في



الأخبار
أخبار السودان
عبور مذهل لسوداني مشياً تحت بحر المانش إلى بريطانيا
عبور مذهل لسوداني مشياً تحت بحر المانش إلى بريطانيا
عبور مذهل لسوداني مشياً تحت بحر المانش إلى بريطانيا


قفز عن السياج في فرنسا .. قام بما لم يسبقه إليه سواه،
08-07-2015 09:03 PM
تمكن مهاجر سوداني من المشي تحت بحر المانش الفاصل بين فرنسا وبريطانيا، وقام بعبور مذهل قطع خلاله أكثر من 50 كيلومتراً على قدميه، في أول تسلل ناجح عبر ثاني الأنفاق طولاً تحت الماء بالعالم، وهو "يوروتانل" المعروف باسم "نفق المانش" الذي دشنوه في 1994 لنقل الركاب والبضائع بقطارات تقطع المسافة من باريس إلى لندن بساعتين و25 دقيقة، منها 20 تصرفها لتعبر النفق الشهير. أما عبدالرحمن هارون فقطعه بيوم كامل محفوف بمخاطر متنوعة، وفي نهايته وجد ما لم يكن بالحسبان.

الخبر البائس عن هارون منتشر في معظم وسائل الإعلام اليوم الجمعة بالعالم، لأنه قام بما لم يسبقه إليه سواه، وفق تفاصيل بوسائل إعلام بريطانية وغيرها من التي أجمعت على أنه اخترق أرقى الحواجز وأنظمة الرصد والتفتيش، ومر بأكثر من 400 كاميرا مراقبة في رحلته داخل نفق مظلم، كان جسمه قريباً في بعض أماكنه 90 سنتيمتراً من قطارات مرت إلى جانبه بسرعة تزيد عن 160 كيلومتراً طوال عبوره تحت الماء من مدينة "كاليه" الفرنسية إلى جارتها "فولكستون" بإنجلترا.

هناك، وقبل وصوله إلى ضاحية من "فولكستون" تظهر فيها القطارات إلى الضوء حين تخرج من تحت بحر المانش، اعتقلوه في نقطة داخل النفق قريبة أقل من 900 متر من نهايته، التي لو كان يأمل بالخروج منها، ليطلب حق "اللجوء الإنساني" من سلطات المدينة الواقعة بمقاطعة Kent البعيدة 65 كيلومتراً فقط عن لندن، حيث كان يحلم بالعيش والعمل، لكن هارون البالغ عمره 40 سنة أصبح بلا حظ ولا نصيب تقريباً بالحصول بعد اعتقاله على ما خطط له وما كان يحلم به وينويه.

شرطة المقاطعة أصدرت بياناً قالت فيه إنها تحقق بعبوره في السابعة والنصف صباح الثلاثاء الماضي من فرنسا إلى حين وصل في السادسة والربع بعد ظهر ذلك اليوم، وهو ما لم يصل صداه إلى وسائل الإعلام إلا حين مثل هارون "عبر الفيديو" بمساعدة مترجم أمس الخميس أمام قاض بتهمة التسلل، وإعاقة حركة القطارات، وعقوبتها السجن ثم الطرد، وهو ما سيبلغونه به خلال مثول ثان له أمام قاض آخر في 24 أغسطس الجاري، مع إمكانية منحه اللجوء فيما لو أثبت أن طرده قد يعرض حياته للخطر، كحكم مبرم بالإعدام ينتظره في السودان مثلاً.


وفي رحلته تحمل هارون درجات حرارة عالية جداً، وواجه من حيث لا يدري إمكانية ملامسته لأسلاك كهربائية، توترها عال بمئات الفولتات وكافية لقتله مصعوقاً في الحال "أو حتى التعرض للصعق الصوتي من ضجيج القطارات الهائل" داخل النفق المعتبر الرقم 11 لجهة الطول بين أنفاق العالم.

والمعروف عن "نفق المانش" الذي بنوه في 6 سنوات بتكاليف تعادل اليوم 20 ملياراً من الدولارات، أنه الثاني طولاً تحت البحر بعد "سيكان" الأطول منه في اليابان بأقل من 3 كيلومترات، وفق ما طالعت "العربية.نت" عنه بموقع "يوروتانل"، وفيه أنه الأطول عالمياً بالكيلومترات تحت الماء.

والنفق هو شبكة من 3 أنفاق، بعيد كل منها 30 متراً عن الآخر، وفي أحدها المخصص للقطارات تم اعتقال هارون الذي عبره مشياً وسط حر شديد واختناق معدله في أغسطس 50 درجة مئوية، باعتبار أن في بعض الأماكن داخله نظاما للتهوية يخفف بعض الشيء من الحرارة التي يتسبب بارتفاعها مرور القطارات فيه، واحداً بعد الآخر. أما معدل عمقه تحت المانش فهو 50 والأعمق 70 متراً، وهذا كله مر به هارون من دون أن يراه بوضوح، لأن داخل النفق شبه مظلم تماماً.

وكانت السلطات الفرنسية أعلنت في اليوم الذي اختفى فيه هارون داخل النفق، أن 600 مهاجر غير شرعي حاولوا عبور Eurotunnel تسللاً في الشهرين الماضيين إلى وجهتهم ببريطانيا، إلا أنهم فشلوا جميعهم، ومات منهم 9 حتى الآن، منهم سوداني آخر وجدوه ميتاً في 29 يوليو الماضي، ووحده هارون نجح بعبور "المانش" من أسفله، مشياً ولأول مرة بالتاريخ.

العربية






تعليقات 25 | إهداء 0 | زيارات 17263

التعليقات
#1318021 [السيناتور]
0.00/5 (0 صوت)

08-09-2015 04:26 PM
الواحد محكوم عليه بالاعدام فى البلد دى احسن الواحد اعدمو وهو يحاول خيرا من اعدمو وهو ساكن


#1318013 [سؤال برئ]
0.00/5 (0 صوت)

08-09-2015 04:11 PM
هع تقول لي شنو وتقول لي منو!


#1317787 [ابو لكمة]
0.00/5 (0 صوت)

08-09-2015 10:59 AM
ء


#1317535 [mubarak]
1.00/5 (1 صوت)

08-08-2015 11:09 PM
غسيل الركشة الواحدة ب 5 جنيه يا اخى شد ظهرك وغسل ليك 15 ركشة في اليوم وعيش معزز في بلدك لحد ما الله يقلع الحرامية


#1317479 [ود قلبه]
0.00/5 (0 صوت)

08-08-2015 08:40 PM
الانجليز كانت زمان الان النرويج فقط


#1317392 [مبارك]
5.00/5 (3 صوت)

08-08-2015 04:43 PM
بكون فقط قرأ سورة يس (وخاصة اﻵية : وحعلنا من بين ايدهم سدا ومن خلفهم سدا فاغشيناهم فهم ﻻ يبصرون) واردف معها ألم نشرح لك صدرك أليست هذه اﻵيات الكرينات اقوى من كل كاميرات العالم ؟!


#1317357 [الدبابي]
0.00/5 (0 صوت)

08-08-2015 03:12 PM
http://www.dailymail.co.uk/news/article-3187040/Sudanese-migrant-arrested-end-Channel-Tunnel-Kent-RUNNING-way-Calais.html
http://www.nytimes.com/2015/08/08/world/europe/channel-tunnel-sudanese-migrant.html?_r=0


ياجماعة نحن الاول دائما الاول الهزمنا بريطانيا وقتلنا غردون باشا والاول والهزمنا المانش

الحمدلله يا رب اللهم دمها نعمة واحفظها من الزوال يا رب


#1317348 [حامد عوض]
4.73/5 (11 صوت)

08-08-2015 02:49 PM
البشير دخل الناس تحت المانش ..


#1317256 [ود الضي محمد علي]
2.75/5 (5 صوت)

08-08-2015 11:38 AM
يا اخوانا السودان بلد واسع لكن الامان غير متفر فيه ، الشغال اوقف عمله نسبة لعدم وجود الامن، بلد كلها مشاكل قبلية ، وليه من زمان المشاكل دي ماقامت لازم في اسباب واثارة فتنة بايادي خفية ويمكن يكونوا الكيزان ويمكن يكونوا جهة تانية مستفيدة من عدم وجود سلام.محاولة اخونا هارون تستحق الاشادة والحلم الذي كان يراوده الوصول اليه منذ سن الرشد احسب بس معي ، عمره 40 سنة الان والانقاذ عمرها 25 سنة بمعني فرق 15 سنة دا عمر هارون، منذ استلام الاسلاميون للسلطة.بمعني اكثر من نصف عمره هو بيعاني ومامستقر نفسيا وماديا ومعنويا وجسماويا ووووو الخ طيب انابفتكره بطل حقيقي ولحظة تاريخية المفروض تسجل. black spote on the history of Sudan
لكن الحق يقال الاسلامويون ديل هم سودانيون والحاجات البيعملوا فيها كلها بتعتبر من الامة السودانيه ، دي عقلية السودانيون كلها كدا ، تربية السودانيون عندها سلبيات اكتر من الايجابيات ولو مكذبيني شوفوا السودان وين بالنسبة لباقي دول العالم وانت بس خليكم واعيين وسافروا اعملوا مقارنة بدولة اخري متقدمة بتلقوا الاسباب واضحة


ردود على ود الضي محمد علي
[؟] 08-09-2015 09:28 AM
جسماوياً دي شنو؟!!! ا

وspote دي انت قاصد بيها spootting

[احمد سعيد] 08-08-2015 05:09 PM
ما قدرنا نفهم انت عايز تصل الى شنو ؟.

[محمد قصير] 08-08-2015 05:04 PM
والله أعجبني كلامك ...بالذات مسألة المقارنة ....نعم هناك خطأ كبير في طريقة التفكير خاصة النخبة التي حكمتنا منذ الإستقلال


#1317229 [alwatani]
4.00/5 (5 صوت)

08-08-2015 10:38 AM
الزول دا دخل موسوعة جنز بالمخاطرةالمميتة 99% يعنى الزول هارب من 100% من المود اذن يساوى الاعدام


#1317179 [احزر ... Careful]
3.88/5 (9 صوت)

08-08-2015 09:35 AM
حمدلله علي السلامه ي راجل ي طيب وانشالله امورك تسهل هنا ..
حاله اخونا هارون بتعكس حجم مشاكل السودانيين بجد لايمكن لاي عاقل ان يعمل ذي هارون مالم يصل لقناعه وصلو ليها كتار في السودان ( انا كدا كدا ميت ) .
المهم هسي موضوع اخونا هارون حسب الاعلام البريطاني انو هارون ارتكب جريمه يعاقب عليها القانون البريطاني هي محاوله اتلاف موارد عامه واعاقه حركه القطارات مما ادي لتوقيف الحركه داخل النفق لفتره حتي يتأكدو انو مافي زول تاني او اي تلف ولاعطل سببو هارون والجريمه التانيه هي محاوله الانتحار والدخول بطريقه غير شرعيه .
غايتو ربنا يكون معاك واحتمال اكيد بتفيف معاهو منظمات حقوقيه هنا .
شئ تاااني ما محاوله لاحباط الناس ولا حساده مني ذي مافي ناس بقولو كدي وقت تقول ليهو هنا مافي شي اروبا مافيهااااا شي وهسي انشالله هارون يتوفق ويستلم اقامه وتعال اسألو بعد سنه سنتين كان ماقال ليك والله ماتستاهل اكون كضاااب الناس البتقول اروووبا ارووبا دي كلها لانو ماشافت الوضع بعينا الشاااف ماذي السمع ي ناااس هنا في بريطانيا وفي كل اروبا الوضع يومي متدهور وكترت الناس خلقت اذمات مش للاجانب بس لاهل البلد وهسي البريطانيين عن موضوع الناس في كالي معظمم متفقين انو الناس دي خلاص مفروض مايجوهم بعد دا لانو بدو يعانو هم زاتو سيبك انت الجاي الليله دا انت تتطول بالك لو جيت هنا انت معاااي هههههه .
والله الخشي والبحاول بخش موفقين انشالله بس نصيحتي وسعووو صدركم وابردو شويه ماتشفقو تحاولو تعوضو سنينكم الضاعت حسب فهمكم في الدوناااس لانو هنا ماكل شي بمشي ذي ماعايز انت هنا مسلسل طريل جدا تصبر امورك انشالله تمش ..
النتيجه المرقتا بيها ومرقو بيها ناس كتار هنا احسن من بلدك مافي وان بقي قرض وهسي ربنا يوفق بس مانا قاعدين ليهم هنا عشان نشحد ولا نزلا وانا الحمدلله شغال هنا بس الشغال هنا اخير منو الماشغال لانو بتصرف ومابتوفر الحبه اخر الشهر يجي جيبك يكون فاضي وهم اصلا بدو الناس اقامه لي انت فاكر عشان تشتغل وتدفع ومادايرنك تشتغل اي شغل كمان شغل الشقا والتعب والمافيهو قروش قروشو تعبانه والله كلهم حرااميه هنا ذي الكيزان واااحد هههههههه بملصووك ملص والله تشتغل كدي دا اه تدفع للشهر يكمل اول ضريبتك الشخصيه تاني فواتيرك ضرايب البلديه تأمين عربيه لوعندك ايجارك اكلك وشرابك اه احسب وكان مرقت مشوار مشوارين في الشهر دا انت خلاص بابببيح انتهيت هههههههههههااي ي عالم دي قصصص مابتنتهي والله تعالو الداير يجي خلي يجي الموت اهون ليكم من تقعدو في بلدكم الفيها قروش والله السودان دا مابعرفو قيمتو الا ناس القروش والعملوها من عدم بعرف ناس كتار بدو من الصفر وعملو قروش هنا والله ان قعدت ميه سنه ماتعمل قروش .
غايتو ربنا يصلح الحال


ردود على احزر ... Careful
[QUICKLY] 08-08-2015 04:00 PM
يعني كدا وووب وكدا وووبين؟؟
يااخوان صلوا على النبي ماليكم الا السعودية القريبة دي
بابا كفيل أنا يجي أنافي سفر بابا سوي تجديد اقامة
الله لاكسبك ياعمر البشير

[لوز القصب] 08-08-2015 03:46 PM
تحياتي والله ما قلت الا الحق والمعاناة معاك ولكن الفرق مستوى المعيشة اعلى هناك اما هنا فلو كنت منى التنظيم الحاكم فالعمل مضمون والا فلا. واسوأ شىء العطالة والفراغ والامال المهدرة
واعلى مرتب لزول عادي وفي الاولى الخاصى يعني ارفع درجة لا يصل 4000 جنية
الجماعة قالوا حرروا الاقتصاد للتمكين فالتحرير يتطلب المنافسة الحرة واستقرار سياسي ونحنا فشلنا فية لانه كسيح

فعلا في بلدك سيد ولو تعبت وعانيت ما تنسى برة ولو لونك زي غازي صلاح الدين مع الاحترام ليه فانت نقرو

والتفرقة قد\ تسمعها وبرضو في الاغماق

اعرق ف اسر تشتت بين اغتراب وهجرة والحصاد صفر

ارجو من الجولة ان تهتم بالكوادر المؤهلة والمدربة حاصى التي وفلرها المرحوم نميري وهم الان على معاشات ولا يعوضوا
اما الاخ العبر المننش مش فاهديه لكلمسئول ومنيتعامل بالمحسوبية الضيقة اتقوا الله في الشعب الثابر على بلاكم وارجم من الدولة في يقظتها الاخيرة ابعاد الفاشلين ومحاكمة المفسدين
والله زمان السوداني مكرم واي سفارة تديكتشايرتها لانك راجع لبلدك اما الان فحجث ولا حرج

لا يوجدسوق عمل والجانعات تفرخ انصاف متعلمين لعدم وجود امكانيات وتطوير ولليوممع الطباشير واليعمل تقانات تخذله الكهرباء

مسكين الزول المات ذننبه على الحكام


#1317149 [الحلم الجميل]
5.00/5 (3 صوت)

08-08-2015 08:46 AM
كل الزبالة ترمى للكيزان يا ناس حرام عليكم تعلمون أن السودان محاصر دوليا وإقليميا رغم كل هذا يحاول حكومته جاهدا لتغير الوضع المعيشيي نحن بحاجة للصبر والمصارحة لنخرج بالسودان الى بر الأمان خلي الحركات المسلحة زي ألوان الطيف يجلسوا مع الحكومة حوار بصدق وليس إملاءات خارجية


#1317124 [محمد خليل بلال]
4.94/5 (11 صوت)

08-08-2015 07:39 AM
إمكانية منحه اللجوء فيما لو أثبت أن طرده قد يعرض حياته للخطر، كحكم مبرم بالإعدام ينتظره في السودان مثلاً.طيب اذا حياخد اللجو لانه حكم الاعدام صادر لكل السودانيين هو الاعدام ده الموت ولا شى تانى الجوع برضو بعدم


#1317118 [أبو مهند]
5.00/5 (1 صوت)

08-08-2015 07:18 AM
حاول يجرب حظه و نجح في ذلك علماً بأنه عندما قام بالفعل عارف انو 99-% نتيجتها هي الموت و بهذا الإنجاز وجد الشهرة و احتمال كبيييير يلقي المال و الحاجة البتخلي الإنسان يفضل الموت علي الحياة شئ ما ساهل


#1317088 [معاويـــــــــــــــــــــــــــــــة]
4.50/5 (10 صوت)

08-08-2015 05:41 AM
لعنة الله على الكيزان اينما حلو هذه بلادى وهذا حال شعبها


#1317086 [مهاجـر سـابــق]
5.00/5 (6 صوت)

08-08-2015 05:23 AM
لن اشيد به كما فعل الآخرون ولن اعطف عليه لأنه يحتاج العطف بل اقول عنه انه والأخرون الذين ينتظرون ليعبروا الى انجلترا بأنهم مجرد مغامرون جهلة لا يعرفون اين هى مصلحتهم . واقول عنهم انهم فعلا سوادانيون لأن الذى يفعل فعلتهم هذه لن يكون الا سودانيا لما نتمتع به من عقلية لا يشاركنا فيها بشر قط. تعرفون لماذا ذكرت بأن الذى يفعل ذلك لن يكون الا سودانيا ؟ لأننا جمدنا عقولنا واصبح التفكير فى ما هو اصلح من الأحلام الممنوعة وقنعنا بالتقليد والمحاكاة حتى اطلق علينا لقب الكسالى . ونحن فعلا كسالى فى عقولنا وليس فى اجسامنا . نرجع لحكاية الهجرة الى انجلترا وهى سبب هذه المآسى . طبعا هؤلاء المغامرون سمعوا من من لا ندرى بأن انجلترا الحياة فيها سهلة والذى يذهب الى هناك خلاص انتهت معاناته الدنيوية وانفتحت له ليلة القدر الخ .... . من الأحلام . فى حين لا يدرون ان الأوضاع تغيرت ولم يعد الحال كما كانوا يحلمون لو كانوا يقرأوؤن ويطالعون الأخبار . لا يوجد فرق بين الحياة العملية فى كل دول اوروبا . فالكل يعمل ولازم يعمل ويدفع ضرائب ولا مكان لشخص بالغ سواء كان رجلا أم امراة ان يصير عالة على الدولة . نعم توجد صناديق للمساعدات الأجتماعية ولكن من يغذيها بالأرصدة المالية ؟ انهم العاملون انفسهم وذلك باستقطاع اقساط منهم عندما يعملون . لذلك العملية ليست كما يفهمها هؤلاء المغامرون بأن العملية ساهلة وسوف يغرفون من هذه المساعدات . كلا والف ومليون كلا . الأمر الثانى : طالما ربنا انقذك من الموت فى البحر الأبيض المتوسط لماذا لا تذهب الى اى دولة أوروبيةاخرى ( فرنسا, المانيا مثلا : هنا هو الغباء والكسل الذهنى السودانى الأصيل . مساكين لويعرفون ما ينتظرهم الآن فى انجلترا , لفضلوا الرجوع الى السودان . وانا احكى من تجربة فى الحياة فى اوروبا اكثر من خمسة وثلاثون سنة .


ردود على مهاجـر سـابــق
[ود عبدالله] 08-08-2015 08:30 PM
كلامك سليم مية المية اخونا مهاجر سابق ومن خبير ..تري حتي لو لم يقبض عليه ماذا كان سيفعل ..هل يعتقد بانه سيجد الدنيا فاتحة زراعيها استقبالا له ..هولاء ضل سعيهم ..وخاب فالهم ..لامانع في القول بان السودان صار طاردا ..لكن لايمكن الهجرة لمثل هذه الدول دون موهل تعليمي وخبرات عملية ..حتي اللغة لايتقنها وعمره اربعون عام ..لن يجد رفاهية تذكر في وضعيته ..اذكر قبل فترة شاركنا في معرض باسبانيا ..حضر احد الاسبان يحمل شهادات ذات تخصص في مجال بعينه وطلب منا ايجاد وظيفة له في السودان ..وجدنا كثير من السودانين بلا عمل ..الحياة ليست لعبا ولهوا .. الافضل لهولاء تحمل المعاناة في بلدانهم بدلا من كشف حالهم وحالنا ..لكن لاحياة لمن تنادي؟...

European Union [husseinmusa] 08-08-2015 10:22 AM
العناية الإلهية هي التي أنقذت هذا الشاب من موت محقق..ولكن فلنسأل أنفسنا بصدق ما الذي جعل هؤلاء الشباب بانفسهم نحو رحلات الموت والمجهول في البر والبحر..من أوصلهمالي هذه الدرجة من المعانة والجحيم الذي يعيشونه في أوطانهم..ما قام به هذا الشاب السوداني الذي ذاع خبره في كل أرجاء العالم هو رسالة كالصاعقة ضربت وأحرقت كل الضمئر الانساني لكي يصحا وأن يقوم بدوره ومسيئوليته ويتحرك لإنقاذ هذه الشعوب من الدرك الأسفل من الجحيم الذي أوصلته أنظمة الظلم والطغيان...هذه الحياة ليست ملك لأحد وهذه الأرض خلقها المولي ولم يسجلها باسم أحد..وزي مابقولوا اهلنا أرض الله واسعة....والهجرة سنة الأنبياء والرسل...كلنا هاجرنا قبل زمن بعيد وتركنا أوطاننا التي لم تعد تسعنامننا من وفق ومننامن تعثرو التوفق بيد الله..أعلن عن كامل تضامني معك ..


#1317070 [عبدالحميد عبدالله]
4.75/5 (10 صوت)

08-08-2015 02:26 AM
بقينا مهزله في قنوات الاخبار مركب تغرق في ليبيا معظمهم سودانيين مركب تصل ايطاليا معظمهم سودانيين الشرطه في فرنسا تضرب وتعتقل المهاجريين معظمهم سودانيين القبض علي متسللين في سيناء لاسرائيل معظمهم سودانيين حملات في دبي علي الدعاره والبغاء معظمهم سودانيات .ياريس يا البشير مابتشعر بانك صغير امام رووساء العالم في اي جمع زي حضورك افتتاح قناة السويس الا تهتم لنظرت الروؤساء ليك انك رئيس شعب مشرد ومبهدل ومزلول ياخ انت ماجعلي مابتحرك فيك شي .ويا المعرصين حول البشير انتوا راضين بانكم مهانين وماقادرين ترفعوا راسكم فوق زي بقية الدول وياجيشنا وياشعب راضين من سمعتنا الاتمرمطت في الارض وفي قنوات الاخبار وكل تلفزيونات العالم دي وده كلو عشان شنو الله ينعل ابوك بلد


ردود على عبدالحميد عبدالله
[Omnia] 08-08-2015 05:01 PM
صحي بقينا مهزلة وسط العالم

[صداح] 08-08-2015 01:24 PM
تحزن على سمعة السودان ونظرة رؤساءك ليك ولاتحزن على معاناة اخوتك في الوطن. وترسل لعناتك على بلدك و برضو تتساءل عشان شنو ؟
عندي ليك إجابة لكن ما حتعجبك : عشان في ناس زيك كدا أنانيين بتهمهم الصور والمظاهر ولا تهمهم الحقيقة. تفتكر البشير عشان جعلي عندوا معيار أخلاقي أحسن من غيره ؟ ولا دي عنصرية أو قبلية مبطنة ؟
إنجلترا دي نهضت على استغلال الدول التانية وتحديدا السودان. لمن خلصوا من تجارة الرّق عبر الأطلنطي ( عشرة مليون أفريقي سرقوا من القارة ) قعدوا في بلدهم يشتكوا من اللاجئين . تفتكر هارون كان عندوا حل أحسن ؟ هل انت عارف قصة حياته وليه اتخذ قرار الهجرة ؟ هل عندو خيار رجعة للسودان ؟ هل عندو أسرة او أطفال ؟ تاني لمن تقرأ خبر عن المهاجرين فكر في الحاجات دي ولو رؤساءك ما فاهمينها أشرح ليهم.


#1317046 [الدبابي]
5.00/5 (6 صوت)

08-08-2015 12:48 AM
ههههههههههههههههههههههههههههههههههههههه والله مافي ارجل من السوداني دا كلام يفهموا اي ل حائم في الدنيا وشرف ليكم عبورهم وعبور البطل هارون اثبت للغلوف ديل اننا سودانين بالجد مبروك وحمدلله علئ سلامتك وانا باعدمك كان رجعت ههههههههههههههههههههههههههههههههههههههههههههههههههههههههههه


#1317021 [داوودي]
4.75/5 (3 صوت)

08-07-2015 11:38 PM
الواحد كان بتمنى بحاجة تشده للبلد حضرت مبارة الهلال والمفرب التطواني فرجعت لواقع السودان الكئيب .

هي كرة قدم تحتمل الربح والخسارة ، ولكن ماذا قدمت للفوز لا شيئ .
انا عارف انو ما ليها علاقة بالموضوع لكن بشرى من بشريات بلدنا التي تفتح النفس .


#1317000 [حمد]
4.75/5 (7 صوت)

08-07-2015 10:49 PM
تجده كلما تدكره الحال البائيسه هنا ازداد دافعه للعبور
الوطن اصبخ الموت ارحم من العيش فيه


#1316991 [بالغت يا هارونا]
4.57/5 (8 صوت)

08-07-2015 10:30 PM
اقتباس[....ومات منهم 9 حتى الآن، منهم سوداني آخر وجدوه ميتاً في 29 يوليو الماضي، ووحده هارون نجح بعبور "المانش" من أسفله، مشياً ولأول مرة بالتاريخ.


هارونا صاحب اول انجاز

كتب اسمه باحرف من نور في


بالغت يا هارونا.. اسه لو قعدت في بلداتك ورجيت الخريف دا وزرعت الويكة ومنتجات الخريف وضربت لوبتك وويكتك ومرسك وكجيكك وشطتك وكولك وشربت ليك موية من القربة باردة؟


ردود على بالغت يا هارونا
European Union [كوش] 08-08-2015 08:37 AM
من حق هارون ومجوك وأدروب وكتير من أبناء وطني العزيز .. من حقهم الحلم بحياة رغيده حيث العدالة الإجتماعية التي إفتقدوها في بلاد كوزستان .


#1316990 [ابو الهول]
4.50/5 (15 صوت)

08-07-2015 10:29 PM
لك الله انسان بلادي
ان للسوداني رب يحميه
لقد بعثرونا في ط\كل وادي وهم ينعمون بخيرات يلادي
بلادي التي كانت ..حتى الطير يجيها جعان....و ..و...و
هذا هارون يعبر تحت المانش
وذاك في حدود اسرائيل
واخر تحت عجلات شاحنة في المانيا
واخر يموت متجمدا يالبرد في صقيع ارصفة القاهرة
وآخر...وآخرين و...و....
و30 الف تأشيرة خروج من جمهورية كوزستان لبلاد الله
تركوها لكم ..فاستمتعوا بها يا ابناء الزنى
ولكن ...
قريبا سنعود ..
وسيعلم الذين ظلموا اي منقلب ينقلبون


#1316978 [احمد]
5.00/5 (4 صوت)

08-07-2015 10:07 PM
بى عوارتو دي جاب للباقين الهواء
قفلوها شديد حراسة تقيلة... الناس للاسف بقت مستحيييل تدخل الانجليز بس سبب عوارة الناس المعسكرة في كالييييه


ردود على احمد
[هيرتنا يا هارون] 08-08-2015 08:26 AM
والله طمبجها طمبيج للناس.. هو عمك قايل بعدين بلقى ليهو بعمل ليهو درب تحت الشوك وبيدخل. ما قايل انو فيها كاميرا وامن ومراقبة.
قايتو حير الخواجات


#1316968 [البروف عوف]
4.69/5 (13 صوت)

08-07-2015 09:51 PM
الكيزان طلعو زيت الشعب و حرقو احلامه..تبا للكيزان المنافقين الحراميه مشردين الشعب.. اللهم احرقهم دنيا و اخره.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة