الأخبار
أخبار إقليمية
البشير يعتزم إلقاء كلمة في قمة للأمم المتحدة في نيويورك
البشير يعتزم إلقاء كلمة في قمة للأمم المتحدة في نيويورك
البشير يعتزم إلقاء كلمة في قمة للأمم المتحدة في نيويورك


08-04-2015 02:26 AM
الأمم المتحدة (رويترز) - قال نائب مندوب السودان بالأمم المتحدة يوم الاثنين إن الرئيس السوداني عمر حسن البشير الذي وجهت له المحكمة الجنائية الدولية اتهامات بارتكاب جرائم حرب والإبادة الجماعية يعتزم السفر إلى نيويورك في سبتمبر ايلول ليلقي كلمة امام الأمم المتحدة.

ويورد جدول أعمال مبدئي وضعته المنظمة الدولية خاص بقمة التنمية المستدامة اسم الرئيس السوداني على أنه سيلقي كلمة في 26 سبتمبر أيلول. ومن المقرر أن تتبنى القمة رسميا خطة للتنمية المستدامة في العالم على مدى 15 عاما قادمة.

ولدى سؤاله عما إذا كان البشير سيحضر القمة قال نائب مندوب السودان لدى الأمم المتحدة حسن حميد حسن "نعم". ولكنه لم يعط المزيد من التفاصيل. وكان جدول أعمال مؤقت خاص باجتماعات الجمعية العامة للأمم المتحدة التي تبدأ في 28 سبتمبر يشير فقط إلى السودان على أنه ممثل تمثيلا وزاريا.

وامتنع علي الصادق المتحدث باسم وزارة الخارجية السودانية عن التعليق.

وأراد البشير التحدث في الجمعية العامة للأمم المتحدة في عام 2013. ولكن مسؤولين سودانيين قالوا إن طلب التأشيرة الأمريكي كان معلقا. وهو ما حال دون سفره. ووصفت واشنطن طلب التأشيرة في ذلك الوقت بأنه "مؤسف".

ولم يتسن على الفور الحصول على تعليق من متحدث باسم وزارة الخارجية الأمريكية حول نوايا البشير لزيارة نيويورك الشهر المقبل.

وأصدرت المحكمة الجنائية الدولية ومقرها في لاهاي بهولندا في 2009 و2010 مذكرات اعتقال اتهمت فيها البشير بأنه وراء جرائم إبادة جماعية وغير ذلك من الفظائع ضمن مساعية لسحق انتفاضة في إقليم دارفور بغرب السودان.

ويتعين على أعضاء المحكمة الجنائية الدولية التحرك لتنفيذ مذكرات الاعتقال لكن الولايات المتحدة ليست عضوا فيها. كما ترتبط الولايات المتحدة باتفاق خاص يقضي بالسماح لقادة الدول الأعضاء في الأمم المتحدة بحضور الجمعية العامة.

ونجح البشير الذي يرفض سلطة المحكمة في السفر عبر أفريقيا والشرق الأوسط. لكنه خلال زيارة لجنوب أفريقيا في وقت سابق هذا العام أجبر على السفر بشكل مفاجئ بعدما قضت محكمة بضرورة منعه من السفر في انتظار نتيجة جلسة بشأن توقيفه المحتمل.


تعليقات 95 | إهداء 0 | زيارات 23526

صفحة 1 من 212>
التعليقات
#1315644 [زول الخلا]
0.00/5 (0 صوت)

08-05-2015 11:21 AM
دا الدود النتر ما بخاف خلوهو يمشي..


#1315624 [ابو مهند]
0.00/5 (0 صوت)

08-05-2015 10:51 AM
ما مهم يمشي ولا لا
وكذاااب ما يقدر يمشي


#1315596 [محجوب عبد المنعم حسن معني]
5.00/5 (1 صوت)

08-05-2015 10:17 AM
في اعتقادي ان البشير سوف يذهب الى نيويورك
اوباما يريد ان يختم دورته الانتخابية بنجاح
اعادة العلاقات مع ايران
اعادة العلاقات مع كوبا
بداية التدخل المباشر في سوريا
بذلك يكون تخلص من محور الشر
ليبدأ رفع اسماء الدول الراعية للارهاب ومنها السودان
المعطيات:
منح التاشيرات من الخرطوم وعمل كأفة الاجراءت القنصلية
ضغوط من الشركات الامريكية مثل شركات الادوية والاتصالات وكانت النتيجة فتح المجال بالكامل.
لقاء غندور في اديس
المبعوث الامريكي في الخرطوم
فك الارتباط بين القوات السودانية الليبية
الزيارة المرتقبة لبانكي موون للخرطوم
ارهاصات الاستثمار الروسي في السودان في مجال الذهب واليورانيوم
اخيراً وليس اخراً توسط المملكة العربية السعودية ودول الخليج
الثمن هو ان يتدخل السودان لحل مشكلة الجنوب وعلى ظني سوف يكون حراك في مشكلة الجنوب قبل انعقاد الجمعية العامة للامم المتحدة في الثامن والعشرون من سبتمبر القادم.
ويا خبر بفلوس بكرة

مع مودتي


ردود على محجوب عبد المنعم حسن معني
[محجوب عبد المنعم حسن معني] 08-05-2015 02:29 PM
الاخ الكريم عبد العزيز
تحياتي
مشكور يا ملك وتسلم
مع مودتي

Russian Federation [عبد العزيز] 08-05-2015 12:17 PM
أحسنت . تحليل في الصميم


#1315548 [بدون تعليق]
0.00/5 (0 صوت)

08-05-2015 09:16 AM
ا لزول ده الا يكون سايق معاهو بله الغايب وشيخ الجكس بي حيرانه


#1315403 [الأزهري]
0.00/5 (0 صوت)

08-05-2015 04:57 AM
طبعا دا نفس السيناريو الجبان المعروف في الأول يقول الرئيس حيحضر ويخاطب ويلقي كلمة وسيذهب وذلك من جميع الأبواق ولما يجي اليوم الموعود يقول أمريكا ما ادتنا التأشيرة وتلقاهم حتى ما قدموا ليها وإن شاء الله المرة دي يقدموا وأمريكا تديهم التأشيرة عشان نشوف ياتو عذر بعد كده


#1315377 [سوداني]
0.00/5 (0 صوت)

08-05-2015 01:59 AM
ده لعب كبار يا ناس
كتير منه ما مفهوم
عمك عمر البشير زاتو ما فاهم حاجه
الامريكان بيعرفو يلعبو كويس بالطغاه امثاله و القزافي و صدام و غيرهم
لحدي ما تجي لحظه يبقي كرت محروق بينتهو منه
الامريكان ليست ملاءكه و الا ما كانو بقو اقوي دوله في العالم


#1315376 [rami 122]
0.00/5 (0 صوت)

08-05-2015 01:56 AM
ماش يلقي كلمة ............. سبحان الله فرضو علينا عقوبات بسبب الحكومة السجم دي .. وماشي يلقي كلمة ....... لا الكلمة دي شنو يعني ...

قصة تحيررررررررررررر في الناس ديل حيرونا معاهم ......


#1315370 [عيدالعزيز عبدالباسط]
0.00/5 (0 صوت)

08-05-2015 01:10 AM
لو مشى وجا سليم ابقى سجم خشم فاتو


#1315361 [احمد محى الدين]
4.50/5 (2 صوت)

08-05-2015 12:40 AM
الخبر كالعادة كاذب
وقد سبق ان جاء نفس الخبر فى عام 2013 و لم يذهب لنيويورك .
حتى ان مندوبة امريكا كانت قد علقت على الخبر فى حينها حسبما جاء بصحيفة الراكوبة فى الرابط الآتى:
http://www.alrakoba.net/news-action-show-id-116071.htm

مندوبة أمريكا بالأمم المتحدة تسخر من رغبة البشير في زيارة نيويورك وتطالبه بتسليم نفسه للمحكمة الدولية.
09-17-2013 04:33 AM

سخرت مندوبة واشنطن الدائمة لدى الأمم المتحدة السفيرة سامثا باور، يوم الاثنين، من الأنباء التي أفادت برغبة الرئيس السوداني عمر البشير الحضور إلى نيويورك الشهر الجاري للمشاركة في أعمال افتتاح الدورة 68 للجمعية العامة للأمم المتحدة.

وقالت السفيرة الأمريكية للصحفيين "لقد قرأت أخبارًا تتعلق برغبة البشير المتهم في ارتكاب جرائم أمام المحكمة الجنائية الدولية الحضور إلى هنا من أجل مشاركة في اجتماعات الجمعية العامة للأمم المتحدة، ونحن نرى أن زيارته غير مناسبة ومدعاة للسخرية وللأسف".

وتابعت سامنثا باور قائلة "من الأولى بالرئيس السوداني المتهم بارتكاب جرائم أن يجعل رحلته إلى لاهاي ويقوم بتسليم نفسه لمحاكمته على التهم الموجهة إليه".
---------------------إنتهى الخبر ----------------------------------

يعنى الحكاية كلها ضحك على العقول من العصابة الحاكمة و محاوله إشغال الناس بأخبار كاذبة يعرفون هم أولاً عدم صحتها ..
دة كله عدم حياء و عدم إختشاء و عدم اخلاق فى النهاية .


#1315341 [عشا البايتات]
5.00/5 (1 صوت)

08-04-2015 11:21 PM
البشير ما مفروض يمشي هذه القمة حتى لو لم يكن مطلوب من الجنائية لانه ببساطة فاشل وما عنده شئ يقوله هناك ، كفاية خمسة وعشرون سنة خراب ودمار وتخريب في السودان ، المكان الوحيد المفروض يتوجه اليه هو المحكمة الجنائية تحاكمه وفق القانون الدولي على الجرائم التي ارتكبها ضدد شعبه الاعزل ثم يتم تسليمه الى الشعب السوداني ليحاكمه على دمار السودان .


#1315329 [ALIIIIIIIIIIIIIIIIIIIIIIIIIIIIIIIIIIIIIII]
3.00/5 (1 صوت)

08-04-2015 10:29 PM
لن يعطوه تاشيرة ولا يحزنون امريكا دولة سياستها معقدة وفائدتها تكمن في الحكومات الضعيفة والتافهة كحكومة الكيزان امريكا تريد دول خانعة لسهولة التحكم بها كحكومة السودان والعديد من دول المنطقة والعالم فامريكا لها تاريخ حافل بدعم القتلة والسفاحين فهي نفسها بنيت علي ايدي القتلة والسفاحين الخلاصة ممكن يدوه التاشيرة عادي زي ماادوها لاحمدي نجاد رئيس ايران الاسبق وبعدين لمن يجي دوره في الحديث يقومو كلهم من القاعة لزوم النفاق والمتاجرة بحقوق الانسان هذه اللعبة التي تجيدها امريكا والدول الغربية لتحقيق ماربها لدي الدول الفاشلة كالسودان وغيره دول كثيرة كالدول المحيطة بنا علي سبيل المثال اوو ممكن يعملو فيها زايغين ومايدوهو ليها برضو هذا طبعا لايغير من الامر شئ اصلا البشير وغيره العوبة في يد امريكا ليس اكثر ده زول ملطشة مايسوي ثمن الجزمة اللابسها في رجلو..كسرة المتوقعين من امريكا الجنة حقو يشوفو ليهم شغلة تانية دي دولة بتنفذ سياسات معينة لخدمة اغراض معينة وليس جزافا ومافي حاجة اسمها يمة ارحميني عندهم وبرضو لو دايرين يقبضوهو عادي ممكن يقبضوهو ويتشلهت زي الكلب قال شنو الجنائية تحت جزمتي والله ياعمر البشير انت وحكومتك وجيشك والكوش المعاك كلهم تحت جزمة امريكا بل العالم اجمع بالله قوم لف ياهلفوت ياطيش الفصل خلي الصين تنفعك وخلي روسيا تنفعك


#1315296 [عصمتووف]
4.50/5 (2 صوت)

08-04-2015 09:08 PM
1 دوووووول قنبلة اولا لو صدقنا دويها مثلا اتوقع انسحاب جميع الرؤساء المحترمين الديمقراطين اولاد البلد م عدا حكام معروفين من دول الجوار لكن س ياخذون غفوة صغيره اثناء خطاب المهزلة المحشو ب الكذب والبعيد عن الواقع ويستعدون للرؤساء المنسحبون بعد خروج المعتوة الي اسواق نيويورك ومولاتها وعقد صققات مع كارتيلات المخدرات والتهريب والجنس
2
المهم الخبر البلونة هو اعادة الروح لجسده المنهك ورفع روحة المعنوية بعد صفعة ف فقرتة المكتنزة ب الشحوم واللحوم حتي اصبح يشبة انبوبة البوتجاز واهدار كرامتة ب جنوب افريقيا
3 السيناريو المطروح س يتقدم ب طلي تاشيره لحضور القمة وف النهاية يعتذرون ب اعذار واهية بعدة السن من مسار الي ربيع الي الكاروري الي نائبة شيخ خفر المجلس الوطني الي الفحيل وبتاع الترمس والتسالي عدة السن و بكل الرطانات س نسعها بس كثرو حبوب السكر والضغط


#1315292 [صلاح حسن]
4.75/5 (4 صوت)

08-04-2015 09:02 PM
هاهاهاهاهاها ,
عايز ليهو زرّة تانية زى بتاعت جنوب افريقيا ؟؟

لا ما أظن يهبل نفسو مرة تانية و يتقفل فى طيارة واقفة فى مطار أكثر من 18 ساعة كما حدث فى جوهانسبيرغ .

الخبر كاذب و عاملنو ل إلهاء الناس عن شيئ ما يدبرون فعله ..
هذه عصابة مجرمة محترفة فى إمكانها فعل أى شيئ قبيح إجرامى .


#1315282 [حسن عوض]
5.00/5 (2 صوت)

08-04-2015 08:50 PM
و كيف حيصل نيويورك مقر الامم المتحدة ؟؟
إلا يركب صاروخ مباشر الخرطوم-نيويورك ,

أو يركب مكوك فضائى مايعبر أى دولة فى الطريق , يكون طريقه من الخرطوم للفضاء الخارجى و من هناك يلف على نيويورك ,


#1315264 [شتات خالى محطات]
0.00/5 (0 صوت)

08-04-2015 08:24 PM
انا ما بصدق الا يوم يركب التونسية اما خلاف ذلك جعجة وكذب كيزان زولكم دة بحر تانى ما بقطعو خلى محيط


#1315241 [ثورة الزنج]
0.00/5 (0 صوت)

08-04-2015 07:44 PM
ز


#1315205 [صابر الصابر]
0.00/5 (0 صوت)

08-04-2015 06:17 PM
غايتو اذا مشى ومرق من دي سليم تاني الحبة ما بتجيوه ..وعندنا مثل يقول الديك كان غير مرقدو بنضبح....


#1315168 [فارس]
0.00/5 (0 صوت)

08-04-2015 05:21 PM
السؤال كيف سيذهب وما هو الطريق الذى سيسلكه؟؟ طائرته الروسية اليوشن لا بد أن تقف في أوروبا للتزويد بالوقود قبل الطيران عبر المنحنى العظيم لأمريكا وسيتم القبض عليه في هذه الوقفة لأن كل دول أوروبا أعضاء في المحكمة الجنائية.

أتمنى من الأمريكان أن يعطوه فيزا الدخول ونشوف رجالة الجعلى دة.


ردود على فارس
European Union [برجل] 08-04-2015 11:21 PM
احتمال يقول عايز لي فكي قوي يقلبني نحلة ويقوم الفكي بتاعو يقلبوا نحلة يقوم يطير لي امريكيا ولمن يصل قريب للحدود الامريكية يلم فيهو النحل الامريكي ويسالوا انت جاي من وين شكلك كده مانحلة يقوم البشير (النحلة) يقول ليهم انا نحلة يااخ يقول ليه النحل الامريكي انت مااااااانحلة شكلك دا مايطمن انتا مانحلة يقوم يقولوا ليه خلاص اثبت لينا انك نحلة وجيب لينا عسل يقوم البشير (النحلة) يقول موافق ويبدا يعصر في نفسو ويتمقى ويعصر في بطنو فجاءة تجي وداد بابكر تصحي من النوم وتقول لي قوم ياراجل كضبك الكتير دا وعرفنا الهرار في السرير لزومو شنو!!!!!

[عصمتووف] 08-04-2015 09:13 PM
سوف يطير عبر مملكة المغرب ويقطع المحيط وتوش يجد نفسة ب نييويورك ويتمني ان تسقط به الطائرة ف المحيط ولا يفبض علية ده لو كشكش كيس قلبوا ينقطع وصلعتة تعرق السؤال هل سيقدم لنا فاصل راقص كما عودنا

[150150] 08-04-2015 08:56 PM
يمكن يكون خليفة المك نمر ويكب البيرك نحو المكسيك عن طريق الانفاق


#1315140 [عبد الشكور شكرالله]
0.00/5 (0 صوت)

08-04-2015 04:30 PM
ز


#1315093 [عادل الزعيم]
5.00/5 (2 صوت)

08-04-2015 03:39 PM
لو الأميركان عندهم فهم يدو فيزا و يكون الفار وقع في المصيده


#1315078 [جقر المنشية]
5.00/5 (2 صوت)

08-04-2015 03:24 PM
يمشي وين.. بعد زنقة جوهانسبرج ههههه


#1315071 [عابر سبيل]
4.88/5 (4 صوت)

08-04-2015 03:16 PM
الأمريكان بيلعبوا لصالح ورقهم وفي الظاهر دولة ديمقراطية والدليل على ذلك إتفاقهم مع إيران رغم معارضة إسرائيل ودول الخليج يعني سودان شنو البيفرض على الأمريكان بنوده تعلم الحكومة الأمريكية أن حكومة السودان ضعيفة للغاية وغير مرغوب فيها من الشعب وترغب في إستمرارها بهذا الشكل لانها تحقق مصالها وهو المهم


#1315047 [ادم ولد دارفور]
5.00/5 (4 صوت)

08-04-2015 02:41 PM
أهلا وسهلاً ببشة في لأمم المتحدة في نيويورك ونحن إن شاء أصدقائنا يكونوا جاهزين لإستقباله بالورود ومن ثم سوف يتم الوداع الآخير لبشة إلي قصره الجديد الذي طال الإنتظار فيها، بس ما تنسي يابشة أخذ حقق بالكامل من ودودة لأن قصر لاهاي بهولندا ممنوع دخول الحرمة!


#1315030 [الـــســــيـــف الــبـــتــــــــار]
5.00/5 (4 صوت)

08-04-2015 02:22 PM
التنمية المستدامه بجيب ليك الندامه و خليك من البوبار و فك الزرار و تقعد تتبجح فينا و تقول مسافر و عندك خطاب و لازم تلقيه امام الرؤساء و الملوك و الشيوخ ؟
يا راجل انتا عاجبك أسم أسد افريقيا و فاكر نفسك اسد بالجد ؟
اركز و الزم علبك و خليك فى البلد الهامله دى تتجول و تبرطع فيها شرق و غرب و شمال و جنوب و ما فى زول سائل فيك لكن اولاد العم سام ديل اخطاهم و ما تفتكر انو هم ما اعضاء فى الجنائيه لكن سرهم باتع و كلمتهم سيف و واحد مواطن بسيط يرفع عليك دعوه بالابادة الجماعيه تقوم الدنيا و تقعد لانه فيها ديمقراطيه و حريه و قضاء نزيه و حقوق للمواطنه و المقيم و كمان ما تنسى اولادنا الهجرتهم قسرا ما اكصرهم موجودين و قاعدين ليك فى نفسك و غصبا عنك ؟
بس اركز و ابقى راجل قدر الدعاية العملتها و الاثارة الاعلاميه يا همبول .


#1315020 [حسن فضل]
5.00/5 (4 صوت)

08-04-2015 02:13 PM
امشي وين كضاب الزول روكبو مامستحملة جنوب افريقيا ماخلت فية شي


#1315006 [أب راسن غليد]
4.75/5 (5 صوت)

08-04-2015 02:02 PM
خليهو يسوق معاه اب ريالة بتعاع الترجمة بالنظر .. اصلنا خلاص اتفضحنا و الكان كان!


#1314985 [فدائى]
5.00/5 (4 صوت)

08-04-2015 01:37 PM
لو لاحظ احرار الراكوبه تعود النظام وجهاز امنه على اطلاق الاشاعات اواى برنامج ناويين اعملوه احيانا بكون تغطيه لبلوه واحيانا كثيره بفتشو على الراى السديد والعلمى ودى هم ما عندهم مادام ما عندهم لازم يفتشوها. وين عند المعارضه البقولو للناس ماعندها برنامج ومابتقدر تحكم السودان كتير منكم مرات بستفزو راى مثلا صادف مجال تخصصك بتقوم تزهج وتزعل وتبدا تشرح على حسب فهمك لمجال شغلك وهنا دا المطلوب من اطلاق الاشاعه سوى كان ده فى مواقع التواصل او فى الحياه اليوميه العاديه لذلك كان الاتفاق مع شركة معدات التجسس الايطاليه ونكون نحنا الحلينا ليهم مشكله لو سكتنا على الشى البنعرفو ممكن تدمرهم وماشاء الله كتر مننا يتصدو بالشرح الكافى الوافى السليم لذلك المفروض فى مواضيع مفخخه ذى دى نسخر منهم بدون اى تحليل


#1314981 [زول]
5.00/5 (1 صوت)

08-04-2015 01:31 PM
من احال امر البشير للمحكمة الجنائية هو مجلس الامن وليست الامم المتحدة ولا امريكا التي ليست هي بعضو في ميثاق روما وسفر البشير ليس لامريكا ولكن لمبنى الامم المتحدة وله الحق في الحضور بحكم عضوية السودان في الامم المتحدة


ردود على زول
[بنغالي جوازو رايح] 08-05-2015 09:55 AM
و مجلس الامن ده يا جاهل عملوهو في حلتكم؟؟؟ ده الامم المتحده زاااااتا

[abushihab] 08-04-2015 05:03 PM
المية تكدب الغطاس.


#1314958 [jafar]
5.00/5 (3 صوت)

08-04-2015 01:13 PM
لا تعليق .. ولكن بصراحة عجبتنى الصورة المرفقة اعلاها ومعبرة جدا .. برافو ناس الراكوبة


#1314949 [الداندورمي.]
5.00/5 (2 صوت)

08-04-2015 01:03 PM
أنصحك أن تأخذ معاك الشريحه الأولي
الشريحه الثانيه بتفكك عكس الهواء.


ردود على الداندورمي.
[abushihab] 08-04-2015 05:08 PM
الشريحة الاولي خارج الخدمة.بس لكن....الجوال ذاتو عطلان..


#1314936 [أسامة عبدالرحيم]
5.00/5 (1 صوت)

08-04-2015 12:47 PM
هذه المعلومة غير مؤكدة لكن إذا قرر السيد الرئيس السفر لقمة الأمم المتحدة في نيويورك فلن يمنعه مانع علي وجه الأرض والعلاقات السودانية الأمريكية الآن (سمن علي عسل) فبالأمس قابلنا الرئيس الأمريكي في أديس أبابا واليوم زارنا المبعوث الأمريكي في الخرطوم وغداً سيزورنا الأمين العام للأمم المتحدة (شخصياً) في الخرطوم للتباحث حول خروج قوات اليوناميد من السودان حسب طلبنا ورغبتنا، وكل مسؤول من هؤلاء المسؤولين يزورنا ويشاهد الأوضاع علي أرض الواقع يؤمن تماماً بأن حكومة السودان هي حكومة جادة وواعية وواثقة من نفسها. وكل هؤلاء المسؤولين الأمريكان وصلتهم نفس الرسالة منا وهي أننا غير مستعدين لتقديم خدماتنا الأمنية والسياسية للولايات المتحدة بدون مقابل وأن الوقت قد حان لتدفع واشنطون ثمن تحسين العلاقات مع الخرطوم ورفع العقوبات عن كاهل الشعب السوداني.. وهذا هو ما يحدث الآن.

يعني إذا كان سفر الرئيس لأمريكا سيأتي عبر آليات الدبلوماسية (وطق الحنك) فدبلوماسيتنا موجودة وإذا كان (رجالة) فهو لها لأنه رجل يحمل قلب أسد ولا يخشي أحداً في الدنيا غير الله.


ردود على أسامة عبدالرحيم
[التكي تاكا] 08-04-2015 08:34 PM
وغندور ليه بكا لما حضر من جنوب افريقيا وبرفقته الاسد

[الرفاعي الكلس] 08-04-2015 07:47 PM
عن اي رئيس تتحدث هل عن الرئيس الذي جاء من جنوب افريقيا مهربا ومطاردا وفارا من المحكمة ونام ليلته الاخيرة في الطائرة ورجع في حالة من الرعب .وبصورة مخجلة اساءت للسودان وانتقصت من كرامته . هل هناك سوداني عزيز يقبل هذه المهازل والمرمطة التي تحدث لراس الدولة وعنوان سيادتها . واين هي الدولة . التي لا تستطيع ان تحمي التراب وتنازلت عن حلايب للمصريين وعن الفشقة للاثيوبيين .الا تعرف ان مصر قبل اشهر اجتاحت 20 قرية سودانية في مناطق حلفا القديمة واحتلتها دون ان تطلق رصاصة واحدة . هل هناك ضعف وزل وهوان وقلة حيلة اكثر من هذا . خلي عندك ضمير ووطنية وولاء لبلدك ولاهلك . فرائيسك ليس اسدا الا علي المواطن المسكين اما خارج حدود السودان فهو نعامة ربداء تجفل من صفير الصافر . انتي يااسامة ولاءك لبطنك ولكرشك وضميرك ميت وكرامتك ممسوح بيها الارض

United States [kommba] 08-04-2015 04:51 PM
كدي اول حاجة وريني رئيسك ده لمن مشي جنوب افريقيا طلع منها كيف ... وللا نسيت ممكن برضو نزكروك لانك اصلا ما بتفهم طالما ات عباره عن دلوووووكه ..

[الـــســــيـــف الــبـــتــــــــار] 08-04-2015 03:51 PM
سلملى على الصاوى !!!!!!!!

European Union [الهم الكاتل] 08-04-2015 03:13 PM
علينا الانتظار اذا لنرى ونقرأ تبرير عدم الذهاب الى واشنطن هو نحنا ورانا حاجة يا سيد اسامه . نفسي اصدقك ..

[عبدالمجيد حسنين] 08-04-2015 02:28 PM
ماذا فعلت العنتريات التى لم تقتل ذبابه الجعليه و الرقص و اسد افرييا ماذا دما لشعب السودانى غير الذل و الجوع و العوذ نحن لا نيد اسد افريقيا و لكننا نريد رئيسا لكل السودان و ليس للكيزان فقط و لا يجعل كل خيرات السودان حكرا على الكيزان و 27 سنه من الفشل و يعدنا بولايه جديده ن الخاء كفايه كذب و دجل و شعوذة كيزان انتشرو فى الجسد السودانى كالسرطان

[ممغوص] 08-04-2015 02:11 PM
بالله...

[تأشيرة خروج] 08-04-2015 02:10 PM
بشكيرك ده مجرم حرب وباطل ما من الرجال البيركزو

جدادة حقيرة

[ودكركوج] 08-04-2015 02:08 PM
رئيسك اهبل وكمان اثبت انو اجبن مخلوق حد سفره دول العالم التخلف زيه. عليه لعنة الله اينما حل.

[sasa] 08-04-2015 01:28 PM
اقتباس من كلام خادم البشكير

يعني إذا كان سفر الرئيس لأمريكا سيأتي عبر آليات الدبلوماسية (وطق الحنك) فدبلوماسيتنا موجودة وإذا كان (رجالة) فهو لها لأنه رجل يحمل قلب أسد ولا يخشي أحداً في الدنيا غير الله.


الا يخشى بشيرك وانت ومن معك الأرواح التي ازهقتموها في دارفور والنيل الأزرق والخرطوم والشرق والجنوب والشمال وكل شبر من ارض السودان ( الفضل)


قالوا الكوك بيبين عند المخاضة _


#1314935 [ابو هاشم]
5.00/5 (1 صوت)

08-04-2015 12:43 PM
نتمى من الله عز وجل ان يرفع اقتصاد السودان لكي ينال المواطن كل الرضا سواء كان علي يد البشير او غيره
الحاجه التانية الامم المتحدة ليست عضو في المحكمة الدولية لذلك لا خوف علي ان البشير يذهب لالقاء كلمة
وبعدين ياخ مش ممكن تكون دي فاتحة خير علي السودان .... يا ريت ما نسبق الاحداث ونقول كلام ردود افعاله في علم الغيب
والله المستعان ......


ردود على ابو هاشم
[abushihab] 08-04-2015 05:19 PM
خير من وين يابوهاشم؟ 27 عاما عجاف لم نري خيرا كله شرور اما انك رجل مثالي ومتفائل وهذا ما ارجحه, أو انك ساذج مع احترامي لك.


#1314930 [khalidazan]
0.00/5 (0 صوت)

08-04-2015 12:32 PM
للاسف جميع المعلقين لايتذكرون شيئا ولايستعبون الاحداث الامر صحيح وسفارة امريكيا لن تمنحه تاشيرة والامر ينتهى هنا الامر مجرد احراج لامريكيا والحكومة تعلم سلفا ان التاشيرة لن تمنح للرئيس للسفر فالولايات المتحدة ليست موقعة على ميثاق روما وفي نفس الوقت هي التي احالت امر الرئيس لمحكمة الجنايات الدولية اذن هنالك تناقض في الموقف الامريكي


ردود على khalidazan
[ابو هاشم] 08-04-2015 08:10 PM
تفاؤلوا خيراً تجدوه انا متفاءل خير ياخ

[زول] 08-04-2015 01:31 PM
من احال امر البشير للمحكمة الجنائية هو مجلس الامن وليست الامم المتحدة ولا امريكا التي ليست هي بعضو في ميثاق روما وسفر البشير ليس لامريكا ولكن لمبنى الامم المتحدة وله الحق في الحضور بحكم عضوية السودان في الامم المتحدة


#1314924 [فكرى]
5.00/5 (1 صوت)

08-04-2015 12:20 PM
نظام السفاح يجهل القوانيين الدولية وتلك التى تحكم البلدان الديمقراطية فهو يعتمد على (جوكية) قانونيون ينالون حقوقهم بالكامل سوى عاد السفاح أم لم يعد . لاشك أن من مصلحة الولايات المتحدة الأمريكية عدم نجاح الزيارة برغم العقبات القانونية التى تتعارض مع إرادتها فالعالم ينظر لها على أنها الضامن الوحيد لتنفيذ العدالة الدولية وأحد أقوى آلياتها فكيف إذا تواطت فى تنفيذها ..


#1314918 [Hosham]
5.00/5 (5 صوت)

08-04-2015 12:15 PM
عليك الله يا بشه كان ما مشيت
عليك الله امشي يا بش بش
حلفتك بالله يا بشو تمشي


#1314913 [عبوس المنحوس]
5.00/5 (3 صوت)

08-04-2015 12:09 PM
عندي واحد قريبي ضابط في القوات المسلحة برتبة عقيد وشغال في جامعة كرري العسكرية.. في يوم من الأيام سألتو سؤال وقلت ليهو: أنتو الانقلاب بتاع 89 ده عملتوهو أنتو ناس الجيش ولا عملوهو الاسلاميين من وراء ضهركم؟؟ قريبي طبعاً زول بتاع نكتة ودعابة فقام قال لي: والله الانقلاب عملناهو نحن ناس الجيش برانا لكن بعد كم شهر بس لقينا الاسلاميين راكبيين معانا السلطة ومدلدلين رجليهم ويدفروا فينا كمان ههههههههههههههههههههههههههههه!!

قلت ليهو: لييييييييه بس تسمحوا للإسلاميين يعملوا كل ده؟
قال لي:
والله نحن في الاول لقيناهم (راكبين معانا) قلنا خير ديل ناس الله وبينفعونا.
بعد شوية لقيناهم (دلدلوا رجليهم) قلنا خير ديل شيوخ وأئمة والاحترام واجب.
أما هسع بعد ركبوا ودلدلوا بقو (يدفروا فينا) عدييييل كده!!
ههههههههههههههههههههههههههه
هههههههههههههههههه
هههههههههههه
هههههه


ردود على عبوس المنحوس
[معلوم] 08-04-2015 02:18 PM
يا زول ضطبطك ده مسطح سااااااكت الاسلاميين من جو الجيش ومن الملكيين هم من نفذوا الانقلاب واثناء ذلك قال الشيخ للبشير اذهب الى القصر رئيسا فساذهب الى السجن حبيسا .الانقلاب اشتركوا فى تنفيذه طلبه من جامعة الخرطوم والفرع والاسلامية


#1314910 [فاتن الدويم]
5.00/5 (6 صوت)

08-04-2015 12:06 PM
دي حركات ساي لإستعادة الكرامة المفقودة وترقيع السروال المقدود ..... كل سنة بيعمل الحركات دي ويزوغ في آخر لحظة . السنة الفاتت عمل نفس الحركة . ده واحد مهرج كضاب . زول هرب من جنوب أفريقيا معقول يمشي نيويورك؟


#1314898 [Ali S. Alberjo]
5.00/5 (2 صوت)

08-04-2015 11:57 AM
مسخرة دواعش


#1314895 [سكران لط]
5.00/5 (1 صوت)

08-04-2015 11:57 AM
يا جماعة بشه في الاول طلق لسانو وتحدى الجنائية بعدم تسليم هارون وكوشيب أها الجنائية بعد كم سنة جات اتعلقت فيهو هسع البشير عارف فضلن ليهو اربعه سنوات ويغادر وخايف من مصيرو الاسود القاعدلو في الباب عشان كدا بتلولح قدام الجنائية لتقبض عليهو لانو عارف سجنها خمسة نجوم يقضي فيهو مع اسرتو بقية عمرو وسط الزهور متصور والجنائية عاملا ليهو جوك جوك


ردود على سكران لط
[القلم الحر] 08-04-2015 08:18 PM
الباقى ليه اربعه سنه قال منو القال الكلام ده .ياخوى اديك معلومه جديده باقى له خمسة عشر عاما لو عارف اعرف يعنى سوف يحكم واحد واربعون عاما .ولومنتظر اربعه سنه شوف غيرها هذه هى الديمقراطيه والانتخابات فى السودان سوف يعود لثلاث مرات قادمه يعنى تانى خمسة عشر عاما ديمقراطيه اخر زمن نعم اغيروا القانون عادى جدا اى شى غيروه ايش معنى القانون ما اغيروه .من عمله لى جواز لىسلم تعليمى اى شى اتغير حتى اسماء الشوارع غيروها ياخى لاتنظر باقى له سوف يحكم حتى يعجز عن الحكم .اصبح بلدنا تجارى فقط فى كل شى واولها التعليم والصحه اىشى حتى اشياء لا اريد زكرها .اظهر ان انت بعيد عن السودان الجديد .


#1314892 [المجنون]
5.00/5 (6 صوت)

08-04-2015 11:56 AM
هههههههههههههههههههههههههههه احلق شواربي لو سافر تاني


ردود على المجنون
[abushihab] 08-04-2015 05:29 PM
أبشر بطول شنبك,

[جنو منو] 08-04-2015 12:47 PM
على الطلاق شنبك ده مابتجيهو عوضه تب ربى ساكت ..!!


#1314881 [تمساح المحن]
5.00/5 (1 صوت)

08-04-2015 11:49 AM
رئيس جنوب افريقيا بهربه من نيويورك يمكن


#1314879 [جاويش ود ابوجبيهة]
3.00/5 (2 صوت)

08-04-2015 11:48 AM
الامم المتحدة


#1314876 [Sudani 1988]
5.00/5 (2 صوت)

08-04-2015 11:43 AM
اخخخخخخخخخخخخخخخ
انتو منتظرين الحلل من الامم المتحده
سوف تنتظرون طويلا
ياتو مشكلة حلتها الامم المتحدة ؟؟؟؟؟
اي رئيس او حزب جاء الى السلطة بدون ارادة الشعب
لن يذهب الا قتيلا او مجبورا
لن يذهب الا قتيلا او مجبورا
لن يذهب الا قتيلا او مجبورا
شوفوا حلكم


#1314872 [مدحت عروة]
4.00/5 (6 صوت)

08-04-2015 11:41 AM
الامريكان ما بيقدروا يعملوا حاجة ولو اعتقلوه الجيش وقوات التدخل السريع ح تهدد امريكا والامريكان ما بيقدروا على الجماعة ديل خاصة عندهم تصنيع حربى مافى زول فى العالم عنده زيه ولا حتى تشاد ذاتها!!!!!!!!!!
كسرة:هسع ناس الانقاذ ديل لو عايزين يشوتوا المصريين من حلايب ممكن يشوتوهم فى يومين فقط الا بس هم ما عايزين الدم العربى والاسلامى يسيل ساكت اما دم السودانيين المعارضين يسيل لانهم ما عرب ولا مسلمين الا ياخذوا بطاقة عضوية اسلاموية فى الحركة الاسلاموية السودانية او المؤتمر الواطى!!!!


ردود على مدحت عروة
[abushihab] 08-04-2015 05:35 PM
الكلام دا انا قلتو بس مين يسمعك .والريس لو داير يمشي امريكا حرم بدون تأشيرة بمشي,هييييييييييييع!!!!


#1314865 [سوداني]
4.25/5 (7 صوت)

08-04-2015 11:36 AM
والله ما أظن إنو في إستفتاء بذهاب هؤلاء السفلة أكثر من كل هذه التعليقات التي تدل على كراهية الشعب السوداني الفضل لهذا النظام ثقيل الظل..........أعوذ بالله


#1314861 [التشيلاوي]
4.86/5 (7 صوت)

08-04-2015 11:34 AM
هههههههها وقعنا في الفخ !!! الجماعة شغلونا الموضوع في أقل من ساعة أخد 1000 قراءة و40 تعليق ...


#1314860 [المندهش]
5.00/5 (14 صوت)

08-04-2015 11:33 AM
الخطه المحكمه للسفر لامريكا وتفادى المحكمه :-
1:- يقوم بله الغائب بارسال وفد مقدمه من الجن لاستطلاع الاجواء فى نيويورك والتأثير على المسؤلين الحكوميين وتكتيف منظمات المجتمع المدنى
2:- يقوم البروفسير عوض ابراهيم عوض بالاتصال بالسينتور الفضائى جون دافيز لاستخدام علاقاته لتسهيل الزياره
3:- تأمين طاقم حمايه شخصى للسيد الرئيس من قوات الدعم السريع بقيادة حميدتى بنفسه
4:- اعفاء السيد الحسن الميرغنى من برنامج ال 181 يوم لحل قضايا السودان على ان يركز جميع بركاته فى فاتحه قويه للسيد الرئيس
5:- اصطحاب هيئة علماء السودان ووزير السياحه الهد وحسبو نسوان والتبرع بهم لحديقة الحيوانات العامه فى نيويورك ولمراكز الابحاث العلميه كبادره حسن نوايا ودليل على التراجع والتوبه من الهوس والعوده الى رحاب الحضاره الانسانيه
بعد ده ان شاءالله مايقبضوك الا اذا اراد الله ذلك وفى الحاله دى شيل معاك طاحنيه ومربى وكميه من العراريق


ردود على المندهش
European Union [man] 08-04-2015 08:59 PM
hehehehehehehehehehehehehehehehehheh

[abushihab] 08-04-2015 05:38 PM
ههههههههههههههههههههههه الله يجازيك دي من وين جبتها؟


#1314858 [جنرال زمان]
5.00/5 (5 صوت)

08-04-2015 11:31 AM
والله الصورة دي تكفي عن جميع التعليقات


#1314854 [kaka]
5.00/5 (2 صوت)

08-04-2015 11:26 AM
هه


#1314853 [الفاروق]
5.00/5 (4 صوت)

08-04-2015 11:25 AM
هل يراهن احد ؟ انا بقول لو شرب وسكى ماحيذهب .


ردود على الفاروق
[sasa] 08-04-2015 01:31 PM
انا اراهن سوف يذهب مقابل خدمات للامريكان وهم حيقولوا هذا حق كفلته له الأمم المتحدة ودستورها - يعنى (فلفسة) ساى ومخارجه


#1314841 [جنوبي]
5.00/5 (2 صوت)

08-04-2015 11:16 AM
اها .. وبرضو حجزوا التزاكر والفندق زي المره الفاتت ولا لسه ما حجزوهن ؟!!


#1314840 [سودانى بس]
5.00/5 (1 صوت)

08-04-2015 11:15 AM
قول مشى ولم يتم القبض عليه هل هذا ينفع السودان بشئ.قول ما مشى فهل هذا يضر السودان بشئ.


#1314834 [أحمد سكاك قطيه]
4.50/5 (2 صوت)

08-04-2015 11:08 AM
والله إنتوا كلكم ما فاهمين حاجه ,, السياسه فيها لعبات تحت التربيزه ,, يعنى , العداوه من بره ساى ,, وتأكدوا البشير حيمشى ويرجع عادى يازبادى ,, لان هنالك إتفاقيات وحاجات تانيه مانعانى , إنتوا ما بتفهموها ,, وأمريكا لو كانت عاوزه تقبض البشير ماغالبا تقبض عليه ,و والله لو عاوزاه تشيلوا من القصر الجمهورى ,و زى نوريقا ,,


ردود على أحمد سكاك قطيه
[abushihab] 08-04-2015 05:53 PM
رأيك به كثير من الصواب سيذهب ولكن....... بالشروط الامريكية وما أدراك ما الشروط الامريكية, يمكن يكون ثمنها الثلث الثاني من السودان, وكلنا يعلم ما هو الثلث الثاني, وسيقبل الاسد بذلك. لان أسدنا ليس هو الاسد الذي درسنا حكايته مع الثعلب والحمار بالمدرسة الاولية.(جزيرة توتي ما عندو مانع)


#1314829 [الشعب الفضل]
5.00/5 (2 صوت)

08-04-2015 11:05 AM
اذا خطب سيكون خطبا لا خطيبا يضاف الى مصائبنا العظام التي من صنع عصابة الاجرام اكلي السحت والحرام


#1314826 [المهاجر]
5.00/5 (4 صوت)

08-04-2015 10:59 AM
قمة شنو يحضرها البشير للأمم المتحدة في نيويورك , دي قمة تركيع وانبطاحة , دي موآمرة جديدة ضد شعب السودان المغلوب على أمره ومحاولة يائسة للبشير لطاعة الامريكان في كل شيء طلبوه من( لاحظ شعارهم كان لن نزل ولن نهان ولن نطيع الامريكان)..... ياناس إنتو نسيتو قمة في نيو يورك حضرهاعلي عثمان محمد طه قبل الانفصال بأشهر قليلة أعلن فيها سلفاكير انحيازه للانفصال من داخل قمة نيويورك وكان هناك ضغط على الحكومة السودانية للانبطاح والتركيع لطاعة الامريكان والاعداد بخطى متسارعة للانفصال وهذا شيء كان واضحا لكل متابع والمرة دي انبطاحة كبيرة وسقوط واضح تحت أقدام الامريكان..... الامريكن بيحبوا الحكومات العسكرية لتنفيذ خططهابسهولة وسرعة التنفيذ وفي النهاية مصير البشير حيترمي في الزبالة بعد الانبطاحة والبشتنة دي كلهاويعمل عميل بعد إزالته من الحكم مثلة ومثل علي صالح اليمن.... عجلوا بإزالة البشير قبل أن يضيع البلد بكامله.


ردود على المهاجر
[التكي تاكا] 08-04-2015 08:36 PM
لن يذهب لامريكا حتي يدخل الجمل في سم الخياط يااسامه


#1314820 [التكي تاكا]
4.75/5 (5 صوت)

08-04-2015 10:56 AM
(كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُون


#1314818 [عبدالله احمد محمد]
5.00/5 (1 صوت)

08-04-2015 10:55 AM
عندما تذهب الى الاسد فى عرينه عاد الا الله يمرقك


#1314812 [علي سيف]
4.50/5 (4 صوت)

08-04-2015 10:49 AM
جهزو بلة الغايب يشوف ليهو السكة
والله الناس رجعونا لكفار قريش عديل كضب ودهنسة وسرقة ودجالين
يمشي يقول شنو في الامم المتحدة يقول انا قسمت السودان ولا قتلت الشعب
لو مشى الزول دا فموضوع انفصال دارفور وقع من قبل المؤتمر الوطني وحكومة
مسلمين برانا يالماشين ورانا .


#1314800 [Abu Amar]
5.00/5 (1 صوت)

08-04-2015 10:36 AM
اصلا في صفقة اكيد بعد ان تخلص من كل الاخوان المتاسلمين وفصل الجنوب انتهي الدور المنوط به وتيقنت امريكا بانا افريقيا ستضيع منها بفعل تغول الصين وروسيا والاسواق الاقتصادية الجديدة في اثيوبيا وتشاد وظهر ذلك جليا بعد المحاولات الاخيرة التي قام بها باراك اوباما من خلال زيارته الي كينيا واثيوبيا ولمح لذلك امريكا تريد فتح صفحة جديدة مع نظام جديد لا يتحدث بالدعوات الجهادية ولا العدائيات مع الاخرين لضمان استقرار سياسي ليكون السودان مدخلها الي افريقيا والوجه القادم النائب الاول رجل عسكري ليس له ميول اسلامية واضحة يتحدث بمنطقية ووضوح كان هو اليد الخفية التي توجه البشير وسيتوال الظهور الاعلامي له بعد المؤتمر الصحفي امس الذي كانت كل ردوده تشير الي متابعته والمامه بكل صغيرة وكبيرة اضافة الي الثقة المطلقة التي يتحدث بها .


#1314784 [El.kamleen]
0.00/5 (0 صوت)

08-04-2015 10:18 AM
مخلوعين مالكم
البشير تم الضغط عليه من أمريكا لكي يترشح لولاية جديدة/ وامريكا بدأت في حلحلت البشير من المحكمة الجنائية والتخفيف من حدة الخناق عليه وسوف تتحسن العلاقات الأمريكية مع الإنقاذ وسوف يتم فك الحصار ورفع العقوبات درجة فدرجة٠
فحالت السودان حساسة جدا جدا فالان الجبهة الثورية مخدوعة من الغرب ولن تتمكن من اسقاط النظام والسبب في ذلك انه ستحدث فوضة اذا ما ازيلت هذه الحكومة التي تسعى لكسب ود الغرب بإي ثمن وستحل بدلها الدولة الاسلامية المتشددة "داعش" وهي على مرمه حجر من السودان وستجد أرض خصبة وبذلك تهدد العمق المصري والشمال الافريقي وبالتالي دول الخليج وجميع المصالح الغربية في المنطقة/ واذا تمكنت داعش من السيطرة على السودان فإن القضاء عليها سيحتاج الى عقود من الزمن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
9.75/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة