الأخبار
أخبار إقليمية
إيلا يؤكد تذليل كافة العقبات التى تعترض العملية الاستثمارية بولايته
إيلا يؤكد تذليل كافة العقبات التى تعترض العملية الاستثمارية بولايته
إيلا يؤكد تذليل كافة العقبات التى تعترض العملية الاستثمارية بولايته


08-04-2015 11:00 AM

مدنى – مزمل صديق
أعلن والى الجزيرة محمد طاهر ايلا استعداد ولايته لجذب الاستثمار والمستثمرين ، مؤكداً تذليل كافة العقبات التي تعترض العملية الاستثمارية بالولاية موضحا فرص الاستثمار المتاحة بالولاية بعدد من المشروعات الزراعية والصناعية والاقتصادية. جاء ذلك لدى لقائه مسئولين بالشركة الصينية فى زراعة القطن والغزل والنسيج بحضور وزير الزراعة بالولاية ومحافظ مشروع الجزيرة ، ولفت والى الجزيرة لأهمية تمتين العلاقات الازلية والمتطورة بين شعبى السودان والصين. من جانبه أبدى الوفد الصيني رغبته في الاستثمار في مجالات الغزل والنسيج والصناعات القطنية الآخرى والسبل الكفيلة بتخصيص مساحة للشركة للاستثمار في زراعة القطن.
وفى سياق اخر أكد والى الجزيرة محمد طاهر إيلا ، أهمية دور القطاع المصرفى فى تحريك الإقتصاد وفتح آفاق النهضة ، مشيرا الى توجه الدولة بإدخال رواتب العاملين بالدولة نافذة المصارف ، و حث والى الجزيرة لدى لقائه بمكتبه امس وفد بنك أم درمان الوطني على إمكانية التعاون وفتح آفاق الاستثمار ودعم مشروعات التمويل الأصغر وضرورة الإسهام في حركة الإقتصاد وتمويل عدد من المشروعات بالولاية ، وكان والى الجزيرة التقى مؤخراً ببنك النيل فى اطار تحريك الاقتصاد بالولاية .

الجريدة


تعليقات 17 | إهداء 0 | زيارات 4275

التعليقات
#1315621 [موسى الأمين الشيخ]
0.00/5 (0 صوت)

08-05-2015 10:50 AM
يا جماعة حقو ما نكون مسبطين للهمم ، إيلا لوحده ما بعمل حاجة ، لكن كان ناجحاً جداً فى الشرق ونجن متباشرين بيهو خير ، نقول ربنا يوفقوا ونشد حيلنا معاهو ، وشهادة لله البداية مبشرة جداً وممكن الحال ينصلح فى عهده ، وخلونا نركز على النقد الهادف ، ونعطيهو الفرصة وحتى الآن لم يحين وقت الحكم عليه ، والله فى ناس كثيرين إنخدعوا بالدين وعملوا مع الحكومة بإخلاص ، وكذلك هنالك الكثير من المنافقين وإنضموا للحكومة بحجة أنهم ملتزمين ولم يأتوا حباً فى السلطة لكنهم فى الحقيقة حرامية وأتوا للمنفعة الشخصية الدنيوية وبس ، عليه لا كل الكيزان حرامية ، ولا كلهم صالحين ، ونحن كجمهور نشاهد فى المسرحية علينا أن نكون منطقيين نقول للذى يحسن أحسنت ، والعكس ، إلى أن يقضى الله أمراً كان مفعولا ، فالسلطة لن تدوم لأحد أى كان


#1315618 [بنت الناظر]
0.00/5 (0 صوت)

08-05-2015 10:43 AM
أنظروا ...
أعلن والى الجزيرة محمد طاهر ايلا استعداد ولايته لجذب الاستثمار والمستثمرين ، مؤكداً تذليل كافة العقبات التي تعترض العملية الاستثمارية بالولاية


والله يا جماعة الخير ..الكيزان ديل ماركة واحدة كلهم جنهم إستثمار ..وهذا الإيلا لن يفعل شىء لولاية الجزيرة فيه فايدة وإتذكروا كلامى ده...

أصلا تأهيل مشروع الجزيرة أكبر بكثير من مقدرات كل حكومة الإنقاذ ناهيكم عن إيلا

ولو سيفعل إيلا شىء فى ولاية الجزيرة هى شوية بوهية وإنترلوك يرصف بيها شارع شارعين لجذب المستثمرين...

ما فعله إيلا فى بورتسودان أشبه بما يفعله شباب عديل المدارس ومنى لهم إعتذار كبير لأن نيتهم صادقة فى عمل شىء مفيد وفى حدود الإمكانيات لكن ما يفعله إيلا والكيزان نوع من الضحك على الدقون ..

أقترح أن نسميه إيلا عديل المدارس..


#1315489 [سيد السودانى]
0.00/5 (0 صوت)

08-05-2015 08:05 AM
السيد الوالى دون ادنى تعب او تفكير لو انت فعلا جاد فى موضوع الاستثمار اول خطوة تعملها تنقل كل موظفى الاستثمار الى وظائف اخرى بالولاية المشكلة كله الموظفين حتى الفراشات فى الاستثمار يجب ان يبعدو من ادارة الاستثمار المعوق الاول للاستثمار هم الموظفين عدم امانة وفساد وعدم معرفة ولازم ترسل الاصطاف الجديد لدورات تدريبية مكثفة فى الداخل والخارج لو انت جاد فى كلامك


#1315379 [rami 122]
5.00/5 (2 صوت)

08-05-2015 02:09 AM
ولاية الجزيرة وعاصمتها ودمدني هي اغني ولاية نظرا بمشروعها الزراعي الضخم هذه الولاية مفروض تكون أغني ولاية وأجمل وأفضل ولاية في السودان من جميع النواحي والاصعدة المصاااااااااااااانع والمشاريع وغيرو مفروض تكون فيها ..... المهرجانات السياحة برضو مفروض تكون فيها

شنو خرطووووووم خرطوووم والتخلف دا أي شي الخرطوم مع إنو يفترض الخرطوم تبقي عاصمة سياسية وتجارية مش صناعية وماعارف شنو ودا شكل ليها ضغط هائل

بس منو البفهم في الكيزان ديل

عموما آيلا راجل لأنو بشتغل رغم إنو مع الجماعة بس أحسن منهم لانو بعمل ....


#1315345 [جزيري]
0.00/5 (0 صوت)

08-04-2015 11:38 PM
يا إيلا نحن ابناء الجزيرة و الجزيرة بلد الناس المساكين و نحن متغربين في السعودية دايرين نجيب عربيات قدر حالنا بالقريشات اللميناها و طبعا فينا الراعي و السواق و الجرسون يعني بإختصار ما بنقدر نجيب العربيات الجديدات الزي عرباتكم انتو /بنجيب الموديلات القدر قريشاتنا لكن شايفكم يا الحكومة قلتو الا موديل جديد و دا نحن ما بنقدر عليه و العربيات القديمة دي مانعنا نجيبها لي شنو ؟ نحن النسوان الفي جزيرتنا دي لو الواحدة كانت دايرة تلد ممكن ما تلقى ليها عربية نجيبها بيها المستشفى و ممكن تموت و دي مسئوليتكم امام الله / و لو جبنا عربيات موديل ما حديث وريني البلد بتضرر بشنو؟ / العربات دي لو كانت قديمة هكر ممكن تحرك الوش الصناعية و دكاكين الاسبيرات و تنعش السوق و حركة للميكانيكيين


#1315311 [ود الحاج الخير]
0.00/5 (0 صوت)

08-04-2015 09:50 PM
نتمنى ان يكون ايلا افضل من غيره


#1315298 [ابو الخير]
5.00/5 (1 صوت)

08-04-2015 09:14 PM
هذه خطة خبيثة لتمكين الصينيين بعد ماراح البترول في مشروع الجزيرة
ربنا يكفينا هؤلاء الصفر
هؤلاء العن من اسرائيل والغرب وامريكا
كل بلد يدخلوا فيها يخربوها
ربنا يكفينا شر الصين والصينيين


#1315269 [ودالجزيرة]
0.00/5 (0 صوت)

08-04-2015 08:27 PM
لن تفوم لمشروع نهضة الجزيرة اى قائمة مالم تكون هنا ثورة فى السكن والاسكان فالولاة يسكنون القصور والرعية تسكن الجحور فالبيوت حقيقة اصبحت غير شرعية ومثل الجحور بسبب اكتظاظها بالاسر فقد أصبحت فى المنزل الواحد مثنى وثلاث ورباع بل وسباع مما حد انا التوسع بالزنك بالتعدي على الشوارع اقيلوا عثرات الأسر وأمم المستأجرين اللذين يكتون بلظى الاجرة بالعمل على توفير السكن اللائق


#1315185 [mubarak]
0.00/5 (0 صوت)

08-04-2015 05:41 PM
اتمني ما تعمولها هلال مريخ ولازم نشجع الوالي حتى لو كان انتاجه 5 في المئة يكفيفنا يكون أفضل من غيرو لنلتف حوله أولا نشجعه بزيادة ويعرف اننا متابعينه ثانيا يغير منه الأخرون فبالله قولوا لمن احسن احسنت وشكرا


#1315115 [malheet]
0.00/5 (0 صوت)

08-04-2015 04:00 PM
هذا الرجل حول وﻻية البحر اﻷحمر إلى جنة بعد أن كانت خرابات تنعق فيها الغربان.
أرجو له أن يكمل إنجازه في وﻻية الجزيرة.


#1315044 [لحظة لو سمحت]
5.00/5 (2 صوت)

08-04-2015 02:36 PM
ابعد من ارض جدودنا ان اردت ان تسلم المستسمر يجيب فلوسه يعمل بنك مصنع خط نقل محطة كهرباء اما ارض الجدود نحميها بالارواح نجود


#1315024 [أبو فاطمة]
3.00/5 (2 صوت)

08-04-2015 02:15 PM
دكتور إيلا وفقك الله في هذه الولاية التي كانت تعتبر محرك الإقتصاد السوداني ... لانريد أن نتحدث عن مامضي وأنت السوداني الغيور علي وطنه ...وبورسودان دليل علي إخلاصكم وتميزكم ... سوف يظل التاريخ يذكركم إذا سرتم علي نفس الخطي في عروس البحر الأحمر...


#1314945 [ابو هاشم]
5.00/5 (3 صوت)

08-04-2015 12:53 PM
والله انا اشهد له بان هذا الوالي قد ارتقى بولاية البحر وبمواطنها
انه رجل عملي ويحب النطافة والمظهر الحسن ويتفقد مشاريعه وولايته بنفسه دون حرس ودون انيس له ..... اتمنى له التوفيق في كل عمل
وبختكم يا ناس الجزيرة شيلتو مننا ثمرة الولاية
وجابوا لينا والي لحدي الان ما اتخذ اي قرار لحدي الان بل حاجات كتيرة وقفت بعد ما ايلا فات مننا


ردود على ابو هاشم
[سين عبد الرحيم] 08-04-2015 03:06 PM
يا ابو هاشم الناس عليها بالجوهر وليس المظهر وايلا لم يحل مشكلة بورتسودان ولم يحل مشكلة االمصانع المتوقفة كما لم يحل اي مشكلة اساسية بما فيها هيئة المواني البحرية؟

صحيح هذه مشاكل قومية ولو كان حاكما فعلياً لشهدت هذه القطاعات تطور في بلاده فبدل من ان تعمل شوارع داخلية وتشريع ومهرجان سياحي وتضرب الهواء بوهية والبيوت بالجير كان الافضل التركيز على الاشياء الاساسية كالماء

ان حل مشكلة الماء لبورتسودان اهم من بناء فندق او يخت سياحي او رصيف على شاطئ البحر

ايلا عرف واكتشف ان الناس لها بالظاهر والمظاهر الخداعة عشان كدا ضرب الهواء جير وخلا الناس تطير ..

ايلا يهرف بما لا يعرف ومشكلة الاستثمار في ولاية الجزيرة تبدأ من بورتسودان والتخليص الجمركي والنقل والمواصلات والبنزين ودولاب العمل الحكومي والعمالة وقانون مكتب العمل وقوانين تشجيع الواردات الاساسية والصادرات والكهرباء والماء وتوفر العمل الصعبة لقطع الغيار.. وكلها خارج نطاق سيطرة طاهر ايلا؟ فأي استثمار يقول انه قد وفر ادواته؟

انصح الحاكم ايلا بالتركيز على الشوارع وعمل الانترلوك وتنظيم محلات ستات الشاي وعمل المهرجانات السياحية والغنائية وعمل حفلات غنائية لطه سليمان وشريف الفحيل وايمان لندن وبالطبع انصاف مدني وساعتها ستصفق له الناس وتنسى الهموم الكبرى هموم الوطن.

اي حاكم لا يعمل على استنهاض مشروع الجزيرة في ولاية كيف يبحث عن استقبال استثمارات اخرى والمشروع الاكبر خرب يئن ويموت وتباع اصوله وموجوداته ؟

ما هي الاستثمارات التي يبشر بها ايلا واكثر من 80 محلج واكثر من 10 معاصر زيوت بذرة القطن متوقف ومصانع الصابون بالولاية لا تعمل ...

عندما يتحدث المجنون يتصنت الواعي ..


#1314923 [جملجس]
5.00/5 (2 صوت)

08-04-2015 12:18 PM
ايلا والكلام انتهى ,,,


#1314869 [ود الخير]
5.00/5 (2 صوت)

08-04-2015 11:39 AM
يا دكتور ايلا : لقد تفآل بك اهل الجزيرة بقدومك لها واليا بعد أن اصابها الرهق والتخلف والدمار الممنهج من قبل الولاة السابقين السامقين الفاسدين الذين لم يعملوا ابسط شيء لاندري ماذا كان يعملوا في الجزيرة طيلة سنوات حكمهم لها؟

واخرهم محمد يوسف نسالك يوم القيامة ويا الزيبر طه ماذا قدمت للجزيرة اثناء ادارتكم لها ؟ ماذا كنتم تعملون اين تذهبوا من الله وكل السابقين ماذا قدمت للجزيرة؟


رعاك الله يا ايلا والبلد محتاجة لرجال من امثالك؟ ربنا ارزق السودان بمسئولين مثلك .


ردود على ود الخير
[سيد السودانى] 08-05-2015 08:19 AM
الاخ الله فى انت البرة الشبكة ود الخير زول منظم ويعرف اللعب تماما

European Union [الله فى] 08-04-2015 12:20 PM
ياود الخير شكلك برة الشبكة أمثال إيلا هم الكيزان الدمرو البلد وهى عصابة واحدة ملة ودين وسلوك وتصرف وسرقة
بالعربى الواضح زول ترعرع وسط هذه العصابة مامنو رجاء كان إيلا وله كاشا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة