصهارنا لهم الاحترام والتقدير

[زول الخلا] 07-30-2015 01:12 PM
إنت يالحبيب سيد بلد وين ممكن من جبل أولياء ولفوق يعني إنتو ناس بحر أبيض ولا عندكم علاقة حتي بأمدرمان ولما جاء المهدي وحاصر غردون ما لقاكم لقي أجدادنا في ديم أبوسعد.


#1311254 [تكد الدولة سخطان]
5.00/5 (1 صوت)

07-29-2015 04:10 PM
البشير أسعد الناس بهذا القتال ويتمنى لو اققتلت كل قبائل السودان غيما بينها وبقى هو الرئيس في قصره


#1311164 [ابومحمد]
0.00/5 (0 صوت)

07-29-2015 01:45 PM
اول حاجه البشير يحل مشكلته مع اولاد جون وبعدين يشوف مشكلتكم دي


#1311152 [كردفاني]
0.00/5 (0 صوت)

07-29-2015 01:32 PM
هذه هو عين العقل فإذا لم يحل هذه المشكلة الرئيس فلن تجد الحل ويحلكم الحلة بلة


#1311135 [Mohamed]
0.00/5 (0 صوت)

07-29-2015 01:17 PM
ما حا انادي باسم قبيلة لانو انا بكره القبلية والعنصرية .. وبقول ليكم لقد افلحت اذ ناديت ولكن لا حياة لمن تنادي .. البشير ده عوير بس ريالتو لسع ما سالت .. ياريت ما تكونوا مخدوعين اكتر من كده..


#1311067 [عماد العسيلى]
0.00/5 (0 صوت)

07-29-2015 12:07 PM
اكيد مشاكلهم دى بتكون فى الاراضى


ردود على عماد العسيلى
[زول الخلا] 07-29-2015 03:27 PM
جماعة ديل لمو في الأراضي بيع غرب أمدرمان وطبعا حبايبي الهواوير الجموعية بعتبروهم نازحين علي المنطقة..الأراضي والتعويضات جننت كل خلق الله.


#1311048 [wad aldosh]
5.00/5 (2 صوت)

07-29-2015 11:51 AM
لا يمكن البشير يكون الحل هو سبب المشاكل القبلية في كل أطراف المعمورة!!!!!!!


#1311034 [غسان بابكر]
0.00/5 (0 صوت)

07-29-2015 11:30 AM
الالفاظ التي تنطق بها امام عائلتك بشكل عادي
هنا غير مقبولة


#1311019 [ابو السمح]
5.00/5 (1 صوت)

07-29-2015 11:00 AM
دخلتوا فيها البشير يا دوب كبرت و خربت
اختوا الزول دة و اقعدوا واطة براكم تحلوها
نصيحة ليكم ابعدوا من وش الشئوم دة حسى بيدخلكم في حسابات تانية انتو في غنى عنها
و لو ما مصدقين كلامي حاتوا نموذج واحد نجح فيها


ردود على ابو السمح
[watani adeel] 07-29-2015 04:38 PM
pravoooooooooo


#1311018 [ٍSalah AL Deen P]
5.00/5 (2 صوت)

07-29-2015 10:59 AM
يناشدو شنو!!! حقو يناشدوه يصلح ضرسوا اول
دا فايق ليكم ، امشوا اقتلوا بعضكم ساي ، بارك الله فيكم وجزاكم الله خيرا


ردود على ٍSalah AL Deen P
European Union [صابر] 07-29-2015 02:04 PM
االقبائل تتقاتل في دارفور و كردفان قالوا ديل بعيدين و متخلفين اصبحت الصراعات القبلية علي ابواب القصر الجمهوري اي المركز اذاً التخلف سمة كل السودانيين و قريباً تسمعوا الدناقلة و الشايقية و المحس و الرباطاب و الجعليين و الفلاتة و هلمجرا ده كله لانو مافي حكومة مسئولة تتصدي للمشاكل و تحول دون و قوعها و لا احد يشك في انو الحاكميين لهم مآرب في استمرار الصراعات القبلية و باي كيفية اذاً لماذا ؟
و العالم كله تقدم و تخطي هذه المرحلة قبل قرون.


#1311010 [ياريس]
5.00/5 (2 صوت)

07-29-2015 10:52 AM
هوي البشير مافاضي ليكم
دا مشغول بي طرح البنات واغلاق الصحف والرقيص والكضب

حلو مشاكلكم والسودان يتفرج
زي ما تفرجنا على الجنوب ودارفور



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة