الأخبار
أخبار إقليمية
كلمة السر في الشريك الوطني ..!!
كلمة السر في الشريك الوطني ..!!
كلمة السر في الشريك الوطني ..!!


08-12-2015 02:10 AM
عبدالباقي الظافر

في خواتيم العام ٢٠٠٣ كان وزير الداخلية السعودي الامير نايف بن عبدالعزيز ينظر في اغرب شكوى..فحوي الشكوى ان حكومة السودان تظلم شعبها الصابر..مجموعة من رجال الاعمال السعوديين اشتكو الامير الوليد بن طلال الذي احتكرت احدى شركاته صادر الثروة الحيوانية القادم من السودان ..الشركة العربية لتجارة الماشية كانت تقول ان خطوتها الاحتكارية خفضت اسعار الماشية السودانية في الاسواق السعودية ..الحقيقة تقول ان الامير الثري كان يضع نحو ستمائة دولارا كربح على كل طن مواشي قادم من السودان ..بل في احيان كثيرة يغلق السوق السوداني الذي يملك مفاتيحه حتى تنتعش واراداته للسعودية القادمة من دول اخرى كالصومال وإثيوبيا ..لم يتعاف الصادر السوداني من تلك الخطوة حتى يوم الناس هذا..وكان الخبراء يتسألون كيف تمنح دولة راشدة مثل هذا الامتياز لرجل واحد..كلمة السر كانت في الشريك المحلي..او بمعنى واسع الزول السوداني المستفيد من تلك الصفقة.
امس نشرت الزميلة الراي العام حوارا مع دكتور يوسف السماني وكيل وزارة المعادن ..الحوار كان بشكل كامل عن الاتفاق الذي وقعته وزارة المعادن مع شركة سبيريان الروسية ..الوكيل استغرب من الضجة التي صاحبت هذا العقد الذي تبلغ قيمته حسب الوكيل نفسه مئتي وثمانين مليار دولار..العقد كان مسرح توقيعه بالقصر الجهوري بحضور سياسي وإعلامي كثيف..هل كل العقودات مع الشركات الأخري حظيت بهذا الزخم.

الوكيل السماني حاول التشكيك في مقدرات وقدرات الخبير محمد احمد صابون الذي احتج على الصفقة واعتبرها مجرد سراب ..أوضح الوكيل ان الوزارة وقعت عقدا عمره ثلاثين يوما مع المستشار صابون..هل كان المطلوب من هذا الخبير حفر بئر في ثلاثين ليلة..ولماذا تم توقيع عقد بهذه الغرابة..دكتور صابون خبير في مجال الجيولوجيا والتعدين هذا أمر لا يختلف عليه اثنان..الشركة الروسية رفضت حضوره الاجتماعات ولو بصفة مترجم..الم يكن ذلك مؤشرا لسوء النية من جانب تلك الشركة ..لنفترض ان صابون ليس له اي صفة وظيفية مع وزارة المعادن أليس من حقه ان يمارس دور المحتسب.

دعك من المستشار صابون وزير المعادن السابق الدكتور عبدالباقي الجيلاني اكد في حديث مع اخر لحظة ان تقديرات الشركة الروسية لا يكمن ان يقبلها عقل..وكيل الوزارة نفسه لم يجروء على الجزم بصحة تلك التقديرات ..بل في اكثر من مرة ردد عبارة (الموية تكذب الغطاس)..هل المطلوب من شعبنا الصابر ان ينتظر عدة سنوات ثم تعتذر الوزارة بمنطق ان الشركة لم تحسن السباحة .
اخطر ما في معركة سيبريان ان كلمة السر غير متاحة للناس..مالك الشركة الروسية المنقبة قال ان له شريك وطني وذلك في حديثه للزميلة السوداني نشر امس..وكيل وزارة المعادن نفي المعلومة وقال انه لم ير شريكا وطنيا في كل مراحل التفاوض ولحين توقيع العقد..هنا السؤال المحرج من هو الشريك الوطني ولماذا يخفي هويته ..وكيف لا يظهر في كافة مراحل التفاوض في صفقة بهذا الحجم.. من جانب اخر اعترف الوكيل ان باب السمسرة ليس مواربا في مجال التعدين في السودان.

بصراحة..الشفرة ستتضح ان علمنا من هو الشريك الوطني..ابن حلال يفتح الباب وسلامته الشخصية ليست مضمونة.
(اخر لحظة)
[email protected]


تعليقات 37 | إهداء 0 | زيارات 12628

التعليقات
#1320219 [الشاكوش]
5.00/5 (1 صوت)

08-13-2015 09:53 AM
يقول وكيل الوزارة : ( الشركة الروسية رفضت حضوره الاجتماعات ولو بصفة مترجم..)أليس من الممكن أن تكون الشركة خافت على نفسها من وجود شخص يعرف كل خفايا هذه الشركة وبالتالي سيفتضح أمرهم لذلك رفضوا وجوده ... لأان الوكيل يقول ( دكتور صابون خبير في مجال الجيولوجيا والتعدين هذا أمر لا يختلف عليه اثنان.) وما دام الرجل معترف به من قبل السيد الوكيل وهو الخبير في مجاله ... ثم ... هل من حق الشركة أن ترفض حضوره الإ اذا كان هناك ما تخاف الشركة أن يكشفه الدكتور .. وبعد أن رفضت الشركةأما كان من الأجدر من الوزارة أن تطالب بحضوره الاجتماعات وهذا من حق الوزارة حسب اعتقادي والرجل خبير فى مجاله كما قال الوكيل .... أما كان من الأولى أن يكون هناك شك في الشركة وليس الدكتور ...
وكلام الاستاذ عبد الباقي بأن الشريك الوطني هو كلمة السر أتفق معه لأن الأمر تحس به وكأنه تستر على جهة ما والله أعلم...


#1319978 [sudani]
0.00/5 (0 صوت)

08-12-2015 08:23 PM
لخرطوم: محمد البشاري :
تحصلت «آخرلحظة» على اسم الشريك الوطني لشركة سيبرين الروسية، وكشفت مصادر عليمة لـ«الصحيفة» عن أن الشريك الوطني للشركة الروسية يدعى الأمين خلف الله عبدالله ويملك (5) أسهم في الشركة بينما يملك زوكوفا فلاديمير عن الشركة الروسية(95) سهماً من أسهم الشركة. وقالت المصادر أن مسمى الشركة هو شركة سيبرين للتعدين وتم تسجيلها كشركة في 31 /7 / 2013م ، وأشارت المصادر إلى أن أغراض شركة سيبرين كثيرة من بينها التعدين والتنقيب.

مواضيع ذات صلة:


#1319940 [ود الريف الحريف]
5.00/5 (1 صوت)

08-12-2015 07:04 PM
تصحيح...الدكتور يوسف السمانى حاليا هو المدير العام للهيئة العامة للأبحاث الجيولوجية .........
دكتور سمانى نفسه لا يملك أى معلومات حقيقة عن هذا الموضوع ...
هناك بعض التسريبات تقول أن : اللواء عبدالله حسن البشير هو شريك فى هذه الشركة ... الأيام سوف تكشف كل مغطى
بلد تدار بعقلية دكان الحلة ... سافر أحمد يفتح الدكان أخوه على إلى حين حضوره..........
بلد فى غاية التصدع ........


#1319861 [عبدالله احمد محمد]
0.00/5 (0 صوت)

08-12-2015 04:13 PM
يا اخوانا هى المساتلة بقت على الدهب يا عالم خلونا نشوف الدهب دا بعينا ونسوانا يلبسن غويشات وحويشات يعنى فى جاه الملوك نلوك الصبر غدا لناظره قريب وغريب لوكوا الصبر وكل ظالم ليهو يوم وهنمشى ماليزيا كثير للتحقيق وارجاع حق الشعب الغلبان دا خلونا نتحكر ونتمكن ونتمكر ز.. صابون ما رياك اظهر لنا بمقال بان ان طلعوك الجماعة زول ساى


#1319825 [التكي تاكا]
0.00/5 (0 صوت)

08-12-2015 03:13 PM
الشريك شركة من شركات عبدالله البشير الذي قام من قبل بتحويل قرض روسي الي احدي شركاته


ردود على التكي تاكا
[الهادي سيد] 08-12-2015 10:11 PM
يعني المسألة فيها تسوية مقابل القرض الروسي.
يعني يرهنوا موارد البلد لتسديد القروض,مثلما فعل خديوي مصر برهن بعض الأصول العامة لمصر مقابل القروض التي إقترضها من البنوك الأوربية. و بعداك جات الطامة.
من يكون عبدالله البشير دة؟! و االله عجيبة!!!


#1319821 [سيف الدين خواجة]
5.00/5 (1 صوت)

08-12-2015 03:03 PM
استاذ عبد الباقي انا لا اعرف اسم الشريك الوطني ولكن المعلومات تقول كل المسوحات للمعادن محددا سلفا ومحددة في وزارة المعادن لمن ويقال ان الشريك او الشركاء في عمارة معينة لا اعرف مكانها بصراحة كل الثروة موزعة قبل الاستخراج والدليل اين اموال البترول السودان مستباح بقراصنة المؤتمر الوطني !!!


#1319807 [سوداني بس]
0.00/5 (0 صوت)

08-12-2015 02:39 PM
البشير !!!!!!!!!!!!!!!!!!!!!!!!!


#1319795 [ALMAHI]
0.00/5 (0 صوت)

08-12-2015 02:25 PM
الموضوع كبير يا جماعه


#1319783 [سؤال برئ]
0.00/5 (0 صوت)

08-12-2015 02:09 PM
للاخوان اللي ما عندهم شغلة غير ترديد السودانيين اجبن شعب .. اقول ليهم الفهم قسم. خلاص الشعب السوداني الفيهو اتعرفت تعالو انتو ورونا رجالتكم!!!


#1319767 [الحقيقة]
0.00/5 (0 صوت)

08-12-2015 01:48 PM
يبدو أن شيخ اللمين أمر الجن للبحث عن الذهب فوجدوه جبال جبال تحت الأرض فأتوا بالروس وسجلوا لهم شركة بالسودان (هده الشركة ليست مسجلة في روسيا) واليوم لا يستطيع أحد لا البرلمان ولا مفوضيات الفساد فتح هذا الموضوع أو حتى الإشارة إليه.


#1319755 [الكونت]
1.00/5 (1 صوت)

08-12-2015 01:22 PM
يا اخوانا اول حاجه خلو الظافر ده يعرف لينا د.يوسف السماني وظيفتو شنو في وزارة المعادن وبعد داك يجتهد ليكم في من هو الشريك الوطني.


#1319751 [صديق الشيخ حمد النيل]
0.00/5 (0 صوت)

08-12-2015 01:16 PM
ويعنى هسى لو وريناكم الشريك حا تعملوا شنو؟ شعب شمارات ورايح شمار فى مرقه


ردود على صديق الشيخ حمد النيل
European Union [nagatabuzaid] 08-12-2015 06:16 PM
يا صديق الشيخ حمد النيل ما قلت إلا الصدق يعنى حنعمل شنو نقعد نورجغ وخلاص


#1319741 [shosho]
0.00/5 (0 صوت)

08-12-2015 01:01 PM
All of them are dogs


#1319739 [محمد بابكر]
5.00/5 (1 صوت)

08-12-2015 01:00 PM
دهيرين تعرفو الشريك الوطنى عشان تعملو شنو يعنى ؟؟؟؟؟؟؟؟؟؟؟؟؟؟؟؟؟؟؟؟؟


#1319686 [ود الضهبان]
0.00/5 (0 صوت)

08-12-2015 11:38 AM
ألا تعلمون أن ( شيخ اللمين ) هو الشريك الواطي للشركتين (الفرنسية) و (الروسية) اللتا وقعتا علي العقدين خلال 48 ساعة ...


#1319684 [Sarah]
0.00/5 (0 صوت)

08-12-2015 11:35 AM
منو غير عبدالله البشير؟


#1319680 [ود الضهبان]
0.00/5 (0 صوت)

08-12-2015 11:26 AM
للمعلومية ...... الشريك الوطني للشركتين اللتين وقعتا العقود في ظرف 48 ساعة الشركة ( الفرنسية) و الشركة ( الروسية ) هو ( شيخ اللمين ) ومعروف أن أعوان ( شيخ اللمين ) هم أولاد ( البشير ) و الفريق ( طه عثمان ) مدير مكتب الرئيس .وإنت يا أستاذ عبد الباقي الظافر تعلم هذا جيدآ.
نقطة سطر جديد


#1319656 [ودالشمالية]
0.00/5 (0 صوت)

08-12-2015 10:54 AM
لماذ إلهاء الناس بالبحث عن الشريك؟؟؟؟؟.....ألم تكن هذه الشركة مسجلة لدي المسجل التجاري؟؟؟....بسيطة أكيد الشريك الثاني اسمو مكتوب...ودي ما القضية؟ القضية، هل هذه الشركة الروسية معروفة في روسيا؟ الها سابق خبرة في مجال التنقيب عن الذهب؟ وهل فعلا الدراسات التي اجريت اتبعت فيها المعايير العلمية والعملية؟ بمعني هل هي دراسة جدوى حقيقية؟


#1319636 [العركى]
0.00/5 (0 صوت)

08-12-2015 10:20 AM
انظر الى الصورة تجد الشريك


#1319625 [الفجري داك]
5.00/5 (1 صوت)

08-12-2015 09:51 AM
هي دايرة معرفة منوا الشريك ،
ياناس باهوي !!!!! انسرق كل ما على سطح الأرض وباطنة تبقى القليل بعد البترول
وعايرة أدوها ســـــــــوط .


#1319623 [yassirsalih]
0.00/5 (0 صوت)

08-12-2015 09:48 AM
نفايات


#1319616 [الانصارى الخزرجى]
0.00/5 (0 صوت)

08-12-2015 09:39 AM
اذا لم يكن هناك ماء فكيف يتثنى لنا الغطس ؟؟


#1319600 [عثمان]
5.00/5 (2 صوت)

08-12-2015 09:18 AM
شريك الوليد /عبدالله البشير في صادر المواشي ,شريك سايروس في ارياب عبدلله البشير شريك شركة النصر في اعمار الجنوب ايام اتفاقية السلام على البشير وعلى هذا الاساس تنهب ثروات باطن الارض بعد ان نهبت ثروات ظاهرها ,بالمناسبة في عقد ترحيل فحم حجري من مصفاة الخرطوم الكوز متعاقد مع الحكومة ب 10 دولار ولايملك شاحنة واحدة ويبيع نقل بالعمولة للمرحلين ب7 دولار 3 دولار او 30% من قيمة العقد بدون مجهود.ووا اسفا عليك وطني ملحوظة:بعض الاموال تخصص لشراء زمم ضعاف النفوس عثمان عمر الشريف ,احمد بلال نوذجاً


#1319595 [محمد]
5.00/5 (1 صوت)

08-12-2015 09:12 AM
من هو الشريك الوطنى لمجموعة عارف الكويتية؟!.... يبدو أن الأشتاذ الفاتح جبرة سيحظو بفرصة جيدة لأضافة واوِ جديدة لواواته النمطاولة المتقادمة,


#1319594 [عبد الجبار احمد]
5.00/5 (1 صوت)

08-12-2015 09:11 AM
أكيد واحد من اخوان البشير يكون طرف في الموضوع
أبحثوا عن أقرباء الرئيس


#1319577 [عبده]
0.00/5 (0 صوت)

08-12-2015 08:52 AM
.

منو الشخصية الكانت حاضرةالتوقيع
وأثار حضورها الكثير من الإستغراب
والتساؤل.....؟



.


#1319566 [أبو أحمد]
5.00/5 (2 صوت)

08-12-2015 08:39 AM
إبن حلال يفتح الباب!!!!! هو أولاد الحرام خلو لأولاد الحلال حاجة


#1319561 [مدحت عروة]
1.00/5 (1 صوت)

08-12-2015 08:34 AM
الدلاهات والاغبياء والجهلاء والفاقد التربوى يقولوا ليك تعويضات اراضى ام دوم بتاعة آل المهدى مع انها ورثة فيها من الرجال والنساء والاطفال والحكومة الانتقالية هى التى اقرتها وليست حكومة الصادق المهدى المنتخب وما عارف الرخص للتجار من مبارك الفاضل او رخص عربات وما عارف شنو بالله عليكم الله قارنوا فساد الانقاذ او الاسلامويين بفساد الديمقراطية الكانت الجرايد تكتب عنه ومافى زول بيصادرها او يمنعها من الكتابة ومعروف ان فساد الديمقراطية محدود والمعارضة موجودة والصحف الحرة موجودة الخ الخ!!!
كسرة:عليكم الله زول يقول ليك الحكومات العسكرية او العقائدية بتاعة الحزب الواحد المسيطر على كل شىء فى الدولة احسن من الديمقراطية مش حقو زول زى ده توديه لمستشفى الامراض العقلية؟؟؟؟
كسرة تانية:الحكومات الدلاهة والعواليق الغبية الجاهلة هى التى تغنى وترقص للكبارى والطرق وهلم جرا بل غنوا ورقصوا للطوب لو تتذكروا ابوعبيدة حسن فى نشيده ايام مايو البيقول فيه الشعب يبنى والامة تبنيها شعوبها يا مايو عمل حققنا امل والرقم وصل مليون طوبة بالله عليكم الله اتخيلوا مدى العبط والغباء مع انه الرجال العظماء والثورات العظيمة ما بيبنوا الكبارى والطرق والطوب وهلم جرا بل بيبنوا بناء دستورى وسياسى يخلق الاستقرار والتداول السلمى للسلطة ومؤسسات الحكم وبعد داك البناء المادى والبشرى بيتعمل من القطاعين الخاص والشركات والحكومة فى ظل الحرية وسيادة القانون والتنافس الحر الشريف والاعلام الحر ما اصلا الغبى غبى والدلاهة دلاهة وما اكثرهم فى بلادى!!!


#1319560 [قصي]
0.00/5 (0 صوت)

08-12-2015 08:33 AM
كل واحد يقول نظرية مرة الشعب طيب مرة السودانين ما بتاعين مشاكل بس الانقاذ فهمة تركيبة الشخصية السودانية 100% وعارفكم اجبن شعب وكفى


#1319519 [د. هشام]
0.00/5 (0 صوت)

08-12-2015 07:41 AM
"من هو الشريك الوطني"؟!....جابت ليها شريك وطني؟.........باظت!!!!


#1319504 [محمد الفاتح]
0.00/5 (0 صوت)

08-12-2015 07:16 AM
مصيبتنا أننا بين سندان المؤتمر الوطني ومطرقة الحزب الشيوعي إي أننا نراوح مكاننا بين حزب بن سلول وفرعون العصر


#1319500 [اغبش]
0.00/5 (0 صوت)

08-12-2015 07:13 AM
بلد وسخ
وطن هذا ام مبغي ؟


ردود على اغبش
European Union [nagatabuzaid] 08-12-2015 06:22 PM
اتكلم كويس


#1319497 [jafal]
0.00/5 (0 صوت)

08-12-2015 07:12 AM
وأخوانه


#1319495 [صادميم]
0.00/5 (0 صوت)

08-12-2015 07:07 AM
كيف تقول ان الشريك الوطني لم يظهر الم يحضر البشير مراسيم توقيع العقد وهو يعتبر ممثلاً للشريك الوطني الذي هو واحد من اشقائه او ربما أشقاءه كلهم لان الضربة او البلعة كبيرة جداً


ردود على صادميم
European Union [سكران لط] 08-12-2015 04:11 PM
هههه سيدي بي سيدو يا صادميم دال باء


#1319492 [hasco]
5.00/5 (1 صوت)

08-12-2015 07:00 AM
هو في شريك سوداني لكن ما وطني هو مؤتمر وطني .


#1319491 [Ehab]
0.00/5 (0 صوت)

08-12-2015 06:52 AM
ودي عايزه درس عصر يا الظافر ... يعني توقيع في القصر الجمهوري وبحضور رئيس سارق سلطه تفتكر كدا بي الفهلوه الشريك الوطني حيكون منو ؟؟؟ عشان نكسب الزمن شيل كلمة شريك وضع مكانها موءتمر متمثلاً في أحد الطفيلين الجدد في مجال الأعمال يعني ممكن يكون علي البشير أو عبدالعزيز عثمان أو عبدالباسط حمزه ..استبعد يكون جمال الوالي بس أي شي وارد ... الأسماء الوارده على سبيل المثال اللسته تحتوي على أسماء عديده بس في النهايه الموءتمر اللاوطني شريك أساسي في أي مال للوطن وفي النهايه سارق السلطه يقول جيبوا دليل على الفساد ....


#1319479 [الكاككه]
5.00/5 (2 صوت)

08-12-2015 03:25 AM
إنت عارف يا الظافر لكن جبان... والصحفي مفروض مايبقي جبان...


ردود على الكاككه
[غسان بابكر] 08-12-2015 01:38 PM
متأكد إنه عارف يا مدير..

[الكاككه] 08-12-2015 01:36 PM
أنا متأكد إنه عارف...

European Union [orass] 08-12-2015 09:45 AM
الراجل جايز يكون ما عارف .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (2 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة